مَلِكُ الضَادُ عْلَي كُرّسِيِ الّقَاضُ

[عطر الجنة]

امبارح يا سكوربى زى منت عارف الخميس .. اخدت ستيتة و رحنا قعدنا تحت شجرة التوت ..

ستيتة طلبت انى احكى لها حدوته و هى قاعدة جنب المروحة ..

معرفش ليه اختارت حدوتة الاقزام الخمسة مع سنوفحلقى ..

كلمة فحدوتة مر علينا بياع الهدايا ..

معرفش ليه جيت على بالى ..

اشتريت لك دى ..

 

[عطر الجنة]

 

بس .. بس .. بس

مبسوط يا استاذ طارق ..

قعدت تقول بس ..

لغاية البسس متجمعت علينا

 

 

ينفع ..

 

اتصرف .. عشان انا بخاف ..

[tarek hassan]

 

مبسوط يا استاذ طارق ..

قعدت تقول بس ..

لغاية البسس متجمعت علينا

 

 

ينفع ..

 

اتصرف .. عشان انا بخاف ..

 

 

أنا قلت 

بَس 

ومقولتش 

بِس بِس بِس بِس 

[عطر الجنة]

 

أنا قلت 

بَس 

ومقولتش 

بِس بِس بِس بِس 

 

دى مخلوقات رقيقة ..

حضردتك عاوزهم يثقفوا و يعرفوا الفرق بين الفتحة و الكسرة ..

من فضلك قولهم يمشوا ..

انا واقفة على باب المنتدى من الصبح و مش عارفة ادخل ..

[tarek hassan]

دى مخلوقات رقيقة ..

حضردتك عاوزهم يثقفوا و يعرفوا الفرق بين الفتحة و الكسرة ..

من فضلك قولهم يمشوا ..

انا واقفة على باب المنتدى من الصبح و مش عارفة ادخل ..

إنتي جايه ليه النهاردة السبت أجازة

ويوم التلات أجازة

يعني بلاها الأسبوع ده

روحي وأنا قاعد هنا مكانك أهه

حتى الأستاذ سكربيون هيقفل الموضوع خلاص

وربنا ما يحكمك على ...... مدرسين لغة عربية

[أبو محمد]

بسرعة يا بنى .. هات واحد قهوة مضبوط للأستاذ طارق

وبيِّن سبب الضبط

[Scorpion]

الحلقة السادسة

 

ما أن تخرج مدام سلوي و معها سكوب من غرفة الإدارة حتي يجدا بقية الفريق في انتظارهم .. و في نفس اللحظة يصدر منهم هذا السؤال :

- هاااا ؟

سكوب متألمآ : كيس تلج بسرعة و النبي يا جماعة

تشد عبير سكوب من ذراعه و هي تهزها بقوة : قال ايه ؟

سكوب صارخآ  من الألم : يا مدام عبير .. يا مدام عبير .. عمال اقول كيس تلج .. مش شايفة دراعي وارمة ازاي .. المرة دي نشن الخرامة صح علي دراعي

أبو محمد : ما انت عندك دراع تانية .. ابقي استخدمها يا اخي .. إخلص .. قال ايه ؟

مدام سلوي بكل هدؤ رافعة رأسها بشموخ : ليه و انتو كان عندكم شك .. وافق طبعآ ..

سكوب :  يا سلام عالثقة .. ايزنهاور يا ناس  ..

 

زفرة إرتياح من الجميع ..

 

تلملم مدام سلوي أوراقها و هي توجه حديثها لمدام عبير و مدام عطر :

- ياللا بقي يا  بنات .. همتكم بقي .. دوروا علي اي حجة تقنعوه بيها تخليه ييجي يقابل الأستاذ عادل

 

عطر : تقنعوه ؟؟!  و نقنعه احنا ليه ؟ و من إمتي إحنا لينا علاقة بالمواضيع الإدارية دي ؟

سكوب : علي أساس يعني انكم ماسكين كانتين المحاورات ... هو انتو برضه مش في الأدارة معانا و الا كانوا بيضحكوا عليا في الفترة اللي فاتت دي كلها ؟

عبير : - أيوه يا سكوب .. بس اصله يعني احنا عمرنا ما قربنا من المواضيع دي .. من ساعة ما دخلنا هنا و احنا بنشتغل  إشراف و تنسيق و بس .

سكوب : خلاص نغير اللوجو بتاع المحاورات و نخليه  المحاورات إشراف و تنسيق و إصلاح .. بقولكوا ايه .. انا مالياش دعوة .. دي  تعليمات الريس شخصيآ

تشهق عطر : السيسي ؟

سكوب : سيسي ايه ؟ الريس بتاعنا هنا .. الأستاذ عادل

عبير : يعني عايز تفهمني يا سكوب ان الأستاذ عادل حددنا احنا الأتنين بالأسم ... يعني قال عطر و عبير هما اللي يتكلمو مع طارق  ؟

سكوب :  آه و النيعمة

عطر : اقطع دراعي ان مكانش ده مهموز منك  يا سكوب

سكوب : لا الله الا الله ..  و اهمزكم ليه من اساسه يا بنتي ...

مدام سلوي :  لأ يا بنات ... ده فعلآ كان كلام الأستاذ عادل بجد .. ده حتي سكوب سأله اذا كان هو اللي يروح يكلم طارق فرفض و حددكم انتم بالأسم .. كان عايز يشيل الشك من نقطة معينة ...

عبير : شك ؟؟ شك ايه و في مين ؟

أبو محمد : هي ايه المشكلة بالظبط ؟؟ و ليه اللوكلوك لوكلوك ده كله .. الراجل قال تروحوا تكلموه .. يبقي تروحوا تكلموه ... هو انتوا حتكلموا رئيس عصابة ... ده طارق

- طيب طيب خلاص .. حنكلمه .. حد معاه رقم تليفونه

- لأ

- طيب حنتواصل معاه ازاي بس

أبو محمد  : يا سلام .. يعني دي مشكلة .. لما تلاقوه أونلاين أعملولو دعوة لغرف الدردشة .. و دردشوا راسه لحد ما تقنعوه بأي حجة تخليه يجي الإدارة هنا .. و لما ييجي يبقي يتعامل معاه بقي الأستاذ عادل ... صعبة ؟

- لأ مش صعبة .. بس ايه هي الحجة اللي حنقنعه بيها انه ييجي

- مش مشكلتي  بقي .. يعني حتغلبوا تلاقوا واحدة .. اتصرفوا

- طيب طيب ..

 

في غرفة المشرفين :

-  و بعدين يا عطر في الوقعة دي .. عندك حجة

- هو احنا مش من ضمن اسباب اختيارنا ليه موضوع العربي

- يعني حنطلب منه يعني ييجي يعربلنا جملة في الإدارة ؟

- لأ .. بس ممكن نقوله ييجي يدينا دروس

- صح ... اهه دخل أونلاين .. اعمليله دعوة ..

- ما تعمليها انتي .

- خلاص نبعتله احنا الأتنين في نفس الوقت

 

ما ان يفتح طارق جهازه الا ويجد ارقام فوق صندوق رسائله تلفت نظره الي رسائل يجد بها دعوة متكررة للدخول غرفة الشات ..

- و دول عايزين مني ايه دول ؟ .. و ايه اللي يخللي بتوع الأشراف يستدعوني .... هو انا غلطت في ايه ؟ .. و لا شوطت في قاعدة و انا ماشي كسرتها من غير ما آخد بالي .. الله .. ده ايه القلق ده عالصبح ؟

 

دعوة اخري 

يفتح طارق غرفة الدردشة متوجسآ .. 

- السلام عليكم .. أنا هنا .. فيه ايه .. خير ؟

- صباح الخير يا طارق

- صباح النور .. مين ؟

- إحنا ...

- أيوه .. انتو مين يعني ؟

- عبير و عطر

- أشرقت الروائح ... عبير و عطر مين ؟

- اللي لسه مصبحين عليك كام سطر فوق 

- أيوه يعني المفروض اني اعرف أصل و فصل اي حد بيصبح عليا  و عايز مني ايه يعني و الا ايه ؟

- يا استاذ طارق .. انت مش واخد بالك ان اسمنا مكتوب بالأزرق  .. إحنا عبير و عطر المشرفات في المحاورات

- تشرفنا يا افندم ...  عملت انا ايه بس علشان مشرفات المحاورات يستدعوني في غرفة الدردشة

- يا سيدي الموضوع ببساطة اننا ..  فريق المشرفين يعني .. عندنا مشكلة مع الأستاذ سكوربيون علشان ضعيف شوية في العربي .. املا و نحو و كده يعني

- متأكدة انه الأستاذ سكوربيون بس .. حاكم انا بيركبني ميت عفريت كل مرة بشوف البلاوي اللي بيكتبها مشرفين تانيين مش هو بس 

- ما علينا .. الموضوع و ما فيه  اننا  عايزين نعرف لو حضرتك فاضي تيجي تدينا دروس تقوية و تشيل شوية مع الأستاذ ابو محمد في الموضوع ده 

طارق مبتسمآ  : سبحان الله ... و يرزقكم ما حيث لا تعلمون ... لسه فيه حد بيحتاج دروس خصوصية في العربي ... انا موافق طبعآ .. حد يرفض الرزق ...  بالأضافة انها رسالتي كمعلم  .. تلك التي اتخذتها نبراسآ لي في اداء دوري في تعليم أجيال و اجيال بكل الحب و الإهتمام اللائق بها .. رسالة حياة .. و يسعدني ان أقوم بها أيضآ من خلال صرح في مقام المحاورات ... لكن بالصلاة عالنبي  الدفع حيكون ازاي ؟

- دفع ؟.. دفع ايه ؟؟

- عرقي .. يعني حيبقي عالراس و لا عالساعة و الا لوكشة واحدة .... و الا مافيش دفع من اساسه ... ايه نظامكم ؟

- هه ؟؟ دفع  !! (ضحكة مكتومة بينهما ) ..   لأ فيه ... ا أ أ أ .. فيه طبعآ ... بس احنا مالناش في  الجهة المالية و الإدارية .. الكلام ده حيناقشك فيه الأستاذ عادل شخصيآ لما تيجي تقابله .. 

 - و هو كذلك ... نتقابل بقي امتي و فين ؟

- بكره الساعة 4 الفجر حتلاقي عربية بونتياك سودا مستنياك علي مدخل السلوم .. حتجيبك و ترجعك

- و السواق حيعرفني ازاي ؟

عبير : ابقي البس بدلة فحلقي 

- فحلقي ؟؟!!

عطر : فحلقي ايه بس يا عبير .. انتي حتعملي زي سكوب .. هو فيه لون فحلقي من اساسه

-عبير : أيه ده .. هو مش لون ؟ ده انا افتكرت بجد انه لون لما شفتكوا بتتناقشوا عليه ..

- لأ طبعآ مافيش الكلام ده .. عمرك شفتي واحدة لابسة تايير فحلقي مثلآ

- بالحق ... بمناسبة التاييرات .. خدتي بالك  من اللي كان علي مدام سلوي المرة اللي فاتت

- انهي واحد .. ما تاييريها تها  كلهم تحفة  ..

- التايير ده .. ابو كولة عاملة شكل ..

يقاطعهم طارق :  يا هوانم .. ايه النظام ؟

لحظة سكوت 

عطر .: ابقي البس كرافتة زرقا يا أستاذ طارق و ابقي قول له كلمة السر

- كلمة سر .. ايه شغل المخابرات ده .. و علي ايه اسرار و مواويل ؟

- ده النظام عندنا .. موافق و الا لأ ؟

- موافق موافق .. ايه هي كلمة السر بقي ان شاء الله

- طلع الفجر و ذهب الليل و العصفور صوصو ..

[عطر الجنة]

 

 

ابقي البس كرافتة زرقا يا أستاذ طارق

كرافتة زرقا و انا المعمم ..

 

ابقي قول له كلمة السر

طلع الفجر و ذهب الليل و العصفور صوصو .

يا ترى هم قالوا ..
طلع الفجر و ذهب الليل و العصفور صوصو .

 

ولا

ذهب الليل و طلع الفجر و العصفور صوصو ..

هو الليل الاول و لا الفجر

[tarek hassan]

 

يا ترى هم قالوا ..

طلع الفجر و ذهب الليل و العصفور صوصو .

 

ولا

ذهب الليل و طلع الفجر و العصفور صوصو ..

هو الليل الاول و لا الفجر

 

 

خلافك علشان

الليل والفجر .. والصوصو والنونو

مش معايا

أريح أنا شوية

[tarek hassan]

عبير : يعني عايز تفهمني يا سكوب ان الأستاذ عادل حددنا احنا الأتنين بالأسم ... يعني قال عطر و عبير هما اللي يتكلمو مع طارق  ؟

مدام سلوي :  لأ يا بنات ... ده فعلآ كان كلام الأستاذ عادل بجد .. ده حتي سكوب سأله اذا كان هو اللي يروح يكلم طارق فرفض و حددكم انتم بالأسم .. كان عايز يشيل الشك من نقطة معينة ...

عبير : شك ؟؟ شك ايه و في مين ؟

بما أني تعلمت في الأزهر منذ الصغر

والتعليم الأزهري مفيش فيه اختلاط

يعني مشفتش فيه ست كمدرسة ولا بنت كطالبة طوال الدراسة 

لم نتعامل أو نتحاور مع الجنس الآخر حتى تخرجنا من الجامعة

يعني التعامل متأخر وبدون خبرة 

مش عارف ليه مصعبين الموضوع عليا 

طيب 

الأستاذة : عبير مش خايف منها .... 

بس ..

بس ..

بس ..

هي أكيد جايه ..؟!

[عطر الجنة]

 

بما أني تعلمت في الأزهر منذ الصغر

والتعليم الأزهري مفيش فيه اختلاط

يعني مشفتش فيه ست كمدرسة ولا بنت كطالبة طوال الدراسة 

لم نتعامل أو نتحاور مع الجنس الآخر حتى تخرجنا من الجامعة

يعني التعامل متأخر وبدون خبرة 

مش عارف ليه مصعبين الموضوع عليا 

طيب 

الأستاذة : عبير مش خايف منها .... 

بس ..

بس ..

بس ..

هي أكيد جايه ..

 

يسلام ..

مش كفاية قلت ان الثلاثاء اجازة ..

على فكرة احنا مش بناخد اجازة نُهائيا ..

و بعدين هو عشان انا بخاف و بترعب من القطط تمسكها ذلة ..

طيب طيب .. خد دى ..

انا بخاف من مدرسين العربى كمان ..

ليه .. لانى كنت برسب فى النحو .. صفر من 8 ..

تقدر تقول كانت درجات نهائية فى كل فروع العربى الا النحو ..

عدوى الاول ..

اعرب ما فوقه خط ..

تذكر كرافت ازرق

[tarek hassan]

يسلام ..

مش كفاية قلت ان الثلاثاء اجازة ..

على فكرة احنا مش بناخد اجازة نُهائيا ..

و بعدين هو عشان انا بخاف و بترعب من القطط تمسكها ذلة ..

طيب طيب .. خد دى ..

انا بخاف من مدرسين العربى كمان ..

ليه .. لانى كنت برسب فى النحو .. صفر من 8 ..

تقدر تقول كانت درجات نهائية فى كل فروع العربى الا النحو ..

عدوى الاول ..

اعرب ما فوقه خط ..

تذكر كرافت ازرق

 

 

يعني مدرس العربي ينجحك

في التعبير

وفي القراءة

وفي النصوص

وفي البلاغة

وفي الأدب

وتخافي من مدرسين العربي عشان النحو 

 

مش مهم درجة النحو 

المهم إنك بتكتبي بالنحو 

وبتقولي شعر 

هو فيه نحو بعد كده 

 

وهو طبيعي المادة اللي أنا ضعيف فيها بكرهها وأكره مدرسها 

إلا إذا فهمها ليه وسهلها عليه 

 

وبالنسبة للكرافت الأزرق 

حاضر

[tarek hassan]

اللغة العربية مني نطقا 

ملف صوتي 

ورجاء بدون تصفيق حتى انتهي من كلمتي 

 

http://www.up-00.com/?uaHj

 

في حفل تقاعد

والمجاملات لرفع الروح المعنوية مطلوبة 

[Advisor]

اللغة العربية مني نطقا 

ملف صوتي 

ورجاء بدون تصفيق حتى انتهي من كلمتي 

 

http://www.up-00.com/?uaHj

 

في حفل تقاعد

والمجاملات لرفع الروح المعنوية مطلوبة 

ايه ده. ايه ده. علشان. اسمع مداخلتك ادفع جنيه كل يوم ل فودافون حضرتك. حتقسم معاهم ... مشرفين آخر زمن. جنيه في اليوم يا راجل. و اضرب في عشرتلاف عضو. يوه يوه يوه !

[باهى الطائر الحزين]

ايه ده. ايه ده. علشان. اسمع مداخلتك ادفع جنيه كل يوم ل فودافون حضرتك. حتقسم معاهم ... مشرفين آخر زمن. جنيه في اليوم يا راجل. و اضرب في عشرتلاف عضو. يوه يوه يوه !

 

لحلوح بحاله !

انا بقول تصرفوا نظر عن الموضوع ده

وبارك الله فيما زرق ...

[باهى الطائر الحزين]

 

يعني مدرس العربي ينجحك

في التعبير

وفي القراءة

وفي النصوص

وفي البلاغة

وفي الأدب

وتخافي من مدرسين العربي عشان النحو 

 

مش مهم درجة النحو 

المهم إنك بتكتبي بالنحو 

وبتقولي شعر 

هو فيه نحو بعد كده 

 

وهو طبيعي المادة اللي أنا ضعيف فيها بكرهها وأكره مدرسها 

إلا إذا فهمها ليه وسهلها عليه 

 

وبالنسبة للكرافت الأزرق 

حاضر

 

 

علي الفية ابن مالك عدل

ههههه

[tarek hassan]

ايه ده. ايه ده. علشان. اسمع مداخلتك ادفع جنيه كل يوم ل فودافون حضرتك. حتقسم معاهم ... مشرفين آخر زمن. جنيه في اليوم يا راجل. و اضرب في عشرتلاف عضو. يوه يوه يوه !

 

زعلتني يا أستاذ : عادل 

إنها جت فيك .... معلشي 

مكنتش أنت المقصود بالغرامة دي 

[tarek hassan]

لحلوح بحاله !

انا بقول تصرفوا نظر عن الموضوع ده

وبارك الله فيما زرق ...

 

أنت مش هتنفع الشركة يا حاج 

اسمع يا راجل 

http://www.up-00.com/?uaHj

[tarek hassan]

علي الفية ابن مالك عدل

ههههه

 

قال ابن مالك

 

وأستعين الله في ألفية ** مقاصد النحو بها محوية

 

هينفع 

[باهى الطائر الحزين]

 

أنت مش هتنفع الشركة يا حاج 

اسمع يا راجل 

http://www.up-00.com/?uaHj

 

 

 

كلمة جميلة معبرة

مثال لموظف بيروقراطي منضبط

ههههه

بجد برافو عليك لديك ملكه في الخطابه

بيقولوا خطيب مفوه ..

ع فكر

لعملاء اتصالات ببلاش