مَلِكُ الضَادُ عْلَي كُرّسِيِ الّقَاضُ

[tarek hassan]

ده بجد بقي !

 

[عادل أبوزيد]

الفاضل سكوربيون أعذرهم كلهم تقريبا مستجدين لم يتذوقوا متعة متابعة حلقات معلهش. اللي ما يعرفك يجهلك

صافي يا لبن ؟

[Scorpion]

 

خلاص تنزل المرة دي .. انما المرة الجاية لا مونكن أبدان ..

 

هزار علي جنب .. الواحد مزنوق حبتين مع كام شخصية "من اللي هما يعني" موجودين هنا اليومين دول و حيمشوا بكره .. و بعد بكره  ان شاء الله حننزل بالحلقة الأخيرة .. الحلقة الني حيرت العلماء و النبهاء و كل من قال ماء .. فسيبوا الريموت و ما تغيروش القناة .. و ان كان و لابد .. نزلوا كام فايل اوديو تتسلوا بيه ..

[عادل أبوزيد]

 

 

خلاص تنزل المرة دي .. انما المرة الجاية لا مونكن أبدان ..

 

هزار علي جنب .. الواحد مزنوق حبتين مع كام شخصية "من اللي هما يعني" موجودين هنا اليومين دول و حيمشوا بكره .. و بعد بكره  ان شاء الله حننزل بالحلقة الأخيرة .. الحلقة الني حيرت العلماء و النبهاء و كل من قال ماء .. فسيبوا الريموت و ما تغيروش القناة .. و ان كان و لابد .. نزلوا كام فايل اوديو تتسلوا بيه ..

 

أفهم من كدة إن حضرتك حتشتغل نص لبة !!

[Scorpion]

ما هو يا استاذ عادل حلقات المشرفين بتنتهي دايمآ علي ايديك ...

قصدي لما المشرف من دول  بيتجرجر من مكانه ايآ كانت الوسيلة بقي اللي اتجرجر بيها ..   و بيخش كهف باتمان اللي بنشتغل منه و بيقابل الراجل الكبير و يمضوا العقد ..

خلاص بقي مشرف .. و ما بقاش فيه حاجة تتضاف ...

 

آه و ربنا هي كانت دايمآ كده ..

الا بقي لو حضرتك عايزنا نغير النظام المرة دي .. ماعنديش طبعآ اي مانع .. ابويا الله يرحمه  علمني اسايس دايمآ المدير .. فأنا تحت امرك .. 

بس حضرتك شايف .. عمالين يشتغلوا علي حسي .. و لما الواحد بيطلب علاوة علي المرتب اللي احنا اساسآ ما بنشمش ريحته  .. حضرتك بتقول الميزانية ما تسمحش ..

 

هاااااا .. نشتغل و لا نخلينا ماشيين عالنظام المعتاد 

[باهى الطائر الحزين]

ما هو يا استاذ عادل حلقات المشرفين بتنتهي دايمآ علي ايديك ...

قصدي لما المشرف من دول  بيتجرجر من مكانه ايآ كانت الوسيلة بقي اللي اتجرجر بيها ..   و بيخش كهف باتمان اللي بنشتغل منه و بيقابل الراجل الكبير و يمضوا العقد ..

خلاص بقي مشرف .. و ما بقاش فيه حاجة تتضاف ...

 

آه و ربنا هي كانت دايمآ كده ..

الا بقي لو حضرتك عايزنا نغير النظام المرة دي .. ماعنديش طبعآ اي مانع .. ابويا الله يرحمه  علمني اسايس دايمآ المدير .. فأنا تحت امرك .. 

بس حضرتك شايف .. عمالين يشتغلوا علي حسي .. و لما الواحد بيطلب علاوة علي المرتب اللي احنا اساسآ ما بنشمش ريحته  .. حضرتك بتقول الميزانية ما تسمحش ..

 

هاااااا .. نشتغل و لا نخلينا ماشيين عالنظام المعتاد 

 

اشتغل يا استاذ

احمد ربنا ان فيه شغل اساس

تقبض مابتقبضش مش دي القضيه

مهم ان فيه شغل ..

طب ده انا بقالي مده ما بمسكش القلم

غير علشان امضي علي فقدان جزأ من

املاكي اهئ اهئ  flrt:

[عطر الجنة]

 

غير علشان امضي علي فقدان جزأ من

املاكي اهئ اهئ  flrt:

هى الاملاك دى فى الصعيد دولة الباشا ..

يعنى ..

اصل ..

الشتا داخل ..

و المطر لما بينزل بيغرق المنتدى ..

يعنى كلك نظر ..

[باهى الطائر الحزين]

 

هى الاملاك دى فى الصعيد دولة الباشا ..

يعنى ..

اصل ..

الشتا داخل ..

و المطر لما بينزل بيغرق المنتدى ..

يعنى كلك نظر ..

 

 

يعني ابعتلكم شكارتين سمنت  وغلجين رمل وزلط

وسيخين حديد من ياللي بقيت عليهم علشان تسقفوا

المنتدي يابشمهندزه !

فيه نيه مش خالصه وحاجه مش كويسه 

[عطر الجنة]

 

فيه نيه مش خالصه وحاجه مش كويسه 

الله اعلم بالنوايا ..

بس هى مش خالصة ..

بس هى كويسة للاشراف ..

ضميرى المهنى ..

[باهى الطائر الحزين]

 

الله اعلم بالنوايا ..

بس هى مش خالصة ..

بس هى كويسة للاشراف ..

ضميرى المهنى ..

 

 

 

سيدتي ..

اغلي طلقه لمحارب

هي الأخيره

واطعم كأس لسكير

هو الأخير

واجمل ما في السيجاره

لمدخن عقبها

ليتك سألتني قبلها ...

[tarek hassan]

اشتغل يا استاذ

احمد ربنا ان فيه شغل اساس

تقبض مابتقبضش مش دي القضيه

مهم ان فيه شغل ..

طب ده انا بقالي مده ما بمسكش القلم

غير علشان امضي علي فقدان جزأ من

املاكي اهئ اهئ  flrt:

 

زحلان علشانك حبيبي يا باهي 

إيه رأيك

ننزل بملف أوديو يفك زنقتنا

بس صهين على حكاية الخروج عن الموضوع دي شوية

علشان إحنا على أبواب الحلقة الأخيرة

وعايزين النهاية تبقى سعيدة

[باهى الطائر الحزين]

 

زحلان علشانك حبيبي يا باهي 

إيه رأيك

ننزل بملف أوديو يفك زنقتنا

بس صهين على حكاية الخروج عن الموضوع دي شوية

علشان إحنا على أبواب الحلقة الأخيرة

وعايزين النهاية تبقى سعيدة

 

 

الدنيا كلها فدا زعلك ياجميل

ليست كل المرايا صادقه

اضحك فرفش وانبسط

وانزل بملف الفيديو ...

[أبو محمد]

بس حضرتك شايف .. عمالين يشتغلوا علي حسي .

 

إيه ده بقى ؟هو انت منهم ؟

طب بدل ما تضرب المهاميز دى

كنت تقول له على الوجوه التعبيرية اللى مش شغالة

هو كل حاجة لازم انا اللى اقولك عليها ؟

شوفت يا عادل بيه ؟

أهو من يوم ما اشتغل وهو عالحال ده

 

hpc:!: 

تم تعديل 8 أكتوبر 2015 بواسطة عادل أبوزيد
إضافة وجه تعبيري

[أبو محمد]

 

إيه ده بقى ؟هو انت منهم ؟

طب بدل ما تضرب المهاميز دى

كنت تقول له على الوجوه التعبيرية اللى مش شغالة

هو كل حاجة لازم انا اللى اقولك عليها ؟

شوفت يا عادل بيه ؟

أهو من يوم ما اشتغل وهو عالحال ده

 

hpc:!: 

 

 

شوفت يا سكوب ؟

أهو لو ما كونتش انا اللى قلت لعادل بيه على حكاية الوجوه التعبيرية

ما كانتش هتتصلح

خدت بالك انت من إضافة علامة النصر على مداخلتى ؟

شوفت مين اللى حطها

:)

اتعلموا ضرب المهاميز

[عطر الجنة]

 

شوفت يا سكوب ؟

أهو لو ما كونتش انا اللى قلت لعادل بيه على حكاية الوجوه التعبيرية

ما كانتش هتتصلح

خدت بالك انت من إضافة علامة النصر على مداخلتى ؟

شوفت مين اللى حطها

:)

اتعلموا ضرب المهاميز

 

 

يسلام ع الحنية ..

يسلام ع الانسانية ..

ادعولوا يا ولاد ادعولوا ..

..

..

..

ده عشا النبطشية ..

 

[Scorpion]

الحلقة السابعة ... و الأخيرة

 

 

 

 

 

 

 

 

 

 

 

 

 

 

 

 

 

الجزء  الأول  ( علشان خاطر الأستاذ عادل )

 

 

 

 

الساعة 3.45 صباحآ ... علي مدخل السلوم يقترب شبحآ يحمل شنطة جلدية و خرزانة .. يقترب في الظلام و يقف منتظرآ

 

الساعة 4.00 بالمللي تقترب سيارة بونتياك سوداء بزجاج فيميه من كل جانب  و تقف امامه تمامآ

 

تمر بعض دقائق بدون ان يتغير في الموقف اي شيء ... يشعر طارق بالتوتر و يبدأ إظهار الكرافتة الزرقاء ..

لا يحدث شيء

يبدأ في استخدامها كمنشة  يلوح بها يمينآ  و يسارآ

لا يحدث شيء

دقائق ثقيلة تمر بدون اي بادرة حياة من السيارة

يفقد طارق صبره و يقترب من السيارة يحاول ان يري ما بداخلها عبثآ .. يقترب أكثر و يلزق وجهه بالنافذة .. في تلك اللحظة ينطلق كلاكس مزعج فجأة جعله ينتفض فزعآ و يقفز الي الوراء .. ينزل زجاج النافذة لنري من وراء وجه سائق بنظارة سوداء .. ينظر جهة طارق و يقول :

- نعم

- نعم الله عليك .. إنت و الا مش إنت

- أنا ايه ؟

- بتاع المحاورات 

- محاورات ايه ؟

- ولاااا .. انا ما عنديش صبر .. انزل عليك لسوعة بالخرزانة و عهد الله ... ده ايه الهم ده .. و يسكت لحظة .. ثم فجأ يخبط رأسه بيده

- آآآآه .. كلمة السر.. ثم يتنحنح و يبدأ في الغناء هاززآ رأسه:

- طلع الفجر

السائق بصوت اجش : و ذهب الليل

طارق مصفقآ عالواحدة : و العصفور صوصو

السائق : إتفضل اركب ورا

يدخل طارق السيارة و ما ان يغلق بابها حتي تنطلق بكل سرعة في نفس اللحظة ..  و ما ان يستقر في مكانه ناظرآ حوله ليكتشف ان زجاجها فيميه من الداخل ايضآ

- ايه النظام يا أسطي ؟ هو العربيات دلوقتي بقي فيها فيميه دوبل فيس ؟

- دي اجراءات أمنية بيتم تطبيقها يا استاذ

- أمنية ؟ هي المحاورات تبع امن الدولة و الا ايه ؟

- ما اعرفش

- طب تعرف حد من المشرفين هناك ؟

- ما اعرفش 

- طب ..

- ما اعرفش .. ثم يرتفع حاجز زجاجي  فيميه  بينهما .. ينظر طارق حوله بدون ان يستوعب ما يحدث .. "هو ايه ده يا اخويا" .. يقولها بتوتر .. و لكن مع طول المسافة و هدهدة السيارة علي الطريق يستغرق في نوم عميق ليفيق علي يد السائق تهزه :

- إصحي يا استاذ إحنا وصلنا .. إتفضل

يخرج طارق من السيارة ليجد نفسه في جراج .. ينظر حوله و يقول :

- أتفضل فين ؟

- حضرتك تاخد الأسأنسير ده و دوس علي رقم 2 بشرطة عتبة خلفاوي

- عتبة خلفاوي ؟؟ ده اسانسير و الا اوتوبيس يا حاج ؟

- ما اعرفش

- هو انت ما تعرفش حاجة ابدآ

يدخل الأسانسير و لدهشتة يجد فعلآ زرار 2 بشرطة .. ما ان يصل و يفتح باب الأسانسير حتي يغمره ضؤ ساطع يغشي نظره للحظات بينما يشعر بيد تقتاده من ذراعه بشدة

- أنا ما عملتش حاجة ... أنا ما عملتش حاجة و عهد الله

- ما تخافش يا راجل .. ده انا يا استاذ طارق .. سكوربيون .. آنست و شرفت

يتمالك طارق نفسه بسرعة و يقول : الله يآنسك يا سيدي .. شوف يا استاذ سكوربيون و علي بلاطة كده .. مع حضرتك انت بالذات ما آخدش اقل من 50 جنيه في الحصة 

- حصة ؟؟ حصة ايه يا خويا ؟

- الحصة اللي حديهالك

- ايه ده ؟ انت جاي تديني حصص ؟؟ دي حيالله جملة يتيمة حوالين العيش الشمسي كنت عايز اكتبها صح من غير ما حد يتريق عليا .. تطلع حصص .. و كمان 50 جنيه و ما اعرفش ايه .. لا يا عم يفتح الله ..

- و انت مالك يا اخي .. سبحان الله .. انت حتدفع حاجة من جيبك .. ده ايه قطع الأرزاق ده ... مدام عطر و مدام عبير قالولي ان الأستاذ عادل هو اللي حيدفع .. الله

عند نطقه لتلك الجملة يغرق المكان في صمت تام .. يبلم سكوربيون لحظة ثم يكرر ببطأ :

-  سمعت يا ابو محمد الأستاااااذ  ع ا د ل     هو اللي  حـــــ ي د ف ع  !!!!!

ثم ينظر الي ابو محمد و ينفجرا في ضحكة لا تنتهي تثير قلق طارق .. يقترب من ابو محمد و يقول له :

- هو حضرتك ابو محمد .. حصللي الشرف يا استاذنا و يشد علي يده بقوة

- حمد الله علي السلامة يا استاذ طارق .. نورتنا .. علي فكرة انا اللي وصيت عليك في الموضوع ده .. ابقي خليك فاكرها و النبي علشان حنحتاجها قدام

-  يشد طارق يده و يقول : لا قدام و لا ورا ... هما برضه خمسين جنيه 

ينظر ابو محمد الي عبير و عطر و يقول : هو انتو قولتولو ايه ؟

ترفع مدام عبير كتفها و براءة الأطفال في عيناها بينما تنهمك مدام عطر في الكتابة و كأنها لم تسمع شيئآ ..

تقترب مدام سلوي من طارق : نورت يا استاذ طارق .. انا مدام سلوي .. اتفضل اتفضل .. الأستاذ عادل مستنيك جوه و حتتفاهموا علي كل حاجة

- و الله لو كان رئيس قلم جنايات ابو تيج نفسه .. هما خمسين

- يا سيدي خش و انت تشوف

- و النبي انتي اللي فيهم يا مدام سلوي .. انا طول عمري احب اقرالك .. يعني اخش علي ضمانتك

- خش يا استاذ طارق .. مش حتخسر حاجة علي ضمانتي ..

- عالبركة 

 

يدخل الغرفة ليفاجيء بمسز  Moneypenny أمامه

- ايه ده .. هو الريس هنا واحدة ست و مسمية نفسها استاذ عادل .. يتمالك نفسه و يقول :

- عمت صباحآ سيدتي المبجلة

- ايه دي .. انتي مين ؟

- يا نهار اسود خواجاية .. هو انا حقدر عالعالم اللي بره دول لما ندي حصص لخواجات كمان .. لـــــــــــــــــــلأ .. العملية كده مش ممكن تخلص اقل من 100 مقفولة

- ميه ايه .. و انتي مين .. و آيزا ايه ؟

- انا مش عايز حاجة يا ست .. انتو اللي عايزين .. انتو اللي طلبتوني

- إسمِك ايه ؟  و تنظر في دفتر امامها

- إسمها ما إسموكااااا 

- ساموكا ؟ مافيش آندي ميآآد مآآ واهِد إسمو ٍساموكا

- يا ست .. اسموكا .. اللي هي اسمك .. اسمك .. علي كل حال اسمي  حسن .. طارق حسن .. علي وزن بوند .. جيمس بوند

- آآآآه انتي طاريك هاسان ... مستر آديل مستنيكي

- ايه ده هو مش انتي الأستاذ عادل

- لأ طبآآ انتي ما تآرفيش تيفاراقي بين راجيل و ست

- ده اللي هو انا .. 

مسز موني في الجهاز : مستر آآديل .. مستر طاريك هاسان موجوده هنا

- خليهـ .. خليه يدخل

- إتفضلي كوشي

- أتفضلي ايه يا ولية انتي .. اسمها اتفضل .. إ ت ف َض ل .. هو انتي شايفاني لابس جيبة و لا جزمة بكعب ..

- بلاش داوشة ... كوشي ما تضاياإيش واكت 

- ده انا حشوف معاكم ايام سوده .. لما نشوف حيدفع كام ..

- انتي ... مستر طاريق .. ويت آ مينوت بليز .. مامنوو دوهول الاسليها هنا

- اسلحة ؟ اسلحة ايه انا عمري ما شلت سلاح في حياتي

- الآصايا الملونة اللي في ايديكي  دي

- الخرزانة !! الخرزانة بقت اسلحة

- ايوا هي كدا هنا ... مامنوو

- زي ما انتوا عايزين و آدي زليخة حسبهالك امانة .. اخدها منك سليمة و انا خارج .. ماىوصكيش عليها دي رفيقة الدرب ..

- طيب طيب .. سيبيها هنا ما تكافيش .. و كوشي بقا

 

و يدخل ..

 

 

 

 

 

 

 

 

إنزل يا ابني بنشيد حسرة عليها يا حسرة عليها 

[tarek hassan]

معذرة مش قادر ادخل من إمبارح

لكن بدأت تتضح  لي بعض المعالم في قصة الأستاذ سكربيون

من حيث الأبطال أظن المؤلف هيطلع البطل في النهاية

يعني المؤلف متحيز لنفسه هههههههه

وعلشان أهدي النفوس

الأستاذ : عادل مش البطل وهو عمال يحدف بالدباسة مرة وبالخرامة أخرى

أما اللي قايم بدور الشرير

هو العبد لله

لأنه هو المتقعر في اللغة أو المتهم بالإخوانية أو المادي

عموما قدامك فرصة يا أستاذ سكربيون تصلح في السيناريو في الجزء الثاني من الحلقة السابعة

[Scorpion]

الجزء الثاني

 

 

يدخل طارق الي مكتب الأستاذ عادل الذي يقوم مرحبآ به :

- أهلآ أهلآ يا استاذ طارق .. انست و شرفت .. المحاورات نورت

- اهلآ بحضرتك يا استاذ عادل المحاورات منورة بأهلها ..

- ما انت برضه منهم يا راجل .. شوف بقي يا سيدي .. و الكلام معايا دايمآ دوغري ..  أولآ انا ما اعرفش الولاد قالولك ايه و اذا كان شرحولك سبب استدعائي لحضرتك ... ده استهلال لابد منه ...

- يعني فكرة بسيطة يعني يا استاذ عادل

- علشان تبقي فكرة واضحة . الموضوع و ما فيه اننا محتاجين حضرتك معانا في فريق المشرفين و المنسقين ..

- يعني موضوع الدروس ده كان حجة ؟

- انا ما اعرفش موضوع دروس ايه اللي بتتكلم عليها .. لكن طبعآ كلنا بنتعلم دروس من بعض ..

- انا برضه كنت حاسس ان  موضوع الدروس ده غريب ..

- يعني موافق و الا مش موافق

- موافق طبعآ .. 

- احنا ما بندفعش مرتبات و لا فيه مواعيد محددة للشغل

- مافيش اي مشكلة .. الفلوس مش كل حاجة .. لكن معلش ايه المميزات اللي مكن تكون مع مشرف يعني

- اسمك حيبقي لونه ازرق و حيدوك مقص و طاقية اخفا عهدة .., و حتتشتم من طوب الأرض .

- تمام خالص .. موافق .. من امتي أقدر ابتدي 

- عالبركة .. اتفضل عند مسز مونيبيني بره امضي العقد و تقدر تبتدي في اي وقت يناسبك

- اشكرك يا استاذ عادل

- ده احنا اللي نشكرك .. بس سؤال من فضلك يا استاذ طارق قبل ما تخرج .. و اهه الواحد يستغل بقي وجود مدرس عربي بروفيشيونال معانا

- أؤمر

- هو في اللغة العربية فيه حاجة اسمها "فحلقي" ؟؟

- فحلقي !!

- خلاص خلاص .. انا كنت متأكد بس حبيت أتأكد أكتر .. ربنا يكون في عونك مع اللي بره دول ..

 

 

 

 

 

 

و انزل يا ابني بنشيد و ابتدا ابتدا ابتدا .. ابتدا المشوار ..

[باهى الطائر الحزين]

 

باركوا لأخوكم اسكور

بلغ ال ٢٥ وماشي ف ال ٢٤

سنه حلوه ياجميل

الميزان برج العقلاء ...

[أبو محمد]

 

 

باركوا لأخوكم اسكور

بلغ ال ٢٥ وماشي ف ال ٢٤

سنه حلوه ياجميل

الميزان برج العقلاء ...

 

 

أعقل من كده مفيش

سكوب بيعتبر يوم زواجه هو يوم ميلاده

وبكده تم تحييد وتثبيت أم جونيور

:)

وهو الآن بيحتفل باليوبيل الفضى بميلاد زواجه أو بزواج ميلاده

(أروبة)