مَلِكُ الضَادُ عْلَي كُرّسِيِ الّقَاضُ

[عطر الجنة]

لا.. لا  .. لا

المواضيع دخلها ..

ربما ..

دى اصبحت حالة سعبة ..

بكره نسمع ..

حيثما كمان ..

استر يا رب

[tarek hassan]

 

لا.. لا  .. لا

المواضيع دخلها ..

ربما ..

دى اصبحت حالة سعبة ..

بكره نسمع ..

حيثما كمان ..

استر يا رب

 

الحمد لله يا أستاذة : عطر اللغة بقت سهلة مش زي زمان كانت تحتاج لترجمان شوفي الحكاية دي 

صفّق أبوالهندي ذات صباح يستدعي خادمه فلما مثل بين يديه سأله

: هل أصقعت العتاريف؟

فأجابه الخادم: زقفليم يامولاي.

فصاح أبو الهندي: ويحك وما زقفليم؟

فرد الخادم: وما أصقعت العتاريف؟

صاح أبو الهندي: يا لك من غبي

ألا تعلم أن: أصقعت العتاريف، معناها: أصاحت الديوك؟

فردّ الخادم: ومثلك يا سيدي من فضلك وعلمك ألا تعلم أن زقفليم معناها: كلا  .... لم تَصِح !

 

 

قال : فحلقي  .... قال

[عطر الجنة]

هه ..

يسلام ..

خذها منى ..

 

وحثحث مشعوف النجاء كأنني *** هِجفٌ رأى قصراً سمالاً وداجنا

من الحص هزروفٌ كأن عفاءه *** إذا استدرج الفيفا ومد المغابنا

أزج زلوج هَزرفيٌ زفازف *** هِزف يبذ الناجيات الصوافنا

 

ترجم ..

[eslam elmasre]

 

طارق : بيقولوا الجو حر قوي في أسكندرية اليومين دول يا أم هنا

أم هنا : هما مين اللي بيقولوا

طارق : والله زمايلي في المحاورات  

أم هنا : أنا خلاص بطلت أقولك عايزة أتفسح في أسكندرية

طارق : أسكتي يا شيخة دا الناس في أسكندرية هما اللي عايزين يصيفوا هنا في مطروح ... اي والله

أم هنا : ما هو الاسكندرانية بيصيفوا هنا .... أنت فاكر صحبك إسلام  المصري لما نزل هنا السنة اللي قبل اللي فاتت

طارق : أيوه أيوه ....إنتي عارفة زمايلي في المحاورات لهم فضل كبير عليه وكمان خلوني مشرف  في أكبر صالون ثقافي في مصر  

أم هنا : انا مش عارفه أنت عمال تحرجم على إيه من الصبح  

طارق :   ... إنتي بنت حلال ... دا كنت بفكر أعزم حد من زمايلي دول ... علشان الطبيخ الحلو بتاعك يسمع في المحافظات التانية ... بس رجعت وقولت يا واد قولها الأول علشان هي اللي عارفة أحوال البط والفراخ ... وما علينا من اللحمة

أم هنا : بس كل اللي اقولك عليه تجيبه وعلى راي المثل : اطبخي يا جارية كلف يا أبو هنا

طارق : إيه  رأيك نفسي أستضيفهم  عندنا كام يوم وتبقى لفتة حلوة منك وأنأ عارف إنك أهل كرم وذوق وهتعملي الواجب وزيادة

أم هنا :  يعني هيسيبوا أسكندرية ويرضوا ييجوا مطروح ومهما هنعمل هنكون غير  مستوى اسكندرية أنا بقولك أهه

طارق : مالكيش دعوة المهم تخلصي نيتك كده

أم هنا : أومال ... أكيد .... بس شوف بس هتبدأ بمين تعزمه يعني .... ؟     

طارق : أنا بقول أبدأ بسكوب على ما أبو محمد يفضى

أم هنا :... أيوه فاهماك .... أكيد العزومة دي لها علاقة بالموضوع الأخير ...

طارق : ... لا ياأم هنا متفهمنيش غلط ... هو كويس معايا من غير حاجه

 

فكرتني يا طارق بالكام يوم اللي رحت فيهم مطروح 

ماهو احنا كده يا اسكندرانية لما نحب نصيف نروح مطروح 

تصدق اني مارحتش بحر اسكندرية السنادي رغم اني بيني وبين البحر فركة كعب بس لازم كل يوم تقريبا اشوف البحر واحلى اوقات بحر اسكندرية بعد الفجر ولغاية ما الشمس تزنهر خد نفسك وللخلف در لان بيبقى الضيوف وصلو ودول اتوبيسات بتحدف من كل قرى ونجوع وجه بحري وبعد شوية ترمي الابرة ماتبنش 

بس ممكن افكر دلوقتي بعد دخول المدارس اني اروح كام مرة مع نفسي استحمى في البحر واتمتع بجماله

[باهى الطائر الحزين]

 

طارق : بيقولوا الجو حر قوي في أسكندرية اليومين دول يا أم هنا

أم هنا : هما مين اللي بيقولوا

طارق : والله زمايلي في المحاورات  

أم هنا : أنا خلاص بطلت أقولك عايزة أتفسح في أسكندرية

طارق : أسكتي يا شيخة دا الناس في أسكندرية هما اللي عايزين يصيفوا هنا في مطروح ... اي والله

أم هنا : ما هو الاسكندرانية بيصيفوا هنا .... أنت فاكر صحبك إسلام  المصري لما نزل هنا السنة اللي قبل اللي فاتت

طارق : أيوه أيوه ....إنتي عارفة زمايلي في المحاورات لهم فضل كبير عليه وكمان خلوني مشرف  في أكبر صالون ثقافي في مصر  

أم هنا : انا مش عارفه أنت عمال تحرجم على إيه من الصبح  

طارق :   ... إنتي بنت حلال ... دا كنت بفكر أعزم حد من زمايلي دول ... علشان الطبيخ الحلو بتاعك يسمع في المحافظات التانية ... بس رجعت وقولت يا واد قولها الأول علشان هي اللي عارفة أحوال البط والفراخ ... وما علينا من اللحمة

أم هنا : بس كل اللي اقولك عليه تجيبه وعلى راي المثل : اطبخي يا جارية كلف يا أبو هنا

طارق : إيه  رأيك نفسي أستضيفهم  عندنا كام يوم وتبقى لفتة حلوة منك وأنأ عارف إنك أهل كرم وذوق وهتعملي الواجب وزيادة

أم هنا :  يعني هيسيبوا أسكندرية ويرضوا ييجوا مطروح ومهما هنعمل هنكون غير  مستوى اسكندرية أنا بقولك أهه

طارق : مالكيش دعوة المهم تخلصي نيتك كده

أم هنا : أومال ... أكيد .... بس شوف بس هتبدأ بمين تعزمه يعني .... ؟     

طارق : أنا بقول أبدأ بسكوب على ما أبو محمد يفضى

أم هنا :... أيوه فاهماك .... أكيد العزومة دي لها علاقة بالموضوع الأخير ...

طارق : ... لا ياأم هنا متفهمنيش غلط ... هو كويس معايا من غير حاجه

 

 

 

طب ما انت بتكتب عربي صح اهه .. اومال ايه الأوشاعات اللي مالية المحاورات ان وزير التربية و التعليم الجديد متخرج علي ايديك .

 

زوق بالظه ..

[tarek hassan]

 

هه ..

يسلام ..

خذها منى ..

 

وحثحث مشعوف النجاء كأنني *** هِجفٌ رأى قصراً سمالاً وداجنا

من الحص هزروفٌ كأن عفاءه *** إذا استدرج الفيفا ومد المغابنا

أزج زلوج هَزرفيٌ زفازف *** هِزف يبذ الناجيات الصوافنا

 

ترجم ..

 

مر علي البيت الأخير .... بل كنت بدرسه للطلاب في الصف الثاني الثانوي الأزهري .... والشكوى منه ليست من غرابة الألفاظ  ولكن تكرار حرف في معظم الكلمات واللي بنسميه تنافر الكلمات وهو حرف الزاي لو تلاحظي ومنه ..... (( مالكم تكأكأتم على كتكأكئكم على ذي جنة افرنقعوا عني))

[Scorpion]

الحلقة الثالثة

 

تدخل مدام سلوي بابتسامتها المشرقة : إزيكم يا ولاد .. إيه الأخبار

-  كله تمام يا أبلة ... المواضيع ماشية من غير مشاكل 

- أومال فين عطر و أسد .. هو انا حشيل النباطشية لوحدي و الا ايه 

- مدام عطر انا شفتها دخلت من شوية .. زمانها بتمضي و بتحضر الماج بتاعها و جاية ... و أسد واخد أجازة وضع 

 

أبو محمد يلملم مفاتيحه و يبحث عن نظارته : هه .. بقولك ايه يا عبير .. ما توصليني في سكتك و تكسبي فيا ثواب

- يا سلام يا ابو محمد .. ده انا يبقالي الشرف .. ياللا بينا ..

تدخل عطر و تتبادل القبلات مع مدام سلوي و عبير ..

عبير : - بالحق يا عطر .. إبقي تابعي العضو ده اللي اسمه " باللو في النسيان" مش عايز يغير اسلوبه الهابط في الرد علي بقية خلق ربنا .. مكانش ورايا غيره النهارده لما كان حيجيبلي إحباط ..

عطر : حاضر .. ربنا يهدي كل الناس .. ثم تنظر الي سكوب الذي كان مازال يهرش .. 

- إيه يا سكوب ..  انت مش خلصت نباطشيتك و الا ايه .. مش حتروح معاهم ؟

- لأ .. أنا حطبق نباطشيتين النهارده و لو حكمت حستني الأستاذ محمد في النايت شِفت كمان .. حماتي مآنسانا من امبارح .. بالأضافة ان أسد واخد مرضي .. فنضرب عصفورتين بنبلة واحدة

 

صوت الأستاذ عادل يرن في السبيكر :

- أنا ما بدفعش أوفر تايم ... اللي عايز يقعد .. يقعد علي حسابه ..

سكوب  ناظرآ الي الباب . عارف .. عارف يا استاذ عادل 

 

مدام عطر : يعني مش حتروح يا سكوب ؟

- الله .. ما قلت قاعد .. فيه ايه يا مدام عطر .. عايزاني أروح ليه ؟

- و ما اعوزكش تروح ليه ؟؟ انت حر .. هو انت حتقعد علي راسي .. انا بس إفتكرت اني حبقي لوحدي مع مدام سلوي بس .. من غير وجع دماغ يعني ..

- وجع دماغ !! هو انا بقيت وجع دماغ يا مدام عطر ؟

- يووه .. هو فيه حد جاب سيرتك .. انت بتتلكك ؟ .. الموضوع ان عددنا بقي قليل .. و لما واحد فينا بيغيب او بيعيا .. اللي بيفضل وجع الدماغ بيزيد معاه ... مش قصدي عليك لا سمح الله .

- و النبي ايه .. ماشي .. مقبولة منك .. بس انتي حطيتي ايدك عالجرح .. تفتكروا انه ماجاش الوقت  نفكر في مشرف جديد .. يشيل معانا شوية ؟

مدام سلوي :  حقيقي يعني .. انا لسه كنت بفكر في الموضوع ده النهارده و انا جاية .. فيه توارد خواطر غريب يا سكوب معاك ..

- ربنا يخليكي يا ست الكل .. بس الأول ممكن أسالك سؤال .. ايه رأيك في الحتة دي .. و يخرج قطعة ورق من جيبه و يقرأ .

" إنهن نساء الحقول القرمزية في غياهب الغسق المسحول علي أيدي زبانية كهوف جبال الشجن الهادر"

تنظر اليه عطر مشدوهة بينما تجيب مدام سلوي بدون ان يطرف لها جفن :

- هي متطرطشة شوية .. بس مبروحة ..

يزداد تعبير  الدهشة  علي وجه عطر .. بينما يهز سكوب راسه متسائلآ بينه و بين نفسه : متطرطشة ازاي يعني .. و كمان مبروحة ؟ .. ثم يعود الي سؤاله :

يعني اسيبها كده و الا اخلي الحقول فحلقية ؟

رد باتر و فوري من مدام سلوي : فحلقية طبعآ

يبتسم سكوب و هو يشطب علي كلمة قرمزية .. بينما تشد  عطر ذراع مدام سلوي و تهمس في اذنها 

- انتوا بتقولوا ايه ؟؟ انتي اساسآ فهمتي هو عايز ايه 

- طبعآ لأ .. لكن مع سكوب اهبديه اي رد فورآ و ما تتلجلجيش و الا مش حتخلصي في يومك منه .. و انا مش ناقصة .. ما بقاش عندي صبر زي زمان ..

- عايز حاجة تانية يا سكوب 

- لأ يا مدام سلوي ربنا يخليكي ليا .. نرجع بقي لموضوع المشرف .. ممكن نرشح مين ؟

- مش نستني لما نبقي كلنا مع بعض و بعدين نتكلم في الموضوع ده 

- اهه .. آدينا بندردش و نبتدي نحط سطر تحت كام اسم كده .. هو يعني احنا حنضمه علي طول .. 

مدام عطر :  مع اني كنت ناوية القعدة النهاردة مع مدام سلوي تكون علي "البوتيفاررا " لكن ما يمنعش ندردش شوية في الموضوع ده

- دي رياضة روحية زي اليوجا بتاعت مدام عبير

- لأ ده سدؤ 

- صحة و عافية .. ايه رأيكم  ؟..

[أبو محمد]

حوار داخلى : دى فيها سدؤ .. يبقى نأجل المرواح حبتين

ونعملوا حجة مناقشة حكاية المشرف الجديد

[عادل أبوزيد]

هي البوتيفاررا. دي هي السدؤ بالعربية الفصحى متهيألي من حق الجماهير تتنور

ما سبق كان إستهلالا لابد منه

ألف مرحبا بالمدام سلوى إيه أخبار جماعة كاتالونيا عندكم إوعي تقولي محاورات المصريين ليها يد في الكلام ده إلا إذا كنتي حضرتك ... ؟

[عبير يونس]

حوار داخلى : دى فيها سدؤ .. يبقى نأجل المرواح حبتين

ونعملوا حجة مناقشة حكاية المشرف الجديد

عبير تتصل بموبايل أبو محمد

خير يا استاذنا انا عمالة الف حوالين المبنى

عشان مفيش ركنة قدامه

مش يللا بينا؟

الولاد خللوا في النادي

و حضرتك عارف ان المخللات مش هيلثي بالمرة و بتضر الكلاوي

عاوزة الحق احضر الأكل

عشان مش بحب اجيب دليفري عشان كله جانك فوود و مضر جدا للجسم

[أبو محمد]

عبير تتصل بموبايل أبو محمد

خير يا استاذنا انا عمالة الف حوالين المبنى

عشان مفيش ركنة قدامه

مش يللا بينا؟

الولاد خللوا في النادي

و حضرتك عارف ان المخللات مش هيلثي بالمرة و بتضر الكلاوي

عاوزة الحق احضر الأكل

عشان مش بحب اجيب دليفري عشان كله جانك فوود و مضر جدا للجسم

آلووو .. آلوووو

الظاهر الشبكة واقعة

[tarek hassan]

الرموحلي 

ده اذا بتسألني عن نفسي

هههه

 

زوق بالظه ..

منور يا أستاذ : باهي .....

طيب يا أخي مش كنت تقول كده من الصبح ....

دا حتى إحنا إخوات من أيام الجيزة وأعضاء زي بعض 

لأنه بحسب آخر حلقة لسه الإشراف في بداية تشاور على المشرف الجديد ....

[باهى الطائر الحزين]

 

منور يا أستاذ : باهي .....

طيب يا أخي مش كنت تقول كده من الصبح ....

دا حتى إحنا إخوات من أيام الجيزة وأعضاء زي بعض 

لأنه بحسب آخر حلقة لسه الإشراف في بداية تشاور على المشرف الجديد ....

 

 

يادي الجيزه وسنين الجيزه

ههههه

 

وبالمناسبه السعيده دي احب اقول

اني بحس بدفء عائلي في المحاورات

افتقده في الواقع إداره واعضاء ...

تم تعديل 29 سبتمبر 2015 بواسطة باهى الطائر الحزين

[tarek hassan]

يادي الجيزه وسنين الجيزه

ههههه

 

وبالمناسبه السعيده دي احب اقول

اني بحس بدفء عائلي في المحاورات

افتقده في الواقع إداره واعضاء ...

أحبيبي يا باهي 

دا أنا حبيت الرموحلي  علشانك 

[أبو محمد]

حوار داخلى : أول ما تبدأ المشاورات أنحاز للعضو طارق

عشان أقعده على كرسى الاعتراف فى غرفة الإشراف واسأله :

هى صحيح لغتنا العربية يسر لا عسر ؟

هيقول لى طبعا يابو محمد .. ونحن نملكها كما كان القدماء يملكونها

أروح خابطه بالسؤال اللى محيرنى :

الرجل : سمين .. ثم .. لحيم .. ثم .. شحيم .. ثم .. بَلَنْدَح

المرأة : سمينة .. ثم .. رضراضة .. ثم .. خَدَلَّجّة .. ثم .. عَرَكْرَكَة

إيه ده بقى ده بقى ده ؟!

[tarek hassan]

 

حوار داخلى : أول ما تبدأ المشاورات أنحاز للعضو طارق

عشان أقعده على كرسى الاعتراف فى غرفة الإشراف واسأله :

هى صحيح لغتنا العربية يسر لا عسر ؟

هيقول لى طبعا يابو محمد .. ونحن نملكها كما كان القدماء يملكونها

أروح خابطه بالسؤال اللى محيرنى :

الرجل : سمين .. ثم .. لحيم .. ثم .. شحيم .. ثم .. بَلَنْدَح

المرأة : سمينة .. ثم .. رضراضة .. ثم .. خَدَلَّجّة .. ثم .. عَرَكْرَكَة

إيه ده بقى ده بقى ده ؟!

 

 

الكلمة الواحدة كانت تغني عن الوصف بتقديمها للصورة الكاملة حتى مع غرابتها

هو يسر عند أهل العرب قديما  

وهو غريب عند الناس الغير مألوفة لديهم الآن بسبب ترك الاستعمال

فكما ذكرت حضرتك ترتيب وتفاوت السمنة في الرجال

رجل سمين ثم لحيم ثم شحيم ثم بَلَنْدَح وعَكَوَّك

فالعَكَوَّك مثلا : لقصير القامة الملزَّز وأعتقد إنها أكره صورة للسمنة في الرجال

ثم النساء

امرأة سمينة ثم رَضْراضة ثم خَدلَّجَة ثم عَرَكْرَكَة وعَضَنَّكَة

فمثلا عَضَنَّكةٌ أعلى درجة في السمنة تكون فيها المرأة ضخمة الرَّكَبِ بسبب كَثْرَةِ اللَّحْمِ ولا يوجد فراغ بين الركبتين بسبب شدة السمنة ..... وهي غير الخَدَلَّجَة الممتلئة الذراعين والساقين

فيه أشياء كثيرة في اللغة لها نفس الترتيب فهل تفيد الدقة في الوصف أم الغرابة ؟

ومنها ترتيب النحافة في الرجال

رجل نحيف إذا كان خفيف اللحم ثم قضيف ثم ضرب ثم شخت ثم سرعرع

المشكلة إن يتم اعتبار اللغة الوسطية البعيدة عن الغرابة تقعر وحذلقة

أنا دائما أريد أن أصعد للغة تستعملها فصحى أنت مفهومة ولا أريدك أن تنزل بلغتك لمستواي إذا كان عاميا دارجا مبتذلا

أما حكاية الغرابة فأنا مع البعد عنها بعدم الرجوع للقديم المتروك أو استحداث كلمات تتصف بها

تحياتي 

[Scorpion]

 

و بعديـــــــــــــــــن ...

و بعدين هه؟

اتكلمنا جد كتير .. حنقضيها كلها كده و الا ايه ..

إمنع الجد .. 

 

مشرفين ايه دول يا خويا اللي بيخالفوا القواعد و يشتشتوا في المواضيع ..

[tarek hassan]

 

" إنهن نساء الحقول القرمزية في غياهب الغسق المسحول علي أيدي زبانية كهوف جبال الشجن الهادر"

 

 

محدش راضي يقولك رأيه في الجملة اللي أنت ألفتها دي لكن هحاول أفك طلاسمها 

نساء الحقول .... حلوة

إنما حقول قرمزية .... ياريتك قلت فحلقية كانت تمشي ... لكن أنت عرضت الجملة على المشرفات الفضليات وهن خبيرات في الألوان ياريت يقلن رأيهن ؟؟ !!

غياهب الغسق ..... حلو

لكن غسق مسحول وزبانية كهوف مش واضحة

عموما أنا موافق على سدؤ بدل سجق 

لأن دا عادي في مصر عامة 

إبدال الجيم دالا ... فواحد كان بيقولي أبلة نداة هنا ... يقصد نجاة 

وإبدال القاف همزة دا كتير فأحنا بنقول طارئ بدل طارق 

فعادي سدؤ 

[Scorpion]

الحلقة الرابعة

 

يدخل ابو محمد : عبير تاهت مني ... و الشوارع زحمة موت بره .. قلت ما بدهاش أطلع شوية لحد ما الدنيا تفك .. نظام الغدا ايه النهارده ؟

سكوب : سدؤ .. بس في اسبانيا بيدلعوه و مسمينه بيتيفور 

عبير تدخل بدورها  : هي العملية فيها سدؤ ؟ بقي انا عمالة اتصل بيك يا ابو محمد .. وسايبة العربية واقفة صف تاني و حضرتك هنا بتاكل سدؤ ؟

مدام سلوي : أكل ايه بس .. دي عطر كانت عايزة الوصفة .

أبو محمد  : يعني مافيش غدا 

مدام سلوي : حنبعت نجيب سندوتشات .. و بالمرة مادام كلنا موجودين يبقي نفكر شوية في اقتراح سكوب بتاع المشرف الجديد..

أبو محمد  :  من اولها ايا كان اللي حنتفق عليه .. اللي حيفاتح الأستاذ عادل في الموضوع ده يكون اي واحد غيري .. ما هو مش كل مرة تلبسوني في الموضوع ده .

عطر : ما هو انت كبيرنا يا ابو محمد .. و دايمآ بيسمعلك من غير اي مشاكل .. حنروح لمين يعني ؟

ابو محمد : ايوه ايوه يا اختي .. كلي بعقلي حلاوة .. المرة دي دوروا علي واحد غيري برضه ..

- مش نتفق الأول عالمشرف الجديد ؟ .. اساسآ حضرتك موافق عالفكرة نفسها و الا لأ ؟

- طبعآ موافق .. انا جالي اللومباجو من كترة القعدة قدام الكومبيوتر .

- عالبركة .. يبقي فتحت الجلسة ..

عبير : أنا اعترض 

- اعترض ؟ ... تعترضي علي ايه يا ماما .. هو احنا في محكمة .. و الا حتي لسه فتحنا بقنا

- لأ .. بس اللي واقفة في صف تاني دي عربيتي أنا .. و المخالفات مين اللي حيبقي يدفعهالي ان شاء الله ؟

 

صوت الأستاذ عادل يرن في السبيكر :

- المحاورات غير مسئولة عن اي مصاريف نثرية تخص مواصلات او مخالفات أو اي بند من مصاريف مماثلة 

مدام عبير تلفت جهة الباب و تقول : عارفة يا أستاذ عادل .. عارفة

 

مدام عطر : يا عبير يا حبيبتي لو بصيتي من الشباك حتلاقي عربيتك اترص حواليها صف تالت و رابع .. فريحي دماغك و خليكي .. كده كده مش حتعرفي تتحركي قبل ساعة .

- طيب بسرعة بس و النبي 

- ماشي .. ها ايه اقتراحاتكم ؟

- إيه رأيكم في " سجاير فرط " ؟

- مافيش حد فينا بيدخن 

- لا انا بتكلم عن العضو اللي مسمي نفسه سجاير فرط

- رائع .. إختيار في الجون .. انا موافقة 

- و انا كمان موافقة

- هو من ناحية كويس .. فهو كويس بدون اي جدال .. حيادي .. منطقي .. و لو عضو عمل مشكلة و ووقع تحت ايده تبقي امه داعية عليه ... بس

- بس ايه ؟

- المشكلة حتبقي معانا احنا .. يعني لو جينا نتفق علي قرار و اختلفنا .. حتبقي امنا إحنا اللي داعية علينا

- آه صحيح .. بلاها سجاير .. دي حتي مضرة بالصحة .. بس انا كده مافيش حد فعلآ اقدر اتخيله مشرف معانا 

- الحل اننا نشوف المحاورات محتاجة ايه في الفترة دي و عليه نحدد 

- في رأيي المحاورات محتاجة واحد معاه صفيحة جاز يدلقها في شوية امخاخ مش قادرة استوعب بتفكر ازاي

- ما تبقيش شريرة كده .. كل واحد في الاخر بيتعلق من عرقوبه

ممكن اتكلم انا بقي .. يقاطعهم سكوب .. المحاورات محتاجة واحد من مرسي مطروح و له معرفة بالحاج سيباويه

- سيبا مين ؟

يشرد ابو محمد لحظة ثم يقول : قصدك مين يا سكوب ؟ .. قصدك الأستاذ حمام اللي كنا بنتكلم عليه النهارده الصبح ؟

عطر : إيه ده .. انت بتتكلموا عن طارق ؟

أبو محمد .: أستني شوية يا مدام عطر .. استني شوية .. انا دلوقتي فهمت .. يا ابن الأيه يا سكوب 

مدام سلوي : طيب كويس انكوا فهمتوا .. ممكن تفهمونا احنا كمان بقي

ابو محمد : الموضوع له علاقة بالتكييف اللي بايظ يا مدام سلوي

مدام سلوي : فهمت انا كده يعني ؟

عبير : يا جماعة مش كده بجد .. العربية حيشيلها الونش .. شوفوا انا طارق موافقة عليه طبعآ  .. صح .. هو إختيار صح ..  بعد اذنكم بقي مش حقدر اقعد اكتر من كده .. سلام

مدام سلوي : خلاص .. بغض النظر عن السيم اللي بين ابو محمد و سكوب .. انا اللي بيكتبه طارق دايمآ   بيعجبني .. و شخصية جديرة بالإحترام . مافيش اتنين يختلفوا عليه .. و صوتي اديه موافقة ..

مدام عطر و انا كمان موافقة .. بقينا 3 اصوات ... ابو محمد ؟

- بيقول لك من مرسي مطروح ... طبعآ موافق .. يبقوا اربعة بالأضافة لسكوب بقينا خمس اصوات موافقة .. إجماع .. عالبركة .. اتفضل بقي يا سي سكوب بلغ الأستاذ عادل بنتيجة الإجتماع ده ..

سكوب بهلع :  ابلغ مين ؟

- الأستاذ عادل .. مش أساسآ الفكرة انت اللي رميتهالنا و مشيت .. يبقي تبلغه انت ..

- أنا و لا عايز مشرفين جداد معانا و لا تفرق معايا ببصلة .. يفتح الله يا عم .. 

- خلاص .. يبقي انسي اني اصلحلك العربي من هنا و رايح يا سكوب .. و ابقي قابل بقي يا عم .. بس فالح بس تتريق علي وزير التعليم ..

- كده برضه يا ابو محمد .. بتزنقني في خانة اليك .. اهون عليك ؟

- آه

- ماشي ... ماشي .. 

 

و يتجه و هو يتلتفت حواليه الي غرفة الأستاذ عادل

[Scorpion]

 

محدش راضي يقولك رأيه في الجملة اللي أنت ألفتها دي لكن هحاول أفك طلاسمها 

نساء الحقول .... حلوة

إنما حقول قرمزية .... ياريتك قلت فحلقية كانت تمشي ... لكن أنت عرضت الجملة على المشرفات الفضليات وهن خبيرات في الألوان ياريت يقلن رأيهن ؟؟ !!

غياهب الغسق ..... حلو

لكن غسق مسحول وزبانية كهوف مش واضحة

عموما أنا موافق على سدؤ بدل سجق 

لأن دا عادي في مصر عامة 

إبدال الجيم دالا ... فواحد كان بيقولي أبلة نداة هنا ... يقصد نجاة 

وإبدال القاف همزة دا كتير فأحنا بنقول طارئ بدل طارق 

فعادي سدؤ 

 

 

مدام سلوي لخصت كل الإعراب اللي فات ده في جملة واحدة بليغة :   هي متطرطشة لكن مبروحة ..

شفتوا اللغة العربية يسر و ليست عسر ازاي ؟؟