يا نساء المنتدى ... اتحـــــــدوا !!!

[مصرية الهوى]

ايوى

احنا لازم نتحد ... لازم نكون ايد وحده ضد كل من يريد اغتيال .. براءتنا وأنوثتنا ولطفنا :unsure: ..

وهنشكّل حزب المحاورات النسائي التقدمي الإشتراكي للمطالبة بالحرية والاستقلالية والملوخية .. ونقوم بتهديد أي حد من الجنس الخشن بانه لو اعتدى على حقوقنا هيكون مصيره حتت في أكياس بلاستيك :D ..

لا بجد والله ..

أنا ملاحظة قلة الأقلام اللطيفة ... مفيش ستات كتير بيكتبوا .. وكمان ملاحظة قلة المواضيع البنوتية اللي تناقش قضايا البنات ..

عشان كده أنا فتحت الموضوع ده ... وهأسميه ( الركن الوردي) .. هنتكلم فيه عن كل حاجه بنوتية .. نتكلم عن الأزياء .. الماكياج .. الشعر .. كل حاجه عن الجمال والصحة ..

نتكلم برضه عن ديكور المنزل .. المطبخ .. تجارب استفدتي منها ..

ندردش عن كل حاجه تهمنا احنا البنات في كل المجالات ...

يلا على بركة الله ..

وأنا عايزه الموضوع يوصل لمية صفحة ... واللي هأشوفها مقصرة في الكتابة هأرفدها من المنتدى :D .. خلوا بالكم .. أنا ليا صلاحيات واسعة .. بس مبقولش لحد عشان الحسد وعشان مبحبش حد يقولي توسطي لي :P ..

يلا ورونا همتكم وشطارتكم ..يا ألطف الكائنات..

mfb:

[ابو صلاح]

معلش بقا هبوظليك النظام بتاع الموضوع وهخلى اول مشاركه من الجنس الخشن بس حازز فى نفسى كذا سؤال رزل ... وساعات باعود كتير افكر فى الأسئلة دى والأخر مخى يلف يلف ويرجلى تانى بولا حاجه

اول سؤال : لية الغموض يا اصحاب الجنس الناعم ؟!! ... يعنى مثلا احنا يا شباب ويا رجاله بنحب الستات علاشان جمالهم ورقتهم والحاجات الحلوه دى ... اما انتوا بقا ااصحاب الجنس الناعم .. ساعات كتير ما بفهمش انتو عايزين ايه بالظبط !!!! ده مجرد استفسار ومش عايز حد يزعل منى من اصحاب الجنس الناعم فى هذا المنتدى .. ويجعل كلامى خفيف عليكم

تانى سؤال : ليه دايماُ بتحبو الخداع والتضليل ؟ !!! اية الكلام الكبير اللى انا بقولو ده :unsure: .... يعنى دايما تحبو تلبسو كعب طويل .. وتحطوا مكياج واحيانا المكياج دوت بيدارى تحتيه بلاوى ويكون الشكل الخارجى غير الواقع تماما ... والمصيبه الجديده اللى اسمها لانسز .. ده غير حاجات تانيه كتير مش عايز اقولها علاشان الرقابه ما تشلهاش mfb:

تالت سؤال : ياريت تخدوه ببرأه شويه .. لأنى والاهى العظيم بسئل السؤال وانا كلى برأه وبدون اى خبث

وهو : انتو بتحبو ايه تكون مواصفات فارس احلامكم .. بلاش كلمة فارس دى علاشان حاسس انها اتلغت من 600 سنه بس ايه مواصفات شريك حياتكم اللى انتو بتحلمو بيها او نفسكم تلاقوها

رابع سؤال : هوا محتاج منكم صدر رحب اكتر من السؤال التالت

هل انتو بتحسو بنار الحب ولهفة القرب من الجنس الخشن زى ما احنا بنحس ... ولا احنا عاندنا زياده شويا

معلش يا جماعة انا عارف انها اسئله رزلة ومايله ناحية السذاجه شويه .. بس انا صريح حبتين .. حتى تلاقونى مكروه فى المجتمع :D

اتمنى الإجابه على الأسئله دى من كل اعضاء المنتدى من الجنس الناعم .. بس زى ما الأسئله صريحه عايز الإجابه تكون صريحه وبدون اى مكياج :D

تم تعديل 21 أكتوبر 2005 بواسطة ma.salah

[مصرية الهوى]

ايه يا بني ايه اللي جابك هنا mfb:

هو انا الغلطانة في العنوان .. والا انت الغلطان :D

هو انت بتعرفش تقرأ .. مشفتش التهديد اللي فوق .. إن مصيرك هيبقى حتت في أكياس بلاستيك

:unsure:

لا بجد .. يا محمود .. من حقك تسالنا احنا البنات أي سؤال انت عاوزه ..

اول حاجه أنا مش فاهمة قصدك بكلمة الغموض دي .. احنا كمان ساعات بنحس اننا مش فاهمين الراجل عايز ايه ...

وحكاية اللبس والماكياج والجمال .. ده ربنا سبحانه وتعالى بيقول ( أومن ينشأ في الحلية ) .. يعني إن البنت من وهي صغيرة بتحب تتجمل وتتزوق وتهتم بشكلها .. أنت بس حاول تخش لأوضة بنت وشف الحاجات الموجودة على تسريحتها .. والحكاية مش حكاية تضليل وخداع .. الحكاية حكاية ان الوحده عايزه تبقى حلوة .. بس بشرط إن الزينة لا تكون عند الرجال الأجانب .. قال تعالى ( ولا يبدين زينتهن الا لبعولتهن .. الخ) ..

وحكاية الحب والكلام ده كلنا بشر لينا نفس المشاعر .. بس يمكن البنت بتكون تقيلة اكتر من الراجل المتسربع :D

وموضع فارس الأحلام .. أنا بنصحك تفتح توبيك جديد عن الموضوع ده :P

أي خدمة تانية يا باشا ؟؟!! :D

[bodda]

تحيه فعلا للموضوع

ومعلش ان تانى رد برضه خشن

لكن انا مش مع التساؤلات اللى فاتت لان الكائن البشرى واحد

بس الرجال الشرقيين همه اللى غاويين يقولوا موضوع غموض المرأه ده

وبغض النظر عن الفروق التشريحية بين الجنسين

فكل يسر لما خلق له

وكل منهم له مشاعر واحاسيس ومتطلبات و قدرات ووووو...كل شئ

بس الغريب فعلا يا مصرية الهوى انى مش شايف تعليق نسائى حتى الان

ولو مش هايضايقكم !!! نتمنى المشاركه فى الموضوع الجميل

رمضان كريم

:unsure:

[bentmasria]

ميرسى يا مصرية الهوى على الموضوع الظريف ده واوعدك اساعدك بس اول ما حرارة محمد تنزل على طول ودلوقتى بما ان المشاركات الرجالية دخلت الاول فببساطة ما تزعليش احنا عددنا قليل صحيح بس الواحدة بميت راجل :unsure:

فما تخافيش اؤكد لك ان شهد ومدام سلوى واوشا وفلانة وكل الستات حيشاركوكى الاتحاد ده ده انا كمان بفكر اتصل بمدام الاستاذ عادل تدخل تكتب لك مخصوص

اتجدعنى بس واحنا وراكى

ربنا يوفقك وييسر لك الخير

ام حماده

[ENG. BEHAIRY]

( فَعَزَّزْنَا بِثَالِثٍ ) ثالث الرجالة وليس آخرهم ..ألف مبروك .. ورمضان كريم

والإتحاد قـوة شــريطة ألا تلعـب به الأهــواء ، أو تتقـاذفه الأمـواج

وظنى أن اتحادكم ســـيكون محــل احـترام وتقـــدير

ولا بأس على عصفورنا الصغير ( حماده)

كــبير المحـــاورين الصغـــار

وهمــــزة الوصــــــل

بين الإتحادين

تم تعديل 21 أكتوبر 2005 بواسطة ENG. BEHAIRY

[مصرية الهوى]

أهـــــــــلاً وسهــــــــلاً ...نورتوا :P

لا بقى على كده احنا هنحول الاتحاد لاتحاد نسائي + رجالي ...

يعني هنطرد مين mfb:

مفيش غير العيال الصغيرين ...

بس والله حبيبي حماده مسكين .... أكيد هيعيط لو هنطلعه من الاتحاد

:unsure:

يبقى خلاص الاتحاد هيبقى (اتحاد الأسرة العربية ) (ستات ورجاله وعيال )

:D :D

========================

bodda احنا هنخليك معانا .. عشان محتاجينك :D

تتولى مواضيع المطبخ .. وتتحفنا بأكلاتك الجميلة

:D

بنت مصرية ..

أهلا بيكي يا حبيبتي ... ألف سلامة لابننا الجميل حماده .. إن شاء الله ربنا يشفيه ويعافيه ...

وعايزاكي تشاركينا بموضوعاتك الحلوة الممتعة ..

بشمهندس بحيري ...

لغاية دلوقتي المشاركات 2 ستات و 3 رجاله ...

يبقى مفيش يا بنت مصرية غير اننا نتكل على الله ونسيب الموضوع لل Men يتصرفوا فيه على مزاجهم ويبقى ( الركن السماوي) بدل ما كان (الركن الوردي) :D

[shahd]

لا وحياة عيونك ياجميل الركن الوورررردي بس شدي انت الهمة واحنا وراكي :unsure: ياسكرة

تم تعديل 21 أكتوبر 2005 بواسطة شهد

[ابو صلاح]

ايه يا بني ايه اللي جابك هنا  mfb:

هو انا الغلطانة في العنوان .. والا انت الغلطان  :D

هو انت بتعرفش تقرأ .. مشفتش التهديد اللي فوق .. إن مصيرك هيبقى حتت في أكياس بلاستيك

:unsure:

لا بجد .. يا محمود .. من حقك تسالنا احنا البنات أي سؤال انت عاوزه ..

اول حاجه أنا مش فاهمة قصدك بكلمة الغموض دي .. احنا كمان ساعات بنحس اننا مش فاهمين الراجل عايز ايه ...

وحكاية اللبس والماكياج والجمال .. ده ربنا سبحانه وتعالى بيقول ( أومن ينشأ في الحلية ) .. يعني إن البنت من وهي صغيرة بتحب تتجمل وتتزوق وتهتم بشكلها .. أنت بس حاول تخش لأوضة بنت وشف الحاجات الموجودة على تسريحتها .. والحكاية مش حكاية تضليل وخداع .. الحكاية حكاية ان الوحده عايزه تبقى حلوة .. بس بشرط إن الزينة لا تكون عند الرجال الأجانب .. قال تعالى ( ولا يبدين زينتهن الا لبعولتهن .. الخ) ..

وحكاية الحب والكلام ده كلنا بشر لينا نفس المشاعر .. بس يمكن البنت بتكون تقيلة اكتر من الراجل المتسربع  :D

وموضع فارس الأحلام .. أنا بنصحك تفتح توبيك جديد عن الموضوع ده  :P

أي خدمة تانية يا باشا ؟؟!! :D

<{POST_SNAPBACK}>

شكراً على الرد يا مصرية الهوى

أنت بس حاول تخش لأوضة بنت وشف الحاجات الموجودة على تسريحتها

معلش انا اصلى ماليش خبره فى الحاجات دى وكمان ماليش اخوات بنات فمتلاقيش عندى خبره فى المسائل النسائيه دى

وموضع فارس الأحلام .. أنا بنصحك تفتح توبيك جديد عن الموضوع ده 

اما عن الموضوع ده انتى طالعتيها فى دماغى وشكلى هعملها قريب

وألف سلامه على حماده الصغير .. بس حماده انا عايزه ينضم للحزب الخشن علاشان يطلع جامد كده ويجعل نصر المنتدى على ايديه بعد ما الحزب النسائى يكروشونا من المنتدى وينصرنا عليهم ويأتينا بمقاتيح المنتدى :D

[Folana]

وسعوا السكة ..................النساء قادمات......

اختنا مصرية الهوى ...انت مواضيعك كلها هايلة ومستفزة وبتنشط الدورة الدموية والخلايا المخية وبتطلع الحاجات المستخبية ....

موضوع رائع بالطبع ...حنفضل نتكلم فيه حتى اخر العمر...لانه بينبثق منه مواضيع اخرى غاية فى الاهمية واللى حنتتطرق لها انشاء الله فى مناسبتها ...

الاخت الغالية بنت مصرية سلامة محمد وربنا يطمنك عليه انشاء الله .....

[Folana]

[

معلش يا جماعة انا عارف انها اسئله رزلة ومايله ناحية السذاجه شويه .. بس انا صريح حبتين .. حتى تلاقونى مكروه فى المجتمع :D

يعنى احنا نروح منكم فين بقى ؟؟!!!..كل مانقعد على قهوة حتيجوا كده تدخلوا بناتنا؟

حيث انك وصفتنا بالجنس الناعم يبقى تستاهل ارد عليك mfb:

السؤال التالت انا مش حينفع ارد عليه ..لان فارس احلامى بيسوى معاشه خلاص :unsure: يعنى كان ممكن اجاوبك من سبعين سنة فاتوا :D ..بس بارمى الكورة لشهد ولباقى البنات

اما باقى الاسئلة فحارد عليها كلها بس بعد الفاصل

تم تعديل 22 أكتوبر 2005 بواسطة folana

[bentmasria]

فلانة يا قمر

حتى لو بيسوى المعاش ماهو برضه فارس زمان الحليوه

اللى النظرة منه كان يتفات لها بلاد

اوصفيه قبل ما الشعر يشيب والسنان تقع :D

يمكن الوصف يعجب بنات اليومين دول وتلاقى لك واحدة تساعدك فى شغل البيت :D

ولا ايه .؟؟؟؟؟؟؟؟؟؟؟؟ :unsure: mfb:

ربنا يسعدك يارب

جيجى

اتجدعنى فين المداخلات والحاجات والمحتاجات؟؟؟؟؟؟؟؟؟؟؟؟؟

ادعوا لمادا الحرارة تنزل ويبطل ضرب فيا وانا حشارك كتييييييييير جدا

[مصرية الهوى]

صور مفارش بتطيييير العقل :blush:

:D :) :)

[مصرية الهوى]

أحلى حاجه في الدنيا فساتين السهرات :blush:

أنا اليوم جيبالكم موقعين إنما ايه ... فيها حاجات تحفة

الأول : موقع المصمم اللبناني إيلي صعب .......إيلي صعب

والتاني : موقع المصمم اللبناني زهير مراد زهير مراد

بصراحة زهير مراد ذوقه خطير ... وفساتينه هايلة هايلة وبتجننننننننننن

اتفرجوا وقولولي رايكو

:D :)

[مصرية الهوى]

شهد .. مستنياكي ياقمر :)

آها يا محمود ... معندكش اخوات بنات .. ده اللي يخليك محتار في أمر البنات :blush: .. خلاص ولا يهمك احنا اخواتك .. والتوبيك بتاع فارس الأحلام اللي هيجي على حصان أبيض يخطفني من البلكونة .. انت اتجدعن وافتحه وهتلاقي ردي اول واحد :D

فلانة ... نورتي نورتي يا اهلا وسهلا

يلا ورينا همتك في مواضيع تنشيط الدورة الدموية والخلايا اللي مش عارفه اسمها ايه :)

يااااااااااااارب تشفي مادا ويبطل ضرب في ماما عشان تورينا الحاجات الجميلة اللي عندها

:D

[shahd]

تالت سؤال : ياريت تخدوه ببرأه شويه .. لأنى والاهى العظيم بسئل السؤال وانا كلى برأه وبدون اى خبث

وهو : انتو بتحبو ايه تكون مواصفات فارس احلامكم .. بلاش كلمة فارس دى علاشان حاسس انها اتلغت من 600 سنه بس ايه مواصفات شريك حياتكم اللى انتو بتحلمو بيها او نفسكم تلاقوها

شوف ياباشا فارس الأحلام كلمة لسه ما اتلغتش ومش حتتلغي الا بقى من وجهة النظر الي بتقولك طويل القامة عريض المنكبين شلولخ ياعم هوانا حتجوز قطر :blush:

الفروسية في الرجولة والشهامة وكرم الأخلاق والي الدين والتقوى زاده نشيله في رموش عنينا بس كله بالهداوة مش زعيق وشخط ونطر ( رفقا بالقوارير) لا عايزين مجوهرات فانيات ولا اموال غير باقيات انما الي نحتاجله فعلا من فارس الأحلام هو التقوى والحب والأحترام

ياحلاوة ياشهد ايه الجمال ده :D

[شاعرالرومانسية]

:blush:

:D

:)

دلوقتى كانت النتيجة تلاتة بنانيت و تلت خناشير ( رجالة يعنى )

انا حدخل كدة حخلى كفة الخناشير اكتر .. ;)

بس مش مهم ... :)

رجالة .. وطول عمر ولادنا يابلادنا رجالة :P

مصرية الهوى ،،،

ماشى ياستى عاوزة تعملى اتحادات ومنظمات وتكتلات ...ومالوا

واحنا تحت امرك فى اى مشاورات أومساعدات لزوم الثورة البيضاء دى B)

وعلى فكرة ماتنسيش ان صور المفارش اللى حطتيها دى اكيد اللى مصممها ...... راجل :)

بنت مصرية ...

الف سلامة للحبيب حمادة وابقى طمنينا علية ... ومنتظرين عودتك :wub:

فولانة ..

انتى متأكدة ان الصورة اللى حطتيها دى ..

للتعبير عن ..........النساء!!!!

الاخوة زملاء الكفاح

محمد .. بودا .. م/ بحيرى

منورين الاتحاد النسائى الجديد ...و

يارجال المنتدى .. اتحدوا :D

[شاعرالرومانسية]

مصرييييية ،،،

فين تحليلك النفساوى بتاعى ....؟؟؟؟

والا تلاقيكى بقى ولا شيلتى الاتعاب ولا حاجة .. وعرفتى انى زبون من ابو بلاش ... :D

فطنشتى... :blush:

[مصرية الهوى]

ماشي ياعم الحاج .. شاعر الرومانسية ...

أنت جاي تعمل إعلانات غير مدفوعة الثمن للاتحاد بتاع الخناشير ... في صفحة الاتحاد بتاع البنوتات :blush:

وموضع التحليل .. آنا آسفة جداً جداً ... عشان الموضوع راح فأنا مخدتش بالي .. أنا رااااااايحة هناك .. حصلني :D

[Folana]

شاعر الرومانسية .....الا متأكدة ..متأكدة طبعا ...مش المثل بيقولك ..غمض عينيك وامشى بخفة ودلع (كما هو موضح بالصورة)..دى الدنيا هى الشابة وانت الجدع ..تشوف رشاقة خطوتك تعبدك لكن انت لو بصيت لرجيلك تقع ..وعجبى ى ى

ولا المثل القائل ..البنات البنات الطف ال كائنات ...اتغاظوا يا ياأ ولاد ..طا فا طيفى طا طا طاااااااااااااا ....,وطبعا اللطف كله باين فى الصورة المرفقة -اللهم احفظنا- :blush:

ابو صلاح..اسئلتك متناقضة ومالهاش محل من الاعراب خالص الحقيقة ....(معلش بقى مادام رجلك جابتك لحد المجمع النسائى اللغوى المتحد يبقى تتحمل كلامنا )...الجنس الناعم لا يتسم بالغموض اطلاقا ..ممكن تسميه تحفظ او خجل او عدم قبول للشخص اللى بيتعاملوا معاه ...ومادام طلبت الصراحة بقى ..يبقى ممكن يكون نوع من الرسم على تقيل ..البنت تبقى ساكتة وغامضة ومرواغة الا ان يقع المطلوب ويطب ..بس مش كل البنات طبعا كده .

التناقض بتاع اسئلتك بيتضح من الجزء الثانى من السؤال الاول والسؤال التانى ..يعنى انت بتقول ان الرجالة بتحب البنات علشان رقتهم وجمالهم وبعدين بتسال ليه البنات بتحط مكياج؟ماهو ده رد على سؤالك الاول يااخى الفاضل ..وبنطبق شعار نحن لا نكذب ولكن نتجمل ....

,وبعدين مافيش بنت وحشة كل انسانة لها جمال بيميزها عن الاخرى وبيقولوا لولا اختلاف الاذواق لبارات السلع ..ولو ان الكلام ده بيتقال فى مجالات تانية لكن يمشى معانا برضه هنا ...انت كمان لما تكون رايح تقابل حد او حداية بتلبس اشيك ماعندك وترش كالونيا وتظبط حالك ..ياترى ده خداع وعلى فكرة لو كنت تقدر تحط ماكياج كنت حتعمل كده برضه زينا ..بلاش احقاد علينا وسيبنا نشوف اكل عيشنا :D

بالنسبة لفارس الاحلام او العريس المنتظر ..ونظرا لحالتى الاجتماعية حيث انى متزوجة واعول ..فانا مش حاقدر اقول مواصفاته دلوقت طبعا والا حاروح ورا الشمس ...لكن يااختى العزيزة ام حمادة اذا كان الموضوع يختص ببنات الخير اللى حيجييوا يساعدونى ..فاحب اعلن من هذا المنبر ان فارس احلامى شبه رشدى اباظة فى فيلم الرجل الثانى ..مش من ناحية الدهاء والمكر فقط ولكن فى الشكل ايضا ...هه ..كويس كده يالا يابنات بقى ورونى همتكم ...

لكن انا اتمنى لبناتى ان ربنا يرزقهم بالزوج الصالح واللى يتقى الله فيهم ومش مهم ابدا الجانب المادى ..وبرضه يكون فيه شىء من الوسامة من اجل تحسين النسل :)

السؤال الرابع ..انا اول مرة اسمع ان الرجالة بتحس بلوعة الحب ؟؟ويعتى ايه لهفة القرب من الجنس الاخر ؟ده عموما يعنى ولا القرب من حبيبته ؟وضح علشان نعرف نجاوب

برضه سرقتم منا الكادر وخلتونا نرد عليكم ....

فلتحيا الستات

انا حابدا المشاركة الفعالة ياجيجى بس اما نشوف الاخوان دول عايزين ايه مننا...