يا نساء المنتدى ... اتحـــــــدوا !!!

[مصرية الهوى]

..فاحب اعلن من هذا المنبر ان فارس احلامى شبه رشدى اباظة فى فيلم الرجل الثانى ..مش من ناحية الدهاء والمكر فقط ولكن فى الشكل ايضا

محجووووووووووووووووووووووووووز.......

هو ده فارس أحلامي ... عايزاه .. عايزاه .. عايزااااااااااااااااااااااااااه ..

والمهر والشبكة والشقة اللي عالنيل والشاليه اللي في شرم والفيلا اللي في لندن والمزرعة اللي في سويسرا واليخت اللي في البحر الأبيض المتوسط ... كلها

عليا ... هو يجي بهدومه بس :blush:

ودبور زن على خراب عشه :)

إنما حرارة الحب اللي يقول عليها محمود فكرتني بهنيدي في عسكر في المعسكر .. لما حبيبته كانت بتقوله أنا حاسه بحرارة ويقولها ايوى دي حرارة الحب .. اتاري النار والعه وراهم :D :)

تم تعديل 22 أكتوبر 2005 بواسطة مصرية الهوى

[soooo]

أوضة نوم .. لون حوائطها أحمر :)

دي ليله كوبيااااا :blush:

الفروسية في الرجولة والشهامة وكرم الأخلاق  والي الدين والتقوى زاده نشيله في رموش عنينا  بس كله بالهداوة مش زعيق وشخط ونطر ( رفقا بالقوارير) لا عايزين مجوهرات فانيات ولا اموال غير باقيات انما الي نحتاجله فعلا من فارس الأحلام هو التقوى والحب والأحترام

هاذا والله كلام العين .. هاذا والله كلام الزيييييييين

هلا هلا هلا هيــه (وش واحد بيرقص بنابوت صعيدي)

محجووووووووووووووووووووووووووز.......

هو ده فارس أحلامي ... عايزاه .. عايزاه .. عايزااااااااااااااااااااااااااه ..

والمهر والشبكة والشقة اللي عالنيل والشاليه اللي في شرم والفيلا اللي في لندن والمزرعة اللي في سويسرا واليخت اللي في البحر الأبيض المتوسط ... كلها

عليا ... هو يجي بهدومه بس B)

ودبور زن على خراب عشه  :P

كلنا هذا الرجل :)

كلنا رشدي أباظه في فيلم الرجل الأخضر :D

س يا اخت جيجي .. بالنسبة لبند الهدوم .. انا باقول تكسبي فيه ثواب وتشتريله هدوم بالمره .. واهو العيد داخل ..

وعلى رأي المثل .. ان كبر ابنك خاويه :wub:

عقلي الباطن بيقوللي ان جيجي هاتحطني في دماغها عشان اللي قلتو :D

لكن ومالو ..

نحن لها ..

يا محاورين المحاورات ..

يا رجال مصر الأحرار ..

يا جدعان ..

اخوكم هايتبهدل

هل من مغييييث ؟؟!!

ومن هذا المنبر الحر .. أقول ندائي ..

الى السيد عماد حمدي القاطن بدير النحاس .. الدواء فيه سم قاتل :)

[مصرية الهوى]

سو يا سو حبيبي حبسو ...

بص يا سو ... الست لما تحط حد في دماغها وتبقى عايزه تنتقم منه ... ليها أساليب معينة ..

بالكلمة الحلوة والابتسامة :angry2: ...

لحد ما هوووووووب .. الراجل يقع ومحدش هيسمي عليه ... :P

ليه هي أوضة النوم مش عجباك ؟؟!!

بالعكس دلوقتي الموضة الالوان الغامقة ... والالوان القاتمة تعطي للأوضة طابع الفخامة والروعة :blink:

لو كلكم هذا الرجل .. فين الإثبات ؟؟؟ :P

====================

إعلان لأعضاء الاتحاد النسائي ...

احنا ان شاء الله هنركن الموضوع على جنب كده ... عشان العشر الأواخر .. ونسأل الله أن يعيننا فيها على الصيام والقيام ...

[Folana]

السلام عليكم ورحمة الله .....

ايحاءا للذكرى الاربعنية للركن الوردى قررت اجرب ارسال الصور دى وانتم وحظكم بقى ....

ملابس تنكرية للاطفال :::::::::::::::::::

تم تعديل 19 نوفمبر 2005 بواسطة folana

[se_ Elsyed]

صور مفارش بتطيييير العقل :ninja:

يا أهل الله ياللي هنا ... إحم إحم ... دستور

يا أخوانا يا بتوع المفارش اللي تهبل ...

عندكو شاندوشتات شاورما ؟ :wub:

لأ بجد ... في كام محل كده يا جيجي في مركز الشُعلة وكمان في عقارية العُليا .. أنا باخاف أعدي من قدامهم أحسن أتعور .. لإن منظر المفارش لوحدها بس تخلي الواحد ينام على نفسه ... تفتكري ممكن آلاقي حاجة من دول في حدود 120 ريال ؟

[Scorpion]

سكوربيون واقف بره الموضوع ده .. و ما قراش اي كلمة فيه .. و مش عايز يعرف نساء المنتدي عمالين بيعملوا ايه ... انا جيت بس انده علي القلة المندسة اللي فضولهم فاق فضول القوارير ...

اجمع عندي بره يا دفعة منك له ... و كله متدور مكتب ... و درس محو الأمية أنجليزي علشان تعرفوا تفهموا الكلام .. مكتوب Female بس ... ايه اللي دخلكم هنا منك له ... هه ؟؟ خلاص ما بقاش فيه برايفسي ؟

سماح انت يا سي السيد .. انا فاهم ان النضارة هي السبب ... هاتهم بقي .. و سيبوا الفيمال يثرثروا زي ما هما عايزين لغاية ما يقعوا ي شر أعمالهم ...

بسسسست ... الموضوع ده محطوط تحت الرقابة .....

[مصرية الهوى]

مساء الخير ... عالناس الغير ..

اللي مش اي اي ..

ولا زي زي ..

مش حرام ياهندسة ..

الهجر والاسى ..

لا صبح ولا مسا ..

ولا حتى كلمة كويسة ..

لكن هأقطعك حته حته ..

وافرقك على عيال الحته ..

وأقولهم ده اللي خد قلبي ..

ومسابش منه حته ..

:D

===============

مقدمة لا بد منها مهداه إلى ( الـــــركن الـــــوردي) ،، بعد غياب طويييييييل ..

بس عشان ميزعلش مني .. إني طنشته ومشيت !!!

الهمة يا فلانة تعالي معايا عشان ننفض الغبار :D

هي الاربعينية عدت بجد !!!

إنما الكتاكيت دول امامير بجد :D

...................

لا ياسي السيد أنت روح لــ bed&bath اللي في صحارى مول .. هناك بجد هتنام على نفسك ..

بس اوعى تسأله الحاجة دي بكم ؟؟

أصل أنا بروح أتفرج .. وأنا ساكته ..

وقلبي يتقطع ... ويبكي بحرقة :P

ومسألش عن السعر عشان ميغماش عليا !!!

..................

عمو سكوربيون ..

أه الله يخليك شيل كل الmale .. عايزين نتكلم براحتنا وبهدوء... من غير أصوات مزعجة :P

=====================================

أنا في مرحلة إعداد مواضيع رهيبة ...

رايحة ..

وهأجي .. :D