محاكمة صدام

[shawshank]

[هادي]

عزيزي (shawshank)

انت دايما بتفتح موضوعات :blink:

أقول ايه بس

شـــــــــــــــــــــــــائكة

ولكنها قوية ومطلوبة

طبعا محاكمة صدام هي جزء من الحرب النفسية على النظام العربي كله

يعني زمان كانوا عملاء بالشوكه والسكينة

دلوقت عم بوش مش عاجبه

عاوز شيك على بياض

ولسان حاله :

(شفت اللي مش بيسمع كلام ماما امريكا بيحصل له ايه)

طبعا لا اعفي صدام من المسؤولية فيما يلقاه

وفيما يلاقيه الشعب العراقي يومياً من اذلال ومعاناة

ولكني استغرب جدا

حالة صمت القبور التي يعيش فيها (الجدعان) بتوعنا

كله مكفي كده !! .. كله انخرس ..

معقوله

مفيش جدع في المنطقة يقدر يقول (لأ)

حتى اللفندي بتاع الكتاب الاخضر

اللي كان عامل فيها - رعدين - أخو عبد العال

طلع قطه

راح فك المصانع وشحنها على امريكا

وتعويضات لضحايا لوكربي بمليارات !!!

بيقولوا عمل جمعية وهيسدد من مرتبه

وناس بتقول استبدل المعاش !!

ربنا معاه

المهم ان صدام برضه دخل موسوعة جينيس

اول رئيس يتصور بالكلسون

وتتصدر صورته صفحات الجرائد العالمية

لكن حول مصداقية المحاكمة

فهي مجرد تمثيلية سخيفة

وامبارح قتلوا محامي تاني من هيئة الدفاع

حاجه سخيفه

ولعبة قذرة

والواحد بيمل من متابعة المسرحيات القذرة

لك الله يا عراق

الدور دلوقت على حصار سوريا وتجويعها

قرصة ودن

مش عشان حزب الله ولا يحزنون

بس عشان يحكم الوضع جوه العراق شويه

فمره يقرص ايران

ومره يقرص سوريا

لأنه ضامن السعودية و تركيا

وبكده تقدر تقول ان العراق ادامه من 15 - 20 سنة قادمه

يبقى الوضع على ماهو عليه

حالة لا سلم ولا حرب

وعلى المتضرر اللجوء للقضاء

تم تعديل 9 نوفمبر 2005 بواسطة هادي