اللى يتفرس لوحده يزور

[صفاء]

مقتطفات قلة أدب وفنون

شوية أخبار فنية تفرس

بعد ما قريتها قلت اللى يتفرس وحده يزور .. محبيتش أحرم زملائى الأعزاء من فرصة عظيمة للفرسة

أول خبر عن الـ .... بنت الـ... اللى اسمها ليندا فهمى صاحبة الأغنيه " والله انا مكسوفة وانا بقول أغنيه"

اللى اسمها " أوى أوى" أو على حسب مقطع آخر من الأغنية " كضه وكضه .. تقصد كده وكده .. بس هى لدغة فى حرف الدال :D

المهم ان الفنانة المجلة اللى مسابيتش حتة إلا أما هزتها أثناء الأغنية العاطفية اللى بتدل على أسمى معانى الحب والغرام خصوصا وهى بتقول لحبيبها .. نفسى اعيش وياك يومين :D قالت خبر يفرس

الخبر نقلا عن جريدة الفن بيقول :

أبدت المطربة ليندا فهمى غضبها من الشائعات التى إنتشرت مؤخراً بأنها متزوجة ..و أضافت ليندا فهمى أن الشائعات أصبحت موضة داخل الوسط الفنى تستهدف القضاء على بعض النجمات اللاتى استطعن بأعمالهن الجيدة خطف الأنظار و حصد إعجاب الجماهير و قالت ليندا فى صراحة .. أنها مش متزوجة و لا يشغلها حالياً سوى العمل فى شارع الطرب و التألق بأغان يقبل عليها الشباب .

" يا 100 ندامة عالطرب"خلال الأسابيع المقبلة تباشر ليندا العمل فى كليبها الجديد ( بشويش بالراحة ) المرشح لإخراجه مازن الجبلى مخرج كليبها السابق ( أوى أوى ) الذى تقرر إعادة عرضه مرة أخرى بقرار من المنتج الكبير محسن جابر و من المنتظر أن يتم عرضه حصرياً أول أسبوعين على قناة ميلودى أرابيا و بعد ذلك يتم توزيعه على قنوات الطرب .

" الظاهر أما إديتها أوى أوى فى الكليب الأولانى .. نصحوها تشتغل بالراحة شوية فى الكليب التانى "

وعلى رأى اللى قال ... عجبت لك يا زمن

الخبر التانى عن المدام روبىىىىىىىى

ثري عربي يعرض تحمل تكاليف حج

روبي

من جيبه الخاص

" أكثر الله من أمثاله .. أكيد هدفه نبيل وعاوز يهديها بس ... بس !!!؟

روبي تجهز لكليب جديد على غرار ما قدمته من قبل وهو أمر يثير التساؤل لا سيما أن المطربة تصر إصرارا غريبا على الاستمرار في تلك النوعية من من الكليبات التي تخصصت فيها وهو ما يعكس حالة التناقض التي يعيشها بعض الفنانين ومنهم روبي كنموذج عندما يعتقدون أن هناك انفصالا بين فرائض الدين والسلوكيات الحياتية العامة، إذ أنه من المتوقع أن تأتي من شعائر الحج لتستأنف نشاطها الفني بنفس الشكل .

ووفق الأنباء التي تتردد فإن روبي لن تتحمل مليما أحمر في رحلة الحج والتي سوف تكون سريعة ولن تستغرق سوى أيام قليلة جدا ، حيث يتحمل أعباءها أحد الأثرياء العرب الذي عرض على روبي الفكرة .

حلوة قوى التوبة دى !!

أقول ايه ؟ربنا يهد اليهووووووووود

كفاية فرس النهاردة وبكرة راجعة أفرسكو تانى ;) ان شاء الله طبعا

تم تعديل 26 أكتوبر 2005 بواسطة se_ Elsyed

[مصرية الهوى]

أنها مش متزوجة و لا يشغلها حالياً سوى العمل فى شارع الطرب و التألق بأغان يقبل عليها الشباب .

( أنا بريئة ووجهي طفولي وصغيرة على الحب والزواج )

أتحداكم إذا كان فيه مغنية مقلتش الكلام ده :D ..

انما يا حبيبتي لو عايزه يقبل عليكي الشباب .. اعملي زي ماعملو الهوانم اللي قبلك في كليباتهم ..

أبوووووووووووووس ايدك ياصفاء ...

شيلي صورة البت اللي اسمها روبي .. أصل أنا بيجيلي اكتئاب وحمى وانفلونزا طيور لما بأشوف خلقتها :D

وانا كنت ناوية اروح الحج السنة دي ... بطلنا ياعم

نحج لقم والا مشهد أحسن ...

تم تعديل 25 أكتوبر 2005 بواسطة مصرية الهوى

[صفاء]

مصريةةةةةةةةة

بالعكس انا عاوزاكى تروحى عشان تشوفيها من غير مكياج ولابسة زى الناس عشان تيجى تحكيلنا

بس أكيد مش هاتعرفيها

[الرافعي]

سيداتي آنساتي

أنا في الحقيقة خايف يكون الموضوع ده حريمي، وأنضرب زي اللي دخل حمام غلط ...

في الحقيقة عندي رد على المصيبة الأولى والمصيبة التانية، وبقية المصايب اللي ما كتبتش عنهم الأخت صفاء، بس في الحقيقة موش قادر أعمله لسببين:

الأول احتراماً لكم

الثاني ... ريقي ناشف :D

[صفاء]

سيداتي آنساتي

أنا في الحقيقة خايف يكون الموضوع ده حريمي، وأنضرب زي اللي دخل حمام غلط ...

في الحقيقة عندي رد على المصيبة الأولى والمصيبة التانية، وبقية المصايب اللي ما كتبتش عنهم الأخت صفاء، بس في الحقيقة موش قادر أعمله لسببين:

الأول احتراماً لكم

الثاني ... ريقي ناشف  :D

<{POST_SNAPBACK}>

طيب استاذ حلاوة .. هانستنالك لبعد الفطار .. بعدها لا حرج فى العلم :D

[se_ Elsyed]

أنا شيلت الصورة إحتراماً لمشاعر الناس اللي صايمه .

تحياتي ،،

[الرافعي]

وانا كنت ناوية اروح الحج السنة دي ... بطلنا ياعم

نحج لقم والا مشهد أحسن ...

<{POST_SNAPBACK}>

جيجي بلاش مصرية الهوى، متخليها إيرانية الهوى أحسن ؟؟؟ :D

[shahd]

أنا شيلت الصورة إحتراماً لمشاعر الناس اللي صايمه .

تحياتي ،،

<{POST_SNAPBACK}>

جزاك الله خيرا اخي الفاضل سي السيد واكرمك الله

[صفاء]

أنا شيلت الصورة إحتراماً لمشاعر الناس اللي صايمه .

تحياتي ،،

<{POST_SNAPBACK}>

ربنا يخليك لينا يا سى السيد وميحرمناش منك أبدا " على رأى أمينة"

بس أنا عاوزة أقول حاجه ...

هى يعنى الصورة من كتر ماهى حلوة .. انت خفت على الصايمين

طب وعهد الله روبى دى حاجة تموع النفس وتحث على غض البصر كمان

ال على رأى المثل .. بخت العفنة بالحفنة :D

[صفاء]

يا جماعة الصورة كان باين فيها راس روبى اللى زى القلقاساية بس

احسن اللى مشافش الصورة يفهم غلط

انتى شفتيها يا شهد ؟

[shahd]

يا جماعة الصورة كان باين فيها راس روبى اللى زى القلقاساية بس

احسن اللى مشافش الصورة يفهم غلط

انتى شفتيها يا شهد ؟

<{POST_SNAPBACK}>

يا اخت صفاء انا ما يهمنيش اشوفها كل الي بتمناه ليها ولكل الناس هو الهدايه وده مش بعيد على ربنا ياما في ناس كده وربنا تاب عليهم اللهم اغفرلنا جميعا وارحمنا برحمتك وبكرر شكري لسي السيد بارك الله فيه بس خلاص

[صفاء]

الأخت شهد

يا ستى ربنا يتوب علينا وعليكى ويهدى الجميع ..

أنا كمان ميهمنيش انك تشوفى أو متشوفيش .. أنا سألت سؤال محدد لغرض محدد

وهو انك دخلتى بس عشان تشكرى سى السيد انه شال الصورة وكأنك مثلا إشمأزيتى من منظرها الخليع !!!!!

عشان كده أنا أصريت أسألك انتى شفتيها ؟

خصوصا ان اللى هايدخل بعدك ويشوف ردك ورد سى السيد .. هيفتكر انها صورة تتعدى حدود الأدب

الصورة اللى عرضتها عادية جدا ومش باين فيها غير راس بنى آدم..

يعنى أهون من الصورة اللى سابها سى السيد

احتمال شكل وجه روبى الفتان بيفطر الصايمين فى رأى الأخ سى السيد .. ودى وجهة نظر احترمتها وبلعتها ومنطقتش مع سى السيد ..

هو حد يقدر ينطق مع سى السيد ؟ :D

بس كمان لقيتك رجعتى برد على ما أظن بلهجة فيها شىء من التوبيخ اللطيف ودعاء بالهداية !! لا وايه ... تكررى شكرك لسى السيد !!!! ده اللى استغربتله ..

طب كنتى طلبتى منه بالمرة يشيل الصورة اللى باقية " هى أولى بقى على الاقل التانية راس بس "

مش كده ولا ايه يا اخت شهد ؟

بس خلاص :D

[shahd]

أنا كمان ميهمنيش انك تشوفى أو متشوفيش .. أنا سألت سؤال محدد لغرض محدد

لا تعليق شكرااااااااااااا

وهو انك دخلتى بس عشان تشكرى سى السيد انه شال الصورة وكأنك مثلا إشمأزيتى من منظرها الخليع !!!!!

ادرك انها ما هي الا رأس فقط ولكن ايضا لا احبذ مثل هذه الصور لا هي ولا الثانية وعموما احترم وجهة نظرك ونظر الجميع

شكرااااااااااااااااااا

تم تعديل 26 أكتوبر 2005 بواسطة شهد

[صفاء]

على أيه حال شهد ..

الاختلاف فى الرأى لا يفسد للود قضية

أنت أخت فاضلة .. واعتذر ان كانت الصور قد آذت مشاعرك

تحياتى واحتراماتى

[Alshiekh]

ليه بس تظلموا البنية الغلبانة

بطلوا افتراء على عباد الله بقى !!!!!

انا كنت عايز اسأل مين روبى دى ، لكن الحمد لله لقيت اخبار طازة عنها فى جريدة الاخبار فى هذا العدد

54 السنة - 16697 ه - العدد 1426 رمضان من 24 - م 2005 أكتوبر من 27 الخميس

أخبار الناس

فيلم عن حياة روبي!؟

بدأ المخرج د.شريف صبري والراعي الرسمي للمغنية روبي في الاعداد لفيلم تسجيلي عن حياة 'روبي'!! والذي جمع له مادة وصفها بأنها مثيرة وثرية جدا حيث يضم الفيلم لقطات من حياتها وحفلاتها وبعض البرامج التي ظهرت فيها ورفض صبري فكرة عرض الفيلم علي القنوات الفضائية. واضاف ان روبي خلال شهر رمضان تقوم بالصلاة وقراءة القرآن بالاضافة الي بعض الانشطة الخيرية التي تقوم بها ! .

[الأفوكاتو]

إقتباس:

واضاف ان روبي خلال شهر رمضان تقوم بالصلاة وقراءة القرآن بالاضافة الي بعض الانشطة الخيرية التي تقوم بها !

هل هى تنوى ترشيح نفسها فى إنتخابات الرياسة ؟

[Doofy]

===================================================

ربنا يهدي الجميع ويتوب علينا بقى ويصبرنا...

:

:

لألألأ مالكيش حق يا صفاء...

حد يحط راس حجه روبي في موضوعه برضه قبل الفطار..؟؟ :D

انا شفت الراس بس يعني كنتي تحطيها بعد الفطار ... :D

أصل انتي جديده هنا وماتعرفيش ان احنا في رمضان مابنتفرجش على تلفزيون ولا بنقرا جرايد ولا حتى مذيعة النشره وحالتنا صعبه زاي مانتي شايفه..

معلش بقى احنا دماغنا و سلو بلدنا كدا فاتعودي علينا ..

وبما انه اول تعليق على مواضيعك فطرحك دايما ظريف ومفيد وانتي زي الفل..

ويا جماعه ياعني براحه على بعضنا شويه

وأحب اهديلكم اللنك داه ( دوس هنا )

وانا اللي بس خلاص :wub:

تحياتي للجميع

تم تعديل 27 أكتوبر 2005 بواسطة Doofy

[صفاء]

ليه بس تظلموا البنية الغلبانة

بطلوا افتراء على عباد الله بقى !!!!!

انا كنت عايز اسأل مين روبى دى ، لكن الحمد لله لقيت اخبار طازة عنها فى جريدة الاخبار فى هذا العدد

54 السنة - 16697 ه - العدد 1426 رمضان من 24 - م 2005 أكتوبر  من 27 الخميس 

أخبار الناس

فيلم عن حياة روبي!؟

بدأ المخرج د.شريف صبري والراعي الرسمي للمغنية روبي في الاعداد لفيلم تسجيلي عن حياة 'روبي'!! والذي جمع له مادة وصفها بأنها مثيرة وثرية جدا حيث يضم الفيلم لقطات من حياتها وحفلاتها وبعض البرامج التي ظهرت فيها ورفض صبري فكرة عرض الفيلم علي القنوات الفضائية. واضاف ان روبي خلال شهر رمضان تقوم بالصلاة وقراءة القرآن بالاضافة الي بعض الانشطة الخيرية التي تقوم بها ! .

<{POST_SNAPBACK}>

بدل ما نفكر نعمل فيلم زى فيلم الرسالة .. بنعمل عن تاريخ اللامعة روبى

خلينا كده نعملها على روحنا كتير

روبى

يا فنانة عصر الهز

رقصك خلّى الكون يتهز

هزى يا قطة هزى كمان

هزى لجل الحق يبان

إدينا أكتر إدينا

على أد ما تقدرى ورينا

مرة رقصتى بالثعبان

المرة الجاية جوز غربان

ضحى عشان الوطن العربى

روبى وبس.. لاااا فلة لاااا باربى

[صفاء]

[ALIGN=center]

إقتباس:

واضاف ان روبي خلال شهر رمضان تقوم بالصلاة وقراءة القرآن بالاضافة الي بعض الانشطة الخيرية التي تقوم بها !

هل هى تنوى ترشيح نفسها  فى إنتخابات الرياسة ؟

<{POST_SNAPBACK}>

لا .. الصلاة مش من شروط الترشيح للرياسة

من شروط الترشيح فى مجلس الشعب

والانتخابات على الأبواب كل سنة وانت طيب

[صفاء]

===================================================

ربنا يهدي الجميع ويتوب علينا بقى ويصبرنا...

:

:

لألألأ مالكيش حق يا صفاء...

حد يحط راس حجه روبي في موضوعه برضه قبل الفطار..؟؟ :)

انا شفت الراس بس يعني كنتي تحطيها بعد الفطار ... :D

تحياتي للجميع

<{POST_SNAPBACK}>

يا دوفى ده أنا كنت حاطاها مخصوص عشان تسد النفس