اللى حس بليلة القدر يخش

[ابو صلاح]

بسم الله الرحمن الرحيم

لحد دلوقتى عدت ليلتين ممكن تكون واحده فيهم تكون ليلة القدر ولسا فاضل ثلاث ليالى ممكن تكون فيهم ليلة القدر .. وممكن تكون عدت فى الليلتين اللى فاتو

انا مش عارف ايه علامات ان هذه الليلة تكون ليلة قدر او لا ؟ افيدونى

واللى حاسس ان ليلة القدر جابها يقول .. وايه اللى خلاه يحس بكده ؟

يعنى انا حاسس ان ليلة 21 كان فيها جو روحانى جميل جداً .. ليلة 23 ما حستش فيها الإحساس ده زى 21 .. فياترى ليلة القدر كانت 21 ( الله اعلم ) وممكن تكون لسا ما جتش

واللى بيشاركنى الإحساس يقول .. واللى عكسى يقول برضو ...

بس المهم ان احنا نعمل اللى علينا فى الشهر الكريم او اللى باقى من الشهر الكريم ... ونعبد ربنا بزياده سواء كانت ليلة وتريه او لا .. سواء شعرنا بليلة القدر او لا ...

لأن الله يستحق العباده فى ليلة القدر وفى غير ليلة القدر

[mb14]

اخى العزيز

من فضل الله علينا ان من على امة الاسلام ببعض الأعمال التى لو قام بها المسلمون لكان لها فضل عظيم ومنها ليلة القدر التى لو قامها"ايماناً واحتساباً " العبد المسلم لكانت خير من الف شهر .

من علا مات ليلة القدر :

1-ان لا تسمع نباح كلب فى هذه الليله .

2-عند شروق سمش ذلك اليوم انك تستطيع ان تفتح عينيك فيها "اى تكون الشمس بدون شعاع ضار حتى ارتفاعها ".

حقيقة من تجاربى ان شاء تكون ليلة الخامس والعشرون ولكن بشرط اتفاق مصر مع اغلب الدول العربيه فى بداية شهر رمضان اى ان يكون الاستطلاع صحيح لبداية شهر رمضان ولكن لو كان هناك خطأ للأسف لا نستطيع نلاحظ ذلك لاختلاف الليالى الفرديه مع الزوجيه مثل العام الماضى .

وربنا يتقبل منا جميعا صالح الاعمال وان ندرك ليلة القدر .

[ابو صلاح]

تقبل الله منا ومنكم صالح الأعمال انشاء الله

من علا مات ليلة القدر :

1-ان لا تسمع نباح كلب فى هذه الليله .

2-عند شروق شمس ذلك اليوم انك تستطيع ان تفتح عينيك فيها "اى تكون الشمس بدون شعاع ضار حتى ارتفاعها ".

هل يوجد حديث نبوى فى ذلك ... ولا ده اجتهاد علماء

اللهم بلغنا ليلة القدر

[achnaton]

اخى العزيز

من فضل الله علينا ان من على امة الاسلام ببعض الأعمال التى لو قام بها المسلمون لكان لها فضل عظيم ومنها ليلة القدر التى لو قامها"ايماناً واحتساباً " العبد المسلم لكانت خير من الف شهر .

من علا مات ليلة القدر :

1-ان لا تسمع نباح كلب فى هذه الليله  .

2-عند شروق سمش ذلك اليوم انك تستطيع ان تفتح عينيك فيها "اى تكون الشمس بدون شعاع ضار حتى ارتفاعها ".

حقيقة من تجاربى ان شاء تكون ليلة الخامس والعشرون ولكن بشرط اتفاق مصر مع اغلب الدول العربيه فى بداية شهر رمضان اى ان يكون الاستطلاع صحيح لبداية شهر رمضان ولكن لو كان هناك خطأ للأسف لا نستطيع نلاحظ ذلك لاختلاف الليالى الفرديه مع الزوجيه مثل العام الماضى .

وربنا يتقبل منا جميعا صالح الاعمال وان ندرك ليلة القدر .

<{POST_SNAPBACK}>

والله يا اخى الفاضل .. انا شايف العلامات دى من شهر ونصف تقريبا .. منذ بدايه الخريف .. لم اسمح كلبا ينبح بالليل .. ده طول السنه مش الوقت فقط .. كما ان الشمس عندنا من اول الخريف با افتح فيها عيناى بدون نظاره .. هادية وطعمه وفيها حراره لكن مقبوله .. ياترى .. ابقى عشت او شفت ليلة القدر ؟؟ كل تلك الايام ؟؟ اللهم اكرمنا بصالح التفكير والاعمال

[mb14]

الأخوة الكرام

ما ذكرته سابقا هو ما كان عندى من معلومات ولم اتذكر مصدرها ولكن اليكم هذا الرد من شيخ فاضل

علامات ليلة القدر

ذكر الشيخ بن عثيمين رحمه الله أن لليلة القدر علامات مقارنة وعلامات لاحقة

العلامات المقارنة

قوة الإضاءة والنور في تلك الليلة ، وهذه العلامة في الوقت الحاضر لا يحس بها إلا من كان في البر بعيداً عن الأنوار

الطمأنينة ، أي طمأنينة القلب ، وانشراح الصدر من المؤمن ، فإنه يجد راحة وطمأنينة وانشراح صدر في تلك الليلة أكثر من مما يجده في بقية الليالي

أن الرياح تكون فيها ساكنة أي لا تأتي فيها عواصف أو قواصف ، بل بكون الجو مناسبا

أنه قد يُري الله الإنسان الليلة في المنام ، كما حصل ذلك لبعض الصحابة رضي الله عنهم .

أن الانسان يجد في القيام لذة أكثر مما في غيرها من الليالي

العلامات اللاحقة

أن الشمس تطلع في صبيحتها ليس لها شعاع ، صافية ليست كعادتها في بقية الأيام ، ويدل لذلك حديث أبي بن كعب رضي الله عنه أنه قال : أخبرنا رسول الله صلى الله عليه وسلم : ( أنها تطلع يومئذ ٍ لا شعاع لها ) -رواه مسلم

فضائل ليلة القدر

أنها ليلة أنزل الله فيها القرآن ، قال تعالى { إنا أنزلناه في ليلة القدر }

أنها ليلة مباركة ، قال تعالى { إنا أنزلناه في ليلة مباركة }

يكتب الله تعالى فيها الآجال والأرزاق خلال العام ، قال تعالى { فيها يفرق كل أمر حكيم }

فضل العبادة فيها عن غيرها من الليالي ، قال تعالى { ليلة القدر خير من ألف شهر}

تنزل الملائكة فيها إلى الأرض بالخير والبركة والرحمة والمغفرة ، قال تعالى { تنزل الملائكة والروح فيها بإذن ربهم من كل أمر }

ليلة خالية من الشر والأذى وتكثر فيها الطاعة وأعمال الخير والبر ، وتكثر فيها السلامة من العذاب ولا يخلص الشيطان فيها إلى ما كان يخلص في غيرها فهي سلام كلها ، قال تعالى { سلام هي حتى مطلع الفجر }

فيها غفران للذنوب لمن قامها واحتسب في ذلك الأجر عند الله عز وجل ، قال صلى الله عليه وسلم : ( من قام ليلة القدر إيماناً واحتساباً غفر له ما تقدم من ذنبه ) - متفق عليه

الوصله

وصله أخرى

الأخ اخناتون

اللهم اكرمنا بصالح التفكير والاعمال

جميعا اللهم آمين

تم تعديل 26 أكتوبر 2005 بواسطة mb14

[ابو صلاح]

شكراً على الوصلات يا mb14 ...... نورت المحكمه يا باشا ..

انا اللى خلانى ان اعرف ان ليلة 23 مش ليلة القدر . وانا خارج من الجامع لقيت رجل عجوز بيضرب عيل صغير . فقولت اااه مش هى دى ليلة القدر . لأنى كنت سمعت تفسير لأية < سلام هى حتى مطلع الفجر > وهى ان تكون الأرض فيها سلام وعدم صراع . فقولت يبقا مش هى الليلة

انهاردة ليلة 25 ممكن تكون ليلة القدر انهاردة ( شدو حيلكم يا جماعة )

[ابو صلاح]

بأمانه شديدة ما حستش فى ليلة 25 انها ليلة القدر .. وكام موقف كده اثبتو كلامى دوت ( ممكن اكون صح او غلط ) الله اعلم

ياالله يا جماعة انهاردة ليلة 27 .. دى اكتر ليلة العلماء بيقولو انها ليلة القدر .. ده واحد صحبى كمان قالى فى شيخ اعد يقسم لهم انها ليلة 27 .. يعنى شدو حيلكم على الأخر

هقولكم ايه فضل ليلة القدر تانى وما حدش يزهق منى والنبى

- كل ثواب وعمل صالح تعمله فى هذه الليلة يكون ثوابه كأنك تفعله طوال 84 عام

- الدعاء فيها مستجاب وافضل دعاء فيها ( اللهم انك عفو كريم تحب العفو فأعفو عنى ) والعفو هو محو الذنوب نهائياً كانك لم تفعلها

- ينزل جبريل والملائكه الى الأرض بالخير والبركة والرحمة والمغفرة ، قال تعالى { تنزل الملائكة والروح فيها بإذن ربهم من كل أمر }

- يكتب الله تعالى فيها الآجال والأرزاق خلال العام ، قال تعالى { فيها يفرق كل أمر حكيم }

- يعتق الله رقبتك من النار ( يعنى مش هتخش النار ابداً ) لو ربنا اعتقق وذلك كل ليلة من رمضان

والنبى فى حاجة بقا تبعدك عن الخير ده والاهى تبقا انت .......... ولا بلاش

لا بجد يا جماعة ربنا يبلغنا كلنا ليلة القدر ويعتق رقابنا من النار ويستجيب دعاءنا .. امين يارب

[ابو صلاح]

انا عارف ان الناس كلها بتظبط نفسها على ليلة 27 من رمضان وبتقول عليها انها ليلة القدر

فها ايه النظام معاكم وايه اخبار الليلة معاكم