اذهب إلى المحتوى
محاورات المصريين

بابا هوه حسني مبارك صاحب ربنا؟

ابو خليل

بواسطة ابو خليل
في سياسة داخلية

 مشاركة

Recommended Posts

ابو خليل عضو جديد

ابو خليل

بتاريخ:
بتاريخ:

ذكر لي صديقه أنه فؤجي بابنه الصغير الذي لم يتجاوز سبع سنوات يسأله هذا السؤال العجيب :

-هوه حسني مبارك صاحب ربنا ؟؟

حاول الأب أن يفهم الطفل أن حسني مبارك شخص مثلنا .. إنسان تماما مثلنا ، فقط هو يعتبر رئيسنا مثل مدير المدرسة والناظر ..

ولكنه فؤجي بسؤال من نفس النوع :

-هوه حسني مبارك بيدخل الحمام زينا؟

بدأ صبر الأب ينفذ :

ايوة يا ابني مش قلت لك انه بني ادم زينا بالضبط ! فهمت يا حبيبي!

ولكن يبدو أن الإبن –الذي يعامله الاب بديمقراطية مفرطة _ لم يكن قد فهم النظرية أبدا ..

لأنه سأله سؤال أخر :

- يعني حسني مبارك هيموت زي ما جدو مات ؟

وجد الأب أنه لا أمل في ابنه !

فقال له :

مش عارف أقول لك أيه .. بس أكيد هييجي يوم الأيام ويموت !

ساعتها نادت الأم على الأب قائلة : سيبك من كلام العيال ده وتعالي صلح حنفية المطبخ

قام الاب تاركاً أبنه غارق في تساؤلاته الصبيانية !

:)

رابط هذا التعليق
شارك
مازن الدسوقى عضو جديد

مازن الدسوقى

بتاريخ:
بتاريخ:

أوعى يا ابو خليل تقول أسم صديقك أصل يطلع من المطلوبين فى ورق الكوتشينه بتوع طالبان وهربان وأبنه ده أمير جماعه دينيه مناهضه للديموقراطيه ونظام الحكم ومبتدخلش الحمام .

وخلى صديقك يركز فى حنفية المطبخ !!!!!!!!!!!

azaro

رابط هذا التعليق
شارك
Folana عضو جديد

Folana

بتاريخ:
بتاريخ:

ايوه فعلا ..هو حيجى يوم ويموت زى ماجدو مات؟؟؟؟؟؟؟؟؟؟؟؟؟؟؟؟ :) ..والله لو حللنا الاسئلة الصبيانية دى حنستنتج منها حاجات كتير وابعاد فلسفية عمرنا مافكرنا فيها ......

{ لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ }

رابط هذا التعليق
شارك
Alshiekh عضو جديد

Alshiekh

بتاريخ:
بتاريخ:
ايوه فعلا ..هو حيجى يوم ويموت زى ماجدو مات؟؟؟؟؟؟؟؟؟؟؟؟؟؟؟؟ :) ..والله لو حللنا الاسئلة الصبيانية دى حنستنتج منها حاجات كتير وابعاد فلسفية  عمرنا مافكرنا فيها ......

لا ياست فلانة انتى مش واخدة بالك

اصل ساعتها حاتلاقى الحزب الوطنى بقيادة المايسترو واقف بينه وبين ملاك الموت وبيهتف

!!!!! بالروح ..... بالدم ..... نفديك ..... يامبارك !!!!!

--

{وَإِذَا قِيلَ لَهُمْ لَا تُفْسِدُوا فِي الْأَرْضِ قَالُوا إِنَّمَا نَحْنُ مُصْلِحُونَ}(11){اَلَا إِنَّهُمْ هُمُ الْمُفْسِدُونَ وَلَكِنْ لَا يَشْعُرُونَ}(12)وَإِذَا قِيلَ لَهُمْ آمِنُوا كَمَا آمَنَ النَّاسُ قَالُوا أَنُؤْمِنُ كَمَا آمَنَ السُّفَهَاءُ أَلَا إِنَّهُمْ هُمُ السُّفَهَاءُ وَلَكِنْ لَا يَعْلَمُونَ}(11)

new-egypt.gif

ذو العقل يشقى في النعيم بعقله *** وأخو الجهالة في الشقاوة ينعم
***************
مشكلة العالم هي أن الحمقى والمتعصبين هم الأشد ثقة بأنفسهم ، والأكثر حكمة تملؤهم الشكوك (برتراند راسل)
***************
A nation that keeps one eye on the past is wise!A
A nation that keeps two eyes on the past is blind!A
***************
رابط القرآن كاملا بتلاوة الشيخ مصطفى إسماعيل برابط ثابت مع رابط للقراءة
***************
رابط القرآن كاملا ترتيل وتجويد برابط ثابت مع رابط للقراءة
***************
رابط سلسلة كتب عالم المعرفة

رابط هذا التعليق
شارك
أسد عضو جديد

أسد

بتاريخ:
بتاريخ:

وبعد الحق ماياخد حقه ...

حنسمعهم بيقولوا ..

بالروح .. بالدم ..

حنكمل المشوار ....

كالعادة يعني ..

في القصص الرومانسية القديمة .. يكتب المحب رسالة حب .. ويضعها في زجاجة .. ويرمي الزجاجة في البحر .. لا يهم من سيقرأها .. لا يهم هل ستصل إلي حبيبته أم لا .. بل كل المهم .. أنه يحبها ..
وتاني .. تاني .. تاني .. بنحبك يامصر .. ...

 

1191_194557_1263789736.jpg


‎"إعلم أنك إذا أنزلت نفسك دون المنزلة التي تستحقها ، لن يرفعك الناس إليها ، بل أغلب الظن أنهم يدفعونك عما هو دونها أيضا ويزحزحونك إلى ماهو وراءها لأن التزاحم على طيبات الحياة شديد"

(من أقوال المازني في كتب حصاد الهشيم)
 

رابط هذا التعليق
شارك
se_ Elsyed عضو جديد

se_ Elsyed

بتاريخ:
بتاريخ:

يا جماعة ارجو إن الموضوع ما يتقلبش بضحك وهزار ونخرج عن لِب الموضوع

يا خوانا الموضوع يمس شريحة عريضة من المجتمع وهم الاطفال يعني احباب الله يعني شباب المستقبل يعني حملة المشاعل من بعدنا

وبالتأكيد لما نيجي نجاوب اسئلة زي دي لازم ولابد وحتممممممن يبقى عندنا امانة ومسئولية في الكلمة

لذلك من خلال قرأتي المتواضعة في مجال " علم نفس الطفولة السياسية " أستطيع بعون الله ومن غير لا سحر ولا شعوذة ان اجاوب على مثل تلك التساؤلات التي قد تبدو مُحيرة :

بسم الله نبدأ

س : بابا يا بابا يا اجمل اب هو حسني مبارك صاحب ربنا ؟

ج : لأ يا حبيبي استغفر الله ربنا مالوش اصحاب ولكن كان الفراعنة زمان ( مش زمان قوي يعني ) بيقولوا انهما ربنا واليومين دول في ناس يا حبيبي بيقولوا على حسني مبارك بإنه لا ينطق عن الهوا.

س 2 : بابا يا فازر

-هوه حسني مبارك بيدخل الحمام زينا؟

لأ يا حبيبي فلا الريس بياكل فول وطعمية لحد ما قلبه يتحرق زيبنا ولا يا كبدي بياكل ملوخية بالطشة ولا محشي زي بقيت الخلق ( انظر مقالات عمو ممتاز القط السمان )

س 3 : ابا يا بوب هو - حسني مبارك هيموت زي ما جدو مات ؟

لأ طبعاً يا حبيبي فجدو حسني مبارك هايموتنا احنا الاول من الفقر والغُلب وبعد كده يموت هو على رواقه

س 4 : طب يا دادي ، حسني مبارك وعرفناه ، طب مين بقى اونكل جمال واونكل علاء ؟

دول با حبيبي دراعات الرئيس واحد يمين والتاني الشمال ، عمرك شوفت انسان بيعيش من غير دراعات ؟

آه يا ابويا شوفت ، مرة شوفت واحد شحات تحت الكوبري كان من غير دراعين ، ومره كمان شوفت فيلم ابيض واسود وكان فيه واحد بيغني اسمه الريس " ابو دراع "

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
Alshiekh عضو جديد

Alshiekh

بتاريخ:
بتاريخ: (معدل)
يا جماعة ارجو إن الموضوع ما يتقلبش بضحك وهزار ونخرج عن لِب الموضوع

س 2 : بابا يا فازر

-هوه حسني مبارك بيدخل الحمام زينا؟

لأ يا حبيبي  فلا الريس بياكل فول وطعمية لحد ما قلبه يتحرق زيبنا ولا يا كبدي بياكل ملوخية بالطشة ولا محشي زي بقيت الخلق ( انظر مقالات عمو ممتاز القط السمان )

وبعدين فيه حاجة عايزك تعرفها كويس

هوه دلوقتى اسمه حمام

لكن من ييجى ستين سنة كده كان اسمه الكنيف ولو ماكانش فى الدار كنيف ، كان فيه حاجة اسمها الزريبة ، او ورا الزريبة !!!!!

خليك مثقف ياحبيبى

لامؤاخذة ياسى السيد على الاضافة بس اعمل ايه مانت ثقافتك طلعت محدودة انت كمان :) :D

تم تعديل بواسطة Mohammad

--

{وَإِذَا قِيلَ لَهُمْ لَا تُفْسِدُوا فِي الْأَرْضِ قَالُوا إِنَّمَا نَحْنُ مُصْلِحُونَ}(11){اَلَا إِنَّهُمْ هُمُ الْمُفْسِدُونَ وَلَكِنْ لَا يَشْعُرُونَ}(12)وَإِذَا قِيلَ لَهُمْ آمِنُوا كَمَا آمَنَ النَّاسُ قَالُوا أَنُؤْمِنُ كَمَا آمَنَ السُّفَهَاءُ أَلَا إِنَّهُمْ هُمُ السُّفَهَاءُ وَلَكِنْ لَا يَعْلَمُونَ}(11)

new-egypt.gif

ذو العقل يشقى في النعيم بعقله *** وأخو الجهالة في الشقاوة ينعم
***************
مشكلة العالم هي أن الحمقى والمتعصبين هم الأشد ثقة بأنفسهم ، والأكثر حكمة تملؤهم الشكوك (برتراند راسل)
***************
A nation that keeps one eye on the past is wise!A
A nation that keeps two eyes on the past is blind!A
***************
رابط القرآن كاملا بتلاوة الشيخ مصطفى إسماعيل برابط ثابت مع رابط للقراءة
***************
رابط القرآن كاملا ترتيل وتجويد برابط ثابت مع رابط للقراءة
***************
رابط سلسلة كتب عالم المعرفة

رابط هذا التعليق
شارك
  • بعد 2 أسابيع...
ابو خليل عضو جديد

ابو خليل

بتاريخ:
  • كاتب الموضوع
بتاريخ:

تناولتم الموضوع بكثير من السخرية ..في حين أنه موضوع خطير - علي الاقل من وجهة نظري -

أذكر منذ سنوات طويلة في اواسط الثمانينات ..

كنت في المدرسة الإبتدائي

ولسه فاكر ابلة كوثر وهي تحاول اقناعنا بأن حسني مبارك مجرد موظف حكومة بيروح للصراف كل شهر يقبض منه مرتب ..

وقعدنا نضحك .. عليها ونقول : الأبلة فاكرانا عيال صغيرين وبتضحك علينا معقول حسني مبارك يروح يقف في الطابور بتاع المرتبات ويروح للصراف ويقول له : عم يا عم هات لي المرتب .. وأوعي تكون خصمت مني أي خصومات .. "!!!

الموضوع خطير ..

أولادنا فعلا يعتقدون أن حسني مبارك .. شيء من الثوابت التي لا تتغير ..

:sad:

رابط هذا التعليق
شارك
عصام عضو جديد

عصام

بتاريخ:
بتاريخ:

الموضوع خطير ..

أولادنا فعلا يعتقدون أن حسني مبارك .. شيء من الثوابت التي لا تتغير ..

:D

أولادكو ...

ـولادى أنا بقى .. :D

ما يعرفوش شكله .. لأنهم تقريبا ما بيسمعوش إسمه ... :D

شيء غريب أنا عارف مع إنى عايش فى مصر ..

بس هوا دا اللى حصل .. كنت حريص من يوم ما جم الدنيا إنهم ما يسمعوش إسمه .. ولا يشوفوه من الأساس .. :sad:

وما حدش يسألنى ليه :sad:

[وسط]!Question everything

[/وسط]

رابط هذا التعليق
شارك
  • بعد 5 سنة...
Folana عضو جديد

Folana

بتاريخ:
بتاريخ:

السلام عليكم ورحمة الله....

ومرة أخرى....

"هو حسنى مبارك صاحب ربنا"....؟؟!!!:playtoytruck: :baby:

{ لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ }

رابط هذا التعليق
شارك
ذهبية عضو جديد

ذهبية

بتاريخ:
بتاريخ:

مش حسنى مبارك بس اللى صاحب ربنا

دى مراتة و ابنة و اصحابة

وجيرانة و اللى بيشتغلوا عندة

حسنى مبارك دة كنز مغارة على بابا ؟؟؟؟

[على اسم مصر التاريخ يقدر يقول ما شاء

أنا مصر عندي أحب وأجمل الأشياء

بحبها وهي مالكة الأرض شرق وغرب

وبحبها وهي مرمية جريحة حرب

بحبها بعنف وبرقة وعلى استحياء

واكرهها وألعن أبوها بعشق زي الداء

واسيبها واطفش في درب وتبقى هي ف درب

وتلتفت تلاقيني جنبها في الكرب

والنبض ينفض عروقي بألف نغمة وضرب

على اسم مصر

رابط هذا التعليق
شارك
Alshiekh عضو جديد

Alshiekh

بتاريخ:
بتاريخ:

السلام عليكم ورحمة الله....

ومرة أخرى....

"هو حسنى مبارك صاحب ربنا"....؟؟!!!:playtoytruck: :baby:

لأ ، ده طلع صاحب حسين سالم

--

{وَإِذَا قِيلَ لَهُمْ لَا تُفْسِدُوا فِي الْأَرْضِ قَالُوا إِنَّمَا نَحْنُ مُصْلِحُونَ}(11){اَلَا إِنَّهُمْ هُمُ الْمُفْسِدُونَ وَلَكِنْ لَا يَشْعُرُونَ}(12)وَإِذَا قِيلَ لَهُمْ آمِنُوا كَمَا آمَنَ النَّاسُ قَالُوا أَنُؤْمِنُ كَمَا آمَنَ السُّفَهَاءُ أَلَا إِنَّهُمْ هُمُ السُّفَهَاءُ وَلَكِنْ لَا يَعْلَمُونَ}(11)

new-egypt.gif

ذو العقل يشقى في النعيم بعقله *** وأخو الجهالة في الشقاوة ينعم
***************
مشكلة العالم هي أن الحمقى والمتعصبين هم الأشد ثقة بأنفسهم ، والأكثر حكمة تملؤهم الشكوك (برتراند راسل)
***************
A nation that keeps one eye on the past is wise!A
A nation that keeps two eyes on the past is blind!A
***************
رابط القرآن كاملا بتلاوة الشيخ مصطفى إسماعيل برابط ثابت مع رابط للقراءة
***************
رابط القرآن كاملا ترتيل وتجويد برابط ثابت مع رابط للقراءة
***************
رابط سلسلة كتب عالم المعرفة

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...