مصر فى المركز قبل الأخير فى جودة التعليم الابتدائى ونظم التعليم والتدريب

[herohero]

هل هناك أمل في غد مشرق بدون التعليم 

 

نشر فى : الأربعاء 20 مايو 2015 - 10:44 ص | آخر تحديث : الأربعاء 20 مايو 2015 - 10:44 ص

ــ فنلندا الأولى عالميـًا وإسرائيل الأولى «شرق أوسطيـًا» فى مؤشر رأس المال البشرى

ــ تقييم مصر أقل من 50% فى استقطاب المواهب والحفاظ عليها

حلت مصر فى المركز قبل الأخير بين 124 دولة فى العالم فيما يخص جودة المدارس الابتدائية، كما قبعت فى نفس المركز فى جودة نظم التعليم والتدريب، وفقا لما أوضحه تقرير مؤشر رأس المال البشرى الصادر عن المنتدى الاقتصادى العالمى الأسبوع الماضى.

ويرتب مؤشر رأس المال البشرى، الدول وفقا لعدد من المعايير من بينها الالتحاق بالتعليم ومدى جودته، وأماكن الدراسة، ورعاية المواهب، وتنمية المهارات، والمشاركة الاقتصادية للفئات العمرية المختلفة، ويحتوى على أكثر من 40 مؤشرا فرعيا من بينها جودة المدارس ونظم التعليم.

وفى ذات المؤشر الفرعى، بقى المركز الأخير عربيا حيث حلت اليمن – بعد مصر ــ فى المرتبة الأخيرة فى جودة المدارس، بينما حلت موريتانيا فى المركز الأخير فى جودة نظم التعليم التدريب.

وفيما يخص المؤشر العام لرأس المال البشرى للعام 2015، حلت مصر فى المرتبة الـ 84 عالميا من بين 124 دولة شملها المؤشر، بينما كانت الصدارة لفنلندا ثم النرويج وسويسرا وكندا واليابان، بينما احتلت اليمن المركز الأخير.

وكانت مصر قد احتلت المركز الـ111 فى تقرير رأس المال البشرى لعام 2013 بين 122 دولة، لكن لا يمكن المقارنة بين المركزين لأن المؤشر الذى لم يصدر، غير من معاييره وطريقة صياغته والمؤشرات الفرعية، مما أدى إلى التباين الكبير فى الترتيب.

وفيما يخص المنطقة احتلت مصر المركز الخامس شرق أوسطيا، ضمن المؤشر العام بعد إسرائيل، الأولى، والإمارات وقطر والأردن، ومتفوقة على السعودية التى حلت فى المركز السادس.

وعلى صعيد ابرز المؤشرات الفرعية، حصلت مصر على تقييم أقل من 50% فيما يخص تدريس الرياضيات والعلوم وجودة كليات إدارة الأعمال وخدمات التدريب المتخصصة والقدرة على استقطاب المواهب والقدرة على الاحتفاظ بالمواهب .

وكانت أفضل المؤشرات الفرعية لمصر، هى معدل الالتحاق بالتعليم الفنى، حيث حلت فى المركز الـ 25 عالميا، والـ 31 فى مؤشر حصة العمالة متوسطة المهارة من سوق العمل.

وانتقد التقرير ضعف قدرات بعض دول الخليج على تنمية مواردها البشرية، وخص بالذكر السعودية والكويت، حيث تبلغ الدخول فى هذه الدول أكثر من 5 أضعاف الدخول فى دول شمال أفريقيا، مثل المغرب ومصر، ومع ذلك حققت نتائج متقاربة، «ما يعنى أن الأداء الاقتصادى غير كاف بمفرده للاستفادة من وفورات رأس المال البشرى»، وفقا للتقرير.

وقيم التقرير كل فئة عمرية على حدة، وكان التقييم الأعلى للشباب أقل من 24 عاما، وينخفض التقييم كلما زاد العمر، ورغم هذا تعانى مصر من ارتفاع معدل البطالة بين الشباب من 15 إلى 24 عاما، ووصل معدل البطالة فى هذه الفئة العمرية إلى 42%، وهو الأعلى فى المنطقة، وتستقبل مصر نحو 510 آلاف خريج سنويا، ولم يتجاوز نصف السكان فى مصر عمر الـ 24 سنة وفقا للبيانات الرسمية.

وذكر التقرير أيضا أن مصر تعانى من فجوة فى التوظيف بين الذكور والإناث.

ووفقا لبيانات الجهاز المركزى للتعبئة العامة والإحصاء، فمعدل البطالة بين الذكور يبلغ 9.1%، مقارنة بـ 24.7% بين الإناث، خلال الربع الأول من 2014، بينما يبلغ معدل البطالة العام 12.8%.

 

[tarek hassan]

الموضوع بتاعك بالتخصص يا هيرو 

أيوه مشرق يا أخي إن شاء الله 

[herohero]

 

الموضوع بتاعك بالتخصص يا هيرو 

أيوه مشرق يا أخي إن شاء الله 

 

اتمنى !!! بس بصراحه باللي بشوفه حاسس ان التعليم مش عاملين حسابه خااااااالص 

[أبو محمد]

اللى ما يعرفش من حقه يقول عدس

إصلاح التعليم يتطلب وقتا طويلا .. وطويلا جدا

واللى عنده وصفة سحرية يخليه يتعدل فى سنة أو اتنين أو تلاتة

يتفضل يتحفنا بيها

[باهى الطائر الحزين]

https://youtu.be/tYt7Tmq_xps

 

صلح مفهوم التعليم عند الناس الأول

شر المصائب ...

[herohero]

 

اللى ما يعرفش من حقه يقول عدس

إصلاح التعليم يتطلب وقتا طويلا .. وطويلا جدا

واللى عنده وصفة سحرية يخليه يتعدل فى سنة أو اتنين أو تلاتة

يتفضل يتحفنا بيها

 

بشمهندس أبو محمد  ، هو حد قال لحضرتك انه في سنة ولا سنتين 

المهم يبقى فيه ارادة لذلك واقتناع بضرورته ولما يبقى في عندنا ارادة ورغبة في الاصلاح هنبدأ مشوار الالف ميل اللي أكيد بيبدأ بخطوة 

ياترى حضرتك شايف انه من ضمن اولويات الدولة ؟؟؟ ولو كان بامارة ايه 

 

ماتنساش ان دول كثير في المنطقة سبقتنا ومش عشان عندها امكانيات أكثر بس لا لان عندها رغبة والعكس دول عندها امكانيات مادية لكن مازالت مشوشة الرؤية 

 

[suma]

بس الله الرحمن الرحيم

التعليم واه من التعليم وما حاق به !!بدات رحلة الهبوط من بعد النكسة مباشرة فقد كان قبلها في مركز اهتمام الدولة...مدارس واسعة بها مكتبة وفيرة الكتب وساحة واسعة بها اكثر من ملعب وحجرة موسيقى مملوءة الات موسيقية كثيرة ومتنوعة ونشاطات كثيرة تلبي كل تتوق اليه نفس الطالب والطالبة والدليل اننا تخرجنا ونحن قد تعلمنا الطهي ومباديء الحياكة وانا تعلمت الكتابة على الالة الكاتبة من حصة الهوايات. يعني دنيا كاملة ويوم دراسي ممتع .

هذا عن المكان..فهل هو موجود الان؟؟وهل نستطع ان نجعل الدراسة يوما كاملا كما الاول...اعلم ان لاجاية ستكون بالنفي

ناتي الى من سيقوم بالتعليم..الا وهو المعلم كانت الوزارة لا تاخذهم جزافا فاكم من كلية لتخريج المعلم كان يتعلم كيف يكون استاذابمعنى الكلمة لانه تربى على البحث والاستزاده من العلم. واتذكر اننا في كليتنا من اختار قسم تربوي كان ولابد ان يكون هناك اختبار وكشف هيئة وكان من نصيبي ان اكون امام د.بنت الشاطيء وكان هناك محاضرات عملي ونقيم فيها /وعليه كان المدرس يختار مهنته عن اقتناع ويعمل لرقيه المهني دوما....اين المدرس الان؟؟؟وما كفاءته ؟؟واين تعلم ليكون مدرسا؟

اليوم الدراسي كم ساعة؟؟بل الحصة كم دقيقة؟؟ حتى لو كان هو حامل نوبل في التدريس هل ينجح ...اشك بل اجزم انه لن يقو

كي ينجح لازم ان يكون لكل طالب وقت من الحصة استمع له اصوب خطاه ...طيب عنديمالايقل عن خمسين او ستين في الفصل والحصة اقل من اربعين دقيقة فهل ممكن هنا ان تتم العملية التعليمية بجد..محال..

ناتي الى التعليم الابتدائي هو الاساس وهو الوتد ---المدرس فيه لابد ان يكون اكثر تعلما ودراسة فهو الذي يرمي الاساس لبناء المواطن انما عننا هوالاقل مرتبا والاقل احتراما والاقل اعدادا .

نتساءل لما الخريج حاليا ضعيف املائيا وقراءة وحتى في عموم اللغة لانه يا سادة لم يهتموا به في صغرة لم يجد معلمه وقتا ليجعله يقرا امامه ويصحح خطاه ولم ياخذ حصة املاء كما كنا نفعل ولم يخرج للكتابة على اللوح لم يعرف للمكتبه طريقا في كل مراحل تعليمه ده ان وجدت المكتبات في زماننا هذا ....انقطع الحوار مع الطالب في كل مراحله حتى الجامعة والله-----فماذا ننتظر!!

مدرس لم يعد جيدا...مدارس لاتصلح...وقتا لا يكفي... فماذا ننتظر اذا؟؟؟فعليه اذا اصلحنا ماسبق نستطع ان نقول اننا بدانا الاهتمام .

سومه

تم تعديل 19 أكتوبر 2015 بواسطة suma

[أبو محمد]

إذا كان العقل المصرى قد تم تخريبه وتجريفه على مدى 30 سنة

فإن 25 يناير قد أجهزت على عقل جيل كامل فى أقل من خمس سنوات

هذا الجيل الذى يعتبر أنه ما دام قد أطاح برئيس بعد 30 سنة حكم عن طريق زراير الكيبورد

فإن كل المشاكل المزمنة يمكن أن يُقضى عليها بضغطة زر

وأن من يحكم مصر بعد 11 فبراير 2011 ستكون أمامه لوحة زراير

يدوس على زر التعليم ينور .. يدوس على زر الصحة ينور .. يدوس على زر الاقتصاد ينور

معلش دى وجهة نظر جيل الجرامفون المختلفة عن وجهة نظر جيل الأى فون

يا الله يا جميل .. دوس على زرار

عشان جيل الجرامفون ، العرَّة ، المزعج يختفى

ويفضل ولاد العرَّة .. جيل البلاى ستيشن ابو زراير يحلوا المشاكل المزمنة

[herohero]

 

إذا كان العقل المصرى قد تم تخريبه وتجريفه على مدى 30 سنة

فإن 25 يناير قد أجهزت على عقل جيل كامل فى أقل من خمس سنوات

هذا الجيل الذى يعتبر أنه ما دام قد أطاح برئيس بعد 30 سنة حكم عن طريق زراير الكيبورد

فإن كل المشاكل المزمنة يمكن أن يُقضى عليها بضغطة زر

وأن من يحكم مصر بعد 11 فبراير 2011 ستكون أمامه لوحة زراير

يدوس على زر التعليم ينور .. يدوس على زر الصحة ينور .. يدوس على زر الاقتصاد ينور

معلش دى وجهة نظر جيل الجرامفون المختلفة عن وجهة نظر جيل الأى فون

يا الله يا جميل .. دوس على زرار

عشان جيل الجرامفون ، العرَّة ، المزعج يختفى

ويفضل ولاد العرَّة .. جيل البلاى ستيشن ابو زراير يحلوا المشاكل المزمنة

 

بشمهندس أبو محمد ،مش عارف ليه حضرتك مصر ان ماينفعش ان جيلين يتعاملوا ويتعاونوا لحل المشاكل والنهوض بالدولة 

 

هو ليه كل جيل مصر على انه يلغي الثاني ؟؟؟

بشمهندس أبو محمد هو ايه المانع لما الجيل القديم ينقل للجيل الجديد التجربة بحلوها ومرها ويفكروا مع بعض في ايجاد حلول 

 

محدش من اي جيل قال ان المشاكل تحل بكبسة زر ،لكن في خطوات ممكن تتعمل هتساهم في الحل وهتوصلنا لمرحلة ان كثير من مشاكلنا يحل بكبسة زر والامثلة كثيرة 

 

بشمهندس ابو محمد انا 35 سنة وحضرت وعيشت زمن ما كان قطع تذكرة السفر جوا معاناة ولازم نروح مكتب الحجز وندور ع واسطة عشان نلاقي مكان كويس ،وطبعا موضوع اختيار الكرسي مكنش نقدر نحلم به او نتخيلة وكنا لما نعمل البوردنج نقول للي بيقطعه نقى كرسي في مكان كويس !!!   والدي كان بيقول كده 

 

حاليا  بقطع التذكرة وانا في السرير في زمن لا يتجاوز 10 دقائق بالكثير وقبل الرحلة ب24 ساعه بعمل بوردنج وبختار الكرسي وبروح زي الباشا المطار 

 

حاليا  مخالفات المرور وتجديد رخصة القياده وغالبية التعاملات تتم ايضا من البيت باستخدام تطبيقات الحكومة الالكترونية 

 

وتقريبا في بلد زي السعودية لم اذهب الى البنك طيلة 7 سنوات الا 7 مرات بالضبط لان حتى الان لازم اروح بنفسي احدث البيانات كل سنة وحاليا في ماكينة صراف ذكية بقت بتستخرج لك دفتر شيكات وبتودع الشيكات وبتحدث البيانات 

 

خلاصة القول مشاكلنا الحياتية سهل جدا نحلها اهو استفدنا من خبرة الجيل القديم وحلينا مشاكل كانت بتضيع وقته ع الفاضي

 

التعليم !!!

 

حضرتك ليه مصر مصرة ع عدم التوسع ف التعليم الالكتروني !!! حضرتك أشهر اكاديمية تعليمية اون لاين وممتازة عن تجربة هي اكاديمية خان !!! https://ar.khanacademy.org/,hzg 

وهناك محاولات من قبل وائل غنيم (العميل ) لعمل شئ مصري مثلها ،تقدر تقول ليا ليه الحكومة رافضة كده

 

الفاضلة المحترمة الاستاذة سوما  فكرت في الحل التقليدي وهو اننا نبني مدارس وامكانيات ده الصح والمفروض لكن وبعدين ؟؟ مفيييييييييش هنضرب دماغنا في الحائط 

 

عندك الهند !! سيريلانكا حضرتك تتخيل انها سبقتنا في التعليم هل عندهم امكانيات !! لا طبعا لكن  فكروا خارج الصندوق 

 

ياسادة الحل هو ايجادحلول خارج الصندوق !! بالله عليكم ياسادة هل وجدنا حلولا لمشاكلنا خارج الصندوق !!!!

 

مشاكل مصر ستحل بحلول غير تقليدية ولن تحل بالحلول التقليدية اللي ثبت فشلها 

 

وطالما كل جيل مصر على اقصاء الاخر مش هنحل حاجه

[أبو محمد]

هو مين يا بنى صاحب عبارة

"جيل الجرامفون مش ممكن يحكم جيل الآى فون"

وقعد يعيد ويزيد فيها زى عبارة "الجمل سفينة الصحراء" ؟

والأكادة إن جيل الآى فون هو بنفسه اللى بيقول

إن مستوى التعليم فى مصر تحت الصفر

طيب .. من إمتى ؟

أو بعبارة آخرى .. إيه رأيك فى مستوى تعليم الجيل اللى انت عاوزه يحكم ؟

هل تريد أن تزيد الطين بلة ليحكم مصر جيل "جاهل" ؟

طيب ما دامت كل حاجة بقت بزراير وأون لاين

أومال مش شايفين نتيجة ليه ؟ خصوصا وإن جيل الآى فون بارع "أون لاين" ؟

جيل الآى فون ازاى هيحكم وهو "مقاطعون" ؟

إشمعنى فى الكسل والأنتخة والمقاطعة بتمشوا ورا البرادعى اللى من الجيل العرة ؟

عايز تقاطع وتحكم ؟ .. طب ازاى ؟ .. أون لاين برضه وانت فى السرير ؟

[أبو محمد]

بقطع التذكرة وانا في السرير

 

معلش من نفسى .. أستخدم حقى فى

"الجمل سفينة الصحراء"

وكلاكيت تانى مرة

الله يرحمك يا جلال

:)

[herohero]

 

هو مين يا بنى صاحب عبارة

"جيل الجرامفون مش ممكن يحكم جيل الآى فون"

وقعد يعيد ويزيد فيها زى عبارة "الجمل سفينة الصحراء" ؟

والأكادة إن جيل الآى فون هو بنفسه اللى بيقول

إن مستوى التعليم فى مصر تحت الصفر

طيب .. من إمتى ؟

أو بعبارة آخرى .. إيه رأيك فى مستوى تعليم الجيل اللى انت عاوزه يحكم ؟

هل تريد أن تزيد الطين بلة ليحكم مصر جيل "جاهل" ؟

طيب ما دامت كل حاجة بقت بزراير وأون لاين

أومال مش شايفين نتيجة ليه ؟ خصوصا وإن جيل الآى فون بارع "أون لاين" ؟

جيل الآى فون ازاى هيحكم وهو "مقاطعون" ؟

إشمعنى فى الكسل والأنتخة والمقاطعة بتمشوا ورا البرادعى اللى من الجيل العرة ؟

عايز تقاطع وتحكم ؟ .. طب ازاى ؟ .. أون لاين برضه وانت فى السرير ؟

 

ومازلت مصر على صحتها جيل الجرامفون مش ممكن يحكم جيل الايفون 

 

انا اللي بقوله يتعاون معاه  لحد ما يقدر يعمل له  ( Handover )

 

حضرتك عاوز نتيجه فين ؟؟؟ هو حضرتك في ايه بيمشي عندك في مصر بالزراير ابقى شوف كده مصر وصلت لايه ف التطبيقات للحكومة الالكترونية 

 

وعشان بسطهالك وابين لك صحه مقولتي شوف ( دبي ) راجع كدة اعمار التنفيذيين في حكومة دبي ( شركة دبي ) كما افضل ان اسميها 

وقارن ده بالتنفيذيين في السعودية والكويت ومصر 

 

يا بشمهندس حضرتك وكثيرين مقتنعين انكم صح الصح وان اسلوبكم التقليدي هو ده الصح 

اقصيتوا الشباب ( سجن - تطفيش -اختفاء قسري - ... الخ ) وجاي حضرتك تقول ليا انتخابات 

 

هنضحك على بعض فين دور الشباب في النظام الحالي وحتى ايام الاخوان !!! الشباب ضيف في الدولة كل مهمته انكم تلصقوا به التهم وتصفوه بالجهل والفراغ 

وسبحان الله الجيل الجاهل ده لما بيسافر بره بيتفوق وبينجح ياترى العيب فين !!!

 

وعلى فكرة جيل حضرتك اللي كان شباب في وقت من الاوقات طبعا برده كان طلعان عينه في البلد ولما سافر وهاجر نجح وتفوق ولنماذج كثيرة ( مصر تستطيع .. على قناة النهار اليوم ) 

 

عموما يبدو ان حضرتك ومن معك مازالوا مصرين وراضين عن الحلول العقيمة التقليدية اللي ثبت فشلها والمصيبة رافضين مجرد يسمعوا او يشوفوا واصلا مش معترفين بالتكنولوجيا والتطور بيعشقوا الروتين والبيروقراطية  ...اشبعوا بيها 

 

الانتخابات بقت الكترونية ...     يعني فعلا ممكن تصوت وانت في السرير بس هنعمل ايه لسه دولة بتفكر بفكر عقيم ورجعي وتقول لك حط صباعك في الحبر 

 

التعليم اللي انا واللي زي غير راضين به مش معناه اننا جهلاء لا ياسيدي احنا بنقارنه بالتعليم الصح اللي في الهند وسنغافورة وحتى الاردن ولكن لان جيل الجرامفون مازال بيحب الحفظ والتلقين فاحنا اتعلمنا بأسلوبه العقيم 

اللي هو حاليا = صفر 

 

عموما بكررها وبصوت عالي جداااااااااااااااااااا

 

       جيل الجرامفون لن يحكم جيل الايفون      

تم تعديل 20 أكتوبر 2015 بواسطة herohero

[أبو محمد]

ومازلت مصر على صحتها جيل الجرامفون مش ممكن يحكم جيل الايفون 

 

انا اللي بقوله يتعاون معاه  لحد ما يقدر يعمل له  ( Handover )

 

حضرتك عاوز نتيجه فين ؟؟؟ هو حضرتك في ايه بيمشي عندك في مصر بالزراير ابقى شوف كده مصر وصلت لايه ف التطبيقات للحكومة الالكترونية 

 

وعشان بسطهالك وابين لك صحه مقولتي شوف ( دبي ) راجع كدة اعمار التنفيذيين في حكومة دبي ( شركة دبي ) كما افضل ان اسميها 

وقارن ده بالتنفيذيين في السعودية والكويت ومصر 

 

يا بشمهندس حضرتك وكثيرين مقتنعين انكم صح الصح وان اسلوبكم التقليدي هو ده الصح 

اقصيتوا الشباب ( سجن - تطفيش -اختفاء قسري - ... الخ ) وجاي حضرتك تقول ليا انتخابات 

 

هنضحك على بعض فين دور الشباب في النظام الحالي وحتى ايام الاخوان !!! الشباب ضيف في الدولة كل مهمته انكم تلصقوا به التهم وتصفوه بالجهل والفراغ 

وسبحان الله الجيل الجاهل ده لما بيسافر بره بيتفوق وبينجح ياترى العيب فين !!!

 

وعلى فكرة جيل حضرتك اللي كان شباب في وقت من الاوقات طبعا برده كان طلعان عينه في البلد ولما سافر وهاجر نجح وتفوق ولنماذج كثيرة ( مصر تستطيع .. على قناة النهار اليوم ) 

 

عموما يبدو ان حضرتك ومن معك مازالوا مصرين وراضين عن الحلول العقيمة التقليدية اللي ثبت فشلها والمصيبة رافضين مجرد يسمعوا او يشوفوا واصلا مش معترفين بالتكنولوجيا والتطور بيعشقوا الروتين والبيروقراطية  ...اشبعوا بيها 

 

الانتخابات بقت الكترونية ...     يعني فعلا ممكن تصوت وانت في السرير بس هنعمل ايه لسه دولة بتفكر بفكر عقيم ورجعي وتقول لك حط صباعك في الحبر 

 

التعليم اللي انا واللي زي غير راضين به مش معناه اننا جهلاء لا ياسيدي احنا بنقارنه بالتعليم الصح اللي في الهند وسنغافورة وحتى الاردن ولكن لان جيل الجرامفون مازال بيحب الحفظ والتلقين فاحنا اتعلمنا بأسلوبه العقيم 

اللي هو حاليا = صفر 

 

عموما بكررها وبصوت عالي جداااااااااااااااااااا

 

       جيل الجرامفون لن يحكم جيل الايفون      

 

برافو .. هكذا يكون التغيير

بالمقاطعة .. والأنتخة

هاند أوفر مين .. ومن يريد الاستلام يتعالى على المسلـِّم

ويراه تقليديا عفنا لا يفهم

خذ ما تريد بيدك .. ولا تنتظر من يضعه لك بالملعقة فى فمك أو يبعتهولك على الماسنجر أو الواتس آب

 

أيوه جيلنا طلعت عينيه وعاش حياته بحلوها ومرها

قال "الله" على حلاوتها .. وما قالش "جاى" فى مرارتها

إستمتع بالمتاح وحفر فى الصخر لينال ما يريد

 

خطيئتنا الكبرى أننا بنينا من أجل أبنائنا

واتلهينا عن إننا نبنى أبناءنا .. وسيبناهم للفيس بوك وتويتر

وسيبناهم للى فتحوا أدمغتهم و "دلقوا" فيها أفكارا هدامة أكثر من الأفكار البناءة

 

أيوه إحنا جيل الجرامفون .. وانتم جيل الآى فون المنطلق الرافض 

كنا بنسمع روائع فى الجرامفون .. وانتم بتسمعوا "مفيش صاحب يتصاحب" فى الآى فون

 

والنتيجة أبناءنا قالوا علينا "عرة"

:)

براحتكم "يا ولاد العرة"

[أبو محمد]

 

خطيئتنا الكبرى أننا بنينا من أجل أبنائنا

واتلهينا عن إننا نبنى أبناءنا .. وسيبناهم للفيس بوك وتويتر

وسيبناهم للى فتحوا أدمغتهم و "دلقوا" فيها أفكارا هدامة أكثر من الأفكار البناءة

 

 

 

خطيئتنا الأخرى هى

أننا أنهكنا أنفسنا فى إعادة ترتيب ما "كركبوه"

وفى تنظيف ما وسخوه

 

المفروض انهم هم اللى يتعكوا فى الترتيب والتنظيف

خطيئة كبرى أن ينزل الآباء والأمهات للانتخابات بينما الأبناء يريدون التغيير "فى السرير"

 

لذلك كنت أتمنى أن يفوز حزب النور بالأكثرية البرلمانية

يمكن السنة بتاعة حكم الأخوان مفيش لها Display على التاب اللى شاريهوله "العرة"

[أبو محمد]

كلامى فيه بعض القسوة ؟

هى قسوة الأب تجاه الإبن المغرور الرافض للاحتواء

[herohero]

 

برافو .. هكذا يكون التغيير

بالمقاطعة .. والأنتخة

هاند أوفر مين .. ومن يريد الاستلام يتعالى على المسلـِّم

ويراه تقليديا عفنا لا يفهم

خذ ما تريد بيدك .. ولا تنتظر من يضعه لك بالملعقة فى فمك أو يبعتهولك على الماسنجر أو الواتس آب

 

أيوه جيلنا طلعت عينيه وعاش حياته بحلوها ومرها

قال "الله" على حلاوتها .. وما قالش "جاى" فى مرارتها

إستمتع بالمتاح وحفر فى الصخر لينال ما يريد

 

خطيئتنا الكبرى أننا بنينا من أجل أبنائنا

واتلهينا عن إننا نبنى أبناءنا .. وسيبناهم للفيس بوك وتويتر

وسيبناهم للى فتحوا أدمغتهم و "دلقوا" فيها أفكارا هدامة أكثر من الأفكار البناءة

 

أيوه إحنا جيل الجرامفون .. وانتم جيل الآى فون المنطلق الرافض 

كنا بنسمع روائع فى الجرامفون .. وانتم بتسمعوا "مفيش صاحب يتصاحب" فى الآى فون

 

والنتيجة أبناءنا قالوا علينا "عرة"

:)

براحتكم "يا ولاد العرة"

 

لا اعلم ما سر الاصرار ع نهج هذا الاسلوب ، حضرتك  ليه مش مقتنع بفكرة ان كل جيل بيسلم اللي بعده 

 

حضرتك ووالدي استلمتوا الامور ممن كانوا في نظركم وقتها تقليديين 

 

ليه حضرتك مصر ان الشباب او اللي اخره 35 سنة مثلا بيسمعوا الاغاني الهابطة وافلام السبكي !!!

 

حضرتك ما شوفتش مشروع ساقية الصاوي !! حضرتك كان فيه شباب ممتاز جدا وكان حابب البلد في جمعية جيل المستقبل (جمال مبارك ) وكان فيه شباب كثير عاوزين مصلحة البلد ( شباب الاخوان ) وكان فيه كثيرين ايضا (شباب حزب النور )

 

عارف من السبب في كل  المشاكل واللي حضرتك بتقول عليه عك وهو فعلا عك وكركبة 

 

السبب ان جيل الجرامفون في كل فئة من الفئات ده صمم يمشي رأيه والنتيجه حضرتك شوفتها 

 

جيل الجرامفون اللي كان بيسمع الاغاني الجميلة يقدر يسمعها بسهولة وبكواليتي افضل ع الايبود !!! 

الافلام الجميلة نقدر نعيد نسخها ونرممها ونشوفها بجودة أفضل HD 

 

باختصار جيل الجرامفون كل خبراته هتتنقل لجيل الايفون وهيعيش معزز مكرم يقدم خبراته لجيل الايفون

 

بس فعلا ماينفعش في العصر اللي احنا فيه ده نقول ان الجرامفون يتفوق على الايفون !!! 

 

ومازلت مصر ع المقارنة بين دول مازالت مصرة ع حكم جيل الجرامفون ودول اتاحت الفرصة لجيل الايفون يحكم او يتولى مناصب تنفيذية 

 

بشمهندس أبو محمد جيل الجرامفون عمره ما كان باللفظ اللي حضرتك بتلفظه ، بس في نفس الوقت ليه مصرين ع اعادة اختراع العجلة وهي اصلا موجودة 

 

جيل الايفون مقيم ومقدر تضحيات جيل الجرامفون بس وبعدين !!! سنة الحياة كدة 

 

جيل الجرامفون بدل ما يدعم جيل الايفون بخبرته مصر على اقصائه والاستهانة به 

 

وجيل الجرامفون هو اللي ربى جيل الايفون ، يعني استاذ الجامعه ومدرسي في الابتدائي هو اللي غذى دماغي 

 

وبصراحه لما لقينا الكلام مش كافي ومش مواكب للعصر اضطرينا ندور برة وطبعا بقينا ناخد الحلو والوحش 

 

لو حد قصر في حق جيل الايفون هو جيل الجرامفون سيبتونا ندور برة ليه 

[herohero]

 

كلامى فيه بعض القسوة ؟

هى قسوة الأب تجاه الإبن المغرور الرافض للاحتواء

 

بالعكس كلام حضرتك عين العقل ،وانا مع والدي نجحنا جدا في الهاند اوفر

والايفون بقى عليه اغاني نجاه وام كلثوم وبصوت انقى وبقى الايباد بتعرف عن طريقه كل الاخبار وانت قاعد في السرير 

 

يابشمهندس أبو محمد والله جيل الايفون ما رافض الاحتواء هو رافض الاستحواذ ايه المشكلة لو عملنا تكامل ليه الاصرار ع الاقصاء

 

واقعنا السياسي هل انت شايف اي فرصه للشباب فيه ؟؟؟ المجلس العسكري اتصور مع الشباب ( الثورة او النكسة ) ةكان الرئيس السيسي موجود !!! وفي النهاية طلعوا عملاء وجواسيس 

عصام حجي !!! راح فين ؟؟ وغيره كثير ،والله العظيم الشباب طلباته بسيطة  حد يسمعه 

[أبو محمد]

أنا آسف يا جماعة .. الظاهر إن المشكلة شخصية

وليست مشكلة عامة كما نراها على الآى فون

ومن خلال نقاشات الفيس بوك

هذه صورة لمداخلة السيدة نشوى الحوفى الصحفية

(على فكرة عرفت آخدها Screen Shot من صفحتها .. :) .. لوحدى)

 

[مسافر زاده الخيال]

صراع اﻷجيال تكاد تكون (حتمية كونية)..و اظن انها ضرورية (لحيويتها)....قرأت البارحة مقالة لغادة عبدالعال على موقع مونت كارلو بنفس المعنى تقريبا....و قد نستشف مثل هذه اﻷمور عند قرائتنا للتاريخ فمثلا فنيا نجد ان سيد درويش و عبدالوهاب و نجيب الريحاني (كانوا رموزا للفن الهابط و اﻹسفاف)في زمانهم (عدا الجيل الناشيء وقتها)فاديب مثل المنفلوطي يشير في احدى كتاباته ان مسرح الريحاني جمع جميع السيئات المتفرقات في البلد ووضعها في مسرحه!!! و كذلك اشار توفيق الحكيم في احدى مقابلاته بمنع اﻷسر المحافظة ابنائهم لحضور مسرح الريحاني(جوز بديعه مصابني و انتم تعلمون من تكون) ...و اسمعيل ياسين كان المكافيء للمبي في ايامنا وهناك حوار منشور في اليوتيوب يتتمنى فيه ان ينال التقدير اﻷدبي !!!  ولم الذهاب بعيدا رجل بقامة -طه حسين كادوا يكفرونه او هم كفروه بالفعل و مدحت السباعي وغيرهم !!!!. اذن لن نندهش ان طال بنا العمر ان نجد صغار اليوم رجال الغد يتوقون للفن الراقي فن اللمبي و اوكا و اورتيقا وسما المصري الخ

[أبو محمد]

القياس مع الفارق

أنت تتكلم عن رأى جيل قديم فى "إنتاج" جيل جديد

الكلام هنا عن رأى جيل قديم فى "عدم انتاج" جيل جديد

عندنا مثل مصرى يا أستاذ مسافر بيقول

العيل اللى بيتقمص على العشا .. هو الوحيد اللى بيبات جعان

(يتقمص بالعامية معناها يرفض ويغضب ويتمنع)

سيفاجأ جيل الـ "مقاطعون" بأنه فوَّت فرصة لا يمكن تعويضها إلا بعد خمس سنوات

سيفاجأ بأنه ترك لأبويه اختيار ممثليه فى مجلس النواب

 

هذا وسوف يقتصر دور شباب "مقاطعون" على لطم الخدود وشق الجيوب طوال الخمس سنوات القادمة
 

حزب "مستقبل وطن" يضمن 6 مقاعد - حددها الدستور  للشباب - فى قائمة "فى حب مصر"
علاوة على أن له 48 مرشحا يدخلون انتخابات الإعادة وأن واحدا منهم نجح فى الجولة الأولى

(إنجاز كبير فهو واحد من أربعة ناجحين من 2548 مرشحا)

(حزب مستقبل وطن حزب شبابى رئيسه عمره 24 عاما)

هذا هو العمل والإنتاج الذى يتماهى مع ما تفضلت به من أمثلة فنية وادبية

وليس الامتناع والـ "قمصة" والجلوس فى "السرير" وغناء موال "هاتولى حبيبى"

إنزل يا شاطر روح لأبو حبيبك اطلب إيده

أو على الأقل قوم فز وهز طولك وقف تحت بلكونة حبيبك غنى له .. إذا كنت لا تتقن سوى الغناء

 

فهمتنى يا أستاذ مسافر ؟

المقارنة تصح بين "إنتاج" و "إنتاج" .. ولا تصح بين "إنتاج" و "عدم إنتاج"

 

«مستقبل وطن»: 60% من مرشحي الحزب يخوضون جولة الإعادة

Tuesday, October 20, 2015 - 18:21

وفاء شعيرة

مصر

قال حزب «مستقبل وطن» إن 60% من مرشحيه سيخوضون جولة الإعادة على المقاعد الفردية في انتخابات المرحلة الأولى لمجلس النواب، التى أجريت على مدار اليومين الماضيين بـ14 محافظة.

وأضاف، في بيانه، أنه نجح في منافسة عدد كبير من أهم الأحزاب الموجودة على الساحة واستطاع الفوز بأحد مقاعد الفردى بالوادي الجديد.

وذكر أن المؤشرات الأولية للعملية الانتخابية تشير إلى أن الحزب نجح فى خوض الحياة السياسية والحزبية بقوة وبسرعة كبيرة وقطع الكثير من المسافات والمعوقات التى عانى منها بعض الأحزاب الأخرى.

وأعلن الحزب، فى بيانه، أن 48 مرشحًا من أصل 88 مرشحًا سيخوضون جولة الإعادة و6 مرشحين بقائمة «في حب مصر»، مُعتبرًا أنه أصبح فى المراكز المتقدمة بين الأحزاب السياسية.

وقال محمد بدران، رئيس الحزب، إن «مستقبل وطن» يسعى للحصول على الأكثرية في البرلمان المقبل، لافتا إلى أن وجود هذا الكم من المرشحين المنتمين للحزب في جولة الإعادة كان نتيجة للمجهود الذى تم بذله والتخطيط له خلال الفترة الماضية.

وأشار بدران إلى أن «الحزب يدعم القيادة السياسية والتى تسعى جاهدة للعبور بمصر مرحلة الخطر وبناء دولة جديدة قادرة على مواجهة الإرهاب».