نيل القاهرة

[shazly]

بعض الصور التى إلتقطتها عدسة كاميرتى أثناء إحدى زياراتى للقاهرة, أحببت أن أشارككم إياها...

نيل القاهرة و السماء الرمادية

برج الجزيرة

إحدى شوارع القاهرة و الهدوء الذى يسبق العاصفة

حادث سير (طبعا شعبنا المصرى ميتوصاش يعنى لو المصاب مماتش من الحادثة الناس تمنع عنه الهوا و تنفذ الأمر الإلهى و تعمل الواجب) و مش عارف الناس دى كلها جت فجأه كدة منين, المهم أنا صورت تجمع الناس فى عدة صور متتالية بس محابتش أطول عليكم.

إنشاء الله أشارككم صور لشرم الشيخ(قبل حدوث موقعة السور المفدى بناء على تعليمات سعادة السيد الدكتور الباشمهندس اللواء محافظ جنوب سيناء) تحديدا بعد تفجيرات شرم الشيخ بيومين.

[se_ Elsyed]

الله عليك تسلم إيديك يا سيادة الفريق أركان حرب متقاعد الشاذلي باشا ..

بس على فكرة لمت الناس في مواقف الحوادث والكلام من ده بيعتبر نوع من انواع الدفئ والتعاون والمبادرة والشهامة ..

في بلاد تانية ممكن تلاقي حصل حوادث والمُصاب يترمي زي الـ .... والكل يقول وأنا مالي ..

مش عارف ليه جالي إحساس إن أول صورتين إنت صورتهم عشان تبين لنا السحابة السودا .. لإن الجو الموجود فيها بيقول كده ..

على فكرة قرأتي لموضوعك ده تزامن مع فتح موضوع جديد إسمه " هاتروح فين في العيد " فسيادتك طبعاً قلبت عليه المواجع .. لإن مجرد التمشية على النيل بيخلي الواحد يحس إنه طاير في الهوا بجناحين وخصوصاً لما يملأ رئتيه بهواء النيل العليل ... حتى الزحمة فهي في حد ذاتها مُتعه ...

[shazly]

لا مش أنا الفريق يا فندم أنا حفيد له بس,..

أنا لست من عشاق القاهرة حقيقة لكن المنظر كان أجمل من أن يترك دون تصوير, إسكندرية عشقى بلا منازع إن شاء الله أشارككم صور عروس البحر المتوسط قريبا بعد صور شرم الشيخ...

بالنسبة للحادثة أنا كنت بهزر مش أكتر :blush:

تحياتى