الرئيس الايراني يتمسك بدعوته محو اسرائيل

[bakeer22]

وانا من خلال الأنترنت اعلن تضامنى معة واحى شجاعتة واؤيدة بشدة

بدل ماتقعدوا تردوا على بعض اعملوا استفتاء احسن ونشوف النتيجة هاتوصل لأية

[kotoz9]

استفناء ليه يا أستاذ باكير.......هو الكلام ده محتاج استفتاءات ده كلام بديهى...

اللى قاله الرئيس نجاد هو كلمة الحق

بس فيه حاجة وعد بلفور كان عام 1917 اى بعد الحرب العالمية الاولى وانهيار الخلافة وقبل محارق اليهود بسنوات

ولكن اللى عمله الألمان فى اليهودفى الحرب العالمية التانية هو اللى اعطاهم تعاطف العالم للاعتداء على حقوق الفلسطنين وكان المفروض الالمان يكفروا عن غلطتهم بقطعة ارض للدولة اليهودية

[مفروس]

حنفضل طول عمرنا شرقيين نهلل لكل واحد يقوم يرزع كرسي في الكلوب و نقول عليه فتوة...

و عاشور الناجي اسمالله عليه اسمالله عليه...

و التصريحات من عينه حنرمي اسرائيل في البحر و حنتعشى في تل أبيب حتفضل تزهزه ليالينا و تنسينا خيبتنا القوية...

حنفضل لأمتى عايشين في الهبل ده مش فاهم..

حنصحى امتى و نتعامل مع الحقائق برضه مش عارف!!!

يا جماعه بعيدا عن كل الخطب الحماسية و الشعارات و الأماني...اسرائيل واقع و دولة...فلسطين مجرد أمنيه...

قدامنا حل من اتنين...يا نتعامل مع الواقع و نحاول نحقق الأمنية...يا نفضل نايمين و نحلم بالأمنية و نعيش بطولات حنجورية في الخيال...جايز ده حل أسهل علشان كده بقالنا خمشين سنه عايشين كده...

اسرائيل دوله موجوده شئنا أم أبينا...و طول ما احنا عايشين في الخزعبلات و الخيالات حتعيش هي أكتر و تتطور أكتر و تثبت جدذورها أكتر و أكتر و أحنا مش حناخد حاجة أكتر من الشعارات و الأحلام اللي مع الوقت بتتحول الي مستحيلات...

حتى الفلسطينيين و حتى حماس فاقوا الى الحقيقة دي و بيفاوضوا اسرائيل في السر و العلن و احنا لسه بنحلم بمحو اسرائيل من على الخريطه!!!

حنخلص منها ازاي بالذمة و احنا مش عارفين نخلص من الحكومات اللي كاتمه على نفسنا و ناهبانا و مضيعة حاضرنا و مستقبلتا؟؟؟

هما بيتقدموا و بيتطوروا و احنا بنزداد تخلف....

هما بيوثقوا صلاتهم بكل دول العالم و بيكسبوا كل يوم أرض جديدة و تعاطف جديد و احنا عايشين في فقه الكراهية و كل يوم بنكره ناس أكتر و ناس أكتر بيكرهونا!!!

حنفضل ننسحب قصادهم في كل مؤتمر و كل بطولة رياضيه و هم حيفضلوا يظهروا و يفرضوا نفسهم أكتر على العالم و قال ايه احنا كده وطنيين و مناضلين...ثقافة الجبن و الانسحاب هي الوطنيه بتاعتنا...

هم قدام العالم كله مادين لنا ايديهم و احنا قدام العالم كله عدائيين معاهم و رافضين حتى نكلمهم و مخاصمينهم!!!

ايه الهبل ده!!!

الأخ شاواشانك...عايز تعرف بأي حق؟؟؟أقولك و ما تزعلش؟؟؟

بحق الأمر الواقع...بحق القوة و التحرك الديبلوماسي و الاعلامي المدروس...

بحق ان في كل خريطه في العالم دلوقتي فيه دوله اسمها دوله اسرائيل و مافيهاش أي حاجة اسمها فلسطين...

زي بالظبط لما بقت مصر و العالم الاسلامي كله بقى اسلامي بالفتح الاسلامي...ماهي نفس الفكرة...

بعيدا عن الحساسيات و العواطف ماهو برضه كان نوع من أنواع الاحتلال العسكري بالجيوش و الحروب...

و القوة و الواقع فرضوا نفسهم...

وعد بلفور برضه بعيدا عن كل الحساسيات كان وعد من يملك بالقوة و الواقع لمن يستحق بالمبادرة و العمل الدؤب و الفلوس و الاتصالات لسنين الى أن وصلوا لما أرادوه...و الدليل الواقعى و التاريخي انهم موجودين...

كون اننا مش راضيين نعترف بكده لأننا كنا الطرف الخاسر لن يغير الواقع...

و عدم اعترافنا بدولة اسرائيل لن يمحوها من الوجود...كل ما نستطيع ان نفعله واقعيا هو النعامل مع الواقع و كسب ما نستطيع كسبه منهم...

يا كده يا حنفضل نحلم و مش حناخد حاجه في الآخر....

ولو كل اللي احنا عايزينه ان معركة آخر الزمان تيجي و نمسح اسرائيل يبقى ده تخلف اننا نؤجل كل شىء الى أن يقضي الله أمرا كان مفعولا...يبقى احنا مش عايزين نعمل حاجة و سايبينها لربنا...يبقى نستاهل الهوان الى ذلك اليوم و ما نشتكيش و ما نعترضش بقى...

حنصحى امتى بقى؟؟؟

[Doofy]

=====================================================================

الزميل مفروس

طبعا واضح من آراءك ان منظورك للحياة هيه المكاسب الماديه,بالأضافه إلى عدم الأكتراث بأي اعتبارات اخرى سواء كانت اجتماعيه او دينيه وخلافه..

والأهتمام بالوصول لغاية او أمنيه بالتطور والتقدم والتحالفات الدوليه والأقليميه مهما كان اسلوب التنفيذ قذر وعدواني وضد الأرض والسماء..

فالمهم هيه المصلحه النسبيه ولا اعترض على ذلك فكل واحد حر انه يمشي طريقه اللي بيختاره لنفسه ولكن..,

ليس لك الحق واعترض على تشبيهك الغير صحيح والغير سوي مهما كان قصدك انك تشبه الوجود الأسلامي وانتشار الأسلام في اراضينا ياعم "المسلم التقدمي" بالوجود والأحتلال اليهودي القذر في فلسطين سابقا...

فلا يوجد وجه مقارنه بتاتا لا شكلا ولا مضمونا..

وياريت تراجع نفسك في الرأي دا ومتخسرش آخرتك علشان واقع حضرتك الغير شرعي والقوه الغاشمه العنصريه والتحركات الديبلوماسيه برائحتها النتنه والأعلام المدروس بتحويل الحقيقه إلى باطل والباطل إلى حقيقه...

التطور والتقدم لن يأتي بالأعتراف بأسرائيل ومصافحتها كما تدعونا بل هو الذل والهوان بعينه ...

مش كفايه نايمين وخاسرين دنيتنا عايزنا نفوق ونخسر دنيتنا وآخرتنا ..؟؟

لأ خلينا نايمين احسن

:

:

[مفروس]

الأخ دوفي...

افهمني يا صديقي...

أنا باتكلم من وجهة نظر تاريخية محايدة تماما...

لما تقرا تاريخ بعيدا عن انك مسلم...ايه اللي حصل هنا في مصر؟؟العرب المسلمين غزوا مصر بجيوشهم و أدخلوا الاسلام فيها زي ما غزوا العالم الاسلامي كله...قصدي ان الأمر الواقع حدث أولا بالغزو...احنا كمسلمين بنسميه فتح بس هو علميا و تاريخيا بالنسبه لأي قارئ تاريخ بعيد عن ثقافتنا الاسلامية اسمه غزو...

بلاش يا سيدي...انت ليه ليك علاقات النهارده مع دوله اسبانيا؟؟؟

هم مش احتلوا بلاد الأندلس بعد ما كانت دوله مسلمة لسبعمائة سنه؟؟؟

ليه ليك علاقات مع رومانيا و ألبانيا و غيرهم من البلاد اللي كانت في يوم من الأيام تقع تحت الحكم الاسلامي و خرج منها بقوة السلاح أو الحرب؟؟؟

في يوم من الأيام كنا بنحارب اوروبا كلها في الحروب الصليبيه...ليه بقيت ليك علاقات معاهم دلوقتي؟؟؟

يا عزيزي فيه أمر واقع و الأيام دول...لازم نعايش الأمر اللي احنا فيه و نتواصل مع عالمنا...

ولا حنعادي الدنيا كلها؟؟؟

ايوه هي حكومة عنصرية بغيضة و محتله...بس موجودة و أمر واقع...اعترفنا بيه أو لا هو أمر واقع...

يبقى نحاول نوصل لأفضل حل لينا برضه...لأن بعد كل لا أنا ولا انت مضرور من الموضوع ده...انت مضرور عاطفيا يا صديقي بس اللي بيتخرب بيته و بيتهد فوق دماغه و بيتقتل أولاده في الحرب دي دلوقتي الفلسطيني اللي في غزة...

و على فكرة فهم اللي اتخرب بيتهم لما اتعمل الجدار الفاصل علشان اتمنعوا من الشغل في اسرائيل...انت مش واخد بالك من النقطة دي؟؟؟

حنعيش في الوهم لأمتى؟؟؟

برغم عداءنا و كرهنا للممارسات الأمريكية...تقدر تنكر ان أمريكا هي اللي وقفت العدوان الثلاثي على مصر؟؟و انها هي اللي منعت اسرائيل من القضاء على الجيش الثالث بالرغم من انها هي اللي قلبت ميزان الحرب و ساعدتهم فعليا على محاصرته؟؟؟

لو كان السادات ما قبلش بالأمر الواقع و استخدم اسلوب عبد الناصر اللي هو اسلوبكم في التفكير دلوقتي كان الجيش المصري الثالث ابيد و ربنا يعلم كان ايه اللي حيحصل؟؟؟

الرسول عليه الصلاة و السلام ما قطعش مع حد...اتعامل مع الأمر الواقع برضه...عمل صلح الحديبية مع احتجاج الصحابه عليه و مع مقولة العبقري عمر لم نرضى الدنيه في ديننا؟؟

كان ساعتها بيتعامل مع الأمر الواقع...عمل اتفاقيات مع يهود المدينه..بعت المسلمين في هجرات للحبشة و المدينه...وافق على رجوع خالد بن الوليد و انسحابه بالجيش و لم يعتبرهم فرار...

كان بيتعامل مع الأمر الواقع ليصل لأحسن النتائج الممكنة...

احنا أحسن من الرسول؟؟؟

يا جماعة...حنفضل نايمين لأمتى؟؟

[ناصر الملك و الملكية]

زي بالظبط لما بقت مصر و العالم الاسلامي كله بقى اسلامي بالفتح الاسلامي...ماهي نفس الفكرة...

بعيدا عن الحساسيات و العواطف ماهو برضه كان نوع من أنواع الاحتلال العسكري بالجيوش و الحروب...

و القوة و الواقع فرضوا نفسهم...

الفتح الإسلامي لم يمحو هوية الدول التي فتحها المسلمون

لم يستوطنوا الأراضي التي فتحوها و لم يطردوا أهلها أو يبيدوهم

و لم يقتلوا الأطفال و النساء و العزل الامنيين !!

و هناك فروق كثيرة بين الفتح الإسلامي الإحتلال الصهيوني الإستيطاني !!!

[مفروس]

الأخ ناصر...

متهيألي انت آخر واحد يقول الكلام ده بعد قولك ان مصر أصبحت ملك لمسلميها بعد الفتح...متهيألي التضارب واضح...

و مش حاتكلم عن مذابح الجيوش الاسلامية في الهند اللي وصفها علامة زي ول ديورانت في موسوعة قصة الحضارة بانها كانت من أبشع المذابح في التاريخ...

ولا قصص فتوحات الأندلس اللي ذكرها كثير من المؤرخين المسلمين و تفاخروا فيها بقصص من نوعيه ان الخليفه دخل المدينه على بساط من جماجم أعداؤه...

ولا حاتكلم عن السبايا و الجواري من أميرات الأسر المهزومة اللي كانوا بيباعوا في أسواق النخاسة...

بس حافكرك باللي الجيوش الاسلامية عملته في المسلمين اللي زيهم في مكة و المدينه في الحرمين...من دك الكعبه بالمنجنيق...و كلمه اسماء بنت ابي بكر لابنها ما يضير الشاه من سلخها بعد ذبحها ووقوفها أمام جثته مصلوبه على مراي من الجميع هو و أصحابه...

بلاش نحكي في القصص دي يا صديقي...

و السلالالالالالالالالالالام

[وليد صفوت]

الأخ ناصر...

متهيألي انت آخر واحد يقول الكلام ده بعد قولك ان مصر أصبحت ملك لمسلميها بعد الفتح...متهيألي التضارب واضح...

و مش حاتكلم عن مذابح الجيوش الاسلامية في الهند اللي وصفها علامة زي ول ديورانت في موسوعة قصة الحضارة بانها كانت من أبشع المذابح في التاريخ...

ولا قصص فتوحات الأندلس اللي ذكرها كثير من المؤرخين المسلمين و تفاخروا فيها بقصص من نوعيه ان الخليفه دخل المدينه على بساط من جماجم أعداؤه...

ولا حاتكلم عن السبايا و الجواري من أميرات الأسر المهزومة اللي كانوا بيباعوا في أسواق النخاسة...

بس حافكرك باللي الجيوش الاسلامية عملته في المسلمين اللي زيهم في مكة و المدينه في الحرمين...من دك الكعبه بالمنجنيق...و كلمه اسماء بنت ابي بكر لابنها ما يضير الشاه من سلخها بعد ذبحها ووقوفها أمام جثته مصلوبه على مراي من الجميع هو و أصحابه...

بلاش نحكي في القصص دي يا صديقي...

و السلالالالالالالالالالالام

<{POST_SNAPBACK}>

طيب مادام الموضوع بيتكلم أصلاً عن الأفواه المليانه و الأقوال الفخيمة الجوفاء ,.. خلينا نشوف كده الوثيقة التاريخية اللى بتتحدث عن مذابح المسلمين فى الهند ؟

ممكن وصلة ليها يا أستاذ مفروس ؟

مع رجاء خاص انك تفرق بين المسلمين و بين المغول ( دولة المغول هى التى حكمت الهند حتى الإحتلال الإنجليزى لشبه القارة الهندية ...

ثم أين هى الكتب التاريخية التى تتحدث عن دخول الخليفة الأموى على بساط من جماجم أعدائه ؟ فى الأندلس أم فى ألف ليلة و ليلة ؟

و هل ما قلته يستوى و مقتل حوالى 2 مليون مسلم فى ليلة واحدة ؟ ( ليلة دخول الصليبون القدس الشريفة ) ؟

خلى الطابق مستور و مشيها فتح إسلامى يا أستاذ مفروس :rolleyes:

تحياتى ...

[Doofy]

====================================================================

الزميل/ مفروس

اسمحلي استغرب من مواقفك الغير طبيعيه ...

انا مش فاهم ليه عايزني أبعد عن مفهومي او ثقافتي الأسلاميه واحنا بنفكر في حل مشكله ما؟؟

هل هيه ثقافه خاطئه ام معيبه ام قديمه..؟؟

وللا علشان الأسلام ضعيف اليومين دول يبقى نرمي ثقافتنا الضعيفه وندور على الثقافه القويه حاليا ونشوف الحياة من خلاللها والأيام دول..؟؟

في فرق كبير بين اللي غزى من اجل نشر رساله نور زي الأسلام اللي تعتبر اكبر حركة هداية للناس وبين اللي غزى من اجل هوى ذاتي ولا شهوة بشرية...

في فرق كبير بين اللي غزى من اجل تحقيق اهداف سياسية واقتصاديه من خلال استعباد الاقوياء للضعفاء ونهب خيرات البلاد المحتله لحساب الدولة الغازية واذلال البشر المغلوبين على امرهم واهانة كرامتهم وبين اللي غزى وأرسى ضوابط الحق والعدل والرحمة التي تميز بها الفتح الاسلامية ميزته عن الحروب الاخرى ...

وغير كدا نظرتك التاريخيه المحايده هيه غير محايده في وجهة نظري لأنك مسلم ياعني المفروض تعرف تفرق عن غيرك وحتى لو كنت مش مسلم او بتنظر للأمور بنظرة غير أسلاميه فلازم حضرتك برضه تكمل الحقيقه لأخرها لأنك لما تقول نص الحقيقه وتسيب الباقي عمدا لهدف في نفسك يبقى فيه حاجه غلط في كلامك ونيتك والله اعلم..

وبعدين ايه اللي جاب موضوع الأندلس لموضوع فلسطين ؟؟

يا سيدي حاول انتا تفهم صراعنا مع أسرائيل من أجل المسجد الأقصى قبلة المسلمين الأولى...!!

وانا لا اعترض على وجود تعامل وعلاقات مع الطرف الأخر طول ما فيه سلام بيننا وزي ما حضرتك أوردت فكان في أتفاقيات بين الرسول واليهود لما كان في المدينه لأنهم كانوا موجودين فعلا وأول لما غدروا بيه واخلوا بالأتفاقيات

"كالعاده" طردهم..؟؟

وانا لا اعترض على فكر السادات لأنه كان نظرته شامله لما يحيط بيه من ظروف داخليه وخارجيه ودوليه..فمصر كانت قد نالت ما فيه الكفايه من استنزاف سواء كانت بشريه او ماديه و كانت كامب ديفد هي الحل الوحيد للرد على فرجة العرب المسلمين علينا من غير ما يبعتوا كتيبه حتى تقف مع الجيش المصري....وبالتالي حله كان من منطلق وطني وليس أسلامي, ولكن

هل التزمت أسرائيل بأتفاقية كامب ديفد من ساعة ما وقعت حتى الآن..؟؟

وبعدين الكتائب الفلسطينيه في تفاوض الآن مع الحكومه الأسرائيليه لكسب الوقت واعادة الصف واستجماع القوى لأنها في حقيقة الأمر تحارب الآن ضد جبهتين أسرائيل والسلطه الفلسطينيه الحاليه التي تريد تجريدها من سلاح المقاومه ضد العدو المغتصب الصهيوني..

انا بعترف بأسرائيل الأمر الواقع الباطل ولكن هذا لا يمنع اني احتقرها ويكون الموقف الرسمي ليها هو عدم قبول وجودها الخبيث السرطاني وعداوتي لها إلى ان تتغير الظروف ونبقى قادرين عليها وقبل اي حاجه نكون نستاهل ان ربنا يقف معانا..

واعتقد ان موقفي داه لن يقف في طريق تقدمي وتطوري لو نويت نيه خالصه لله تعالى اني اتغير واشوف فاتني ايه من العلوم الحديثه وابدأ اثقف نفسي من جديد وابدأ اغير من اخلاقي وعاداتي اللي مسختنا واوحد صفوفي وافكاري ومواقفي وأقضي على الفساد والجاهليه الحديثه التي نعيش فيها وابدأ ارجع لربنا واخلصله في كل شئ..

أما الحديث عن الأمر الواقع والأستسلام له بطريقتك فأسمحلي هيه دعوه غامضه وغريبه بالنسبالي لكوني مسلم ومن عامة الشعب ومش عارف انتا عايز تصحينا على ايه وعايزنا نتغير لأيه بالضبط....؟؟

أستاذ مفروس أنتا غير صريح وبالتالي فيه حاجه غلط في كلامك..!!

:

:

[مفروس]

الأخ فيولين كينج...

الكتب كتير يا صديقي...ممكن تقرأ منها كتاب قصة الحضارة لويل ديورانت و هو موسوعة من أشهر الموسوعات التاريخية اللي مافيش حد بيكتب تاريخ من غير ما يستند ليها...ممكن تسأل عنها أي باحث متخصص في التاريخ...

و بالنسبة لموضوع الأندلس فبرضه الكتب كتير ولكن للسف ماعنديش دلوقتي أي اسم محدد لأن أغلبيه الكتب دي كنا بنقرأها و نستمتع بيها في الكويت لما كان الاخوة الوهابيين هناك في المساجد بيعلمونا أصول معاملة الأعداء و بيزرعوا فينا الفخر بأشياء زي دي...و كانت امهات الكتب زي ما كانوا دايما بيقولوا...و بدل ما تقعد تتهكم و تتريق على كل رأي ما بيعجبكش ممكن تروح تقرا تاريخ مش بس تتفرج عليه في مسلسلات نور الشريف و محمد رياض...

و اشمعنى ما اتكلمتش عن اللي المسلمين عملوه في بعضيهم في أحداث الفتنه الكبرى؟؟؟ولا ده مش موجود في كتب برضه؟؟؟

و مافيش أي شيء يساوي مقتل فرد واحد من غير سبب...لا الف ولا مليون ولا غيره...

مسلم أو غيره...من قتل نفسا فكانما قتل الناس جميعا...

الأخ دوفي...

صديقي افهمني...أنا ماعنديش حاجة أخبيها ولا أخاف منها...

أنا مش باقولك اتخلى عن ثقافتك الاسلامية...زى ما انت قلت أنا مسلم و ده جزء من تكويني...

و مش باساوي بين الفتح الاسلامي و ما فعله الصهاينه...

أنا كنت بارد على الأخ شاواشانك في سؤاله باي حق نعترف باسرائيل...أنا بس قلت بحق الأمر الواقع...

انا و انت مقتنعين بان الفتح الاسلامي كان لأسباب غير دنيوية...بس من الآخر تم الاعتراف بيه بقوة الأمر الواقع...زي أي غزو و أي امبراطورية قامت و توسعت و حصلت على اعتراف العالم بفرض الأمر الواقع...

ما باقولش نحب اسرائيل و نستسلم و صافي يا لبن زي ما انت فهمتني غلط...انما باقول نعترف بالأمر الواقع و نتعامل معاه...

يا صديقي احنا بتجاهلنا و مقاطعتنا ما بنضرش اسرائيل ولا بنخدم قضيتنا...احنا بنضر نفسنا في المقام الأول...

لما ننسحب من أي مؤتمر دولي لأن فيه ممثل اسرائيلي احنا بكده بنخليهم يكسبوا ارض احنا بنخسرها...

لما نقاطع أي دورة رياضية لأن فيها اسرائيل احنا كده بنساعدهم على رفع علمهم و فرض و جودهم و بنخفي اعلامنا...

لما اي رياضي بينسحب من مباراة أمام اسرائيلي بتكون النتيجة أمام العالم خسارة المصري و انسحابه امام الاسرائيلي و ماحدش بياخدها على انها موقف و مبدأ...

أنا باقول نواجههم و نظهر قصادهم مش ننسحب من كل محفل و نسيبهالهم مخضرة...

فاهمني يا صديقي؟؟

[Doofy]

=============================================================================

الزميل / مفروس

زاي ما قلت لحضرتك انا ممكن اتفق معاك اني اعترف بيها... على انها واقع باطل.. وغير شرعي لأنها فعلا موجدوده على الأرض كأحتلال غاشم ..

لكن بالنسبه للتعاون وكدا فبـيتهيألي لو نزلت سألت اي مواطن غلبان ومش لاقي ياكل في الشارع عن رأيه في هذا الموضوع فأقل رد هيقلهولك انه مستعد يقطع ايده قبل ما تـتمد لهذه القذاره البشريه فهم عجينه واحده من ساعت ما ذكرهم الله في القران الكريم حتى الآن ..

اما بالنسبه للتواجد في المحافل المفيده لنا وتخدم قضيتنا فدي وجهة نظر ممكن تكون ايجابيه لو كان قصدك بالمواجهة وجه لوجه ولكن من غير تغير الموقف الرسمي من هذه الدوله ...انا موافقك مليون الميه وبتفق معاك انها خطوه ايجابيه واظهار لقضيتنا ضدهم....

ولكن تعاون تجاري وتبادل ثقافي وزيارات وبوكيهات ورد و موده وعِـشره حتى لو كان شغل بولوتيكا فدا مرفوض مليون الميه حتى لو كان في السر...

لأن داه شغل نفاق وميبقاش ربنا بـيـلعنهم في كتابه الكريم اللي المفروض بنقراه كل يوم ونيجي احنا نتعاون معاهم ونطبع علاقتنا معاهم لأنهم الأقوى الآن..

طبعا يـوك وستيـن يـوك

:

:

[ناصر الملك و الملكية]

الأخ ناصر...

متهيألي انت آخر واحد يقول الكلام ده بعد قولك ان مصر أصبحت ملك لمسلميها بعد الفتح...متهيألي التضارب واضح...

<{POST_SNAPBACK}>

أنا مش شايف أي تضارب أو تناقض , يا ريت توضح أكثر من كدا

و مش حاتكلم عن مذابح الجيوش الاسلامية في الهند اللي وصفها علامة زي ول ديورانت في موسوعة قصة الحضارة بانها كانت من أبشع المذابح في التاريخ...

<{POST_SNAPBACK}>

منذ متي و كانت كتب المستشرقين مرجع لنا ؟

ولا قصص فتوحات الأندلس اللي ذكرها كثير من المؤرخين المسلمين و تفاخروا فيها بقصص من نوعيه ان الخليفه دخل المدينه على بساط من جماجم أعداؤه...

<{POST_SNAPBACK}>

أذكر لي مؤرخ واحد من هؤلاء المسلمين

ولا حاتكلم عن السبايا و الجواري من أميرات الأسر المهزومة اللي كانوا بيباعوا في أسواق النخاسة...

<{POST_SNAPBACK}>

أظن أن ده شرع الله , فحاذر و أنت تتحدث عن شرع الله

بس حافكرك باللي الجيوش الاسلامية عملته في المسلمين اللي زيهم في مكة و المدينه في الحرمين...من دك الكعبه بالمنجنيق...و كلمه اسماء بنت ابي بكر لابنها ما يضير الشاه من سلخها بعد ذبحها ووقوفها أمام جثته مصلوبه على مراي من الجميع هو و أصحابه...

<{POST_SNAPBACK}>

أظن الكلام ده أثناء الفتنة بين عبد الله بن الزبير و بني أمية , و ليس له أي علاقة بالفتح الإسلامي و معاملة أهل الذمة

المسلمين أحرار في بعض , يعني اليهود لو قطعوا بعض , هما حرين !!

تم تعديل 11 ديسمبر 2005 بواسطة ناصر الملك و الملكية

[mb14]

مصر: مرشد الاخوان يسير علي خطي نجاد ويشكك بمحارق اليهود ويصفها بالأسطورة

القاهرة ـ رويترز: سار المرشد العام لجماعة الاخوان المسلمين بمصر محمد مهدي عاكف علي درب الرئيس الايراني محمود أحمدي نجاد وقال امس الخميس ان محارق النازي خلال الحرب العالمية الثانية أسطورة. وقال عاكف الذي تمثل جماعته أكبر قوة معارضة في البرلمان المصري في بيان حملت الديمقراطية الغربية علي كل من يري غير رؤية بني صهيون فيما يخص أسطورة الهولوكست أو المحرقة .

ودلل علي عدم تسامح الغرب بمحاكمة الكاتب الفرنسي روجيه جارودي الذي أدين في عام 1998 بالتشكيك في محارق النازي وبالمؤرخ البريطاني ديفيد ايرفنغ الذي يواجه اتهامات مماثلة في النمسا الشهر القادم. وجماعة الاخوان المسلمين محظورة في مصر لكن الحكومة تتسامح معها. وخاضت الانتخابات البرلمانية بمرشحين مستقلين.

وكان أحمدي نجاد أثار ضجة في العالم بقوله في خطاب ألقاه يوم 14 كانون الاول (ديسمبر) الحالي ان محارق النازي أسطورة.

وقال مرشد الاخوان في رسالته الاسبوعية انها الديمقراطية الامريكية. ديمقراطية القطب الواحد والعالم الواحد والوجه الواحد. تسير العالم الي حيث الفلك الامريكي الذي رسمه بنو صهيون حيث يجب علي الجميع أن يرتدي قبعة النجوم الامريكية ولا يقترب من الربيبة الصهيونية .

واتهم مجلس النواب الامريكي بالنفاق لانه هدد بقطع المساعدات عن السلطة الوطنية الفلسطينية اذا خاضت حركة حماس الانتخابات التشريعية في كانون الثاني (يناير) القادم. وانتقد عاكف أيضا مسؤول السياسة الخارجية والامن في الاتحاد الاوروبي خافيير سولانا لقوله ان أوروبا قد تفكر مرتين لدي تقديم مساعدات للفلسطينيين اذا انتخب مرشحون من حماس اعضاء في البرلمان الفلسطيني.

وتؤمن حماس بالكفاح المسلح لاقامة دولة اسلامية مكان اسرائيل. وردا علي سؤال في الاسبوع الماضي حول تصريحات أحمدي نجاد قال محمد حبيب نائب المرشد العام للاخوان ان التقارير الخاصة بمحارق النازي مبالغ فيها. وقال في مقابلة مع رويترز ليس لدينا أشياء مؤكدة تمكننا من أن نثبت هذا الامر أو ننفيه. المسألة تحتاج الي توثيق لكن ما يمكن للواحد أن يتأكد منه هو أنه تم الاعتداء علي اليهود وليس بوسيلة غرف الغاز أو ربما ليس بهذا العدد أو بهذه الكثافة .

لكن حبيب قال ان هذا الامر ليس للفلسطينيين شأن به. وقال ما يروجه اليهود عن وجود محرقة لا دعوي له بمعاملتهم للفلسطينيين علي أرض فلسطين .

القدس العربى

[shawshank]

أنا كنت بارد على الأخ شاواشانك في سؤاله باي حق نعترف باسرائيل...أنا بس قلت بحق الأمر الواقع...

<{POST_SNAPBACK}>

الأمر الواقع لا يثبت حقا . و عجزك عن ارجاع حقك لا يعطيه للغير .

أترى إن دخل لص مسلح بيتك و أخرجك منه و استولى على البيت بما فيه من عائلتك و أولادك ، و طردك منه ، هل تقول ساعتها إن البيت ليس بيتي و إنه صار حقا للص "بحق الأمر الواقع" لأنه الأقوى مهما مرت السنون ؟

أم تقول إن البيت بيتي ، و إن العيال عيالي ، و ليس للص حق في ذلك ، سواء عملت على استرجاعه أم لم أعمل ؟

أخي ، كما ورد في كتاب سيدنا عمر بن الخطاب لأبي موسى الأشعري:

"إن الحق قديم ، وإن الحق لا يبطله شيء". الباطل باطل مهما حاولت الباسه من ثياب الحق .

أقول: إنه ليس لليهود حق في أرض فلسطين . أما الأمر الواقع فهو استيلاء على أرض ليس لهم حق في شبر منها . و واجبنا أن نعيد الحق لأصحابه لا أن نرضى بالأمر الواقع و نبني عليه . ما بني على باطل فهو باطل .

تم تعديل 23 ديسمبر 2005 بواسطة shawshank

[Dr.Diaa]

الإخوة الأعزاء:

الموضوع الرئيس هو تصريحات نجاد....

و رأيى أن الرجل لابد و أنه يعى ما يقول و مستعد للعواقب...

1) إيران دخلت فعلا فى مواجهة مع إسرائيل بواسطة حزب الله و لا سبيل لإنكار ذلك.

2) أيران لها من نقاط القوة ما لا تملكه الكثير من الدول العربية، منها:

قدرتها على إعاقة الملاحة فى الخليج و (بالتالى حركة البترول الحيوية).

قدرتها على توجيه ضربات إنتقامية مؤثرة لعشرات الالاف من الجنود الامريكان الموجودين بالعراق.

قدرتها على توجيه ضربات إنتقامية صاروخية مؤثرة لاسرائيل.

القدرة على تعبئة الشعب بمجرد دعوة خامنئى لهم.

التأثير الواضح على الوضع فى العراق بعد تمكن ايات الله من الحكم هناك.

أقتصاد داخلى قوى.

الوضع الامريكى الصعب فى العراق يجعل من الصعب عليها غزو دولة أكبر من "ميكرونيزيا"

طيب يعنى إيران رايحة تحارب و تحرر القدس؟؟؟؟

أعتقد لا، كل ما فى الموضوع أن الرجل لديه من القوة و الشجاعة ما يجعله يقول ما يعتقد بغير خوف و لا مواربة.

و قد يكون فى ذلك خير (من نوع كسر "Taboo" عدم إنتقاد إسرائيل و المحرقة).

أما بالنسبة لموضوع الإعتراف بإسرائيل الأمر الواقع، فلكى أهزمك لابد أن أفعل أحد شيئين: إما أن أقتلك و إما أن تعترف أنت بالهزيمة.... أما إذا تركتك حيا و غير معترف فلا يمكننى أبدا أن أأمن جانبك....و الدليل على ذلك الفرحة العارمة بإعتراف أى دولة مهما كانت هامشية بإسرائيل.

و الى من يطالب بالإعتراف بإسرائيل كأمر واقع و كحل لمشاكلنا ، قولوا ذلك لإيران التى فاقتنا فى مجالات عديدة رغم عداوتها المعلنة لإسرائيل و رغم أنف ماما أمريكا...

تم تعديل 23 ديسمبر 2005 بواسطة Dr.Diaa

[وائل ثابت عبد الرحمن]

السلام عليكم

أنا بتخيل شىء و أتمناه أيضا

ما هو ؟؟؟

1- ان المدعو نجاد تطلع فى دماغة و يحدفلو كام صاروخ على صهيون .

2- بوش يتهور ( و ده طبعه ) و يرد على نجاد من ناحية و اليهود من ناحية , و بأى حال من الأحوال ايران لن تكون فى ضعف العراق التى كانت محاصرة اكثر من 13 سنة .

3- العراقيين يزودو مقاومتهم فى الداخل , و ايران تفتح جبهة كبيرة ضد امريكا , و من ناحية تانية حزب الله و حماس يزودو ضغتهم على اليهود , و كمان سوريا عشان الجولان .

4- روسيا تساعد ايران من تحت الترابيزة .

5- مصر تضغت سياسيا بسحب امريكا لوقف ال مزيد من حمامات الدم

6- و فى نفس الوقت تتفتح جبهة واسعة فى امريكا من المعارضة و الشعب , لسحب الجيش .

7- بوش يجبلو انهيار عصبى و يدخل مصحة نفسية و يا ريت ربنا يأخذه أخذ عزيز مقتدر , و هكذا الحال للخنزير شارون .

8- وقتها نقدر نقول و بصوت جهور الإنسحاب التام من فلسطين و العراق و مرتفعات الجولان أو الموت الزؤام .

تخيل و امنية و دمتم

[bakeer22]

الأخ العزيز وائل ثابت عبد الرحمن / ربنا يثبتك دايما على الحق

1- ان المدعو نجاد تطلع فى دماغة و يحدفلو كام صاروخ على صهيون .

2- بوش يتهور ( و ده طبعه ) و يرد على نجاد من ناحية و اليهود من ناحية , و بأى حال من الأحوال ايران لن تكون فى ضعف العراق التى كانت محاصرة اكثر من 13 سنة .

3- العراقيين يزودو مقاومتهم فى الداخل , و ايران تفتح جبهة كبيرة ضد امريكا , و من ناحية تانية حزب الله و حماس يزودو ضغتهم على اليهود , و كمان سوريا عشان الجولان .

4- روسيا تساعد ايران من تحت الترابيزة .

5- مصر تضغت سياسيا بسحب امريكا لوقف ال مزيد من حمامات الدم

6- و فى نفس الوقت تتفتح جبهة واسعة فى امريكا من المعارضة و الشعب , لسحب الجيش .

7- بوش يجبلو انهيار عصبى و يدخل مصحة نفسية و يا ريت ربنا يأخذه أخذ عزيز مقتدر , و هكذا الحال للخنزير شارون .

8- وقتها نقدر نقول و بصوت جهور الإنسحاب التام من فلسطين و العراق و مرتفعات الجولان أو الموت الزؤام .

تخيل و امنية و دمتم

عايز اقولك ان دة مش حلمك لوحدك ولو كان فية اى عميل من حكامنا العرب الله يلعنهم بيقرى الكلام دة وعندة القليل من الشجاعة كان فتح الطريق للجهاد ولو حتى من الباطن وليس بطريقة مباشرة

لكن زى ما قلت هما مجرد عملاء وما اعتقدش انهم جبناء والمثال على ذلك

ان مبارك نفسة كان قائد فى حرب اكتوبر يعنى راجل عسكرى مارس الحرب وهو عارف انة لو طلب من الشعب يحارب حتى لو كان الشعب كارهة الكل هايقف وراة ويمكن تكون دة الحسنة الوحيدة اللى ممكن الشعب يغير راية فية .. لكن زى ماقلت هما مجرد عملاء

[سيزيف]

دي جراءه تستحق التحية والتأمل في مواقفنا اللي بقت تكسف ...

وهو الوقوف في وجه القطر يبقى جرأة ؟

ماذا تتوقع من إنسان يدعي الجُرأة ويذهب ليقف وجهاً لوجه أمام قطار مندفع بأقصى سُرعة ؟ قولي بالله عليك على النتيجة الحتمية والتي لا تقبل الجدل ؟

يا أخي الكريم ما فعله أحمد نجاد يُعد حماقة بكل المقاييس مثل الحماقات المتكررة التي كان يتركبها عبد الناصر وقادت البلد إلى كارثة مازلنا نعيش على ذكراها . حيث إنه كثيراً ما ردد نفس الشعارات الجوفاء من عينة سأضرب إسرائيل وما وراء إسرائيل .. وٍارميهم في البحر .. وهأقطعهم حتت وأقليهم في الزيت .

اللي عايز يمحو إسرائيل يبقى عليه أن يُعِد نفسه الأول .. ويرى ويحسب قدراته ... ويشوف عواقب تصريحاته إيه ؟

على فكرة كانت أول نتيجة هي إن روسيا اللي كانت واقفه جنب إيران وتحول دون تحويل ملفها النووي إلى مجلس الأمن .. تخلت عنه وأصبح موقفها ضعيف ... لإن الملف النووي لو إتحول لمجلس الأمن يبقى الموضوع خلص وهاتمشي في نفس طريق العراق .

الاخ الفاضل سى السيد

اتفق معك تماما

فالرئيس الايرانى وان كان يتمتع بشعبيه هائله فى ايران

الا انى اراه غير محنك سياسيا

و موقفه النووى يدل على ذلك

فقد كان من الممكن ان ينفذ نجاد مشروعه النوى السلمى - وهو حق لكل دوله - دون ان يثير كل تلك الزوبعه

ولا استطيع تبرير تصريحاته تجاه اسرائيل فكما ذكر الصديق محمد مثلا انه ليس فى عداء مباشر مع اسرائيل و من ثم فلم يكن منطقيا اثاره عداوات ليس هذا اوانها ولا سيما ان ايران مستهدفه من جانب الولايات المتحده

تم تعديل 20 يوليو 2006 بواسطة سيزيف