تخيلات فى اشكال وصور اعضاء المنتدى

[ابو صلاح]

بسم الله الرحمن الرحيم

طبعاً والواحد بيقرا للأفكار او الأراء اللى بيقولها اعضاء المنتدى .. بيترسم فى العقل الباطن صورة تخيلية لهذا الشخص . وبتترسم الصورة على حد تحليلى لهذا الموضوع لعدة حاجات

اول حاجة : الصورة الرمزية . دى بتبقا اقرب شئ لتخيل صورة هذا الشخص وبتبقا ليها عامل كبير جداً فى تخيل صورة هذا الشخص

تانى حاجة : طريقة تناول الموضوع والعبارات اللى بيستخدمها ونوعية المواضيع اللى بيتناولها .. كل ده بيدل على شخصية الواحد ومن ثم بتترسم فى الدماغ الصورة .. وكمان حاجة التوقيع الشخصى ليه عامل مساعد برضو

تالت حاجة : دى مالهاش دعوة بالعضو اللى بيتكلم . دى ليها دعوه بالشخص اللى بيتخيل صورة الأعضاء ومما يحمل من خبرات فى التعامل واللقائات مع الناس ورسم صورة الشخص فى صورة اقرب شخصية مماثلة فى الحياة الواقعية ( حد فاهم حاجة ) :D

فكل واحد شايل فى نفسو صورة للتانى من غير ما يشعر وبتبقا مخزنة فى عقلو الباطن فأول ما بيشوف موضوع لهذا الشخص اوتوماتيك تتطلع الصورة على طول بشكل تلقائى جداً

[ابو صلاح]

يعنى انا مثلاً وانا بكتب الموضوع دة . نطت فى دماغى كذا شخصية من اعضاء هذا المنتدى

اولهم كانت شخصية سى السيد ( س س ) يمكن علاشان شخصية نشطة فى هذا النتدى . يمكن علاشان اسلوبة ساخر وبيميل للضحك . والطبيعة البشرية تميل الى الضحك والترفيه . الحقيقة مش عارف ليه أول واحد جيه على بالى . يمكن علاشان عقرب زيى . والعقارب على اشكالها تقع :D

يعنى سى السيد الصورة اللى اترسمت فى خيالى ( مش عايز اتكلم لاحسن اعك ) وكمان لو عكيت هوا مشرف عام ممكن يطردنى شر طردة ... لكن هاقول ورزقى على الله

هوا هيبقى تخين شويا بمعنى اصح ( عاندو كرش ) ومش عايزك تفهم كرش دى غلط . لأ ده انت اشرف من الشرف يا أبو السيد .

ليه بقا تخين لأن لاحظت ان كل التخان بيبقو خفاف الدم .. تانى حاجة .. انت انسان بشوش ودى ختها من الصورة الرمزية للشيخ ياسين اللى انت حاتطها .. انت انسان مرح وليك علاقات كتير وعشرى وبتحب الأنطلاق والتمتع بالحياة .. وده باين فى مواضيعك .. والناس اصحاب هذة السلوكيات بيبقا ليهم شكل وسلوكيات مميزة .. مش عارف اوصفها دلوقتى

معلش بقا يا ابو السيد لو الصورة طلعت مشلفطة .. انت عارف ان احنا عقارب وبنحب الصراحة

[ابو صلاح]

تانى شخصية على طول كانت ( بنت مصرية )

الصورة اللى فى خيالى للبنت المصرية .. انها انسانة محترمة جداً وبتحب تخدم الناس وتميل الى الأنطواء شويه . الصورة اللى اتخيلتها انها فيها شبه من ابنها اللى فى الصورة الرمزيه اللى حاطها . ومحجبة .. وملامحها تحس فيه الأمومة وعطف الأم على ولادهم وكدة .. مش عارف أوصف الملامح دى أزاى . بس اكيد كلنا عارفين الشكل العام للأم

وتخيلتها برضو انها بتعامل الناس ببساطة جداً وماعندهاش حتة التكلف دى وممكن تعاملك وتكلمك كأنك تعرفها من سنين حتى لو كانت أول مرة بتكلمك . والصورة اللى فى خيالى ان لبسها بسيط جدا تميل الى الألوان الفاتحة وممكن تلبس لبس مش على احدث موضه ولا حاجة اللى عاندها فى الدولاب تلبسو وخلاص . وساعات كتير بتندم على طيبتها مع الناس خصوصاً اذا كانو ناس ما يستحقوش المعاملة دى . فده رسم شوية حزن على ملامحها . لكن لو كلمتها تحاول هى تدارى الحزن ده

[ابو صلاح]

تالت واحد : سكوربين

اسكوربين دة بوظلى دماغى خالص . اول ما شوفت الصورة الرمزية بتاعتو قولت ده واحد عاندو بتاع 600 سنة . والمواضيع اللى بيتناولها تؤكد ذلك . والقصص بتاعتة عميقة جداً .. وبعد دة كله تخش على البروفيل بتاعو تلاقى تم 15 سنه من كام يوم

فهل هذا تمويه ام هو شخصية عبقرية وسابق سنة .. فأنا هأجل وصفى عن صورتى ليه لحد ما أعرف

[ابو صلاح]

رابع واحد : شاعر الرومانسية

انا أول ما ما قريت شاعر الرومانسية . قولت دة اكيد هيبقا حته من ليوناردو دى كابريو .. بس بعد ما دخلت الموقع بتاعة وشفت الصورة بتاعتة .. اثبتت لى التجربه ان التخيل لا يمس الى الواقع بأى صلة ( ومش عايزك تفهمنى غلط يا شاعر الرومانسية ) انت صورتك زى الفل . بس مش دى اللى كانت فى خيالى

[ابو صلاح]

خامس واحد : المهندس البحيرى

المهندس البحيرى شخص متدين جداً يميل الى الأمر بالمعروف والنهى عن المنكر . متحفظ . خجول الى حد ما . كلامة كلة عبارة عن نصائح وتصحيح للأفكار . فأعتقد ان المهندس البحيرى ( سٌنى ) طويل اللحية ، طويل القامة ، عريض .. يميل الى الأنطواء . واحياناً كتير ما بيعرفش يوصل الكلام اللى عايز يقولو للناس . أو الناس بتفهمو غلط . فدائماً بيحاول يحط نفسو فى صورة حلوة والشكل الذى يليق بيه ، فدة رسم شوية حزن على ملامحة ولكن الأبتسامة لا تغادر وجهه .. يميل الى النظام بشكل مبالغ فية الى حد التطرف احياناً . ودة انعكس على طريقة لبسة . فدائماً تلقية حاطط القميص فى البنطلون . ما بيلبسش كاجول تقريباً . دايماً تلاقيه قافل زرار القميص الل فوق . رابط الجرافته على طول . ممكن يكون لون بشرتة يميل الى اللون القمحى

لمؤاخذة يا باش مهندس . دى مجرد تخيلات والله اعلم

[ابو صلاح]

سادس شخصية : مصرية الهوى

أول ما بشوف مصرية الهوى فى اى موضوع بتكتبو . بتخيلها فى صورة المرأة السعودية اللى لابسه العبايه السوداء واحياناً بتخيلها فى صورة المنقبة . علاشان انا روحت السعودية . فالصورة دى دماغى . والصورة دى شوفتها كتير جداً فى السعودية . على الرغم انى عارف ان مصرية الهوى بتتكلم اكيد من بيتها . والعبايه السودا دى بيلبسوها فى الخروج بس . بس الصورة دى اللى بتتطلع فى العقل الباطن على طول

[ابو صلاح]

باقى الشخصيات يتبع

[se_ Elsyed]

هوا هيبقى تخين شويا بمعنى اصح عاندو كرش )

------------------

بيقولك مره واحد بكرش قابل واحد بكرش قاله معاك قرش قاله ما افتكرش

والنبي يا محمود يابني لو كان موجود ماكنتش اعزه عنك ، فسيادتك عشان مش مذاكر مواضيع المحاورات كويس فهاتشلفط خلق الناس

عامة كان في موضوع دسم بنفس المسمى وكان ظريف جداً

وعشان ارفع من روحك المعدنية واشجعك أحب أقولك إن طولي 173 ووزني 65 ، يبقى الكرش هاييجي منين يا فالح ؟

وبعدين لما تتخيل شخص معين وترسم له صورة ما تقعدش تقوله انت دمك شاربات ومُجتماعي ونفسك حلوه فالكلام ده ما يأكلش عيش وأخرك هاتشتغل في معمل التحليل بتاع جيجي

بطل حمرقة وخش على الصور الفيزيكال للناس

وماليش دعوة مش هاحوش عنك

[سقراط المصري]

يا بيه يابيه

سقراط واقف في الصف هناك اهو يابيه........... شايفه يابيــــــــــــــه.

[وليد صفوت]

وعشان ارفع من روحك المعدنية واشجعك أحب  أقولك إن  طولي 173 ووزني 65 ، يبقى الكرش هاييجي منين يا فالح ؟

هاهاهاهاهاااااااااا :wub:

هىهىهىهىىىىىىىىىى :ph34r:

هوهوهوهوووووووووووووووو :huh:

عمو س س ............

:D

أنا أطوووووووووول منككككككككككككككككككك بـــــ 7 سنتىىىىىىىىىىىىى ......... :huh: :sad: :wub: :D :D

[مصرية الهوى]

محمووود ... وأنا بقول مين ده ؟؟

اتاريك أنت صاحب العيادة اللي قدامي على طووول .. وأنا بقول الوش ده مش غريب عليا ... طلعت أنت :ph34r: :huh:

بس بجد يا محمود أنت محلل هايل !!

متتصورش لما قريت تحليلك عني .. فطست على نفسي من الضحك ... ما هو أكيد الشكل التقليلدي للبنت السعودية وحده منقبة ولابسة عباية سوداء :huh: ...

يعني أنا الست دي :sad:

طيب مينفعش تخش تحت النقاب .. نشوف هتقول ايه :D

نصيحة أخيرة من وحده جربت سكة العمل في سوق التحليل .. بس لقت إنها متأكلش عيش .. سيبك من ده يا محمود وتعال انا وانت نروح سوق الخضار أنا أبيع بطيخ وانت تبيع كرات .. واهي احسن من شغلانة التحليل دي :wub:

[shawshank]

أنا أطوووووووووول منككككككككككككككككككك بـــــ 7 سنتىىىىىىىىىىىىى .........  :wub:  :ph34r:  :huh:  :huh:  :sad:

<{POST_SNAPBACK}>

اهوه يا عم محمود قطع ليك نص الطريق ، كمل انتا بقى النص التاني :D

[bentmasria]

[

color=teal]الصورة اللى فى خيالى للبنت المصرية .. انها انسانة محترمة جداً وبتحب تخدم الناس وتميل الى الأنطواء شويه . الصورة اللى اتخيلتها انها فيها شبه من ابنها اللى فى الصورة الرمزيه اللى حاطها . ومحجبة .. وملامحها تحس فيه الأمومة وعطف الأم على ولادهم وكدة .. مش عارف أوصف الملامح دى أزاى . بس اكيد كلنا عارفين الشكل العام للأم

وتخيلتها برضو انها بتعامل الناس ببساطة جداً وماعندهاش حتة التكلف دى وممكن تعاملك وتكلمك كأنك تعرفها من سنين حتى لو كانت أول مرة بتكلمك . والصورة اللى فى خيالى ان لبسها بسيط جدا تميل الى الألوان الفاتحة وممكن تلبس لبس مش على احدث موضه ولا حاجة اللى عاندها فى الدولاب تلبسو وخلاص . وساعات كتير بتندم على طيبتها مع الناس خصوصاً اذا كانو ناس ما يستحقوش المعاملة دى . فده رسم شوية حزن على ملامحها . لكن لو كلمتها تحاول هى تدارى الحزن ده

ربنا يكرمك يا استاذى

انا فعلا بيقولوا عليا شكلى غلبان ومحجبة وما بلبسش ع الموضه ولبسى بسيط جدا وماقدرش احكم اذا كنت طيبة ولا ايه بس ببساطة ممكن اللى شافونى يردوا عليك ميرسى على حسن ظنك بيا وثقتك فى اخلاقى واحترامى ويارب اكون ربع كده

شكرا بجد

ام محمد

[ابو صلاح]

بيقولك مره واحد بكرش قابل واحد بكرش قاله معاك قرش قاله ما افتكرش

والنبي يا محمود يابني لو كان موجود ماكنتش اعزه عنك ، فسيادتك عشان مش مذاكر مواضيع المحاورات كويس فهاتشلفط خلق الناس

انت عارف يا أبو السيد ده اجتهاد علماء ومن اخطأ كان له اجر . ومن اصاب فلهو اجران :D

وبعدين لما تتخيل شخص معين وترسم له صورة ما تقعدش تقوله انت دمك شاربات ومُجتماعي ونفسك حلوه فالكلام ده ما يأكلش عيش وأخرك هاتشتغل في معمل التحليل بتاع جيجي

يا ابو السيد ما انت لو بتكمل الكلام للأخر كنت عرفت ان التحليل بيوصل فى الأخر للصورة الفيزيكال . انت كدة عامل زى اللى خد بنص الأية :D .. وكمان مش علاشان نحلل لوقمتنا ونعمل حبة حركات قدام الزبون

أما الشغل فى معمل التحليل بتاع جييجى . ممكن نعمل شركة صغيرة هى تحلل شخصيات وانا أرسم . وماتخفش هنشوفك يا ابو السيد :D

[se_ Elsyed]

إبننا العزيز محمود

يُمكنك الرجوع إلى الريفرانس التالي لكي تُحلق بخيالك الواسع عبر الآفق المفتوح لأشكال الأعضاء

تعالوا بينا نشلفط أشكال بعضينا

[ابو صلاح]

بس بجد يا محمود أنت محلل هايل !!

متتصورش لما قريت تحليلك عني .. فطست على نفسي من الضحك ... ما هو أكيد الشكل التقليلدي للبنت السعودية وحده منقبة ولابسة عباية سوداء

]انا ما كنش المقصود منى أوصف الأشكال والملامح وكدة .. انا كل اللى بعملو بنقل الصورة اللى فى عقلى الباطن لشخص اللى بيكتب الموضوع . والصورة اللى بتطلع على طول فى النفوخ :D

تم تعديل 31 أكتوبر 2005 بواسطة ma.salah

[ابو صلاح]

إبننا العزيز محمود

يُمكنك الرجوع إلى الريفرانس التالي لكي تُحلق بخيالك الواسع عبر الآفق المفتوح لأشكال الأعضاء

تعالوا بينا نشلفط أشكال بعضينا

<{POST_SNAPBACK}>

:D هاهاها بقا طلعت شبة ( اميتاب تشان ) :D هاها والاهى دى كانت اخر صورة اتصورهالك يا سى السيد ... انا على كدة بقا لازم اكلمك بكل حزر . لاحسن كلامى ما يعجبكش تقوم واخدنى مقص على غفلة . او تحكيلى كام فيلم هندى من اللى عملتهم وتخالينى اعيط :D هاهاهاهاها

ده الخيال ده بيودى فى داهية . دة انت خليتنى افقد الثقة فى خيالى تماماً

[ابو صلاح]

حيس كدة بقا لازم كل واحد يقول الشكل اللى فى خيالة عن التانى ويبقا مبدأ الخيال دة ( تعالو بينا نشلفط اشكال بعضينا ) على رأى سى السيد :D

[مصرية الهوى]

طب ماشي يا محمود أنا هأشلفطك ..

أنت طويل وعريض بس مش اوي .. اسمراني على ابيضاني ( مش عارفه اللون ده يطلع ايه :D ) .. وشك baby face .. بتلبس نضارة .. شعرك اسود بس منعكش شويا :D ..

وشخصيتك .. بتفكرني بشخصية اخويا :D .. يعني انت بتسبب دوشة في البيت .. يعني لما بتغيب بيحسوا أهلك بفقدك .. عايز كل حاجه بسرعة .. ولما تبقى عايز حاجه .. الحاجه دي لازم تتعمل .. بالذوق بالعافية .. الحاجة اللي انت عاوزها لازم تحصل عليها ..

:D :D