تخيلات فى اشكال وصور اعضاء المنتدى

[شاعرالرومانسية]

رابع واحد : شاعر الرومانسية

انا أول ما ما قريت شاعر الرومانسية . قولت دة اكيد هيبقا حته من ليوناردو دى كابريو .. بس بعد ما دخلت الموقع بتاعة وشفت الصورة بتاعتة .. اثبتت لى التجربه ان التخيل لا يمس الى الواقع بأى صلة ( ومش عايزك تفهمنى غلط يا شاعر الرومانسية ) انت صورتك زى الفل . بس مش دى اللى كانت فى خيالى

<{POST_SNAPBACK}>

ليوناردو دى كابريو... :D

ليوناردو دى كابريو... :D

ليوناردو دى كابريو... :D

مش دة برضة اسم نوع مكرونة جديد :excl:

وبعدين يا عمنا انت مش قلت ..

"انا ما كنش المقصود منى أوصف الأشكال والملامح وكدة .. انا كل اللى بعملو بنقل الصورة اللى فى عقلى الباطن لشخص اللى بيكتب الموضوع . "

فين بقى ملامح الشخصية يا ابو الدكترة...

عموما .. ماشى يا سيدى ..

بس ابقى فكرتى اشيل الصورة من الموقع .. :lol:

ولندع الخيال يتحدث،،،

[ابو صلاح]

طب ماشي يا محمود أنا هأشلفطك ..

أنت طويل وعريض بس مش اوي .. اسمراني على ابيضاني ( مش عارفه اللون ده يطلع ايه  :D ) .. وشك baby face .. بتلبس نضارة .. شعرك اسود بس منعكش شويا  :excl: ..

وشخصيتك .. بتفكرني بشخصية اخويا  :D  .. يعني انت بتسبب دوشة في البيت .. يعني لما بتغيب بيحسوا أهلك بفقدك .. عايز كل حاجه بسرعة .. ولما تبقى عايز حاجه .. الحاجه دي لازم تتعمل .. بالذوق بالعافية .. الحاجة اللي انت عاوزها لازم تحصل عليها ..

:D  :lol:

<{POST_SNAPBACK}>

طلعت أوت منِك المرادى ( خيرها فى غبيرها )

[ابو صلاح]

ليوناردو دى كابريو... 

مش دة برضة اسم نوع مكرونة جديد

:D هاها كنت فاكر هتقول ده نوع جبنه رومى دة ولا ايه :D

فين بقى ملامح الشخصية يا ابو الدكترة...

ما خلاص شوفنا الصورة وما فيش مجال للخيال خلاص :excl:

[مصرية الهوى]

طلعت أوت منِك المرادى ( خيرها فى غبيرها )

:lol: ....

طيب لو جبنا العكس من كل حاجه يمكن يطلع صح ؟؟؟؟ mfb: ..

إنما شاعر الرومانسية ... أنا ماشفتش صورتك الا بعد ما محمود قال إنها في الموقع بس أنا كنت متخيلاك شبه اللي في الصورة :wub: ...

والشخصيات اللي كتبت عنها يا محمود ... سي السيد .. طبعاً اسمه بوظ ادمغة كل الناس ... بس للأسف محدش قدر يجيبها صح ..

وبنت مصرية .. كنت متخيلاها نفس ما محمود اتخيلها ..

وعمو سكوب .. أنا متخيلاه واحد اسمراني .. ومتختخ شويا وله شنب

وباشمهندس بحيري .. زي ماقلت يا محمود .. هادئ وخجول ومرتب ..(بيفكرني بشخصية خالي بهدوئه واخلاقه ) ( ايه يا بنتي انتي كل عيلتك في المنتدى .. ده اخوك وده خالك :D ) بس شكله واحد ابيضاني ومش طويل اوي ومن غير دقن ولبسه شيك اوي .. وعينيه خضراء ( ليه مش عارفه :excl: ) (يعني حاجه كده شبه محمد رياض :D )

بس حرام عليك يا محمود .. سقراط بقاله يجي يومين واقف في الطابوور .. رجليه ورمت من كتر الوقفة ..

أنا هأقولك ..عشان والله صعبت عليا .. أنت شكلك واحد عريض وقمحي اللون .. عينيك عسلي .. ودقنك ..عارف الدقن اللي بيسموه dirty face ( هو اسمه كده انا مليش دعوى ) وفيك مبادئ صلع :lol:

وشكلك بتشتغل جرسون ..ايه منيو الاكل والافلام اللي انت حاطها في توقيعك دي .. :D

========================

يلا فين باقي الشخصيات يا محمود ... خلينا نشلفط في خلق الله ..

:D

شكلهم كده يامحمود .. يوم والا يومين وهيطردونا شر طردة برا المنتدى ...

:D

[سقراط المصري]

هو مافيش حد ناوي يتخيل شكلى ولا إيه.

فين الحماس ، فين الخيال، فين................. الفول.

[se_ Elsyed]

هو مافيش حد ناوي يتخيل شكلى ولا إيه.

فين الحماس ، فين الخيال، فين................. الفول.

<{POST_SNAPBACK}>

مستعجل على إيه يا خفيف

بص فوق كده وشوف جيجي قايله عليك إيه

جرسون !!

جرسون يا جيجي ؟!!

جرسون يالعنود ؟:

ما هو صحيح اللي ما بعرفش يقول جرسون

كل سنة وانتوا طيبين .. انا جاي اهدي النفوس بمناسب العيد

سبن سين وابور الجاز

[سقراط المصري]

مستعجل على إيه يا خفيف

بص فوق كده وشوف جيجي قايله عليك إيه

سبن سين وابور الجاز

<{POST_SNAPBACK}>

يعني اعمل فيك إيه، اجيب عود كبريت واولع في وابور الجاز بتاعك.

العتب على النظر يابني والله ماخدش بالي

.....يتبع

[ابو صلاح]

انا ما ردتيتش أرد عليك يا سقراط من أول مرة .. لأنى بشوفك فى شكل الجبنة الرومى اللى انت حتطها فى الصورة الرمزية .. وساعات الصورة بتقلب معايا وبتخيلك فى شكل( الفار جيرى ) بتاع توم جيرى .. وساعات بتقلب معايا ... بشوفك فى شخصية واحد معضم ورفيع جداً وأسمرانى وطويل .. فمردتش أقول على اللى فى نفسى وكنت ما شى بمبدأ ( لتقل خير او لتصمت ) لكن انت اللى اصريت :wub:

[سقراط المصري]

بس حرام عليك يا محمود .. سقراط بقاله يجي يومين واقف في الطابوور .. رجليه ورمت من كتر الوقفة ..

أنا هأقولك ..عشان والله صعبت عليا .. أنت شكلك واحد عريض وقمحي اللون .. عينيك عسلي .. ودقنك ..عارف الدقن اللي بيسموه  dirty  face ( هو اسمه كده انا مليش دعوى ) وفيك مبادئ صلع  :blush:

وشكلك بتشتغل جرسون ..ايه منيو الاكل والافلام اللي انت حاطها في توقيعك دي ..  :wub:

========================

<{POST_SNAPBACK}>

يا نهار ازرق وملحوس...............................

مين مين............... عريض

والله يفندم بحاول يعني

إيه................ قمحي اللون

هو كان قمحي، لكن الغربه والتلج فتحوا البشره شويه

نعم نعم........................ عينك عسلي

غلط............... هي لسه بتستوي (والحدق يفهم).

what.........................ودقنك ..عارف الدقن اللي بيسموه dirty face ( هو اسمه كده انا مليش دعوى ).

انا بصراحه مفهمتش ، ولكن ذقني مابتتعبنيش في الحلاقه.

الحقوني........................وفيك مبادئ صلع

لا والله ، اكيد بتتكلمي عن ابو سقراط.

لا إاله إلا الله.............................وشكلك بتشتغل جرسون.

هو انا بصراحه حاولت اشتغل جرسون، فقالولي يابني دي عاوزه مؤهلات مش اقل من الدكتوراه ، واهو اديني بحاول.

فروق ثقافيه............. ايه منيو الاكل والافلام اللي انت حاطها في توقيعك دي

هو دي بقي اللي بيقولوا عليه، المصري الاصيل.

جيجي ، انت شلفطي شكلي خالص .......... منك لله. :D :) :wub:

تحياتي

سقراط

[mb14]

احم احم يا ناس ياللى هنا

ممكن اقطع تذكره هنا :wub:

انا داخل على موضوع جديد فى حياتى نقله عمليه اوصفولى صورتى لو ما عجبتنيش اشوف نفسى او اغير اى شئ ممكن تغييره .

وكل سنه وانتم طيبين

[سقراط المصري]

انا ما ردتيتش أرد عليك يا سقراط  من أول مرة .. لأنى بشوفك فى شكل الجبنة الرومى اللى انت حتطها فى الصورة الرمزية .. وساعات الصورة بتقلب معايا وبتخيلك فى شكل( الفار جيرى ) بتاع توم جيرى .. وساعات بتقلب معايا ... بشوفك فى شخصية واحد معضم ورفيع جداً وأسمرانى وطويل .. فمردتش أقول على اللى فى نفسى وكنت ما شى بمبدأ ( لتقل خير او لتصمت ) لكن انت اللى اصريت  :wub:

<{POST_SNAPBACK}>

يا باشا قول ، نعم انا مصر على سماعك :blush:

صوره التوقيع لشخصيه كرتون بيحبها اولادي جدا جدا جدا

اسمها (اكيد هكتبه خطأ ) شبان بونج، مش متأكد من الاسم ، ولكن اوله (ش).

اما................... معضم ورفيع جداً وأسمرانى وطويل

طويل صح ، ومعضم ليه بقى هو انا جاي من الصومال، اسمراني ........................لا لا.....لاتكذبي :wub:

تحياتي

سقراط