جواز عرفى

[صفاء]

القصة دى قصة حقيقية

مش نادرة آه وبتتكرر كل يوم .. لكن

عمرى ما شفت حب بالشكل ده

الحب اللى كل الناس بتدور عليه

الحب الصامد اللى معاه انا اتقبلت جوازهم العرفى

قصة نادرة من قصص الحب

روميو ايه و جولييت ايه

عبلة و عنتر .... ميجوووش جنبهم حاجة

بهية و ياسين ... دول مساكين

قيس و ليلى ... لالالالا سيبك سيبك

تعالوا شوفوا أعنف قصة حب

اتحدوا العالم ...

اهاليهم

حتى قوانين الطبيعة

قطة يا عينى على جمالها و دلالها

اسمها بوسى

فى يوم كانت فى النادى بتلعب بولينج

لمحت روى ... أجمل بوبى فى النادى

كلاب النادى و كلاب السكك هايقطعوا نفسهم عليه

أمال .. كلب مال و جمال .. و مأصل بصحيح

كلب ابن 60 كلب

هى شافته من هنا و اللى جرالها جرالها

اتلحست و اتهبلت

قعدت تشاغله و تلعب عليه

وتغمى عينيه

لغاية ما اندلق ووقع فيها

واتصوروا مع بعض صورة للذكرى

اتنشرت فى جريدة عالم الحيوانات

والدنيا اتقلبت عليهم

المرشح عن حزب القطط

بهدل الدنيا فى جلسة مجلس معشر الحيوان

وطالب بإعدام بوسى

رميا بالبلغ " القباقيب "

والكلبات اللى هايموتوا على روى

قعدوا يطلعوا اشاعات على بوسى و روى

وهما مقهورين

وبرعى أبو بوسى كان هايقتلها

وحرمها من الميراث

لإنها فضلت روى على توم ابن عمها

لكن روى و بوسى اتحدوا كل اللى وقفوا قدام سعادتهم

واتجوزوا

عرفى

بس متستغربوش ان روى تخن كده

لان بوسى قطة بيت شاطرة

وكانت عارفة ان اقرب طريق لقلب روى عضمتة

وعاش روى مع بوسى فى سعادة

وخلفتهم كانت كلها كلاب من كتر حب بوسى فى روى

وتوتة توتة فرغت أجمل حدوتة

[Alshiekh]

طيب ليه الفضايح دى ياصفاء

اهو كده فضيحتهم حاتبقى على كل لسان على الشبكة العنكبوتية

وحاتجرأ قطط كتير وكلاب كتير انها تتحول وتغير تحت ضغط الاغواء والغواية !!!!!

[shawshank]

وخلفتهم كانت كلها كلاب من كتر حب بوسى فى روى

أكيد كلاب مقطقطة :excl:

[صفاء]

طيب ليه الفضايح دى ياصفاء

اهو كده فضيحتهم حاتبقى على كل لسان على الشبكة العنكبوتية

وحاتجرأ قطط كتير وكلاب كتير انها تتحول وتغير تحت ضغط الاغواء والغواية !!!!!

<{POST_SNAPBACK}>

طب ومالو أما نجمع شمل الكلاب والقطط ؟

ماحنا فى زمن العولمة :excl:

[صفاء]

وخلفتهم كانت كلها كلاب من كتر حب بوسى فى روى

أكيد كلاب مقطقطة :excl:

<{POST_SNAPBACK}>

لا فى احتمال تانى

انهم يخلفوا قطط ولاد كلب :D

[ahmedbd]

لا لا لا لا

انا زعلان جدا طب ياستى

مش اذا بوليتم فاستتروا

بقه كده تفضحيهم....

بس اخبار الاولاد اه هههههه هههههههه هههههههههه

[صفاء]

لا لا لا لا

انا زعلان جدا طب ياستى

مش اذا بوليتم فاستتروا

بقه كده تفضحيهم....

بس اخبار الاولاد اه هههههه هههههههه هههههههههه

<{POST_SNAPBACK}>

ما هما لموا الدور وكله على مية بيضا :excl: