كله ماشى

[صفاء]

كله ماشى

كوسة بوظة فول فلافل أو محاشى

كله ماشى

رزق لارج... رزق ميديم.. جه مجاشى

كله ماشى

حلم فاتنى غيره جانى

ولا طار فى الهوا شاشى

كله ماشى

زرع أرضى خيره ليا

أو لغيرى أو لباشى ( باشا بلغة الفلاحين )

كله ماشى

عودى لسه ورور اخضر مستواشى

, همى كل يوم بيكبر مستحاشى

وكله ماشى

ايه يعنى خنقة عمرها ملهاش حدود

ايه يعنى لما ننتهى لطريق مسدود

وحكم مستبد باقى منتهاشى

كله ماشى

لا عاد فى فايدة فى الكلام

ولا خير فـ حرب أو سلام

وأقولكوا ايه ..

بلاش كلام ..

أخاف اقول أحسن يضيع عمرى بلاشى

كله ماشى

كله ماشى

تأليف : صفاء عبد الحميد " أنا"

[Alshiekh]

كله ماشى

ايه يعنى خنقة عمرها ملهاش حدود

لا عاد فى فايدة فى الكلام

ولا خير فـ حرب أو سلام

كله ماشى

تأليف : صفاء عبد الحميد " هى"

<{POST_SNAPBACK}>

كله محصل بعضه

حاجة تغم وخلاص

يظهر كده ان مافيش فايدة

[صفاء]

عرفت بقى يا محمد أن سعد زغلول كان راجل بعيد النظر ؟ :wub:

[daktara]

حلوه قوى يا صفاء

تسلم ايدك ويسلم مخك

[مازن الدسوقى]

أنت أنسانه حاضرة البديهه مثقفه واسعة الافق لك منا كل تقدير واحترام وكل سنه وانت طيبه .

[رعد الاسكندرانى]

شعر جميل ومعبر وتمكن لغوى واضح ربنا يوققك وعلى فكرة قوة الشعر ده شدتنى وحتخلينى متابع ليها بس اتمنى انها تكون على نفس المستوى

وعيد سعيد

[رعد الاسكندرانى]

ANIMATIONSاللى انت استعملتيها هايلة جدا اهنئك

وبالتوفيق دائما وفى انتظار اعمال هائلة مثل هذا العمل بل واحلى

[صفاء]

حلوه قوى يا صفاء

تسلم ايدك ويسلم مخك

<{POST_SNAPBACK}>

دكاترة ..

أشكرك على الحضور الكريم

بس ممكن أسألك سؤال ؟

هو حضرتك الدكاترة ناصف أبو الفضل خمسة ماجستير وتلاتة دكتوراه؟ :blush:

[صفاء]

أنت أنسانه حاضرة البديهه مثقفه واسعة الافق لك منا كل تقدير واحترام وكل سنه وانت طيبه .

<{POST_SNAPBACK}>

مازن ..

وحضرتك أطيب

حضورك عطر

تحياتىواحتراماتى

[صفاء]

شعر جميل ومعبر وتمكن لغوى واضح ربنا يوققك وعلى فكرة قوة الشعر ده شدتنى  وحتخلينى متابع ليها بس اتمنى انها تكون على نفس المستوى

                    وعيد سعيد

<{POST_SNAPBACK}>

رعد ..

يعنى عطيتنى طبعا أكتر من اللى استحقه لأنى لا متمكنةولا حاجة

بس بحاول اجتهد

انا اعشق العامية

وأتمنى انى اتفوق فيها فى يوم وساعتها أتأنعر عليكم :blush:

ههههههههههههههههههه

عزيزى نورت وربنا يجبر بخاطرك

[سيناترا]

انا مش ناوي اقول ماشي زي ما ناس كتير بتقول انا قاعد ومش ماشي عشان انا عارف اني اقدر اعمل حاجة بجد غير اني اقول ماشي

مش معني ان في كمية فساد رهيبة ان مافيش امل

لا يمكن تكون دي هي النهاية

ومهما كان اللي عملتة وبعملة وهاعملة بسيط وممكن يغيرش كتير من الواقع الا اني هاكسب شرف المحاولة

هلاقي حاجة اقولها لربنا سبحانة وتعالى لما يسألني عملت اية

هقولة قولت مش ماشي ع الأقل ما كنتش زي ناس كتير استسلمت ويمكن انتحرت

وبعيد عن الأفكار والمعتقدات افتكر ان الشعر في حد ذاته كويسى جدا وممكن صاحبتة تكون في يوم من الأيام حاجة جامدة في الشعر

واهمس في اذنها وبصوت خيفض للغاية

الأمل موجود مهما حاول اناس التانيين يثبتوا العكس على شرط يكون عندنا القدرة والارادة اننا نقول لأ ونكون قد كلامنا وما نخافش منة ونقول ماشي

وكون انك تكتبي شعر بالحرفية دي وبالموهبة الواضحة اللي انا شايفها بالأفكار اللي بيروجها الناس التانيين معني كدة انهم نجحوا تماما انهم يخلوكي زي ما هما عاوزين ..

سيناترا

[صفاء]

وكون انك تكتبي شعر بالحرفية دي وبالموهبة الواضحة اللي انا شايفها بالأفكار اللي بيروجها الناس التانيين معني كدة انهم نجحوا تماما انهم يخلوكي زي ما هما عاوزين ..

أخى الكريم سيناترا..

لا أنكر أننى اعيش حالة من الأحباط كسائر العديد من الأشخاص

ولكن هذا ليس معناه أنها حالة اعيشها باستمرار .. الكلمات تأتى وقت التأثر بحدث ما .. ثم يأتى غيره وتتغير الأحاسيس وتترجم بكلمات أخرى .. وهكذا

تصويرى لحالة ما لا يعبر عن شخصيتى اليائسة الفاقدة للأمل .. بل يعبر عن حالة أو ظرف وقتى فقط

أتمنى أن أكون قد أوضحت لك ما غاب عنك

تحياتى