مطلوب تدخل الرئيس لوقف هذه المهزلة

[se_ Elsyed]

لا أدري من أن أبدأ بعد أن اصبحت كرامة المصري في الطين ، وتم تشوية صورتنا وأحوالنا وظهرنا أما العالم على إننا شعب من المتسولين يلاتدون الملابس الممزقة ويستجدون الناس لطلب لقمة عيش

فبعد حملة التسول المنظمة لبناء مستشفى السرطان ، خرجوا علينا بحملة لجمع تبرعات لعلاج مرضى الكبد الوبائي ، ثم شنطة رمضان للفقراء

وأخيراً ثالثة الاثافي إعلان أقل ما يوصف بإنه قذر ولا يصدر إلا من ثُلة من البشر ليس لديها أدنى كرامة ولا نخوة ، فلقد شاهدت اليوم يا سادة إعلان على إحدى المحطات الفضائية تحت عنوان " بنك الطعام المصري " وهو بتكفل بإطعام الفقراء المصريين عن طريق جمع التبرعات من القادرين

ومن أجل أن يحننوا قلب المتبرعين ، فقد قاموا بعرض العديد من النساء الفقراء الذين ناشدوا القادرين للتبرع لهم لإنهم جوعى لا يجدون الطعام

----------------

فهل يرضيكم هذا يا سادة ؟ وهل هذه هي مصر بلد النيل والأرض الزراعية ؟ وهل هذه بلد سيدنا يوسف الذي أطعم العرب جميعهم في وقت القحط ؟

أخذاكم الله يا من تسببتوا في هذا

أخذاكم الله يا منةشوهتوا صورتنا أمام العالم

أخذاكم الله أيها الفاسدون

حسبنا الله ونعم الوكيل

------------------

على فكرة لا أتوقع أي تدخل من الرئيس الذي يرى ويسمع ويلمس كل هذا وفي نفس الوقت يتحدث عن الخطوات الإصلاحية التي تشهدها مصر ويترقبها العالم كله !!!! وكأنة يحكم دولة اخرى تقع في كوكب المريخ

ولا أتوقع تدخل من السيد الرئيس الذي مكث في الحكم 25 عاماً أوصل مصر إلى مرحلة الخراب المستعجل ،

ووالله الذي لا إله إلا هو لو مكث في الحكم 25 عاماً أخرى لما فعل شئياً

مرة أخرى وليست أخيرة " حسبنا الله ونعم الوكيل "

[kokowawa1979]

أخي سي السيد :

علشان خاطري ماتحرقش في دمك واحنا في أيام مفترجة

كل سنة وانت طيب

[achnaton]

على مهلك شويه .. يا ابو عمر .. الضغط عندك يرتفع .. والدكاتره يعملوا فيك اللى هما عاوزينه .. لا قدر الله ..

هو انت مش قرأت قبل كده المثل اللى بيقول " ضربوا الاعور على عينه .. قال خسرانه خسرانه " .. الخزينه .. كما نعرفها وسمعنا عنها لها باب واحد ومفتاح واحد .. وفى كل العصور اللى قرأنا عنها .. خازن بيت المال ده كان واحد بس .. ولما كنا من زمن بنطالب بالتغيير .. فاحنا انفردنا بين دول العالم .. بان وزعنا مفاتيح كتير .. عشان لما يصاب خازن بيت المال بالتهاب الكبد الوبائى مثلا - قول انشالله - نعرف ندخل الخزانه .. حصلت ولا مؤاخذه واقعه سرقه - بتحصل فى دول العالم - وسرقت العصابه معظم المفاتيح .. حنعمل إيه ؟؟ ننشغل بالبحث عن اللصوص دول ونسيب الارهابيين يقتلوا الآمنيين .. آهو المنحوسة " المحروسه سابقا قبل هجمة تتار المماليك الجدد " خيرها والحمد لله كتير .. والنهب شغال على ودنه وبرضه مفيش تأثير .. العيش والفجل كتير .. ويمكن لاحظت يا ابو عمر ما كان يقبضه الامير ابراهيم باشا الحقير- بدل الكبير اللى راكب الحصان فى الأوبرا - كان بيلهف وحده 100 الف فى اليوم .. حد كلمه .. حد جه جنبه ولا قالوا له ياحرامى .. - ولا مؤاخذه - عينوه فى مجلس الشورى ليتمتع بالحصانه .. بلاش ده فقد كان صاحب العزبة .. شوفو إنت رئيس الجمهورية الجديدة .. جمهورية شرم الشيخ .. اللى فى جنوب سينا المصرية .. ده برضه من مماليك الكاكى .. خلى عرب سينا تكاكى .. وفتح الخزنه بالمفتاح المسروق وصرف 60 مليون لحلوح عشان يعمل سور زى سور برلين حول جمهوريته الوليده .. الله يخرب بيوتهم .. ولتسقط جمهورية شرم الشيخ .. ال 60 مليون دون كانوا بنوا لمصر مستشفى ..!! يعنى حتيجى على إعلان .. ينشروه يلموا بيه الاحسان .. طب ما احنا عايشين على الاحسان .. من يوم ما شالوا من روزليوسف إحسان - الله يرحمه - ومن يوم ما الشعب بياكل الدقيق الابيض بتاع الامريكان ..والفراخ المضروبة .. والاسمده المنكوبه واشمعنى يعنى مزرزر كده يا ابو عمر على اعلان .. إذا كانت الشحاته والاستجداء قننها سيد الشطار ايام ماكان شيخ الزهر .. وتلاقى المذيع محمود سلطان أكرمه الله كل يوم فى جميع قنوات الاذاعة المسموعة والمرئية قبل الادان وبعده بيعلن عن تطوع الازهر فى جمع الزكاه من الناس لصرفها كما يجب .. واللى حيودى زكاته هناك حياخذ وصل رسمى بختم المشيخه .. تقولشى يعنى الوصل ده حيدخل المزكى الجنه ؟!! واقولك ايه ولا ايه ..

روق كده ياباشا .. وربنا يكرمك ويخليك لأولادك .. وتأكد انها غمه وستزول .. وقول معايا قول .. حسبنا الله ونعم الوكيل

تم تعديل 4 نوفمبر 2005 بواسطة achnaton

[الطيب الجوادي]

الريس :wub:

شكلك مش من هنا ولا إيه :wub:

الريس متقال ... ربنا يرحمه :wub: