عقد عمل سائق خاص

[Taki]

السلام عليكم و رحمه الله و بركاته .. انا من فتره كنت ببحث عن فيزا حره للسفر للسعوديه و لم يوفقني الله .. المهم صديق ليا اتفق مع صديقه السعودي اني اسافر بعقد سائق خاص و العمل في مهنه المحاسبه مع العلم اني لسه بدرس لاكن معايا كورسات و شهادات معتمده .. انا عاوز اسال سؤالين .. هل تاشيره سائق خاص تسحملي اني اجيب والدتي او لما اتجوز اجيب زوجتي؟ و هل السفر هايكون سهل وناا طالب؟ الجيش كده كده مؤجل بسبب الجامعه و انا لسه في سنه تالته و ماجل السنه الدراسيه ..ارجو ان حد يفيدني

[AbuZeyad]

بالنسبة لسؤالك الاول تاشيرة سائق خاص لن تسمح لك انك تجيب زوجتك او والدتك

 

السفر في حد ذاته ممكن، لكن المهم ما بعد السفر

 

مش سهل انك تلاقي عمل محترم بتأشيرة السائق لان اي شركة هاتعينك هاتكون بتخالف نظام العمل وبتعرض نفسها لمسئولية كبيرة لو حصل عليها تفتيش من مكتب العمل دا غير انك من غير مؤهل دراسي يعني اي عمل ممكن تلاقيه في الغالب هايكون عمل يدوي زي عامل وما الى ذلك أو اعمال سكرتارية ودي كلها غير مجزية مادياً

يكفى انك تعرف ان البلد فيها محاسبين خبرة ومش لاقيين شغل... هاتعرف تشتغل انت بسنتين دراسة؟؟؟

 

نصيحتي بلاش تستعجل لان العواقب غالبا هاتكون وخيمة لما تلاقي نفسك ضيعت سنة او اتنين من عمرك بدون طائل

 

خلص دراستك، وطور نفسك في مجالك وبعدين دور على فرصة السفر وانت لك سعر وقيمة في السوق

لكن بوضعك الحالي= بهدلة دون عائد

[Taki]

بالنسبة لسؤالك الاول تاشيرة سائق خاص لن تسمح لك انك تجيب زوجتك او والدتك

 

السفر في حد ذاته ممكن، لكن المهم ما بعد السفر

 

مش سهل انك تلاقي عمل محترم بتأشيرة السائق لان اي شركة هاتعينك هاتكون بتخالف نظام العمل وبتعرض نفسها لمسئولية كبيرة لو حصل عليها تفتيش من مكتب العمل دا غير انك من غير مؤهل دراسي يعني اي عمل ممكن تلاقيه في الغالب هايكون عمل يدوي زي عامل وما الى ذلك أو اعمال سكرتارية ودي كلها غير مجزية مادياً

يكفى انك تعرف ان البلد فيها محاسبين خبرة ومش لاقيين شغل... هاتعرف تشتغل انت بسنتين دراسة؟؟؟

 

نصيحتي بلاش تستعجل لان العواقب غالبا هاتكون وخيمة لما تلاقي نفسك ضيعت سنة او اتنين من عمرك بدون طائل

 

خلص دراستك، وطور نفسك في مجالك وبعدين دور على فرصة السفر وانت لك سعر وقيمة في السوق

لكن بوضعك الحالي= بهدلة دون عائد

شكراا جدا لرد حضرتك لاكن الشغل بعقد و الكفيل يعتبر صديق شخصي جداا لصديقي .. لاكن بالنسبه للمطلزب للسغر و انا طالب هايكون ايه الاوراق

[أسد]

مهنة سائق خاص لا يمكنه العمل بشكل قانوني ونظامي في أي مؤسسة أو شركة

حتى لو كان الكفيل هو صاحب الشركة

 

ولا يمكنه نقل الكفالة إلى أي مؤسسة أو شركة

 

أي حد يقولك غير كده بيضحك عليك وبيقولك أي كلام

[AbuZeyad]

شكراا جدا لرد حضرتك لاكن الشغل بعقد و الكفيل يعتبر صديق شخصي جداا لصديقي .. لاكن بالنسبه للمطلزب للسغر و انا طالب هايكون ايه الاوراق

شغل ايه اللى بعقد اذا كنت انت رايح وفي نيتك انك تدور على شغل تاني؟؟؟ 

 

مش قادر افيدك في الاوراق المطلوبة ممكن تسال في اي مكتب سفريات

 

بالنسبة للكفيل اللى هو صاحب صاحبك توقع انه هايبيعك لما تحصل اي مشكلة ومش بعيد يبلغ عنك هروب لو مكتب العمل قفشك وانت بتشتغل في اي مكان تاني وفي الحالة دي ممكن يتسبب في حبسك

 

انت مسافر على وضع غلط ومعرض جدا للبهدلة بشكل فوق ما تتخيل خصوصا مع قلة خبرتك في الحياة وحسن ظنك بالاخرين الزايد عن اللزوم ويا ريت دا كله على مقابل مادي يستاهل