اعرف منين ان الشركة الى طالع عليها كويسه ولا لا + تصريح العمل

[hendawy15]

جالى عقد محاسب فى شركة مقاولات فى المملكه 

الشركة ع موقع تصنيف المقاولين تصنيف رابع ..هى كده كويسه ولا لا

وايه معنى التصنيف وبيفرق ولا لا فى تعامل الشركة مع الموظفين من ناحية الرواتب وكده ( ولو فى حد فى منطقة الباحة ياريت )

واستفسار تانى من الاخوه الخبراء انا  عملت كل الاجراءات وموش عملت تصريح العمل عملت بس تصريح السفر 

هيحصل حاجه فى المطار ولا ممكن اعمله لو حصل حاجه فى المطار وبكام 

مع العلم انى اول مره اسافر 

افيدونى جزاكم الله كل خير 

[AbuZeyad]

انت كموظف التصنيف لا يعينيك في شئ لان التصنيف هو نظام يحدد المشروعات اللي الشركة ممكن تدخل تقدم عليها 

فكونها تصنيف اول او عاشر ميفرقش معاك

 

المهم انك تكون طالع على عرض مادي مناسب وان الشركة تكون محترمة

 

طبعا محترمة دي مش هاتعرفها غير لو سالت واحد هناك هوي يفيدك اذا كانت بتاخر رواتب او ايه نظامها مع الموظفين

بالمناسبة حاليا فيه نظام اسمه نظام حماية الاجور لمنع تاخير الرواتب، هو لسه غير مطبق على كل الشركات لكن يفترض مع تطبيقة انه يقلل من تاخير الرواتب

 

بالنسبة لتصريح العمل ممكن الضابط يسالك عليه في المطار وممكن مايسالش ولو مش معاك ممكن يعديك او ميعديكش، مش عارف اذا كنت ممكن تخلصه في المطار

طلعه احسن من اى مكتب عمل

[hendawy15]

مشكور على الرد اولا 

ثانيا انا معرفش حد فى المنطقه الى فيها الشركة فموش عارف اعمل ايه لانه موش هيفرق بقى انى طالع على عرض كويس ولا وحش طول ما الشركة بتاخر رواتب وموش بتدى الناس حقها يعنى لو كانت كده 

وطبعا انا سالتهم قالولى لا الرواتب موش بتتاخر ولا لو اتاخرت كبيرها خالص 10 ايام ده بالكتير ( ده كلامهم ) مافيش طرق تانيه اعرف منين 

ولا اسبها على الله انا ورزقى بقى 

افيدونى لو حد عنده افادة جزاكم الله خير 

وتصريح العمل لو موش عملته لانى قريت فى المنتدى هنا كان الاخ خالد كاتب انك ممكن تعمله فى المطار او تمضى تعهد لان انا بجهز فى حاجتى وموش فاضى اعمله لانى مسافر اول الاسبوع الجاى واقرب مكتب بيصدر تصاريح عمل بعيد عنى بردوا لو فى افادة جزاكم  الله كل خير واسف على الاطاله

[AbuZeyad]

مفيش طريق للاسف غير انك تخوض التجربة بنفسك

 

لكن قبل ما تعمل كدا حاول تدور على الشركة دي على النت ممكن تلاقي ناس كاتبين عنها في المنتديات

 

مشكلة شركات المقاولات الأساسية انها دايما بتاخر الرواتب لأن معظمها بيربط صرف الرواتب بتحصيل المستخلصات وخصوصا الشركات الصغيرة

 

يعني المستخلص لو اتاخر الموظفين ميقبضوش لان مبداهم ان الشغل يصرف على نفسه

 

سؤال اخير حاول تساله قبل ما تسافر.... حاول تعرف الشركة دي في اي نطاق؟؟؟ لو نطاق احمر ابعد عنها لانهم مش هايعرفوا   يخلصوا ورقك ولا يطلعولك اقامة

 

بالنسبة لتصريح العمل زي ما قلت لك ومعنديش فكرة عن كلام الاستاذ خالد

[hendawy15]

متشكر جدا لمتابعة الرد معايا 

بالنسبة لنطاق الشركة استعلمت على موقع وزاره الداخلية طلعلى ان مافيش حد عنده موش طلع اقامه كل مطلع ومجدد ده برقم السجل بتاع الكفيل وتاريخ ميلاده 

بالنسبة لتصريح العمل ياريت استاذ خالد يفيدنا فيه