طلب مساعدة..

[بنت شعنونة]

قررت قرار مهم جدا

وهوا اني اتوجه الى كل من قناة دريم وقناة المحور وقناة روتانا و اقرأ

ما اعرفش مكانهم فين في مصر وعشان كدا بطلب المساعدة اللي يعرف اماكنهم بالظبط فين

ها اروح اقولهم اني عاوزة اعمل برنامج توك شو "تحاوري"

لكن افكاره وطريقتة هيا الجديدة

وبجد انا بتكلم بمنتهى الجدية

كل ما املكه هوا 5000 جنيه

اوعوا تفتكروني بهزر

مساحة الحرية زادت والبعد عن الدين زاد اكتر

وكله بيغني اشمعنى انا بقى :wub:

اللي عنده خبرة في المجال دا يفيدني اتكلم ازاي واقول ايه للمدير اللي ها اقابله "دا لو عرفت اصلا" :wub:

واللي يعرف المكان يدلني بالتفصيل الممل

وتكالي على الله وهوا عالم ب نيتي اني عاوزة اعمل حاجا كويسة بجد بدل العبط دا

مع تحياتي

شانا سرررحااااااااااااااان :wub:

[مازن الدسوقى]

الطريق سهل جدا

عليك ان تؤمنى بأعادة صياغة الحوار الدينى وعليك أن تؤمنى بأن هند مش غلطانه وأن أحمد ألى غلطان وعليك أن تؤمنى بأن عماد أديب وهاله سرحان وايناس الدغيدى مفيش أحسن منهم فى العالم العربى وعليك أن تؤمنى بأن شيخ الازهر أكتر واحد عارف دينه فى مصر وعليك أن تؤمنى بأنه يجب جمع تبرعات أجباريه 50 جنيه من كل موظف لايزيد مرتبه عن 150 جنيه وذلك لمشروع أستنساخ حرس الحزب ألوطنى القديم لأستمرارهم على كراسيهم حرصا من ابناء الوطن على أستمرار مسيرة الديموقراطيه فى القرن القادم أن شاء الله [ لوحصلهم حاجه لاقدر الله حنعمل ايه من غيرهم ] عليك أن تؤيدى مرشحى الحزب الوطنى حتى لو كانوا دون المسئؤليه [ هو أنت حتعرفى اكتر من لجنة سياسات الحزب ] عيييب .

بألاضافه لشوية تنازلات بسيطه .... بس خلاص ......

[achnaton]

قررت قرار مهم جدا

وهوا اني اتوجه الى كل من قناة دريم وقناة المحور وقناة روتانا و اقرأ

ما اعرفش مكانهم فين في مصر وعشان كدا بطلب المساعدة اللي يعرف اماكنهم بالظبط فين

ها اروح اقولهم اني عاوزة اعمل برنامج توك شو "تحاوري"

لكن افكاره وطريقتة هيا الجديدة

وبجد انا بتكلم بمنتهى الجدية

كل ما املكه هوا 5000 جنيه

اوعوا تفتكروني بهزر

مساحة الحرية زادت والبعد عن الدين زاد اكتر

وكله بيغني اشمعنى انا بقى :wub:

اللي عنده خبرة في المجال دا يفيدني اتكلم ازاي واقول ايه للمدير اللي ها اقابله "دا لو عرفت اصلا" :wub:

واللي يعرف المكان يدلني بالتفصيل الممل

وتكالي على الله وهوا عالم ب نيتي اني عاوزة اعمل حاجا كويسة بجد بدل العبط دا

مع تحياتي

شانا سرررحااااااااااااااان :wub:

<{POST_SNAPBACK}>

حمد الله بالسلامه يا أحلى عسل .. نورتى .. وكل عام وانتى بكل خير وسعاده

[Sherief AbdelWahab]

شوفي يا مدام شعنونة ، كل سنة وأنت والجميع بخير ، هذا أولاً ..

ثانياً : عندي شوية استفسارات وأفكار تحدد ليكي شوية من معالم الطريق:

1-إيه هو نوع البرنامج اللي عايزة تعمليه (توك شو ديني ، توك شو سياسي ، توك شو اجتماعي ، توك شو شامل)؟

2-إيه هي نوعية الجمهور المستهدف بالبرنامج (شباب -باقي المجتمع) (مراهقين - شباب - ناضجين) (الرجال - النساء)؟

3-هل فيه قبول عام مبدئي في المكان أو الأماكن اللي عرضتي عليها الفكرة للفكرة اللي انتي طرحتيها؟

4-حتحتاجي لمعد ولا ح تشيلي الليلة لوحدك ؟ حتماً لو احتجتي لمعد حتتزنقي في الصحفيين.. وفي دريم بكل أسف الصحفيين أصبحوا شلل (جمع من شلة) ودول ليهم تفكير روزيوستفندي .. والباقي معروف..

5-بس فيه ميزة في دريم مش حتلاقيها في المحور ، إن الكفاءات الإخراجية أعلى بكثير ، شكل البرنامج حيبقى حلو ، بس برضه التربيطات هي أم المشاكل ، مثال صغير ، الكورة مع دريم ودة برنامج أياً كان اتفاقنا أو اختلافنا عليه كان بيتعرض في ميعاد ممتاز يوم الاثنين في نصف الأسبوع ، ولما حطت السنيورة منى الشاذلي الرحال على قناة البهججة قامت بترحيل البرنامج إلى يوم الجمعة منتصف الليل!..

6-فكرة حلوة انك تدوري على شخص ، أو شخصاية تقدم البرنامج ، وتكون وجه جديد ، مألوف للناس شكلاً مش مألوف للميديا.. الناس حتتمسك بوجه تلاقي فيه نفسها.. ممكن دة يلاقي قبول عند القناة ، وممكن مايلاقيش ..

7-نصيحة أخوية : إياكي والسماح بالتليفونات في التوك شو ، إلا إذا كان حكم المعد القوي .. لإن التليفونات حتخلي البرنامج يتفهم غلط (خصوصاً إن نص برامج التوك شو فيها مكالمات متفبركة ومصطنعة).. أنا لو ح أعد برنامج ، ح أقفل التليفوووون!

8-نصيحة أخوية أهم : جنب الكلام اللي قلته شوفي آراء تانية ، ووفقي الأفكار جنب بعضها ، أنا اتكلمت من وحي ملاحظاتي التليفزيونية الدؤووووووووووبة .. لكني بشر ، باشوف الأمور من زاوية ممكن غيري يشوفها من التانية ، كلما كانت الآراء أكثر كلما كانت الصورة أوضح وأفضل..

حددي معالم الفكرة أكثر ، وكلنا بعون الله معك ..وربنا يوفقك..

خلص الكلام

[mb14]

العزيزة شعنونه

حقيقة انا متفاجئ

معلهش انا سوف اعطى لنفسى الحق انى انقدك فى هذا التصرف

ازاى واحده دكتوره (طبيبه ) تتحول بكل بساطه من الطب للأعلام وهل دى حصل مره واحده ولا كان تفكير من زمان ومش لاقيه الفرصه لكى تظهرى على الشاشه .

لو كنتى حا تقولى يعنى كل اللى بيظهروا خريجى اعلام طيب ردى على نفسك طيب وكل دوول كويسين ما هم اغلبهم بيعجن وخلاص .

انصحك لو عايزه حقيقى تدخلى فى المجال دى حاولى باى طريقه تلتحقى بدوره تدريبيه فى اذاعة BBC العربيه وهى بتقدم برامج تدريب والمتميز بيضموه ليهم وطبعا هما مش عاوزين منى وصف دووول يعتبروا افضل اذاعه عربيه على الاطلاق من الناحيه الحرفيه (مع انها بتنطلق من دوله غير عربيه ) المذيع بيعمل كل حاجه بيعد وبيقدم وبيخرج (يمكن دى متاح فى الاذاعه )لكن اللى بيعمل دى فى الاذاعه بالتأكيد حا يتميز فى التلفزيون .

تانى محطه لو قدرتى تأخدى تدريب فيها هى الجزيره لأنها بتتميز بنفس الحرفيه يمكن لأن عدد كبير من ضمن العاملين بها عملوا فى الBBC قبل ذلك .

واتمنى لك التوفيق .

[بنت شعنونة]

انا معاكو في الكلام الجد

البرنامج لكل الفئات عبارة عن حوار مفتوح في كل حاجا ونفسي اسميه حاجا زي

ليه؟

او

في الهوا سوا

اي حاجا بمعنى كلشن كان

ها انقد فيه كل حاجا واي حاجا

مع الفارق اني ها استعمل الصورة اكتر من الكلام

وبالعكس

ها افتح التلفونات يا شريف

عشان دي بتدي فرصة قوية جدااااا جداااااااااااا انك تعرف البرنامج فعلا عامل صوت او لا

وبيدي حيوية ونبض للبرنامج

مواضيعي مختلفة

معظمها انا كاتباها هنا في المنتدى

ومنها اللي ما قدرتش اكتبه

المذيعه هيا انا

وبتكلم جد

مش ها اقول اني حلوة ولا مذيعه شاطرة ولا اي حاجا

لكن انا مؤمنة وعقلي "في نظري" يتوزن بالذهب :wub:

ومادام عندي هدف

ما اديهوش لغيري يحققه

اعمله ب ايدي عشان اعمله زي ما اتمناه

بس مش ها اكدب عليك لو الموضوع مشي جد

لازم اعمل تست كاميرا واخد راي حد خبير

ممكن فعلا اطلع فاشلة جداااااااااااا!!

mb انا اشتغلت الف شغلة قبل كدا غير الطب

مش بقولكم بدور على نفسي!

عمي اخناتون

ربنا يخليييييييييييييييييييييك

واحشنيييييييييييييي جداااااااااااااا جدااااااااااا

اخبار صحة حضرتك ايه

وايه رايك في الفرقعه الجديدة؟.؟ :wub:

[Sherief AbdelWahab]

أشعر بالذنب تجاه مدام شعنونة لتأخيرنا في متابعة البرنامج التي تسعى لإعداده .. وفرصة بالمرة للدردشة حول مشروع برنامج جديد ستقدمه و/أو ستعده زميلة لنا ستنجح بإذن الله و "تسد" في مكانها الجديد على الأكيد:

1-سيلعب الوقت دوراً كبيراً في نجاح البرنامج من عدمه ، وكذلك في كون البرنامج مباشراً من عدمه .. إذا أذيع البرنامج في مساحة مشاهدة عالية فالغالب على الظن أنه سيكون مباشراً وغير مسجل ..قولوا إن شاء الله.. :blush:

2-فكرة توك شو بمذيعة محجبة تستهويني جداً، الناس عايزة تشوف وجوه جديدة ومختلفة ، سواء كانت لوحدها ، أو حتى ضمن مجموعة زي شبابيك في دريم..

3-شغل المذيعة حيتطلب تمرينات على الإلقاء ، وقبول عالي..

تمرينات الإلقاء سهلة ، ومخارج الألفاظ ، حتاخد وقت بس فعالة بإذن الله ..

من الملاحظات المهمة هي الـ tonality في الصوت .. يعني بصريح البلدي الفصيح درجة علو أو انخفاض الصوت والنبرة.. أنا شخصياً بانتقد معظم المذيعين لتمسكهم في البرامج الحوارية بأنهم يكونوا أعلى صوت في الحلقة ، قال يعني عاملين شخصية يا خي ، والبيه كرم جبر النعسان على نفسه والفرحان بالباروكة "إن كان شعره باروكة"..

أحلى نبرة هي الوسط ، المعتدلة ، اللي بتعكس ثقة من غير غرور ، ورزانة من غير "صربعة".. كل دة بيدي انطباع إيجابي جداً عن المذيع .. دة غير القبول اللي هو من عند الله سبحانه وتعالى ..

التوناليتي وطريقة الإلقاء مهمين في خلق إحساس بالثقة وزيادة المصداقية عند المتلقي.. الصوت نصف القبول ..

الحلقات طبعاً عايزة بنية محكمة ، وتكتيك سليم جداً بحيث تخرج شيقة ومتوازنة .. وهنا يكمن التحدي الحقيقي..

خلص الكلام

[بنت شعنونة]

الموضوع طلع سبهللللللللللللللللللللللله ع الاخر

و المفروض انا اللي اعد واكتب الكلام بتاعي واختار الاماكن

انا شغالة عليه

بس حاسا شكلي ها يطلع تااااااااااااااااااااااااااافه جدددددددددددددددا

عموما التفاصيل في موضوع الحقووووووووووووني اقراها يا شريف

اشترط على المخرج نعمل حلقة ونجرب ونشوف شكلنا عامل ايه

لو عجبني كملت

لو لقيته تافه مش ها اذيع

و الأذاعه ها تكون من البث التجريبي يعني اليومين دول!!!

ربنا يستر

حد بقى عنده اماكن خروج حلوة تتصور؟!؟!