مرحباً بالزميل الجديد كامل الجمل

[se_ Elsyed]

أهلاً وسهلاً بالزميل كامل الجمل ...

يا ترى مونكين تعرفنا بنفسك ؟

وعايش في مصر ولا براها ؟

وهل لك أقارب أو معارف هنا في المنتدى ؟

ومن أين عرفت أو سمعت عن منتدانا ؟

أفسح أجب تكلم ... سبيك آب ....

يالله أنا سامع أهو يا .....

[bentmasria]

اهلا وسهلا يا سى كامل

نورت والله

اكيد الجماعة اياهم دلوك علينا

والجماعة دكهمة مازعلوش

لما ما رحتلهمش وماجوش

منور يا جميل بالطلة الجديدة

:wub: :wub: :wub:

[mb14]

اهلا وسهلا يا استاذ /كامل

منور المحاورات

بس لى سؤال

فى حد فى عيلتك اسمه سكوب

شكلك مش غريب على مع انى ما شوفتش صورتك من ضمن مصوغات القبول فى المحاورات

ايه يا جماعه حد فاكر الشكل دى :wub:

[عادل أبوزيد]

إسم كامل الجمل هو الإسم الحقيقى لأحد الأعضاء المحترمين جدا و المحبوبين جدا.

و قد حاولت اليوم الإتصال لأتبين إذا كان يرغب إستخدام إسمه الحقيقى بدلا من إسمه الرمزى الحالى حيث يمكن بسهولة تغيير الإسم و لكننى لم أتمكن من الإتصال به.

و الرسالة الآن للفاضل كامل الجمل (العضو الجديد) لجلاء الغموض.

[Scorpion]

عفوآ يا استاذ عادل .... الأخ كامل كان في عز الشغل لما حضرتك اتصلت بيه .. و للأسف ما قدرش يرد عليك ...

و لأزالة الغموض .. السيد سكوربيون اللي هو أنا .. و لقد بلغت من العمر أرذله (15 سنة بالعند في ناس كتيرة ) وجدت انه حان الوقت لأعلن عن وريثي في المحاورات و الذي يقوم الآن بعملية الأحماء و التي ستستمر حتي نهاية العام .. حيث سنتبادل الأدوار حتي أطمئن علي تمكنه من المحافظة علي مكانة اعتز بها الي أقصي حد بينكم .. و مع بداية 2006 ان شاء الله سأحيل نفسي عالمعاش و اترك مكاني للمدعو كامل الجمل ...

انبسطت دلوقتي يا سي السيد .. آديني سبيكت آب يا خويا و بوظت عملية نضيفة مية في المية..

:wub:

[الأفوكاتو]

مرحبا بالأخ " كامل الجمل" الذى بلا شك سيكون إضافة إيجابية لنشاط المحاورات, و تنويع للموضوعات.

مرحبا بك, بأي صورة كنت.

تحياتى.

[se_ Elsyed]

انبسطت دلوقتي يا سي السيد .. آديني سبيكت آب يا خويا و بوظت عملية نضيفة مية في المية..

نضيفة إيه يابو النضافة أنت ؟.

بقى ده اللي علمتهولك في العصابة يا كيمو ؟

تنزل الشارع وإنت لابس بالطو من أيام لويس سانك وماسك جرنان مخروم وكل أُمة لا إله إلا الله عارفه إنك مخبر وإنت الوحيد اللي مش عارف وقال إيه متنكر ؟!!!

ما كلهم عارفين إنك كامل الجمل ... وهل يخفى الجمل .. قصدي القمر ..

[عصام]

هى شوطة وللا إيه يا اخوانا ..؟ :blush:

طب إسمح لى أزنقكككككك

واحرجكككككككككك

واسألككككككككك

هل تحولككك إلى مشرف عام له علاقة بالمسألة دى؟ :wub:

(وش مستفيد فورى)

مش فاضل غيرك يا ابو السيييييد ... تقول وللا اقول انا؟ :lol:

[سقراط المصري]

ياجماعه انا مش فاهم حاجه.

:D وخصوصا رد سكوربيون. mfb:

عامهً

مرحبا بالعضو الجديد. :D

سقراط :D