يا اهلنا بالوطن .. قاطعوا إعلانات الاهرام

[achnaton]

بسم الله الرحمن الرحيم

الفساد .. فى كل زمان ومكان انواع .. بداية بفساد الذمه .. وفساد الضمير .. حتى فساد الذات .. حبت يفقد المرء ذاته ..

وعادة ما تتولى وسائل الاعلام المختلفة كشف الفساد .. بانواعه .. ويبدو أن مؤسسة الاهرام .. التى تصدر جريدة الاهرام .. الصباحى والمسائى .. وبذرتها فى الاصل احد انواع الفساد .. فقد سرقها تتار المماليك الجدد من أصحابها بما أسموه آنذاك تأميم الصحافة .. واصبح مالكها من يومها .. شعب مصر .. - إسما - .. ثم حولها الامير ابراهيم باشا الحقير - حتى نفرق بين ابراهيم باشا الكبير اللى راكب الحصان فى ميدان الاوبرا .. وابراهيم باشا الحقير اللى سرقها من الشعب وحولها الى عزبه لحسابه ولحساب عياله .. -

ولكن يبدو أن اخوانا الجداد اللى ركبوا حصان الاهرام .. رفعوا السيوف .. وطاحوا فى بعض رموز النهب المقنن .. والظاهر ركوبة الحصان دى بتطير العقل .. لآنهم استنبطوا نوع جديد من الفساد .. إسمه الفساد الفكرى .. وايه بقى حكاية هذا الفساد .. نقول لكم

فى العدد الالكترونى للأهرام كنا كمغتربين نقرأ أسماء من فضل الرحيل الى العالم الثانى .. عن البقاء فى المنحوسة .. - المحروسة سابقا - يعنى كنا بنقرأ إعلانات الوفاة اللى بينشرنا أهل مصر القادرين فى الجريدة .. بيدفعوا فى الاعلان مبالغ باهظه .. منها 16 % ضرائب .. الاهرام يحصلها ولا يوردها لمصلحة الضرائب ..

وكنا كمغتربين بنقراها على النت كل يوم .. ومن زمان من اول ما عملوا الجرنال الالكترونى .. فوجئنا فى رمضان .. باختفاء هذا الباب .. ثم ظهرت أمس مرة اخرى وعليها حظر .. عشان تشوف اسماء الميتين .. ادفع رسم قرايه .. 100 جنيه فى السنه .. على آى اساس .. ومن هو هذا التراس .. اللى حول هذه الخدمة الى خدمه برسوم ..؟؟

معنى هذا .. اننا كمغتربين .. حنعلق الرايات السوده على شاشة الكميوتر .. وننادى على الجميع من اهل مصر الطيبين .. لا تنشروا نعيا واحدا بالاهرام .. والجرائد فى مصر كتير .. واسعارها أرخص بكتير ..

وقد جاءتنى فكرة .. لماذا لا نفكر فى المحاورات فى تخصيص جزء بباب الاعلام ويتولى اخونا الفاضل شريف عبد الوهاب او احد المتطوعين بنشر اسماء المتوفين .. وكده باختصار .. خدمه لوجه الله تعالى .. وللمغتربين .. إيه رأيكم ؟؟

[kokowawa1979]

بس مش ملاحظين إنه لاحس ولاخبر عن ما تم نشره من فساد في الأهرام ؟

حتى النائب العام لاحس ولاخبر وكأن ماكتبه مصطفى بكري والبلاغ الذي تقدم به للتحقيق كأن لم يكن !!!!!

الظاهر الكبار كلهم ابراهيم نافع عامل معاهم واجب وزيادة !!!!!!

[صفاء]

انا لازم اشترى الأهرام بصراحة .. معلش يا أخناتون

بس أما هاتعرف السبب هاتعذرنى

*

*

*

*

*

*

*

*

*

*

*

*

أصلى لازم أفرش جرايد على الترابيزة أما آجى آكل عشان المفرش ميتوسخش من الأكل .. وانت عارف البقع ومشاكلها حتى مع مساحيق الغسيل الجامدة يعنى ..

" على فكرة انا مش بهزر والله .. الجرايد اللى تنقرا بجد انا باحتفظ بيها عشان ارجعلها تانى فى وقت من الأوقات .. أما الأهرام ملهاش إلا الاستخدام ده وبعدين فى مكانها الطبيعى .. صفيحة الزبالة

تم تعديل 5 نوفمبر 2005 بواسطة صفاء

[abofasad]

انا فعلا كتبت للأهرام أسأل عن سبب اختفاء صفحة الوفيات، وردوا وقالوا انهم يحدثوها وستعود قريبا، وفوجئت انه لازم ادفع 100 جنيه علشان اعرف مين اللي مات.

اعتقد انه في القريب العاجل حتكون الصفحة الاولي بـ 150 جنيه وصفحة الرياضة 200 والصفحة الأخيرة 300 .....الخ

يعني احسن تشترى الجريدة (1.80) يورو ارخص من الانترنت

عجبي

[Sherief AbdelWahab]

فكرتك يا عمنا العزيز محل دراسة ...

وإن كانت دي أول مرة أعرف إن البيه الأهرام منع صفحة الوفيات!..

بعيداً عن الموضوع : لماذا أغلقت ملفات فساد سمارة أبو زمارة ؟ بل وكوفئ بتعيينه رئيساً لتحرير جريدة الحزب (بالبه ولا بالنون .. بالبووون) الوطني الديمقراطي؟.. أم أن سيف بكروتة شايل سيفه وقع منه في الضلمة ومش فاضي يدور عليه؟

خلص الكلام