الحقيقة وراء صورة «رشوة المطار» لمراسل BBC

[tarek hassan]

الحقيقة وراء صورة «رشوة المطار» لمراسل BBC

 

جدلا كبيرا أثاره مراسل هيئة الإذاعة البريطانية "بي بي سي"، بنشره عدد من الصور لسياح داخل مطار، لكنه لم يحدد أي مطار يقصده، كان من بينها واحدة لموظف غير معروف داخل المطار غير واضحة معالمه، يتقاضى أموالا، 15 دينارا، من السياح معلقا عليها: “الموظفون المصريون يتقاضون أموالا مقابل الخدمة السريعة".

وأخذت صحيفة الإندبندنت البريطانية، الصور التي نشرها المراسل وائل حسين وكتبت تقريرا مطولا عليها، كان عنوانه: “موظفو مطار شرم الشيخ يتقاضون أمولا لتهريب السياح من التفتيش"، منتهزة فرصة السيناريو الأكثر واقعية، أن الطائرة الروسية المنكوبة في سيناء تحطمت بفعل فاعل نتيجة قنبلة كانت على متنها، وأن ارتباك الوضع الأمني في مطار شرم الشيخ، قد يكون سهل المهمة للفاعل.

نتيجة ما حدث من "بروباجندا" على صور المراسل، عاد ليكذب الصحيفة البريطانية، وقال إن الموظف يتقاضى رسوم خدمة قانونية "في آي بي" معمول بها بعدة مطارات عالمية، ومن بينها مطار دبي، لعبور السائح دون حاجة لانتظار طوابير التفتيش الطويلة، وهذه المرة أيضا لم يحدد بشكل صريح المطار الملتقط داخله صوره، يقال أن هذه الخدمة يختلف تسميتها من مطار لآخر، ففي مطار دبي تدعى "فاست تراك" وفي مطار القاهرة تدعى "أهلا"، وفي المطارات العالمية تدعى خدمة "في آي بي".

المتناقض في الأمر، أن من المفترض أن صور المراسل، كانت في مطار شرم الشيخ والدليل على ذلك أنه نشر صورا لاكتظاظ المطار بالسياح نتيجة الغاء السلطات المصرية 8 رحلات جوية من مطار شرم الشيخ، في الوقت الذي يحاول الآلاف من السياح البريطانيين العودة لبلادهم، وأن مثل هذه الخدمة تقدم لنوعية السياح القادمين للبلاد وليس المغادرين، لكن من كانوا في المطار عالقين يريدون العودة لبلادهم.

الجارديان لم تعتمد على صور المراسل الذي فور حدوث جدل حوله قام بفرض حماية على حسابه على موقع التواصل الاجتماعي "تويتر"، وغير صورته الشخصية لصورة سوداء، بل قامت بأخذ قول بعض السياح المتواجدين في المطار، فهم بمثابة شهود عيان، فنقلت قصة سائح بريطاني يُدعى "دالي باركين"، الذي عرض عليه دفع 20 جنيه إسترليني، من قبل رجل زعم أنه يرتدي ملابس عسكرية بالمطار ليتجنب تفتيش حقيبته والطابور، وبعد استجابته لرجل المطار مر من البوابات الأمنية لم تكن تعمل على الإطلاق

 

[herohero]

بغض النظر عن الصورة وطبعا كلنا عارفين ان السبق الصحفي والبروباجندا ده شئ مهم في عالم الصحافة وشوفنا قبل كده صحفيين مصريين (بينخعوا ) وشوفنا صحفي كبير لعب في صورة الرؤساء ليجعل الرئيس المصري متقدما الزعماء 

لكن بصراحه موضوع الفلوس في المطار ده بيحصل وانا من زماااااااااااااااااااان وبشوفه 
- ادفع فلوس عشان تعدي بالوزن الزيادة 
- ادفع فلوس عشان ماتقفش في طابور وتخلص ع طول 
- ادفع فلوس ف حالات الفوضى والزحام ( احداث يناير حصلت مع سعوديين اعرفهم كان معاهم بوردنج وكانوا عاوزين يسافروا قبل موعدهم وسافروا )
 

[أسد]

موضوع الفلوس بيحصل في كل حتة في مصر ... مش في المطار بس ...
 

ولكن محدش بياخد فلوس علشان يعدي قنبلة ... بلاش عبط

 

على الطائرات المتجهة للسعودية مثلاً بياخدوا فلوس علشان يطنشوا شوية مش .. أو كام علبة عصير ..
 

أو شنطة زيادة .. أو وزن زائد.. أو علشان يعديك قبل أخوك المواطن التاني اللي ما دفعش

 

فيه كبار بياخدوا فلوش كتير علشان يعدوا ملايين الدولارات اللي بتتهرب كل يوم من مصر ... 

بس دول كبار .. ما بيقفوش وسط الناس علشان ياخدوا فلوس من الناس

 

 

فيه ناس ولاد ستين في سبعين سايبين مندوبي شركات السياحة تعمل الهبل ده وتشوه المنظر في المطار .. ما بين تشهيلات .. وخدمة سريعة .. وليموزين .. وايجار سيارات .. وكل أنواع الهبل ده

 

بس ده لأنهم بهايم وفاسدين مابيشوفوش شغلهم بضمير .. أو لأن بيجيلهم المعلوم أول الشهر أو آخره
أو لان مديرهم عمره ما فكر يسألهم الناس دي هنا بتعمل إيه

لأنه من يوم ما إتعين وهو بيشوف الأشكال دي في المطار .. ويمكن إنه فاهم إنهم أحد عناصر المنظومة

 

 

تخلف بعيد عنكم

[herohero]

 

 

طبعا عندنا في مصر فكرة ان التدخين ممنوع في الاماكن العامة مستحيلة 

 

اتحدى حد من الافاضل يجيب لنا صورة من احدي المطارات الخليجية( اللي احنا علمناهم ..... وبقية الاسطوانة المشروخة )

 

ونيجي نزعل لما حد ينتقدنا ،وده منظر لا يقل خيبة وقرف عن الرشوة وعلى فكرة كثير من الاجانب بيستغربوا من التصرف المتخلف ده 

 

والكوميديا لزوم الديكور محطوط NO SMOKING

تم تعديل 11 نوفمبر 2015 بواسطة herohero

[tarek hassan]

 

 

 

 

 

طبعا عندنا في مصر فكرة ان التدخين ممنوع في الاماكن العامة مستحيلة 

 

اتحدى حد من الافاضل يجيب لنا صورة من احدي المطارات الخليجية( اللي احنا علمناهم ..... وبقية الاسطوانة المشروخة )

 

ونيجي نزعل لما حد ينتقدنا ،وده منظر لا يقل خيبة وقرف عن الرشوة وعلى فكرة كثير من الاجانب بيستغربوا من التصرف المتخلف ده 

 

والكوميديا لزوم الديكور محطوط NO SMOKING

 

 

الحمد لله على البراءة من الرشوة المخلة بالشرف 

ولكن التدخين إن صح وإن كان في مكان العمل فهو خطأ ولكنه غير مخل بالشرف ويعرض المدخن للغرامة المالية 

[herohero]

 

 

 

الحمد لله على البراءة من الرشوة المخلة بالشرف 

ولكن التدخين إن صح وإن كان في مكان العمل فهو خطأ ولكنه غير مخل بالشرف ويعرض المدخن للغرامة المالية 

 

استاذ طارق المشكلة اننا بنتكلم ع مطار 

اكيد حضرتك عارف انك عشان تحب تحكم على بلد اول مابتنزلها بتحكم عليها كم :

 

1- المطار

2- المرور 

 

ده واجهة البلد 

[egyptawy]

استاذ طارق المشكلة اننا بنتكلم ع مطار 

اكيد حضرتك عارف انك عشان تحب تحكم على بلد اول مابتنزلها بتحكم عليها كم :

 

1- المطار

2- المرور 

 

ده واجهة البلد 

عندك حق والله 

التسيب والاهمال والفوضى بقى سمت كل حاجة فى مصر ولا الوم ال القائمين على الدولة

 

فين سياسة الثواب والعقاب 

فين المشروع القومى لموتجهة الفساد 

فين المشروع القومى لمقاومة الرشوة

فين المشروع القومى لتنظيم المرور

 

زهئنا بقى من جو المؤامرات والهاء الناس بحجة التكاتف فى وجه اعداء الخارج

 

البلد وهى بالحالة ده اعدائها يتائمروا عليها ليه هيعملوا فيها ايه اكتر من كده 

 

انا زهئت من الحكومة وزهئت من مطبلاتية الحكومة 

 

وكل يوم عمالين نرجع لورا 

[herohero]

عندك حق والله 

التسيب والاهمال والفوضى بقى سمت كل حاجة فى مصر ولا الوم ال القائمين على الدولة

 

فين سياسة الثواب والعقاب 

فين المشروع القومى لموتجهة الفساد 

فين المشروع القومى لمقاومة الرشوة

فين المشروع القومى لتنظيم المرور

 

زهئنا بقى من جو المؤامرات والهاء الناس بحجة التكاتف فى وجه اعداء الخارج

 

البلد وهى بالحالة ده اعدائها يتائمروا عليها ليه هيعملوا فيها ايه اكتر من كده 

 

انا زهئت من الحكومة وزهئت من مطبلاتية الحكومة 

 

وكل يوم عمالين نرجع لورا 

استاذ ايجابتاوي احنا مش بنرجع لورا احنا جيبنا ورا خليناه ادامنا وبقينا نتجه اليه 

 

يعني لما بنقول بنتحرك للامام رايحين لاشياء فعلناها من قبل وثبت فشلها 

 

في محاولات كثير للتغير بس مش عارف هناك اصرار ع تكرار نفس الافعال بنفس الخطوات وانتظار نتائج مختلفة وده شئ مستحيل 

 

والف سلامه عليك من الزهق ، هم شوية المؤامرات اللي ع مصر والعالم العربي تخلص بس وكل شئ هيكون فل الفل 

[tarek hassan]

عندك حق والله 

التسيب والاهمال والفوضى بقى سمت كل حاجة فى مصر ولا الوم ال القائمين على الدولة

 

فين سياسة الثواب والعقاب 

فين المشروع القومى لموتجهة الفساد 

فين المشروع القومى لمقاومة الرشوة

فين المشروع القومى لتنظيم المرور

 

زهئنا بقى من جو المؤامرات والهاء الناس بحجة التكاتف فى وجه اعداء الخارج

 

البلد وهى بالحالة ده اعدائها يتائمروا عليها ليه هيعملوا فيها ايه اكتر من كده 

 

انا زهئت من الحكومة وزهئت من مطبلاتية الحكومة 

 

وكل يوم عمالين نرجع لورا 

 

يا أستاذ إيجبتاوي مع احترامي لك 

أنا ممكن أقول أكتر من اللي أنت بتقوله 

لأني شايف الفساد والظلم والسرقة والأذى وقلة الضمير أشكال وألوان 

لكنه مننا فينا 

وأسهل حاجه إن كل واحد يرمي بلاه على الدولة ويستريح 

أنا واحد من الناس لقيت نفسي لوحدي بقاوم الفساد 

هنقعد نغني ظلموه لحد إمتى 

يا أخي مد إيدك وساعد ينوبك ثواب 

ما أنت في موقعك من الحكومة أو من الدولة برضه  

سهل قوي إن كل واحد فينا يعمل قاضي

ولكن محصلة ما يفعله هو لا شيء سوى النقمة والتحبيط والعجز والكسل 

إحنا فعلا بنرجع للوراء 

إخوانا مجاهدي الكيبورد رجعوا 

إحنا مش بنطبل ولا بنزمر 

إحنا واقفين مع البلد في الوقت اللي المفروض نتكاتف فيه معاها لأننا في حالة 

يا أخي كان أيام الحرب اللصوص بيتوبوا 

لكن إخوانا البعدة محصلوش أخلاق الحرامية حتى

أنت بتقول فين المشاريع القومية

يعني إيه مشروع قومي تقدر تقولي

اللي أعرفه إن الدولة فيها دستور وفيها قوانين 

صحيح ساعات بحس إنها رخوة وجبانة أو بطيئة في التعامل 

ولكني بعذرها من كثرة الناعقين عليها 

وبقول كتر خيرها إنها بتشتغل في هذا الجو المتربص والنفوس المريضة عليها 

يا إيجيبتاوي من لا يرحم لا يرحم 

الظلم مننا فينا