حرم وكيل الوزارة....!!

[بنت شعنونة]

د.نبيل الشنواني..

وكيل وزارة الصحة في مطروح

هل علينا اخيار باسلوب مبتكر وحديث في رفض اتمام قرارات نقل التكليف او تنفيذ النيابات الواجبة للأطباء اللي بلاهم ربهم و اشتغلوا في مطروح

ف بعد خدمة سنة وشوية تزوجت الطبيبة فلانة واخذت القسيمة وقرار النقل من الوزارة وذهبت للوكيل عشان تنقل

ف رفض طلبها بحجة ان العدد لا يسمح وانه عنده عجز في الأطباء زي ما بيقول كل مرررررررررة

البنت حاولت تقنعه انها جايبة قرار من الوزارة وهوا ولا هنا

واخيرا قال لها بالحرف

روحي للحاجة " مراته" البيت لو وافقت انا ها اوافق

؟؟؟؟؟؟؟؟؟؟؟؟؟؟؟ :D :D

يا نهااااااااااااااااااار ابييييييييييييييييييض

واحنا مالنا ومال مراته؟؟؟؟؟؟؟؟ دي لا طبيبة ولا مديرة ولا اي حاااااااااااااجاااااااااااااااا نروحلها بصفة ايه؟؟؟؟

ياعيني البنت ما كدبتش خبر وراحت للحاجة بيتها واتحايلت عليها توافق وعيطت لها كمان

وكان الرد بمنتهى البروود

حد قالك تتجوزي قبل ما تنقلي من هنا؟؟؟؟؟؟؟؟؟؟؟

وكانت النتيجة مجرد اهانة للطبيبة المسكينة واحساس بالمذله عند حرم البية المدير؟؟؟؟؟؟؟؟؟

امتى ها نخلص من بلطجة الكراسي دي بس؟؟؟ mfb:

[Salwa]

ازيك ياشانا ..

يارب تكونى بخير ..

عهدى بك ياشانا صادقة دائما ..

ما تقولينه شئ خطير جدا جدا جداااااااا...

تذكرى فى مداخلتك هذا المسئول بالاسم واحييك على ذلك ..

ولو كانت هذه الواقعة حقيقة كما اعتقد...فكلنا نعرف هذه الطبيبة !!! اليس كذلك؟

هل اى مسئول فى اى موقع.....اى موقع....اى موقع.......فى مصر .

يمارس خصائص وظيفته ظاهريا ....ومتخذ القرارات الحقيقى يقبع وراء الستار ؟

هل هذا زواج وظيفى ؟؟؟...ام هو نوع غريب حديث من الارتباطات الزوجية لا اعلمه ؟؟؟

من الذى اختار هذا الشخص لهذا المنصب ؟؟

هو مفيش كفاءة خالصصصصصص...

هو محل خضار ؟؟.وزوجته واقفة تلم الغلة ؟؟

والا هى شريكة فى رأس المال ؟؟

الله يسامحك ياشانا .....

كل يوم بتقتلونى شوية ....من الغيظ.

وهذه الطبيبة غلطانة ...جدا جدا جدا ...

ليه تروح (( للحاجة )) وتتحايل عليها ؟؟

(( حاجة )) ..ايه بس ؟؟ وغلب ايه ؟؟ ....ده يظهر خلاص مفيش حد فيهم يعرف ربنا .. ..

لماذا لا تحاول هذه الطبيبة ايصال الموضوع لوزير الصحة شخصيا ؟؟

او حتى لرئيس الجمهورية ؟؟

حد يسأل الرئيس سؤال واحد موجه من هنا .......

ماذا يحدث ياسيادة الرئيس ؟؟؟

اتساءل....

لماذا الصمت عن كل الموبقات التى تحدث فى مصر ؟؟

لصالح من كل هذا الدمار الذى نعيشه ؟؟

وغيره كثير ....

كثير ...

[بنت شعنونة]

ماما سلوىىىىىىىىى

وحشتييييييييني جدا جداااااااااااااااااااا جدااااااا

ويارب تكوني بخير

اللي حصل دا جد جدا

ولكن الحمدلله الطبيبة دي مش انا mfb:

والا كنت عملتهاله فضيحة بجلاجل وكان استحااااااااااااااااالة اروح لمراته لما يحصل اييييييييييه يعني

وبما اني لازم اخطوا نفس خطوات زميلتي عشان النقل

ف انا ها اجيب من الأخر واروح للسيد عوض تاج الدين ودا ها اعمله قريب جدا جدا

وزي مارحت للوزير من قبل ها اروح تاني

وانا معتقدة فيه خير وربنا يستر بقى

والا ما قداميش غير برنامج القاهرة اليوم احكي فيه اللي بيحصل بما ان السيد وزير الصحة متابع يومي له وبيكلمهم يوميا ويرد على كلامهم كل ما يتكلموا عليه

يبقى دا بقى منبري لو فشلت اني ازوره!!!

[صفاء]

شانا العزيزة ..

المفروض صحبتك كانت تفتح مخها..

قاللها روحى للحاجة .. يبقى متدخلش على الولية ايديها فاضية !!!!

ميمنعش يعنى من حتتين قماش ..

خاتم دهب

بروش

يعنى خليها تصحصح كده وتفهم اللعبة :sad:

[Alshiekh]

شانا العزيزة ..

المفروض صحبتك كانت تفتح مخها..

قاللها روحى للحاجة .. يبقى متدخلش على الولية ايديها فاضية !!!!

ميمنعش يعنى من حتتين قماش ..

خاتم دهب

بروش

يعنى خليها تصحصح كده وتفهم اللعبة :sad:

<{POST_SNAPBACK}>

:sad: :D

حلو قوى التوضيح ده ياست صفاء ، كده المحكمة اتنورت خالص :D :D

:D :D

[شاعرالرومانسية]

شانا العزيزة ..

المفروض صحبتك كانت تفتح مخها..

قاللها روحى للحاجة .. يبقى متدخلش على الولية ايديها فاضية !!!!

ميمنعش يعنى من حتتين قماش ..

خاتم دهب

بروش

يعنى خليها تصحصح كده وتفهم اللعبة :blink:

<{POST_SNAPBACK}>

وجاءت جهينة - قصدى صفاء- بالخبر اليقين :blink:

طبعا الاخ الوكيل .. كان قصدة بالبلدى كدة :

فتح مخك ياحلاوة.. نهارك فل ياباشا .. وظرفنى تعرفنى .. ;)

"فالحاجة" هنا هنا ليست اسلوبا للضغط او المحاويلة على سعادته بقدر ما هى وسيلة غير مباشرة لوصول المعلوم لجيب حضرته ودون شبه رشوة ... فالنبى قبل الهدية ;)

وطبعها "الحاجة" عندها علم من "الحاج" ان جايلة زيارة .. وعمالة تمنى نفسها باللى جاى فلما لقت الدكتورة جاية ومافهمتش الفولة .. ردت بتلك الرد " البارد" لتنفس عن مكنونها وغيظها من ضياع الزيارة ....

عموما محدش بيتعلم ببلاش .... :blush:

[Sherief AbdelWahab]

كلمتين ننزل بعديهم باللازمة بتاعتنا :

أي موظف أياً كان صغر حجمه داخل المنظومة الإدارية ، بيبقى شايف نفسه بشكل مستفز ، وبيعتقد نفسه الكل في الكل ، وبيفترض لنفسه سلطات مش موجودة على خريطة اختصاصاته..

تخيلي يا مدام شعنونة لما كل موظف في السلم يبقى كدة..

خلص الكلام

[shawshank]

لماذا لا تحاول  هذه الطبيبة  ايصال الموضوع لوزير الصحة شخصيا ؟؟

او حتى لرئيس الجمهورية ؟؟

حد يسأل الرئيس سؤال واحد موجه من هنا .......

ماذا يحدث ياسيادة الرئيس ؟؟؟

اتساءل....

لماذا الصمت عن كل الموبقات التى تحدث فى مصر ؟؟

لصالح من كل هذا الدمار الذى نعيشه ؟؟

وغيره كثير ....

كثير ...

<{POST_SNAPBACK}>

ف انا ها اجيب من الأخر واروح للسيد عوض تاج الدين ودا ها اعمله قريب جدا جدا

وزي مارحت للوزير من قبل ها اروح تاني

وانا معتقدة فيه خير وربنا يستر بقى

<{POST_SNAPBACK}>

بصراحة كلام حضرتك و كلام مدام Salwa هيخليني أشك إني على صواب.

فأنا فكرتي البسيطة عن مصر إن فيه قانون غير مكتوب بيقول: لا يمكن تقدر تاخد حقك إلا بأحد اثنين:

1. واسطة.

2. رشوة.

(ممكن نضيف البلطجة برضه ذي ما في موضوع الأخ شريف)

فكلام حضرتك بيخليني أعيد حساباتي تاني ... هي مصر اتغيرت ؟

الوزير؟ الرئيس؟ :D

ما كلهم كده ... ده نظام البلد دلوقت.

أنا لو منك ، لما قال روحي للحاجة كنت قلت: "انتا عايز كام ؟ عادي مفيش حاجة ... ده القانون و القواعد دلوقت".

لماذا الصمت؟ لأنهم مستفيدون من هذا الوضع. لصالح من؟ لصالح الكبار.

[Folana]

[quote=بنت شعنونة,Nov

واخيرا قال لها بالحرف

روحي للحاجة " مراته" البيت لو وافقت انا ها اوافق

وكان الرد بمنتهى البروود

حد قالك تتجوزي قبل ما تنقلي من هنا؟؟؟؟؟؟؟؟؟؟؟

السلام عليكم ورحمة الله ...

الاخت الحبيبة بنت شعنونة ....

ده كلام خطير جدا...ولو انى توقفت عدة مرات وانا اعيد قراءة الموضوع ...عندى سؤال صغير ....هل هو طلب منها كده على طول من غير سابق معرفة يعنى بينها وبين الحاجة دى ....

يعنى مثلا هى ماغلطتش فى يوم من الايام فى الحاجة او كان هناك موقف بينهم وكان مطلوب من الست الحاجة انها تغفر وتسامح بعد الاعتذارات من جانب صديقتك؟...يعنى ماتعرفهاش خالص خالص؟؟؟

اصله طلب غريب فعلا ..حتى لو كان قصده الرشوة ..او انها تفتح مخها بهدية او ماالى ذلك ..كان حيجد الف اسلوب تانى يلجأ له ..لكن تحديده للحاجة كده على طول شىء يدعو للتعجب ..الا اذا كان عٌرف سائد فى مطروح ان اى طلب مايسلكش الا بأمر الحاجة ورضاها ..كمان ردها كان غريب جدا ...يكونش السيد المسئول ده ومراته الحاجة كانوا راسمين على عريسها لبنتهم مثلا ...وحلفوا ليبوظوا الجوازة او يعكننوا عليهم ؟؟!!!

هو ده بيحصل على مستويات مختلفة ولكن فى حدود الوظيفة يعنى مثلا الظابط يزق العسكرى على الزبون ويفضل هو بعيد ..والعسكرى بقى يلاغى الفريسة ويقوله ده راجل طيب انت بس فتح مخك معاه وهو يمشى طلبك ..وهكذا فى اى حتة فى مصر ...لكن اول مرة اسمع عن الحاجة دى ....ولسه ياما نسمع ونشوف ..... :)

اعتقد لو نشرت شكوتها فى بريد الاهرام ممكن المسئولين يتحركوا ..ممكن مين عارف ....

[الأفوكاتو]

اعتقد لو نشرت شكوتها فى بريد الاهرام ممكن المسئولين يتحركوا ..ممكن مين عارف ....

و سيكون الرد:

ودن من طين...... و ودن من عجين.