شخصية بتحبها لله فى لله

[ابو صلاح]

فى ناس كده بيخوشو القلب على طول وتحس ان انت تعرفهم من زمان او بتحس ان انتو مخكم واحد او طريقة تفكيركم واحدة .. وتلاقيك بتحب تعرف اخبارهم وحياتهم وكده ( سواء كانت شخصية عامة ، او شخصية تعرفها على المستوى الشخصى ، او شخصية تاريخيه )

ف ايه اكتر شخصية انت بتحبها . ولو أمكن تقول انت حبتهم ليه

[بنت شعنونة]

حلو الموضوع دا اوي..

وعندي ناس كتييييييييييييير بحبهم كدا

نبتدي على مستوى المنتدى

استاذ شرقية... بشوف فيه روح الأخ الكبير الهادي وبحبه اوي

منمان..اخويا الصغير الشقي و الجدع

المهندس..هشام عبدالوهاب.. سكوربيون.. استاذ عوف..اكسلنس..مودست.....يد العون عندما احتاجها

لينكس.. مرآة تظهر لي حقيقتي بدون اي رتوش ولا مجاملات

مدام سناء..مدام سلوى..جولد..ابو تمام.. اخواتي وامهاتي بحق وحقيق

وناس كتييييييييييير اوي

لو فاضي ارص كمان :D

على المستوى التاريخي..

عمر ابن الخطاب...كان نفسي اكون زوجته جداااااااااااااااااااااااااااااااااااااااااااااااااا

على المستوى العام

مش عارفة اسمه ايه بس اظن محمود بكري

احمد ماهر

عبدالوهاب مطاوع

mfb:

[ابو صلاح]

احمد ماهر

:sad: :sad: :D

عبدالوهاب مطاوع

مين عبد الوهاب مطاوع ده ؟؟

[سقراط المصري]

احمد ماهر

:sad: :sad: :D

عبدالوهاب مطاوع

مين عبد الوهاب مطاوع ده ؟؟

<{POST_SNAPBACK}>

الراحل عبد الوهاب مطاوع هو محرر بريد الاهرام ليوم الجمعه.

وله حب كبير في قلوب القراء الذي انا منهم.

سقراط

[بنت شعنونة]

ههههههههههههههههههههههههههههههههههههههههههههه

هههههههههههههههههههههههههههههههههههههههه

ههههههههههههههههههههههههههههههههههههههههههههههههههههههههههههه

يا صلاح

انت حسستني زي

مين زكي جمععععععععه دا :sad: :sad:

[ابو صلاح]

من الشخصيات اللى انا حبتهم لله فى لله ( محمد هنيدى ) من أيام مسلسل ( البخيل وأنا ) على الرغم انى كنت ساعتها صغير وما استحملش الدراما الجامدة بتاعت البخيل وأنا لكن كنت بتفرج على المسلسل ده مخصوص علاشان ( هنيدى ) واعدت متابع اعماله ويمكن دخلت فيلم ( اسماعلية رايح جاى ) علاشان ( هنيدى ) وكانت تقريباً تانى مرة فى حياتى اخش فيها سينما .. وساعتها انا فاكر قابلت واحد على باب السينما وقالى انا دخلت الفيلم ده خمس مرات مخصوص علاشان ( هنيدى ) وعلى الرغم ان هنيدى قلت شويا شعبيته لكن حتى الأن لما بشوفو فى اى لقاء تلفزيونى لازم اتفرج علية وبتترسم الأبتسامه على شفايفى لما بشوفو

[ناصر الملك و الملكية]

عمرو خالد علي المستوي العام

السطان الباسل طومان باي علي المستوي التاريخي

:blink:

[ابو صلاح]

عمرو خالد علي المستوي العام

السطان الباسل طومان باي علي المستوي التاريخي

;)

<{POST_SNAPBACK}>

عمرو خالد اسمحلى اشاركك فى حبك ليه لأن انا معجب بفكر وطموح هذا الرجل ومش انا بس اللى هاشركك فى حبك ليه ده ملاين الناس من الوطن العربى وخاصة ( المصرين والشباب )

أما عن السلطان الباسل ( طومان باى ) هكرر نفس السؤال اللى سألته ( لشعنونة)

مين طومان باى ده !!؟

[ناصر الملك و الملكية]

أما عن السلطان الباسل ( طومان باى ) هكرر نفس السؤال اللى سألته ( لشعنونة)

مين طومان باى ده !!؟

<{POST_SNAPBACK}>

ببساطة شديدة الأشرف طومان باي هو أخر سلاطيين المماليك

و كان عمره ستة عشر عاماً حين عينه السلطان العادل قنصوة الغوري نائباً له

عندما كان ذاهباً لملاقاة العثمانيين و سلطانهم السفاح سليم الأول , إنهزم قنصوة الغوري

و إستشهد في معركة مرج دابق و أصبح طومان باي حاملاً مسؤلية الأمة الإسلامية , أعد العدة

و خرج لمنازلة العثمانيين , كانت النتيجة تسيير في صالحه لولا خيانة بعض أمراء المماليك , إنهزم

طومان باي و بعد فشل محاولات الصلح بينه و بين السلطان سليم الأول و يأس طومان من الإنتصار عليه

أختبأ عند أحد رؤساء الأعراب إلا أنه وشي به و سلمه للسطان سليم الأول , و أمر سليم بشنقه و تعليقه علي باب زويلة لمدة ثلاثة أيام

و قيل أن الشعب المصري ظل يبكي عليه ثلاثة أعوام , الكلام ده كان عام 1517 م , و من وقتها تحولت مصر من مقر

الخلافة العباسية إلي مجرد ولاية إسلامية

لمزيد من المعلومات عن طومان باي و إستشهاده أدخل هنا

نسيت أقولك , السلطان سليم أسر الخليفة العباسي الدمية و أجبره علي توقيع وثيقة التنازل علي الخلافة و أخذه معه إستانبول و ظل سجيناً إلي أن أعدم عقب وفاة سليم

الأول ;)

تم تعديل 9 نوفمبر 2005 بواسطة ناصر الملك و الملكية

[ابو صلاح]

شكراً على المعلومات وتنوير المحكمة ;)

[شاعرالرومانسية]

من الشخصيات التى احبها لله فى الله ..

د/ محمد هداية .. لما للأسلوبة فى توصيل معانى الايات القراءانيةمن بساطة وسرعة وصول الى النفس

الخليفة عمربن الخطاب .. وحفيدة عمر بن عبدالعزيز لما فى شخصيتهما من عدل وزهد وتقوى

ومن الشخصيات العامة

العالم احمد زويل .. رغم علمة الغزير فهو بسيط جدا

المفكر والكاتب القبطى ميلاد حنا .. رجل بسيط روحانى مصرى

[ابو صلاح]

من الشخصيات التى احبها لله فى الله ..

محمد هدايه

انا الراجل ده بأستمتع بحواره بس عيبه انه بيدخل موضوع فى موضوع وفى الأخر تحس ان انت تايه .. بس الراجل عنده طريقه فى الكلام مقنعه واسلوبه بسيط

الخليفة عمربن الخطاب .. وحفيدة عمر بن عبدالعزيز لما فى شخصيتهما من عدل وزهد وتقوى

أول مره أعرف ان عمر بن عبد العزيز حفيد عمر بن الخطاب .. بس متأكد من المعلومة دى

العالم احمد زويل

الراجل ده بأستمتع بحوارته ولقاءته ولما بشوفو فى حوار بيتكلم بيحسسنى ان الشعب المصرى فى غيبوبه علميه

المفكر والكاتب القبطى ميلاد حنا .. رجل بسيط روحانى مصرى

ده بقا ما أعرفوش ؟