مبروك ما جالك يا باشمهندس "هاندي كرافت "

[se_ Elsyed]

بالرغم من اصابتي بالانفلونزا اللعينة التي الزمتني الفراش إلا انه كان من الواجب ان اهنيء صديقي واخي المهندس هاندي كرافت على المولوده الجديدة " جنى "

وعشان ماحدش يستغرب ويستعجب ويذبهل فهانقوله إن جنى هي الثمار وهي قد وردت في القرآن الكريم في سورة الرحمن " وجنى الجنتين دان "

أي ان ثمر الجنة يكون قريباً من أهلها بحيث لا يبذلون أي مجهود حينما يشتهونها

علىالعموم وبعيداً عن سين سين الصحاح ، اللي جابلك يخليلك يابو الهنود وانا مستني المغات والسبوع يمكن ربنا ياخد بيدي وأخف من انفلونزا الفراخ اللي عندي دي

[سقراط المصري]

مبروك ياهاندي وربنا يكرمك بها، ويصلح لك امرها.

الف مبروك ومتنسانيش في السبوع وطبق رز بالبن.

سقراط

[shahd]

بارك الله لك في المولوده وجعلها بارة بوالديها ومن الخيرين الصالحين في الدنيا والأخرة

تم تعديل 8 نوفمبر 2005 بواسطة شهد

[الرافعي]

بالرغم من اصابتي بالانفلونزا اللعينة التي الزمتني الفراش  إلا انه كان من الواجب ان اهنيء صديقي واخي المهندس هاندي كرافت على المولوده الجديدة " جنى "

علىالعموم وبعيداً عن سين سين الصحاح ، اللي جابلك يخليلك يابو الهنود وانا مستني المغات والسبوع يمكن ربنا ياخد بيدي وأخف من انفلونزا الفراخ اللي عندي دي

<{POST_SNAPBACK}>

الأخ الحبيب هاندي

بورك في الموهوب وشكرت الواهب ورزقت بره وبلغ أشده

(طبعاً الدعاء من حديث فلم أستطع إضافة تاء التأنيث، انت ضفها في مخك)

عم س.س

ألف سلامة وشفاك الله وعافاك، عليك بشوربة الضـــــب

عندك سوق على أطراف الرياض( مش فاكر اسمه، هو مشهور بحراج سيارات، بس مش اللي في الروضة، التاني) عندهم هناك ضب ممتاز وبسعر مناسب هايقضي لك على أي برد لا فراخ ولا غيره ;) مع احترامي لكل القصمان وأولهم الأخت جيجي مصرية الهوى

[عصام]

الراجل هاندى دا ولو انه مش باين ..

ومع إنى شايل منه عشان مش باين بقاله كتير ..

إلا إن دا ما يمنعش إنى أقوله ..

ألف ألف مبروك ما جالك يا باشمهندس .. وتتربى فى عزك ..

وانت يا ابو السيد .. روح يا شيخ .. ربنا يديك على أد نيتك ;)

:blush:

[الأفوكاتو]

ألف مبروك على وصول آخرة العنقود( حتى الآن)

عقبال مزيد من المهندسين فى الأسرة.

تحياتى.

[se_ Elsyed]

وانت يا ابو السيد .. روح يا شيخ .. ربنا يديك على أد نيتك    ;)

:blush:

<{POST_SNAPBACK}>

أهو إنت يا إسو

[Handicraft]

السلام عليكم

سى السيد:

أولا الف سلامة عليك وندعوا الله لك بالشفاء العاجل وثانيا شكرا على التهنئة .. والعزومة المره دى عندى يا عم بعد ما هربت من عزومة العيد ;)

سقراط المصرى:

شكرا على التهنئة ودايما صاحب واجب ... وحقك محفوظ بس انت تشرفنا كده فى أى وقت.

شهد:

بارك الله فيك ورزقك الخير فى الدنيا والآخرة وشكرا على مرورك العاطر.

حلاوة العنتبلي:

أخى الحبيب شكرا لك من كل قلبى على كلماتك الكريمة والدعاء لـ ..جَنا وندعو الله ان يرزقك كل الخير.

عصام شوقى:

اولا يا سيدى اعتذر عن غيابى بس ده بسبب الشغل حتى اسأل س س انا ما شوفتوهوش خلال رمضان غير يوم 28 لما فطرنا عنده فضلة خيرك كان دابح الأرنب روجرز وعامل جنبياته ملوخية بس وسع وشك وكمان انا كنت خلاص باغير جلدى ونزلت اسم هاندى فى المزاد بس س س زنقنى فى الكورنر ورجعنى للإسم ده تانى.

ثانيا شكرا على الدعاء لجنا ورزقك الله الذرية الصالحة.

الأفوكاتو:

محامى المحاورات والرجل المحترم دائما. اشكرك من كل قلبى على مرورك الكريم ودعائك لجنا ولك منى كل تحية اعزاز.

واخيرا شكر خاص لـ س س اللى كان السبب انى اتشرف اليوم بالوجود بين اخوة اعتز بهم واحترمهم كثيرا.

[Salwa]

الف الف مبروك وحمدلله على سلامة جنا وام جنا ..

يارب يحفظها ويحميها ويبارك فيها ويجعلها ابنة صالحة .

دى اجمل اخبار ..

ربنا يسعدكم جميعا ويحفظك لهم ويقدرك على تنشئتهم تنشئة صالحة ..

[Modest]

ألف مبروك وصول البنوتة الجميلة بالسلامة يا أخي الحبيب

بارك الله لك فيها و جعلها قرة عين لك و لوالدتها.

ملحوظة: العرسان موجودين يا عم هاندي و إياك تبص برَّة :D

العروسة بس تنقي واحد منهم و أنا أوصله لكم لغاية باب البيت

[Handicraft]

مدام سلوى:

شكرا على ردك الحانى ودعائك لإبنتى

وكذلك انت دائما ام حانية على الجميع هنا فشكرا لك.

موديست حبيبى:

اولا شكرا على مكالمة التليفون الجميلة ودائما سابق للخيرات بإذنه. وبعدين احنا بنستقبل الهدايا من اسهم فى البورصة لبامبرز لخلافه طالما الموضوع دخل فيه عرسان وكده يعنى...

[ناصر الملك و الملكية]

ألف مبروك يا باش مهندش

تتربي في عزك :blush:

[Sherief AbdelWahab]

آسف للتأخير في تهنئتي يا باشمهندس هاندي كرافت ، بالرفاء والبنات والبنين.. :blush:

واسم جميل جداً اللي اخترته .. ألف مبروك مرة أخرى..

خلص الكلام

[Handicraft]

ناصر الملك و الملكية:

شكرا يا "باش"ـــــــــــا على مرورك وعلى التهنئة (:

Sherief AbdelWahab:

كلك ذوق ، وشكرا على مرورك الكريم وربنا يرزق جميع الزملاء هنا الذرية الصالحة.