لماذا تخفى المرأة عمرها الحقيقى؟؟

[Folana]

السلام عليكم ورحمة الله ...

أوحى لى موضوع الزميلة صفاء "انا لا أكذب ولكنى أتمكيج"....بكتابة هذا الموضوع والذى استعنت فيه بأحد كتب الدراسات النفسية ...

ماالذى يدفع المرأة لان تخفى عمرها الحقيقى ...بل للذهاب الى ماهو أخطر من ذلك مثل اللجوء الى اجراء جراحات تجميلية والمجازفة بحياتهن فى مقابل حلم يراود كل امرأة الا وهو الاحتفاظ بجمالها او قد يكون جمال اخر ..والتمسك بفترة زمنية فى عمرها ترفض بشدة التنازل عنها ....!

لابد وأن هناك اسباب نفسية تدفعها لهذه المجازفة غير المحسوبة...

فى الغالب نجد ان اخفاء سن المراة يمكن اعتباره ظاهرة منتشرة فى معظم المجتمعات ..ونجد ان هناك اسباب اجتماعية وثقافية متعددة ..قد تكون فى غير صالح المرأة ...

انحصرت النظرة للمرأة على ىانها جسد وشكل جمالى ..واصبح شبح التقدم فى العمر يطارد السيدات ..- نتيجة لارتباط الانسان منذ بدء الخلق بحب الحياة وبحثه عن الخلود..وعن كل ما يعيد له شبابه ..والمرأة عندما تخفى عمرها انما هى تحاول ان تظهر بشكل اكثر شبابا واصغر سنا ...حتى تتفادى نظرات المجتمع لها والذى حدد عمرها بقدراتها الجسدية الانثوية والتى ترتبط بنشاط الهرمونات وغيرها من الامور العضوية الكيميائية .

أيضا الصاق قيمة المرأة بجسدها فقط على حساب المكونات الاخرى لها وعلى حساب عطائها الاجتماعى وخبرتها ونضجها واتساع تجربتها ..ادى الى تولد شعور لديها بالاضطهاد واسقاط قيمتها من حساب الزمن تبعا لكل عام يتقدم فيه سنها ...

من هنا نجد ان المرأة تولد لديها العديد من الاساليب الدفاعية النفسية والتى برعت فى استخدامها لتبعد عنها شبح الموت والشيخوخة والاهمال الاجتماعى لدورها .....

كانت فى الماضى تقتصر على اخفاء سنها ولكن نظرا للتقدم الطبى الهائل الذى نشهده حاليا ..بدأت تطور طموحها الى ماهو ابعد من ذلك ..وتلجأ الى جراحات تجميلية تخصم من عمرها بضعة سنين ..او قد تلجألتغيير ملامحها كلية..

والحقيقة التى لايجب اغفالها هى ان الله سبحانه وتعالى خلق الانسان ذكر او انثى والذى يمر بمراحل جسدية ونفسية واجتماعية ابتداء بالمرحلة الجنينية ثم الطفولة فالمراهقة فالشباب ثم الشيخوخة الى ان يأتى أمر الله وتنتهى دورة الحياة ...وهذه المراحل لها صفاتها الجسدية والنفسية ولكل مرحلة متطلباتها ومشكلاتها وايجابيتها...وعلى المرأة تقبل هذه الحقائق

والشىء بالشىء يذكر...فأحب اشير ايضا الى انه من الجائز ان المرأة تخفى سنها تخوفا من نظرة المجتمع لها اذا وصلت سن اليأس ...ولكن هل هو سن يأس فعلا وماذا تعنى هذه الكلمة ...هل تعنى اليأس والحزن وضياع الامل ..هل المرأة التى من الله عليها بالاطفال ثم توقفت عن الانجاب سواء برغبتها او وصولا لسن انقطاع الطمث ..هل تعتبر يائسة وبائسة لانها لن تستطيع الانجاب مرة اخرى ؟؟؟..أعتقد ان فى هذه التسمية ظلم كبير للمرأة لانه ربط عطائها ايضا فى جسدها متمثلا فى قدرتها على الانجاب حتى اخر العمر ..وتناسى دورها الفعال فى تربية اولادها والتى اكتفت منهم باثنين او ثلاثة او عشر...

الحل يكمن فى تقبل كل فرد فى المجتمع لدوره ويعمل على مواجهة الحياة ويتعلم مراحل الحياة المختلفة ويعيشها وفقا لقدرته وظروفه ..ولا بد من بناء الشخصية بناء سليم حتى تستطيع المرأة مواجهة الخوف من شبح الشيخوخة ولابد ان تتهيأ المرأة لكل مرحلة مقبلة بالاعداد الحسن والمثل الصالح وتواجه التقدم فى العمر بشكل واقعى وعملى وان تسعى للتخفيف من وطأة ذلك بواسطة الثقافة والهوايات المفيدة والتجدد المستمر ..

وأرجو ان نستفاد من اراء الاخوة الافاضل وخبراتهم ....................

[الرافعي]

الأخت الكريمة فلانة

مع تقديري للدراسات التي اطلعتي عليها، ومع موافقتي على كثير مما أوردتي إلا أنني أعرف الكثير من النساء اللاوتي لا يستنكفن عن ذكر اعمارهن، والموضوع أحياناً تروج له وسائل الإعلام المختلفة وقد روجت له بالفعل على مدار سنين طويلة فساهمت في تعميق هذه الفكرة في نفوس كثير من النساء، أعتقد الموضوع يتوقف على مدى النضج والوعي العقلي للمرأة.

هذا رأيي الضعيف، والعلام منكم

على كل حال

[bentmasria]

الاخت الفاضلة فلانة

مع التحول الشديد فى قيم الحياة الى ما هو ملموس فالمشاعر والاحاسيس تتناقص او تتناثر منا فى عدة اتجاهات وتفقد قيمتها الادبية لتتحول لقيمة مادية تؤثر بدورها على الذوق العام بشكل صارخ وينجرف الجميع مهما بلغت اعمارهم وراء هذا الزيف الشكلى الباهت والذى لن يدوم رغم المحاولات المستميتة و عمليات الشفط والنفخ والشد وغيرها من وسائل للاسف خادعة وظاهرية فقط لتبدو النساء اصغر سنا ............... واليك دليل مادى

الفنانة سميرة احمد تناهز امى العمر ولدتا فى نفس العام امى سيدة لم تستخدم ادوات التجميل طوال حياتها وتتمتع حفظها الله ببشرة من حرير ووجه تشوبه بعض التجاعيد الخفيفه ورغم سنها تبدو فى الاربعين من عمرها وفى المقابل رغم كل ما تفعله الفنانة هذه او غيرها للاحتفاظ بشبابهن اقسم بالله العظيم ان امى لاتزال تبدو اصغر منها سنا لقد استهلكت هذه او تلك نضارتها الحقيقية الطبيعية فى التزين وسباق الجمال ولم يعد فى وجوههن شيئا من الحقيقة والنتيجة كماترون اما تكون بوجه من زجاج لايقوى على الابتسام او بملامح مزيفة سخيفة او مسخ من مقاييس جمال يعدها البعض مثاليا ويتناسون ان المثالى هنا لا يصلح هناك والعكس

اذكر قديما كنا نفخر انا جاوزنا الثلاثين بدون ماكياج او تجاعيد او حتى ملامح لهذه السن اى لا زيادة فى الوزن او اشياء كهذه لكن لم يكن من مواضع تباهينا انا قمنا بنفخ او شفط هذا او ذاك

اذن هو عيب القيمة التى اختلفت والتى للاسف تسوء من عام الى تاليه فالرجل يبحث عن متعته بشكل رئيسى ولا اقصد الكل طبعا وما يسعده هو سيدة جميلة والقصة الازلية المطاردة الان يحسمها الشكل لا الجوهر والحكاية تحولت الى العجرمة او غيرها من التشبيهات والآن هل مازلت تتساءلين اختنا الكريمة

موضوع جميل بارك الله فيك

[صفاء]

الذى يدفع المرأة لذلك السطحية والتفاهة وعدم إدراكها لجمال كل مرحلة عمرية ومميزاتها

ضيفى لذلك الفراغ

[سقراط المصري]

والله ماهتفرق معانا الاعمار

مره في استراحة الغداء، فتحنا سيرة موضوع الاعمار بصفه عامة، فكان معايا زميله المانيه، فقلت في نفسي اجاملها في تسنينها (اي نخمن اعمار بعض).

المهم انا كنت عارف انها عامله 38 او 39 ، فقلت يابو السقاريط انزل بالعمر شويه ، فقلت لها انت تقريباً في اوائل الثلاثينات :lol:

هرشت في شعرها :blink: وقالت : يعني تقريباً :D

فيظهر الموضوع مش محلى ولكن عالمي. :lol:

سقراط

[الرافعي]

اذن هو عيب القيمة التى اختلفت والتى للاسف تسوء من عام الى تاليه فالرجل يبحث عن متعته بشكل رئيسى ولا اقصد الكل طبعا وما يسعده هو سيدة جميلة

<{POST_SNAPBACK}>

الله يسامحك،

تنزل المرة دي ، من غير حنفي

[Folana]

السلام عليكم ورحمة الله ...اولا احب اشكر كل الزملاء اللى اتفضلوا بالرد على الموضوع ..وكل الزملاء الذين اطلعوا عليه ....وفى انتظار المزيد من الاراء ...لان الموضوع هام فعلا ...ومن خلال ايمانى بما يقدمه هذا المنتدى من مواضيع هامة ومفيدة ..اقدمت على طرح هذا الموضوع ليس من باب التساؤل فقط ولكن من منطلق ما اجده من تعاون بين الاعضاء لتقديم الخبرة والنصيحة والمعلومة ...

فكما تشغلنا مرحلة المراهقة عند ابناءنا وكيف نتغلب عليها وماهى افضل الوسائل للتعامل مع الشاب والفتاة فى هذه المرحلة ...أجد ايضا من الاهمية بمكان ان نلتفت الى هذه المرحلة فى حياة الانثى ...وان نكون على علم بما تعانيه نفسيا وجسديا ..حتى.. اولا نستطيع ان نتفهمها ونمد لها يد المساعدة ..ثانيا ..ان يكون مع كل سيدة ستمر بهذه المرحلة زادها من المعلومات والاستبصار الذى يساعدها فى المرور من تلك المرحلة بأمان وطمأنينة ...ثالثا وهو الاهم ..ان يتفهم الزوج ابعاد تلك المرحلة ومشاكلها وان يكون عون لزوجته حتى تجتازها بأمان ...

فالمرأة تمر بتغييرات فسيولوجية ونفسية لابد وان تكون على علم باسبابها حتى تتعامل معها باسلوب صحيح...اذكر منها العصبية الزائدة والاستفزاز المستمر ..والاحساس بالانهاك من اقل مجهود والشعور بصهد وسخونة زائدة فى الجسم ..وقد يكون هناك المزيد لا اعلمه ...وليحدثنا عن هذه الاعراض احد الافاضل المختصين حتى يضيف الى معلوماتنا ويصححها ...

اما من الناحية النفسية فقد نجد بعض السيدات واقول بعضهن ..تتغير سلوكياتهن وتتسم بالمراهقة والاندفاعيةواتباع الاهواء على حساب العقل ....ويرى المحطين بهم لابد وان يكون شيئا اصاب عقلهم لانهم بيصرفوا بطريقة لاتليق وعمرهم او مكانتهم ...ويقولك دى ست يظهر كبرت وخرفت ...

الحقيقة ..ان السيدة او الرجل على حد سواء عندما تفقد مكانتها الاجتماعية بيحدث لها نكوص سلوكى بمعنى ارتداد الى مرحلة المراهقة وتنطلق منها بعض التصرفات والغرائز المكبوتة مثل المغازلة الفاضحة او حب التعرى فى الملبس لاظهار مفاتن جار عليها الزمن ..

وساعدت الظروف المادية والتقدم العلمى الخطير على الخوض فى تجربة العودة بالزمن ..ومادم الحال كذلك واستطاعت ان تغير من شكلها وتخفى ماتخجل منه فالنتيجة الحتمية انها حتبدأتغير فى سلوكياتها مش بس شكلها ..

نجد المرأة بالرغم من تقدمها فى السن الا انها تصابت وكثر السلوك المغامر لديها وتركت العنان لخيالات السعادة والحب والرشاقة والشباب وينعكس هذا على تصرفاتها مما يجعلنا نندهش ..مثال لذلك صباح مثلا ....هى بترتبط بشباب صغير فى السن تأكيدا على انها مازالت شابة فعلا وده السن اللى يناسبها ..حتاخد واحد عجوز ليه ...ورافعة شعار ماخدش العجوز انا ....

ولكن الرجل له دور خطير فى تصعيد هذا الاتجاه الغير سوى لدى المراة ...لانه من مشجعى الجسد ومن مشجعى الضحك على الدقون (مش كل الرجالة برضه - انا مش باعمم كلامى).....يعنى مثلا كلنا عارفين ان نانسى عجرم دى معدلة اكتر من عشرين مرة وكلنا شفنا صورها قبل عمليات التجميل ..وان الصورة اللى بتظهر امامنا دلوقت كلها غش وتدليس ومع ذلك تلاقى الرجالة بيضربوا بها المثل فى الجمال والرشاقة وبيترموا تحت رجلها ..المعنى انهم مش مهم ايه الحقيقة المهم انهم بيضحك عليهم ...فطبعا ممكن الست من دول ياولداه تصاب باحباط نفسى وتدفع كل اللى وراه واللى قدامها فى سبيل الحصول على نظرة رضا من زوجها او من اى رجل اخر يشعرها بانها مازالت هنا .

ارى ان نترفق بالمراة والرجل عندما يتقدم بهم العمر...سيدتى ..سيدى ..ان الحياة تتجدد وتزداد جمالا ولا تنتهى فى الخمسين او الستين او فوق ذلك ...ومصطلح سن اليأس نفسه مصطلح غير مقبول وعفى عليه الزمن ..السيدة دائما معطأة ..ولادة...ووجودها فى الحياة يعتبر هو اكسير الحياة نفسها مهما اختلفت مراحل عمرها ..ولابد من وجود منافذ اخرى نثبت فيها ذاتها غير العمليات الجراحية والهروب المزيف...ولتسال السيدة نفسها ..ثم ماذا بعد؟......

ولنا عودة انشاء الله

[Folana]

والله ماهتفرق معانا الاعمار

(اي نخمن اعمار بعض).

المهم انا كنت عارف انها عامله 38 او 39 ، فقلت يابو السقاريط انزل بالعمر شويه ، فقلت لها انت تقريباً في اوائل الثلاثينات :blink:

هرشت في شعرها ;) وقالت : يعني تقريباً :blush:

فيظهر الموضوع مش محلى ولكن عالمي. :blink:

سقراط

<{POST_SNAPBACK}>

[/quote

الفاضل سقراط ..عملت طيب انك نقصت فى عمرها ...دى ظاهرة فعلا ان الست حتى لو بتقول سنها الحقيقى الا انها بتكون سعيدة لو حد سننها اقل من الحقيقة ...طب ده انا حصل معايا موقف غريب جدا ..ويضحك جدا جدا ويثر الشفقة جدا برضه ...

كنت فى واجب عزاء فى احدى قريباتى رحمها الله هى وامواتنا جميعا ..وبعدين سمعت صوت واحدة شارفت على السبعين وتمشى متكئة على عصا ..وبتقول الله يرحمها دى صغيرة (سن المتوفاة ستين عاما)....اذا كنت انا لسه ماقطعتش ..(باعتذر طبعا عن استخدامى للكلمات بس هى قالت كده بالظبط).....تقصد يعنى انها لم تصل لسن الياس بعد ..انا بصيت لها ..وجات لى حالة هستيريا من الضحك وقمت مشيت بسرعة ...لكنه فى الحقيقة موقف يحتاج الى وقفة والى تأمل ...فهذه السيدة ليس فى امكانها ان تخضع لعمليات تغير خلقة زى غيرها ..ولكنها وجدت اسلوب اخر تعبر به عن صغر سنها ...ولا تعليق.....

[ابو صلاح]

انا كنت ناوى والنية لله انى كنت هفتح موضوع جديد بأسم ( اكتب بيانتك كاملة يا أستاذ ) وده كان هيبقا موجه لكل الأعضاء من ذكور وأناث .. بس ساعتها قولت ومعقولة الأناث هيكتبوا عمرهم !! ؟ لقيت عقلى الباطن بيقولى < خليك واقعى يا ابو صلاح >

والموضوع ده كنت عايز يتعمل علاشان وأنا برد على المداخلات لازم ابق عارف انا بكلم مين وهارود عليه بأى اسلوب لأن لو الشخص لو كان قريب من عمرى هكلمو بطريقة . ولو كان اكبر منى بفرق عمر كبير هكلمو بطريقة تانيه

وتقريباً لازم اخش على بروفايل اى شخص جديد بيخش فى موضوع انا كاتبه علاشان اعرف اكلمه أزاى وبأى طريقة ولو ما لقتش بيبقا الرد عفوى وعلى قد الكلام اللى قاله .. وطبعاً ممكن الشخص اللى مش كاتب بيانته ما يعجبوش أسلوب ردى خاصة لما يخش على البروفايل بتاعى ويلاقينى اصغر منه

فدعوى ورجاء الى كل أعضاء المنتدى ( اكتب بياناتك كاملة يا أستاذ / ة) وخليك جامد كده وأعرف ان كل عمر وليه حلاوته ومتعته " طبعاً الكلام ده علاشان اشجع الناس اللى فوق ال 60 ان يكتبو عمرهم ) ;)

[ابو صلاح]

والغريبه بقا ان كل اللى شارك فى الموضوع ده 90 % منهم مش كاتب سنه قد ايه ;)

يعنى مثلاً ( folana) اللى هيا اللى طارحة الموضوع اصلاً مش كاتبه اى بينات ليها :blush: ( لا تعليق )

قام داخل فى الموضوع ( حلاوة العانتبلى ) من الأسم بتاعه تحس ان ما يهموش حاجة وواخد الدنيا بصدره لكن يجى عند ساعة الجد وما يكتبش سنه ويقولك ( لا ياعم كله الا السن )

بعد كده قامت داخله فى الموضوع ( bentmasria ) وكانت مداخلتها اثبتتلى ان الدنيا لسا بخير وأن الأمل موجود وأن مافيش حد بيتكسف من بيانته

يقوم داخل فى الموضوع ( سقراط المصرى ) ويرجعلى الأكتئاب تانى ويقولى ده حتى الرجالة بتخاف تقول بيانتها

تقوم داخلة فى الموضوع ( صفاء ) وساعتها افتكرت مقولة سعد زغلول < ما فيش فايده >

ومن ساعتها وانا بكلم نفسى وبقول ما فيش فايده ما فيش فايده ما فيش فايده

[Folana]

السلام عليكم ورحمة الله ..الاخ محمود صلاح (صح الاسم كده برضه)....

انا كنت منتظرة السؤال ده من اول ماطرحت الموضوع على فكرة ..بس مش منك خالص ...!!...على اى حال ولو انك خرجت عن صلب الموضوع زى مابيقولوا ..يعنى سبت الهدف الاساسى من الموضوع واتكلمت فى فرعيات ...لكن ماتقلقش خالص خالص حاقولك على سنى ..بس فيه حاجة مهمة انا بالنسبة لى مش كاتبة بيانات لا لشىء الا لانى شايفة انها مش مهمة ومش حتفيد فى شىء ...لاننا بنتعامل هنا بروح الجماعة بدون النظر للسن والا حتلاقى اننا انقسمنا مجموعات ...كل مجموعة لها سن متقارب ....

وبرضه علشان اطمنك واعرفك اننا مش بندارى سننا لاى سبب يعنى مش عايزين عريس مثلا ...الاخوة الافاضل زملائى فى المطبخ واللى باتحاور معاهم بصفة شخصية عارفين عنى حاجات كتير ..ولو تعبت نفسك ودخلت المطبخ حتلاقى فى تهنئة الاخ شاعر الرومانسية بالعيد مايفيد ان عندى بنت فى الصف الاول الثانوى (IG)....يعنى مش مخبية حاجة باى غرض سىء ..وتقدر تستنتج من كده انى عمرى يقارب ال 21 عاما ... ;) :blush: :blink: :blink: ;) ..ادينى قلت لك اهو ياسيدى ..بس اضربه فى اتنين :D

ياريت بقى تبعد عن الشكليات ونتكلم فى المفيد ..وتفيدنا بارائك الجميلة فى الموضوع ده ...

ولك تحياتى ...طنطك فلانة............. ;)

[midotheboss]

السلام عليكم ورحمة الله ..الاخ محمود صلاح (صح الاسم كده برضه)....

انا كنت منتظرة السؤال ده من اول ماطرحت الموضوع على فكرة ..بس مش منك خالص ...!!...على اى حال ولو انك خرجت عن صلب الموضوع زى مابيقولوا ..يعنى سبت الهدف الاساسى من الموضوع واتكلمت فى فرعيات ...لكن ماتقلقش خالص خالص حاقولك على سنى ..بس فيه حاجة مهمة انا بالنسبة لى مش كاتبة بيانات لا لشىء  الا لانى شايفة انها مش مهمة ومش حتفيد فى شىء ...لاننا بنتعامل هنا بروح الجماعة بدون النظر للسن والا حتلاقى اننا انقسمنا مجموعات ...كل مجموعة لها سن متقارب ....

وبرضه علشان اطمنك واعرفك اننا مش بندارى سننا لاى سبب يعنى مش عايزين عريس مثلا ...الاخوة الافاضل زملائى فى المطبخ واللى باتحاور معاهم بصفة شخصية عارفين عنى حاجات كتير ..ولو تعبت نفسك ودخلت المطبخ حتلاقى فى تهنئة الاخ شاعر الرومانسية بالعيد مايفيد ان عندى بنت فى الصف الاول الثانوى (IG)....يعنى مش مخبية حاجة باى غرض سىء ..وتقدر تستنتج من كده انى عمرى يقارب ال 21 عاما ... ;)  :blush:  :blink:  :blink:  ;) ..ادينى قلت لك اهو ياسيدى ..بس اضربه فى اتنين  :D

ياريت بقى تبعد عن الشكليات ونتكلم فى المفيد ..وتفيدنا بارائك الجميلة فى الموضوع ده ...

ولك تحياتى ...طنطك فلانة............. ;)

<{POST_SNAPBACK}>

FOLANA ARE YOU IN IGCSE

PLZ REPLAY TO MY EMAIL MIDOTHEBOSS@HOTMAIL.COM

[Folana]

السلام عليكم ورحمة ...

الاخ ميدو ذى بوس...مرحبا بك زميل عزيز فى المحاورات ..(من غير مااعرف بياناتك ولا سنك ..علشان محمود مايزعلش)...

الحقيقة انا بنتى هى اللى فى IG مش انا ...بس برضه لو تحب اراسلك على ميلك حاكون انا برضه اللى بتراسلك :D ...لو عندك اى استفسار عن الاى جى تقدر تبعته على رسالة خاصة ...ولك تحياتى ...

[Salwa]

صباح الخير ..

بجد يعنى انا مش قادرة افهم ...هل كبر السن بيكون احساس بالعجز لدى البعض ؟؟

بالتأكيد هو كدة ..

احتمال بيكون عجز عن مواجهة الواقع ...او عدم اعتراف بمرور السنين ...يعنى بالضبط بالضبط فيه ناس بتظل (( متحجرة )) عند سن معين ..

بالنسبة لى عمرى ما حاولت ادارى عمرى الحقيقى ...كل فترة ولها جمالها ..

فيه ناس بتحب تعيش (( بسرعة )) يعنى تلاقى واحدة او واحد فى سن المراهقة وبيتصرف كان الدنيا ( حاتخلص )عاوز يجرى ويمرح ويعمل كل اللى نفسه فيه ...ولا حتى يفكر يقف يلتقط انفاسه ...عاوز يعيش ..بكل ما تعنى هذه الكلمة ويسابق السنين ويسابق الاحداث ....ايه اللى بيحصل ؟؟

بيصحى فجأة ويلاقى نفسه كبر ...ماهو لازم يصحى ...

بتصعب عليه نفسه ..

بيتهيأله انه خلاص ....لايصلح ....للسعادة الكاملة فى كل شئ ...حتى احلامه تقلصت بعض الشئ ..

وده كله ( فى رأيى ) غلط ...هو عاش بسرعة وكبر بسرعة وعجز برضه بسرعة ..

ايه اللى بيحصل ؟؟

صدمة .........

يبدأ او تبدأ ......فى تغيير مظهرها الخارجى ...تحاول تثبته على الفترة السابقة ...

يعنى تبان شابة وكلها حيوية لكن ؟؟ فى الحقيقة ده خداع بصرى .....يعنى ازاى واحدة فى الثلاثين او الأربعين ممكن تتنطط وتروح كل يوم رحلة ؟؟ ...مثلا يعنى ...

انا مش من انصار الماكياج اللى على هيئة ..( طبقات ووش معجون الأول ومتاهات مضحكة )..وعمرى ما عملت كدة ....رغم توفر كل شئ وبكل الاغراءات ..

ممكن تضع المرأة ماكياج بسيط من آن لآخر.. .وليس دائما .

عمرى ما استعملت رموش صناعية او ماسكرا او اى شئ من هذا القبيل ..

اعتقد ان فعلا فعلا كثرة استعمال الماكياج ترهق البشرة وتصيبها بالعجز والترهل ..

كل عمر وله متطلباته وجماله ويجب ان نعيش كل فترة كما هى بدون تغيير ونبحث عن ما يناسبنا ولا نتقمص شخصية غير شخصيتنا فنصبح مجرد ( مسخ ) ..

يعنى طفلة ..........بكل ما فى الطفولة من مرح وسعادة وشقاوة ..

مراهقة ........آمال واحلام وحماس وسعادة ايضا ..واكتشافات لأشياء كثيرة بكل الحب وبتروى ..

امرأة صغيرة وزوجة ........حياة جديدة ناعمة رائعة ..

أم ......حب وحنان .... وحنان...وحنان ... وعطاء وايثار ..

جدة ................نتكلم الشهر الجاى ...(( بيتهيألى حانحكى كتيررررر )) ..

صباح الخير .

[midotheboss]

السلام عليكم ورحمة ...

الاخ ميدو ذى بوس...مرحبا بك زميل عزيز فى المحاورات ..(من غير مااعرف بياناتك ولا سنك ..علشان محمود مايزعلش)...

الحقيقة انا بنتى هى اللى فى IG  مش انا ...بس برضه لو تحب اراسلك على ميلك حاكون انا برضه اللى بتراسلك  :D ...لو عندك اى استفسار عن الاى جى تقدر تبعته على رسالة خاصة ...ولك تحياتى ...

<{POST_SNAPBACK}>

you are welcome i have alot of questions about ig and you are welcome to dicuss it add meto your e-mail ok i am 16 in the second year of ig

[Scorpion]

الفاضل ميدو...

كان رد العزيزة Folana الأول كافيآ لتفهم رسالتها ... و لذلك من المستحسن أستخدام الرسائل الخاصة فيما هو شخصي فالمحاورات لا تنتمي الي فصيلة غرفات الشات... فبهذا الأسلوب أعتقد انك تتفق معي ان الموضوع خرج عن مساره الرئيسي ...

أثق في تفهمك ...

كامل الجمل

[Folana]

السلام عليكم ورحمة الله ...

الاخ الفاضل سكوربيون .....أحب اشكرك مرتين ..مرة لانك شرفت موضوعى ..والاخرى لانى ماكنتش عارفة ارد تانى اقول ايه وانت حلت لى المشكلة .....

الفاضل ميدو..يوجد هنا منتدى عن التعليم فاذا كان فيه استفسار ممكن تعرضه هناك علشان كل اللى عندهم خبرة يفيدونا وتبقى بكده قدمت خدمة جليلة للجميع...وبصراحة انا مش عايزة الهدف الاساسى من الموضوع يضيع بين تساؤلات عن بيانات شخصية او عن معلومات دراسية ..انا باعتذر.لكن كل تساؤل له مكانه المناسب .........ربنا يوفقك واولادنا جميعا .... :wub:

[midotheboss]

الفاضل ميدو...

كان رد العزيزة Folana الأول كافيآ لتفهم رسالتها ... و لذلك من المستحسن أستخدام الرسائل الخاصة فيما هو شخصي  فالمحاورات لا تنتمي الي فصيلة  غرفات الشات... فبهذا الأسلوب أعتقد انك تتفق معي ان الموضوع خرج عن مساره الرئيسي ...

أثق في تفهمك ... 

كامل الجمل

<{POST_SNAPBACK}>

take it easy scorpion idonot see it is abig deal any way i am not good in talking to old people as all the young men now adays

[midotheboss]

السلام عليكم ورحمة الله ...

الاخ الفاضل سكوربيون .....أحب اشكرك مرتين ..مرة لانك شرفت موضوعى ..والاخرى لانى ماكنتش عارفة ارد تانى اقول ايه وانت حلت لى المشكلة .....

الفاضل ميدو..يوجد هنا منتدى عن التعليم فاذا كان فيه استفسار ممكن تعرضه هناك علشان كل اللى عندهم خبرة يفيدونا وتبقى بكده قدمت خدمة جليلة للجميع...وبصراحة انا مش عايزة الهدف الاساسى من الموضوع يضيع بين تساؤلات عن بيانات شخصية او عن معلومات دراسية ..انا باعتذر.لكن كل تساؤل له مكانه المناسب .........ربنا يوفقك واولادنا جميعا .... :wub:

<{POST_SNAPBACK}>

thanx and sorry if you think that i put you in an emparras situation beg your pardon