بحسبة بسيطة جمال مبارك هو الرئيس القادم

[ابو صلاح]

طبعاً انتم عارفين عنى انى محلل سياسى رائع وعميق الفكر . مش محتاج اتكلم عن تاريخى لأنى تاريخى معروف طبعاً لو كنتم بتقروا ( ميكى ) او بتتفرجو على قناة ( اسبيس تون )

طبعاً انا مش هضيع وقتى معاكم فى الكلام عن تاريخى وجولاتى فى السياسة انا هخش على طول فى نظريتى اللى وصلتلها بعد التفحيص والتفعيص فى احشاء مخى حتى اصل الى هذه النظرية العلمية الثقافية التنويريه المليئه بالمهلبية

من ساعة ما مصر بقت جمهورية كام رئيس مسكو البلد ؟

هترد انت زى الشاطر وتقول 4 وفى ناس هتقول 3 ( ياريت اللى قال تلاتة يتفضل يطلع برة الموضوع دة ) علاشان انا مش ناقص أضيع وقتى فى تثقيفكم سياسياً واشرحلكم تاريخ من أول وجديد ( استغفر الله العظيم يارب ) الموضوع ده يا جماعة للمثقين سياسياً بس ( مش عايزين لمه يا أخونا ) ياريت اللى ما لوش لازمه يطلع لو سمحت وبلاش اللمه دى

هما اربعه

1 - محمد نجيب

2 - جمال عبد الناصر

3 - محمد انور السادات

4 - محمد حسنى مبارك

ما لاحظتش حاجه

ان مصر ما م مسكهاش غير اسمين بس ( محمد وجمال )

ممكن نطلع بالعملية دى بقانون ونظرية ( مصر ما يمسكهاش غير يا محمد يا جمال )

ولو خدنا الموضوع بنظريه هندسية حسابيه بتنجانيه . هنلاقى أول رئيس اسمه ( محمد ) وتانى رئيس اسمه ( جمال ) وتالت رئيس اسمه( محمد ) رابع رئيس كان مفروض يبقا اسمه جمال علاشان تبقا ماشية بالتساوى مرة محمد ومرة جمال .. بس طلع اسمه محمد ( واحد دلوقتى هيطلع ويشكك فى النظرية ) هأوم اقولو أركن على جمب دلوقتى لحد ما أكمل كلامى

بما أن الرئيس الأولانى اسمه ( محمد ) والتانى ( جمال )

وبما أن الرئيس التالت والرابع اسمهم ( محمد)

وبما أن ( مصر ما يمسكهاش غير يا محمد يا جمال ) بالتساوى

اذن الرئيس الخامس والسادس هيكون اسمهم ( جمال )

وبما أن ما فيش حد على الساحة السياسية اسمه ( جمال) غير ( جمال مبارك )

أذن ( جمال مبارك) هو الرئيس القادم

نصيحة اخوية من اخوك ( ابو صلاح ) الحق وسمى ابنك( جمال ) علاشان يلحقلو مكان ويبقا رئيس الجمهورية السادس . ولو خلفت توأم سمى واحد ( جمال) والتانى ( محمد ) علاشان تبقا فى السليم

تم تعديل 9 نوفمبر 2005 بواسطة ma.salah

[سقراط المصري]

بصراحه مداخله ظريفه جداً، وضحكتني لدرجه العطس :blink: :D :lol:

جمالقراط :lol:

[ناصر الملك و الملكية]

و ماذا عن

صوفي أبو طالب

و

عاطف عبيد

؟؟

[عصام]

والله يا محمود انت زى العسل ... ;)

ضحكتنى وانا فعلا كنت ف حالة نفسية زى الطين ..

[وليد صفوت]

;) :blush: :blink:

[dr/alfa]

;) :blush: :blink:

[kokowawa1979]

جمال أرحم من ذوي الكرشين : الشاذلي ورجب !!!

[ELSHARIF]

:blink:

;)

:D

:blink:

;)

;) :blush:

[ابو صلاح]

أكمل بقيت النظرية ولا مخكم ما يستوعبش اكتر من كدة :D

[ناصر الملك و الملكية]

طيب ليه ما يكنش جمال السادات هو الرئيس القادم لمصر :D

[عصام]

أكمل بقيت النظرية ولا مخكم ما يستوعبش اكتر من كدة  -_-

<{POST_SNAPBACK}>

والله يا ابو صلاح ..

وبعد أن اتضح أن لك تلك النظرة التحليلية النافذة

ما اقدرش اوعدك ان مخى ممكن يستوعب الباقى :ninja:

لكن الأمل فى ربنا كبير ان حد من الجماعة هنا يستوعب .. وبعدين يعدينى :D

أستاذ صابر عبد الصبوووووووووووور .. :D

إستمر فى النفخخخخخخخخخخخخ :ninja:

[G.G]

صح جدا .. :D :ninja:

(هي دي أخرة الفرجة على سابق و لاحق!)

[شاعرالرومانسية]

فعلا نظرية علمية .. هندسية .. فيزيقية :ninja:

وفى الجـــــــــــــــــــــــــــــــــون :ninja:

كمل ياعمنا كمل ...

بدل ما يكملوا هما على اللى فاضل فينا :D

[ابو صلاح]

معلش يا جماعة انا ما ردتش عليكم على طول .. انتو عارفين بقا مشاغل المفكرين خصوصاً لو كانو زيي ده مش كبر على فكرة دة غرور .. وكمان كنت مشغول فى تبسيط النظرية الجديدة بحيث مخكم يستوعبها علاشان ما تتعبوش قلبى زى كل مرة .. استغفر الله العظيم يارب

خلاص انا بشطبها اهو مش ناقص غير وش محاره ووشين معجون والفينش هانجيبو من بره انشاء الله