نفسك تعمل ايه ..!!؟؟

[مصرية الهوى]

نفسك تعمل ايه ؟؟ ..

يعني ايه الحاجه اللي تتمنى أنك تعملها .. بس لسا الظروف لم تسنح .. ويمكن متسنحش انك تعملها ...

بس نفسك في الحاجه دي ..

مثلاً ..

بصراحة أنا نفسي أضرب نار ( ربنا يستر .. ايه الإرهابية والعنيفة دي :ninja: .. ) لا بجد والله .. نفسي أمسك مسدس واضرب نار في الهوا .. وشرط يكون مسدس مش كلاشينكوف والا حاجه كبيرة ..لا عايزه مسدس صغير .. واكون لابسة جاكيت جلد اسود .. واطلع المسدس من الجيب اللي جوا ( جيمس بوند ) بعدين اضرب بسرعة .. نفسي والله اتعلم الحركة دي ..

حاجة تانية .. نفسي اقوم الصبح بدري اوي بعدين البس الفساتين اللي بيلبسوها الستات في الأرياف الأوروبية زمان .. واربط شعري بايشارب .. واخد معايا سبت .. واروح مزرعة كبيرة جدا .. كلها اشجار تفاح أحمر ..شرط يكون أحمر .. بعدين أقعد اقطف من التفاح واحط في السبت .. نفسي والله اعمل كده ..!!

وكمان نفسي اشتغل في منظمة إغاثة دولية .. نفسي اكون مع الناس اللي بيروحوا لأماكن الزلازل والفيضانات والمجاعات ويساعدوا الناس .. نفسي أتطوع في منظمة دولية زي الصليب الأحمر مثلا ...بصراحة حاسه إن خدمة الناس المساكين والمنكوبين ليها طعم خاص .. -_-

وبرضه نفسي .. أزور شركة مايكروسوفت .. واشوف بيل جيتس .. واقابل المبرمجين اللي عملوا الويندوز والاوفيس .. نفسي اشوف الناس دي بتشتغل ازاي ..وبتفكر ازاي .. :D

ونفسي برضه أروح رحلة في يخت جميل في المحيط الهادئ .. اقعد شهر ما اشوفش غير البحر والسماء .. واشم ريحة البحر على طول .. واشوف الشروق والغروب في قلب البحر .. واشوف مناظر الاسماك وهي بتنطط .. بس ربنا يستر لا يطلعلي سمك قرش وياكلني .. بس الرحلة دي حاسه اني هاتبسط فيها اوي .. بس برضه هيبقى فيها شويه خوف .. يعني مغامرة ..!! واخر حاجه اوصل لجزيرة وانزل من نص البحر اسبح لحد ما اوصلها .. ويبقى رمل الشاطئ ابيض ونضيف وجميل ومناظر الاشجار من بعيد يبقى ساحر .. الله :D !!!

ونفسي اجرب امسح شبابيك ناطحات السحاب .. عارفين اللي بيطلعوا على زي الاسانسيرات من برا ناطحات السحاب .. ويقعدوا يسمحوا في الشبابيك .. نفسي اعمل كده .. ولما واطي اشوف الدنيا صغيرة اوي .. شكلي كده هادوخ واقع :) !!

نفسي ازور مصنع كاميرات الديجيتال بتاعت كانون في اليابان .. نفسي اشوف ازاي بيشتغلوا .. وازاي بيركبوا الكاميرات الخطيرة دي .. وبرضه نفسي ازور مصانع ساعات روليكس في سويسرا ..وكمان مصانع شوكولاته هيرشي في أمريكا .. عايزه أشوف الحلاوة والطعامة دي بيعملوها ازاي :D ..!!

برضه نفسي أقابل واحد جاسوس (مع اني حاسه ان عهد الجاسوسية ولى ) .. عايزه اقابل جاسوس.. يعني في الوقت الراهن بيشتغل جاسوس .. يعني مثلاً إسرائيلي في روسيا والا روسي في امريكا .. عايزه اشوف تحركاته .. ازاي يجمع المعلومات .. ازاي يفكر .. ازاي يحمي نفسه .. كده يعني :ninja: !!

وأنتوا نفسكوا تعملوا ايه ؟؟!!!

:wub:

[صفاء]

أنا بقى نفسى أخلص دكتوراة واقعد كده فى مجلس القسم أقول آه ولأ وأخلص القديم والجديد هههههههه " ده حلم كل المعيدين والمدرسين المساعدين فى العالم :D

ونفسى أعيش فى سوريا وأزور لبنان ودبى وطبعا الحج قبل كل ده

وكمان مستوايا يتحسن فى كتابة الشعر والقصة القصيرة وأعمالى تتنشر بقى :ninja:

وكمان عاوزة اشتغل مذيعة .. يعنى هى بسمة وهبى ولا مش عارف مين دى هاتكون احسن منى

ولا العجزة المتخلفين اللى فى التليفزيون المصرى هايطلعوا احسن منى -_-

ده على المستوى الشخصى ..

أما على المستوى العام أصحى الصبح ألاقى فلان وعلان وتلتان ودوكها انتقلوا الى الرفيق الأعلى :D

ونأمم جميع المناطق السياحية فى مصر وبكده المصريين يقدروا يدخلوها

ونأمم رغيف العيش كمان بالمرة

أما على المستوى الدولى ..

شارون بطنه تتفقع وتطلع دوود

وبوش يحطوه فى مكانه الأصلى فى جنينة الحيوانات قسم جبلاية قرود

وكونداليزا رايس تتنيل وتتجوز وتتهد بقى عشان جوزها يلمها ويشكمها بدل ماهى طايحة تفش فينا غلب عنوستها

ولسه هافتكر وارجع تانى :ninja:

[Scorpion]

نفسي أطلع عالمعاش

[سقراط المصري]

نفسي اتعلم الرسم سواء بالفحم او بالزيت.

[se_ Elsyed]

نفسي اتعلم الرسم سواء بالفحم او بالزيت.

<{POST_SNAPBACK}>

أهي دي أًمنية أتمنى ألا تتحقق لك يا سقراطيس ...

يا عم شوية الفحم اللي إنت هاتضيعهم في الرسم ..روح إشوي لك بهم حتتين لحمه ترم بهم عضمك ...

وبعدين زيت إيه اللي إنت عايز ترسم به ده يا حبيبي ؟ يابني إحنا لاقين الزيت نقلي به البطاطس لما عايز ترسم به ...

صحيح الفقر حشمه .

[se_ Elsyed]

- نفسي أبني بيت - مش شرط كبير - وفيه جنينة ... وأقوم كل يوم الصبح - مش بدري قوي عشان مابقدرش - ويبقى معايا مقص - هي الحلاقة ورايا ورايا ؟ - وأقعد أحلق للشجر والحشيش الموجود في الجنينة ...

- نفسي أزور ماليزيا بقى لي ييجي 3 سنين بس كل ما أجي أوزرها أجيب لهم النحس ويا إما سارس يا إما إنفلونزا الفراخ .... خلاص إمشي يا ماليزيا .. إمشي سين سين نام خلاص .

-

[se_ Elsyed]

نفسك تعمل ايه ؟؟ ..

ونفسي اجرب امسح شبابيك ناطحات السحاب .. عارفين اللي بيطلعوا على زي الاسانسيرات من برا ناطحات السحاب .. ويقعدوا يسمحوا في الشبابيك .. نفسي اعمل كده .. ولما واطي اشوف الدنيا صغيرة اوي .. شكلي كده هادوخ واقع :wub: !!

طبعاً لو في حد فينا ممكن يحقق أُمنية الأخر يبقى شيء عظيم جداً ..

بصي يا جيجي .. شبيكي لبيكي ... سين سين بيناديكي ...

أنا يا ستي أعرف ناس في الشركة العربية للإستثمار .. وفي البنك السعودي الفرنسي كمان والإتنين جنب بعض في طريق الملك عبد العزيز بعد كوبري الخليج .. والإتنين مبنيين من القزاز .. ومعلقين فوق كل واحد فيهم ماكينة كده عاملة زي الأسانسير وكل كام يوم وأنا معدي من جنبهم ألاقيهم مدلدلين العمال الهنود برا المبنيى وبينضفوا القزاز ... فممكن نستأذن منهم مرة وسيادتك تقومي بالمهمة دي في الخباثة .. وماليش دعوة بأي عواقب وخيمة .

حاجة تانية .. نفسي اقوم الصبح بدري اوي بعدين البس الفساتين اللي بيلبسوها الستات في الأرياف الأوروبية زمان .. واربط شعري بايشارب .. واخد معايا سبت .. واروح مزرعة كبيرة جدا .. كلها اشجار تفاح أحمر ..شرط يكون أحمر .. بعدين أقعد اقطف من التفاح واحط في السبت .. نفسي والله اعمل كده ..!!

طب وبعدين هاتعملي إيه بالتفاح .. يعني هانكله ولا هاتروحي تبعيه في سوق عتيقة ويبقى ما استفدناش حاجة ؟

برضه نفسي أقابل واحد جاسوس (مع اني حاسه ان عهد الجاسوسية ولى ) .. عايزه اقابل جاسوس.. يعني في الوقت الراهن بيشتغل جاسوس .. يعني مثلاً إسرائيلي في روسيا والا روسي في امريكا .. عايزه اشوف تحركاته .. ازاي يجمع المعلومات .. ازاي يفكر .. ازاي يحمي نفسه .. كده يعني

أهي طيبتك دي اللي مش هاتخليكي تقابلي ولا داسوس ...

يا بنتي ولى مين ... الجواسيس موجودين في كل وقت وكل آوان ومش مرتبطين بوقت الحروب بس .. بالعكس دول بينشطوا في وقت السلم اللي بتكون فيه المعلومات قليلة .

أنا بقى نفسى أخلص دكتوراة واقعد كده فى مجلس القسم أقول آه ولأ وأخلص القديم والجديد هههههههه " ده حلم كل المعيدين والمدرسين المساعدين فى العالم

صفي نيتك يا صفاء عشان ربنا يكرمك ..

واحد صاحبي كان دايماً يذلنا زمان ويقول نفسي ربنا يغنيني وأشتري عربية فخمة وألاقيكم ماشيين في الشارع وأقوم جاي بأقصى سرعة وأروح نازل في المياه ومطرطش عليكوا وأغرقكوا ... وأهو من ساعتها مش عارف يجيب بسكلته حتى :)

بالنسبة لإمنية شارون وكوندليزا وبشبوش .. فجيجي كان قصدها نفسك تعمل إيه مش نفسك تشوف إيه .. يعني لازم نشارك بالعمل ..

يعني مثلاً كنتي ممكن تقولي .. نفسي أمسك سكينه تِلمة وأقوم بجه بها بطن شارون بجيج وأخلى الأثنى عشر في ناحية والبنكرياس ألزقه في قفاه .. كده يعني ..

وكوندليزا رايس .. نفسي أمسكها من شعرها وأمسح بها بلاط البيت الأبيض .

أما بوش .. فنمسكه كلنا ونعلقه من حواجبه على باب زويلة عشان يبقى عِبرة لمن يعتبر ...

لسه الأماني ممكنة يا صفاء وممكن نحققها بإيدنا ..

[Folana]

السلام عليكم ورحمة الله...

مصرية الهوى..:D شخصيتك مليئة بالتناقضات ..مرة عايزة تضربى نار ..(واحنا اللى يحبنا مايضربش نار)..وبعدها على طول عايزة تلبسى فستان كلاسيك وتجمعى تفاح وتبقى ذات الرداء الاحمر ..منتهى الرومانسية فى التخيل ..وبعدين تحدفينا على منظمة اغاثة دولية(منتهى الانسانية) ..وتروحى محودة بنا منزلنا فى مطب وعايزة تبقى جاسوسة (منتهى الحنية :D :) )..ومن هنا لهناك ..حسيستينى انى فى دريم بارك ..بس ربنا يحقق لك كل امانيك علشان انا بحبك بس والله ...انت بس خلصى امتحاناتك واحنا نشوف لك واسطة تخلص لك الدور ده كله ...

انا بقى ..كان نفسى اكمل دراستى الموسيقية حيث انى كنت باعزف على الكمانجة والجيتار ..يعنى دراسات حرة ..بس ظروف الزواج حالت دون ذلك ..والجيتار اللى حيلتى دلوقت ممكن استخدمه فى الضرب:D...

نفسى اسافر كل بلاد العالم ...اما على المستوى الاسرى مع اولادى يعنى ..فالحقيقة نفسى اعمل ..عبيطة...علشان مااموتش بدرى .. :wub: :)

[Folana]

- نفسي أبني بيت - مش شرط كبير - وفيه جنينة ... وأقوم كل يوم الصبح - مش بدري قوي عشان مابقدرش - ويبقى معايا مقص - هي الحلاقة ورايا ورايا ؟ - وأقعد أحلق للشجر والحشيش الموجود في الجنينة ...

.

-

<{POST_SNAPBACK}>

والله يا س.س...الفاضل ..متهيالك انك لو عندك جنينة حتقوم الصبح تحلق لها ...انت حتستسهل وتجيب جناينى ياخد كام ملطوش وتشترى نفسك .. ...

ولكن منعا للاحباط ودعوة منى للتفاؤل ربنا يحقق لك امنيتك وتسكن فى بيت فيه جنينة بس ماتزرعش فيها نخل خالص خالص ...خالصصص

[صفاء]

أنا بقى نفسى أخلص دكتوراة واقعد كده فى مجلس القسم أقول آه ولأ وأخلص القديم والجديد هههههههه " ده حلم كل المعيدين والمدرسين المساعدين فى العالم

صفي نيتك يا صفاء عشان ربنا يكرمك ..

واحد صاحبي كان دايماً يذلنا زمان ويقول نفسي ربنا يغنيني وأشتري عربية فخمة وألاقيكم ماشيين في الشارع وأقوم جاي بأقصى سرعة وأروح نازل في المياه ومطرطش عليكوا وأغرقكوا ... وأهو من ساعتها مش عارف يجيب بسكلته حتى :)

بالنسبة لإمنية شارون وكوندليزا وبشبوش .. فجيجي كان قصدها نفسك تعمل إيه مش نفسك تشوف إيه .. يعني لازم نشارك بالعمل ..

يعني مثلاً كنتي ممكن تقولي .. نفسي أمسك سكينه تِلمة وأقوم بجه بها بطن شارون بجيج وأخلى الأثنى عشر في ناحية والبنكرياس ألزقه في قفاه .. كده يعني ..

وكوندليزا رايس .. نفسي أمسكها من شعرها وأمسح بها بلاط البيت الأبيض .

أما بوش .. فنمسكه كلنا ونعلقه من حواجبه على باب زويلة عشان يبقى عِبرة لمن يعتبر ...

لسه الأماني ممكنة يا صفاء وممكن نحققها بإيدنا ..

<{POST_SNAPBACK}>

ممممممممممم

والله نيتى من اسمى يا سين سين

أنا بضحيك بس على رأى عبعال زى ما كان بيضحيك مع سكيننة

أنا رأيى ان التعامل دايما بيرجع لأصل البنى آدم وانا عندى طن أصل كده :)

يعنى لا يمكن ارد الإساءة بإساءة عشان احنا رجالة ووقفنا وقفة رجالة :D

أما عن المقاطيع التلاتة .. فطبعا الأصل والكلام الجميل اللى فوق ده ميمشيش معاهم خالص :wub:

دول عاوزين حش رقبتهم

وترماى يفرمهم

قول ان شالله واكون انا سواق الترماى :D

تم تعديل 11 نوفمبر 2005 بواسطة صفاء

[سقراط المصري]

نفسي اتعلم الرسم سواء بالفحم او بالزيت.

<{POST_SNAPBACK}>

أهي دي أًمنية أتمنى ألا تتحقق لك يا سقراطيس ...

يا عم شوية الفحم اللي إنت هاتضيعهم في الرسم ..روح إشوي لك بهم حتتين لحمه ترم بهم عضمك ...

وبعدين زيت إيه اللي إنت عايز ترسم به ده يا حبيبي ؟ يابني إحنا لاقين الزيت نقلي به البطاطس لما عايز ترسم به ...

صحيح الفقر حشمه .

<{POST_SNAPBACK}>

ماشي ماشي

مسيري في يوم اجيب عقد عمل في الرياض ، وكمان اتعلم الرسم ، وإن شاء الله هرسملك صوره بالفحم وانت بتشرب الشوربه من السلطانيه راساً ، والشوربه نازله على قميصك.. وبنطلونك.......................... والشراب كمان :wub:

........

نفسي اعيش اكثر من الف عام ........ بجد نفسي اعيش كتير واعمر الارض.

سقراط

[مصرية الهوى]

وكونداليزا رايس تتنيل وتتجوز وتتهد بقى عشان جوزها يلمها ويشكمها بدل ماهى طايحة تفش فينا غلب عنوستها

ههههههههههههه .. والله مت من الضحك يا صفاء .. آه فعلا هي متجوزتش ليه ؟؟!! .. يعني .. كولين باول مثلاً ..

بس باين ان الرجاله بيخافوا منها وأولهم مستر بشبش :D

بس على فكرة ... قصة حياتها وطموحها ... شيء جميل جداً .. لازم نستفيد منها ..

عمو سكوربيون هنا :D

(وش وحده خايفه جدا من حضرتك عشان طردتها من المنتدى بسبب الامتحانات وكل ما تشوفك تهرب من قدامك)

بس والله ياعمو أنا ذاكرت كويس وإن شاء الله هاطلع الاولى وهيصقفوا لي في الطابور الصباحي كمان ..

:D

سقراط ..

الهمة ياراجل.. وخلال شهر بالكتير عايزين نشوف لوحة بالفحم ولوحة بالزيت ..

ونشوفك ان شاء الله في الرياض ..

عشان ابقى اول زبونة عندك :D

ربنا يديك طولة العمر ..

على رأي زهير بن أبي سلمى :

سئمت تكاليف الحياة ومن يعش ... ثمانون حولا لا أبا لك يسأم

سي السيد ..

ينوبك ثواب يا أخويا لو خليتني أمسح شبابيك الشركة والا البنك .. ومتقلقش لو وقعت انت مش هتتحمل الا تكاليف الجبس :D

والتفاح .. هي كرتونة التفاح بكم في عتيقة ؟؟

بس متقلقش هادي كل واحد في المنتدى تفاحة .. بس انت خلني اروح اقطف ..

وإن شاء الله لما ربنا يكرمك وتبني فيلا وفي المنصورية كمان أنا هأهديك هديتن :

خرطوم الميه ومقص الشجر :D

فلانه ..

أهلا بيكي .. ربنا يخليكي يارب ..وأنا والله بحبك يا طنط لأني حاسه انك انسانة طيبة ورائعة .. :)

يا مصيبتي ..أنا مقلتش عايزه ابقى جاسوسة :) .. عايزه اقابل واحد جاسوس .. !!

ربنا إن شاء الله يحققلك كل احلامك وتلفي العالم وتبقي افضل عازفة كمان في الدنيا ويخليك لاولادك ويخليهم لك ..

وخلونا نحلم ..

قبل ما الحلم يغلى

:wub:

[Salwa]

بجد بجد ....بمنتهى الجد .

نفسى انام .............انام...........انام.

واصحى على اواخر ديسمبر ..

اصحى ....واشوف الجليد فى كل مكان ورغم كدة اغنى واقول الدنيا ربيع ..

خايفة قوى قوى ..

عايزة مفكرش ...عايزة كل شئ يتأجل لبعد ديسمبر ..

عايزة انسى افكر ...مش عارفة .

عايزة انام ....عايزة اهرب ..عايزة اوصل لآخر ديسمبر .

اى حاجة تانية ملهاش اى اهمية فى الوقت الحالى عندى ..

فقط ... اصلى ....وافكر ....يارب اوصل لآخر ديسمبر ....واغنى .

[midotheboss]

where is allah and islam no hope for allah i hope sharoon become mouslem ,bush and rice of coursc they will help islam/ better then kill them

[سقراط المصري]

بجد بجد ....بمنتهى الجد .

نفسى انام .............انام...........انام.

واصحى على اواخر ديسمبر ..

<{POST_SNAPBACK}>

امسك ياجدع واحده هتنضم قريباً لجمعيه ، الحالمون بالنوم.

والله يامدام سلوى انا اشاركك هذه الرغبه وبشده ، نفسي فعلاً اناااااااام ومفكرش في اي حاجه خاااااااااااااااالص.

سقراط ..

الهمة ياراجل.. وخلال شهر بالكتير عايزين نشوف لوحة بالفحم ولوحة بالزيت ..

ونشوفك ان شاء الله في الرياض ..

عشان ابقى اول زبونة عندك 

ربنا يديك طولة العمر ..

على رأي زهير بن أبي سلمى :

سئمت تكاليف الحياة ومن يعش ... ثمانون حولا لا أبا لك يسأم

ربنا يكرمك يارب يامصرية الهويه.

شوفي انا بفكر اعطيك الجنسيه المصريه عشان تغيري اسمك الى( مصريه الجنسيه حاليا وسعودية المولد ومصريه الهوى سابقاً) مش كده الاسم اقصر واوضح واحسن.

وعلى إيه ، انا هقولك على فكره لو عملتيها هتحسي بالاحساس المصري الجميل، انت تقوم الصبح وتجيبي حبايه " زعبطون" ويكون عليه شويه " درنعبون" وتقومي حطاهم في شويه ميه دافيه وتكون الميه مدوب فيها فصين "جهبرون" وتقومي على طول اول ماتصحي من النوم هب " شربهون" ................ وبعدين تنامي شويه ، لو كان لك عمر وصحيتي تاني ، هتلاقي نفسك مصريه على طووووووووووووووول. :wub: :) :)

تحياتي

سقراط

تم تعديل 12 نوفمبر 2005 بواسطة سقراط المصري

[Folana]

<!--QuoteBegin-مصرية الهوى+Nov 12 2005, 02:25تن :

فلانه ..

أهلا بيكي .. ربنا يخليكي يارب ..وأنا والله بحبك يا طنط لأني حاسه انك انسانة طيبة ورائعة .. :..

وخلونا نحلمin'

طنط..!!!(وش جمالات زايد فى فيلم طاقية الاخفا بعد المعمل ماانفجر فيها :D ),,,طب حنفوتولك فارغة ياشابة .....ربنا يديم المحبة بينا جميعا ياجيجى ...انا مش عايزة ابقى عازفة شهيرة ولا حاجة انا كنت بأمل بس انى اكمل ممارسة هوايتى ..لكن ربنا عوض على واتعلمت اللعب على الدرامز ..من خلال تخبيطى فى غطيان الحلل طول النهار ..:D

الاخت الفاضلة سلوى ...والله فكرتينى بموضوع النوم ده ..انا نفسى اصحى فى يوم من الايام الساعة العاشرة صباحا على اقل تقدير ..وانام وقت ماانا عايزة ...لكن نقول ايه حكم القوى بقى ..باصحى يوميا الساعة الخامسة فجرا وماانامش تانى خالص الا بعد الكل ماينام ,,,(دموع )

ومادام بنحلم ...يبقى انا نفسى أقابل سيدنا رسول الله عليه الصلاة والسلام ...بجد..واشتكى له حال المسلمين ..والضعف اللى وصلوا له...واترجاه انه يدعو لنا الله ان يرفع مقته وغضبه عنا ...ويعز الاسلام والمسلمين ......

تم تعديل 12 نوفمبر 2005 بواسطة folana

[صفاء]

where is allah and islam no hope for allah i hope sharoon become mouslem ,bush and rice of coursc they will help islam/ better then kill them

<{POST_SNAPBACK}>

انا مش فاهمة أول جملة بصراحة يا ميدو where is allah and islam no hope for allah

بالنسبة لأمنيتك ان شارون يبقى مسلم !!!! فأنا بصراحة أتمنى يموت زى ماهوكده لإن سفاح وقاتل ومجرم زى ده متمنالوش ان ربنا ينعم عليه بنعمة الاسلام ويغفرله .. بالعكس أنا أتمنى أتشفى فيه

وبردو متمناش ان نصر الدين يبقى على ايدين مجنون زى بوش ومش هايحصل ان الناس دى ممكن تتحول للإسلام

دول اللى ختم الله على سمعهم وأبصارهم ..

لكن أنا متفقة معاك فى نقطة ان بدل ما يتم قتل الأجانب .. يتم دعوتهم للإسلام لأنهم فعلا عندهم حب المعرفة وعلى قدر عالى من الثقافة والتحضر واللى منهم بيعتنق الإسلام بيكون إيجابى 100% وبيدعو كمان للدين ..وإيمانه بيكون شديد جدا لأنه جاى بعد اقتناع ودراسة .

أنا كنت أتمنى فعلا ودى أمنية كويس انك فكرتنى بيها .. انى أسافر للخارج وأكون مثال للمسلم الصحيح وأدعو غير المسلمين للدين من خلال معاملتى وسلوكى .. أتمنين إنى أكون مؤهلة للدعوة وإنى أقوم بدور فعال أخدم بيه دينى وإسلامى .. ولو كل مسلم عمل كده فى الخارج .. يعنى من مجرد انه يتبع تعاليم الدين الإسلامى فى كل سلوكياته وتصرفاته أكيد هاينال احترام الكل ودى فى حد ذاتها دعوة للإسلام.

أما مصرية الهوى .. :D

وكونداليزا رايس تتنيل وتتجوز وتتهد بقى عشان جوزها يلمها ويشكمها بدل ماهى طايحة تفش فينا غلب عنوستها

ههههههههههههه .. والله مت من الضحك يا صفاء .. آه فعلا هي متجوزتش ليه ؟؟!! .. يعني .. كولين باول مثلاً ..

بس باين ان الرجاله بيخافوا منها وأولهم مستر بشبش

بس على فكرة ... قصة حياتها وطموحها ... شيء جميل جداً .. لازم نستفيد منها ..

هى طبعا أكيد بيتقدملها كتير عشان فلوسها :D

بس على رأى المثل .. من كتر خطابها بارت :D

[أبو حميد]

نفسي أعمل شركة لبناء المدارس الأهلية ويكون كل الأباء مساهمين فيها علشان المكسب ميكونش لحد تاني ونبني مدارس في كل حتة في مصر أهو نربي ولادنا صح وكمان محدش ينهب فلوسنا بإسم العلم

[عصام]

نفسى ألاقى تيل الفرامل اللى مدوخنى من سنة ومش عارف اعتر عليه .. :sad:

صورة واحد بيضرب علبة حبوب مهدئة .. :o

[ابو فسيلة]

نفسي في مدرسة تعلم الاولاد أو تساعدهم على التعلم بدون ما يحتاجو كتب خارجية ودروس

نفسي في محل لعب به لعب قيمة ومتقسم حسب السن، وما اعدش الف من غير ما لاقي لعبة فيها الرجاء

نفسي المدام تبطل زعيق في العيال

نفسي مصر أو المصريين يلاقو نفسهم

نفسي أعيش في الريف على ضفاف ترعة، بس بدون ناموس

ملاحظة: الأمنيات السابقة لم تخضع لعملية ترتيب