نفسك تعمل ايه ..!!؟؟

[ابو صلاح]

انا نفسى توهة افكارى تموت وأبطل أجرى فى دائرة مغلقة .. وأبتدى انفذ الأفكار العظيمة اللى فى دماغى . وأعيش شخصيتى الحقيقية

لو حد فاهم حاجة يفهمنى :sad:

[se_ Elsyed]

نفسى ألاقى تيل الفرامل اللى مدوخنى من سنة ومش عارف اعتر عليه  ..    :sad:

صورة واحد بيضرب علبة حبوب مهدئة ..   :o

<{POST_SNAPBACK}>

إتمطع وإتمنظر .. وأطلب وأتأمر ( يعني شُبيك لُبيك بالإنجليزي )

ما تقولي على مواصفاته إيه وأبعتهولك من هنا ياخويا ... إنت جيت في جمل يعني

بس اوعى تقولي أنا عايز تيل فرامل ومشبوك في أخره عربية ؟

[se_ Elsyed]

..وأنا والله بحبك يا طنط لأني حاسه انك انسانة طيبة ورائعة ..  :..

طنط..!!!(وش جمالات زايد فى فيلم طاقية الاخفا بعد المعمل ماانفجر فيها :sad: ),,,طب حنفوتولك فارغة ياشابة

أنا نفسي طنط فُلانه الفُلانيه تقعد على رواقه كده وتنقل لنا عصارة خبراتها الحياتية خلال السبع عقود الذي عاشتهم وعاصرت فيهم الكثير لإن الناس الكُبارة الخبرة دول صعب نقابلهم في الحياة مرة أخرى

أنا جيت بس أهدي النفوس بين جيجي وين طنط قصدي بين فُلانه .. وربنا يديم بينكم المحبه .. ويبعد عنكم بوابير الجاز

[مصرية الهوى]

نفسي اجيب وزير التربية والتعليم ووزير التعليم العالي ودكتور المناهج .. وأضربهم على دماغهم ..

حد يذاكر مادة اسمها المناهج المعاصرة .. من كتاب متألف عام 1970!!

خلوا بالكم اسمها مناهج معاصرة :sad:

آه بس ..

هو الواحد متولدش ياباني والا سنغافوري ليه !!!

[Folana]

السلام عليكم ورحمة الله ...............

مبدئيا ومن باب الاحتياط .. :lol: :wub: :angry2: ..كده بس علشان كله يوسع ...

سيدنا السيد ...انا شامة ريحة شياط ..كفاية كده على الوابور احسن خلاص حينفجر ...على العموم انا فهمت جيجى على الموضوع كله وانا باكشف عليها واعالجها فى موضوع الاكزيما ...

سبع عقود؟؟انا برضه وش سبع عقود؟؟طب والعيش والملح لسه حاكملهم الشهر الجاى ...بلاش افترا بقى على مخاليق ربنا الغلابة (صورة واحدة طقم سنانها وقع وهى بتدعى وتعيط)..

بس انت بتقول فيها ...انا بنتى الصغيرة كل مااذاكر لها تاريخ ..بداية من أحمس يامحترم تسالنى نفس السؤال الغبى .."مامى ..انت كنت على ايام احمس؟؟ :blink: ....مامى ياأمه ..انت مشيتى فى ثورة 19.....

:huh:

الا انت لك صلة ببنتى يا س. س ..اكيد هى اللى قالت لك على سنى ....