فاطمة ناعوت تحصل على المركز الأول و 41 الف صوت في دائرة مصر الجديدة

[tarek hassan]

لا يا طارق ابداااااا

دايرة مصر الجديدة و النزهة فيها مناطق شديدة الفقر

مكان اسمه ايديال و مكان اسمه العزبه و حتت تانيه اول مره اسمع عنها في حياتي في منتهى منتهى الفقر بشكل لا تتخيله

 

خليني معاك يا أستاذ : زهيري 

هل من الكياسة السياسية إن تعلن عن أن المال السياسي هو السبب فتتهم أهل الدائرة كلهم أجمعون حتى لو كان بعضهم باع صوته 

بأي وجه ستترشح نفسها في المرة القادمة 

الخبرة هي التي تحسم الانتخابات ... والكياسة في التعامل ... وخفض الجناح للجميع وعدم التعالي عليهم 

عندك توفيق عكاشة اللي الناس بتسخر منه لم يكف عن القول أنا خدام لكل قرية ولكل نجع في دائرته واحترم الجميع

وأنت تعلم أن المال السياسي موجود في كل الدوائر ولكنه أبدا لم يحسم أي انتخابات 

 فاطمة كان المفروض تزيد 20 ألف مش تنقص 15 ألف 

أكيد عندها حاجة غلط لازم تعالجها 

وهجومها على بعض أهل الدائرة لن يفيدها مستقبلا 

[MZohairy]

اصل لما واحد كان واخد 18 الف صوت يرجع يبقى واخد 44 الف

و واحده واخده 41 و تتحول ل 31 الف.....ده امر عجيب

ده طبعا بصرف النظر عن الاتوبيسات اللي تم حشدها قدام عينين اصدقائي للمرشح الفائز

[tarek hassan]

إحنا كده بنتكلم في 4.5 مليون جنيه لو المنافس دفع على كل صوت 100 جنيه فقط ...... ممكن 

دا غير الدعاية والأوتوبيسات

مع إن الحد الأقصى للدعاية الفردية نصف مليون فقط 

عموما 

ما أركز عليه هو الخبرة في التعامل مع الناس حتى لو واخدين فلوس بسبب الفقر ليس من الكياسة فضحهم وهم أهل دائرتها 

من يبيع صوته جاهل وصوته يكون غالبا باطلا

وليس كل من باع صوته يكون صوته مضمونا 

[MZohairy]

اصلها معركه قذره قوي يا طارق و ليها التكنيك الخاص جدا للتعامل معاها فعلا

و الفلوس ان لم تكن كل شيئ فهي من اهم اسباب النجاح (مش فلوس الدعايه) ....فلوس الرشوه الانتخابيه

 

اللي يدخلها بشرف صعب قوي يكسبها بعد اللي شوفته

[أبو محمد]

وفيه دواير يا مايسترو ما نفعتش معاها الرشاوى

وكان أهلها فى غاية خفة الدم .. كان شعارهم

:)

"خد من خيره .. وانتخب غيره"

واللى دفع أخد على قفاه

[eslam elmasre]

انا شايف انها قللت من مكانتها كونها حاولت الدخول لمثل هكذا مجلس 

 

[tarek hassan]

انا شايف انها قللت من مكانتها كونها حاولت الدخول لمثل هكذا مجلس 

 

هكذا اسم إشارة والمشار إليه لسه لم ينعقد بعد ولم ينبس أحد فيه ببنت شفه ومن ثم الحكم عليه يكون مسبقا 

والحكم المسبق هو رأي دون حكم حقيقي وقد يعتبره البعض تحاملا 

لكن علشان أنت أخويا وحبيبي فهو رأي 

[eslam elmasre]

 

هكذا اسم إشارة والمشار إليه لسه لم ينعقد بعد ولم ينبس أحد فيه ببنت شفه ومن ثم الحكم عليه يكون مسبقا 

والحكم المسبق هو رأي دون حكم حقيقي وقد يعتبره البعض تحاملا 

لكن علشان أنت أخويا وحبيبي فهو رأي 

 

اكيد رأي بس مش اي كلام رأي له اسبابه اللي انا شخصيا مقتنع بيها

الصراحة انا مش مستغرب ان واحدة زي فاطمة ناعوت يتم اقصائها من هذا البرلمان لانه برلمان العوكشة ولو تلاحظ ان البلد اصبح يحكمها فصيل العوكشة وفي كل موقع ومسؤولية هايطلعلك عوكشة هو المتحكم فلماذا تستكثرون على عوكشة انه يترشح لرئاسة البرلمان فهو ليس جديد على هذا العهد فهو خير من يمثل هذا العهد

ولان ناعوت ليست عوكشة فلن يكون لها مكان في هذا البرلمان وهذا العهد 

لذلك هي حطت من قدرها عندما غامرت بالدخول في مثل هكذا برلمان

وبردو انت حبيبي