أدوية ينصح بتجنبها...بقلم/شاعرالرومانسية

[شاعرالرومانسية]

والله اخوانى دى مش نصيحتى الشخصية .. انما دة ميل جالى ومش متأكد من صحتة

هل هو فعلا يعتمد على نتائج مجربة ام انه مضاربة فى الشركات المنتجة

انا نزلتة للأخذ فى الاحتياط ..ولو حد عندة تعليق او اشارة الى صحة الامر يتفضل باخبارنا مشكرا

خصوصا وان كمية الادوية الواقعة ضمن التحذير ... تلت اربع مصر بيستخدموها ..خصوا الفترة القادمة ..لزوم البرد

التقرير المرفق أدناه تم توزيعه علي طلبة وموظفي الجامعة الأمريكية في

مصر, تحذيراً من عدة أدوية تأكد للحكومة الأمريكية تأثيرها المباشر

وعلي السيدات خصيصاً, حيث أنها تسبب جلطة في الدماغ

1. Conta-Flu كونتا- فلو

2. Antiflu أنتي فلو

3. Nova-C-M نوفا – سى - إم

4. Coldact كولداكت

5. Flustop فلو ستوب

6. Flurest فلو رست

7. Rhinomol رينومول

8. Pararhinol بارا رينول

9. Michaelon ميكاليون

10. Noflu نوفلو

11. Coricidin D كوريسيدين - دى

12. Rhinogesic رينو جيسيك

13. Contact 12 كونتاكت 12

14. Eskornade أسكورنيد

15. Night and Day نايت آند داى ( الليل والنهار)

16. Vegaskine Aduls Syrup فيجاسكين شراب للبالغين

17. Sinutab سينو تاب

18. Rhinopront Syrup رينوبرونت شراب

19. Denoral دينورال

20. Coflin كوفلين

عفانا الله وامة محمد على افضل الصلاة واذكى السلام،،،

[ابو صلاح]

الكلام ده لو سليم ... يا نهار أسود . ده انا واخد بتاع شريط فلورست فى حوالى الأربع ايام اللى فاتو .. وكل ما يجيلى برد أو بوادر برد باروح أخدو على طول .... يالا بالهن والشفا

[أسد]

هذه الأدوية ومثيلاتها .. تم بالفعل منعها في العديد من دول العالم ومنها دول الخليج العربي .. وذلك منذ عدة سنوات .. وذلك لخطورتها الشديدة ..

ولنترك للمختصين من الأطباء والصيدالة الدلو بدلوهم في هذا الموضوع لمزيد من المعرفة والفائدة

[se_ Elsyed]

يا جماعة محتاجين رأي طبي قاطع في الموضوع ده

حيث إن معظم هذه الأدوية المذكورة الناس بتبلبعها زي الحلاوة وخصوصاً الأدوية المضادة للبرد .

- ربنا يعافينا جميعاً ، يوجد لدينا سلوك خاطيء كمصريين وكعرب ويتمثل في إن كل واحد فينا عامل نفسه دكتور ... وأجدع ناس في كتابة الروشتات والوصفات لبعض .. وبتوصل كمان لدرجة إعطاء أدوية للأطفال بدون إستشارة الطبيب .

لنا أسرة صديقة هنا في الرياض الزوج طبيب والزوجة صيدلانية ... فتلقت هذه الزوجة مؤخراً مكالمة من أهلها في مصر بيقولوا لها إن أختها حالتها حرجة جداً وتعتبر بتموت ... ده كله ليه ؟

لإن هذه السيدة - وهي متزوجة ولديها أولاد - كان بيجييلها صداع عادي زي اللي بييجي لنا كلنا .. فدأبت على تعاطي برشام مُسكن موجود في الصيدليات ( هاحأول أجيب إسمه الطبي الصحيح وأضعه هنا ) .. كل ما يجيلها صداع تقوم واخده من البتاع ده ... فجه في مرة الصداع زاد عليها ووشها بقى أصفر زي اللمونه .. جريوا بها على المستشفى وبالتحليل لقوا عندها أنيميا حادة في الدم ... وتقريباً نسبة كرات الدم الحمراء بقت 3 .. وأعتقد أقل شيء هو 8 أو 10 ... ولقوا عندها كمان تضخم في الطُحال ... وكان الحل إنهم لازم ينقلوا لها كيس دم بشكل يومي على الأقل لمدة إسبوعين لعلاج هذه الإنيميا وبعدين يعالجوا المشاكل التانية ..

فأختها طلبت التقارير الطبية عشان تعرضها على دكاترة كبار هنا .. وبالفعل بعثوا لها كل التقارير والتحاليل والأشعات .. فأول حاجة سألهم الدكتور كانت عن الأدوية اللي كانت بتاخدها ..

فقالوا له على إسم البرشام المُسكن ده ... فالراجل إستغرب لإن الدوا ده المفروض إنه إتمنع من السوق بعد ما أكتشفوا إنه بيسبب تكسير في كرات الدم الحمراء وبيؤدي في كثير من الأحيان إلى الموت المفاجيء أو زي ما قالهم الـ sudden death ... وده فعلاً نفس اللي حصل لهذه السيدة التي كانت على وشك الموت .

[شاعرالرومانسية]

نداء عاجل ...

الى الاخوة الاعزاء قاطنى دول الخليج

برجاء التكرم باخبارنا بمدى تداول الادوية السابق ذكرها بدول الخليج

( وهذا لحين تكرم الاخوة المختصين هنا بابداء النصيحة اللازمة فى هذا الموضوع ...)

افيدونا افادكم الله

الاخ محمد صلاح ..

وحياتك يا باشا انا سابقتك وكنت ببلبع فلورست دة زى الملبس .. لحد ماعرفت من دكتور صاحبى انه مضر وبيجيب ...

(بعدالشر عنك وعن السامعين يعنى ... جلطة )

لاء ونقلت بعد كدة لفلوستوب وقلت عشان ابقى فى الامان .. :D

جه الميل دة وجاب ذكرة ضمن لسته الممنوعات هو راخر .. يعنى محاصر وطريقك مسدود مسدود يا .. ولدى :D

العزيز سى السيد ...

احيات ابوك ماتتأخرش فى اخبارنا باسم دوا الصداع اللى قلت علية بيتسبب فى sudden death دة

لان اخوك عامل مع الصداع ابونية ... :P

وطبعا مع ادوية الصداع اللى بسيب منها شريط فى العربية وشريط فى درج المكتب فى الشغل وشريط فى الشفنيرة فى البيت

دة غير الشريط اللى فى جيب البنطلون وبغيرة مع كل تغيير للبنطلون :D

منتظر الرد يا ...يا .. يا ...

.

.

.

.

.

الاسم بسرعة يا سى السيد :wub:

[أسد]

الأدوية المذكورة .. تم منعها في السعودية ..

وأغلب دول العالم ..

هذا منذ أكثر من ثلاث سنوات

[hossamzzzz]

أخوتى فى الله

أنا أخوكم حسام وشغال فى صيدلية

مش صيدلى لكن مساعد

الأدوية اللى قلتوها ديه إن شاء الله مافيهاش أى حاجة ..

كل الحكاية أن شركات الأدوية الكبيرة كان نفسها تغلى سعر الأدوية ديه وتنزل بدائل غالية ومعرفتش فلقت الحل الخبيث ده .. حملة دعائية ضد الأدوية ديه بحيث تأثر على الرأى العام وتعمل بلبلة عند وتلجأ للأدوية الغالية أو على الأقل تأثر على الحكومة تلغى منها شوية وترجع حضرتك تتفاجئ أن دوا البرد الشريط الواحد وصل سعره 8 جنيه مثلا لأن مبقاش فيه دوا رخيص

بس خلاص

[أسد]

أثير الموضوع هنا في المحاورات منذ عام تقريباً ..

وكان فيه الرد كامل وافي ..

الوصـــــــــــــــــــــــــــــلة

[أسد]

وهذا بحث منشور في موقع FDA عن سلامة المادة الفعالة Phenylpropanolamine والتي تدخل في تركيب الأدوية المشار إليها ، البحث منشور عام 2000

ملخص الدراسة

وهنا تجد البحث كامل ...

البحث

وهنا تكمن الحقيقة .. أنها ليست حرب من شركات الأدوية .. بل أن شركات الأدوية التي تنتج مثل تلك العقاقير .. هي التي تحارب الناس ..

وللعلم .. مصر من البلدان القلائل في العالم المسموح فيها بتداول مثل تلك الأدوية .. وخاصة أن تكون تلك الأدوية مسموح بها في كل الصيدليات وبدون وصفات طبية .. ويمكن أن يوصفها للمريض العامل المتواجد في الصيدلية مما يؤدي إلى مضاعفات في حالات كثيرة ..

[se_ Elsyed]

أخوتى فى الله

أنا أخوكم حسام وشغال فى صيدلية

مش صيدلى لكن مساعد

الأدوية اللى قلتوها ديه إن شاء الله مافيهاش أى حاجة ..

كل الحكاية أن شركات الأدوية الكبيرة كان نفسها تغلى سعر الأدوية ديه وتنزل بدائل غالية ومعرفتش فلقت الحل الخبيث ده .. حملة دعائية ضد الأدوية ديه بحيث تأثر على الرأى العام وتعمل بلبلة عند وتلجأ للأدوية الغالية أو على الأقل تأثر على الحكومة تلغى منها شوية وترجع حضرتك تتفاجئ أن دوا البرد الشريط الواحد وصل سعره 8 جنيه مثلا لأن مبقاش فيه دوا رخيص

بس خلاص

<{POST_SNAPBACK}>

شكراً يا أستاذ حسام وجزاك الله خيراً ومرحباً بك زميلاً جديداً

[dr/alfa]

السلام عليكم ورحمة الله وبركاته

أنا سبق وشاركت فى نفس الموضوع العام السابق

والمشكلة تكمن فى مادة الفينيل بروبانولامين التي تشترك فيها كل الاسماء المذكورة سابقا :-

-بس الموضوع ليس لهذه الدرجة من المنع والحظر .

- من المعروف أن هذه الأدوية المستخدمة فى علاج نزلات البرد المختلفة

والتى يدخل في تركيبها عقار الفينيل بروبانولامين ممنوعة:-

- على مرضى الضغط منعا باتا تناولها

- وكذلك المصابون بالذبحة الصدرية و أمراض الشرايين التاجية .

- خاصة كبار السنة من النساء أكثر من الرجال المصابات بأمراض ضغط الدم وأمراض القلب المختلفة

هذا تبعا لأحدث الأبحاث العلمية على النت .

[se_ Elsyed]

فقالوا له على إسم البرشام المُسكن ده ... فالراجل إستغرب لإن الدوا ده المفروض إنه إتمنع من السوق بعد ما أكتشفوا إنه بيسبب تكسير في كرات الدم الحمراء وبيؤدي في كثير من الأحيان إلى الموت المفاجيء أو زي ما قالهم الـ sudden death ... وده فعلاً نفس اللي حصل لهذه السيدة التي كانت على وشك الموت .

<{POST_SNAPBACK}>

أسف يا جماعة على التأخير لكن والله كنت كل يوم أرجع البيت أنسى الموضوع - السن بقى وكده -

إسم البرشام المُسكن هو " سيليبركس "

إلى كل واحد عنده صُداع وقاطن في دير النحاس .. لا تتناول السيليبركس ... فالسيليبركس فيه سمٌ زعاف .

[Diab]

طبعا أنا مش فاهم أي حاجة من أسامي الأدوية معلش بقي جهل بالطب ( الحمد لله علي كده ولكن شكرا علي المعلومات القيمة