تحبى تبقى راجل

[ابو صلاح]

هذا السؤال أوجهه لكل انثى فى هذا المنتدى < تحبى تبقى راجل >

انا عايزكم تسيبو صدمة السؤال وتقرو الموضوع من أول الفقرة اللى جايه وسيبو دماغكم للخيال شويا وحاولى تتخيلو وتعيشو الموقف اللى جاى

.. لو بعد العمر اللى انتِ عشتيه وانتِ انثى وكل الخبرات اللى اكتسبتيها كأنثى فى الطفولة و المراهقة والجواز والأمومة والجدة ( طبعاً الكل حسب سنة وتجاربه فى الحياة ) ومعرفة ما هى عيوب الأنثى ومميزاتها ونقاط القوة ونقاط الضعف .. انك رجعتى تانى لبطن أميك وانتى فى الشهر التاسع وفى أخر يوم ليكى فى هذة البطن . نزل عليكى ملاك وقال < تحبى تبقى راجل ولا أنثى > بعد ما الملاك سائليك السؤال دوت لقيتى نفسيك فى دماغيك كل الخبرات وأفكاريك اللى أكتسبتيها فى حياتيك بس انتِ فى حجم الطفل الذى لم يحدد جنسه بعد .. بس أول ما تختارى و تنزلى للحياة هتتمحى كل هذه الخبرات والأفكار .. وستصبحى انسان جديد وتبتدى المشوار من أول خالص

ف ياترى هتختارى تكونى ( رجل أم انثى ) ؟

وما دوافعيك و الأسباب لأختيار هذا النوع ؟

ولو اخترتى انك تكونى راجل ما هى الصفات او التعديلات اللى هتعمليها فى شخصية وسلوكيات الراجل ؟

[# الساحر #]

موضوع جميل

بس اعتقد ان معظم النساء هيتمنوا يكونوا انثى من جديد علشان يستخدموا خبرتهم و يصححوا اخطاء ارتكبوها في حياتهم كانوا يتمنوا ميرتكبوهاش .

أما الأنثى اللي هتتمنى تكون راجل ياريت تجاوبك على السؤال الثالث و تكون صريحة

[ابو صلاح]

انا اعتقد ان هيكون ليهم رأى تانى أو على الأقل هيكون فى اراء مختلفة ودوافع مختلفه للأختيار تم تعديل 12 نوفمبر 2005 بواسطة ma.salah

[مصرية الهوى]

إطلااااااااااااقاً ..

لو ترك لي حرية الاختيار إني أبقى ذكر والا أنثى ؟؟؟!!

هأقول أنثى على طول ومن غير تفكير كمان :D ...

بصراحة أنا حاسه الأنوثة فيها مميزات كتيرة جداً .. الانوثة تعني الرقة والحياء والحنان والحب والأمومة ومعاني كثيرة حلوة ..

انما الرجولة بحسها تعب ومسئولية ومشاكل كثيرة ..

طبعا كل مهيأ لما خلق له .. !!

وحب الأنوثة ينشأ في الإنسان من الصغر بسبب تعلقه بأمه .. أكثر من تعلقه بأبيه في الغالب ..

وأنا بصراحة بحس بتكريم كبير لأني بنت .. والإسلام كرم المرأة بشكل كبير جدا ..

واخوتي دايما بيقولوا مثلا لبابا والا ماما .. اشمعنى جيجي متعملش كده ؟؟

يردوا عليهم لانها البنت واختكم الكبيرة ولازم تحترموها :D

وعلى رأي القائل :

إن النساء رياحين خلقنا لكم ... وكلكم يشتهي شم الرياحين

طيب ... لو أعدنا صياغة الموضوع للرجال ..

تحب تبقى ست ؟؟ :D

[سقراط المصري]

طيب ... لو أعدنا صياغة الموضوع للرجال ..

تحب تبقى ست ؟؟ :wub:

<{POST_SNAPBACK}>

انا اللي يقولي روحي يا " سكيننه" او تعالي يا " سكيننه " ......... اقطعه. :D :D :D :P

(اقتباس من مسرحيه ريا و سكينه)

لا طبعاً ، انا مبسوط اني رجل والحمد لله. :D

تحياتي

سقراط

[وليد صفوت]

طيب ... لو أعدنا صياغة الموضوع للرجال ..

تحب تبقى ست ؟؟ :P

<{POST_SNAPBACK}>

:D

:D

و ماله ياختشششششى .... :wub: ... أهو كله هيتبهدل فى الدنيا و محدش واخد منها غير 2 متر قماش :P :D

جد شوية :

معرفش يا حودة انت بتجيب منين المواضيع دى ؟ :D

بس موضوع شيق جداً ,...

أنا بقى فى رأيى إن محدش يقدر يجاوب صح على السؤال ده , ليه ؟

لأن كل خبرات الفرد مبنية على أساس انه ( ذكر \ أنثى ) , يعنى ماينفعش أى راجل- لو عمل إييييه - إنه يتخيل الحياة فى صورة واحدة ست :D ؟ و العكس طبعاً صحيح :D

و لأنى ماعرفش أتخيل الحياة فى صورة غير اللى انا عايشها هقول : طبعاً الصورة اللى انا عايش بيها أفضل من أى صورة أخرى ,.......

عصام شوقى لو سمحت جاوب على السؤال بتاع جيجى عشان انا مستنى إجابتك أنت بالذاااااااااااااااات :D

[مسافر زاده الخيال]

السلام عليكم

طبعا الحمدلله اني راجل.... راجل يعني انا اللي هو يعني ميه ميه

اسد امشي وانا اللي هو

طبعا هذا يدل على صحة المقولة

((((لو اطلعتم على الغيب لاخترتم الواقع))))

[shawshank]

وليد

انتا ماشي بمبدأ "اللي نعرفه أحسن من اللي منعرفوش" ؟ :sad:

أؤيد كلامك ... بس وجدان وضحت خبرتها مع كونها أنثى ، فممكن ده يساعدك في القرار :o

و اشمعنا عصام بالذااااااااااات؟ :D

[عصام]

و اشمعنا عصام بالذااااااااااات؟  :D

<{POST_SNAPBACK}>

يا ابن الإيه يا شوكت؟ :D (وش حسين الشربينى) ..

شوف يا وليد يا اخويا ..

نظرا لما أمر به من ظروف منذ ما يقرب كدا من كام شهر كدا ..

فأنا شخصيا لو أتيحت لى الفرصة للاختيار ... :D

وسئلت (تحب تفضل كدا وللا ماتحبش تكون كدا وياريتك كنت كذلك؟ .. بشنب وللا من غير شنب يعنى .. :D :D )

هارد فورا وبدون تفكييير ..

من غير شنب يا بيه .. mfb: .. أبوس إيدك من غير شنب ..

العالم الى من غير شنب دى عالم مرتاحة يا ابويا .. كل المطلوب منهم مسح .. كنس .. طبيخ .. مذاكرة .. ويا سلام لو فيه شغالة ..

وأخيرا طبعا طلبات .. بدءا ب"هات لبن وانت راجع م القهوة" .. لحد ثريا جارتنا جوزها جاب لها إنسيال تحححححححححفة .. :o

العالم دى بتاكل فى أتة محلولة يا اسطى .. -_-

ما علينا .. إحياة أبوكوا ما حد يجيب سيرة إنى رديت على السؤال داعشان المدام بتكتب هنا فى المحاورات وبتقرا بصفة دورية ... وانا عارفكوا بتحبوا تهدوا النفوس يعنى :sad:

[Folana]

السلام عليكم ورحمة الله ...........

ايه ده ياابو صلاح ؟....ايه الفكرة الجهنمية دى ؟....

بس الملاحظ فعلا ان كل المواضيع اللى تخص السيدات بنلاقى الرجالة هى اللى بترد عليها والستات مالهاش حس ولا خبر ..حتى الركن الوردى بتاع العزيزة مصرية الهوى الرجالة هجموا عليه لحد ماجابوا بيبانه واتشمع..:o

المهم يعنى ..مش كنت تقول ايه هى ميزات الرجل الاول ..علشان الواحد لما يفكر يبقى عارف رايح فين وجاى منين ....,

وايه اللى ممكن يفضله عن المرأة غير ضعف ميراثها ...وشقاه ياولداه طول النهار والاتاوة اللى لازم يدفعها كل اول شهر للبيت ده لو ماكانش كل يوم ..وتعالى وصلنا وتعالى روحنا وتعالى اشترى لنا ؟..ياترى فيه مميزات تانية ممكن الواحد يطمع فيها :D...بالمناسبة لو اى واحدة قالت انها نفسها تبقى راجل ..حتلاقى بتوع علم النفس فتحوا لها عيونهم ودخلت معاهم فى سين وجيم ..وتحليل نفسى وليه هى كاره جنسها وليه مش بتحب انوثتها الى اخره الى اخره ...نصيحة لبنات جنسى تمسكوا بفصيلتنا وماحدش يقول عايزة ابقى رجل احسن كده مش حتخلصى ....

انا عن نفسى حابة جدا انى اكون سيدة ..باكل واشرب والبس واتفسح من غير نقطة عرق واحدة mfb: :sad:

[ابو صلاح]

انا ملاحظ أن السؤال سبب صدمة للجنس الناعم .. وكلهم استغربو للسؤال والدليل على كده ما حدش رادى يجاوب او مطنشين السؤال . ما فيش غير واحدة بس اللى جريئه وهى الأخت ( مصرية الهوى ) وقالت رائيها بكل صراحة .. وباقى المشاركات كلها خشنة :sad:

انا الموضوع ده فتحته مع أمى حوالى من سنه .. لأنى بعتبر أمى هى المصدر الرئيسى لمعرفة مخ وطريقة تفكير الأنثى بدون وضع مكياج فى الكلام وبدون كلام مزوق .. وباخد من أمى المعلومة الصافيه الصريحة

وأنا من النوع اللى بحب اوقع الناس فى الكلام .. فبعد عدة مناوشات كلاميه مع أمى .. وصلت بيها للسؤال ده < لو كان خيروكى يا ماما انك تكونى راجل ولا ست > هتختارى ايه

ردت عليا بدون تفكير رد حاسم وقاطع وأعطتنى السبب كمان

انا مش هاقولكم هى ردت وقالت ايه .. علاشان ما اثرش عليكم بهذا الرد ..

فحبيت أعرف ان الرد ده فى عقل كل انثى اى ان كان عمرها وتجاربها ولا ده تفكير أمى بس

[عصام]

...نصيحة لبنات جنسى تمسكوا بفصيلتنا ....

<{POST_SNAPBACK}>

:sad:

:o

إسمها جنسنا يا فلانة mfb:

(من غير ضرب .. :D باهزر والله)

[مصرية الهوى]

متقلقيش يا فلانة ..

متمسكون بفصيلتنا _ جنسنا _ على رأي الأستاذ عصام .. حتى الرمق الأخير .. :sad:

والركن الوردي .. ماتشمعش لابالأحمر ولا الازرق حتى ..

أنا قادمة كالسيل الهادر .. وساثري الموضوع (حلوة أثري :o ) ..

بس ..

هأغيب أسبوعين عشان امتحانات اعمال السنة .... وراجعه ان شاء الله ..

دعواتكم ..!!

[Folana]

السلام عليكم ورحمة الله...

أيون...أيون....هى جنسنا دى وانا عمالة ادور على الكلمة البديلة المودرن لفصليتنا بقالى اكتر من ساعة ...ربنا يكرمك يااخى عصام والله ...

وبرضه اعتقد ان جنسنا دى هى التطور الطبيعى للحاجة الساقعة ولنظرية دارووين ....(صورة واحدة بتتحدف بالطوب من بنات فصـ......جنسها) :lol:

[ناصر الملك و الملكية]

أنتوا بتتكلموا علي الموضوع علي أنه خيالي :wub:

مش عارف ليه

هو مش فيه عمليات بتقلب الرجالة ستات و الستات رجالة :angry2:

علي حد علمي هذه العمليات منتشرة جداً في أوروبا

و قد قرر الفنان المصري سعيد سلطان خوض هذه التجربة و قد أصبح أسمه بعد ذلك سعيدة سلطان :lol:

[ابو صلاح]

انا هاقولكم انا ليه سألت السؤال ( اللى انتو متنشينه ده ) الكلام ليكم يا أصحاب الجنس الناعم ..

لأن ممكن ان الراجل يدلع مراته بأسم مذكر او يندها بصفة المذكر .. يعنى مثلاً يقولها يا ( حبيبى ) من غير ما تعترض او تتضايق ..والدليل على كده 4/3 الأغانى بيبقا النداء بصفة ( حبيبى ) .. والأغانى ماشيه زى الحلاوه فى السوق ( لا مؤاخذة يا حاج ( حلاوه العنتبلى ) :sad: .. لكن ما ينفعش العكس .. ما ينفعش واحدة تقول لجوزها يا ( حبيبتى ) والا كانت باتت فى الأنعاش :D

فده ممكن يدل على ان المرأه قابله ان تكون لها ميول انها تبقا راجل .. :D

لكن فى أعتقادى الشخصى ان الراجل لو سألوه 100 مرة ورا بعض انت عايز تبقا راجل ولا تبقى ست .. ساعتها هيصرخ بدون تفكير ( راجل طبعاً ) يا سعة البيه :D

لكن العكس غير صحيح من وجهة نظرى

أن لو سألو المرأة انت عايزه تبقى راجل ولا ست

ممكن ساعتها تعد تفكر شويا :wub:

فهل نظريتى صحيحة ولا لأ :D :D

تم تعديل 23 نوفمبر 2005 بواسطة ma.salah

[ابو صلاح]

انا هاقولكم انا ليه سألت السؤال ( اللى انتو متنشينه ده ) الكلام ليكم يا أصحاب الجنس الناعم ..

لأن ممكن ان الراجل يدلع مراته بأسم مذكر او يندها بصفة المذكر .. يعنى مثلاً يقولها يا ( حبيبى ) من غير ما تعترض او تتضايق ..والدليل على كده 4/3 الأغانى بيبقا النداء بصفة ( حبيبى ) .. والأغانى ماشيه زى الحلاوه فى السوق ( لا مؤاخذة يا حاج ( حلاوه العنتبلى )  :P .. لكن ما ينفعش العكس .. ما ينفعش واحدة تقول لجوزها يا ( حبيبتى ) والا كانت باتت فى الأنعاش  :D

فده ممكن يدل على ان المرأه قابله ان تكون لها ميول انها تبقا راجل ..  :blink:

لكن فى أعتقادى الشخصى ان الراجل لو سألوه 100 مرة ورا بعض انت عايز تبقا راجل ولا تبقى ست .. ساعتها هيصرخ بدون تفكير ( راجل طبعاً ) يا سعة البيه  :D

لكن العكس غير صحيح من وجهة نظرى

أن لو سألو المرأة انت عايزه تبقى راجل ولا ست

ممكن ساعتها تعد تفكر شويا  B)

فهل نظريتى صحيحة ولا لأ  :ph34r:  :blink:

<{POST_SNAPBACK}>

أظاهر لأ ;)

[سهيلة]

بصراحة يا ابو صلاح لو كنت سالتنى من عشر سنين مثلا السؤال بتاعك دة

من غير تفكير كنت هرد واقول اكيد كان نفسى ابقى ولد

وواخد مميزات الولد بيتاخر برة زى ماهوة عايز وما حدش بيحاسبة

يدخل ويخرج زى ماهوة عايز

يسافر مع اصحابة ويبات برة زى ماهوة عاوز

وكمان الرجال قوامون على النساء

كنت عايزة اعيش فرى من غير القيود اللى مفروضة ع البنت خصوصا ف مجتمعنا

كان نفسى احس انى حماية لاخواتى ومراتى والناس اللى انا مسوولة عنهم

كنت عايزة احس انى امان وحماية للستات

انا غيرت رايي لانى كبرت وعرفت ان قوامة الرجل ع المراة مش قوامة قوة ولا عضلات لاااااااااااا

دى قوامة مسولية وحرص عليهم

الاسلام كرم الستات اوى

امك ثم امك ثم امك

الجنة يعنى حد بردة يرضى يسيب الجنة يا اخوانناااااااااااااااااا :rolleyes:

[سهيلة]

نسيت اقول حاجة مهمة

انا ما احبش كل يوم الصبح

انى

احلق دقنىىىىىىىىىى

لالالا راجل اية

انثى وبس :rolleyes:

[ابو صلاح]

ربنا يجبر بخاطريك يا أستاذة سهيلة .. لأنك رضيتى ليا ماء وجهى بعد طول فترة تتطنيش من الجنس الناعم :D .. مش عارف ده كان كسوف من السؤال الرزل اللى انا سألته . ولا من صعوبة التخيل .. المهم

اللى أنا فهمته من كلاميك المعبر والوافى .. انك تحبى فى الراجل حريته وأنطلاقة وأستقلاليته

لكن عايزه تاخدى الحرية دى بدون تحمل عبئ المسئولية التى يتحملها الرجل . وأيضاً تحبى ان تكونى مسئولة من شخص أخر يرعاكى ويهتم بكِ ويحميكى .. فتفضلى ان تكونى انثى على ان تكونى رجل

صح الكلام ؟

أما بقى عن موضوع حلاقة الدقن .. فده بيوازيه العناية بالبشرة والكريمات اللى الستات اللى بحيطوها وتطويل الشعر اللى أنا من وجهة نظرى دى عملية متعبه جداً اكتر من حلاقة الدقن

ده انا مرة حبيت اتخنفس وأطول شعرى .. ويادوب شعرى وصل لحد بعد مراخيرى بشويا ، وشعرى اللى ورا وصل لقفايه .. ما قولكيش على الحرك والفرك والزهق اللى انا كنت فية

بس تانى يوم رحت شيلته نمرة 3

كان الله فى عونكم يا نساء وما تتحملوه من شقاء :D