تحبى تبقى راجل

[مصرية الهوى]

أهلاً يا سهيلة ....

يا ستي ياريتها تيجي على حلاقة دقن وبس لما تصحي الصبح ...

يا ستي احنا نصحى ونقعد نفكر النهارده شكلي هيبقى ازاي .. استشور شعري والا احط جل والا الفه ..!!!!

واخر حاجه المه ذيل حصان وخلصنا :wub:

احنا رايحين الكلية نتعلم مش نعرض ازياء .. :D

والا المكياج يا ستي ..!!

بس احلى ما في المكياج الصباحي انه خفيف والوانه رايقة .. بيتحط بسرعة ويتشال بسرعة ;)

نشقى بس شقاء احنا اللي عاوزينه يا ابو صلاح :D

بس مقولتيش هيا الست الوالدة كان ردها ايه .. بقى لي سنة مستنية ..

تحب تبقى راجل ؟!!!

[ابو صلاح]

بس مقولتيش هيا الست الوالدة كان ردها ايه .. بقى لي سنة مستنية ..

بعد المناوشات الكلاميه التى دارت بينى وبين أمى .. ومحاولة الضغط بالكلام واللف والدوران .. سألتها السؤال ده

لو خيروكى يا ماما انك تكونى راجل ولا ست هتختارى ايه ؟

انا توقعت ان أول ما سألتها السؤال ده هترد على طول وتقول راجل .. لأن بأمانه الست دى تعبانه أوى معانه وساعات كتير بشفق عليها لأن انا وأخواتى بندلع أوى عليها ومطهقنها فى عيشتها .. يعنى مثال بسيط يمكن بتحضر الغدا حوالى 4 مرات فى اليوم لكل واحد ليه وقت غدا معين أو حسب ما بيجى من بره .. وكمان كل خلفتها صبيان وما فيش بنات فده اللى زود البله طينة .. بس ما أطولش عليكم لتنامو منى

قالتلى من غير ما تفكر

ست طبعاً

فأنا استغربت من سرعة الأجابه .. بقا معقول حد يرفض يبقا راجل

فقومت سأل السؤال ده على طول

ليه ؟

قالتلى علاشان ابقا أم

ومن ساعتها وأنا بقول سبحان الله اللى خلا كل هذا الحنان فى قلب الأم وهذه الغريزة العظيمة التى حافظت على استقرار الحياة

[سهيلة]

اللة على رد الوالدة الكريمة

فعلا عاطفة الامومة دى حاجة غالية اوىاوى

واكيد متعة للام واحساس عالى اوى ما يحسوش الا الست

سبحان اللة

بجد ربنا يخلى لينا امهانتنا اللى بيستحملونا واحنا بنعذبهم معاناااااااااا

وفعلا

الجنة تحت اقدام الامهات

[سهيلة]

السوال اللى خطر فى ذهنى دلوقتى مش حكاية تبقى ست ولا راجل

هل كنت تحب تبقى حد تانى غير نفسك

ولو حبيت تحب تكون مين؟؟؟؟؟؟ولية؟؟؟؟؟

:angry:

[مصرية الهوى]

آه فعلا ...... الأم ..كل حاجه في الدنيا ..

ربنا يخلينا امهاتنا ..

ويعينهم علينا ...

ويعينا اننا نرد لهم نص الجميل ...

وفعلا شعور الامومة جميييل جدا ..

مع اني لسه مجربتوش .. بس بحسه بيه في بعض الاطفال حواليا ..

زي بنت اختي مثلا ...

بحبها جدا جدا .. بحسها بنتي :angry:

بس سؤالك يا سهيلة ..

بصراحة انا عمري ماتمنيت ان انا ابقى حد بعينه يعني ..

ساعات مثلا لما بشوف الناس اللي ناجحة في حياتها .. بتمنى ابقى زيهم ..

بس اني ابقى الانسان ده ..

بصراحة عمري ما فكرت بكده ..

[ناصر الملك و الملكية]

هل كنت تحب تبقى حد تانى غير نفسك

ولو حبيت  تحب تكون مين؟؟؟؟؟؟ولية؟؟؟؟؟

:angry:

<{POST_SNAPBACK}>

لو لم أكن ناصراً , لوددت أن أكون ناصراً :sad:

تم تعديل 5 ديسمبر 2005 بواسطة ناصر الملك و الملكية

[NoorJehan]

تحبى تبقى راجل

جائنى الآتى عبر البريد عن مميزات أن تكون رجلا:

-تستطيع ان ترشح نفسك للرئاسه

-الميكانيكيه لا يخدعوكم فى الأسعار مثلنا

-بدله الفرح تكلف 1000 جنيه...فستان الفرح 15,000 جنيه

-لا يهم أن لم يلاحظ أحد إنك حلقت

-مزاجكم...هو هو.... طووووووول العمر :sad:

-تجاعيد الوجه تضيف وقارا :angry:

-المكالمات التليفونيه لا تستغرق أكثر من 30 ثانيه

-لو عندك 35 سنه ولم تتزوج بعد، محدش بيضايقك ويهريك أسئله وتعليقات من نوعيه "كان زمان عندك 6 أولاد"...أو "أكيد حد عاملك عمل" :angry:

-لو حد نسى يعزمك على فرحه، لا تقاطعه للأبد :blink:

-رحله 30 يوم تحضر لها شنطه سفر واحده...من الحجم الصغير :unsure:

-لست مضطرا لشراء هديه أو تأخذ حلوى كلما زرت احد أصدقائك

-تفتح غطاء العبوات بنفسك

=======================

أما عن نفسى...فحاشا وكلا...البنات البنات، ألطف الكائنات

[se_ Elsyed]

تحبى تبقى راجل

-الميكانيكيه لا يخدعوكم فى الأسعار مثلنا

-

<{POST_SNAPBACK}>

أهي في دي بقى أختلف معاكي يا نور يا بنتي غختلاف كلي وجذري وفرعي ..

مين قال كده ؟

ده أحنا أجدع ناس بتتقرطس عند الميكانيكية السفاحين .

[NoorJehan]

-الميكانيكيه لا يخدعوكم فى الأسعار مثلنا

-

أهي في دي بقى أختلف معاكي يا نور يا بنتي غختلاف كلي وجذري وفرعي ..

مين قال كده ؟

ده أحنا أجدع ناس بتتقرطس عند الميكانيكية السفاحين .

أعترض وبشده...فلسنا كلنا عند الميكانيكيه سواء

البعض من بنات جنسنا لا يعلمن شئ عن السياره الا المفتاح ده اللى بيدخل فى البتاعه دى المدوره علشان تشتغل العربيه :P ...فما بالك بتصليحها :angry2:

[se_ Elsyed]

[البعض من بنات جنسنا  لا يعلمن شئ عن السياره الا المفتاح ده اللى بيدخل فى البتاعه دى المدوره علشان تشتغل العربيه  :) ...فما بالك بتصليحها  :)

[

طب وهانروح بعيد ليه ..

العبد لله الماثل أمامكم ده لا يفقه شيء في الملوخية عن ميكانيزم العربية ..

وكل اللي إتعلمته إن العربيةلازم تكون متوجهة على الطريق ودور وسيبها 5 دقايق تسخن لو في الشتا ودقيقتين لو في الصيف وقول دعاء السفر وإتوكل على الله ..

وأهم حاجة في ميكانيكا العربيات إنك يوم الجمعة قبل الصلاة تحديداً تفتح الكبوت وتشوف الميه والزميت

حد يسألني .. طب ليه الجمعة مش الأربعاء مثلاً ؟.. أقول له ماعرفش وما تحرجنيش نيش نيش ...

وبسبب هذه العادة أو البدعة :D كنت هاروح في داهية من حوالي 3 شهور ...

فلقد صحوت يوماً ذات جمعة روحت ضارب الجلابية البيضا والطاقية الشبيكة وحاطط البرفان بتاع يوم الجمعة ونزلت وفتحت الكبوت بقرف عشان ما يوسخنيش وماما تزعق لي ... وظبطت الميه وقيست الزيت ... وكله بقى تمام ... روحت مدور وإتوكلت على الله ...

عدى الجمعة

وعدى السبت

وعد الأحد ..

وعدى الليل على مهلة على مهله ..

جيت يوم الإثنين وخرجنا أنا والأولاد ليلاً بعد ميعاد الشغل ... وهيصنا وإنبسطنا وجيت قبل البيت بحاجات بسيطة إلا وألاقي دخانه طالعه من العربية ... يا نهار مش فايت حريييييقه حريقققققه .. طب الموف ده ما قرأتش عنه في كتاب كيف تهبط الطائرة ... خليت العيال ينلزوا في الدواسة وياخدوا ساتر و فتحت الكبوت من بعيد أحسن حاجة تضرب في وشي لقيت الدنيا مولعه والدخان معبأ الدنيا ... وبأضرب بعيني مالقيتش غطى الريداتير ... روحت كافي على الخبر ماجور وقلت الصبح يحلها حلال والنهار له عنين وتبات نار تصبح رماد ( وأنا في السليم المدغدغ ياريس ومأمن على العربية .. وخلينا نغير بقى بلا قرف ) ..

أخدت جركن ميه معايا الصبح وبأفتح الكبوت وآن آن آن أُفاجأ إن غطا الريداتير مازال موجود على البطارية من فوق .. وشكل الكبوت كان زانق عليه فما وقعش خلال الأربع أيام اللي أنا ماشي بهم من غير ميه في العربية ...

ودي مش غلطتي ... لإن اللي علمني السواقة الله يسامحه ما قاليش أتأكد إن غطي الريداتير لازم يكون مقفول ولا لأ ؟ :D

المهم قلت قشطة بالعبيط .. زمانها جابت وش سلندر - ماحدش يسألني يعني إيه أنا بأسمعهم بيقولوا كده -

زودتها ميه ودورت روحت الشغل عشان السواق ياخدها يتاويها في أي حته ...

لكن الحمد لله عشان ربنا كريم وعالم بالحال وبيسترها مع الكواحيل اللي زي حالاتي .. ففي فصل الشتا العربية ما بتسخنش قوي .. أما لو كنا في صيف السعودية كان زمان مش العربية اللي ولعت .. لأ .. دي المنطقة كلها كانت ولعت ...

------

لذا لا تظلمي البنات يا أختاه ... فمن الرجال من هم أخيب من ست أبوها في موضوع العربيات ..

[NoorJehan]

لأ بجد بجد، بالنيابه عن بنات جنسنا أتنازل لك عن اللقب بدون منازع .. والكأس كمان ;)

شويه جد..

ساعات بجد بتصعبوا عليه يا رجاله لأن الكل بيتوقع إن يكون عندكم درايه بكل ما يتعلق بالسياره..وأكيد ده بيضع عليكم عبء كبير..أكيد فيه منكم مبيعرفوش يبدلوا عجله ..يقفلوا غطا الرادييتور ;) وممكن تجد ستات تعرف..

وعلى نفس المنطلق، يتوقع الرجال ان كللل السيدات يعرفوا يطبخوا مثلا..ولكن مش شرط تكون إتولدت لقت نفسها أبله نظيره...ممكن الرجل هو اللى ماهر فى الطبخ، إنظروا الشيف أسامه مثلا..

الحكمه من الموضوع فى الآخر...إن الحمدلله إن السعوديه لسه على الخارطه :rolleyes:

[مرجانة]

أختار أكون بنت و افضل بنت

ليه بقى ؟ كده البنات غير زي ما جدة غير ;)

و أحلى حاجة بتفرّحني أن الرسول وصّى على البنات :rolleyes:

لازم أحب اني بنت و ارضى بنفسي

ازاي عايزة الناس يحبوني و انا مش راضية عن نفسي!!!

تم تعديل 24 فبراير 2006 بواسطة مرجانة

[nancy]

حكاية انى اكون راجل دى عوزة قاعدة اولا يعنى اية راجل

معنى الرجولة اية ان حديكون قد كلمتة يكون قد اى موقف يتعرض له يكون بيحترم نفسة ويحترم الاخرين يكون سند وقت الجد لو دة المقصود من الرجولة انا مقتنعة انى دى ممكن تكون فى الستات عادى

انما من الناحية الفسيولوجية لا طبعا الست احسن مية مرة

لية .. نفهم علشان محدش يتخانق بس

اولا قوة المرآه فى تحمل الالم اكبر من الراجل ودى حاجة مهمة جدا الراجل لو جالة شوية برد ينام فى السرير ويفرفر على طول الست لا تعمل كل الى عليها برضة لان احساسها بالمسؤلية مختلف الراجل احساسة بالمسؤلية مادى اكتر الست معنوى اكتر

مش حنقول تلافيف مخها اكبر ولا ان حيز الابداع عندها اكبر ولا ان الست المصرية من النوع الى بتنطحن برة وجوة لا دى كلها امور مسلم بيها

بس للصدق وانا صغيرة قبل ما عرف يعنى اية ست واد اية الانوثة دى متعة كبيرة وشىء مؤثر جدا كنت وانا عندى 12 سنة كنت باحلم انى اكون ولد لان البنات معندهاش حرية الانطلاق الى عند الولاد انما دة كلن من زمان يعنة من 10 سنين كدة :D

بس دلوقت لو لم اكون انثى لوددت ان اكون انثى :D

[se_ Elsyed]

حكاية انى اكون راجل دى عوزة قاعدة اولا يعنى اية راجل

معنى الرجولة اية ان حديكون قد كلمتة يكون قد اى موقف يتعرض له يكون بيحترم نفسة ويحترم الاخرين يكون سند وقت الجد لو دة المقصود من الرجولة انا مقتنعة انى دى ممكن تكون فى الستات عادى

انما من الناحية الفسيولوجية لا طبعا الست احسن مية مرة

لية .. نفهم علشان محدش يتخانق بس

اولا قوة المرآه فى تحمل الالم اكبر من الراجل  ودى حاجة مهمة جدا الراجل لو جالة شوية برد ينام فى السرير ويفرفر على طول الست لا تعمل كل الى عليها برضة لان احساسها بالمسؤلية مختلف الراجل احساسة بالمسؤلية مادى اكتر الست معنوى اكتر

مش حنقول تلافيف مخها اكبر ولا ان حيز الابداع عندها اكبر ولا ان الست المصرية من النوع الى بتنطحن برة وجوة  لا دى كلها امور مسلم بيها

بس للصدق وانا صغيرة قبل ما عرف يعنى اية ست واد اية الانوثة دى متعة كبيرة وشىء مؤثر جدا كنت وانا عندى 12 سنة كنت باحلم انى اكون ولد لان البنات معندهاش حرية الانطلاق الى عند الولاد انما دة كلن من زمان يعنة من 10 سنين كدة :D

بس دلوقت لو لم اكون انثى لوددت ان اكون انثى  :D

<{POST_SNAPBACK}>

نانسي

إنتي تقربي لفيروز بتاعتنا ... زميلتنا يعني في منتدى المحاورات ؟

أصلها معقداني بنفس بؤين الفلسفة دول :D وتفسير وتكوير المعاني .. وبتحاول تقنع اللي قدامها عن طريق حشر الإقناع نفسه في دماغه لحد ما يقول .. خلاص سلمت أنا فرفرت .

جالة شوية برد ينام فى السرير ويفرفر

قصدك مين ؟

لو سمحتي مش عايزين تلقيح كلام :D

[nancy]

انا مقربش لحد هنا ومشتركة فى منتديات كتير بس بتفرج واتكلمت هنا لان الحوارات هنا تتميز بخفة الدم وانها ظريفة وجادة وموضوعية وبتحفزنى انى اقول راى الى فى مواقف كتير باحتفظ بيها لنفسى لما بقابل ناس عملة زى الجدار الاسمنت مش عوزة تسمع ولا تفهم انما هنا الوضع مختلف

انا لسة جديدة فى المنتدى ومش عوزة اتفلسف عليك يا سى السيد واسالك انت سميت نفسك سى السيد لية لانك كدة فعلا اوتتمنى تكون كدة ولا دة اسمك الحقيقى ولا بتحب الشخصة دى ولو بتحبها وبالنسبالك مثل اعلى فافتح الحوار فى موضوع جديد وابقى اقولك راى فية

وبالنسبة للفرفرة ساعة شوية البرد ولهى دى حقيقة وانا عملت استفتاء حولين الموضوع دة مفيش واحدة قالت لى ان جوزها او اخوها او اى راجل فى محيطها مش بيفرر من شوية برد مهما كانت قوتة :blush:

[MZohairy]

أنا بحب أكون مصري :blush:

سواء راجل أو ست

بس لو ست معتقدش في ست طولها 193 سم

تخيلوا يا جماعه (لسه واخد بالي دلوقتي)عمري ما اتكلمت في حياتي مع ست طولي أو أطول مني!!!!! :happy:

[سقراط المصري]

أنا بحب أكون مصري :sad:

سواء راجل أو ست

بس لو ست معتقدش في ست طولها 193 سم

تخيلوا يا جماعه (لسه واخد بالي دلوقتي)عمري ما اتكلمت في حياتي مع ست طولي أو أطول مني!!!!! :)

<{POST_SNAPBACK}>

دا انت لو كنت يامزاهري ست بالطول ده تبقى ست عود صحيح

B) :P :D :D :D :D :D