ماذا سنستفيد من خلاف روسيا مع تركيا ؟

[Scorpion]

ههههههههه نفسي لأشوف الفوائد اللي هتعود علينا لو تركيا مثلا تضررت هل روسيا هتدينا نورعينيها مثلا ؟؟؟

 

 

مصائب قوم عند قوم فوائد يا هيرو بك ..

زي ما هما عملوا اللاللي علشان ياخدوا السياح الروس بتوعنا عندهم بعد كارثة طيارة شرم الشيخ .. بشوية ذكاء الخناقة اللي بينهم و بين روسيا دلوقتي المفروض نستغلها في صالحنا ..

 

لو فيه مقاطعة فعلآ ففيه سياح المفروض نشتغل بكل ما اوتينا من حنكة علشان يرجعوا لمصر تاني و عليهم اللي مفروض كانوا يروحوا لتركيا ..

لو فيه مقاطعة فعلآ .. ففيه منتجات زراعية المفروض نقدمها كبديل للمنتجات التركية .. بس ما تكونش بايظة او مضروبة ..

 

فيه فرصة ذهبية قدامنا في اللي بيحصل دلوقتي المفروض تتعصر زي اللمونة و ما نضيعش اي نقطة منها ..

 

يبقي فيه و لا ما فيش فوائد و من غير هه هه هه هه ...

[herohero]

مصائب قوم عند قوم فوائد يا هيرو بك ..

زي ما هما عملوا اللاللي علشان ياخدوا السياح الروس بتوعنا عندهم بعد كارثة طيارة شرم الشيخ .. بشوية ذكاء الخناقة اللي بينهم و بين روسيا دلوقتي المفروض نستغلها في صالحنا ..

 

لو فيه مقاطعة فعلآ ففيه سياح المفروض نشتغل بكل ما اوتينا من حنكة علشان يرجعوا لمصر تاني و عليهم اللي مفروض كانوا يروحوا لتركيا ..

لو فيه مقاطعة فعلآ .. ففيه منتجات زراعية المفروض نقدمها كبديل للمنتجات التركية .. بس ما تكونش بايظة او مضروبة ..

 

فيه فرصة ذهبية قدامنا في اللي بيحصل دلوقتي المفروض تتعصر زي اللمونة و ما نضيعش اي نقطة منها ..

 

يبقي فيه و لا ما فيش فوائد و من غير هه هه هه هه ...

استاذي الفاضل ،انت شوفتنا في مرة عرفنا نستخدم الفرص اللي بتيجي لحد عندنا ؟؟؟ احنا استاذه في الفرص الضائعة 

الفرصة جميلة وجاهزة هل انت جاهز ؟؟؟  اضحكك كنت في مصر بجيب جزمة من عند حسن عبدة  لفت نظري شئ غريب الجزمة لقيتها مكتوب عليها صنع تركيا !!! فبسأل الراجل هو خلاص ما بيقناش نصنع جزم ،قالي يابيه الكعب بس اللي تركي انما الجزمة مصري؟؟؟  الكعب التركي لا يعلى عليه 

لبست الجزمة ام الكعب التركي والله ولا تفرق طب ليه بنضر منتجنا ؟؟؟

 

 

الاهم حضرتك تعاملت مع المنتجات التركية ؟؟؟ مش عارف حضرتك زرت تركيا ولا لا ؟؟؟

عموما في مصر ممكن تعرف رقم 1 في المفروشات والعرايس بتتجيب مفارش والحفة صناعة ايه ؟؟؟ حضرتك اكيد عارف براندات زي زارا وكوتن وغيرها ،لو روحت اسطنبول هتتصدم من روعة التصميم والمنتج الرائع والسعر الفظييييييييييع 

 

 

أتمنى اننا في مصر نقدر نستفيد بس بصراحه صعب ، روسيا وتركيا بيتخانقوا خناقة اتنين بلطجية احنا نقف نتفرج وفي الاخر راجعين لبعض لانهم واكلين سارقين ناهبين مع بعض 

تركيا محتاجه روسيا وروسيا محتاجه تركيا اللي بيحصل ده بس حركات قرعة 

 

تم تعديل 4 ديسمبر 2015 بواسطة herohero

[Scorpion]

خطوة و ان كانت متأخرة و لكنها في الطريق الصحيح

 

قالت شبكة روسيا اليوم الإخبارية، إن شركة "مصر للطيران" تقدمت بخطة سلامة للنقل الجوي إلى الوكالة الفيدرالية الروسية للنقل الجوي "روزافييشن"، طلبًا للموافقة على إعادة استئناف الرحلات الجوية المباشرة من موسكو للقاهرة.

وأوضحت الشبكة الإخبارية، أن "روزافييشن" تلقت برنامجا لأمن الطيران من مصر للطيران، مؤكدة أن الوكالة ستدرس البرنامج بعناية فائقة بالنظر إلى كل المخاطر والتهديدات.

وأشارت الوكالة الإخبارية إلى أن الوكالة الروسية لم تحدد المدة التي ستستغرقها لدراسة البرنامج، موضحة ما قاله "مكسيم سوكولوف" وزير النقل الروسي أمس الخميس، بشأن رغبة بلاده بإعادة رحلاتها الجوية إلى مصر، ولكن بشرط الاطمئنان إلى الأمن في المطارات المصرية 

 

 

[Scorpion]

أعلن المهندس طارق قابيل وزير التجارة والصناعة أنه يجري حالياً التنسيق مع الجانب الروسي والإماراتي لإنشاء منطقة صناعية روسية فى مصر بمنطقة شرق بورسعيد. ووفقًا لبيان للوزارة اليوم الأحد تلقى مصراوي نسخة منه، قال الوزير عقب عودته من دبي، إن المنطقة ستضم صناعة السيارات وبصفة خاصة الشاحنات الكبيرة والمعدات الزراعية بجانب معدات البناء. وأشار الوزير إلى أن وفداً من رجال الأعمال الروس سيقومون بزيارة للقاهرة منتصف شهر يناير المقبل لدراسة المشروعات التي يمكن إقامتها في هذه المنطقة. ولفت إلى أن شرم الشيخ ستسضيف مطلع شهر فبراير المقبل اجتماعات اللجنة المصرية الروسية المشتركة والتي ستبحث إقرار عدد من الموضوعات ذات الاهتمام المشترك بين البلدين. وقال الوزير إن زيارته لدولة الإمارات استهدفت عقد اجتماع موسع مع المسئولين الروس والإماراتيين حيث التقى مع دينيس مانتوروف وزير الصناعة والتجارة الروسي، وعبد الله بن زايد وزير الخارجية الإماراتي، وسلطان الجابر وزير الدولة الإماراتي. وأضاف أنه تم خلال اللقاء بحث إقامة مشروعات روسية على أرض مصر باستثمارات مشتركة من خلال صندوق الاستثمار الإماراتي الروسي والذي تم الاتفاق على إنشائه مؤخراً، موضحًا أنه جاري الاتفاق على آلية تمويل الصندوق وذلك بالتنسيق مع بنكي الأهلي ومصر عن الجانب المصري. ونوه الوزير إلى أن المباحثات مع وزير الصناعة والتجارة الروسي تناولت عددًا من الموضوعات على رأسها استعدادات الجانب الروسي لإنشاء مركز لوجستي لتخزين وتداول القمح في مصر وللتصدير للدول المجاورة. ونبه إلى أنه تمت أيضًا مناقشة إنشاء مصنع لتجهيز القمح بجانب أهم الصناعات المقترح إنشاؤها داخل المنطقة الصناعية الروسية، هذا فضلاً عن التعاون بين الجانبين في مجال بناء السفن لاستخدامها في نقل الركاب بين مدن البحر الأحمر. وأشار قابيل إلى أن المباحثات تطرقت أيضاً إلى التنسيق بين الجانبين المصري و الروسي لتيسير تصدير الحاصلات الزراعية المصرية خاصة البطاطس والبرتقال إلى السوق الروسي. كما طالب الوزير الجانب الروسي بضرورة أن يتم السماح بتسجيل جميع منتجات الألبان المصرية وليس الأجبان فقط من الجانب الروسي. وأوضح اهتمام مصر بسد احتياجات السوق الروسي خاصة من المنتجات التي كانت يتم استيرادها من تركيا للسوق الروسي، وذلك في ظل القرار الروسي بوضع قيود على الاستيراد من تركيا حيث تتمثل أهم الواردات التركية للسوق الروسي في الخضروات والفاكهة بنسبة 66 بالمئة، يليها الملابس والجلود. وفي هذا الصدد، أكد قابيل أن مصر لديها الإمكانات لتوريد هذه المنتجات خاصة وأن مصر لديها طاقات تصنيعية هائلة في هذه القطاعات، مطالبًا الجانب الروسي بموافاة مصر بقائمة تتضمن أهم واردات روسيا من تركيا. ونبه إلى أنه يطلب هذه القائمة حتى يتسنى دراسة إعداد زيارة للمستوردين الروس لمصر لزيارة الشركات المصرية المنتجة وعقد اجتماع مع المصدرين المصريين لبحث سبل التعاون بين الجانبين وتوفير كافة احتياجات السوق الروسي من تلك المنتجات خلال الفترة المقبلة. وأوضح قابيل أن التعاون مع روسيا في مجال إنتاج السيارات وبصفة خاصة الشاحنات للسوق المحلي والتصدير إلى أفريقيا يعد من المجالات الواعدة للاستثمار المشترك بين البلدين خاصة أن مصر لديها قاعدة جيدة من الصناعات المغذية في هذا القطاع. وشدد على حرص الحكومة المصرية على دفع العمل في اتجاه تسهيل نمو الاستثمارات المشتركة مع روسيا والإمارات بما في ذلك منطقة محور قناة السويس وجعل المنطقة الصناعية الروسية نموذجاً ناجحاً للاستثمار بتلك المنطقة، والعمل على معالجة المشاكل التي تواجه المستثمرين. وطمآن قابيل الجانبين الإماراتي والروسي من ناحية توافر الطاقة وانتهاء أي اختناقات في توفيرها منذ بداية نوفمبر 2015 بفضل الانتهاء من التجهيزات التي أعدت بميناء السخنة لاستقبال الغاز المسال، وأنه لن يكون هناك مشكلة في الطاقة مع نهاية 2017 حيث سيبدأ إنتاج حقل الغاز الجديد في البحر المتوسط.

 

[herohero]

عارف استاذ Scorpion  مشكلتنا في مصر اننا بندير كيانات المفروض انها اقتصادية  بعقلية القطاع العام ، أنا مقتنع ان مصر واي دولة في زماننا الحالي هي شركة عندها شوية منتجات  والمفروض رئيس الدولة Sales Manager والوزراء ورؤساء الهيئات الاقتصادية دول Account Managers وشوية مساعدين لهم Sales Representative 

 

ماحدث  بين روسيا وتركيا  في نظري هو صراع ورائه أمريكا وصراع نفوذ في المنطقة ، لكن هناك  Lead ان نكون احنا بديل لتركيا لدى روسيا طيب عشان Lead ده تبقى فرصة Opportunity محتاجين نشتغل صح منتجاتنا تبقى جاهزة نطلع عينات منه ساعتها لما تبقى انت كده أضمن لك ان ال Opportunity هتتقلب بكل بساطة الى ( Purchase Order (PO

 

صدقني لو تعاملنا باسلوب المبيعات في مالدينا من آثار وسياحه ومنتجات زراعية وصناعية ممكن نبقى منافسين بل متصدرين على دول كثيرة 
--------------------------

على جنب بقى عشان اعرف انافس كويس لازم اعرفه اللي عاوز انافسه عنده ايه وظروفه ايه 
وبما ان حضرتك ذكرت تركيا ،لا أعلم ان كنت زرتها أم لا . انا لسه جاي من هناك من اسبوعين ( كنت بتلقى طبعا ارشادات من التنظيم الدولي  :afr: )

وكان الزيارة عبارة عن دورة تدريبية لاحد الشركات التقنية ( الناس زهقت من دبي فقال تعالوا ع اسطنبول ) ، دبي أفخم وبتلمع بس بلاستيك ،اما اسطنبول ومن غير زعل زي القاهرة بس بصراحه متلمعة 

الشوارع  زي مصر والزحام فظيييييييع لكن هناك نظام يعني المترو زي مصر مش فخم زي بتاع دبي ،لكن كل العربات بها كاميرات مراقبة ونظيفة وطبعا الشوارع نظيفة ازاي معرفش  . موضوع تذكرة المترو اللي بتكرهني في عيشتي في مصر (محطة غمرة والدمرداش ) هناك ماكينة بتاخد منها التذاكر دون تدخل بشري 
هناك شبكة مواصلات عامة متكاملة (باص - متروباص - مترو -ترام ) وطبعا تاكسيات ، سعر لتر البنزين لو لم اكن مخطئ 9ليرات = 11 ريال سعودي 

 

لكن اسعار المواد الغذائية زي السعودية !!!! الملابس هناك تحفة بمعنى الكلمة والمفروشات تحفتين ، نصف السعر في السعودية وبالتالي في مصر 

 

مطار اسطنبول الدولي ( كراسي لذوي الاحتياجات الخاصة كهربائية - متوافر وحدات صدمات كهربائية للقلب - خدمات تقنية ممتازة )

 

السياح في تركيا أكثر من مصر طب ع ايه ؟؟؟ انا هناك لم ارى اثار تقارن باللي في مصر صحيح ف كم مكان حلو سياحيا (البسفور -جزيرة الاميرات ) لكن مقارنة بما لدى مصر لايساوي شئ 

 

الخلاصة لو مصر تعاملت بما لديها بفكرة الشركة اللي تهدف للربح صدقني هنحقق كثير اووووووووووووي
 

[Scorpion]

 سعر لتر البنزين لو لم اكن مخطئ 9ليرات = 11 ريال سعودي 

 

 

 

يعني كام جنيه مصري ؟

[herohero]

يعني كام جنيه مصري ؟

سعر تذكرة المترو 4ليرات ،الليرة التركية =1.30 ريال = 2.60 جنيه 

 

يعني تذكرة المترو = 10جنيه ،ولتر البنزين = 20 جنيه !!!!

والصدمة بقى ان سعر الاكل زي السعودية ،  والمعجنات والحلويات أرخص !!!  طب ازاي ومفيش دعم ؟؟؟ 

 

هنا ده اللي عجبني في التجربة التركية ،انسى اردوغان . انا بتكلم ع نموذج اقتصادي شايفه مقبول جدا ، يعني نفس الاكل باكله في الرياض بنفس السعر في تركيا ولكن سعر البنزين ف السعودية اللتر ب نص ريال !!!

[Scorpion]

بصراحة انا مش فاهم ليه بتتحط السعودية في المقارنة من اساسه ..

انا في الموضوع ده بتكلم عن فكرة بسيطة .. ايه اللي ممكن تستفيده مصر ؟

قلت انه من الممكن استخدام الخلاف الروسي التركي في العمل علي جذب السائح الروسي بل و اخد حصة من نصيبهم هما كمان .. و حطيت خبر قيام مصر للطيران ببادرة في هذا السبيل

قلت اننا ممكن نزيد بعض الصادرات الزراعية لروسيا .. و حطيت خبر عن لقاء وزير مصري مع نظيره الروسي في هذا الصدد برضه ..

يعني الموضوع ما بقاش بس امنيات و لكنه اترجم لخطوات علي ارض الواقع فعلا...

 

ايه بقي علاقة كعب الجزمة التركي و الريال السعودي و و مش ناقص غير اغنية عبد الحليم بتاعت طريقك مسدود مسدود يا مصري ...

السعودية حلوة و تركيا جميلة ... و مصر برضه مش أقل منهم ....

شوية تفاؤل من فترة للتانية عمرهم ما حيضروا ..

[herohero]

 

بصراحة انا مش فاهم ليه بتتحط السعودية في المقارنة من اساسه ..

انا في الموضوع ده بتكلم عن فكرة بسيطة .. ايه اللي ممكن تستفيده مصر ؟

قلت انه من الممكن استخدام الخلاف الروسي التركي في العمل علي جذب السائح الروسي بل و اخد حصة من نصيبهم هما كمان .. و حطيت خبر قيام مصر للطيران ببادرة في هذا السبيل

قلت اننا ممكن نزيد بعض الصادرات الزراعية لروسيا .. و حطيت خبر عن لقاء وزير مصري مع نظيره الروسي في هذا الصدد برضه ..

يعني الموضوع ما بقاش بس امنيات و لكنه اترجم لخطوات علي ارض الواقع فعلا...

 

ايه بقي علاقة كعب الجزمة التركي و الريال السعودي و و مش ناقص غير اغنية عبد الحليم بتاعت طريقك مسدود مسدود يا مصري ...

السعودية حلوة و تركيا جميلة ... و مصر برضه مش أقل منهم ....

شوية تفاؤل من فترة للتانية عمرهم ما حيضروا ..

 

مممممم

هقول لحضرتك العلاقة العلاقة ان بتكلم من واقع مش كلام درامي الافاضل اللي ف مصر بيتكلم وهو مايعرفش ولسه هيشوف المستهلك الروسي هيتقبل المنتج ولا لا ،لما قولت الريال السعودي يعني بقول لحضرتك قدرة المنتج التركي ع المنافسة ولما قولت لحضرتك كعب الجزمة التركي انت في مصر بتستورده يبقى ازاي انت اصلا هتنافس تركيا ف الجلود ؟؟؟؟ ولما جيبت سيرة السعودية لان حضرتك السعودية مش بتستورد منتجات غذائية من مصر بنفس الكم من تركيا وده انا مجربه لان عايش ف السعودية 

 

ولما قولت لحضرتك ع المنسوجات ( جهاز العرايس ) لان في مصر لو انت بتنزل مصر ومحتك هتعرف ان رقم 1 الحاجات التركي يبقى ازاي انا كمصر بستورد من تركيا مفروشات وتقول ليا عاوز احل محل منتجات  تركيا في روسيا !!!!

 

 

كلامي بسيط يفهمه الناس اللي بتشتغل ف البزنس والماركت ولما قولت لحضرتك Lead  ده بتعبر عن الواقع اه ف خطوات اتخدت بس هل تضمن ان المستهلك الروسي هيقبل ع المنتج المصري 

ولما اتكلمت عن تركيا بتكلم من واقع تجربة مش عاوز اقول لحضرتك فرق الضيافة والمعامله Hosptality 

استاذي الفاضل التفاؤل والكلام ده هو الي عاوز اغنية عبد الحليم وماسك الهوا بايديا 

انا لست متشائما ولم اقل ان تركيا ولا السعودية احلى لما جيبت سعر لتر البنزين بكل بساطة كنت عاوز اوصل لحضرتك ولاي حد فاهم في البزنس ان الحجه العبيطة عندنا ف مصر ان رفع سعر البنزين والطاقة بيرفع سعر السلعه اهو نموذج حي ف تركيا شوفته بنفسي  وعندي بلد زي السعودية الطاقة عندها رخيصة والاسعار اغلى من تركيا ف الاكل 

 

 

كلامي ليس تشاؤمي لكنه كلام واقعي 

 

الفرصه موجودة لمصر الآن وعلى راي اللي بيقول ( الميدان يا حميدان ) والملعب جاهز انزل والعب 

 

الفرصة لو تم التعامل معاها بأسلوب الحكومة الروتيني التقليدي ،للاسف هتضيع زي ماضاع غيرها 

تم تعديل 4 ديسمبر 2015 بواسطة herohero

[Scorpion]

طيب

[herohero]

طيب

بص يا استاذ Scorpion انا والله العظيم نفسي ابقى حالم وطامح وشايف الدنيا وردي ،بس ما ينفعش الواحد اتعود ان الكلام الحلو لوحده مش كافي بينفع ف شغل الحكومة ف مصر والتطبيل انما اي مسئول بيطلع يتكلم 

يقول ليا Business Plan بتاعته ،ونشوف هيعمل ايه ، نفسي مرة نستغل فرصة صح  

[tarek hassan]

بعض النكسجية من المعجبين بالبهلول حرامي تركيا اللي دايرين يسوقوا للسياحة في تركيا ويتحدثون عن الاقتصاد التركي وجمال اسطنبول

وفي نفس الوقت مش شايفين حاجة كويسة في بلدهم أبدا وبيظهروا المساويء ويسوقونها 

هذه هي الدعاية السوداء من أدعياء الحرص على المصلحة وهم كثر والقطيع المتابع أكثر 

أقول لهم قول جبران

إذا كنت لا ترى غير ما يكشف عنه الضوء

ولا تسمع غير ما يُعلن عنه الصوت

فأنت في الحقيقة لا تبصر ولا تسمع

مع إن العالم يرى مصر أفضل بكثير من تركيا

واجب أن يفهم الناس خصوصية السياحة في مصر من طبيعة وأصالة تتميز بها مصر

[herohero]

 

بعض النكسجية من المعجبين بالبهلول حرامي تركيا اللي دايرين يسوقوا للسياحة في تركيا ويتحدثون عن الاقتصاد التركي وجمال اسطنبول

وفي نفس الوقت مش شايفين حاجة كويسة في بلدهم أبدا وبيظهروا المساويء ويسوقونها 

هذه هي الدعاية السوداء من أدعياء الحرص على المصلحة وهم كثر والقطيع المتابع أكثر 

أقول لهم قول جبران

إذا كنت لا ترى غير ما يكشف عنه الضوء

ولا تسمع غير ما يُعلن عنه الصوت

فأنت في الحقيقة لا تبصر ولا تسمع

مع إن العالم يرى مصر أفضل بكثير من تركيا

واجب أن يفهم الناس خصوصية السياحة في مصر من طبيعة وأصالة تتميز بها مصر

 

استاذ طارق معرفش حضرتك طلعت بره مصر ولا لا؟؟ هل حد قال لحضرتك ان مصر محتاجه حملات تنشيط او تعريف بها ؟؟؟ اتحداك لو محدش بره يعرف مصر بحلوها وبمرها 

 

استاذي انت عندك سلعه ( السياحه ) بايعة نفسها بس تقول ايه لما يكون البياع مش شاطر معاه منتج ممتاز بس اهو ع اده مش عارف يبيع 

 

حضرتك كلامي ولا بمدح فيه ولا بقبح فيه ، كلامي كلام اللي شاف وبينقل ومش عيب لما نعالج أخطائنا وحضرتك بتتكلم كلام مواضيع التعبير ،حضرتك بتتكلم وتقول العالم عارف قيمة مصر وده حقيقة منتهيين منها بس اللي يمكن حضرتك ماتعرفهوش ان عندك مكان زي دبي بلاش تركيا ،الامارات مننا وعلينا اتفرج ع السياحه اللي بتيجي لها ع الرغم ان لا ف طبيعة حلوة ( رطوبة وحر ) ولا في اي عوامل جذب تقليدية ؟؟ تعالى شوف ارقام السياحه لتركيا وانت تعرف 

 

كلامي كله كان واضح جدا تركيا ماعندهاش اثار ولا تاريخ جميل زينا بس بتسوقه صح طب ليه ؟؟؟

حضرتك تروح آيا صوفيا الي في نظري ولا حاجه جنب اللي عندنا تلاقي الامور منظمة ومفيش متسولين وحد يضايقك ولا يستغلك كسائح

 

هو حضرتك فاكر ان السائح مش بيضايق من الناس الطفيلية ؟؟؟ مش عارف حضرتك جربت تشوف Trip advisor شوف اراء الناس في الفنادق المصرية 

 

عاوز تحل وتعالج لازم تعرف رأي الاخرين ايه ، انما حته البيع بالعافية والكلام بتاع مواضيع التعبير ده مش بيجيب أرقام

 

استاذ طارق ، بياع شاطر وناجح = أرقااااااااااااام 

 

ماينفعش تدير السياحه بفكر موظف الحكومة اللي ع الدرجه الرابعة وعايش ع المعاش اللي هياخده ع 60 

 

ههههههه السياحه صناعة عاوزة ناس محترفين 

 

اللي بيحب هو الي بينقد ،انما اللي بيطبل وبيزيط ده صوت ع الفاضي ولا بيقدم ولا بيأخر والنتيجه اهي مش شايفين حلول 

 

وعشان نخلينا في الموضوع ،ادي الفرصه جت للمنتج المصري ،اكتسح السوق الروسي يابطل 

 

والملعب جاهز ومفتوح 

 

 

تم تعديل 5 ديسمبر 2015 بواسطة herohero

[herohero]

إلغاء تركيا عقود استيراد الغاز من روسيا، سيجعلها تعتمد على استيراد الغاز المسال من قطر.

 

 

المهم هنا هو أن الغاز القطري المسال المتجه لتركيا سيمر عبر قناة السويس. مما يُفترض أن يعني

 

 

دخل اضافي كبير لقناة السويس.