حب .. فزواج ... فطلاق بالثلاثة !!!

[صفاء]

ممممم

الحب ده موضوع كبير قوى ..

فى حب من أول نظرة ..

وفى حب بعد عداوة ..

وفى حب أعمى ...

وفى حب نتيجة العشرة ...

انما يا ترى فى بجد حب عالنت ؟؟؟؟؟؟

مشكله بتصادف كتير واتكلمنا عنها كتير

النهارده انا هاتخيل قصة حب نتية بحتة وبلغة النت اللى كلنا عارفينها .. تعالوا نشوف

دى قصة اتنين حبوا بعض على النت واتجوزا و اتطلقوا

جزء الحب

بعد التعارف على النت قرروا يتقابلوا

حبيبى انت جيت ..

ايوة يا حبيبتى امال خيالى .. انتى مش شايفة اسمى اون لاين ؟ يبقى انا جيت

ده سؤال يا سوسو ؟

آسفة يا توتو .. اصل فرحتى بظهورك طيرت عقلى

ها ...قوللى بقى

عملت ايه امبارح اما خرجت انا اوف لاين ؟

معملتش حاجة ابدا

قعدت فى رووم اسمع اغانى

آه , واظن الست دلوعة كانت موجودة

وحياتك كانت موجودة بس عملتلها بلوك

ممممم

يعنى مكلمتهاش

لا

ولا حتى هاى

لا هى سلمت عليا فى الرووم قبل ما اعمللها بلوك و انا قلتلها برب

اها

طب كويس

يا ريت تعمللها ديليت خالص من الليست

عينيه يا حبيبتى انتى تؤمرينى بس

الجزء الثانى الجواز

أخيرا يا حبيبتى اتجوزنا و اتقفلت علينا رووم واحدة

ايوة يا حبيبى أخيرا

بس مال الصوت بيقطع هنا ليه ؟

يا ستى واحنا هانعوز الصوت فى ايه

اعملى ميوت

ههههههههه

على رأيك...

باقوللك ايه ؟

ها

عملتى باس وورد للروم , احسن نلاقى الناس جاية ورايحة علينا

اطمن عملت باس وورد طبعا و لا يهمك

بعدين انت بقيت آدمن البيت

يعنى اى حد مش على مزاجك

باند على طول

يوم الطلاق

انتى يا ولية ..

ولية !!!

أنا ولية ..

انت ناسى أد ايه حفيت عليا فى الروومات و الماسينجرات ؟

ان كنت ناسى افكرك

كان يوم اسود ياختى يوم ما عملتلك آد "add"

يا ريتنى كنت برب"brb" و لا ديس كونيكت مكنتش شفت خلقتك

نعم نعم

مالها خلقتى .. مش كنت بتموت عشان تشوفنى على الكام

وكل شوية تقوللى فين كامك " الكاميرا"

كنت أعمى و أضبش و أطرش .. ارتحتى !!

يا خاين يا غدار

يخونك اللى بيننا؟

ده احنا بيننا روومات و هىء ومىء و دوت و كوم "dot, com"

يخونك الإنفيتات اللى كنت بابعتهالك عشان تبقى جنبى فى الروومات

خلاص نسيت الإيميلات و السهرات

انت أكيد فى مخك فيروس عاوزلك فورمات

بقى يرضيكم ياهووووووووو

ياخدنى أون لاين

يرمينى أوف لاين

منك لله

من النهاردة انت إنفيزيبل فى حياتى

وانتى ريموف بالتلاتة ...

ـــــــــــــــــــــــــــــــــــــــــ

تفتكروا حب النت أو الحب من خلف الشاشه ده .. فعلا بيكون مصيره كده ؟

رأييى انا .. انه حب بتساعده عوامل كتير

أهمها الخيال و القدرة على الكذب أو التجمل بلغة أخرى

وطبعا مننساش لوحة المفاتيح و الرموز التعبيرية

أحب اسمع منكم .......

[سقراط المصري]

دكتوره صفاء

طبعاً انت بتتكلمي عن الحب بين البنت والشاب ، اللي المفروض ممكن تكون نهايته الزواج.

اعتقد انا انه حب " كاذب" او وهمي ، وصعب تحقيقه .

فيه حب من اول نظره ، واللقاء او المعرفه بالشخص تثبت الانطباع او تلغيه ، وبالتالي يكون او لا يكون الزواج.

اما حب النت ، فهو حب الأذن ، اي ان البنت قد تنساق مع من يعطيها او يكتب لها كلام حلو وجميل او بالبلدي " معسول".

اما الشاب ، فهو بالنسبه له مغامره او مجال لإخراج مواهبه ، وبيعتبر كل نجاح يحققه مع الطرف المقابل ، ثقه في نفسه وقدراته .

وبالتالي يجتمعحب الاذن والكلمات مع حب اثبات الذات والقدره على المهاره " الكلاميه".

وطبعاً الزواج ليس كلام ولكنه افعال.

وبالتالي ففرصه الحب على النت قد تكون موجوده بالفعل ، ويضاف اليها رغبة البنت في الاستماع ورغبة الشاب في العطاء واثبات الذات.

وقد تناقش على النت تفاصيل بيت الزوجيه والاساسيات والكماليات ، ولكن المناقشه والاتفاق شىء ، والتطبيق العملي شيء اخر.

كما ان الشاب والفتاه يقدموا كل جميل عندهم في الحوار والمناقشه وك1لك تبادل الايقونات ، ولكن العيوب الشخصيه والعادات السيئه ليس لها مجال او محل على النت.

وعليه ففرصه الحب قد تحدث بالفعل على النت.

وقد توجد ايضاً فرصه للقاء الشخصي بعد تلك المرحله ، ونجاح او فشل ذلك اللقاء ، يتوقف على محاوله كل طرف ، عدم كسر الصوره التي في مخيلته عن الطرف الاخر ، بل يبحث في اللقاء على كل شيء يثبت ويتلائم مع الصوره المبنيه في الذكره من النت ( يسمى هذا في العلم بنظرية التنافر المعرفي..... للعالم فستينجر).

وعليه ففرصه اللقاء بعد النت قد تحدث ، وقد يكتب لها النجاح.

واذا استبعدنا الخلافات الاسريه التي قد تعيق عمليه الزواج ، فإنه يمكن ان يحدث زواج.

ولكن

إذا كان الزواج من على النت قائم على صور ذهنيه عن الاخر وكلام حلو وجميل ........ فمصير الزواج الفشل ولاسباب كثيره معروفه ، ويضاف إليها حدوث عامل الشك في الطرف الاخر ومن كلا الطرفين.

لاشك ان توجد بعض الاستثناءات التي من شأنها ان تنجح عمليه الحب والزواج عن طريق النت ، ومنها وعي واحتياج الطرفين للاخر ورغبه اساسيه في تكوين اسره ....... مثال: المغتربين والمغتربات خارج مصر وبحاجه لتكوين اسره صالحه بشرط ان يكون الطرف الاخر مصري او مصريه ....... هنا مع العيشره يحدث تفاهم ونجاح للزواج.

اما العبث فيؤدي الى:

حب..... لقاء........ قطع علاقه

حب.... لقاء ......... توقف العلاقه بسب مشاكل اسريه او شخصيه

حب.... لقاء........ زواج .............. شك

تحياتي

سقراط

تم تعديل 14 نوفمبر 2005 بواسطة سقراط المصري

[الرافعي]

د. صفاء

الموضوع يختص بالحب والزواج عن طريق النت، وبالتالي أرى فصله عن الزواج العادي نظراً لطبيعته الخاصة

وأعتقد أن ذلك إن أمكن وقوعه، فلعله في الغرب أكثر وأقرب للحدوث من منطقتنا

[ahmedbd]

مفيش حاجه بعيده على ربنا

و فى زمنا ده كل شىء جايز

:lol: :wub: :angry2:

[ELSHARIF]

كان فيه حاجة زمان إسمها " حب الشبابيك" لما الواحد كان يحب جارته اللي في البيت اللي أمامه من خلال الشباك

لكن تم تعديله في عصر الكمبيوتر و النت لحب " windows xp "

و حب " الشات من أول نظرة"

تم تعديل 15 نوفمبر 2005 بواسطة ELSHARIF