كل سنة و أنت طيب يا سي السيد

[مصرية الهوى]

لا فُض فوك يا أخ العرب !!

ما هذه الدرر التي تتقاطر من فيك كتقاطر الماء من في السقاء ..!!

آمر لك بجائزة عظيمة .. هي 100 ناقة .. تأخذها وتعود إلى مرابع قومك وعشيرتك .. !!

أين أنت يا امرؤ القيس .. الحمد لله إنك تحت الثرى .. والا كنت انتحرت ..

دنتا يا امرؤ القيس .. طلعت حيا الله ..

واحنا فاكرينك شاعر العرب الذي ليس بعده !!

ده مبقاش عيد ميلاد .. ده بقى سوق عكاظ :)

بس عندي سؤال :

تدفق فى البطحاء مبارك بعد تبهطل

البطحاء دي هي البطحاء بتاعتنا ... قصدي بتاعت الهنود اللي عندنا :)

[هادي]

أنا كنت بأقلب في المحطات

لقيت (صوت العرب) بتذيع الخبر

الحقيقة مقدرتش أمسك نفسي

يادووب

سلت إيدي من فُم الغسيل

(أصلي أسد ف البيت ما تفكرش حاجه .. معلش احنا بنتكلم)

وطرت ع الراديو

وعليت الصوت ع الاخر

الخبر حقيقي ياولاد

الدمعة كانت هتفر من عيني

لأ

دي فرت فعلا

أخيرا يابو السيد

عشت وشفت اليوم ده

أخيرا شفتك بلغت مرحلة الكهولة

والشعر الابيض الجميل فوق حواجبينك

وكمان ف سوالفك زي صلاح ذو الفقار ف فيلم العزيمة

أنا مش مصدق نفسي يا مان

هاطير من الفرح

ولا تلاتين السليمانية ولا ستين الملز ولا أي شارع هيساع فرحتي

(روح باتشي بتاع شارع العليا وسيبك من السمك

وابعت للمحاج حلاوة فاتورة تسد عين الشمس

شد ما تتكسفش .. دول بتوع لحمة يابا)

وبعدين سمعت القصيدة الجنان الاوريجينال

الحقيقة ..

مش عارف

اهنيك ولا أهني نفسي و لا أهني الشعوب العربية

ده حلم تلاتين مليون مصري (حسين رياض ضعيف ف الحساب)

أخيرا يا بو احمد

قصدي يابو عمر

هناكل تورته ونبر نفسينا

الف شكر

الف شكر

الف شكر .. متشكر أوي

قصدي

الف مبروك

لكن تعرف اللي قطع فيا بجد

انك مبعتليش دعوة

آه

دعوه ترفع راسي وسط اصحابي البيئة

إلا ماحد منهم عمل طهور عيل من ساعة ماجيت كندا

إيه مش هتطاهروا العيال كمان !!!

ماشي

عموما ربك بيسترها مع الغلابه

ومستني حتة الطورطة بتاعتي

من بيت الكلاوي الله يسترك

ورغيف رز

ودي بقى قصيده صغنونه سرقتها من بيت القصيد

يارب تعجبك

تصدَّر للتدريس كلُّ مهوَّسٍ * * * بليدٍ تسمَّى بالفقيه المدرِّس

فحق لأهل العلم أن يتمثَّلوا * * * ببيتٍ قديمٍ شاع في كلِّ مجلسِ

لقد هَزُلت حتى بدا من هُزالها*** كُلاها وحتى سامها كل مفلس

لو ما استلمتش التورته

تبقى هزلت خالص

مبروك يابو الذوق

[se_ Elsyed]

شكراً على القصيدة العصماء دي يا سكوب ..

بس إنت متأكد إنك كنت كاتبها لي مخصوص ؟

أصل كل معانيها واضحه بالنسبة لي .. إلا صدر البيت ده ..

تدفق في البطحاء مبارك بعد تبهطل

وسألت نفسي ... طب أنا إيه علاقتي بمبارك ؟

وهو ورانا ورانا حتى في يوم مفترج زي ده ؟

ولا تكونش يا لئيم عامل قصيدة مطاطة ؟

يعني عيد ميلاد تمشي ... مدح في الريس تمشي ... وكده يعني

وبعدين على رأي جيجي .. مالقيتش إلا البطحا تمشيني فيها وإنت عارف إنها زحمة موت .. خصوصاً يوم الخميس والجُمعه ؟

ما عندك العُليا ... عندك حي السفارات .. ولا هما كده المصريين يموتوا في الزحمة ؟

أنا قررت إن ألحنها وأبقى أقعد أغنيها لليعال قبل ما يناموا ..

وكمان بأطالب وزير التعليم يدرسها لعيالنا في إبتدائي بدل قصايد صلاح عبد الصبور وأمل دنجل .

[mb14]

كل عام وانت بخير يا اخى العزيز وان شاء الله تكون بخير دايما وتحتفل بعيد ميلادك انت واحباءك

يا سلام يا س س عيد ميلادك دى مناسبه عظيمه فعلا علشان كدى احد اعظم شعراء المحاورات اعلن عن ظهور اول معلقاته فى هذه المناسبه الطيبه .

[Scorpion]

يا جدعان ... هي مدام سلوي ( ربنا يسامحك يا ست الكل ) اللي فتحت عينيكم علي النقطة دي ... عالعموم يا ابو السيد شوية نقط نحطها عالحروف علشان ما نروحش في ابو نكلة ....

أولآ : فكرة القصيدة مش بتاعتي من أساسه ... الشاسيه موجود في الفولكور المعلقي .. أما الحشو و الموتور و بقية الحاجات فأنا كل اللي عملته اني طورت فيهم بأسلوب العصابة ..( و هما فاهمين و أنا فاهم )..

ثانيآ ... أول بيت (زي آخر بيت اللي ماحدش فهمه كويس) .. كتبتهوملك علشان واحد انت بتعزه زي عيونك ... و لو ركزت أكتر في الكلام .. حتشكرني ...

ثالثآ : يعني مسكتلي زيهم كلهم في العصيدة اللي قلبت عيد ميلادك لسوق عكاظ بجد ... و ما قولتليش حتي ثانكث علي الهدية اللي قطعت نفسي ...

معلهش ... ما أنا طول عمري الحيطة المايلة بتاعتكم .. انا اللي بغسل و اطبخ و امسح و اكوي و عامل زي الخدام اللي اشتراه المرحوم ... ( حد شاف الفيلم ده ؟؟؟ <_< ) ايه ده انا سرحت ...

عالعموم انا لسه في حالة أعتصام و بطالب بأيقونات جديدة في المحاورات ...

مش عايزين لية و لا فخد .. كل اللي عايزينه ايقونات ورد

[se_ Elsyed]

هديتك وصلت يا معلمه .. وربنا يعلم اللي في قلبي

ياما نفسي يا واد يا سكوب تُقع تحت إيدي في يوم من الأيام

يا نهار أبيض يا جدعان ... ده أنا هاعمل فيك عمايل ... إن ما خليت راسك دي لوحة سيريالية يا أبو السكابيب

[abofasad]

ايه حب الناس ده يا سين سين

كل واحد عيد ميلاده ياخد صفحة واحدة بس

انما انت (اللهم لا حسد) واخد اربع صفحات بالتمام والكمال

هو عيد ميلاد والا مولد يا سي السيد

تحياتي وكل عام وانتم بخير وصحة وسعادة

أبو فصاد والعائلة

[bentmasria]

مفيش غير عيد ميلادك ياجميل اللى يجمع من الحبايب الف اللهم لا حسد

كل سنة وانت بكل خير وصحة وعافيه وربنا يطمنك على اولادك وكل اللى بتحبهم يارب

انا اتاخرت شوية سامحنى بس والله كان نفسنا نيجى نهنى بنفسنا(راسمين على غدوة انا والواد ابنى )

مليون مبروك وكل سنة وحضرتك طيب

:ninja: :wub: :P ;)

مادا وماما

[se_ Elsyed]

ايه حب الناس ده يا سين سين

<{POST_SNAPBACK}>

يا عم أبو فصاد القلوب عند بعضها ... وربنا يعلم حُبي للجميع هنا .

مليون مبروك وكل سنة وحضرتك طيب

وإنت طيبه وحماده يلعب .. قصدي حماده بخير يا أم محمد .

نداء إلى فيولين كنج ... نداء إلى الأشكيف الصغير فيولين كنج القاطن بدير الألمونيوم والشهير بوليد ...

هاتلي يابني أسماء الناس اللي ما سجلتش في سجل التشريفات أما نشوف ظروفهم إيه