سؤال بسيط

[مفروس]

السلام عليكم جميعا

بالرغم من فرستي من كل اللي بيحصل حوالينا ولكني كنت سعيد جدا لما وصلت لهذا المنتدى...

لانه بيفكرني بمنتدى مماثل كنت عضو فيه من حوالي 3 سنين...

بدأ في الويب سايت بتاع أخبار اليوم المأسوف عليه... و بعدين انتقل لمنتدى المصريين...

و مش عارف اذا كان انتقل لهنا في النهاية ولا اندثر زي كل حاجة حلوة في بلدنا المحروسة في هذا العصر المبارك...

أنا شايف اسم الأفوكاتو هنا...وهو كان من السماء اللامعه في هذه المنتديات المرحومة...فهل هو نفسه ولا حد تاني؟؟

و هل هناك أي حد من رواد المنتديات دي هنا تحت نفس الاسم أو أي اسم تلني؟؟؟

أتا شخصيا كان اسمي الدكتور هناك بس حد سبقني وأخد الاسم ده هنا فحلال عليه :D

و الغريبة ان شخص تاني أخد اسم hadidy و هو اسم عيلتي اللي كنت حاختاره هنا برضه...

شفتو بقى سبب فرستي؟؟؟ :sad: :wub: :)

عموما ياريت لو فيه أي حد من الأعضاء القدامى في المنتديات السابقة يبقى يديني مسد :blush:

و يا رب المنتدى الجميل ده يكمل و ما تحلش عليه البركة زي اللي قبله...

و السلالالالالالالالالالالالالالالالالالالالالالالالالالالالالالالالالالالالالالال

ام

[se_ Elsyed]

أولاً مرحباً بك يا مفروس

ثانياً منتدانا كان تابع لجريدة الوفد ... لكن الحمد لله تخلصنا من الأتحلال وإتحررنا وحصُلنا على الإستقلال ..

ثالثاً : بإذن الله منتدانا موجود بعقولنا وقلوبنا جميعاً .. فهو ليس مسئولية شخص بعينه . ولكننا جميعاً مسئولين عنه وعن إستمراره إلى ما شاء الله .

[الأفوكاتو]

عزيزى المفروس,( الدكتور سابقا)

مرحبا بك هنا, و حمد الله بسلامة الوصول.

و أنا هو من ذكرت, و ظللت فى المنتدى بعد ن هجره بقية الأعضاء, إلى أن أصبحت الوحيد الذى يدخله, لمدة سنة,

ثم نجحت فى إحيائه لمدة خمس أسابيع, و لكن إبن جحا, مدير المنتدى , أعلن أنه , لظروف خاصة, سوف يختفى نهائيا.

و مات منتدى " المصريون" منذ ذلك الوقت.

و قد إستقر الأخوة الطفشان, و الدكتور رجب, و أرابيسك , والدكتورة عبلة, و آخرون هنا, و لكن الدكتورة عبلة إعتزلت, و أختفى الأخ الطفشان, و مازال الأخ أرابيسك يزور المحاورات, كما يزوره أيضا الدكتور رجب فى المناسبات.

تقبل تحياتى.

تم تعديل 15 نوفمبر 2005 بواسطة الأفوكاتو

[مفروس]

صديقي القديم الأفوكاتو...

الاخوة الأعزاء

صباح الفل...

سعيد جدا بوصولي لهذا المكان الجميل و أتمنى من الله أن يبقى على حاله و يتقدم للأفضل...

جايز نقدر نعمل حاجة...

مين عارف...

[الأفوكاتو]

عزيزى مفروس,

نشاطك ملحوظ, و أتمنى لك أسعد االأوقات فى المحاورات.

و قطعا تستطيع المحاورات التأثير فى الرأى العام, و قد نوهت بعض الصحف بنشاط الأعضاء الثقافى, ووعيهم السياسى,

تقبل تحياتى.