جيوش مرتزقة

[Scorpion]

 

الخلاف حول هل يذهب بموجب اتفاقيات مبرمة بينه وبين من سيذهب اليهم 

 

 

والله  اللي اعرفه بخلاف التحالف الإسلامي الأخير .. فيه معاهدة من قبل السيسي و من قبل السادات  من قبل ناصر حتي اسمها معاهدة الدفاع العربي المشترك و اللي اشتركوا تحت مظلتها الدول العربية  في حرب الخليج .. 

تنفع ؟

[eslam elmasre]

 

يكفى أن حوالى 10% من تعداد مصر كان يعيش فى الخليج (ده غير اللى كانوا فى العراق)

بما فيه من تخفيف للعبء الداخلى ومورد العملة الصعبة التى يحولونها

ده غير إن الحدود الشرقية لدول الخليج لا يفصل بينها وبين مصر سوى البحر الأحمر

وليس البحر الأحمر بكامل عرضه .. بل إنها مسافة خليج تيران

وإذا كانت أمريكا اللى فى آخر الدنيا تعتبر أن الخليج "العربى" وليس الفارسى"

من ضمن مصالحها وأمنها القومى

مستكتر إن يكون أمننا القومى هناك

وطبعا عندما يسقط الخليج فليس فقط مضيق تيران هو ما يمككن أن يهدد أمنك

بل مضيق باب المندب أيضا

:)

أرجو إنك ما تكونش بتجر رجلى تانى بس لامتحان المرة دى

 

اختلف معاك

بالنسبة للعاملين المصريين فكانت النسبة الاكبر متواجدة في العراق وليس في الكويت بنسبة وتناسب ولاسباب كثيرة اهمها حرية السفر للعراق مقابل صعوبة السفر للكويت 

اي ان مصالح مصر في هذه الجزئية كانت مع العراق وليس الكويت 

بالنسبة لامنها او عمقها الاستراتيجي من ناحية الشرق فانت بتتكلم عن دولة عظمى وليس العراق التي احتلت الكويت بخلع الضرس لانها واجهت جيوش جرارة تتكالب (استعرتها من سكوربيون هههههه) على بترول الكويت خاصة والخليج عامة فمن هذه الناحية لم يكن هناك اي خوف او فزع 

السؤال (الامتحان ههههههه) الاهم 

ماذا لو كانت مصر منفردة في هذه الحرب ضد العراق هل كانت ستخوض تلك الحرب بمفردها 

اجابة السؤال هذا ستؤكد لك هل جيش مصر في تلك الحرب مرتزقة ام غير مرتزقة 

[White heart]

يكفى أن حوالى 10% من تعداد مصر كان يعيش فى الخليج (ده غير اللى كانوا فى العراق)

بما فيه من تخفيف للعبء الداخلى ومورد العملة الصعبة التى يحولونها

الله ... حلوة كان دي ...

وياترى فيه كام في الـــ10% موجودين في الأمريكتين واستراليا وكندا ... وغيرهم وغيرهم ... والملايين اللي بيحولوها لآهاليهم في مصر ... اللي هى أصلاً واجب على الحكومة ( المنظومة العسكرية الحاكمة) انها توفر للجميع أبسط ما يلزموه .. مش يالله انتم كتير ... وزى الهم على القلب ... اتفضلوا كل اللي يقدر يسعى لرزقه يسعى .. وبعدها يتم المتاجرة بيهم وبوجودهم هناك ... ويبقوا مصدر رسمي من مصادر الموازنة العامة للدولة ... اللى ممكن نجري نتورط في حروب ما تخصناش أساساً بالأسم بحجتهم وانما في الواقع والحقيقة لصالح قضايا أكبر وأعقد لا تخصنا، ولكن خاصة بالدول المضيفة!!!  يعني لو أى دولة من الدول الغربية دي اتورطت في أى حرب مع دولة جارة أو غيرها .. وطلبت من مصر انها تهب لمساعدتها  تحت نفس الحجة (وجود مصريين يقوموا بتحويل عملة صعبة لاهاليهم في مصر) ... يبقى هيا بنا ... ومافيش ما يمنع ... والا النقطة دي خاصة وحكر بس بدول " الخليج " ؟!؟!؟

ده غير إن الحدود الشرقية لدول الخليج لا يفصل بينها وبين مصر سوى البحر الأحمر

وليس البحر الأحمر بكامل عرضه .. بل إنها مسافة خليج تيران

لو مشينا على المنطق دة ... أذن فـــ <<< أمننا القومي >>> هو في جهات اخرى عديدة ... ولكن ليس بهم جميعاً <<< حالياً >>>  للأسف وعلى ما يبدو لن يكون أيضاً في المستقبل القريب ... مصريين يقوموا بتحويل العملة الصعبة ... فهل سنذهب أيضاً ونتورط في حروب <<< إستباقية >>> هجومية .. اذا ما تعرضت أى منها لهجوم من دولة او اكثر جارة؟

وإذا كانت أمريكا اللى فى آخر الدنيا تعتبر أن الخليج "العربى" وليس الفارسى"

من ضمن مصالحها وأمنها القومى

مستكتر إن يكون أمننا القومى هناك

ياعزيزي دعنا من مُرتزقة " الخواجات " وتلك " الإشمعنى " وخلينا رجاء في مصر ....

لو عايز تجيب من الأخر وتقول ايوة مرتزقة ... و<<< إشمعنى >>> الخواجات عندهم مرتزقة .. يبقى خليك واضح ومباشر وقولها .. وبالتالي نبدأ في الحوار وعقد المقارانات على هذا الأساس ... انما هاتقضيها طول الوقت اشمعنى، وتسيبنا مش فاهمين ردك القاطع والواضح وبالتفاصيل لو سمحت ... يبقى دة لا هو تفنيد ولا حوار وانما ببساطة محاولات للتملص والهروب ....

المثال السؤال واضح وسهل ومباشر :

 لنفترض مثلاً مثلاً ...  غداً - لا قدر الله - حدثت " مناوشات " عسكرية محدودة بين ايران والإمارات حول الجزر الثلاثة المتنازع عليها بينهم ... او بين ايران والمملكة العربية السعودية، لأى سبب كان ... وتتطورت بسرعة الأحداث ووصلت الى مواجهة عسكرية فيما بينهم (من دون أن تدخل بسرعة أى من الدول الحليفة الكُبرى لكل منهم) ... فهل جيش مصر سيهب ويتدخل فوراً - تلبية للنداء -  من أجل الدفاع سواء عن الإمارات أو السعودية أو غيرهم من دول الخليج " الفارسي " من هجوم كاسح مثلاً؟ واذا كانت الإجابة بالإيجاب ... فهل فعلاً من أجل مصالح مصر في الخليج؟ وما هى يا تُرى أنواع تلك المصالح؟

وبيني وبينك لا داعي لمسألة تحويل المصريين بالخارج للعملة الصعبة ... لأنها كدة ممكن فعلاً تبقى نوع من أنواع المرتزقة الغير مباشرة من وجهة نظري ... المصريين اللي هناك دول بيشتغلوا مقابل آجر ... وبنسمع عنهم بكل أسف بلااااااااااوي متلتلة ... و " الدولة " في معظم الحالات ما بتعرفهمش .... يبقى سبقهم في حالهم ونقطة ومن أول السطر!!!

تم تعديل 31 ديسمبر 2015 بواسطة White heart

[أبو محمد]

اختلف معاك

بالنسبة للعاملين المصريين فكانت النسبة الاكبر متواجدة في العراق وليس في الكويت بنسبة وتناسب ولاسباب كثيرة اهمها حرية السفر للعراق مقابل صعوبة السفر للكويت 

اي ان مصالح مصر في هذه الجزئية كانت مع العراق وليس الكويت 

بالنسبة لامنها او عمقها الاستراتيجي من ناحية الشرق فانت بتتكلم عن دولة عظمى وليس العراق التي احتلت الكويت بخلع الضرس لانها واجهت جيوش جرارة تتكالب (استعرتها من سكوربيون هههههه) على بترول الكويت خاصة والخليج عامة فمن هذه الناحية لم يكن هناك اي خوف او فزع 

السؤال (الامتحان ههههههه) الاهم 

ماذا لو كانت مصر منفردة في هذه الحرب ضد العراق هل كانت ستخوض تلك الحرب بمفردها 

اجابة السؤال هذا ستؤكد لك هل جيش مصر في تلك الحرب مرتزقة ام غير مرتزقة 

 

ياعم إسلام راجع تعريف المرتزقة الله يعمر بيتك

إنت بتتكلم فى حاجة تانية خالص وياريتها حاجة بسيطة

دانت بتحاول تثبت إن جيش مصر "مرتزقة"

بص يا عمنا إرجع كام صفحة لورا كده وانت تعرف يعنى إيه مرتزقة

معلش .. هاتعبك معايا شوية

:)

دى مسافة السكة

 

شوف يا سيدى .. العراق مش دولة عظمى

لكن اللى لهم مصالح وهينطولك جنب حدودك الشرقية دول عظمى

وبعدين مش عارف انت فاكر ولا ناسى والا إيه بالظبط

مصر أصرت إن مفيش جندى لها يعبر الحدود الكويتية العراقية

مهمة الجيش المصرى كانت تحرير الكويت والدفاع عن السعودية إذا لزم الأمر

لأن المخطط كان معروف ومعلن لتقسيم العراق

وشوارتسكوف دخل جوه العراق ومصر رفضت

وبعدين برضه مش عارف إذا كنت فاكر ولا ناسى إعلان دمش (6 + 2) اللى أفشلته أمريكا

لو حبيت نتكلم عن الإعلان ده نتكلم ونشرح ازاى وليه أفشلته أمريكا وبريطانيا

 

نيجى بقى لكام واحد كان فى العراق وكام واحد فى دول الخليج

السعودية وحدها كان فيها لا يقل عن 3 مليون مصرى

الكويت كان فيها ربع مليون .. ده غير اللى كانوا فى الأمارات وقطر والبحرين

تعداد مصر كان كام سنة 1990 ؟

[eslam elmasre]

والله  اللي اعرفه بخلاف التحالف الإسلامي الأخير .. فيه معاهدة من قبل السيسي و من قبل السادات  من قبل ناصر حتي اسمها معاهدة الدفاع العربي المشترك و اللي اشتركوا تحت مظلتها الدول العربية  في حرب الخليج .. 

تنفع ؟

لا مش هاتنفع المعاهدة دي لانها معاهدة للدفاع المشترك عن تعرض الدول لغزو خارجي غير الدول العربية 

طب شوف سخرية هذه المعاهدة وانت هاتضحك من قلبك 

مصر والسعودية ودول الخليج كانت بتدافع عن الكويت وفق اتفاقية الدفاع المشترك

منظمة التحرير الفلسطينية والمملكة الاردنية وجمهورية اليمن بردو كانو بيدافعو عن العراق وفق اتفاقية الدفاع المشترك

اه صحيح هما مابعتوش جيوش لكنهم كانو يدعونها ويؤيدون ما تفعله 

لو كانت الحرب على العراق وفق اتفاقية الدفاع المشترك كانت هاتبقى عربية عربية خالصة وبكدة نقدر نقول انها حرب ممنهجة لكن الذي حدث ان تلك الدول ومن بينها مصر لم تحارب العراق وفق هذه الاتفاقية ولكن حاربت وفق التحالف الدولي وهو بعيد كل البعد عن اتفاقية الدفاع المشترك

[أبو محمد]

بقى أنا عايز اجيب من الآخر وأقول إن جيش مصر مرتزقة ؟

أنا قلت قبل كده إنى بأختار المداخلات اللى ارد عليها

ودى حريتى التى لا منازع لى فيها

والعبارة اللى فوق دى تشرح السبب .. بس على الله يكون السبب اتفهم

[eslam elmasre]

الله ... حلوة كان دي ...

وياترى فيه كام في الـــ10% موجودين في الأمريكتين واستراليا وكندا ... وغيرهم وغيرهم ... والملايين اللي بيحولوها لآهاليهم في مصر ... اللي هى أصلاً واجب على الحكومة ( المنظومة العسكرية الحاكمة) انها توفر للجميع أبسط ما يلزموه .. مش يالله انتم كتير ... وزى الهم على القلب ... اتفضلوا كل اللي يقدر يسعى لرزقه يسعى .. وبعدها يتم المتاجرة بيهم وبوجودهم هناك ... ويبقوا مصدر رسمي من مصادر الموازنة العامة للدولة ... اللى ممكن نجري نتورط في حروب ما تخصناش أساساً بالأسم بحجتهم وانما في الواقع والحقيقة لصالح قضايا أكبر وأعقد لا تخصنا، ولكن خاصة بالدول المضيفة!!!  يعني لو أى دولة من الدول الغربية دي اتورطت في أى حرب مع دولة جارة أو غيرها .. وطلبت من مصر انها تهب لمساعدتها  تحت نفس الحجة (وجود مصريين يقوموا بتحويل عملة صعبة لاهاليهم في مصر) ... يبقى هيا بنا ... ومافيش ما يمنع ... والا النقطة دي خاصة وحكر بس بدول " الخليج " ؟!؟!؟

لو مشينا على المنطق دة ... أذن فـــ <<< أمننا القومي >>> هو في جهات اخرى عديدة ... ولكن ليس بهم جميعاً <<< حالياً >>>  للأسف وعلى ما يبدو لن يكون أيضاً في المستقبل القريب ... مصريين يقوموا بتحويل العملة الصعبة ... فهل سنذهب أيضاً ونتورط في حروب <<< إستباقية >>> هجومية .. اذا ما تعرضت أى منها لهجوم من دولة او اكثر جارة؟

ياعزيزي دعنا من مُرتزقة " الخواجات " وتلك " الإشمعنى " وخلينا رجاء في مصر ....

لو عايز تجيب من الأخر وتقول ايوة مرتزقة ... و<<< إشمعنى >>> الخواجات عندهم مرتزقة .. يبقى خليك واضح ومباشر وقولها .. وبالتالي نبدأ في الحوار وعقد المقارانات على هذا الأساس ... انما هاتقضيها طول الوقت اشمعنى، وتسيبنا مش فاهمين ردك القاطع والواضح وبالتفاصيل لو سمحت ... يبقى دة لا هو تفنيد ولا حوار وانما ببساطة محاولات للتملص والهروب ....

المثال السؤال واضح وسهل ومباشر :

وبيني وبينك لا داعي لمسألة تحويل المصريين بالخارج للعملة الصعبة ... لأنها كدة ممكن فعلاً تبقى نوع من أنواع المرتزقة الغير مباشرة من وجهة نظري ... المصريين اللي هناك دول بيشتغلوا مقابل آجر ... وبنسمع عنهم بكل أسف بلااااااااااوي متلتلة ... و " الدولة " في معظم الحالات ما بتعرفهمش .... يبقى سبقهم في حالهم ونقطة ومن أول السطر!!!

انت جبت من الاخر يا اخ وايت

احنا نقول مرتزقة زي غيرنا واشمعنى غيرنا مرتزقة وماتكلمتوش عليهم وبكده يتطور الحوار لمرحلة اخرى 

هو ده الكلام الصح

[Scorpion]

علي جنب ... ببص تحت لقيت 6 اعضاء في الموضوع ده .. الفريق الأزرق ضد الفريق الرمادي .. و الجمهور من 16 زائر بيتفرجوا عالماتش ...

 

معلش بقي العبوا 3 ضد اتنين .. علشان انا عندي هابي نيو يير و مش حتنفعوني لا انتم و لا السيسي و لا فنلندا  لما المدام تطربقها علي دماغي ..

 

ما تعملوا معايا معاهدة دفاع مشترك ضد المدامات  ينوبكم ثواب ...

 

يا ازواج العالم اتحدوا ..

 

او اعملوا فيها مرتزقة ...

 

 

اشوفكم السنة الجاية ان شاء الله ...

[أبو محمد]

لا مش هاتنفع المعاهدة دي لانها معاهدة للدفاع المشترك عن تعرض الدول لغزو خارجي غير الدول العربية 

طب شوف سخرية هذه المعاهدة وانت هاتضحك من قلبك 

مصر والسعودية ودول الخليج كانت بتدافع عن الكويت وفق اتفاقية الدفاع المشترك

منظمة التحرير الفلسطينية والمملكة الاردنية وجمهورية اليمن بردو كانو بيدافعو عن العراق وفق اتفاقية الدفاع المشترك

اه صحيح هما مابعتوش جيوش لكنهم كانو يدعونها ويؤيدون ما تفعله 

لو كانت الحرب على العراق وفق اتفاقية الدفاع المشترك كانت هاتبقى عربية عربية خالصة وبكدة نقدر نقول انها حرب ممنهجة لكن الذي حدث ان تلك الدول ومن بينها مصر لم تحارب العراق وفق هذه الاتفاقية ولكن حاربت وفق التحالف الدولي وهو بعيد كل البعد عن اتفاقية الدفاع المشترك

 

لأ .. مصر لم تشترك فى تحرير الكويت بناء على اتفاقية الدفاع العربى المشترك

أنا مش ممكن أنسى الأحداث لأنى عشتها على أرض الواقع

يوم الأربعاء 9 أغسطس دعت مصر لاجتماع للجامعة العربية

وحصل الاجتماع .. وكان فيه انقسام

القذافى وعرفات وعلى عبد الله صالح كانوا رافضين

وكانوا مفكرين بكده إنهم أجهضوا قرار الجامعة لأنه لازم يصدر بالإجماع

الأغلبية طلعت بيان باستخدام القوة لتحرير الكويت وقالت فى البيان

إن القرار ملزم للدول التى وافقت عليه وغير ملزم للدول التى رفضته

ومش عاوز أدخل فى دوافع كل عضو من أعضاء الجامعة الرافضين لتحرير الكويت

لأن ده موضوع تانى

إحنا دلوقت فى موضوع فيه بعض الزملاء الأعضاء بيحاولوا يثبتوا إن جيش مصر مرتزقة

خلونا فى الموضوع ده من فضلكم

[White heart]

نيجى بقى لكام واحد كان فى العراق وكام واحد فى دول الخليج

السعودية وحدها كان فيها لا يقل عن 3 مليون مصرى

الكويت كان فيها ربع مليون .. ده غير اللى كانوا فى الأمارات وقطر والبحرين

تعداد مصر كان كام سنة 1990 ؟

يعني من الآخر ... عقود المصريين بدول الخليج ( وليس بالخارج) + مليارات لدعم المنظومة العسكرية الحاكمة ... سواء على شكل سيولة أو على شكل ودائع إئتمانية ... مقابل:

خير جُند الأرض وأحدث الأسلحة (خاصة العقود الأخيرة) في حالة اذا ما حدث أى تهديد عسكري مباشر مستقبلي من أى دولة سواء كانت جارة أم لا ..

وطبعاً دة مالوش أى علاقة من أى نوع بتعريف " جيش مرتزقة " اللي حضرتك عايزنا نروح نقراه وموجود في كام صفحة ورا  ... هل هذا ما تريد قوله؟!؟!؟ 

تم تعديل 31 ديسمبر 2015 بواسطة White heart

[أبو محمد]

علي جنب ... ببص تحت لقيت 6 اعضاء في الموضوع ده .. الفريق الأزرق ضد الفريق الرمادي .. و الجمهور من 16 زائر بيتفرجوا عالماتش ...

 

معلش بقي العبوا 3 ضد اتنين .. علشان انا عندي هابي نيو يير و مش حتنفعوني لا انتم و لا السيسي و لا فنلندا  لما المدام تطربقها علي دماغي ..

 

ما تعملوا معايا معاهدة دفاع مشترك ضد المدامات  ينوبكم ثواب ...

 

يا ازواج العالم اتحدوا ..

 

او اعملوا فيها مرتزقة ...

 

 

اشوفكم السنة الجاية ان شاء الله ...

 

خدنى معاك يا سكوب

عشان نسيب الملعب للى عاوز يثبت إن جيش مصر مرتزقة

(بعدما كان بينكر إنه قال كده)

كل سنة وانت طيب يا سنيور

[eslam elmasre]

 

لأ .. مصر لم تشترك فى تحرير الكويت بناء على اتفاقية الدفاع العربى المشترك

أنا مش ممكن أنسى الأحداث لأنى عشتها على أرض الواقع

يوم الأربعاء 9 أغسطس دعت مصر لاجتماع للجامعة العربية

وحصل الاجتماع .. وكان فيه انقسام

القذافى وعرفات وعلى عبد الله صالح كانوا رافضين

وكانوا مفكرين بكده إنهم أجهضوا قرار الجامعة لأنه لازم يصدر بالإجماع

الأغلبية طلعت بيان باستخدام القوة لتحرير الكويت وقالت فى البيان

إن القرار ملزم للدول التى وافقت عليه وغير ملزم للدول التى رفضته

ومش عاوز أدخل فى دوافع كل عضو من أعضاء الجامعة الرافضين لتحرير الكويت

لأن ده موضوع تانى

إحنا دلوقت فى موضوع فيه بعض الزملاء الأعضاء بيحاولوا يثبتوا إن جيش مصر مرتزقة

خلونا فى الموضوع ده من فضلكم

 

يبقى الخلاصة ان مصر ذهبت للحرب بناء على مصالحها اللي هي من وجهة نظرك تحويلات العاملين في الخليج اللي هي بتيجي من الخليج ومن العراق ايضا اي ان مصالحنا مع الاثنين والعمق الاستراتيجي اللي ماحدش هوب ناحيته ولا جاب سيرته في الموقعة اصلا 

فيه مصالح تانية يا عم ابو محمد 

انا شايف ان ماكنش مصالح لمصر في الموضوع الا مصالح مادية منها اسقاط الديون مثلا 

ولا انت عندك اسباب مقنعة تانية غير الاسباب السابقة 

[eslam elmasre]

 

خدنى معاك يا سكوب

عشان نسيب الملعب للى عاوز يثبت إن جيش مصر مرتزقة

(بعدما كان بينكر إنه قال كده)

كل سنة وانت طيب يا سنيور

 

ليه كده بس انتظر كام دقيقة لغاية مانشوف الازاز وهو بيترمى في الشوارع 

[eslam elmasre]

انا هاقول تشبيه صغير

اشتراك مصر في حرب الخليج زي الزواج العرفي بالنسبة للزواج الرسمي 

فيه ناس بتحلله وفيه ناس بتحرمه 

الزواج الرسمي لا شبهة فيه مثله مثل الدفاع المشروع عن اراضي ومقدرات الدولة 

الزواج العرفي فيه شبهات كتير رغم ان فيه ناس بتحله وهو مثل الذهاب للدفاع عن اراضي الغير تحت بند المصالح 

[White heart]

والله  اللي اعرفه بخلاف التحالف الإسلامي الأخير ..

كمل التسمية صح يا عزيزي ... ولا داعي للإقتطاع منها أى شئ !!!

اسمه: التحالف الإسلامي العسكري ضد الإرهاب .... اللي هو  بقيادة المملكة العربية السعودية، وبيهدف إلى "محاربة الإرهاب"  بجميع أشكاله ومظاهره أيا كان مذهبه وتسميته ... ودة حسب بيان إعلان التحالف دة .. يعني انسى خالص ان التحالف دة، او اى دولة منه، انها تورط نفسها في حروب عن حدود أو أسباب، او نزاعات سياسية ( مثل تلك الخاصة بين ايران وبعض دول الخليج!)....  ومثالي واضح ومحدد ... انا ماتكلمتش عن خروج الجيش المصري للمشاركة في أى مهام تحت مظلة الامم المتحدة ... أو بناء على إتفاقيات ومعاهدات دفاع مشتركة محددة الشروط والتفاصيل واللي مطلوب من حضرتك أو الاعزاء المؤيدين لتوريط الجيش المصري في حروب " أخرى " (زى حروب " مسافة السكة " بتاعة الأشقاء  ... لو لا قدر الله إندلعت، وهو أمر وارد جداً بالطبع، وليس ضرب من ضروب الخيال او الأساطير)  مطلوب منكم أن تطلعونا على تفاصيلها، مثلما أطلعتكم مثلاً على الإتفاقيات والمعاهدات التى خرجت على أساسها دولة فنلندا الى لبنان ... 

فيه معاهدة من قبل السيسي و من قبل السادات  من قبل ناصر حتي اسمها معاهدة الدفاع العربي المشترك و اللي اشتركوا تحت مظلتها الدول العربية  في حرب الخليج .. 

تنفع ؟

برضه لا .. ماتنفعش ... وما اشتركناش فيها تحت مظلة "معاهدة الدفاع العربي المشترك " المزعومة ( انسى خاااااااااالص المعاهدة دي) :

فًي سنة 1950 صُدر ما سمي في حينها ب"معاهدة الدفاع العربي المشترك و التعاون الاقتصادي" لتنسيق دفاع مشترك للجامعة العربية وانشأ على ضوء هذه المعاهدة "مجلس الدفاع المشترك للجامعة العربية".

وقعت هذه المعاهدة في حينها ستة دول عربية هي مصر والعراق والسعودية ولبنان وسوريا واليمن! وانضمت إليها دول عربية أخرىلاحقا،ً ليصبح مجموع الدول العربية الموقعة على المعاهدة خمسة عشر دولة آخرها دولة الإمارات في سنة 1978 م.

مرت الدول العربية بمشاكل وحروب ونكسات لم يكن نص المعاهدة وبنودها حاضر في أي منها، ولم يكن لها أي أثر يذكر.

من هذه النكسات والحروب والأحداث على سبيل المثال:

كل تغييرات الحكومات العربية وقتها من مصر سنة 1952 م والعراق سنة 1958 واليمن سنة 1962 وغيرها، إذ لم يكن للمعاهدة ومجلسها أي دور يذُكر.

العدوان الثلاثي على مصر سنة 1956 .

نكسة سنة 1967 م.

الاجتياح الإسرائيلي للأراضي اللبنانية سنة 1982 م.

وغير ذلك من الأحداث.

فخلال 65 عام من عمر المعاهدة لم تتمكن الدول العربية من التنسيق عسكريا بًينها إلا في حالات محدودة فقط، وما عداها فتاريخ مليء بالتناقضات والخذلان والهزائم.

فحرب الخليج الثانية، كانت تسميتها كدة .. أو مسمى "عملية عاصفة الصحراء" . أو " حرب تحرير الكويت " ... كانت حرب شنتها قوات تحالف مكونة من 34 دولة  بقيادة الولايات المتحدة الامريكية  ضد العراق، وبعد أخذ الإذن من الأمم المتحدة لتحرير الكويت من الاحتلال العراقي ...

انما لو سألتني عن حرب الخليج الأولى ... فهى بكل أسف توصيفها بالنسبة لي حرب تحول فيها الجيش العراقي بأكمله الى جيش مرتزقة بكل أسف ... وآدي النتيجة !!!

وحوارنا هنا وفي بعض المواضيع الأخرى بيدور من وجهة نظري حول كيفية السبيل الى منع تورط جيشنا في مثل هكذا حروب ... ومتى تحديداً من المُمكن بالفعل أن يتحول جيشنا - بعد أن يكون قد تم توريطه في حروب هى بالأساس ليست حروبه - ( مثلما حدث بالفعل سواء في مصر أو غيرها من الدول) أن يتحول الى جيش مرتزقة ... هذا هو هدفي يا عزيزي ... وليس مثلما حاولت، ومازلت تحاول ومعك بعض الزملاء في تلبيسي تهمة محاولتي إثبات أن جيشنا هو حالياً وبالفعل جيش مرتزقة ... وبالتالي ربما لا تضطرون الى وضع تلك المسألة برمتها بكل حساسياتها وحرجها على طاولة التشريح ... كما هو واضح بالنسبة لي حتى الأن !!!

اشوفكم السنة الجاية ان شاء الله ...

  bnd5::  كل عام وأنت وأسرتك الكريمة، وكل أعضاء المحاورات في أتم صحة، وسعادة، وأستقرار، وراحة بال، ونجاح سواء في الحياة العملية أو الشخصية. bnd5::

تم تعديل 1 يناير 2016 بواسطة White heart

[tarek hassan]

فحرب الخليج الثانية، كانت تسميتها كدة .. أو مسمى "عملية عاصفة الصحراء" . أو " حرب تحرير الكويت " ... كانت حرب شنتها قوات تحالف مكونة من 34 دولة بقيادة الولايات المتحدة الامريكية ضد العراق، وبعد أخذ الإذن من الأمم المتحدة لتحرير الكويت من الاحتلال العراقي ...

انما لو سألتني عن حرب الخليج الأولى ... فهى بكل أسف توصيفها بالنسبة لي حرب تحول فيها الجيش العراقي بأكمله الى جيش مرتزقة بكل أسف ... وآدي النتيجة !!!

مفيش حاجة ( على حد علمي ) اسمها بعد أخذ الإذن من الأمم المتحدة ... ؟ !!!

فمن المعلوم أن الحرب على العراق كانت خارج الشرعية الدولية بكل المقاييس

لعدم صدور قرار صريح من مجلس الأمن الذي يعد مختصا بشكل كامل عن تقرير كيفية تنفيذ قراراته وليس الدول

ومعارضة روسيا والصين وفرنسا

وعدم تصويت تسعة أعضاء لقرار الحرب

وعدم استنفاذ الوسائل السلمية

ومخالفة هذه الحرب لميثاق الأمم المتحدة المنوط به الحفاظ على السلام الأمن الدوليين وحل المنازعات سلميا إلا في حالات ليس من بينها الحرب على العراق

وقرار الحرب جاء نتاج منح الكونغرس الأميركي للرئيس بوش صلاحية شن الحرب على العراق واعتبار ذلك مسألة تتعلق بالأمن القومي الأميركي وكذلك فعل البرلمان البريطاني فنفذتا قرار الحرب وفقا لذلك وليس لأسباب أخرى بعد انسحاب العراق واليقين وعدم وجود أدلة بامتلاك العراق أسلحة دمار شامل

فأين الشرعية التي تريد أن تفرق بها بين الحالة هنا والحالة هناك

وما صيغة هذا الإذن المزعوم من الأمم المتحدة  ؟

كل عام وأنت بخير وجميع أهلك وذويك وكل المصريين

[eslam elmasre]

طب احنا هانمشي بالعكس

جيش الجزائر اللي شارك في حرب 73 مع الجيش المصري ضد الجيش الاسرائيلي كان جيش مرتزقة

[White heart]

 

بقى أنا عايز اجيب من الآخر وأقول إن جيش مصر مرتزقة ؟

أنا قلت قبل كده إنى بأختار المداخلات اللى ارد عليها

ودى حريتى التى لا منازع لى فيها

والعبارة اللى فوق دى تشرح السبب .. بس على الله يكون السبب اتفهم

 

ماهو أنا لازم أدور وراك أسلط الضؤ على محاولاتك كل شوية والتانية في تحوير كلامي ... ووضع ما لم أقله على لساني علشان أبقى انا اللي مبادر بالغلط وأستحق ردود أفعالك وفق إختياراتك وحرياتك ... صدقني خلاص ... فهمت كويس جداً تكتيكك الحِواري دة (الغير مُشخصن) اللي بتلجأله في بعض الأحيان، ومش هايبقى بالمرة من هنا ورايح صعب عليا بالمرة اني أتوقف عنده في كل مرة وأعمل عملية   وأسلط الضؤ عليه   

هو أنا أو غيري حد منا قال انك بالفعل عوزت تجيب من الآخر وتقول ان جيش مصر مرتزقة؟!؟!؟

عن نفسي شوف انا طلبت منك ايه حرفياً:

ياعزيزي دعنا من مُرتزقة " الخواجات " وتلك " الإشمعنى " وخلينا رجاء في مصر ....

لو عايز تجيب من الأخر وتقول ايوة مرتزقة ... و<<< إشمعنى >>> الخواجات عندهم مرتزقة .. يبقى خليك واضح ومباشر وقولها .. وبالتالي نبدأ في الحوار وعقد المقارانات على هذا الأساس ... انما هاتقضيها طول الوقت اشمعنى، وتسيبنا مش فاهمين ردك القاطع والواضح وبالتفاصيل لو سمحت ... يبقى دة لا هو تفنيد ولا حوار وانما ببساطة محاولات للتملص والهروب ....

المثال السؤال واضح وسهل ومباشر:

لنفترض مثلاً مثلاً ... غداً - لا قدر الله - حدثت " مناوشات " عسكرية محدودة بين ايران والإمارات حول الجزر الثلاثة المتنازع عليها بينهم ... او بين ايران والمملكة العربية السعودية، لأى سبب كان ... وتتطورت بسرعة الأحداث ووصلت الى مواجهة عسكرية فيما بينهم (من دون أن تدخل بسرعة أى من الدول الحليفة الكُبرى لكل منهم) ... فهل جيش مصر سيهب ويتدخل فوراً - تلبية للنداء - من أجل الدفاع سواء عن الإمارات أو السعودية أو غيرهم من دول الخليج " الفارسي " من هجوم كاسح مثلاً؟ واذا كانت الإجابة بالإيجاب ... فهل فعلاً من أجل مصالح مصر في الخليج؟ وما هى يا تُرى أنواع تلك المصالح؟

أنا طلبي (حثك ودفعك الى الرد والتعليق) عبارة عن " خيار " بين خيارين اتنين ... والمثال المطروح كفيل انه يحدد بوضوح قناعة وتوجه كل منا - وليس أنت فقط - بخصوص تلك المسألة البسيطة ... يبقى فين المشكلة تحديداً؟!؟!؟ ليه أى سؤال .. أى سؤال ... مهما كان بتطرحه، بأجيبك عليه بشكل مباشر وبكل وضوح وصراحة وبالتفصيل .. ومش بأتردد أني أعيد الإجتهاد في الرد عليك اذا ما طلبت، أو حتى أشرت على بذلك .. في حين شوف انت أى " تكتيك " بتتبعه .. وبعدها بتستغرب لو قلت تهرب وتملص ngh:

حريتك في إختيار الأسئلة، او النقاط اللي ترد وتعلق عليها على العين والراس ومع كل الإحترام .. لكن ماتكونش مصحوبة بإلقاء اللوم على محاورك .. في حين انك انت اللي بتكون يا اما محور كلامه ... يا اما فهمته غلط .... لكن تبقى ساعتها المسألة بسيطة جداً كما ترى ... ولا تحتاج أى نوع من أنواع التصعيد السلبي!

[White heart]

 

 فحرب الخليج الثانية، كانت تسميتها كدة .. أو مسمى "عملية عاصفة الصحراء" . أو " حرب تحرير الكويت " ... كانت حرب شنتها قوات تحالف مكونة من 34 دولة  بقيادة الولايات المتحدة الامريكية  ضد العراق، وبعد أخذ الإذن من الأمم المتحدة لتحرير الكويت من الاحتلال العراقي ...

انما لو سألتني عن حرب الخليج الأولى ... فهى بكل أسف توصيفها بالنسبة لي حرب تحول فيها الجيش العراقي بأكمله الى جيش مرتزقة بكل أسف ... وآدي النتيجة !!!

مفيش حاجة ( على حد علمي ) اسمها بعد أخذ الإذن من الأمم المتحدة ... ؟ !!!

فمن المعلوم أن الحرب على العراق كانت خارج الشرعية الدولية بكل المقاييس

التسرع وما أدراك بالتسرع يا عزيزي !!!

وبعدها تأتي تعليقات من عينة:

ايه الحلاوة  دي ... ده انت يا عزيزي اثبت بدون اي شك موضوع الكيل بمكيالين اللي كتبته و بقي واضح وضوح الشمس ... 

وتكون النتيجة المرجوة (ما هو مطلوب إثباته):

ه.ط.ث.

اسمحلي بقي اكتفي بكده  في نقطة المقارنات دي لأنه مابقاش اي فيه حاجة حتغير قناعتي انك للأسف مش عادل فيها ... تقدر طبعآ تضيف الاف السطور و الروابط و الصور بس مش حتكون مفيدة علي الأقل ليا شخصيآ فالموضوع بسيط و واضح .. و ما عنديش وقت و لا صبر احاورك فيهم كلهم .. وعليه أرفض انك توصم جيش بلادي بانهم جيش مرتزقة متمنيآ بصدق ان تراجع نفسك لحظة و تنظر اللي اللوحة كلها بعيدآ عن النقطة السوداء التي لا تخرج عنها ابدآ منذ عودتك للكتابة مرة أخري في المحاورات ..

و:

عشان نسيب الملعب للى عاوز يثبت إن جيش مصر مرتزقة

(بعدما كان بينكر إنه قال كده)

ما تحدثت انا عنها يا عزيزي وهو واضح وضوح الشمس هى حرب الخليج الثانية ... اما ما تتحدث عنها انت فهى حرب الخليج الثالثة !!!

فرجاء مُستقبلاً حاول أن تتريث وتتروى قليلاً في قراءة أولاً وبتمعن ما يكتبه محاورك، قبل أن تُشرع في التعليق أو الرد أو الهجوم أو التفنيد ... وبكل تأكيد حقك الكامل أن تسوق لنا مثال حرب الخليج الثالثة كمثال لدعم وجهة نظرك، ولنتحاور بعدها حيال مثالك هذا ... ولكن لا تستغل ما اكتبه أنا على سبيل المثال لضرب عصفورين بحجر ... يعني منها هجوم على العبد لله .. وفي نفس الوقت تُمرر مثالك !!!

والا ستسبب بتسرعك هذا أن أظن وربما آخرين من أنك:

  يمكن انت ما قريتش

ويمكن اللى بيقرا ما بيعلقش لأنه بيبقى مشغول بحاجة تانية .. حاجة تانية خالص

و:

كل عام وأنت بخير وجميع أهلك وذويك وكل المصريين

tot:: أشكرك كثيراً ... وأنت وجميع أحبائك بألف خير وصحة ونجاح tot::

تم تعديل 1 يناير 2016 بواسطة White heart

[Scorpion]

 

لكن لما السعودية ولا الكويت تتعرض للهجوم واحنا مافيش بينا وبينهم معاهدة دفاع مشترك واحنا نبعت جيشنا يدافع عنهم دي حالة بأه اسمها ارتزاق 

 

انا عندي الرد يا اسلام باشا .. و جاهز كمان و محدد في نقاط 

 

1- تعداد دولة الكويت  لا يتعدى الـــ 4 ملايين نسمة.

2- اذا كان هناك عدو لدود لهم في المنطقة فأعتقد أنها ايران.

3- تعداد دولة ايران يتعدى الــ 70 مليون نسمة.

4- أذاً أول وأهم عامل في هذا الميزان ليس في صالح دولة الكويت .. اذن فما العمل؟

5- " اللي ماعندوش كبير يشتريله كبير "

6- وزع رز بالعبيط هنا وهناك لزوم " التحالفات " وبناء مظلة <<< دفاعية >>> ( وليس هجومية)  في حالة اذا حدث هجوم ما.

7- المظلة الرأسمالية والأممية والعتاد العسكري،  هى بوابة مصر .. أذن فلنتبادل " المصالح 

8- ليس لدينا العدد الكافي من الرجال المؤهلين والمدربين عسكرياً ... بسيطة <<< وظف >>> وبمرتبات مغرية.

 

ينفع الرد ده ؟