مزبلة الأفلام ~

[KANE]

كما انه وجدت في المحاورت مزبلة للأفراد فلم لا يكون هناك واحده عن الأفلام والمسلاسلات الهابطة التي لا معنى لها - ولا اتحدث عن افلام المقاولات

الحقيقه انني وانا اقلب الريموت عثرت على محرك هذا الموضوع في MBC وهو أول فيلم سأكتبه

و لأبدأ

#السلم والثعبان

وفيلم آخر

#الساحر

[# الساحر #]

بصراحة بالرغم من أنك موضحتش بالظبط أيه المقصود .

أنما أنا لاحظت أنك ذكرت فيلمين من أحسن الأفلام اللتي شاهدناها للسينما المصرية .

مش عارف بصراحة أنتا بتنتقدهم و اللا أيه بالظبط !!!! <_<

[مسافر زاده الخيال]

بالنسبة لي فلم (بوحة) من اسخف ما شاهدت في حياتي وقد ندمت انني غادرت السعودية الى البحرين لمشاهدة هذا الفلم (وانا مندهش ان هذا الفلم يحتل المركز الاول في مصر) <_<

[se_ Elsyed]

بالنسبة لي فلم (بوحة) من اسخف ما شاهدت في حياتي وقد ندمت انني غادرت السعودية الى البحرين لمشاهدة هذا الفلم (وانا مندهش ان هذا الفلم يحتل المركز الاول في مصر) :ninja:

<{POST_SNAPBACK}>

يا أخ مسافر ..

مانت لازم تتفرج على الفيلم في ظل الظروف التي تمر بها المنطقة حالياً ..

أنا بأتكلم جد ..

الناس بقى عندها ضغوط رهيبة .. من اللي بتشوفه وبتسمعه واللي عيشاه من مهانة وتحكم السياسيين فيها ...

وبالتالي فالكثير يريدون ان يهربوا من هذا الواقع المرير إلى أي شيء تافه لا يضطرون فيه إيى تشغيل مخهم ..

[مسافر زاده الخيال]

شكرا لمداخلة سي السيد

بالنسبة لفلم بوحة ربما الاخوة المصريون اقدر مني على معرفة الهدف والمغزى منه

ولكن بخصوص الوضع السياسي الصعب للمنطقة فاظن ان المنطقة في ازمات متواصلة منذ سقوط الخلافة العباسية .

وبالنسبة لمصر فاعتقد انها منذ العشرينات مرورا بكفاح الخمسينات والستينات كانت في حالة حروب على شتى الاصعده من استعمار وانقلابات وخلافه ولكن وضع الفنون كان افضل من مهازل هذا القرن الجديد

واعتقد ان افلام المقاولات تعتبر كلاسيكيات مقارنة ببوحة واخواتها حيث انه لا قصة ولا هدف ولا معنى من هذا الفلم حقا شر البلية مايضحك (بصراحة لغاية دلوقتي باتحسر كل ما افتكر اني دخلت الفلم)

[se_ Elsyed]

واعتقد ان افلام المقاولات تعتبر كلاسيكيات مقارنة ببوحة واخواتها حيث انه لا قصة ولا هدف ولا معنى من هذا الفلم  حقا شر البلية مايضحك (بصراحة لغاية دلوقتي باتحسر كل ما افتكر اني دخلت الفلم)

<{POST_SNAPBACK}>

عشان كده يا مسافر لو إنت سمعت مثلاً شباب مصريين وهما بيكلموا بعض في طريقهم لمشاهدة تلك الأفلام .. مش هاتستغرب .. فمثلاً أصبحت عبارة " تعالى ننفض دماغنا ونتفرج على اللمبي أو بوحه " مثلاً يعني .. هي عبارة شائعة وعادية جداً ..

وجُملة تنفيض الدماغ بالمصري يعني .. كده زي ما تقول دماغة دي سجادة وعليها تراب وهو رايح يُزيل التراب ده من عليها ...

وعلى فكرة الشباب معذور برضوا .. فمجرد تفكيرة في مستقبلة المٌظلم المنتظرة بعد التخرج .. وإن العمر بيعدي ومش باين له جواز ... ومشاهدتة لقنوات الإثارة الجنسية الفضائية وهو في مرحلة خطرة من حياتة ، وإستقباله لأخبار إنتقال نجوم الكرة اللي أسعارهم تخطت حاجز الملايين وهو مش لاقي ثمن ساشندوتس شاورما :ninja: .... إلخ ، كل ده بيكون ضغوطات عليه .. فبدل ما يروح يتعاطى مخدرات عشان ينسى .. أهو بيتفرج على تلك الأعمال المخدرة برضوا .. عشان ينسى ...

وإوعى تفتكر إني بأتكلم عن شباب مصر بس .. لكننا في الهم عـــــرب

[se_ Elsyed]

هناك أيضاً نوع أخر من تلك الاعمال أشدُ فتكاً بالمجتمع وقيمه وأخلاقة ..

وأقصد بها الأفلام التي تُصور الرذيلة على إنها شيء عادي ... كشرب الخمر مثلاً الذي يتم التعامل معه على إنه عادي نوع من انواع الترويح على النفس .

- كذلك الزنا - والعياذ بالله - يتم تصويره على إنه حب وغرام وعلاقة بريئة ... فيُمكن مثلاً أن نجد فيلم على سبيل المثال زي " الخيط الرفيع " اللي عُرض في فترة السبيعنات لمحمود ياسين وفاتن حمامه ... البطلة كانت تعيش مع البطل في بيت واحد وبينهم علاقة زوجية كاملة ولكن بدون زواج ... ده عادي بالنسبة لهم .

- كذلك أفلام السخرية من كل ما هو يتعلق بالدين حتى الصلاة .. مثل غالبية أفلام عادل إمام .

[مسافر زاده الخيال]

بصراحة يا اخ سي السيد مش عارف ازاي احلل الوضع

هل فعلا الشعب المصري بائس وشبابه لا امل لهم في المستقبل؟

انا زرت مصر مرتين 2000و 2003 وانطباعي ان الشعب المصري دائم الضحك والهزار والسيارات كثيرة اكثر من السعوديه

والاسواق مليانه بشر ومحلات الجزارة فيها لحم في اي وقت مقاهي الانترنت فل والناس تسهر حتى اربعة صباحا يعني متطلبات الحياة الاساسيه زيها في السعوديه بس مش عارف يمكن النظرة الاستهلاكيه مؤثره في امور الزواج وخلافه وبالنسبه للاسكان معنديش فكره

لكن اعتقد ان العيشة في مصر افضل من دول افريقيا جنوب الصحراء .

وعلى فكرة في السعوديه كمان هناك صعوبات في الزواج والسكن .

وبالنسبه للافلام الى تسخر من الدين الامر بصراحه مؤسف وباستغرب اني ماسمعتش عن مظاهرات في مصر ضد الافلام اللي بتسخر من الدين .

وسلام

[صفاء]

أنا بقى أكتر فيلم شلنى وسد نفسى عن الأفلام كلها .. الفيلم الغبى المتخلف اللى معرفش هو فى ايه ولا كام ولا ليه ..

فيلم سيد العاطفى !!!

أموت واعرف هو ليه عاطفى .. وايه قصة الفيلم غير ان عبله كامل قدمت كام سكيتش كده ضحكنا عشان هى خفيفة الدم

لكن الأخ تامر ده لا له دور ولا حضور ولا نيلة .. مع انه البطل :P

واحد بيحب واحدة بتمثل عليه انها بنت أكابر وبتطلع بنت جزار وبترفضه عشان مش جاهز ماديا وبتتخطب لغيره .. يقوم تامر إذ فأجتن :ninja: يحب نور الممثلة اللبنانية بدون سابق انذار وبع\ين عمه اللى كان حارمه من الميراث .. إذ فأجتن بردو يديله نصيبه نص مليون جنيه ويتجوز تامر نور ويغنيلها الاغنيه ويخلص الفيلم

وفى نص الفيلم صحيح قبل ما امشى بيقوم تامر بمظاهرة فى الشارع مع بتاع 30 واحد كده .. المظاهرة لا ليها مكان ولا موقع ولا مناسبة .. انما تقول ايه .. وفوق كل ذى علم عليم

واوعى تعترض ... المخرج الاهبل عاوز كده

انا عاوزة فلوسى :wub:

[مسافر زاده الخيال]

مين فاكر فلم ((البحث عن سيد مرزوق))نور الشريف ;)

((مجانينو))بطولة فيفي عبدو :ninja: :wub:

((ننوسه)) بطولة محمود الجندي :P

[se_ Elsyed]

مين فاكر فلم ((البحث عن سيد مرزوق))نور الشريف  ;)

                  ((مجانينو))بطولة فيفي عبدو :ninja:  :wub:

                  ((ننوسه)) بطولة محمود الجندي :P

<{POST_SNAPBACK}>

الإتنين الأولين معروفين ..

إنما مين ننوسه دي ؟

من غير ما تقول أنا عارف ...

في بعض الممثلين ومنهم سعيد صالح وسميرة صدقي ومحمود الجندي ويونس شلبي وعماد محرم وحتى سمير غانم وشويه كده تاني مش فاكر أساميهم .. بيروحوا أي غُرزة ويقعدوا يشربوا مخدارات أو خمره أو أي مشاريب تسطل .. وبعدين يلموا بعض ويروحوا يعملوا فيلم ... فيطلع في الأخر ننوسه . ملحوسه .. مهووسه .. أهو حاجة كده لو قولنا عليها هابطة يبقى بنظلم الهبوط ...

[الرافعي]

مين فاكر فلم ((البحث عن سيد مرزوق))نور الشريف  :sad:

                  ((مجانينو))بطولة فيفي عبدو :D  :lol:

                  ((ننوسه)) بطولة محمود الجندي :wub:

<{POST_SNAPBACK}>

الإتنين الأولين معروفين ..

إنما مين ننوسه دي ؟

من غير ما تقول أنا عارف ...

في بعض الممثلين ومنهم سعيد صالح وسميرة صدقي ومحمود الجندي ويونس شلبي وعماد محرم وحتى سمير غانم وشويه كده تاني مش فاكر أساميهم .. بيروحوا أي غُرزة ويقعدوا يشربوا مخدارات أو خمره أو أي مشاريب تسطل .. وبعدين يلموا بعض ويروحوا يعملوا فيلم ... فيطلع في الأخر ننوسه . ملحوسه .. مهووسه .. أهو حاجة كده لو قولنا عليها هابطة يبقى بنظلم الهبوط ...

<{POST_SNAPBACK}>

تسمح لي يا س.س

أضيف ملك الهيافة وحيد سيف والست إسعاد يونس

[kokowawa1979]

نبعد عن الأفلام شوية ونرجع لمسلسل : المرسى والبحار - للأمانة أولا أنا لاأشاهد المسلسلات التليفزيونية نهائيا لكنني قرأت إحدى المقالات عن حوار داعر دار في المسلسل بين الممثلة سميرة محسن والمدعو يحيي الفخراني ( صاحب أزمة الخمور الشهيرة التي أطاحت بأحد شرفاء الجمارك ) قالت فيه الممثلة سميرة محسن بالحرف الواحد :

أنا اتجوزت كتير ومن غير مأذون ومن غير فرح ومن غير شهود ومن غير حب - يعني أنا من الآخر زي العربية المرسيدس كل اللي يدفع فيها أكتر يركبها !!!!!

أقول مرة أخرى أنا لم أشاهد المسلسل ولكني قرأت نقد له في إحدى الصحف

فهل شاهد منكم أحد هذا المسلسل وما رأيكم في هذا الحوار الداعر إن كان قد حدث ؟

[مسافر زاده الخيال]

حقيقة لم يوفق الفخراني في هذا المسلسل (شاهدت بعض اللقطات ولم يجذبني المسلسل)

ولكن احد النقاد ذكر ان المخرج والممثل قد استلهما شخصية (باباي) البحار.

ولكن يظل الفخراني عبقرية تمثيلية فذه

[KANE]

من الأفلام التي تستحق المزبله بل المحرقه

فيلم كشف المستور لنبيله عبيد

الفيلم مليئ بالقذارات المنحطه وهو يحكي قصة سيده كانت تعمل مع المخابرات في قسم الأعمال الجنسية القذره ومحاولة إرجاعها للعمل بالقوه بعد ان اصبحت تعيش حياه عاديه

لدرجة ان في احد مشاهد الفيلم نجوى فؤاد تصرح بكلمات واضحه عن شذوذها وانها تتمنى نبيله عبيد

واحدى المشاهد الأخرى اعتذر عن وصفها لأن الكلمات قد تخدش حياء من في المنتدى

الفيلم الآخر ل مديحة كامل

الفيلم اسمه المزاج

وهو يعرض صوره قذره لمجتمع سجن النساء من شذوذ وجنس بين المسجونات والموظفين الرجال في السجن -احمد بدير-

[KANE]

نسيت في فيلم المزاج يوجد مشهد كامل يتم فيه إغتصاب مديحه كامل من قِبل سناء يونس :lol: :D

[dr/alfa]

بلا منازع أفلام هذا ال(( عادل امام ))

كلها تحض على الرذيلة والزنا-و شرب الخمور والدعارة والمناظر الخليعة المبتذلة ولا ينكر أحد حب عادل امام الرهيب لضرب النساء على مؤخراتهن فى كل أفلامه على الاطلاق .

فضلا عن استمتاع الرجل بالاستهزاء بالدين الاسلامي وأهله .

انها حقا مزبلة محترمة .

[سقراط المصري]

بلا منازع أفلام هذا ال(( عادل امام ))

كلها تحض على الرذيلة والزنا-و شرب الخمور والدعارة والمناظر الخليعة المبتذلة ولا ينكر أحد حب عادل امام الرهيب لضرب النساء على مؤخراتهن فى كل أفلامه على الاطلاق .

فضلا عن استمتاع الرجل بالاستهزاء بالدين الاسلامي وأهله .

انها حقا مزبلة محترمة .

<{POST_SNAPBACK}>

ماتحته خط اوافقك عليه ....... ودليل من اخر افلامه ....... فيلم عريس من جهة امنيه:

اللي عجبه في "لبلبه" اول ما شافها كانت مؤخرتها.

سقراط

[عبدوس الوزير]

مديحة كامل الله يرحمها ومحمود الجندي تابوا والله أعلم بالنوايا

فيا ريت نتذكرهم بالخير

تخيل لو أن حد من أهل المرحومة قرأ ما تكتبون؟

والسلام.

[se_ Elsyed]

نبعد عن الأفلام شوية ونرجع لمسلسل : المرسى والبحار - للأمانة أولا أنا لاأشاهد المسلسلات التليفزيونية نهائيا لكنني قرأت إحدى المقالات عن حوار داعر دار في المسلسل بين الممثلة سميرة محسن والمدعو يحيي الفخراني ( صاحب أزمة الخمور الشهيرة التي أطاحت بأحد شرفاء الجمارك ) قالت فيه الممثلة سميرة محسن بالحرف الواحد :

أنا اتجوزت كتير ومن غير مأذون ومن غير فرح ومن غير شهود ومن غير حب - يعني أنا من الآخر زي العربية المرسيدس كل اللي يدفع فيها أكتر يركبها !!!!! 

أقول مرة أخرى أنا لم أشاهد المسلسل ولكني قرأت نقد له في إحدى الصحف

فهل شاهد منكم أحد هذا المسلسل وما رأيكم في هذا الحوار الداعر إن كان قد حدث ؟

<{POST_SNAPBACK}>

ما هي ظروف الحوار كانت لازم تبقى كده .

لإن الدكتورة / سميرة محسن ( آه والله دكتورة ما تستغربوش .. بس أعتقد في التمثيل والحاجات دي ) كانت بتمثل دور بائعة هوى أوروبية الجنسية .. بس على ثقيل ... وكان لها علاقات برجال أعمال وكانت من وقت للتاني الشغل لما يكون مريح معاها تروح تبتذ الناس دول عشان ما تفضحهمش ..