ما هو انتماءك؟

[shawshank]

و كون شخص آخر مسيحى هو شئ يخصة هو و لا يخصنى و مفيش سبب إننى أميزة عن غيرة لكونة مسيحى أما إبن وطنى فحياتى اليومية مشتركة معاة و مشاكلة هى مشاكلى و من الطبيعى إن نتكاتف لمواجهة عقبات الحياة اليومية...

<{POST_SNAPBACK}>

إذن ، فأولوياتك في هذا الموضوع تخضع لقرارك الشخصي ، لمنطقك أو لفهمك.

أما المسلم ، فلا. لأنه أمر يتعلق بعقيدة و بإيمان. و لوجود أدلة واضحة و كثيرة جدا على ذلك.

و مفيش أي مشكلة أن أكون على ما أنا عليه و تبقى على ما أنت عليه. و نبقى مواطنين في نفس البلد ، نعيش في هدوء و أمان ، و لا توجد فتنة و لا حقد و لا كراهية و لا أي حاجة من دي خالص بسبب هذا الموضوع. أنا مش شايف أي مشكلة.

تم تعديل 23 نوفمبر 2005 بواسطة shawshank

[kotoz9]

الدين الاسلامى لا يحض على الكراهية

[shawshank]

لم يقل أشرف أن الدين الإسلامي يحض على الكراهية. بل قال إنه يحض على المحبة ، لكن ما في قلوبنا من كراهية و حقد هي التي تجعلنا نلوي الدين لنضيف إليه ما ليس فيه. مش كده يا أشرف ؟

لو كده ، فقد رديت على حضرتك في الحتة دي.

تم تعديل 23 نوفمبر 2005 بواسطة shawshank

[الشبح الغاضب]

لازم الموضوع يقلب موضوع ديني ....يا عم متسيب الدين في حاله و مدخلوش في اي حاجة عايز تكون وطني ابقه بس متولعوش الدينا بتتدخل موضوع الدين في كل حاجة !!!

البلد ديه بتاعت المسلمين و المسيحين ولو فيه يهود مصريين اب عن جد بيقي هما كمان لهم حق في البلد .....يا عم لو قامت حرب كلنا حنكون عسكري نفر في خندق واحد و بناكل من رغيف واحد و بنشرب من كوز واحد و في احتمال نموت سوا و كمان ندفن سواسوا !!

الآخرة و الحساب و النار ديه بتاعت ربنا بأه انت مالك !!!

و الجزء بتاع مين اقرب ليه المسلم ولا المسيحي المصري ....والنبي و من نبا النبي يا شيخ سبنا كتمين في قلبنا و ساكتين !!! خلاص انت شايف المسلمين مع بعضهم مقطعين المحبة و الوصال اوي يعني !!!! ولا الدول العربية بيحبوا بعضهم و التعامل مع بعضهم كله محبه شعوب و حكومة علي فكره !!

صدقني اي تطرف من الطرفين سواء المسلم او المسيحي في بلد ديه يعني خربها ....

خلي دينك لربنا

بسم الله الرحمن الرحيم

(ولوشاء ربك لآمن من في الارض كلهم جميعاً أفانت تكره الناس حتى يكونوا مؤمنين) (يونس99)

صدق الله العظيم

اتحاد المسلمين فريضة و اتحاد ابناء الوطن الواحد فريضة برضوة و الظروف الحالية تتحتم علينا ان تخلي ابناء وطنك اي كانت دينتهم المخلصين منهم قبل اي شخص اخر

يد واحدة و نبتدي نعمر من جديد ده لو في النيه للتعمير اصلا ............ولا هي كده شكلها زي سعد باشا ما قال ......مفيش فايدة !!!!!!!!!!!؟

يا مفروس باشا رجع الموضوع تاني للكان قصدك عليه لحسن حيخوش في حوار تاني خالص

سلام

[Alshiekh]

بسم الله الرحمن الرحيم

اليكم القول الفصل

{{ ‏حدثنا ‏ ‏محمد بن منهال ‏ ‏حدثنا ‏ ‏يزيد بن زريع ‏ ‏حدثنا ‏ ‏عمر بن محمد ‏ ‏عن ‏ ‏أبيه ‏ ‏عن ‏ ‏ابن عمر ‏ ‏رضي الله عنهما ‏ ‏قال ‏

‏قال رسول الله ‏ ‏صلى الله عليه وسلم ‏ ‏ما زال ‏ ‏جبريل ‏ ‏يوصيني بالجار حتى ظننت أنه سيورثه }}

هل أشار رسول الله صلى الله عليه وسلم ... رسولنا ... رسول الأسلام أى إشارة تشير إلى ديانة هذا الجار؟

سؤال للآخ شاوشنك

مدينتا مكة المكرمة و المدينة المنورة بالمملكة العربية السعودية.

هل انت من مصر أم من المملكة العربية السعودية؟

[سقراط المصري]

لازم الموضوع يقلب موضوع ديني ....يا عم متسيب الدين في حاله و مدخلوش في اي حاجة عايز تكون وطني  ابقه بس متولعوش الدينا بتتدخل موضوع الدين في كل حاجة !!!

البلد ديه بتاعت المسلمين و المسيحين ولو فيه يهود مصريين اب عن جد بيقي هما كمان لهم حق في البلد .....يا عم لو قامت حرب كلنا حنكون عسكري نفر في خندق واحد و بناكل من رغيف واحد و بنشرب من كوز واحد و في احتمال نموت سوا و كمان ندفن سواسوا !!

الآخرة و الحساب و النار ديه بتاعت ربنا بأه انت مالك !!! 

و الجزء بتاع مين اقرب ليه المسلم ولا المسيحي المصري ....والنبي و من نبا النبي يا شيخ سبنا كتمين في قلبنا و ساكتين !!! خلاص انت شايف المسلمين مع بعضهم مقطعين المحبة و الوصال اوي يعني !!!! ولا الدول العربية بيحبوا بعضهم و التعامل مع بعضهم كله محبه شعوب و حكومة علي فكره !!

صدقني اي تطرف من الطرفين سواء المسلم او المسيحي في بلد ديه يعني خربها ....

خلي دينك لربنا 

                        بسم الله الرحمن الرحيم

(ولوشاء ربك لآمن من في الارض كلهم جميعاً أفانت تكره الناس حتى يكونوا مؤمنين) (يونس99)

                                صدق الله العظيم

اتحاد المسلمين فريضة و اتحاد ابناء الوطن الواحد فريضة برضوة و الظروف الحالية تتحتم علينا ان تخلي ابناء وطنك اي كانت دينتهم المخلصين منهم قبل اي شخص اخر

يد واحدة و نبتدي نعمر من جديد ده لو في النيه للتعمير اصلا ............ولا هي كده شكلها زي سعد باشا ما قال ......مفيش فايدة !!!!!!!!!!!؟

يا مفروس باشا رجع الموضوع تاني للكان قصدك عليه لحسن حيخوش في حوار تاني خالص

سلام

<{POST_SNAPBACK}>

اتفق مع رأي الشيخ الغاضب.

سقراط

[ناصر الملك و الملكية]

لازم الموضوع يقلب موضوع ديني

<{POST_SNAPBACK}>

طبعاً لأن الإسلام دين و دنيا

فالإسلام يتحكم في كل شئ في حياتنا

البلد ديه بتاعت المسلمين و المسيحين

سلام

<{POST_SNAPBACK}>

البلد ديه منذ فتحها ابم العاص و ابن العوام أصبحت دولة إسلامية

ملك مسلميها و مسلميها فقط... !!

لأن أرض الإسلام ملك للمسلمين فقط !

ولو فيه يهود مصريين اب عن جد بيقي هما كمان لهم حق في البلد

<{POST_SNAPBACK}>

أنت عارف ... لما الرسول عليه الصلاة و السلام

جيه يطرد يهود المدينة منها , جه واحد و تسائل " كيف نطردهم من يثرب و هي أرضهم

و نحن الغرباء عليها "

يعني من الأخر بيقول أن الأرض ديه اليهود شركاء في المدينة و أصحاب تلك الأرض ( لإنهم يثربيون أباَ عن جد )

و أن المسلمين أجانب علي تلك البلاد و ليسوا من أصحابها بصفتهم ( قرشيون )

المهم , تعرف الرسول عمل معاه إيه mfb:

الآخرة و الحساب و النار ديه بتاعت ربنا بأه انت مالك !!! 

<{POST_SNAPBACK}>

يعني إيه و أنا مالي ؟؟؟

أقرأ عقيدة الولاء و البراء الأول و بعدين أبقي أطرح السؤال ده !

اتحاد ابناء الوطن الواحد فريضة برضوة

<{POST_SNAPBACK}>

في دليل من القرأن أو السنة ؟

تم تعديل 24 نوفمبر 2005 بواسطة ناصر الملك و الملكية

[هادي]

الاخوة المصريين الافاضل

اسمحوا لي ..

سأكون مختصرا قدر الاستطاعة

1) الدين الاسلامي .. هو الدين الذي ارتضاه رب العالمين لخلقه

وهو الذي أرسل به الرسل أجمعين

يدعون الناس الى توحيد الخالق ونبذ عبادة ما سواه من شجر او حجر او عرف أو قبيله

2) المسلم يرتبط مع الأرض وأهلها ومن عليها

ومع السماء و اهلها ومن فيها بعلاقة تناغم ..

لانه متفق مع سائر الكون في توحيد رب العالمين دون سواه ..

انظر

﴿ الَّذِينَ يَحْمِلُونَ الْعَرْشَ وَمَنْ حَوْلَهُ يُسَبِّحُونَ بِحَمْدِ رَبِّهِمْ وَيُؤْمِنُونَ بِهِ وَيَسْتَغْفِرُونَ لِلَّذِينَ آمَنُوا رَبَّنَا وَسِعْتَ كُلَّ شَيْءٍ رَّحْمَةً وَعِلْمًا فَاغْفِرْ لِلَّذِينَ تَابُوا وَاتَّبَعُوا سَبِيلَكَ وَقِهِمْ عَذَابَ الْجَحِيمِ ﴾ (7) سورة غافر

ولنقرأ في كتاب الله سبحانه وتعالى حين أهلك قوم فرعون:

(فَمَا بَكَتْ عَلَيْهِمُ السَّمَاءُ وَالْأَرْضُ وَمَا كَانُوا مُنْظَرِينَ)

(الدخان:29)

روى ابن جرير في تفسيره عن بن عباس رضي الله عنه في هذه الآية:

أن رجلاً قال له: يا أبا العباس رأيت قول الله تعالى :

"فما بكت عليهم السماء والأرض وما كانوا منظرين "

فهل تبكي السماء والأرض على أحد ؟

فقال رضي الله عنه : نعم إنه ليس أحدٌ من الخلائق إلا وله باب في السماء منه ينزل رزقه ومنه يصعد عمله

فإذا مات المؤمن فأغلق بابه من السماء الذي كان يصعد به عمله وينزل منه رزقه فقد بكى عليه..

وإذا فقده ُمصلاه في الأرض التي كان يصلي فيها ويذكر الله عز وجل فيها بكت عليه.

قال ابن عباس : أن الأرض تبكي على المؤمن أربعين صباحاً .

فقلت له: أتبكي الأرض ؟

قال: أتعجب؟!!!

وما للأرض لا تبكي على عبد كان يعمرها بالركوع والسجود..

وما للسماء لا تبكي على عبد كان لتكبيره وتسبيحه فيها كدوي النحل..

هذا التناغم و الود والحب .. علاقة بين أهل الايمان والتوحيد كما أسلفت

لكن

هل معنى هذا ان المسلم يكره غير المسلم الذي لا يدين الله بالاسلام

أظن أن تلك هي دائرة الموضوع والنقاش

والحقيقة أن المسلم لا يكره الكافر لأنه كافر ، بل يكره ما عليه من كُفر و شرك

وإلا .. فهو لو أسلم بعد ثانية واحدة .. صار أخاً عزيزا له في الدين

فرابطة الدين ، هي أقوى عند المسلم من كل رابطة نسب او عرق أو عصبية قبلية أو والد أو ولد ..

والأدلة على ذلك أكثر من أن تُحصى في مقال واحد

إذن هو لا يكره الانسان الكافر باسمه وصفته وشخصه

بل يكره ما عليه هذا الرجل من كُفر وشرك

ولا أعتقد ان في هذا الأمر قضية تستدعي النقاش

فهو طبيعي ومنطقي

لكن سوء الفهم جاء من باب (أخوة الوطن)

وهنا لا أجد تعارض مُستساغ أبدا ..

المسلم يحب المسلم ولا يظلم غير المسلم ويتعاون مع الجميع للبناء والخير

وهذه صحيفة المدينة جاء فيها أن المسلمين ومن معهم من نصارى ويهود و مشركي المدينة أُمة واحدة على من عاداهم ..

فالتعاون بين أبناء الوطن الواحد شيء لا يتعارض مع ما سبق بيانه بالتأكيد

ولايوجد نص واحد من قرآن أو صريح سنة نبوية مطهرة يحض على الكراهية بمعناها العنصري الحديث، بحيث نفضل جنس او عرق او لون على آخر. فلاسلام أبعد مايكون عن هذا المسلك.

يبقى نقطة واحدة

لو ان غير المسلم أصبح عدوا للمسلم

عاداه في دينه أو وطنة أو عرضه او ماله ، او خان العهد وعاون عليه المعتدي، أو طعن في دينه - تحت مسمى حرية التعبير !! - أو حاول ان يفتنه عن دينه أو غير ذلك من أشكال الاعتداء .. فوقتها لا أظن أن اي انسان ينهض للدفاع عن دينه او وطنه او ماله او عرضه سيكون محل ملامة أو اتهام .. كما يعلمنا مولانا بوش ومن معه من فراعين الاعلام في الغرب واذيالهم في بلادنا ، ان المقاومة العراقية حركة تمرد و ارهاب ، وان حماس منظمة ارهابية الى غير ذلك من باطل وإفك .

وكيف ننكر على المسلم ، وهذا جد الموحدين أبو الانبياء ابراهيم عليه السلام يعادي أبوه و قومه - لما أرادوا فتنتهم عن دينهم - ويجعله رب العالمين لنا قدوة ومثل واجب الاحتذاء

قَدْ كَانَتْ لَكُمْ أُسْوَةٌ حَسَنَةٌ فِي إِبْرَاهِيمَ وَالَّذِينَ مَعَهُ إِذْ قَالُوا لِقَوْمِهِمْ إِنَّا بُرَءَاؤاْ مِنكُمْ وَمِمَّا تَعْبُدُونَ مِن دُونِ اللَّهِ كَفَرْنَا بِكُمْ وَبَدَا بَيْنَنَا وَبَيْنَكُمُ الْعَدَاوَةُ وَالْبَغْضَاء أَبَدًا حَتَّى تُؤْمِنُوا بِاللَّهِ وَحْدَهُ (4)

التفسير

إذن أقول .. المسلم يحب المسلم لما معه من إيمان وتوحيد

ومحبته تزيد وتنقص لأن الايمان يزيد وينقص

فنحب الطائعين بدرجات طاعتهم، وأكبر محبتنا لرسولنا وصحبه الكرام وتابعيهم باحسان

ونكره العُصاة بدرجات على ما حملوه من معاصي ، وليس بعد الكُفر من ذنب.

لكن التواصل والتعاون والقسط والعدل و البر مع غير المسلم

فلا يتعارض أبدا .. فما استقاموا لكم فاستقيموا لهم .. شيء طبيعي ومنطقي

ولنقرأ

لَا يَنْهَاكُمُ اللَّهُ عَنِ الَّذِينَ لَمْ يُقَاتِلُوكُمْ فِي الدِّينِ وَلَمْ يُخْرِجُوكُم مِّن دِيَارِكُمْ أَن تَبَرُّوهُمْ وَتُقْسِطُوا إِلَيْهِمْ إِنَّ اللَّهَ يُحِبُّ الْمُقْسِطِينَ (8)

التفسير

إِنَّمَا يَنْهَاكُمُ اللَّهُ عَنِ الَّذِينَ قَاتَلُوكُمْ فِي الدِّينِ وَأَخْرَجُوكُم مِّن دِيَارِكُمْ وَظَاهَرُوا عَلَى إِخْرَاجِكُمْ أَن تَوَلَّوْهُمْ وَمَن يَتَوَلَّهُمْ فَأُوْلَئِكَ هُمُ الظَّالِمُونَ (9)

التفسير

فمن المستحيل أن يوالي ويناصر المسلم عدوه على بني دينه ، وقد يخرج من جماعة الاسلام بهذا الفعل الأثيم، وهذا ايضا طبيعي ومنطقي.

وملاحظة اخيرة

آية وفد نصارى نجران الذين أسلموا بين يدي رسول الله صلى الله عليه وسلم

أرجو ان نعود الى قراءة التفسير من كتب التفاسير الصحاح لنقف على بيانها وشرحها

فهي لاتحمل المعنى الذي ذهب البعض اليه.

وأرجو أتمنى ألا نتكلم في القرآن بالرأي، فتلك طامة كُبرى

لَتَجِدَنَّ أَشَدَّ النَّاسِ عَدَاوَةً لِّلَّذِينَ آمَنُواْ الْيَهُودَ وَالَّذِينَ أَشْرَكُواْ وَلَتَجِدَنَّ أَقْرَبَهُمْ مَّوَدَّةً لِّلَّذِينَ آمَنُواْ الَّذِينَ قَالُوَاْ إِنَّا نَصَارَى ذَلِكَ بِأَنَّ مِنْهُمْ قِسِّيسِينَ وَرُهْبَانًا وَأَنَّهُمْ لاَ يَسْتَكْبِرُونَ (82)

التفسير

وَإِذَا سَمِعُواْ مَا أُنزِلَ إِلَى الرَّسُولِ تَرَى أَعْيُنَهُمْ تَفِيضُ مِنَ الدَّمْعِ مِمَّا عَرَفُواْ مِنَ الْحَقِّ يَقُولُونَ رَبَّنَا آمَنَّا فَاكْتُبْنَا مَعَ الشَّاهِدِينَ (83)

التفسير

وللجميع شكري وتقديري

[shawshank]

{{  ‏حدثنا ‏ ‏محمد بن منهال ‏ ‏حدثنا ‏ ‏يزيد بن زريع ‏ ‏حدثنا ‏ ‏عمر بن محمد ‏ ‏عن ‏ ‏أبيه ‏ ‏عن ‏ ‏ابن عمر ‏ ‏رضي الله عنهما ‏ ‏قال ‏

قال رسول الله ‏ ‏صلى الله عليه وسلم ‏ ‏ما زال ‏ ‏جبريل ‏ ‏يوصيني بالجار حتى ظننت أنه سيورثه }}

هل أشار رسول الله صلى الله عليه وسلم ... رسولنا ... رسول الأسلام أى إشارة تشير إلى ديانة هذا الجار؟

<{POST_SNAPBACK}>

و قد اتفقنا على ذلك. ما الجديد ؟

هناك فرق بين حق الجار و بين الولاء.

سؤال للآخ شاوشنك

مدينتا مكة المكرمة و المدينة المنورة بالمملكة العربية السعودية.

هل انت من مصر أم من المملكة العربية السعودية؟

<{POST_SNAPBACK}>

من مصر.

تم تعديل 24 نوفمبر 2005 بواسطة shawshank

[shawshank]

أستاذي هادي

أتفق معك عدا هنا:

الحقيقة أن المسلم لا يكره الكافر لأنه كافر ، بل يكره ما عليه من كُفر و شرك

وإلا .. فهو لو أسلم بعد ثانية واحدة .. صار أخاً عزيزا له في الدين

<{POST_SNAPBACK}>

1. لماذا عندما كان كافرا لم يكن يكرهه لكفره ، بل كان يكره كفره. و لما صار مسلما صار يحبه و ليس فقط يحب إسلامه ؟

2. ما الدليل الشرعي على بغض كفر الكافر و عدم بغض الكافر ؟

تم تعديل 24 نوفمبر 2005 بواسطة shawshank

[shawshank]

لازم الموضوع يقلب موضوع ديني ....يا عم متسيب الدين في حاله و مدخلوش في اي حاجة عايز تكون وطني  ابقه بس متولعوش الدينا بتتدخل موضوع الدين في كل حاجة !!!

...

يا مفروس باشا رجع الموضوع تاني للكان قصدك عليه لحسن حيخوش في حوار تاني خالص

<{POST_SNAPBACK}>

أختلف معك و مع الأخ سقراط ... و أتفق مع ناصر في كل ما قال و كذلك مع هادي

إذ:

- الإسلام منهج و أسلوب حياة.

- ازاي الموضوع يقلب ديني إذا كان هو أصلا ديني mfb:

كل الخيارات في التصويت تحمل جزء دينيا. صح يا أخي الشيخ الغاضب ؟ يبقى ازاي عايز مفروس - صاحب الموضوع - يرجعه للي كان قصده عليه ؟ إذا كان مفروس نفسه كل خيارات موضوعه فيها الدين ؟

[أبو العيال]

أستاذ هادي :

تحياتي .. واحترامي ..

[shawshank]

أخي هادي

لو كان المسلم يحب الكافر و يبغض كفره (أو لا يبغض الكافر و يبغض كفره) ، فهل يحب الله الكافر و يبغض كفره أيضا ؟ و إن كان لا ، فكيف يحب المسلم من يبغضه الله عز و جل ؟ أو كيف لا يبغض المسلم من يبغضه الله عز و جل ؟

إن هذا هو معنى البغض في الله: أن تبغض من و ما يبغضه الله. و إن الله عز و جل يبغض الكافر لكفره ، كما يبغض ما هو عليه من الكفر. فالمسلم يبغض الكافر و يبغض كذلك ما عليه هذا الكافر من كفر. و لو أسلم بعد ثانية واحدة - على حد تعبير حضرتك - لصار أخا له ، و لأحبه المسلم و لأحب إسلامه ، لحب الله عز و جل إياه ، و هذا هو الحب في الله.

إن البراءة من الكفار تكون ببغضهم - ديناً - وعدم بدئهم بالسلام ، وعدم التذلل لهم أو الإعجاب بهم ، والحذر من التشبه بهم ، وتحقيق مخالفتهم - شرعاً - وجهادهم بالمال واللسان والسنان ، والهجرة من دار الكفر إلى دار الإسلام ، وغير ذلك من مقتضيات البراءة . فكيف يتحقق ذلك و هو لا يبغضهم بل يبغض فقط ما هم عليه من الكفر ؟

قال سبحانه و تعالى: "وَدَّ كَثِيرٌ مِنْ أَهْلِ الْكِتَابِ لَوْ يَرُدُّونَكُمْ مِنْ بَعْدِ إِيمَانِكُمْ كُفَّارًا حَسَدًا مِنْ عِنْدِ أَنْفُسِهِمْ مِنْ بَعْدِ مَا تَبَيَّنَ لَهُمُ الْحَقُّ".

و قال: "مَا يَوَدُّ الَّذِينَ كَفَرُوا مِنْ أَهْلِ الْكِتَابِ وَلا الْمُشْرِكِينَ أَنْ يُنَزَّلَ عَلَيْكُمْ مِنْ خَيْرٍ مِنْ رَبِّكُمْ".

تم تعديل 24 نوفمبر 2005 بواسطة shawshank

[عادل أبوزيد]

التساؤل أو الحوار حول الإنتماء - فى نظرى - حوار ليس له أى مردود أو قل أنه ليس حوارا بقدر ما هو نوع من الجدل. و قد قام الفاضل الأفوكاتو بالرد على مثل هذا التساؤل فى مكان ما بالمحاورات  فقال أنا مصرى  أما معتقدى و ديانتى فمسألة خاصة بى فقط و لا أسمح لأى كان بمناقشتها معى  ( عفوا لا أذكر نص الإجابة بدقة).

و يذكرنى هذا الحوار - عفوا أقصد الجدل - بالدعابة السخيفة التى كنا نسمعها فى طفولتنا  " إنت مسلم أم صعيدى أو أنت مسيحى أم صعيدى "  و كان صاحب الدعابة السخيفة  يقف مغتبطا و نحن الصغار ننظر إليه بدهشة و إستغراب  و شك فى قدراته الذهنية.

ما سبق كان جزء من ردى على موضوع "كلمة السر التعبد و ليس التدين"

[مفروس]

اخواني صباح الفل...

الموضوع اتشعب جدا و كل رد هنا محتاج يتفتحله موضوع لوحده...

أنا آسف مش حاقدر أرد على كل جملة و كل شخص لوحده ولكن حارد رد مجمل على الكل...

أنا شايف انه من الآخر الآراء في الموضوع ده بتتجه لثلاثة اتجاهات...

الأول ان الدين لله و الوطن للجميع و أن الوحده القومية و الانتماء القومي هو المهم هنا...و ان اختلاف العقيدة و الآراء حق مضمون للجميع و لا يجب أن يكون هناك أي تمييز في الحقوق و الواجبات بين الأفراد على أي أساس ديني أو طائفي ...

و أن المسلم أو المسيحي أو اليهودي المصري متساوون أما القانون و في التعاملات الدنيوية على أساس انتماؤهم جميعا للقومية المصرية... و أنا مع هذا الراي تماما

الراي الثاني معاكس تماما و هو ان اختلاف العقيدة يوجب التقسيم...

حتى ظهر راي هنا وهو ان مصر هي ملك لمسلميها من يوم الفتح...و أنا مش عارف أين يضع اصحاب هذا الراي مسيحيي مصر؟؟؟

فهل عليهم أن يتركوها لملاكها الجددو يهجروها مثلا؟؟؟أو أن عليهم أن يقبلوا بأن يعاملوا كمواطنبين من الدرجة الثانية أو الثالثة؟؟

أو يعتبروا أنفسهم ضيوف غير مرغوب فيهم حتى؟؟؟و هل يحق لنا كمسلمين بعد ذلك أن ننفي تهمة التفرقة الطائفية و التمييز العنصري عن أنفسنا؟؟

و هل اسلوب التفكير ده ما يوصلش في الآخر لأفكار أكثر تعصبا و تطرفا زي استحلال أموال غير المسلمين و ممتلكاتهم على اساس ان مصر و ما عليها ملك لمسلميها؟؟؟

و هل يحق لنا بعد ذلك أن نعتب عليهم عندما يقولون بأنهم مضطهدون في أرضهم كمصريين يعيش جدودهم على هذه الأرض قبل ظهور الاسلام حتى و أنهم قد يستعدون علينا قوى اجنبية لاسترجاع ما يرونه حقهم طالما أن أهل الحكم من المسلمين يعتبرونهم في درجة أقل منهم؟؟؟

و ما هو موقع الشيعة و البهائيين و اليهود و غيرهم من الأقليات الذين يحملون الجنسية المصرية و لا يتبعون المذهب السنى و هم ينتمون بجذورهم لهذه الأرض؟؟؟

و مجرد تساؤل بسيط....ما هو الفرق بين هذا الكلام و ما يفعله اليهود في فلسطين؟؟؟

بغض النظر عن المسميات و وجهات النظر و التبريرات المحفوظة...مش من الآخر هم فتحوها بالقوة و اتملكوها ووضعوا قوانينهم و عملوا تمييز ديني و طائفي فيها و قالوا انها ملك لليهود بالقوة؟؟؟

ماهو نفس المبدأ......

هي دي ماساة الدولة الدينية.....

كلها زي بعضها بس الفرق المسميات و الشعائر....

بس من اللآخر ماحدش آمن على نفسه فيها....حتى أبناء نفس الديانه لو خالفوا رأي الطائفة الحاكمة...........

و ما ننساش الخلافات و الحروب الطاحنه بين المالكية و الشافعية اللي كلهم مسلمين و سنه في الأندلس مثلا...

شوفوا السنه في ايران و الشيعة في السعودية و كلموني عن سماحة الاسلام السياسي و وحدة المسلمين و توادهم و تراحمهم مع اخوتهم في العقيدة المختلفين معهم في المذهب...

طبعا احنا ممكن نتخيل وصول أصحاب الآراء دي للحكم حيوصلنا لأيه...

الرأي الثالث يرى أن الولاء لأهل الدين و لكن ده لا يعني أن اختلاف الديانه أو العقيدة يفسد للود قضية و أنه لا يوجب الكراهية أو هضم الحقوق أو أي شيء من ذلك...

معلش أنا شايف ان دي وجهة نظر مثالية و رومانسية و مش واقعية بالمرة...

صديقي انا وانت و كل المصريين عايشين في عالم ينظر لنا على اننا مصريين....

المصري في بلاد العرب و بلاد العجم و انجلترا و امريكا و اندونيسيا و تركيا و في أي مكان في العالم ينظر له على انه مصري...

الناس برة في كل حته بتفتكرنا بالهرم و النيل و حضارتنا و تاريخنا و حاضرنا على اننا مصريين...

و حتى في السعودية و مكة و المدينه...انت بتعامل في الجوازات فى المطار على انك مصري...و كفيلك بيتعامل معاك في المرتب و الجزاءات و المعاملات المادية و الحكومية على انك مصري...

و في مكة و المدينة انت مسلم الى ان يحدث أي احتكاك مع أي سعودي أو حتى اي عربي من أي جنسية أخرى و على طول حتلاقيهم كلهم ضدك بنسبة 90% لأنك مصري...

الحقيقة حاجة و المثالية حاجة...

على أرض الواقع القومية أو الجنسية التي تحملها و تواجه العالم بيها هي القومية المصرية....

مسلم مسيحي يهودي هم دول جيرانك اللي عايشين معاك...هم اللي حاسين بهمك و شاربين نفس المرار و القرف اللي انت شاربه...

و هم برضه اللي حينصلح حاهم لما حينصلح حالك...

أكيد الاسلام ما بيحضناش على كره من هم غير مسلمين طالما لم يضرونا و لم يقاتلونا...بالعكس فهو يحضنا على مودة الجميع و معاملتهم و مجادلتهم بالتي هي أحسن...

و الرسول عليه الصلاة و السلام ما عاداش يهود المدينة ولا طردهم الا بعد ما نقضوا عهده و خانوه...

و بالرغم من كده فما عاداهمش عداء أزلى...بدليل أن الرسول عليه الصلاة و السلام لما مات مات و كان راهن درعه عند يهودي و أوصى سيدنا على أن يكون هذا الدين أول ما يسدد...

أكيد فيه رسالة لينا في القصة دي....يعني التعامل مع غير المسلمين مش حرام مهما كان...ولا يحل هضم حقوقهم...

و أكيد كان فيه مسلمين كتير أغنياء و يقدروا يسلفوا النبي عليه الصلاة و السلام أو حتى يعطوه ما أراد بدون سؤال...بس اتعامل مع اليهودي...متهيألي فيها رسالة....

و لما وقف عند مرور جنازة اليهودي و رد على أصحابه المستعجبين بجملة واحدة..."أليست نفسا؟"

أكيد اللي قال كده مستحيل يقول لا تبدأهم السلام و ان مر احدهم معك في نفس الطريق اضطروه لأضيقه

و مش منطق برضه يقولك اكره كل من هو غير مسلم...او اكره الكافر اللي ما بيضركش

و موضوع انهم لن يرضوا عنا الى ان يدخلونا ملتهم فهو برضه صيحي بالعكس...فانت لن ترضى عنه حتى تدخله ملتك....

فممكن نسيب النقطه دي و ماحدش له دعوة بملة الآخر و نحترم النقطه دي و نتعامل مع بعض في نقاط ثانية ....

قبل كل القواعد الفقهية اللي كلكم ح تملوا فيها صفحات و كل النصوص اللي تملأ مجلدات أنا نظرتي للاسلام تقول ان أهم قاعدتين فقهيتين في ديننا هما لا ضرر ولا ضرار و درء الخطر أولى من جلب المنفعة...

لما يكون التمييز الديني و العرقي يمكن أن يوصلنا لخطر و شقاق م حروب أهلية...أو ظلم مجموعات تعيش معي لأنهم على دين آخر بينما ديني يقولها صريحة أن لا اكراه في الدين

لما أتخلف و اتدهور و انشغل عن مهمتي الأولى في الحياة و اعمار الأرض و انصب نفسي حاكم على فكر و اعتقاد غيري و أحب ده و أكره ده على أساس هو بيعبد مين ولا بيعبده ازاي...كل ده ضرر أنا مش شايف منفعة توازيه...

يا صديقي...

اما تبقى مصري منشغل مع المصريين اللي حواليك بشؤن بلدك و حياتك و مستقبلك المشترك معاهم...

و في نفس الوقت منتمي لمسلمى العالم برباط روحى تتجاوب و تتفاعل معاهم كاخوة عقيدة بدون أن تضر بلدك و اهلك بتقسيمات كتير تقطع في جتته....

متهيألي هوه ده المطلوب...

و السلالالالالالالالالالالالالالالالالالالالالالالالالالالالالالالالام

[مفروس]

معلش نقطة صغيرة...

مين اللي يقدر هنا يقول ربنا بيحب مين و بيكره مين؟؟؟؟

مين قالك ان ربنا بيكره الكافر؟؟؟

اذا كان هو اللي خلقه على ما هو عليه...و لم يهديه مع ان الهداية في يده هو وحده....

و لم يغمطه في رزقه....تعرف منين ان ربنا بيكره الكافر؟؟؟طب لما يهديه في يوم من الأيام يبقى يهديه ليه و هو بيكرهه؟؟؟

و لما يكون هو بيحبه و حيهديه في يوم من الأيام يبقى انت ازاي يكون من حقك تكرهه؟؟؟

و هل ربنا بيحب كل المسلمين؟؟؟حتى من تظنهم على خير؟؟؟

مين اللي يدعي دخوله في علم الغيب الالاهي و يجرؤ على الحديث في هذه المواضيع بلغة العالم؟؟؟؟

بعد كل الكافر بالدين الاسلامي مش لازم يكون كافر بربنا...ممكن جدا يكون مؤمن بيه و حاسه داخله أكثر بكثير جدا من كثير ممن يقولون لا اله الا الله...وولد مسيحيا أو يهوديا أو بوذيا زي ما انت ولدت مسلما....

ما حدش فينا اختار دينه الا اللي بيغيره....زي ما كل منا اتولد مسلم و كبر على الاسلام و انغمس اكثر و اكثر بعمره و قراءته لدينه و اقنع نفسه بيه مع الزمن فاللي اتولد مسيحي برضه مؤمن بدينه و اليهودي كذلك و كل منا مقتنع انه صح...

ماحدش فاكر انه غلط و بيحاول يشد التاني لدينه علشان يغويه عن الطريق الصحيح....

و ربنا سبحانه و تعالى لو حب يخلينا كلنا على دين واحد كان اسهل ما عليه يقول كن فيكون...بس ما عماهاش...

ليه؟؟؟علشان نتحارب و نتنافر بسبب عقائدنا؟؟؟

ولا لتعارفوا؟؟؟

ولا ضرر ولا ضرار

بس أنا حقيقي باحس انها نوع من الشيزوفرينيا الحادة و الهلوسة و التخبط الفكري لما أسمع عن سماحة و عدل الاسلام و كرم الاسلام و مكارم الاخلاق من أشخاص يقولون أن الاسلام يحضنا على كراهية غير المسلمين!!!!

أمال هما حيحبونا ازاي و احنا بنقول انه فرض على المسلم كراهية غير المسلم لمجرد انه مش مسلم!!!

و تاني ايه الفرق بين الفكر ده و بين النازية و الصهيونية؟؟؟

و السلالالالالالالالالالالالالالالالالالالالالالالالالالالالالالالالالالالالالالام

تم تعديل 24 نوفمبر 2005 بواسطة مفروس

[Dr.Diaa]

"إضطريت أختار "مصرى - مسيحى - عربى"

لأن مفيش "مصرى -  أفريقى"

فى رأيى الإنتماء الدينى مش المفروض يقارن بالإنتماء الوطنى دى تفاحة و دى برتقانة.

عايز أسأل سؤال للأخوة بمناسبة "الأقربون أولى بالمعروف"

من أقرب لك الأجنبى المسلم أم المصرى المسيحى؟"

الإجابة يا أستاذ مينا هى:

"دى تفاحة و دى برتقانة"

أنا شخصيا لا أجد أى تعارض بين ودى لأخى المسلم فى أى مكان و ودى لجارى المسيحى الذى أوصانى به الرسول عليه الصلاة و السلام خيرا، و الذى أكلت معه و لعبت معه و ساعدته و ساعدنى فى الشدة و جاملته و جاملنى فى الرخاء.

<{POST_SNAPBACK}>

[Scorpion]

اخواني صباح الفل...

الموضوع اتشعب جدا و كل رد هنا محتاج يتفتحله موضوع لوحده...

أنا آسف مش حاقدر أرد على كل جملة و كل شخص لوحده ولكن حارد رد مجمل على الكل...

أنا شايف انه من الآخر الآراء في الموضوع ده بتتجه لثلاثة اتجاهات...

الأول ان الدين لله و الوطن للجميع و أن الوحده القومية و الانتماء القومي هو المهم هنا...و ان اختلاف العقيدة و الآراء حق مضمون للجميع و لا يجب أن يكون هناك أي تمييز في الحقوق و الواجبات بين الأفراد على أي أساس ديني أو طائفي ...

و أن المسلم أو المسيحي أو اليهودي المصري متساوون أما القانون و في التعاملات الدنيوية على أساس انتماؤهم جميعا للقومية المصرية... و أنا مع هذا الراي تماما

الراي الثاني معاكس تماما و هو ان اختلاف العقيدة يوجب التقسيم...

حتى ظهر راي هنا

... الخ ... الي آخر المداخلة

أستاذ مفروس ...

لا أستطيع أن أجد كلمات تعبر عن اعجابي الشديد و موافقتي المطلقة علي كل حرف كتبته هنا ..

تقبل احتراماتي العميقة لفكرك الناضج ...

[Scorpion]

ناصر كتب :

البلد ديه منذ فتحها ابم العاص و ابن العوام أصبحت دولة إسلامية

ملك مسلميها و مسلميها فقط... !!

لأن أرض الإسلام ملك للمسلمين فقط !

أهي دي مش قادر استوعب معناها يا استاذ ناصر ... فمعلهش يعني حتعب حضرتك و استسمحك تشرحلي عايز تقول ايه ؟؟

[dr/alfa]

أستاذ /مفروس قال:-

مين اللي يقدر هنا يقول ربنا بيحب مين و بيكره مين؟؟؟؟

أنا أقولك :

والموضوع ليس تحدي يعنى ولا غيره

بس مجرد تصحيح معلومات

ان الله سبحانه وتعالى يحب من يتبع شرعه وشرع رسوله صلى الله عليه وسلم

هذا هو ميزان حب الله للناس أخى الفاضل .

وعلى هذا الاساس يحب الله عباده ويبغضهم .

من كان مطبقا لشرع الله احبه الله , وعلى مقدار التطبيق يزداد حب الله للفرد قربا او بعدا عن شرعه .

مين قالك ان ربنا بيكره الكافر؟؟؟

لو انت عندك خبر بغير كدة يا ريت تعلمنا بيه

لأن هذا من المعلوم من الدين بالضرورة زى العلم بفرضية الصلاة والزكاة .

لا حول ولا قوة الا بالله .

يا أخى العزيز دا ربنا عز وجل انزل الكتاب وهو الفرقان لأنه يفرق بين الحق والباطل وبين الايمان والكفر .

لكن انا عندي ايات فى القرآن تقول ان الله تعالى يبغض الكافرين

خد دي بقي :

وانظر كلام بن كثير فى تفسيره للآية الكريمة :-

(( ثم قال تعالى آمرا لكل أحد من خاص وعام " قل أطيعوا الله والرسول فإن تولوا " أي تخالفوا عن أمره " فإن الله لا يحب الكافرين " فدل على أن مخالفته في الطريقة كفر والله لا يحب من اتصف بذلك وإن ادعى وزعم في نفسه أنه محب لله ويتقرب إليه حتى يتابع الرسول النبي الأمي خاتم الرسل ورسول الله إلى جميع الثقلين الجن والإنس الذي لو كان الأنبياء بل المرسلون بل أولو العزم منهم في زمانه ما وسعهم إلا اتباعه والدخول في طاعته واتباع شريعته كما سيأتي تقريره عند قوله تعالى " وإذ أخذ الله ميثاق النبيين " الآية إن شاء الله تعالى .)))

يا جماعة بالله يعنى اللى يتكلم فى الدين يتكلم بعلم واللا يسكت ويتكلم فى اى حاجة تانية سياسة بقي اقتصاد فساد لكن الكلام فى الدين محاسبين عليه يا اخاوانا .