ما هو انتماءك؟

[dr/alfa]

بعد كل الكافر بالدين الاسلامي مش لازم يكون كافر بربنا...ممكن جدا يكون مؤمن بيه و حاسه داخله أكثر بكثير جدا من كثير ممن يقولون لا اله الا الله...وولد مسيحيا أو يهوديا أو بوذيا زي ما انت ولدت مسلما....

ما حدش فينا اختار دينه الا اللي بيغيره....زي ما كل منا اتولد مسلم و كبر على الاسلام و انغمس اكثر و اكثر بعمره و قراءته لدينه و اقنع نفسه بيه مع الزمن فاللي اتولد مسيحي برضه مؤمن بدينه و اليهودي كذلك و كل منا مقتنع انه صح...

مش هتكلم كتير لان ردى على الكلام ده , قلته فى الرد السابق وفى شرح الآية 32 من سورة آل عمران والتى ذكرتها آنفا .

وأحيلكم إليه :-

وانظر كلام بن كثير فى تفسيره للآية الكريمة :-

(( ثم قال تعالى آمرا لكل أحد من خاص وعام " قل أطيعوا الله والرسول فإن تولوا " أي تخالفوا عن أمره " فإن الله لا يحب الكافرين " فدل على أن مخالفته في الطريقة كفر والله لا يحب من اتصف بذلك وإن ادعى وزعم في نفسه أنه محب لله ويتقرب إليه حتى يتابع الرسول النبي الأمي خاتم الرسل ورسول الله إلى جميع الثقلين الجن والإنس الذي لو كان الأنبياء بل المرسلون بل أولو العزم منهم في زمانه ما وسعهم إلا اتباعه والدخول في طاعته واتباع شريعته كما سيأتي تقريره عند قوله تعالى " وإذ أخذ الله ميثاق النبيين " الآية إن شاء الله تعالى .)))

فدل على أن مخالفته في الطريقة كفر

وإن ادعى وزعم في نفسه أنه محب لله ويتقرب إليه حتى يتابع الرسول النبي الأمي خاتم الرسل ورسول الله إلى جميع الثقلين الجن والإنس الذي لو كان الأنبياء بل المرسلون بل أولو العزم منهم في زمانه ما وسعهم إلا اتباعه والدخول في طاعته واتباع شريعته

يا أخوة لا تكونوا ممن قال الله فيهم (( ومن الناس من يجادل فى الله بغير علم ولا هدى ولا كتاب منير )))

[Mena0064]

د. ضياء، متفق معاك، للأسف مش دة رأى الجميع.

كالعادة الأخ مفروس قال كل اللى أنا عايز أقولة و زيادة، شكرا جزيلا أخى العزيز.

الأخ سكوربيون، بعيد عن الموضوع لكن أحب أسجل إعجابى بالصورة اللى إختارتها لتمثلك، فيها معانى كتيرة قوى. قعدت أتأمل فيها و فى الآخر سألت نفسى يا ترى المصرى اللى فى الصورة كان يبقى رأية فى الموضوع دة إية؟ حسيت بالأسف للمدى إللى وصلنا لة لا عجب إننا فى الحال اللى إحنا فية النهاردة.

د. الفا، أنا لاحظت إنك ما بتذكرش إلا الآيات و الأحاديث اللى تتفهم ضد المسيحيين، يا ترى لية تجاهلت الأجزاء الأخرى، دا حتى فية أشياء مخصوصة لأقباط مصر زى آية

"لتجدن اشد الناس عداوة للذين آمنوا اليهود و الذين اشركوا و لتجدن اقربهم مودة للذين آمنوا الذين قالوا انا نصارى ذلك بان منهم قسيسين و رهبانا و انهم لايستكبرون" و أيضا خصيصا للأقباط "استوصوا خيرا بأقباط مصر"

يا ترى هذة الآيات و الأحاديث ليس لها وزن فى مقاييسك؟

ناصر، طبعا كلامك عن ملكية المسلمين دون غيرهم لأرض مصر كلام خاطئ ممكن أرد علية بمنتهى السهولة لكن مش عايز أبعد عن الموضوع و فى نفس الوقت أنا مش هضيع وقتى فى الرد على مسألة بديهية.

سلامى للجميع

[Alshiekh]

أنا مصرى

مصرى ايه ياجدع ، قول انا مسلم ، مافيش حاجة اسمها مصرى

اواى بقى ياحبيبى ، اذا كان اسم مصر جه فى القرآن ، والرسول عليه الصلاة والسلام والخلفاء وكل المسلمين القدماء ماقالوش عليها غير مصر ، جايين انتو يابتوع اليومين دول تلغوا اسمها من على الخريطة ، ده ايه الهبل ده !

بقول لك ايه بلاش غلط ، انا باين عليا كنت مغشوش فيك ، تلاقيك شيوعى والانصرانى والا يهودى ، مانا عارفكوا ، قال وعامل لى صاحبى ، روح ياجدع كده.

اسمع بس ، حاقول لك على حاجة، اسمعنى وفكر فى اللى حاقوله بالراحة كده وبكره رد على ، والا بلاش بكرة ، خليها الاسبوع الجاى بعد مانطلع من الجمعة ، ماشى.

قول ياسيدى ...

شوف ياسيدى ، نجيبها من زمان وواحده واحده

مش لما بنقرا فى كتب التاريخ ، بيقولوا " وارسل الى عامله على مصر ، او الشام ، او بلاد فارس؟

ايوه مظبوط

ولما كانوا بيحكوا عن المسيجيين فى مصر مش قالوا اقباط مصر ، تماما زى مانقول مسلموا مصر ، ايه المشكلة فى كده؟

مافيش مشكلة

بلاش دى ، افغانستان ، مش دى برضه بلد مسلم ، ونفس الحكاية باكستان ، والهند فيها مسلمين يمكن اكثر من مصر ، واندونيسيا وحتى فى الصين ، ماسمعناش انهم الغوا هويتهم وسموا نفسهم مسلمين وبس.

كل واحد بيقول لك على دولته فقط ومابقولش على دينه الا اذا سألته، صح؟

صح

طيب ياأخى لما هو صح ، اشمعنى انت والجماعة بتاعتك عايزين تلغوا هويتنا بقى؟

أصل ........

مانا قلتلك ، فكر الاول ورد عليا الاسبوع الجاى بعد الجمعة.

فى حاجة كمان عايز اسألك فيها ، وماتفهمهاش غلط، ماشى؟

ماشى أسأل ، باين على يوم امتحان النهاردة

العالم فيه عدد كبير جدا من الديانات والمعتقدات، على سبيل المثال لاالحصر ،

المسيحية بطوائفها حوالى 2.1 بليون بنى آدم

المسلمين بطوائفهم حوالى 1.3 بليون بنى آدم تانيين

اللى مالهمش دين حوالى 1.1 بليون بنى آدم

هندوس حوالى 900 مليون بنى آدم تانيين

ديانات صينية على بوذية وديانات تانية حوالى 1.4 بليون بنى آدم كمان

شوف بقى المسلمين يادوب ييجو 21% ، يعنى فيه 80% مش مسلمين ، تفتكر لو ربنا مش عاوزهم مش كان اتخلص منهم فى لحظة ، بدل التسونامى وزلزال باكستان اللى كل ضحاياهم كانوا مسلمين؟

ليه مانسيبش الدين للخالق ونخلينا فى حياتنا وعيشتنا اللى بقت أمر من المرار بشوية؟ والا زى المثل مابيقول " مش لاقيين العيش ياكلوه ، جابو لهم عبد يلطشوه " ليه مانسيبش الملك للمالك ونركز على مايخصنا الا وهو حياتنا اللى اصبحت مرار!

ممكن تقول لى لو المسلم ولا المسيحى والا اليهودى كان شاف ربنا؟ والا حد منهم سأل ربنا مصر اسلامية والا قبطية والا حتى مهلبية؟

ليه الناس مضيعين وقتهم فى الجدال والنقاش اللى فى النهاية بيودبنا فى داهية

وعلى فاكرة ياصاحبى ، انا بقول لك الكلام وبقوله لكل واحد من صحابى المسيجيين برضه ، لان باين ان الموضة اليومين دول ان الكل بيلغى المصرية وعايز يخليها يا إما اسلامية ، يا إما مسيحية، واللى يقولك مصر بقت للمسلمين بس واللى يقولك المسلمين يسيبوا مصر ويرجوا مطرح ماجم ، كلام فاضى ، وكلام لايودى ولايجيب.

تقصد يعنى .....

مانا قلت لك ياصاحبى ، ماتردش النهاردة ، فكر فى الكلام على مهلك وادامك اسبوع ابقى رد على ، ويلا بينا علشان نصلى السنة قبل الإقامة لان العصر اذن.

[dr/alfa]

د. الفا، أنا لاحظت إنك ما بتذكرش إلا الآيات و الأحاديث اللى تتفهم ضد المسيحيين، يا ترى لية تجاهلت الأجزاء الأخرى، دا حتى فية أشياء مخصوصة لأقباط مصر زى آية

"لتجدن اشد الناس عداوة للذين آمنوا اليهود و الذين اشركوا و لتجدن اقربهم مودة للذين آمنوا الذين قالوا انا نصارى ذلك بان منهم قسيسين و رهبانا و انهم لايستكبرون" و أيضا خصيصا للأقباط "استوصوا خيرا بأقباط مصر"

يا ترى هذة الآيات و الأحاديث ليس لها وزن فى مقاييسك؟

أبدا والله يا أستاذ مينا انا مكانش قصدي اسقط الآيات الدالة على القسط الى أهل الكتاب والاحسان عنهم .

ولكن هذا لم يكن بيت القصيد

ولم يكن الحديث يدور حول الاحسان والقسط لهم .

بل كان الحديث يدور عن الانتماء وحقيقة الانتماء .

حقيقة الولاء لمن ؟؟؟؟

هل للدين ام للوطن أم للغة ؟؟؟؟

هذا هو ما قصده الاستاذ / مفروس من الموضوع .

وبعدين انا لاحظت ان الموضوع سياسة داخلية ومش مكتوب فى الجانب المفروض انه مخصص للدين . ولذلك لم أستطرد .

بل ان ديننا الحنيف امرنا ان نحسن لأهل الكتاب واهل الذمة واوصانا النبي صلى الله عليه وسلم خيرا بأهل مصر خاصة الا وهم الأقباط .

وعندنا فى دين الاسلام باب فى الفقه يسمي أحكام أهل الذمة فى كيفية معاملة أهل الكتاب وأهل الذمة .

[الشبح الغاضب]

حلوة حكاية ان مصر من ساعة الفتح للمسلمين بس !!!!!!! ضحكتني و انا ماليش نفس اضحك يا شيخ !!!! شوفوا يا جماعة عشان اريحكم ...حتة لو تخيلنا ان مصر اصبحت كلها مسلمين و مفيش ولا واحد مسيحي مثلا يعني و اصبحنا كلنا مسلمين في مسلمين

السؤال هنا ...هل تتوقع ان الحياه تبقي وردي و السلام حايهبط علينا و صباح الفل و مساء الخير و شكرا كده !!!!!!!!!!!!

لآ طبعا حندور علي بعض بعد كده و نقول اه ده شيعي ! و ده سني! وده صوفي ! وده حلمبوحي ! و نعجن في بعض من تاني !!

صدقني الموضوع تقريبا ليه علاقه بالجينات المصري غاوي مشاكل و واجع قلب مش موضوع مسلم او مسيحي ...لآ موضوع انه مصري هي ديه مشكلته!!!!!!

وبجد وبجد يعني ممكن نشوف خيبتنا الآول و بالذات لللآخوة المسلمين اللي شعليلو الموضوع !!

تقريبا المصريين مبعرفوش يعشوا في مجتماعات متعدادت الاعراق و الآديان و الاجناس

ديما هما بس اللي عملين مشاكل في اي حته بخصوص الآخر اللي مش عاجبه بس عشان مش زيه في الدين او الجنس او الشكل ....تقدر تقول تقريبا عنصرية !

صدقني مش موضوع مسلمين و خلاص !! طيب ما انت و في السعودية شوف المعامله عند اول مشكل و ده حقيقي و ساعات من غير مشاكل يعني غلاسه و خلاص ..

و اهو مسلمين و زي الفل ولا مش ملين عينك !!!

و شوف المعاملة في دولة متحضرة مش كده و بس كمان لما تعيش انت و عاليتك في اسعودية او اي دولة خليجية مسلمة برضوة طول عمرك و بمظام العبيد قصدي الكفيل ! و في الآخر ممكن يتاكل حقك او ترجع بفلوس و عشرات العقد النفسية زي متكون راجع من حرب فيتنام و محتاج علاج نفسي و طبعا ولا عمرك حتشوف اي جنسية عربية ممكن تخدها لو حبيت تستقر هناك .....

و شوف دولة زي كندا مثلا في خلال 3 سنوات ممكن تبقي منهم و عليهم و تبقي من العيله الكندية قصدي الشعب الكندي !ده غير المعاملة الآنسانية و عدم التفرقة بين البشر علي اساس ديني ا و عرقي و ديه دولة تقدر تقول علمانية و الجماعة بتوع الدول الآسلامية دول مسلمة و زي الفل !!!!!!

هناك عشرات بل المئات من الآمثله !!!

علي العموم هو الموضوع قلب ديني خلاص و الفاس وقعت في الراس

فصباح الفل يا مفروس و سقراط و سلام للجميع و حسبي الله و نعم الوكيل ....بجد و جد الجد

[shawshank]

مين اللي يقدر هنا يقول ربنا بيحب مين و بيكره مين؟؟؟؟

مين قالك ان ربنا بيكره الكافر؟؟؟

<{POST_SNAPBACK}>

اللي قال هو ربنا سبحانه و تعالى. قال عز و جل: "فلعنة الله على الكافرين".

اذا كان هو اللي خلقه على ما هو عليه...

<{POST_SNAPBACK}>

مش صحيح. ربنا خلقه على الفطرة التي هي الإسلام. قال رسول الله صلى الله عليه و سلم: "ما من مولود إلا و يولد على الفطرة".

و لم يغمطه في رزقه....تعرف منين ان ربنا بيكره الكافر؟؟؟

<{POST_SNAPBACK}>

إن الله عز و جل يرزق المؤمن و الكافر.

أعرف من كلام رب العزة سبحانه و تعالى. قال عز و جل: "فلعنة الله على الكافرين".

مين اللي يدعي دخوله في علم الغيب الالاهي و يجرؤ على الحديث في هذه المواضيع بلغة العالم؟؟؟؟

<{POST_SNAPBACK}>

عندك حق إن دي أمور غيبية. و نحن لا نقول في الغيبيات برأينا ، بل بما أخبرنا به رب العزة سبحانه و تعالى و بما أخبرنا به رسول الله صلى الله عليه و سلم. لذلك ، أنا أجرؤ على الحديث عن الغيب بما أخبرنا به الله سبحانه و تعالى و رسوله صلى الله عليه و سلم.

الكافر بالدين الاسلامي مش لازم يكون كافر بربنا...ممكن جدا يكون مؤمن بيه و حاسه داخله أكثر بكثير جدا من كثير ممن يقولون لا اله الا الله...وولد مسيحيا أو يهوديا أو بوذيا زي ما انت ولدت مسلما....

<{POST_SNAPBACK}>

مش صحيح. الغير مسلم كافر بنص القرآن. قال عز و جل: "و من يبتغ غير الإسلام دينا فلن يقبل منه و هو في الآخرة من الخاسرين".

و كما قال هادي من قبل ، إن الدين الإسلامي هو الدين الذي ارتضاه الله سبحانه و تعالى للعالمين.

وولد مسيحيا أو يهوديا أو بوذيا زي ما انت ولدت مسلما....

<{POST_SNAPBACK}>

مش صحيح. قال رسول الله صلى الله عليه و سلم: "ما من مولود إلا و يولد على الفطرة". هذه الفطرة هي الإسلام. فقد خلق الله عز و جل عباده على الإسلام ثم طرأ على بعضهم الأديان الفاسدة ، وَفِي الْحَدِيث " إِنِّي خَلَقْت عِبَادِي حُنَفَاء فَاجْتَالَتْهُمْ الشَّيَاطِين عَنْ دِينهمْ " (تفسير ابن كثير). قال عز و جل: "فَأَقِمْ وَجْهَكَ لِلدِّينِ حَنِيفًا فِطْرَةَ اللَّهِ الَّتِي فَطَرَ النَّاسَ عَلَيْهَا لا تَبْدِيلَ لِخَلْقِ اللَّهِ ذَلِكَ الدِّينُ الْقَيِّمُ وَلَكِنَّ أَكْثَرَ النَّاسِ لَا يَعْلَمُونَ".

بس أنا حقيقي باحس انها نوع من الشيزوفرينيا الحادة و الهلوسة و التخبط الفكري  لما أسمع عن سماحة و عدل الاسلام و كرم الاسلام و مكارم الاخلاق من أشخاص يقولون أن الاسلام يحضنا على كراهية غير المسلمين!!!!

أمال هما حيحبونا ازاي و احنا بنقول انه فرض على المسلم كراهية غير المسلم لمجرد انه مش مسلم!!!

و تاني ايه الفرق بين الفكر ده و بين النازية و الصهيونية؟؟؟

و السلالالالالالالالالالالالالالالالالالالالالالالالالالالالالالالالالالالالالالام

<{POST_SNAPBACK}>

أنت تخلط بين بغض الكافر لكفره و بين كراهيته. بغض الكافر سببه بغض عقيدته الفاسدة. مين قال لي إن عقيدته فاسدة ؟ الله سبحانه و تعالى و رسوله صلى الله عليه و سلم. لكن - كما قال هادي - لابد من معاملته بالقسط ، فيأخذ كل حقوقه كاملة. فهمت يا أستاذي ؟

تم تعديل 25 نوفمبر 2005 بواسطة shawshank

[Mena0064]

العزيز الشيخ الغاضب، بصراحة كلامك فى الصميم و للصراحة المشكلة نفسها عند المسيحيين برضة تلاقيهم -بالذات فى الخارج- إنقسموا على نفسهم حسب طوائفهم. الفكر المتعصب ده مشكلة عند جميع المصريين و هو اللى مشتت مجهودنا فى حاجات كتير. الحديث دة بيفكرنى بجملة قالها مكرم عبيد، قال إحنا قربنا نخلص من الإحتلال الإنجليزى و حان الآن أن نخلص من الإحتلال المصرى.

شوشانك، أحب الفت نظرك إنك مش بس بتنعت المسيحيين بلقب كفار بكلامك دة بل بتنعت كل من يختلف معك بما فيهم مسلمين، يعنى إنت بتقول كلامك و المسلم اللى يختلف معاك يبقى فى وجهة نظرك مش فاهم دينة. و دة فى حد ذاتة إتجاة خطير فى التفكير لأن الدين مبنى على الإيمان و الإيمان هو التصديق بأشياء غير مرئية و لأنها أشياء غير مرئية من الصحب جدا حسمها و الدليل هو وجود كم كبير من الديانات على مر الآف السنين. فعلى قد ما يكون إيمانك قوى لازم برضة تعطى لغيرك حرية الإختلاف معاك و الإ يتحول إيمانك إلى سيف بتوجهة لغيرك.

بمعنى أصح إن التكفير لا يضر إلا دين و دولة صاحبة. لأنة بيتسبب فى العناد و إغلاق العقول و الحوار و اللجوء لوسائل تشجع على الإنقسام و الإنشغال عن الأمور الأخرى اللى فيها منافع للكل.

معنى كدة إن من الأفضل نركز على تشابهتنا بدل فروقنا و التشابة الوحيد بين كل أولاد مصر هو إنهم مصريين، و ليس فى هذا ضرر للإسلام و المسلمين أو المسيحية و المسيحيين.

شكرا للجميع.

[ابو حلاوه]

حلوة حكاية ان مصر من ساعة الفتح للمسلمين بس !!!!!!! ضحكتني و انا ماليش نفس اضحك يا شيخ !!!! شوفوا يا جماعة  عشان اريحكم ...حتة لو تخيلنا ان مصر اصبحت كلها مسلمين و مفيش ولا واحد مسيحي مثلا يعني و اصبحنا كلنا مسلمين في مسلمين

السؤال هنا ...هل تتوقع ان الحياه تبقي وردي و السلام حايهبط علينا و صباح الفل و مساء الخير و شكرا كده !!!!!!!!!!!!

لآ طبعا حندور علي بعض بعد كده و نقول اه ده شيعي ! و ده سني! وده صوفي ! وده حلمبوحي ! و نعجن في بعض من تاني !!

صدقني الموضوع تقريبا ليه علاقه بالجينات المصري  غاوي مشاكل و واجع قلب مش موضوع مسلم او مسيحي ...لآ موضوع انه مصري هي ديه مشكلته!!!!!!

وبجد وبجد يعني ممكن نشوف خيبتنا الآول و بالذات لللآخوة المسلمين اللي شعليلو الموضوع !!

تقريبا المصريين مبعرفوش يعشوا في مجتماعات متعدادت الاعراق و الآديان و الاجناس

ديما هما بس اللي عملين مشاكل في اي حته بخصوص الآخر اللي مش عاجبه بس عشان مش زيه في الدين او الجنس او الشكل ....تقدر تقول تقريبا عنصرية !

صدقني مش موضوع مسلمين و خلاص !! طيب ما انت و في السعودية شوف المعامله عند  اول مشكل و ده حقيقي و ساعات من غير مشاكل يعني غلاسه و خلاص ..

و اهو مسلمين و زي الفل ولا مش ملين عينك !!!

و شوف المعاملة في دولة متحضرة مش كده و بس كمان  لما تعيش  انت و عاليتك في اسعودية او اي دولة خليجية مسلمة برضوة طول عمرك و بمظام العبيد قصدي الكفيل ! و في الآخر ممكن يتاكل حقك او ترجع بفلوس و عشرات العقد النفسية زي متكون راجع من حرب فيتنام و محتاج علاج نفسي  و طبعا ولا عمرك حتشوف اي جنسية عربية ممكن تخدها لو حبيت تستقر هناك .....

و شوف دولة زي كندا مثلا في خلال 3 سنوات ممكن تبقي منهم و عليهم و تبقي من العيله الكندية قصدي الشعب الكندي !ده غير المعاملة الآنسانية و عدم التفرقة بين البشر علي اساس ديني ا و عرقي  و ديه دولة تقدر تقول علمانية و الجماعة بتوع الدول الآسلامية دول مسلمة و زي الفل !!!!!!

هناك عشرات بل المئات من الآمثله !!!

علي العموم هو الموضوع قلب ديني خلاص و الفاس وقعت في الراس

فصباح الفل يا مفروس و سقراط و سلام للجميع  و حسبي الله و نعم الوكيل ....بجد و جد الجد

<{POST_SNAPBACK}>

كلام من القلب للقلب .. و من العقل للعقل .... احيانا كده باتخيل ان العالم بقي زي ما في حرب الكواكب كده مخلوقات من كواكب ياما بسبع ايدين و اتناشر رجل و خمس عيون .. ساعتها يمكن قبل ما نعرف نفسنا علي اننا مصريين او مسلمين او مسيحيين او اي حاجة يمكن نبدأ التعريف بانسان

[shawshank]

شوشانك، أحب الفت نظرك إنك مش بس بتنعت المسيحيين بلقب كفار بكلامك دة بل بتنعت كل من يختلف معك بما فيهم مسلمين

<{POST_SNAPBACK}>

ده مش كلامي أنا خالص :angry:

ده من أسس العقيدة الإسلامية ، و الثابت بعشرات الأدلة الشرعية. و لا أعرف كيف يتناقش السادة الزملاء فيما هو من أصل العقيدة الإسلامية و الذي عليه اجماع العلماء.

يعنى إنت بتقول كلامك و المسلم اللى يختلف معاك يبقى فى وجهة نظرك مش فاهم دينة.

<{POST_SNAPBACK}>

دي مش وجهة نظري أنا خالص :wub:

ده من أسس العقيدة الإسلامية ، و الثابت بعشرات الأدلة الشرعية. و لا أعرف كيف يناقش السادة الزملاء فيما هو من أصل العقيدة الإسلامية و الذي عليه اجماع العلماء.

و لم أقل أن من يختلف معي يبقى مش فاهم دينه ، عشان ده مش كلامي :angry2:

الدين مبنى على الإيمان و الإيمان هو التصديق بأشياء غير مرئية و لأنها أشياء غير مرئية من الصحب جدا حسمها

<{POST_SNAPBACK}>

بالعكس. ما حسمه الله عز و جل من الغيبيات في كتابه أو على لسان رسوله صلى الله عليه و سلم فهو محسوم. فليس صعبا حسمها ، بل من أسهل و أبسط ما يكون.

بمعنى أصح إن التكفير لا يضر إلا دين و دولة صاحبة. لأنة بيتسبب فى العناد و إغلاق العقول و الحوار و اللجوء لوسائل تشجع على الإنقسام و الإنشغال عن الأمور الأخرى اللى فيها منافع للكل.

<{POST_SNAPBACK}>

أنا أُكَفِّر من كفَّره الله عز و جل. فمن قال عنهم الله سبحانه و تعالى كفارا ، فهم كفار. الموضوع بسيط جدا. و برضه مش وجهة نظري :wub:

و مفيش أي انشغال عن أي أمور فيها منافع. الأخ مفروس فتح موضوعا و أنا أوردت الثابت من النصوص فيه و ما أجمع عليه علماء المسلمين.

التشابة الوحيد بين كل أولاد مصر هو إنهم مصريين، و ليس فى هذا ضرر للإسلام و المسلمين أو المسيحية و المسيحيين.

<{POST_SNAPBACK}>

أتفق معك. لكن موضوعنا هنا عن أولويات الإنتماء. مش كده يا مفروس ؟

تم تعديل 25 نوفمبر 2005 بواسطة shawshank

[shawshank]

أتفق تماما مع الأخ dr/alfa

العقيدة هي أساس الدين. و الموضوع هنا يمس العقيدة الإسلامية. فأرجو من الأخوة القراءة في العقيدة الإسلامية قراءة واعية متأنية. و الموضوع ليس متروكا للرأي. كما قلت ، الموضوع ثابت بعشرات الأدلة ، و عليه اجماع المسلمين ، يبقى احنا بنتناقش في ايه ؟ مش عارف.

تم تعديل 25 نوفمبر 2005 بواسطة shawshank

[مفروس]

اخواني صباح الفل....

طبعا واضح ان الموضوع ده سياسي بحت...مش ديني بالمرة...

أنا عايز اقول بعض الملاحظات هنا...

أولا زي ما قلت قبل كده...ان أصحاب القسم الثالث الرومانسيين غير واقعيين و ان طريقة التفكير دي بتؤدي للقسم الثاني و ده بقى واضح جدا....

و أنا حقيقي مش فاهم...

ازاي انتوا عايزينا نبغض غير المسلمين بس ما نكرههمش؟؟؟؟ايه الحسوكة و اللعب بالألفاظ ده؟؟؟

و هو البغض مش أكثر من الكراهية؟؟؟؟

و بعدين ايه فقه الكراهية اللي انتوا غرقانين فيه ده؟؟؟؟

عمالين تحاولوا بكل ما تستطيعون استحضار كل الدلائل و النصوص اللي بتأمر بكراهية غير المسلمين...أو بالأصح غير المسلمين السنه لنكون أكثر تحديدا....و لنصل في الآخر لكراهية كل من يخالفكم الرأي و نصل لفكر التكفير و الهجرة و طالبان و الجهاد اللي فيه ناس هنا بيدافعوا عنه....

ماهو فكر الكراهية ده هو اللي بيوصل لده....

ازاي عايز تتكلم بعد كده عن سماحة و عفو و المحبة في الاسلام؟؟؟؟

دا انت حتى لما بتتكلم عن العلاقة بين المسلمين و غيرهم من الآخر كده بتقول اننا لازم نكرههم بس تفضلا و تكرما و تنازلا منا مش حنظلمهم ولا حنجور عليهم.... بس لازم نحتقرهم و ما نبدأهمش السلام بس لو عايزين ممكن نرد عليهم...و ساعتها لازم يبوسوا رجليهم وش و ضهر من البركة اللي حلت عليهم...

هي دي صورة الاسلام اللي انت عايز توصلها لغير المسلمين؟؟؟؟

هي دي العلاقة اللي بتدعي ان ربنا عايزها؟؟؟ولا المفروض الكلام ده يستخبى و نقول كلام تاني لما نعرض الاسلام لغير المسلمين علشان ما يتقالش علينا ارهابيين؟؟؟تقيه يعني....

عمالين تجمعوا كل ما تقدروا عليه علشان تفحموني و غيري بان مبادئ الاسلام هي كراهية الغير و احتقارهم...

اسلام مين ده؟؟؟و ظهر امتى بيننا في مصر هنا؟؟؟؟

ما كان جدودنا عايشين مع بعض و مافيش بينهم الحساسيات دي...ولا هما ما كانوش مسلمين؟؟؟؟

و كانوا مستنيين فكر الاخوان و الفكر الوهابي علشان يردهم لصحيح الدين....الكراهية و البغض....

يا جماعة حرام عليكم...اتقوا الله...

اتقوا الله في ديننا و صورته اللي بتشوهوها بكل الكراهية و الحقد دول....

ازاي عايزين الناس تحتلرم الاسلام و تحبه و تقرأ فيه حتى لما تواجهوهم بأنكم بتكرهوهم و لا تبداوهم السلام؟؟؟

ربنا أمرنا اننا نحارب من يحاربنا و نأخذ حذرنا ممن يريد أن يفسد علينا ديننا...من غير المسلمين أو حتى من المسلمين زي أصحاب فقه الكراهية ده...

و لم ينهنا عن أهل الديانات الأخرى طالما كانت المعاملة بيننا بالحسنى....

بس و بكل بساطة...انما حتقوللي عقيدة البراء و الولاء ******...كل ده اخترعه ناس...مفسرين فسروا بما رأوه...

متأثرين بثقافتهم و مكان نشأتهم و الظروف الدينيه و السياسية اللي حواليهم...

و كلهم بني آدمين...يؤخذ منهم و يرد عليهم...و كلامهم مش عاجبني و من حقي آخد بيه أو ما آخدش....

ديننا يقوم على شيئين من الآخر...شهادة أن لا اله الا الله و أن محمدا رسول الله...و مبدأ لا ضرر ولا ضرار...

لأنه من الآخر نزل ليس لظلم أو التعسف مع المسلمين أو غيرهم...و القاعدة تقول أن درء الضرر أولى من جلب المنفعة...

و كل الكراهية و البغض اللي انتوا عايشينه ده حيخلي الناس كلها تكره الاسلام و سيرته و تنظر له على انه دين منعزل و دين كراهية و هو ده اللي الوهابيين عملوه وصدروه لينا و للدنيا كلها و ادينا شايفين العالم كله بينظرلنا ازاي دلوقتي...و الكلام اللي انتوا بتقولوه ده هو السبب...

الملاحظة التانية و هي سبب رئيسي في اني عملت تصويت هنا مش بس فتحت موضوع هي نتيجة التصويت...

وهي غير مفاجأة بالنسبة لي...

مش ملاحظين ان اغلب أصحاب النظرية التانية اختاروا الاختيار أ؟؟؟

و بذلك وضعوا انتماؤهم لمصر في ذيل القائمة بأنفسهم؟؟؟؟

يعني هم لا يعترفون بالقومية المصرية...أو يعتبرونها مفروضه عليهم...و زي كثير من الوهابيين بيعتبروها رجس من عمل الشيطان و بيخرجوا من ينتمي لأي قومية من الملة...

يعني هم اقلنا جميعا انتماءا و احساسا بالوطن ده و القومية دي باعترافهم و اختيارهم هم...

مش غريبة دي؟؟؟

يا جماعة أنا لسه معدي في تجربة...بطلاها بالصدفة اسلام و وليم...

اسلام عاش في بيتي 7 شهور واكل شارب نايم مكرم على حسابي و في اللآخر نصب عليا و سرقني في مبلغ كبير...

و اللي كشفهولي كان وليم....اللي اتعرفت عليه عن طريق اسلام نفسه و اكتشفنا انه كان بيكدب علينا احنا الاتنين...

وليم على فكرة كان متبني اسلام و بيعلمه في مكتبه الخاص..و طبعا اسلام خانه...و على فكره في مكتب وليم ما تعرفش مين المسلم من المسيحي غير بحجاب المحجبات...وبيعاملهم جميعا بحب و احترام و هم كلهم بيعتبروه استاذهم و بيعشقوه...

عايز تقوللي ان ربنا بيأمرني أكره وليم و احتقره و ما ابدأهوش السلام و ادفعه الى اضيق الطريق...و في المقابل أحب اسلام و أواليه و أفضله على وليم؟؟؟

ما أأظنش

و السلالالالالالالالالالالالالالالالالالالالالالالالالالالالالالالالالالالالالالال

الالالام

-----

يا أخ مفروس

ولما الإنفعال وأستخدام ألفاظ غير لائقه عندما تتحدث عن معتقدات دي .. أي دين ... وما بالك بقى لو كان الإسلام ؟.. أظن إننا يجب أن نتحلى بالصبر وثبات النفس في مثل تلك الحوارات .

وشكراً

سي السيد

[ناصر الملك و الملكية]

مش فاهم يا عم مفروس

أنت عايزني أحب واحد كافر ؟ طب إزاي

إذا كان ربنا خلقه و أكرمه و منحه الحياة و السعادة و الأكل و الشرب

و المال و و و و و كل نعم الله التي لا يمكن إحصائها

هذا الإنسان أستكتر علي الله أن يعبده وحده و يتبع نبيه و دينه , هل كثير أن ابغضه في الله ؟

و بعدين كونك مش قادر تفهم عقيدة الولاء و البراء و مش قادر تفرق بين الكراهية أو الحقد و البغض في الله

فديه مشكلتك أنت !!! و ده ما يعطكش الحق في إنك تسخر من عقيدة الولاء و البراء !!!

أنا مثلاً , فيه حاجات في النصرانية مش قادر أفهمها زي الثالوث و نظرية الفداء

يعني مثلاً النصاري بيقولوا أنهم لا يقولون أن الله ثالث ثلاثة و لكن الله ثالوث في واحد

أنا مش قادر أفهم الفرق ما بين الإثنيين و مش قادر أفهم الثالوث كله , فهل هذا معناه أن المشكلة في النصرانية ؟

هل هذا يعطيني الحق في أن أسخر من معتقدات النصاري ؟؟

تم تعديل 25 نوفمبر 2005 بواسطة ناصر الملك و الملكية

[Alshiekh]

﴿ بِسْمِ اللَّهِ الرَّحْمَنِ الرَّحِيمِ ﴾

﴿ وَلَا تُجَادِلُوا أَهْلَ الْكِتَابِ إِلَّا بِالَّتِي هِيَ أَحْسَنُ إِلَّا الَّذِينَ ظَلَمُوا مِنْهُمْ وَقُولُوا آمَنَّا بِالَّذِي أُنْزِلَ إِلَيْنَا وَأُنْزِلَ إِلَيْكُمْ وَإِلَهُنَا وَإِلَهُكُمْ وَاحِدٌ وَنَحْنُ لَهُ مُسْلِمُونَ ﴾

عفوا السادة معتنقى عقيدة الكره والبغض لله وفى الله والذين يمزجوها ويخلطوها فى خلاطاتهم بالعقيدة الاسلامية ، انتم تجعلوننا نشعر اما ان العقيدة الاسلامية فيها حاجة غلط أو هى غلط من الاساس إذا كان اساس العقيدة هو الكره والبغض لله وفى الله ، أو وهذا هو الرأى الراجح انكم تؤمنون بفكر جماعات الحقد والكره والتى تحاول او تمزج عقيدتنا السمحة " عقيدتنا السمحة وبين ثقافة الكره والبغض أى انكم تؤمنون بعقيدة اخرى غير عقيدتنا الاسلامية التى عاشت لاربعة عشر قرنا من الزمان بين ومع مختلف الديانات والمعتقدات بسماحة وحب ، عقيدة تعايشت مع الجميع ، ودول العالم من حولكم تشهد بذلك ، الى ان جاء فلاسفتكم الجدد الذين مقتوا وكرهوا كل شيئ فى سبيل الشيطان وزورا سموها كرها فى الله.

كيف تكرهون فى الله وقد خلقكم الله هكذا امما وشعوبا وقبائل وملل ونحل ؟ هل انتم احرص من الله على حقه فى ان يؤمن به عباده بالشكل الذى ارتضاه، اذا كان الله قد اعطى الجميع الحق فى الحياة وفى الكسب والعيش ، هل تأتون انتم اليوم لتحددوا من تحبونه لله وتكرهونه فى الله؟

أم أن الموضوع كما قال المثل " فاضى أشغال "

واللى مش عايز يحب واحد كافر ، خلاص ياسيدى ماتحبوش وخليها فى سرك وبلاش تنشر مابينا سرائر نفسك مما تكنه من ثقافة الكره هذه ، أم تظن ان نشر ثقافة الكره هى من فرائض الاسلام الغائبة والمحجوبة عن المسلمين بأمر رئاسى أو يمكن بأمر بوش أو كونداليزا؟

هنا تنشرون ثقافة الكره ، وفى موقف آخر تقولون ان الدين الاسلامى دين تسامح وحب ، نصدق مين؟

لم لاتدعوا الخلق للخالق وتهتموا بامور حياتكم ومماتكم؟

أم ترى ان الله سيسألكم لما لم تكرهوا عبادى الذين خالفوكم فى الدين ، وسيزج بكم فى جهنم عقابا لكم على تقصيركم فى فريضة الكره.

الافاضل معتنقى فريضة ومعتقد الكره ، ياريت ترحمونا شويه ، ينوبكم ثواب !

وياريت نبطل الكلام فى معتقد الآخر ، واللى مش فاهم حاجة سواء من المسلمين أو من المسيحيين فى دين الآخر ، ياريت يشوف له واحد متخصص فى المسجد او الكنيسة ويسأله ويستفسر منه بعيد عن المنتدى ، وخلوا محاورات المصريين فى حالها وللجميع بعيد عن هذه الهرطقات.

وللجميع ارجو ان تتقبلوا تحياتى

تم تعديل 25 نوفمبر 2005 بواسطة Mohammad

[ناصر الملك و الملكية]

<font color=#990033><font face='traditional arabic' size=4>﴿</font>  بِسْمِ اللَّهِ الرَّحْمَنِ الرَّحِيمِ  <font face='traditional arabic' size=4>﴾</font></font>

<font color=#990033><font face='traditional arabic' size=4>﴿</font>  وَلَا تُجَادِلُوا أَهْلَ الْكِتَابِ إِلَّا بِالَّتِي هِيَ أَحْسَنُ إِلَّا الَّذِينَ ظَلَمُوا مِنْهُمْ وَقُولُوا آمَنَّا بِالَّذِي أُنْزِلَ إِلَيْنَا وَأُنْزِلَ إِلَيْكُمْ وَإِلَهُنَا وَإِلَهُكُمْ وَاحِدٌ وَنَحْنُ لَهُ مُسْلِمُونَ  <font face='traditional arabic' size=4>﴾</font></font>

عفوا السادة معتنقى عقيدة الكره والبغض لله وفى الله والذين يمزجوها ويخلطوها فى خلاطاتهم بالعقيدة الاسلامية ، انتم تجعلوننا نشعر اما ان العقيدة الاسلامية فيها حاجة غلط أو هى غلط من الاساس إذا كان اساس العقيدة هو الكره والبغض لله وفى الله ، أو وهذا هو الرأى الراجح انكم تؤمنون بفكر جماعات الحقد والكره والتى تحاول او تمزج عقيدتنا السمحة " عقيدتنا السمحة وبين ثقافة الكره والبغض أى انكم تؤمنون بعقيدة اخرى غير عقيدتنا الاسلامية التى عاشت لاربعة عشر قرنا من الزمان بين ومع مختلف الديانات والمعتقدات بسماحة وحب ، عقيدة تعايشت مع الجميع ، ودول العالم من حولكم تشهد بذلك ، الى ان جاء فلاسفتكم الجدد الذين مقتوا وكرهوا كل شيئ فى سبيل الشيطان وزورا سموها كرها فى الله.

كيف تكرهون فى الله وقد خلقكم الله هكذا امما وشعوبا وقبائل وملل ونحل ؟ هل انتم احرص من الله على حقه فى ان يؤمن به عباده بالشكل الذى ارتضاه، اذا كان الله قد اعطى الجميع الحق فى الحياة وفى الكسب والعيش ، هل تأتون انتم اليوم لتحددوا من تحبونه لله وتكرهونه فى الله؟

أم أن الموضوع كما قال المثل " فاضى أشغال "

واللى مش عايز يحب واحد كافر ، خلاص ياسيدى ماتحبوش وخليها فى سرك وبلاش تنشر مابينا سرائر نفسك مما تكنه من ثقافة الكره هذه ، أم تظن ان نشر ثقافة الكره هى من فرائض الاسلام الغائبة والمحجوبة عن المسلمين بأمر رئاسى أو يمكن بأمر بوش أو كونداليزا؟

هنا تنشرون ثقافة الكره ، وفى موقف آخر تقولون ان الدين الاسلامى دين تسامح وحب ، نصدق مين؟

لم لاتدعوا الخلق للخالق وتهتموا بامور حياتكم ومماتكم؟

أم ترى ان الله سيسألكم لما لم تكرهوا عبادى الذين خالفوكم فى الدين ، وسيزج بكم فى جهنم عقابا لكم على تقصيركم فى فريضة الكره.

الافاضل معتنقى فريضة ومعتقد الكره ، ياريت ترحمونا شويه ، ينوبكم ثواب !

وياريت نبطل الكلام فى معتقد الآخر ، واللى مش فاهم حاجة سواء من المسلمين أو من المسيحيين فى دين الآخر ، ياريت يشوف له واحد متخصص فى المسجد او الكنيسة ويسأله ويستفسر منه بعيد عن المنتدى ، وخلوا محاورات المصريين فى حالها وللجميع بعيد عن هذه الهرطقات.

وللجميع ارجو ان تتقبلوا تحياتى

<{POST_SNAPBACK}>

الأخ محمد

سوف أقوم بتفنيد مشاركتك لاحقاً

أما الأن فإسمح لي أن اسألك ما علاقة الأية الكريمة التي ذكرتها بموضوعنا هذا ؟

و من كلامك يتضح لنا من الذي يقوم بتكفير المسلمين و إخراجهم من الدين الإسلامي بالعافية :angry2:

و هذه تهمة تلصقوها بنا دائماً مع أنكم أصحاب الفضل في إلقاء مثل هذه التهم الناس كلها في نظركم كفرة و لا علاقة لهم بالدين الإسلامي

إلا الليبراليين و العلمانيين و بقية اليساريين :angry:

و لا أستبعد أن تكون هذه محاولة لإستفزازنا :wub: حتي يرد عليك أحدنا قائلاً " مش من حقك تكفرنا و تخرجنا من ملة الإسلام , ده أنت بقي البعيد كل

البعد عن الدين الإسلامي فأنت تنكر عقيدة الولاء و البراء و تدعوا لمحبة اليهود و النصاري و المشركين "

لكنني لن أعطيك هذه الفرصة و سأكتفي بأن أقول لك " مش من حقك تكفرنا و تخرجنا من ملة الإسلام " :wub:

و لن أكفرك و أخرجك من الدين الإسلامي كما فعلت حضرتك , فكونك تجهل شئ في ديننا الإسلامي أو تنكر عقيدة

الولاء و البراء التي من اسس هذا الدين فهذا لا يعني إطلاقاً أن اكفرك و أخجرجك من ملة الإسلام أو أدعي أنك

تدين بديانة غير الإسلام

و لكن كل ما سأفعله أنني سأدعوا أن يهديك و يهدينا جميعاً

و السلام

تم تعديل 25 نوفمبر 2005 بواسطة ناصر الملك و الملكية

[مفروس]

يا عم ناصر كلامي واضح...

أنا مش عايزك لا تحب حد ولا تكره حد...

بس أنا مش عايز اي حد يقول ان الاسلام بيحض على الكراهية و أن ده فرض على المسلمين...

آه قول انك بتكره على مذهب محمد ابن عبد الوهاب...أو على عقيدة البراء ...أو على اسلوب هتلر أو بفلسفة الصهيونية بس أوعى تقول انك بتكره بأمر من الله و على أساس العقيدة الاسلامية...

و كوني مش متقبل عقيدة البراء أو اي معتقد آخر قننه شخص او اشخاص فهموا و فسروا آيات و نصوص بشكل معين فرضته عليهم ثقافة معينه أو مرحلة تاريخية معينه فده من حقي...

بالذات لما يكون المعتقد ده منافي لاهم مبادئ ديني وهي السماحة و المودة و الاخاء....

المهاجرين و الانصار ما اتبعوش الرسول عليه الصلاة و السلام لأنه قالهم انه بيكرههم و حيحبهم بس لو بقوا مسلمين...مستحيل توصل لقلب شخص و انت بتجاهره العداء...

الرسول عليه السلام احترم اليهود لما دخل المدينه ولم يناصبهم العداء الا عندما نقضوا عهده و خانوه...

و بالرغم من كده لم يطرد اليهود كلهم و لم يعاديهم كلهم...حارب كل قبيله لما هي بدات بالعداء ما حاربش كل اليهود بجناية قبيلة واحدة منهم...

الرسول عليه الصلاة و السلام كرم ابو سفيان و هو لسه كافر و قال من دخل دار ابو سفيان فهو آمن...

و ما أظنش انه كان بينافقه ولا خايف منه....

الرسول عليه أفضل الصلاة و السلام قال لأهل مكه اذهبوا و أنتم الطلقاء وهم كفار و بعد كل ما فعلوه في المسلمين... دي مش أفعال كراهية لغير المسلمين...

الرسول عليه الصلاة و السلام وقف لجنازة اليهودي اللي مات يهودي و قال في احترام للانسانيه "أليست نفسا"

و ده مش فعل شخص يكره أو يحتقر غير المسلمين...

الرسول عليه الصلاة و السلام رهن درعه عند يهودي قبل ما يموت و أوصى علي بن ابي طالب بأن يكون هذا الدين أول ما يسد...يعني التعامل حتى مع اليهود مش حرام...و مالهم مش مباح

الرسول عليه الصلاة و السلام تزوج ماريا القبطية و هي قبطية...و قال استوصوا باقباط مصر خيرا...ما قالش اكرهوهم و احتقروهم

فيه حاجات كتيرة جدا في السنه زي دي...اشمعنى متمسكين قوي بما يحض على الكراهية؟؟؟

القرآن برضه فيه الكثير و الكثير من النصوص اللي بتحض على التواد و التراحم و على ان الله لا ينهانا عن من لا يحاربنا ولا يعادينا....اشمعنى ما شفتوش الكلام ده؟؟؟

مين اللي انت عايزني اتبع مذهبه و أخالف مذهب الرسول الكريم؟؟؟

ليه بتتبعوا اللي بيحول الاسلام لدين كراهية و دين انعزال و حرب و موت؟؟؟

ليه بقى أهم فريضة في الاسلام الجهاد بمعنى القتل و الموت مش حتى جهاد النفس و تعمير الأرض؟؟؟

كل ده و مش عايزين الناس تقول ان الاسلام دين ارهاب؟؟؟

ما تردوا على الكلام ده...ما تردوا على الأحاديث دي و مواقف الرسول دي و المعاني دي بدل ما تتعبوا نفسكم في محاولة اظهار الاسلام بالصورة اللي انتوا حابينه يكون عليها...

و بعدين مين اللي قال ان الاسلام دين نقل مش دين عقل؟؟؟

الرسول الكريم قال استفت قلبك و لو افتوك...

و قلبي و عقلي و عقيدتي لا تقبل فتاوى تحض على الكراهية و احتقار الآخرين...

و لو العبرة بعموم النص لا بخصوص السبب يبقى ايه رأيك في تضارب النصوص اللي بتقولها و تتخذها دليل على وجوب الكراهية و النصوص اللي بنتخذها دليل على عدم كراهية من لا يبدأنا القتال؟؟؟

يا جماعة بالراحة...اتقوا الله في ديننا و صورته اللي بتشوهوها بدعاوي الوهابيين...

و السلالالالالالالالالالالالالالالالالالالالالالالالالام

[shawshank]

مفروس

شكلك هتتعبني اوي معاك :wub:

اخواني صباح الفل....

طبعا واضح ان الموضوع ده سياسي بحت...مش ديني بالمرة...

<{POST_SNAPBACK}>

صباح القشطة :angry2:

مش واضح لي أنا خالص إنه سياسي مش ديني بالمرة.

ممكن حضرتك توضح لي الوضوح ده ؟ :angry:

يعني كل الاختيارات في التصويت فيها جزء ديني. يبقى ازاي الموضوع مش ديني بالمرة ؟!

[وليد صفوت]

انا :

مســـــــــلم

مصــــــرى

عربــــــــى

[ناصر الملك و الملكية]

الأخ مفروس , لن أستطيع أن أكمل الحوار معك نظراً للأتي

أولاً : حضرتك لا تستطيع أن تفرق بين البغض في الله و الكراهية و الحقد و ديه مشكلت حضرتك و مشكلتك أنت فقط !

ثانياً : حضرتك بتستخدم أسوء أنواع الإرهاب الفكري , فأنت تصر علي فرض رأيك علينا و حرامننا من حقنا في نؤمن بشئ معين

يا سيدي الفاضل ليس من حقك أن تحرمني أن أؤمن بأن الإسلام أمرنا بأن نبغض أعداء الله كما أنني ليس من حقي أن أحرمك أن تؤمن

بأن الإسلام لم يأمرك ببغض الكافرين

ثالثاً : حضرتك بتعتمد في كلامك علي المغالطات , كمثال أنت قلت أن الرسول - صلي الله عليه و سلم - قال من دخل دار أبي سفيان فهو آمن

و أي مسلم علي دراية بدينه يعلم جيداً أن ابي سفيان أسلم قبل أن يدخل المسلمون مكة

و بعدين بتخلط ما بين و البغض و الكراهية !!! و تدعي أننا ندعو لعداوة غير المسلمين و أنا أتحداك إن كنا قد قلنا هذا !!!

رابعاً : تستشهد بمواقف لا علاقة لها بما نقوله , فأنا لا أدري ما العلاقة بين البغض في الله و تسامح الرسول مع مشركي مكة ؟؟؟

هو حد قال لك نقوم نبيد غير المسلمين ؟؟؟

حاول يا مفروس تراجع كلامك و تقرأه بتمعن و تذكر أن كل كلمة تكتبها ستحاسب عليها .

تحياتي

تم تعديل 25 نوفمبر 2005 بواسطة ناصر الملك و الملكية

[shawshank]

مفروس

حضرتك تقفز قفزا رشيقا من نقطة إلى ثانية قبل الوصول إلى نتيجة في الأولى mfb:

يعني قبل الدخول في الفرق بين البغض في الله و بين الكراهية ، و قبل مناقشة فقه الكراهية :blink: - على حد وصفك - فلننه أولا هذه النقطة.

حضرتك قلت:

مين اللي يقدر هنا يقول ربنا بيحب مين و بيكره مين؟؟؟؟

مين قالك ان ربنا بيكره الكافر؟؟؟

و قال رب العزة: "فإن الله لا يحب الكافرين".

و قال: "فلعنة الله على الكافرين".

فما هو رد حضرتك على ذلك قبل الدخول في نقطة جديدة ؟ هل تم الإجابة على تساؤل حضرتك أم مازلت تتساءله ؟

تم تعديل 25 نوفمبر 2005 بواسطة shawshank

[الشبح الغاضب]

علي فكره انا فعلا مكنتش ناوي ارد او اكتب في وسط الحرب اللي شكلها كده طائفيه و ولعت هنا بس طلما الموضوع وصل للبغض اللي هو مالي حياتنا اساسا سواء مع المسلمين و المسحيين او المسلمين و بعضهم عندي اقتراح للجماعة البغيضة دول ...

والله اذا كان المسيحين عالم واحشة كده فخلاص ...نقطع علاقاتنا بهم خالص ! و انا اعني فعلا كلمة خالص ديه ....و تتلخص في الاتي اذا كان اي واحد من الجماعة البغيضة دول في اي دولة مسيحية يرجع فوراااااااااااااا و يتركها لآن من الصعب اوي يعني تكون في بيت ناس ماكل شارب عايش في خيرهم و انت كارهم و مركب وش بلاستيك علي شكل ابتسامه بداري البغض !!!

و كمان كل واحد يعتمد علي نفسه بأه و منع استيراد الآدوية و المعدات الطبية و اجهزة الكمبيوتر و كل ما يلزمها و المعدات العسكرية و قطع غيرها و قطع غيار مولدات كهرباء السد العالي و المواد اللي بطهر مياه النيل المسمومة و معدات المصانع و قطع غيرها و معدات استخراج البترول و و قطع غيرها و كمان ايقاف تصنيع الآقمار الصناعية في فرنسا و لو صنعناه نبأه نطلعه بمعرفتنا لو جدعان بجد ,وكمان الساعات و الموبيلات و قطع غيرها و اجهزة ارسال الموجات التليفزيون و الراديو و المحمول و كمان ايقاف استيراد السيارات من الدول المسيحية و الكافرة و قطع غيرها و كذلك الطائرات و السفن و كمان القمح اللي بتاكله علي الفطار و الغذا والعشا نوقف استيراده و نزرع احنا برضوة ....الخ الخ عشان بجد تعبت ..

و بعد كده نبغض للصبح يا عم و بضمير مستريح

يعني احنا خيبة و عياشين سفلائه علي الآخر و بنكره بعضينا و مش عرفين النعمه اللي في ايدينا بالعكس ده احنا بنسعا لتدميرها...ايه تاني !! اصلها مش غريبه موضوع الكره ده علينا ...احنا اساسا بنكره بعضنا بمناسبه و بدون مناسبه ....بدل منشوف احنا وصلنا لي فين و نحاول نحصل العالم المتقدم و ده كان ممكن اوي اوي لو غيرنا ما بداخنا......

ماليزيا كانت دولة حقيرة من كام سنة قريبة اوي ...اليوم اصبحت نمر من النمور الاسيوية و دولة متقدمة و نظيفة و جعلت اي بني ادم يروح هناك ينحني لللآنسان الماليزي احتراما والله....... و اليابان و كل الدول اللي كانت من كام سنة دول في التخلف تسبح ...اليوم اصبحت دول متقدمة ..... واحنا شغلين بغض ايه الله ينور في كل مجالات الحياه دين و سياسة و حتة في اشارع العادي كده او اي مكان تروحه حتلاقي البغض مستنيك و هو فاتح احضانة زي العبيط ........

والله بجد حسبي الله و نعم الوكيل حسبي الله و نعم الوكيل

حسبي الله و نعم الوكيل ....