حزب أحباب الشتاء

[se_ Elsyed]

أنا قررت أعمل حزب أو جماعة أو جمعية - وأقبضها الأول - وأسميها " حزب أحباب الشتاء " وسأضم فيها كل المُحبين لفصل الشتاء .. ومن شكله كده هايكون أمين عام الجمعية أخونا سقراط المصري ... وهاعين مدام سلوى هي اللي تقبض الجمعية كل أول شهر ..

- فالحمد لله ربنا جعل فصل الشتاء في بلادنا العربية من أورع ما يُمكن .. اللهم شوية أيام بيبقى فيهم الجو بارد أو ممطر شوية .. لكن أهو كله خير والمطر ده بالنسبة لكثير من الناس هو الحياة ...

- وبصراحة أرتبطت بالشتاء وحبيته من زمان قوي وتحديداً من أيام الدراسة ... حيث كان الصيف بالنسبة لي يُمثل الزهق والعرق والقرف وتلاقي الواحد ما يعرفش يقعد يذاكر ساعة على بعضها من الفرهده .. وحتى لو واحد رنبا كارمه وعنده تكييف في كل حتى فتلاقيه عايش في جو صناعي وعامل زي طائر البطريق ...

أما الشتاء فيا عيني عليه ... يا سلام بقى والواحد قاعد بيذاكر بالليل ومغطي نفسه بلحاف أو بطانية .. وجنبة كوباية الشاي التمام .. مع شاندوتش جبنة بالقوطة ...

- أو لما كنا نخرج مجموعة من الشباب ونروح نضرب حمص الشام على النيل .. أو بليلة بالقشطة من عند أبو حيدر اللي في روكسي ..... يـــــــــــاه دي هي دي هي فرحة الدنيا ... غني يا قلبي .. طبلي يا عنيه ..

- لما أتخرجت بقى .. أرتبط الشتاء عندي بالنوم ... طب ماهو الواحد بينام برضوا في الصيف .. يبقى إيه الجديد في كده ؟

- أقول لك أنا يا سيدي ... نوم الشتا ده ما بيكتشفهوش ولا يعرف سره غير عدد قليل من الناس أصحاب المزاج العالي ... يعني أنا عندي إستعداد أقوم من النوم عشان أنام تاني في الشتا .. بنفس الضمير وبنفس الأداء ..

- بس بدأت أعاني من شوية مشاكل في بداية فترة الجامعة .. وهو إني كنت بأنام بدري .. وما أعرفش أصحى بدري .. وزي ما يكون كده بأصحى الصبح الأقي نفسي لازق في السرير ومش قادر أقوم .. لدرجة إني لم أحضر معظم المحاضرات الشتوية .. وكل يوم أصحى الصبح يدور بيني وبين نفسي - الشريرة - حوار .. فبأحاول أقنع نفسي إني ممكن أخد كشكول محاضرات النهاردة من واحده زميلتي .. قصدي من واحد زميلي .. أو أعوض محاضرة النهاردة في السيكشن .. أو النهاردة برد قوي وصوابع رجليه صابحه مزرقة من البرد مع إني متغطي .. نام يا سين سين وإغزي الشيطان يا ولدي .... وبالفعل يتغلب سين سين الشيطان على سين سين الملاك البريء وينام ويغُط في النوم .. ولأني كنت عايش لوحدي - في بيت العيلة بس في شقة لوحدي - فماحدش كان بيعرف عني حاجة وما إذا كنت عايش ولا تجمدت من البرد ... وهما كانوا دايماً بيعاملوني كضيف .. وإني إذا الجوع قرصني فلازم أنزل أكل ... لكن على مين .. ده أنا أموت من الجوع بس ما أضيعش فرصة النوم ..

- مالحقيتش أشتغل في مصر بعد التخرج وسافرت الخليج .. وهنا بقى الوضع أختلف شوية .. فقد زاد تعلُقي بالشتاء بعد ما شفت الصيف وحلاوته وناره ولهيبه ... فاللي شاف غير اللي سمع ... فدرجة الحرارة الصيفية هنا بالميت بتوصل 60 ومن غير الميت ممكن تبقى 45 وإنت طالع ... والحمد لله أنا مش في جده أو الخُبر لإن هناك رطوبة تجعلك تختنق وكإن واحد حبسك في حمام ساونا وقفل عليك من بره ومشي وسابك ومن ندالته أخد المفتاح معاه ...

أما الشتا .. فيا سيدي يا سيدي .. وقولي ولا تخبيش يا زين ... الحمد لله في الرياض هنا أنا مسمي الشتا بفصل من فصول الجنة .... فعلاً الجو بيبقى أكثر من رائع .. على سبيل المثال الشتا بدأ السنة دي متأخر شويه .. لكن منذ أيام بدأ النعيم والهنا .. والجو بقى مغيم وبه نسمات رقيقة من البرد التي تلفح الوجوه بحنية .. وتخلي السرير يقولي تعالى يا سين سين يا بني نام لك ساعتين ويحلها الحلال ...

ولإن سين سين دائماً ما يُلبي النداء .. فلا أتردد في تلبية نداء النوم مهما كانت الظروف ...

- وأرتبط برضوا الشتا عندي بالمشروبات الدافئة ... حلبة حصى .. سحلب مصري .. كاكاو أو قرفة بالحليب .... أما مشروبي المُفضل فهو حُمص الشام وبعون الله بأتفنن في عمايل الحمص باللمون ولا أجدعها واحد واقف بعربية قدام مدارس الإبتدائي ، وكمان لازم افتكر الحاجة والدتي أم سين سين وحلل المحشي الشتوية التي تُعطي طاقة للجسم تُعادل 2400 ميجا وات لكل حلة أي ما يوزاي 123 ميجا وات للصوباع ... ويأتي على رأس تلك الأنواع .. محشي الكرنب اللذيذ .... يا آه يا آه ...

- لكن الحاجة الوحيدة اللي ما بحبهاش في الشتا هي أنواع الفاكهة القليلة التي تكاد تكون محصورة في البرتقال واليوستفاندي - ودي حكمة إلهيه عشان فيتامين سي المقاوم للبرد - .. وأي نعم الفواكه هنا متوفرة طوال العام .. لكن برضوا طعم فاكهة الشتاء مختلف تماماً عن فاكهة الصيف المتنوعة اللذيذة .... لكن كله يهون عشان عيون الشتا ...

وسمعني يا عم أغنية است فيروز " كرهتك في الصيف .. وحبيت في الشيتي "

ومنتظر تلقي طلبات الإنضمام للحزب .. مع رسم إشتراك 24 دولار أمريكي ... أو 17 يورو ..... ( يُمنع منعاً باتاً إرسال عُملات من أبو بلاش )

[الرافعي]

أخي س.س

أرجو قبول طلب انضمامي ، وأرجو إني أكون العضو رقم 2 عشان تبقى حضرتك رئيس الحزب، والعبد لله نائب الرئيس ، وعند أول انتخابات جاية أتفق مع الحزب الوطني وأعمل عليك انقلاب وانادي بنفسي رئيساً شرعياً للشتويين بينما حضرتك واخد لك تعسيلة ومتدفي في البطانية اللي جبتها من سوق البطحاء الشتا اللي قبل اللي فات. (مقتبسة عن قصة حزب الغد وقبله حزب العمل وبعده حزب وداد قبلي يا بوي :D )

على فكرة الشتاء في الرياض رائع فعلا، وخاصةً لو طلعت على أطرافها ناحية القصيم مثلاً

تم تعديل 20 نوفمبر 2005 بواسطة حلاوة العنتبلي

[Folana]

السلام عليكم ورحمة الله .......

وانا وانا وانا .....والنبى ياسيدنا السيد عايزة اقدم اوراقى للانضمام للحزب ده ...بس لى رجاء عند سعادتك ..احيات انبى ترجع الواد المخطوف ده لاهله احسن قلبى بينفطر عليه وهو بيبص لى بنظرة استغاثة وفقدان امل كده ....

انا من انصار الشتاء جدا ..وباحب كل حاجة فيه خصوصا المطرة بتاعته ..كنت زمان ايام الشباب من يجى سبعين سنة كده ...اول الدنيا ما تمطر البس وانزل ...علشان امشى تحت المطرة وكنت اضحك من منظر الناس وهى بتجرى تستخبى او مغطين راسهم بشمسية او جرنال ....

اما عن حمص الشام فحدث ولا حرج ..انا من عشاقه صيفا وشتاءا ...اول مااشوف عربية حمص ابقى عايزة اجرى اخدها بالاحضان ..بس جوزى بقى بيخاف من التلوث ..ولو شافنى باعمل كده حيغلينى على النار علشان يقتل ......الميكروبات :lol:

زمان ايام المدرسة وانا فى ابتدائى ..اظن كان اسمها الالزامية مش كده :D كنت باضيع كل مصروفى على عربية الحمص دى ....

واما عن المذاكرة ...فطبعا احلى مذاكرة شتوية ويحلو السهر للصبح ..بس عايزة اقول الله يرحمك ياامى ويجزيك عنا الجنة انشاء الله ...افتكرتها دلوقت وهى قاعدة ياحرام على الكرسى قدامى وانا باذاكر ..مش بتذاكر لى ولكن قاعدة بتنوسنى علشان كنت باخاف (ومازلت)..واياك اشوفها بتنعس ..اقولها ايه ياماما ده انت حتنامى ولا ايه ؟....الله يرحمها :wub:

المهم يعنى انا باحجز مكان فى الحزب الشتوى الجميل ده ....ولنا عودة انشاء الله ....

[Salwa]

ياصباح الخير والورد والجمال ..

الشتاء ...

ده احلى فصل فى السنة رغم ان الشتاء عندنا هنا حدث ولا حرج ..

لكن طول عمرى بحب الشتاء .فكرتونى بأيام المذاكرة والسهر للصبح خصوصا قبل الامتحانات النهائية باسبوعين ..

والشاى والكاكاو ......والحلبة الحصى بالحليب ...والبطاطا.

واختى كانت( اخترعت لنا ) مشروب ( كانت قالت لنا ان صديقتها اليونانية قدمته لها ) مرة فى الشتاء وكان تحفة .تحفة فعلا ...

ويمكن من ايام ( الصبا ) مجربتهوش ....بس بصراحة كنا ايامها نتناوله فى ليالى الشتاء الباردة ....هى وانا طبعا ..هاهاهاهاى ...

الكسبرة الناشفة المتحمصة ولسة مطحونة ...تتعمل زى الشاى وتصب فى فناجين وترش عليها سودانى مجروش ..طبعا نضع لها السكر مثل الشاى ..

طيب جربوها كدة ؟؟؟

والا ايام المطر.والسعادة اللى نحس بيها والجرى ( كنا مش بنخاف الا نتزحلق ؟ )

وفيه شئ تانى ...

الشغل الجد والحماس والأفكار الرائعة بس بتتولد فى الشتاء بجد بجد يعنى ..

يمكن لأننا بنظل وقت اطول فى اعمالنا بدون ملل ولا قلق ولا زهق ..

ايضا الشتاء ( راقى ) ...فى اللبس والمشى وحتى الفسحة ....شوارع رائقة غير مزدحمة ..

وياسلام على النوم فى الشتاء ( بدون محاولات فاشلة للنوم ) ...بس من البرد اول ما نقول عاوزين ننام ....خلاص مفيش مشكلة .

حد فيكم جرب قربة المياه الساخنة تحت رجليه ؟؟ ....احساس بطمأنينة ونوم هادئ فعلا ......ده كان زمان فى اسكندرية ..

كانت ايام ....

دلوقت التدفئة فى كل المنزل بتحل محل حاجات كتير كانت اكثر التصاقا بنا واكثر حميمية واجمل فعلا ...

ونحن صغار كنا نلتف حول ابى وهو يشوى لنا ابو فروة .وكنت اتخيل ان هذه الاوقات هى اجمل واسعد الاوقات اللى ممكن تقضيها طفلة ..

ومرت السنين ...

وتغير الزمان والمكان ...

ونفس الشئ يحدث مع ابنائى .........يلتفوا حولى وانا اشوى لهم ابو فروة ..

واتذكر .....كم بك من ذكريات لاتمحى ابدا يا فصل الذكريات .

ها.......

مين تانى عاوز اشتراك ؟؟

مين حايدفع ....

[Folana]

الله عليك ياسلوى ياحبيبتى وعلى كلامك ..سبحان الله باحس ان كل الدفء اللى فى الدنيا بينبعث من كلامك ...

اسكندرية فى الشتا ..ياسلام ..انا مااحبش اروح اسكندرية الا فى الشتا وفى ايام النوات كمان ...واقف ورا الشباك ابص للمطرة وهى نازلة وعمالة مهرجان مع البحر وكانهم فى كرنفال جميل ..ولولا الملامة ولولا ان جوزى له كلمة شديدة جدا على :D كنت نزلت الشارع فى مطرة النوة دى ....

فكرتنى كمان بأبو فروة ولما كان ابويا الله يرحمه برضه (اصل انا يتيمة الابوين :lol: )بيشوى لنا ابو فروة ..بس تعرفى كان لها مذاق تانى خالص ..يعنى دلوقت جوزى برضه بيعمل كده لولادى ...لكن انا حاسة بفرق فى الطعم والشكل ..مش عارفة ايه اللى اتغير ؟...ابو فروة ولا الشتا ولا نفوسنا ؟....

اما اقوم اعمل الكسبرة دى واجربها ..

تم تعديل 20 نوفمبر 2005 بواسطة folana

[se_ Elsyed]

أخي س.س

أرجو قبول طلب انضمامي ، وأرجو إني أكون العضو رقم 2 عشان تبقى حضرتك رئيس الحزب، والعبد لله نائب الرئيس

<{POST_SNAPBACK}>

والله العظيم قبل ما تكمل كلامك عارف إنك هاتقول كده ...

مانا عارفكو كويس يا بتوع السياسة ..

طب إيه رأيك بقى إني مش هاعين نائب للحزب .. وياكش تولع .. طب ماهو مارينجوس بقى له ربع قرن مستفر بها لوحده ؟

احيات انبى ترجع الواد المخطوف ده لاهله احسن قلبى بينفطر عليه وهو بيبص لى بنظرة استغاثة وفقدان امل كده ....

ومن قال لكي يا سيدتي أن الفارس سيبن سين هو أبو رجل مسلوخه اللي بيخطف العيال الصغير ؟ (وش صلاح الدين السعدني في فيلم في بيتنا رِجل )

أعيدوا لها أبنها .. ومش إشكال إحنا نبقى نشوف حد فلبيني ينضف لنا الحزب .

الكسبرة الناشفة المتحمصة ولسة مطحونة ...تتعمل زى الشاى وتصب فى فناجين وترش عليها سودانى مجروش ..طبعا نضع لها السكر مثل الشاى

وش واحد بيبلع رقه بعد ما الكزبرة أتزنقت في حلقه ... ودي حضرتك الواحد يطش لها طشه توم برضوا .. ولا نمشيها عادي كده يعني ؟

بلاها مشاريب وهانمشي القاعدة نوم بس ..

[مسافر زاده الخيال]

وانا احد عشاق فصل الشتاء ونوم الشتاء فعلا متعة ولكن بعد ان اتوظفت (اصبح نوم الشتاء مشكلة بالنسبالي)

ونفسي احضر الشتاء في البلاد اللي فيها ثلوج و جليد.

وكأبة الشتاء برضو باعشقها مش عارف ليه :lol:

على العموم ايه هي شروط وكيفية الانضمام للاحزاب اصل شغل الحزبية غير معروف في بلدنا :D

و تحياتي لكل مجبي الشتاء

[مصرية الهوى]

أنا بقى هأقلب الطربيزة وهأقطع كل أوراق الحزب وهاجمد أرصدته وهأبلغ ماما أمريكا وهأقول لبشبش إن الحزب ده بيتبع بن لادن وبيموله الزرقاوي :P ..

حب ايه اللي انت جاي تقول عليه !!!!!

انا بصراحة بكررررررررررررره الشتاء مووووووت :sad: ..

باكره برده واكتئابه .. بحسه طول الوقت ظلااااااام وخوف ووحدة ... الواحد فيه بيبقى مكسل حتى يتوضى للصلاة - استغفر الله العظيم - والاستحمام بيبقى اصعب حاجه في الدنيا ...

الواحد ميقدرش يقوم من السرير طول الوقت نايم ..

امبارح لولا ستر الله ولولا ان الامتحان سهل واني مذاكراه من قبل .. مكنتش قدرت اجاوب (بس الحمد لله هأجيب الفُل مارك).. دنا يادوب مصحيتش غير ساعتين .. ساعة العشاء وساعة الفجر .. اذاكر بسرعة وارجع اكمل نوم .. وكل مااجي اصحى احس بالبرد وارجع تاني واتغطى وانام ..

لما اقعد اذاكر عالسرير وانا متغطيه .. فجأة بلاقي نفسي رحت في سابع نومه واصحى واذاكر بعدين ارجع انام .. وهكذا

وفي الكلية اللهم صلي على محمد .. ده ولا الاسكيمو ... بررررررررررررد موووووووووت ... مع اني لابسه كل الدولاب .. ده واحنا لسه في اول الشتاء .. يعني "المربعانية" لسه مدخلتش .. (الترجمة: المربعانية موسم عز الشتاء والبرد ويبدا في 7 ديسمبر :D ) .. ساعات بحس نفسي اني هاتحول لرجل تلج .. وبنروح ندور على الحتت اللي بتبقى شمس نقعد فيها ..

يمكن احلى حاجه في الشتاء .. المشي تحت المطر.. والاستلقاء تحت شمس الظهيرة ..

انما الصيف .. الله يذكره بالخير ..هو وحره وقرفه .. بصراحة بموووت فيه .. بحسه شهر الانطلاق والالوان المشرقة والملابس الخفيفة والبحر والمصيف ياسلاااااااااااااااااام ... وليل الصيف منتهى المتعة والونس ..

انما ليل الشتاء وخاصة لما الدنيا تمطر وصوت الصواعق بيبقى مرعب ..

على فكرة الشتاء في الرياض رائع فعلا، وخاصةً لو طلعت على أطرافها ناحية القصيم مثلاً

استاذ حلاوة .. هو حضرتك ساكن في السعودية ؟؟ وبتعرف القصيم كمان ..( اه اصل كل حاجه ناحية القصيم بتبقى حلوة :wub: )

فعلا في حتت في منتهى الجمال .. مثلاً:

روضة التنهات وروضة خريم وروضة الخفس ... بصراحة في الشتاء بتبقى جميلة جداً .. وهذي صور روضة خريم

على فكرة،،،

ممكن تحجزولي الاوضة اللي جنبكم عشان حزب محبي الصيف .. بس شكلي كده هأقعد لوحدي ..أنا ونضارة الشمس والتكييف .. كل الناس بتحب الشتاء الا انا .. مع اني من مواليد عز الشتاء :)

برايفت : لمسافر زاده الخيال ..

من أي الولايات ياالطيب :D ؟؟

[bodi]

الاخ سي السيد ما تيجي عندي شويه يمكن تغير رايك

من سنتين كنت زيك تمام من محبين الشتاء و نوم الشتاء و دفء الشتاء اللي مش محتاج الا اللحاف و احيانا بطانيه و نام و اتسلطن يا عم و ياسلام لو تنزل تمش رجالك المغربيه و تشوف احلي شويه برد خفاف ينعشوكو لا منظر السماء وهي ملبده بالغيوم و علي وشك المطر لكن ما كان يحزنني هو قله حدوث المطر في القاهره و دا ما كنت اكره

علي العكس لا احب الصيف لاسباب التي دكرتها ولكن ما كان يخفف الموضوع هو الخروج و الحركه في الصيف بيتبفي احسن بالاضافه الي المصيف وايام الجميله و تواجد المانجو في الصيف و ما ادراك و المانجو

لكن

فجاءه العبد لله تغير وبقي يكره الشتاء و يعني يحب الصيف

ليه

لاني في اليابان الان

حيث درجه حراره الان حوالي 7 درجه مئويه نهارا و 3 ليلا و كمان شويه الثلج ينزل و العمليه تبقي زفت و اتزحلق يا حدع و ابهدل يا جدع والبس اللبس كله و برضك سقعان ا

السنه الماضيه الشتاء كان بالنسبه لي بشع تقريبا من شهر 12 الي 4 كان متوسط الحراره -3 كل يوم والتاني snowing لما الواحد كره نفسه والا لما snow الي ice وتمش ترقص باليه ولا احسن بالرينا و تفتح حوض و لا احسن لاعب جمباز

ها ايه رايك في الشتاء بتاع اليابان يا ابو السيد

ده انتوا في نعمه (ده مش قر ده حسد) :sad:

[هادي]

إيه يا مان

دخلت ف السياسة و كونت حزب !!

ماشي ياعم

تساهيلك

الله يكرمك اكتب اسمي معاكوا

والا أقول لك

بلاش ياعم

أنا بعد ما قرأت مداخلة اخونا bodi

حوالين شتا اليابان

بأقول ( أتريث) شويه

واسمح لي أسألك ك ك ك ك ك ك

هو الشت اللي تقصده - بشنب والا من غير شنب يا زينب -

يعني قصدي

شتا مصري

والا شتا كندي

فلو كان الأخير

يبقى مش هاعطلك يا مان

شِد انت .. بالسلامه :)

الشتا عندي ست شهور يافندي

التلج لحد ركبتك أيام طويلة

ناقص ( ناقص والله) قصدي سالب خمسة واربعين احيانا

أصل بعيد عندك

من بين بلاد ربنا كلها

رحت اخترت بلد :P .. سقفها القطب الشمالي :D

ما انت عارف

الطفل المصري أزكى طفل ف العالم :wub:

ملحوظة:

لو هترجع الواد

الواد ده يلزمني

أنا عندي بنتين

عاوزه اعمل بيه فول آس .. ويبقى ناقصني كومي

وبافكر أتبناه فنياً ..

أنا عندي معمل طرشي وعاوز اعبي شريط :sad:

وتبقى حاجه كده عقبال المالتك زي فيروز و أنور واجيدي

وحقك محفوظ

تم تعديل 21 نوفمبر 2005 بواسطة هادي

[se_ Elsyed]

على العموم ايه هي شروط وكيفية الانضمام للاحزاب اصل شغل الحزبية غير معروف في بلدنا

ولا في شروط ولا يحزنون ..

كل اللي مطلوب منك إنك تاخد بعضك لحد كوبري الخليج اللي في وسط الرياض .. وتقف في الدوار وتزعق بعلو صوتك " أنا بأحب الشتا ... نا بأحب الشتا " تيجي الشُرطة .. تيجي الهيئة .. مالك دخل إنت شغال ومعاك ربنا .

انا بصراحة بكررررررررررررره الشتاء مووووووت

مصريه ... شكلك كده مش هايعمر معانا وهاتبقي بلاك ليستد ... إبقى خلي الزامل حج المكيفات ينفعك ...

هاقولهالك بصراحة .. اللي مش معانا في الحزب .. هاعتبره ضدنا ..

اذاكر بسرعة وارجع اكمل نوم .. وكل مااجي اصحى احس بالبرد وارجع تاني واتغطى وانام ..

لما اقعد اذاكر عالسرير وانا متغطيه .. فجأة بلاقي نفسي رحت في سابع نومه واصحى واذاكر بعدين ارجع انام .. وهكذا

يا بنتي ماهو إنتي كده قربتي من إكتشاف سر شويبس .. قصدي سر الشتا ... المُذاكرة بتروح وتيجي وممكن تجيبي مُلحق - بعد الشر - وتنجحي فيه في الدور الثاني ... لكن الصحة والنوم دول تعوضيهم إزاي ؟ ذيس إذ ذا كويسشن ...

الاخ سي السيد ما تيجي عندي شويه يمكن تغير رايك

بودي حبيبي حمد الله عالسلامه ...

قرار شتائي رقم 3 تقسيم عين ..

تم تعيين الرفيق بودي مندوباً سامياً للحزب بمدينة يوكوهاما .. وسيكون من أهم إختصاصاته .. متابعة أخبار النادي الأهلي وبطولة العالم للأندية والتي ستُقام في شهر ديسمبر ... على أن يتم إرسال حزمة حطب لزوم التدفئة كمكافأة له عن كل خبر حلو يجيبه ..

يعني قصدي

شتا مصري

والا شتا كندي

يا هادي يارب ... أنا عارف شغلانة الأحزاب دي هاتجيب لي صُداع ..

لأ يا عم أنا عارفكوا وبأشوفكوا في التي في ..

أنا أقصد الشتا في البلاد العربية بشكل عام ..

أختي بتكلمني الإسبوع اللي فات من أقصى شمال إسكندنافيا وهي بتتكتك عشان لسه الحكومة ما شغلتلهومش أنظمة التدفئة ( أوبك بقى والجاز غلي وكده )

[الرافعي]

على فكرة الشتاء في الرياض رائع فعلا، وخاصةً لو طلعت على أطرافها ناحية القصيم مثلاً

استاذ حلاوة .. هو حضرتك ساكن في السعودية ؟؟ وبتعرف القصيم كمان ..( اه اصل كل حاجه ناحية القصيم بتبقى حلوة :sad: )

فعلا في حتت في منتهى الجمال .. مثلاً:

:wub: ؟؟

<{POST_SNAPBACK}>

يا ست جيجي

نعم كنت في الرياض سابقاً ثم جدة بعد ذلك والآن أنا خارج المملكة، والقصيم من أجمل مناطق المملكة، وأهلها من أطيب الناس وهم أشبه بأهل الريف المصري البسطاء الكرماء وأهل دين كذلك، حتى كبار رجال الأعمال المنتمين للقصيم كالراجحي والعثيم وغيرهم ممن تمكنت بحكم عملي من التعامل مع بعضهم- هم في الحقيقة أناس بسطاء ومتواضعون جداً ، وكفاية كده أحسن البعض يفتكرني بانافق

[Alshiekh]

أنا قررت أعمل حزب أو جماعة أو جمعية - وأقبضها الأول - وأسميها " حزب أحباب الشتاء " وسأضم فيها كل المُحبين لفصل الشتاء .. ومن شكله كده هايكون أمين عام الجمعية أخونا سقراط المصري ... وهاعين مدام سلوى هي اللي تقبض الجمعية كل أول شهر ..

- فالحمد لله ربنا جعل فصل الشتاء في بلادنا العربية من أورع ما يُمكن .. اللهم شوية أيام بيبقى فيهم الجو بارد أو ممطر شوية .. لكن أهو كله خير والمطر ده بالنسبة لكثير من الناس هو الحياة ...

- وبصراحة أرتبطت بالشتاء وحبيته من زمان قوي وتحديداً من أيام الدراسة ... حيث كان الصيف بالنسبة لي يُمثل الزهق والعرق والقرف وتلاقي الواحد ما يعرفش يقعد يذاكر ساعة على بعضها من الفرهده .. وحتى لو واحد رنبا كارمه وعنده تكييف في كل حتى فتلاقيه عايش في جو صناعي وعامل زي طائر البطريق ... 

أما الشتاء فيا عيني عليه ... يا سلام بقى والواحد قاعد بيذاكر بالليل ومغطي نفسه بلحاف أو بطانية .. وجنبة كوباية الشاي التمام .. مع شاندوتش جبنة بالقوطة ...

- أو لما كنا نخرج مجموعة من الشباب ونروح نضرب حمص الشام على النيل .. أو بليلة بالقشطة من عند أبو حيدر اللي في روكسي  ..... يـــــــــــاه  دي هي دي هي فرحة الدنيا ... غني يا قلبي .. طبلي يا عنيه ..

- لما أتخرجت بقى .. أرتبط الشتاء عندي بالنوم ... طب ماهو الواحد بينام برضوا في الصيف .. يبقى إيه الجديد في كده ؟

- أقول لك أنا يا سيدي ... نوم الشتا ده ما بيكتشفهوش ولا يعرف سره غير عدد قليل من الناس أصحاب المزاج العالي ... يعني أنا عندي إستعداد أقوم من النوم عشان أنام تاني في الشتا .. بنفس الضمير وبنفس الأداء ..

- بس بدأت أعاني من شوية  مشاكل  في بداية فترة الجامعة .. وهو إني كنت بأنام بدري .. وما أعرفش أصحى بدري .. وزي ما يكون كده بأصحى الصبح الأقي نفسي لازق في السرير ومش قادر أقوم .. لدرجة إني لم أحضر معظم المحاضرات الشتوية .. وكل يوم أصحى الصبح يدور بيني وبين نفسي - الشريرة - حوار .. فبأحاول أقنع نفسي إني ممكن أخد كشكول محاضرات النهاردة من واحده زميلتي .. قصدي من واحد زميلي .. أو أعوض محاضرة النهاردة في السيكشن .. أو النهاردة برد قوي وصوابع رجليه صابحه مزرقة من البرد مع إني متغطي .. نام يا سين سين وإغزي الشيطان يا ولدي .... وبالفعل يتغلب سين سين الشيطان على سين سين الملاك البريء وينام ويغُط في النوم .. ولأني كنت عايش لوحدي - في بيت العيلة بس في شقة لوحدي - فماحدش كان بيعرف عني حاجة وما إذا كنت عايش ولا تجمدت من البرد ... وهما كانوا دايماً بيعاملوني كضيف .. وإني إذا الجوع قرصني فلازم أنزل أكل ... لكن على مين .. ده أنا أموت من الجوع بس ما أضيعش فرصة النوم ..

- مالحقيتش أشتغل في مصر  بعد التخرج وسافرت الخليج .. وهنا بقى الوضع أختلف شوية .. فقد زاد تعلُقي بالشتاء بعد ما شفت الصيف وحلاوته وناره ولهيبه ... فاللي شاف غير اللي سمع ... فدرجة الحرارة الصيفية هنا بالميت بتوصل 60 ومن غير الميت ممكن تبقى 45 وإنت طالع ... والحمد لله أنا مش في جده أو الخُبر لإن هناك رطوبة تجعلك تختنق وكإن واحد حبسك في حمام ساونا وقفل عليك من بره ومشي وسابك ومن ندالته أخد المفتاح معاه  ...

أما الشتا .. فيا سيدي يا سيدي .. وقولي ولا تخبيش يا زين ... الحمد لله في الرياض هنا أنا مسمي الشتا بفصل من فصول الجنة .... فعلاً الجو بيبقى أكثر من رائع .. على سبيل المثال الشتا بدأ السنة دي متأخر شويه .. لكن منذ أيام بدأ النعيم والهنا .. والجو بقى مغيم وبه نسمات رقيقة من البرد التي تلفح الوجوه بحنية .. وتخلي السرير يقولي تعالى  يا سين سين يا بني نام لك ساعتين ويحلها الحلال ...

ولإن سين سين دائماً ما يُلبي النداء .. فلا أتردد في تلبية نداء النوم مهما كانت الظروف  ...

- وأرتبط برضوا الشتا عندي بالمشروبات الدافئة ... حلبة حصى .. سحلب مصري .. كاكاو أو قرفة بالحليب .... أما مشروبي المُفضل فهو حُمص الشام وبعون الله بأتفنن في عمايل الحمص باللمون ولا أجدعها واحد واقف بعربية قدام مدارس الإبتدائي  ، وكمان لازم افتكر الحاجة والدتي أم سين سين  وحلل المحشي الشتوية التي تُعطي طاقة للجسم تُعادل 2400 ميجا وات لكل حلة أي ما يوزاي 123 ميجا وات للصوباع ... ويأتي على رأس تلك الأنواع .. محشي الكرنب اللذيذ .... يا آه يا آه ...

- لكن الحاجة الوحيدة اللي ما بحبهاش في الشتا هي أنواع الفاكهة القليلة التي تكاد تكون محصورة في البرتقال واليوستفاندي - ودي حكمة إلهيه عشان فيتامين سي المقاوم للبرد - .. وأي نعم الفواكه هنا متوفرة طوال العام .. لكن برضوا طعم فاكهة الشتاء مختلف تماماً عن فاكهة الصيف المتنوعة اللذيذة .... لكن كله يهون عشان عيون الشتا ...

وسمعني يا عم أغنية است فيروز " كرهتك في الصيف .. وحبيت في الشيتي "

ومنتظر تلقي طلبات الإنضمام للحزب .. مع رسم إشتراك 24 دولار أمريكي ... أو 17 يورو ..... ( يُمنع منعاً باتاً إرسال عُملات من أبو بلاش )

<{POST_SNAPBACK}>

شتاء ايه بس ياعم سى السيد

انتوا الربيع ماعداش من عندكوا

ماعداش المنادى يقول " ادى الربيع عاد من تانى ... والفجر هلت أنواره "

ويقول كمان " آدى الشتا .. ياطول لياليه ، عللى فاته حبيبه يناجى طيفه ويناجيه .. ويشكى للكون تعذيبه

وبعدين مش عايزين تزوير فى اغانى رسمية ، فيروز ماجابتش غير سيرة الحب فى الاغنية، جبت من اين كلمة كرهتك دى؟ وبعدين بصراحة بقى انا متعقد من الشتاء لأنى مابحبش الغطا والبطاطين ولا المياه فى الشوارع وانت عارف ماشاء الله المطر عندنا فى مصر بيغرق البلد فى شبر ميه ولو ماشى على رجليك العربيات تغرقك ميه ولو راكب عربية ، عربيتك حاتعكل فى برك الميه بتاعة الشتاء .

انا عن نفسى بتاع الربيع ، الورد والخضرة والحب والجمال.

انا حافتح لى دكانة ثانية ، قصدى حزب ثانى لمحبى الربيع وسيكون حزب المعارضة الاول للحزب الشتوى بتاعكوا ، بس لسه مستنى لما ناخذ موافقة لجنة السياسات ، قصدى الاحزاب ولو انهم واحد مافيش فرق ، احمد زى الحاج احمد.

[الرافعي]

- أو لما كنا نخرج مجموعة من الشباب ونروح نضرب حمص الشام على النيل .. أو بليلة بالقشطة من عند أبو حيدر اللي في روكسي  ..... يـــــــــــاه  دي هي دي هي فرحة الدنيا ... غني يا قلبي .. طبلي يا عنيه ..

<{POST_SNAPBACK}>

س.س

فكرتني بالذي مضى :sad:

[الرافعي]

- أو لما كنا نخرج مجموعة من الشباب ونروح نضرب حمص الشام على النيل .. أو بليلة بالقشطة من عند أبو حيدر اللي في روكسي  ..... يـــــــــــاه  دي هي دي هي فرحة الدنيا ... غني يا قلبي .. طبلي يا عنيه ..

<{POST_SNAPBACK}>

س.س

فكرتني بالذي مضى :sad:

أبو حيدر بالذات هيج لدي شجوناً..

يعني لو رجعت شوية كام سنة كمان قبل أيام الجامعة وأبو حيدر، تلاقيك كنت بتروح ملاهي أدهم :wub: صح ؟؟

[bodi]

بودي حبيبي حمد الله عالسلامه ...

قرار شتائي رقم 3 تقسيم عين ..

تم تعيين الرفيق بودي مندوباً سامياً للحزب بمدينة يوكوهاما .. وسيكون من أهم إختصاصاته .. متابعة أخبار النادي الأهلي وبطولة العالم للأندية والتي ستُقام في شهر ديسمبر ... على أن يتم إرسال حزمة حطب لزوم التدفئة كمكافأة له عن كل خبر حلو يجي

عمي و حبيبي سي السيد

الله يسلمك بس انا موجود علطول حتي ابقي بص تحت في قائمه الزوار

بخصوص النادي الاهلي و كاس العام للانديه علم و وينفد

بس بدل الحطب ابعت جاز لحسن الدنيا ساقعه موت و عايزين نشغل الدفايه و الاوبك و امريكا مولعه سعر الجاز

[se_ Elsyed]

أبو حيدر بالذات هيج لدي شجوناً

عاش أبو حيد مُهيج الجماهير ..

تلاقيك كنت بتروح ملاهي أدهم  :sad:  صح ؟؟

إيه ده ؟

في حد غريب بيننا يا رجالة ؟

صح والله يا معلم تابلي .. أصلي ماكنتش أعرف غيرها في هذا الوقت .. وكمان كانت قريبه ورخيصة على قد مصروفي أيامها ...

بس إيه يابني دي ... شاندوشت الشاورما أبو 3 ريال هنا .. وساعات لو جمبو وبلدي ومن عند " يا مال الشام " يبقى بخمسة ريال .. أنزل عند أبو حيدر ألاقيه بـ 13 جنيه .. وعايزلك 10 شاندوشتات عشان تسلك بهم زورك بس ... ولو معاك شِلة يبقى هاتتطوق في قد 300 ج ( شقى العُمر كله ) ؟

إيه الإفترا ده :) ؟

محمد كتب

وانت عارف ماشاء الله المطر عندنا فى مصر بيغرق البلد فى شبر ميه ولو ماشى على رجليك العربيات تغرقك ميه ولو راكب عربية

هو ده عيب الشباب الصُغير المندفع وراء عواطفه ... يابني ومين قالك تنزل الشارع ساعتها .. يا حبيب خلاصة هدف حزبنا هو " النوم " والنوم فقط .. ما تقعدش بقى تتنطط وتمشي في الشوارع المعكوكة وتلوم الشتا بعد كده .

بس بدل الحطب ابعت جاز لحسن الدنيا ساقعه موت

إنت جيت في جمل ... ده احنا هنا عندنا الصورص كله .. وبنعوم في الجاز ... من عنينا يا باشا .. قصدي من البير عدل .

[سقراط المصري]

أنا قررت أعمل حزب أو جماعة أو جمعية - وأقبضها الأول - وأسميها " حزب أحباب الشتاء " وسأضم فيها كل المُحبين لفصل الشتاء .. ومن شكله كده هايكون أمين عام الجمعية أخونا سقراط المصري ... وهاعين مدام سلوى هي اللي تقبض الجمعية كل أول شهر ..

-

<{POST_SNAPBACK}>

مزنووووووووووووووق........... انا مزنوق :)

ولاعارف انام ............... ولا عارف انام .... من الاحلام :)

نفسي اهرب ...................... نفسي :sad:

كفايه عزاب............................... اه كفايه :wub:

الايام بتجري................... بتجري :D :D

وفاتني الميعاد :wub:

الحقووووووووووووووووني ............ انا مزنوووووق

mfb:

سقراط

[se_ Elsyed]

مزنووووووووووووووق........... انا مزنوق :)

الحقووووووووووووووووني ............ انا مزنوووووق

:sad:

سقراط

يابني إنت جيت في المكان الغلط .. وإوعى تفك زنقتك هنا مش عايزين إستهبال :D

على العموم .. طلبك عندي ووصفات ما بقولهاش إلا للحبايب .. وهاتخليك تنام النومه الأبدية .. قصدي يعني نوم مُريح وعميق ..

بس إستئناني بعد الفاصل أروح أخطف لقمه وأجي ..