رباعيات هشام (الجزء الراااااااابع.....)

[هشام الجنيدى]

يا شمس ياللى بتطلعيلنا كل يوم تتمطعى

وزرعنا يكبر فضيك وفسمانا تسطعى

لو كنت لوحدى البشر وكان بايدك ....

كنتى برضه هتطلعى...........؟!

يا شيطان يا شوشو ابكى رمضان خلاص آتى

وحالنا راح ينصلح مهما انتا هتهاتى

ضحك الشيطان ضحكته وقاللى مش باين...

فى ناس انا بزقها وتمشى بقصور ذاتى...!!

عشان احارب شيطانى عملت ميت غارة

وفضلت اقاوم لوحدى بقوه جبارة

ولما غار الشيطان واتحررت نفسى...

لقتها زى الشيطان بالفسق امّارة..!!

سهران افكر تعبت وفكرى اضنانى

ولعبت فراسى الوساوس والظنون تانى

سألت نفسى سؤال لكن مجوبتهوش.....

هيّه الخطيئه فمكانى ولا فى كيانى؟؟!!

يارب ياللى خلقت لكل شىء غاية

وانا غايتى انى اعبدك والنية جوايا

نور بنورك ضلمتى لانى مش شايف ...

وخايف اخسر اخرتى من اجل دنيايا..!!

نفسى اعيش يا رب وتكون حياتى خضار

ولما اموت يا رب الاقى قبرى عمار

نفسى اموت يا رب لو كان ده احسن لى..

ونفسى يوم الحساب متودنيش النار.........................................

اتمنى ان ندخل كلنا الجنه برحمة الله وان نهتدى ولا نضل ابدا...................قولو آمين

تم تعديل 20 نوفمبر 2005 بواسطة هشام الجنيدى

[shahd]

اللهم اجعلنا من اهل الفردوس الأعلى في اعلى عليين وقنا عذاب جهنم اللهم امين ....هشام جميل ما خطت مشاعرك متألق دائما صاحب احساس مرهف سلمت اناملك اخي الفاضل

تم تعديل 20 نوفمبر 2005 بواسطة شهد

[Mina]

رباعيات شديده الجمال أستاذى ...

شديده الجمال بالفعل ! ..

قمه فى الابداع و الاتقان و الاسلوب و انتقاء الألفاظ ..

تحياتى على هذا الابداع ...

[سيناترا]

رباعيات جميلة جدا يا هشام تحياتي لك ..

وللأمام

سيناترا ،،

[هشام الجنيدى]

شكرا لكم جميعا على مروركم الكريم وتعطيبر صفحتى المتواضعه بمثل هذا العطر الذى طالما احببته منكم وتعودت عليه وادمنته وشكلى هتعاطاه فى حقن :)

واتمنى ان اكون عند حسن ظن الجميع ............

وشكرااااااااااااااااااااااا :sad:

[مصرية الهوى]

رباعياتك هايلة يا هشام..

وتشبيهاتك أحلى وأحلى .. خاصة الشمس وهي بتتمطع mfb:

تحياتي ..

[صفاء]

عشان احارب شيطانى عملت ميت غارة

وفضلت اقاوم لوحدى بقوه جبارة

ولما غار الشيطان واتحررت نفسى...

لقتها زى الشيطان بالفسق امّارة..!!

جميل mfb:

سلمت يداك

[الطيار المصرى]

مش عايز اتكلم كتير ...........

بس عايزك تجاوبني................

ليه مفيش ديوان باسم هشام الجنيدي؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ :angry2:

هه.........لييييييييييييييييييييييه؟؟؟؟؟؟؟؟؟؟؟؟؟؟؟؟؟؟؟ :angry:

الطيار المصري .............15 سنة

[ELSHARIF]

الله ينور عليك يا هشام

رباعياتك ممتازة

أرجو لك المزيد من الإبداع

الشريف

[وليد صفوت]

شكرا لكم جميعا على مروركم الكريم وتعطيبر صفحتى المتواضعه بمثل هذا العطر الذى طالما احببته منكم وتعودت عليه وادمنته  وشكلى هتعاطاه فى حقن  :wub:

واتمنى ان اكون عند حسن ظن الجميع ............

وشكرااااااااااااااااااااااا  :angry:

<{POST_SNAPBACK}>

طب خد الحقنة دى كمان ,.... :)

و الله يا إتش يا خويا انا مندهش من الموهبة الجميلة دى , ربنا يوفقك , و الله - و ما ليك عليا حلفان - لما ألاقى ان الوقت يسمح , لأفرد لك صفحات انقدك فيها ( تخصصى بقى :wub: ) بس اعمل ايه دخلنا فى إمتحانات و ربنا يستر بقى ....

الى الأمام يا إتش و ربنا يوفقك و يسعد الأعضاء بكتاباتك و رباعياتك الرائعة ...

تحياتى ..

( كل دى حقنة ) :angry2:

[هشام الجنيدى]

مصريه الهوى شكرا على مرورك الكريم واتمنى ان تحوز تشبيهاتى دائما الاعجاب

دكتوره صفاء شكرا على تعطير صفحتى بمرورك وانا من اشد المعجبين باعمالك بجد

الطيار المصرى فينك يا عم من زمان مبشوفش ليك اعمال ولا ردود على اعمالنا بس حمد الله على السلامه

الشريف هذه اول مره ارى لك ردا فى اعمالى شكرا على اهتمامك واهلا بك على صفحتى المتواضعه

فيولين الحقنه كبيره اوى المرادى وحاسس ان هيحصلى اوفر دوز توكسيستى (تسمم من الجرعه الزياده)

الحقوووووووووونىىىىىىىىىىىى هههههههههه :D

ربنا يوفقك فى امتحاناتك انتا وكل طالب فى اى حته

وشكراااااااا لكم جميعا :P

[رعد الاسكندرانى]

حبيبى هشام اهنيك على رباعيتك الجديدة اللى اتحرمنامنها كتير كان نفسى اكتب اكتر من كده يس فى مشاكل على سرعة النت دلوقتى احاول ارد عليك تلنى سامحينى