في المرحلة الثانية .. الإخوان قادمون بقوة ...

[الرافعي]

العليا بدأت إعلان نتيجة المرحلة الثانية

فوز ساحق للوطني في البحيرة وقنا

الفقي اكتسح حشمت في دمنهور.. الإخوان انهزموا في الغربية

مرشحو الوطني يستعدون لكسب معظم دوائر الإعادة السبت

كتب انتصار النمر

و علي الشاذلي:

<{POST_SNAPBACK}>

عزيزي س.س

أول ما قلت الجمهورية ضحكت قبل ما أقرأ الخبر، لكن أول ما قرأت اسم انتصار النمر استلقيت على قفاي من الضحك (معلش تعبير قديم شوية)

الست دي نابغة فعلاً ... الحقيقة هي اللي شايلة موضوع هفوات التحرير الصحفي اللي قاده أستاذنا الأفوكاتو

نابغة بجد mfb:

تم تعديل 22 نوفمبر 2005 بواسطة حلاوة العنتبلي

[se_ Elsyed]

الفـائزون

‏ وطـــني

‏*‏ د‏.‏ محمود أبوزيد‏(‏ نطهاي ـ غربية‏)‏

‏*‏ د‏.‏ مصطفي الفقي‏(‏ دمنهور ـ بحيرة‏).‏

‏*‏ سيد الفيومي‏(‏ طـــــوخ ـ قليوبية‏).‏

‏*‏ خالد خيري‏(‏ العطارين ـ إسكندرية‏).‏

‏*‏ طارق طلعت مصطفي‏(‏ سيدي جابر ـ إسكندرية‏).‏

‏*‏ عماد الجلدة‏(‏ شبراخيت ـ بحيرة‏).‏

‏*‏ عمرو نبيل أبوالسعود‏(‏ الفيوم‏).‏

‏*‏ علي توفيق صالح‏(‏ الفيوم‏)‏

‏ ناصـري

‏*‏ كمال أحمد‏(‏ العطارين ـ إسكندرية‏).‏ ( الراجل ده أنا فاكره كويس من الدورة اللي فاتحت حيث إنه كان أول من فتح الملفات السوداء بتاعت سامح الترجمان رئيس بورصة الأوراق المالية المصرية اللي كان بيتغدا ويتعشى من مطعم مكسيم الفرنسي ويجيله الأكل بالطيارة .. على حساب أهالينا طبعاً .. ده غير التهليب وتعيين كتاكيت مصر أولاد الحيتان بمرتبات خيالية في البورصة تحت مُسمى " خبير أوراق مالية " وهما لسه عندهم 20 و 21 سنة ... طبعاً بوبيهات الحزب الوطني بقيادة البولدوج الكبير أبو كرش جنان إتلموا عليه وهاتك يا ضرب .. لحد ما خلوه يقول حقي برقبتي .. وبرضوا في الأخر سامح الترجمان إترمى في الزبالة .. لكن بمزاجهم وبعد ما عمل اللي عايزة ... وحسبنا الله على الفاسدين )

‏ مسـتقلون‏ ( إمشي يا عفريت .. مش هانقول إخوان عشان العيال نايمين )

*‏ محمد البلتاجي‏(‏ شبرا الخيمة ـ قليوبية‏).‏

‏*‏ حمدي محمد إسماعيل‏(‏ التل الكبير ـ إسماعيلية‏).‏

‏*‏ صبري خلف الله عبدالعال‏(‏ إسماعيلية‏).‏

‏*‏ سعد عصمت الحسيني‏(‏ المحلة ـ غربية‏).‏

‏*‏ عبدالحليم هلال‏(‏ سمنود ـ غربية‏).‏

‏*‏ حمدي حسن‏(‏ مينا البصل ـ إسكندرية‏).‏

‏*‏ حسين محمد‏(‏ مينا البصل ـ إسكندرية‏).‏

‏*‏ المحمدي سيد أحمد‏(‏ الرمل ـ إسكندرية‏).‏

‏*‏ مصطفي محمد‏(‏ المنتزه ـ إسكندرية‏).‏

‏*‏ صابر أبوالفتوح‏(‏ باب شرق ـ إسكندرية‏).‏

‏*‏ صبحي صالح‏(‏ الرمل ـ إسكندرية‏).‏

‏*‏ محمود عطية‏(‏ كرموز ـ إسكندرية‏).‏

‏*‏ عبدالوهاب الديب‏(‏ حوش عيسي ـ بحيرة‏).‏

------------

الفاشلون

*‏ إبراهيم عوارة‏(‏ برلماني قديم‏)‏

‏*‏ محمد البدرشيني‏(‏ فئات ـ ناصري‏)‏

‏*‏ فكري الجزار‏(‏ النائب المخضرم‏)‏

‏*‏ حمدي الكنيسي‏(‏ رئيس الإذاعة السابق‏)‏

‏*‏ محمود الشاذلي‏(‏ النائب الحالي‏)‏

‏*‏ طلعت عبدالقوي‏(‏ وكيل لجنة الشئون الصحية بمجلس الشعب‏)‏ ( الراجل صحته ما ساعدتوش المرة دي )

‏*‏ عبدالوهاب قوطة‏(‏ فئات‏)‏ ( سقوط إمبراطورية قوطه للحديد والصلب ... بس الحاج سيد متولي هايعوضها وهايكسب في الإعادة .. بس هايخسر قدام الأهلي بكره mfb: )

‏*‏ فاروق متولي

‏*‏ محمود معروف‏(‏ قليوب ـ قليوبية‏)‏ ( دي أخرت حاملي المباخر وضاربي الدفوف عقبال شوبير في الإعادة )

رفعت بشير‏(‏ السويس‏)‏

‏*‏ محمود عثمان‏(‏ الإسماعيلية‏)‏

‏*‏ سيف الدين محمود‏[‏ بورسعيد‏]‏

-----

أبرز وجوه الأعادة

يوسف والي‏(‏ الفيوم‏)‏ ( بوكيرتوف أدون يوشع .... إنت إسمك إيه بالظبط .. ليفي كوهين .. ولا جون دارلنج .. ولا ياكوف بنيامين حنانيه ؟ ... روح يابني قلبي وربي غضبانين عليك .. ساقط بإذن الواحد الأحد )

خالد محيي الدين‏(‏ كفر شكر‏)‏ ( كفاية بقى يا حاج خالد ... 84 سنة كفاية بجد )

أحمد الليثي‏(‏ البحيرة‏)‏ ( ستصيبك لعنة يوشع بن والي يا ليثي ... الراجل ده شكله جه الوزارة غلط .. بجد )

البدري فرغلي‏(‏ بورسعيد‏)‏ ( ده بقى فعلاً ممكن يحصل لي حاجة لو سقط .. لإنه معارض قوي جداً ومُحب لبورسعيد بشدة ويُعتبر بُعبع برلماني )

أحمد أبوطالب‏(‏ الفيوم‏)‏

السيد راشد‏(‏ الاسكندرية‏)‏ ( ساقط يابني بإذن الله يا متحدث بإسم ملايين من عمال مصر .. وإبقى خلي البخور ينفعك )

عبدالأحد جمال الدين‏(‏ الغربية‏)‏ ( يا عم إنت لسه عايش .. أنا بيتهيألي بيلعب في الثمانينات الرجل ده )

محمد عبداللاه‏(‏ الاسكندرية‏)‏ ( ما بأطيقش سيرته بتاع جامعة إسكندرية المُلقب بإبن بطوطه من كثر سفرياته في الدورة قبل الماضية على حسابنا برضوا والسنة اللي فاتت كان بيفرفر وكان هايجيله المرض البطال بعد ما سقط في الجولة الأولى .. ويقولك أصل الإخوان زوروا الإنتخابات ومُرشحهم منع الناخبين بتوعي من الوصول إلى اللجان .. وبعدين كمان اليوم كان ممطراً والناس ما راحتش .... يا واد يا بكاش يا بتاع التلات ورقات ... بقى الإخوان بيزوروا ؟ والنطرة نطرت علي قرعتك إنت بالذات وزحلقتك وحصلت المعجزة وكانت برداً وسلاماً على الإخوان ؟ )

أحمد أبوزيد‏(‏ الاسماعيلية‏)‏

أبوالعز الحريري‏(‏ الاسكندرية‏)‏ ( من أقوى أعضاء مجلس الشعب وهو عضو في حزب التجمع ... ودايماً محمد عبد اللاه بيدور عليه ويشوف هو نازل في دايرة إيه عشان يبعد عنه لإن أبو العز بيكسوحه من أول جولة )

عادل عيد‏(‏ الاسكندرية‏)‏

عبدالعظيم الباسل ـ‏(‏ الفيوم‏)‏

أحمد شوبير‏(‏ الغربية‏)‏ ( شوشو ... المرة دي هاتطلع أوت يا مان يا مكوش على كل حاجة .. وناقص تيجي تشاركني في الميكروباظ اللي حيلتي )

سيد متولي‏(‏ بورسعيد‏). ( كُرسي السُلطة حلو برضوا ومتنجد ومريح ... ما كفاكش 20 سنة وزير يا حاج سيد ؟ )

محمد مصطفي شردي‏[‏ بورسعيد‏). ( ليت هذا الشبل يكون من ذاك الأسد المُرعب .. مصطفى شردي هو اللي حبيبني في حزب الوفد .. أيام ما كان عامل رعب للحكومة في الثمانينات .. وكان زكي بدري بيعمل بيبيه على نفسه لما يسمع صوته ... في أواخر الثمانينات ساقتني الظروف إني كنت في زيارة لأحد الأصدقاء الأجانب وكان مستأجر شقة مفروشة .. وبالصدفة طلعت في نفس العمارة اللي ساكن فيها المرحوم مصطفى شردي وكان هاين عليه أخبط عليه أبوسه وأمشي تاني .. ولكن خفت للشغالة هي اللي تفتح لي الباب فنقع في مشكلة تحرش ولا حاجة )

منصور عامر‏(‏ القليوبية‏).‏

[الرافعي]

الفاشلون

‏‏*‏ محمود معروف‏(‏ قليوب ـ قليوبية‏)‏ ( دي أخرت حاملي المباخر وضاربي الدفوف عقبال شوبير في الإعادة )

أحيي فيك عدالتك وحيادك وإن أهلاويتك لم تمنعك من قول الحق يا عمو

أبرز وجوه الأعادة

يوسف والي‏(‏ الفيوم‏)‏ ( بوكيرتوف أدون يوشع .... إنت إسمك إيه بالظبط .. ليفي كوهين .. ولا جون دارلنج .. ولا ياكوف بنيامين حنانيه ؟ ... روح يابني قلبي وربي غضبانين عليك .. ساقط بإذن الواحد الأحد )

جامددددددددددددددددددددددددددددة يا بو السيد خلليتني أستلقي على قفايا للمرة الثانية النهارده

تخيل (الراجل) ده إزاي هايقف أمام ربنا ووراه كل المساكين المصابين بالسرطان والفشل الكلوي والكبد الوبائي إلخ ...

البدري فرغلي‏(‏ بورسعيد‏)‏ ( ده بقى فعلاً ممكن يحصل لي حاجة لو سقط .. لإنه معارض قوي جداً ومُحب لبورسعيد بشدة ويُعتبر بُعبع برلماني )

صح لسانك يا بو عمر

السيد راشد‏(‏ الاسكندرية‏)‏ ( ساقط يابني بإذن الله يا متحدث بإسم ملايين من عمال مصر .. وإبقى خلي البخور ينفعك )

الله يخرب بيتك يا واد يا نشأت يا نششئ يا بتاع (البخــــــــــــــــــور)

عبدالأحد جمال الدين‏(‏ الغربية‏)‏ ( يا عم إنت لسه عايش .. أنا بيتهيألي بيلعب في الثمانينات الرجل ده )

(أشهر وزير وعضو مبوسجي في التاريخ)

عادل عيد‏(‏ الاسكندرية‏)‏

الراجل ده محترم على فكرة وله مواقف وطنية كتير

أحمد شوبير‏(‏ الغربية‏)‏ ( شوشو ... المرة دي هاتطلع أوت يا مان يا مكوش على كل حاجة .. وناقص تيجي تشاركني في الميكروباظ اللي حيلتي )

آمان يا ربي آمان ... إنتي جاية هنا اشتغلي إيه

لاعبين كرة ومعلقين ومدربين ونواب كمان وفانلات وشرابات وامشاط وفلايات ومين يقول هات

[أبو حميد]

يعني مش مكسوفين على دمهم يكتبوا مصطفى الفقي يكتسح جمال حشمت بعد ما الحقيقة ظهرت في المساء

طب يكتبوا فاز بفارق ضئيل علشان تمشي وتبقى مبلوعة

فعلا إذا لم تستحي فأفعل ما شئت

[mAs]

يعني مش مكسوفين على دمهم يكتبوا مصطفى الفقي يكتسح جمال حشمت بعد ما الحقيقة ظهرت في المساء

طب يكتبوا فاز بفارق ضئيل علشان تمشي وتبقى مبلوعة

فعلا إذا لم تستحي فأفعل ما شئت

<{POST_SNAPBACK}>

أصل انت مش واخد بالك..ماهو فعلاًً اكتسحه ...يعني لمؤخذه (كسحه) و سرق منه الكرسي :D

و بعدين انت بتشكك في مصدقية الحكومة و حياد الصحف القوميه :D

[se_ Elsyed]

أستئذنكم في الغياب لمدة إسبوعين ثلاثة في الفترة القادمة .. حيث سأذهب في رحلة قصيرة إلى وكالة البلح أشتري بدلة وكرافته مستعملين ( ماركة لويس سانك ) وأقعد وأنجعص أمام كاميرات التلفاز والشاشات الفضائية وأقعد أحلل إنتخابات بقى والبلية تلعب معانا ..

فهاهي توقعاتنا المرئية قد أصابت كبد الحقيقة ..

بصوا كده أنا كتبت إيه يوم 22/11

يوسف والي‏(‏ الفيوم‏)‏ ( بوكيرتوف أدون يوشع .... إنت إسمك إيه بالظبط .. ليفي كوهين .. ولا جون دارلنج .. ولا ياكوف بنيامين حنانيه ؟ ... روح يابني قلبي وربي غضبانين عليك .. ساقط بإذن الواحد الأحد )

خالد محيي الدين‏(‏ كفر شكر‏)‏ ( كفاية بقى يا حاج خالد ... 84 سنة كفاية بجد )

أحمد الليثي‏(‏ البحيرة‏)‏ ( ستصيبك لعنة يوشع بن والي يا ليثي ... الراجل ده شكله جه الوزارة غلط .. بجد )

البدري فرغلي‏(‏ بورسعيد‏)‏ ( ده بقى فعلاً ممكن يحصل لي حاجة لو سقط .. لإنه معارض قوي جداً ومُحب لبورسعيد بشدة ويُعتبر بُعبع برلماني )

أحمد أبوطالب‏(‏ الفيوم‏)‏

السيد راشد‏(‏ الاسكندرية‏)‏ ( ساقط يابني بإذن الله يا متحدث بإسم ملايين من عمال مصر .. وإبقى خلي البخور ينفعك )

محمد عبداللاه‏(‏ الاسكندرية‏)‏ ( ما بأطيقش سيرته بتاع جامعة إسكندرية المُلقب بإبن بطوطه من كثر سفرياته في الدورة قبل الماضية على حسابنا برضوا والسنة اللي فاتت كان بيفرفر وكان هايجيله المرض البطال بعد ما سقط في الجولة الأولى .. ويقولك أصل الإخوان زوروا الإنتخابات ومُرشحهم منع الناخبين بتوعي من الوصول إلى اللجان .. وبعدين كمان اليوم كان ممطراً والناس ما راحتش .... يا واد يا بكاش يا بتاع التلات ورقات ... بقى الإخوان بيزوروا ؟ والنطرة نطرت علي قرعتك إنت بالذات وزحلقتك وحصلت المعجزة وكانت برداً وسلاماً على الإخوان ؟ )

وإليكم النتاج النهائية

أعلنت اللجنة الانتخابية العليا يوم الأحد النتائج النهائية لجولة الإعادة للمرحلة الثانية من الانتخابات البرلمانية في مصر التي جرت يوم السبت ، وأسفرت عن سقوط عدد من رموز الحزب الوطني الحاكم مع ارتفاع عدد مقاعد جماعة "الإخوان المسلمين" المحظورة في البرلمان الجديد إلى 75 مقعدا.

وأظهرت النتائج فوز أحمد شوبير نجم الكرة المعروف ومرشح الحزب الوطني في طنطا ، بينما أكدت خسارة كل من : خالد محيي الدين مرشح حزب التجمع لمقعد الفئات بكفر شكر بالقليوبية ، والدكتور محمد عبد اللاه مرشح الحزب الوطني لمقعد الفئات بدائرة المنتزة بالإسكندرية أمام علي سيف المرشح المستقل ، كما خسر السيد راشد مقعده العمالي الشهير عن دائرته في الإسكندرية أيضا ، وفي دائرة "باب شرق" فاز محمد مصيلحي "وطني" بمقعد الفئات على حساب النائب الحالي المستقل عادل عيد.

وفي دائرة كرموز بالإسكندرية ، أخفق في الفوز أيضا أبو العز الحريري مرشح حزب التجمع المعارض ، بينما فاز راغب ضيف مرشح الوطني بسيدي جابر بمقعد العمال بدائرة الدخيلة ، وفاز وزير الزراعة أحمد الليثي.

كما أظهرت النتائج مفاجآت ضخمة بخسارة الدكتور يوسف والي وزير الزراعة السابق في الفيوم ، وخسارة البدري فرغلي نائب "التجمع" الشهير في بورسعيد ، ونجاح محمد شردي "الوفد" على حساب السيد متولي رئيس النادي المصري ومرشح الوطني في بورسعيد أيضا ، إضافة إلى نجاح أكرم الشاعر في المدينة نفسها ، كما خسر مرشح الوطني البارز أحمد أبو زيد.

مصاب في العنف المصاحب للانتخابات

فيما كانت الفائزة الوحيدة من السيدات في المرحلة الثانية هي السيدة جمالات رافع عن مقعد العمال "مستقل" بدائرة طوخ محافظة القليوبية.

وشهدت النتائج تفوقا ملحوظا للإخوان بحصولهم على 28 مقعدا في المرحلة الثانية ، ليصبح عدد مقاعدهم في البرلمان حتى الآن 75 مقعدا ، وهو رقه تاريخي لهم لم يتحقق من قبل.

[عصام]

محمد مصطفي شردي‏[‏ بورسعيد‏). ( ليت هذا الشبل يكون من ذاك الأسد المُرعب .. مصطفى شردي هو اللي حبيبني في حزب الوفد .. أيام ما كان عامل رعب للحكومة في الثمانينات .. وكان زكي بدري بيعمل بيبيه على نفسه لما يسمع صوته ...  في أواخر الثمانينات ساقتني الظروف إني كنت في زيارة لأحد الأصدقاء الأجانب وكان مستأجر شقة مفروشة .. وبالصدفة طلعت في نفس العمارة اللي ساكن فيها المرحوم مصطفى شردي وكان هاين عليه أخبط عليه أبوسه وأمشي تاني .. ولكن خفت للشغالة هي اللي تفتح لي الباب فنقع في مشكلة تحرش ولا حاجة )

<{POST_SNAPBACK}>

محمد شردى راجل محترم .. كان صديق شخصى من بين مجموعة اصحاب كبيرة من كام سنة .. لكن المشاغل فرقتهم كلهم ..

على حد معرفتى بيه .. محترم وخدوم وله رؤية سياسية واقتصادية جيدة .. ومرة طلعنى م القسم B)

وعلى فكرة با ايو السيد .. أيامها ما كانش عنده خدامة .. :D

[هادي]

عرفتوا ليه كنا بنقول

لو لم أكن مصريا لو ددت ان اكون

بذمتكم

حد شاف مثل هذا الجمع الرائع في أي منتدى

ساعطيكم مثال مما اضحكني بشدة :D

و جعلني أقول باعلى صوت

عمار يامصر

وانا قاعد ادام الشاشة بالشورت .. لما المدام بصت لي من فوق لتحت

وقالت اكيد في سرها الراجل . خلاص .. عليه العوض :wub:

بص دي

عصام شوقي

على حد معرفتى بيه .. محترم وخدوم وله رؤية سياسية واقتصادية جيدة .. ومرة طلعنى م القسم B)

وخد دي

ماس

و بعدين انت بتشكك في مصدقية الحكومة و حياد الصحف القوميه

وكمان - حلاوة وابو السيد

يوسف والي‏(‏ الفيوم‏)‏ ( بوكيرتوف أدون يوشع .... إنت إسمك إيه بالظبط .. ليفي كوهين .. ولا جون دارلنج .. ولا ياكوف بنيامين حنانيه ؟ ... روح يابني قلبي وربي غضبانين عليك .. ساقط بإذن الواحد الأحد )

جامددددددددددددددددددددددددددددة يا بو السيد خلليتني أستلقي على قفايا للمرة الثانية النهارده

سي السيد

أحمد شوبير‏(‏ الغربية‏)‏ ( شوشو ... المرة دي هاتطلع أوت يا مان يا مكوش على كل حاجة .. وناقص تيجي تشاركني في الميكروباظ اللي حيلتي )

حلاوة بيه

آمان يا ربي آمان ... إنتي جاية هنا اشتغلي إيه

لاعبين كرة ومعلقين ومدربين ونواب كمان وفانلات وشرابات وامشاط وفلايات ومين يقول هات

ومش عاوزين الواحد يحب يكون مصري

ياخي ناع

على رأي اسماعيل يس

وأرجوا من الجميع قراءة الفاتحة على روح الوطني وتوزيع نابت في كل العالم

الى الامام يا روميل

[النووي]

حبيبنا/ سي السيد

انا كل ما أشوف حد من بتوع (وطني) على التلفزيون واحس ان الضغط علي وحبيت انزله ، افتح على موضوع من مواضيعكB)

البراقرافين دول في الثمانيات ، بتفكرني بشوطات طاهر أبو زيد

((( بوكيرتوف أدون يوشع .... إنت إسمك إيه بالظبط .. ليفي كوهين .. ولا جون دارلنج .. ولا ياكوف بنيامين حنانيه ؟ ... روح يابني قلبي وربي غضبانين عليك .. ساقط بإذن الواحد الأحد ) ))

((( ما بأطيقش سيرته بتاع جامعة إسكندرية المُلقب بإبن بطوطه من كثر سفرياته في الدورة قبل الماضية على حسابنا برضوا والسنة اللي فاتت كان بيفرفر وكان هايجيله المرض البطال بعد ما سقط في الجولة الأولى .. ويقولك أصل الإخوان زوروا الإنتخابات ومُرشحهم منع الناخبين بتوعي من الوصول إلى اللجان .. وبعدين كمان اليوم كان ممطراً والناس ما راحتش .... يا واد يا بكاش يا بتاع التلات ورقات ... بقى الإخوان بيزوروا ؟ والنطرة نطرت علي قرعتك إنت بالذات وزحلقتك وحصلت المعجزة وكانت برداً وسلاماً على الإخوان ؟ ) ))

:D :wub: :)

الله يخرب بيت اللي ما بيحبكش ...

[se_ Elsyed]

إخوتي الأعزاء .. هادي ... وولد ديريتنا النووي ( إوعى تكون إتحادوي زي أخونا مسافر زاده الخيال :D )

ماهو الواحد لو أخد كل حاجة على أعصابه .. يبقى عليه العوض ومنه العوض .. ومش بعيد تيجي له ذبحة صدرية في خلال يومين تلاتة ...

لكننا نسخر من أوضاعنا الحالية .. بغية تعديلها إلى الأحسن ...

على العموم أضحك الله سنكم .

[أبو حميد]

نرجع لموضوعنا

الإخوان قادمون بقوة ده حقيقي وحصل والقوة باينة في نسبة الناجحين إلى نسبة المتقدمين واللي فعلا تخلي الواحد يسأل هما ليه ما حطوش 2 إخوان في كل دائرة وأكتفوا بس بعدد قليل من المرشحين؟

يا ترى أيه اسباب مكسبهم - الغير متوقع على الإطلاق حتى من قيادات الإخوان - على الرغم من الحرب الضروس اللي ضدهم والإعتقالات والتزوير ومنع الناخبين ومهاجمة الصحف القومية ليهم؟

موضوع الصفقة مع الحكومة مش مقنع وإلا كان أيه لزمة الضرب والبلطجية ومنع الناخبين مكانت الأمور مشيت نظيفة بدل الفضايح في كل دائرة. ومحدش يقولي دي تمثلية لأن الكلام ده حصل تقريبا في كل الدوائر.

موضوع نزاهة الإنتخابات برضة مش مقنع وإلا مكنش الحزن الوطني غيروا الكام نتيجة بتوع الدقي ومدينة نصر ودمنهور يعني مجتش على دول يزوروهم ويسيبوا الباقي يقع.

موضوع أن الإخوان منظمين وبيقدروا يجمعوا الناس بتوعهم وكلهم عاملين بطايق إنتخابية ده ممكن يكون سبب لكن مش هوه برضه سبب الإكتساح اللي حصل لأنهم مش كتير كده ولو كتير كان الإعتقالات والمنع قربوا النتايج لكن ده أكتساح غير ممكن إخفائه كما في دائرة دمنهور خلت القضاه ينطقوا من وضوح النتيجة.

اللي أنا برجحه أن فعلا أن في ناس من الأغلبية الصامتة أتحركت وقرروا أسقاط الحزب الوطني بأي شكل وملقوش قدامهم إلا الإخوان المسلمين لأن المعارضة الباقية ما لهمش وجود في الشارع أساسا بجانب شعار الإخوان الذي لا يقاوم وهم دول اللي خلوا النتيجة بالشكل ده.

ولو الكلام ده حقيقي يبقى فعلا دي أجمل حاجة حصلت في مصر أن الناس بقت ليها إرادة وعايزة تحققها وأتحركوا وهم عنهم أمل في التغيير. بس لازم يتوفر قدامهم بدائل جيدة ليتم الإختيار بينها مش إن كان ولابد يبقى الإخوان علشان مفيش غيرهم.

[kotoz9]

أكبر خاسرين الجولة التانية هم الوطنى والتجمع

الاخوان حققوا فى المرحلة الاولى من الجولة التانية 13 وفى الاعادة 29يعنى كله 42

الوطنى حقق 6 ثم 31 يعتى كله من غير المستقلين اللى بينضموا له 37 فى المرحلة التانية

اما التجمع فقد خسر 3 مقاعد للبدرى فرغلى (الراجل ده طلع على الجزيرة يقول لقد تحالف الاخوان مع الشيطان)

ولابو العز الحريرى

ولزعيم التجمع خالد محيى الدين اللى تحالف مع الحزب الوطنى فى جولة الاعادة وسير عربات بمكروفونات تقول للناس لا تنتخبوا مرشح الارهاب