ديمقراطية !!

[أحمد عمر]

من غير لا أحم ولا دستور

قالو لنا يللا ديمقراطية

وإحنا من عصور وعصور

غرقانين في الملوخية!

من أيام خوفو والملك المنصور

لحد ....تاني ألفية

نمشي على سطور ونسيب سطور

شبعنا كبت وبيروقراطية

والموضوع غرور في غرور

على مزاج ستنا فوزية

شقلب ..عدل في الدستور

والاسم ....حررنا الحرية

أهرب وأجري يا عصفور

من حياة الديكتاتورية

ومهما تلف ومهما تدور

برده مسيرك للتبعية

أصل الفكرة فيها قصور

وناقصة بنود يا أفندية

لازم الشعب يقول ويثور

وهو اللي يقول ديمقراطية

مايقلهاش أرعن مغرور

كداب ..محتال ..وابن غجرية

وأنا راح أكشف المستور

وأكشفلوكو كل الحرامية

وسلمولي ع الدستور

وكمان الوحدة الوطنية!!!

ملحوظة :

ستنا فوزية : أمريكا

كداب محتال : جورج بوش

الحرامية : معروفين

[Guest النسر المصري]

يعني فعلااا والله اكتر من روعة كلامك الجميل يا أحمد

انا بجد عجبني جدا جدا جدا ونخشش في دماغي أوي

اديلوا ياحمد وماترحمش

وهاتلنا كمان

[dr/alfa]

بس مقلتش مين ابن الغجرية ده ؟؟؟؟

[bentmasria]

احمد عمر

قلم جديد واعد ومتمرد

مرحبا بك فى ساحة الحرية وطلاقة اللسان بس والنبى من غير شتايم

بجد اسلوبك ظريف ولطيف وخفيف وصادق جدا

اسعدتنا بمساهماتك الجميلة وننتظر الجديد والمزيد

البنت المصرية