مدنية .. ام .. عسكرية

[عطر الجنة]

هل نحن دولة مدنية ام عسكرية ام دولة مدنية يحكمها رجل عسكرى ؟

[tarek hassan]

مدنية يحكمها مدني مصري كان في الأصل عسكري بدستور مدني وقوانين مدنية وفي دولة مؤسسات 

وفي وجود مجلس شعب منتخب وووووو

[عطر الجنة]

 

مدنية يحكمها مدني مصري كان في الأصل عسكري بدستور مدني وقوانين مدنية وفي دولة مؤسسات 

وفي وجود مجلس شعب منتخب وووووو

 

الحمد لله ..

يعنى لا معنى لعبارة  " يسقط حكم العسكر "

و ليس لها محل من الوجود الحياتى ..

[أبو محمد]

 

هل نحن دولة مدنية ام عسكرية ام دولة مدنية يحكمها رجل عسكرى ؟

 

 

ياريت كان حمدين صباحى هو اللى فاز بالرئاسة

عشان كنا سميناها دولة عواطلية

[عطر الجنة]

 

ياريت كان حمدين صباحى هو اللى فاز بالرئاسة

عشان كنا سميناها دولة عواطلية

 

ربنا ستر ..

لكن .. لماذا راجت عبارة .. يسقط يسقط حكم العسكر ..

مع ان العسكر كانوا مع الشعب من اول يوم ..

[ســيد مرزوق]

الخونة فقط ومرتزقة أعداء مصر هم من يسمون جيش مصر العظيم ( العسكر )  ..... عسكر في عينكم يابعدا !!!!! جتكم القرف ، لو مش عاجبكم باب المطار يفوت مليون خروف دفعة واحدة . 

[herohero]

مدنية حتى النخاع  :coffeenews: 

مش عارف اللي بيقول غير كده بيستند لايه ، موضوع ان رؤساء الاحياء والمحافظين لواءات سابقين ده شئ مش كثير ومش الغالبية يعني صدفه والتشكيل الجديد للمحافظين يثبت ده 


 

[tarek hassan]

 

الحمد لله إنها ليست دينية بالمعنى القبيح للكلمة 

ما حدث لنادية مراد وغيرها من الفتيات العراقيات شيء عار على كل مسلم وعلى كل عربي وعلى كل إنسان 

نحن أمام دولة دينية تكفر وتخطف وتسبي وتغتصب وتقتل الآمنين والأبرياء وعلى الهوية والعقيدة  

وأمام رجل ( بمعنى الكلمة ) أنقذنا وأنقذ أولادنا ووطننا من كل ذلك ... وأرسى دعائم الدولة

الحمد لله على النعمة اللي إحنا فيها واللي مش عاجبه الحال فلينظر إلى 

العراق وليبيا وسوريا واليمن ... 

 

[التونسى]

 

هل نحن دولة مدنية ام عسكرية ام دولة مدنية يحكمها رجل عسكرى ؟

 

إحنا من ده على ده ((خلطبيطه)).. على حسب الظروف ومجريات الامور و الاحداث يعنى .. وعلى حسب المصلحه سواء كانت مصلحه عامه او خاصه ..  ..يعنى منقدرش نقول اننا دوله مدينه صِرف او دوله عسكريه صِرف .. وان كان ذو الخلفيات العسكريه والبوليسيه والمخابراتيه متقلدين الكثير من  المناصب السياسيه والقياديه والاداريه فى البلد

 

عامة الاهم من كون مصر مدنيه او عسكريه ان العجله تدور والامور تمشى سواء كده او كده .. وان السياسيين سواء مدنيين او عسكريين يكونوا ((وطنيين)) ويهمهم المصلحه العامه قبل الخاصه

تم تعديل 27 ديسمبر 2015 بواسطة التونسى

[tarek hassan]

عامة الاهم من كون مصر مدنيه او عسكريه ان العجله تدور والامور تمشى سواء كده او كده .. وان السياسيين سواء مدنيين او عسكريين يكونوا ((وطنيين)) ويهمهم المصلحه العامه قبل الخاصه

 

كلام جميل ... كلام معقول .... مقدرش أقول حاجه عنه ..... هه وآدي أجمد لايك أهه

[herohero]

ياريت حد من الافاضل بس يوضح لنا ماهي الدولة المدنية و العسكرية والدينية  لان بصراحه شايف اننا بنخلط الامور ببعض 

 

وفي راي الخاص احنا لا دولة مدنية ولا عسكرية ولا دينية !!! احنا حاجه كده ميكس !! اه والله كل حاجه وعكسها 

[herohero]

 

 

الحمد لله إنها ليست دينية بالمعنى القبيح للكلمة 

ما حدث لنادية مراد وغيرها من الفتيات العراقيات شيء عار على كل مسلم وعلى كل عربي وعلى كل إنسان 

نحن أمام دولة دينية تكفر وتخطف وتسبي وتغتصب وتقتل الآمنين والأبرياء وعلى الهوية والعقيدة  

وأمام رجل ( بمعنى الكلمة ) أنقذنا وأنقذ أولادنا ووطننا من كل ذلك ... وأرسى دعائم الدولة

الحمد لله على النعمة اللي إحنا فيها واللي مش عاجبه الحال فلينظر إلى 

العراق وليبيا وسوريا واليمن ... 

 

 

بعيدا عن موضوع اننا ما بقيناش زي سوريا واليمن والعراق ، وطبعا الجملة ده يمكن اشهر جملة في خلال الفترة اللي فاتت هي ويسقط حكم العسكر 

لان بكل بساطة احنا ماعملناش اللي يخلينا زي سوريا واليمن والعراق والحمد لله اننا دلوقت ماشيين في الطريق اللي يخلينا زيهم ع فكرة 

عموما موضوع البنوتة الايزيدية  طبعا محدش مع داعش ،بس ياريت برده تذكروا الايزيديين عملوا ايه مع المسلمين السنة ،الصورة مش بريئة كده الناس ده بتخلص من بعض حسابات قديمة  ميليشيات الايزيديين انضمت مع البشمركة وانتقمت من مسلمين سنة واعتدت وسرقت ونهبت 

وده مش مبرر للاعتداء من داعش ع الايزيديين بس يعني عشان الامور تبقى ف نصابها 

 

 

 

[أبو محمد]

إحنا من ده على ده ((خلطبيطه)).. على حسب الظروف ومجريات الامور و الاحداث يعنى .. وعلى حسب المصلحه سواء كانت مصلحه عامه او خاصه ..  ..يعنى منقدرش نقول اننا دوله مدينه صِرف او دوله عسكريه صِرف .. وان كان ذو الخلفيات العسكريه والبوليسيه والمخابراتيه متقلدين الكثير من  المناصب السياسيه والقياديه والاداريه فى البلد

 

عامة الاهم من كون مصر مدنيه او عسكريه ان العجله تدور والامور تمشى سواء كده او كده .. وان السياسيين سواء مدنيين او عسكريين يكونوا ((وطنيين)) ويهمهم المصلحه العامه قبل الخاصه

 

والله يا شاعر أنا لسه لاطع مقال قرأته بالأمس فى أخبار اليوم

اللى يقراه بعقلية "فقه الواقع" بعيدا عن اليوتوبيا "البمبى"

هيرتاح - لو فهم - ويريحنا

هتلاقى المقال فى المداخلة دى لو حبيت تاخد فكرة

[White heart]

هل نحن دولة مدنية ام عسكرية ام دولة مدنية يحكمها رجل عسكرى ؟

نحن دولة مدنية <<< شكلاً >>> .... عسكرية <<< فعلاً >>> !!!

عندما يكون توصيف ما حدث في 30 يونيو في الغالبية العُظمى من دول العالم من حولنا (بإستثناء بعض أصحاب أشولة " الرز" من " الأشقاء" ) انه إنقلاب عسكري وليس ثورة ... عندما يكون هذا هو حتى التوصيف الذي نُطالعه في مطبوعات من هو محسوب على أنه من أهم " الحلفاء " الإستراتيجيين في ظل المنظومة " المدنية " الجديدة:

 

Egyptian president Mohamed Morsi was ousted in a military coup Wednesday, with security forces forbidding him from leaving the country, arresting a number of top Muslim Brotherhood officials, and raiding media outlets in the midst of broadcasts.

بينما داخلياً " الشعب " منقسم على نفسه ... يُصر قسم منه، على ان ما حدث هو ليس بالمرة إنقلاب عسكري .. وأنما بكل بساطة " ثورة " ... أى نسخة  مشابهة مُكررة لسيناريو <<< إنقلاب >>> يوليو 1952 العسكري ... ويحاولون ويجاهدون بشتى الطرق محو هذا التوصيف <<< الصحيح >>> لما حدث ... معتمدين في ذلك على نفس أداوت تلك المنظومة العسكرية (القديمة / الجديدة) .. وعلى رأسها " الإعلام الموجه " ... أذن فهى بالفعل كذلك ... دولة مدنية شكلاً ... وعسكرية فعلاً ...  

[أبو محمد]

 

هل نحن دولة مدنية ام عسكرية ام دولة مدنية يحكمها رجل عسكرى ؟

 

 

الأخت الفاضلة "عطر الجنة"

أكرر سؤالين لا يرد عليهما أحد من هواة "دق المية فى الهون"

1) يعنى إيه دولة ؟

2) يعنى إيه حكم عسكرى ؟

 

على فكرة هم عارفين .. واللى مش عارف تلاقيه ما شاء الله لهلوبة فى البحث على الإنترنت

بس مش عاوزين يقولوا

وترينهم يعيدون ذلك المضغ الممجوج للبانة لا تغادر أفواههم

 

 

1) الدولة يعنى الحكومة .. أو بالكتير الدولة هى السلطة التنفيذية

2) الحكم العسكرى يعنى عسكريين سابقين يتولون وظائف مدنية

 

 

 

هذا هو مبلغ علمهم أو هذا هو ما يضللون به من لا يعلم

 

تسجيل متابعة إلى ان يقضى الله أمرا كان مفعولا

إتفضلى قهوة cof): :coffeenews: