يالهوي يااناااس الحقوني ..انا عديت التلاتيني

[Guest النسر المصري]

من كام يوم... صحيت من النوم ... زي اي يوم

مش فاكر انا في انه يوم ...

المهم مخدتش في بالي ورحت شغل

بس لقيتني بشتم نفسي وبجهلي كل اللوم

وهات ياخناق وزعيق مع نفسي... انت بتعمل اية يازفت في حياتك..هو دة اللي بتعمله كل يوم

تروح الشغل وتثبت نفسك لمديرك وللعملاء وللفن الكمبيوتر..بتثبت نفسك انك قوي وجبار في شغلك

بتثبت للناس انك راجل شيك وانيق بتاع لبس ولباقة خادعة للعملا والمدير..عامل تتعلم وتحارب لاثبات نفسك في موقع عملك بقالك اتناشر سنة....بس بتفكر في الفن والرسم والشغل...

وأرد علي نفسي بكل بجاحة وقلة أدب...وانت مالك ؟!..مانا بعمل اللي علي...وبعدين نجاح الراجل في شغلة اساس حياته..

تقوم هنا خناقة ..ونفسي تقوم ماسكاني هدومي وتهز في بشدة وتقول ..انت غبي يلا..تلاتين سنة ولسة مافهمتش..

اثبت اية ياغبي للمرأه... ولاحاجة

عملت اية عشان ترضيها ..لاشيء

حاولت تتعرف تفهمهم ازاي...ابداً

همال هتتجوز ازاي يا متخلف...همال بتحلم تتجوز وانت قاعد في مكانك ازاي بدون ماتختطي خطوة ياأرعن..

همال عاوز تبني أسرة وتشوف ولادك ازاي يابجم

وارد على نفسي

احترمي نفسك واتكلمي عدل..وبعدين انا كل سنة باخد اجازة شهر بقعد اضيعها على العرايس وكل ما ألاقي واحدة تعجبني ألاقيها تقولي اصل الغربة والسفر ومابحبش وتقعد تطنطط وانا مبحبش التنطيط...وواحدة تانية تقولي سيبك من الغربة وتعالى اشتغل هنا ومالكش دعوة اصل بابا بنالي فيلا وعندي عربيتين وعندي كمان رصيد في البنك....ايه ياست انت ماتدفعيلي المهر احسن وبعدين انا ماقبلش اقل من تلاتة جنية مهر!!!

دة غير اللي مابيعجبونيش...كفكر ومبدأ وبعدين مش على يدك انا بحاول اني اديهم فرصة اكبر وقت ممكن

للكن بيفشلوني في الآخ وبتبقى بس قاعدة بتتكلم كلام فارغ مش داخل في القلب ورغم ذلك اضغط على نفسي واقول يمكن انا بس مش فاهمها واديها فرصة يمكن تعجبني

ويتطلع الحوار كله فشنك....اعمل اية يعني هو في حد يفهم بنت من قعدتين تلاتة

وخصوصصا في زمن العقارب والداهيات اللي توديك ورا الشمس

وهكذا فضلت الخناقة دي مستمرةلسنيين وسنيين

وانا زي مااناا

لسة بدور على بنت الحلال

خطبت مرة وكانت خطوبة بالاجبار النفسيللنني اعتقدت اني لما اخذ واحدة صغيرة في السن وهتتربى على ايدي وتفهمني زي ماقالولي الناس

لكن طلع كلامهم فاضي

وان ماكانتش اللي شخصيتها هي اللي ظابطة معاك في مبادأها يبقى مش هيمشي الحال

انما مجرد واحدة والسلام لا والف لا

طب والحل ياابن الناس

اللي قالو اني البنت والولد يقدروا يفهموا بعض في كام ساعة بس لما تكون انت على وعي كامل بالمرأة

وانت يابابن الناس على وعي بالبالشغل وبس

وجتك خيبة

طيب قولولي بقى اية الحل

لاني ياجماعة انا بطاريتي فضيت وحاسس ان شغلي دة من غير لزمة

بدام مش بجهه لاسرتي

وانا في قمتة حالتي النفسية السيئة

دلوني ياناس اية الحل

[الرافعي]

يا عم النسور خليك طاير كده أحسن لك

تروح آخر النهار تأنتخ وتتغدى اللي موجود، وتنام لك شوية، وبعدين تقوم تضرب أحلى فنجان نسكافيه وانت حاطط رجل على رجل، تقرأ لك كتاب ولا تدخل المحاورات تحاور وتحاور لغاية ما تدخل لك جون أو تاخد كوبري mfb:

تنام براحتك

مفيش : بابا بابا بابا

ضربني شتمني شدتني كل حاجة بتاخدها مني أنا عايز

لازم تجيب لي ماما مش عايزة توافق لي على الكرتون خليك جدع ياعم (ما لغة الحوار عند الأجيال المعاصرة تطورت)

ولو الولد مؤدب ومثقف .. هايقول لك (كن كريماً)

خليك طاير يا نسر ، وبلاش تقصقص ريشك بإيدك

طبعاً أنا تكلمت عن فراخ النسر فقط ، أما مدام النسر بقه فبلاش أحسن زميلاتنا في المنتدى يشنوا حرب علي وأنا مش ناقص) :)

[Guest النسر المصري]

عمنا الحلاوة بو الحلويات

والله حاولت اني اتعايش مع اللي انا فيه

لكن حبي الشديد للأطفال مجنني وهموت واشوف ابني قبل مااموت

ههمال مين يورث الي ورايا (حوالي سبعة جنية ونص وكام دورار سويسري وشوية قمشة علىكام بنطلون وجاكيت وجزمة وتلاجة تلاتة قدم وبوتجاز بعين واحدة)

مين اللي هيورث دول .. مين بقى هه..ايه..مين .. هه!!!

انا حتى يااستاذي شغلي في مجال الكارتون والرسوم المتحركة

يعني حياتي كلها واهبها للآطفال

والشاعرية والرومانسية كلها موجهه عندي لحلم المرأة اللي اتمنى اعرف شكلها اية

انت تعرف اني انا حتى ايام الجامعة كنت لما اعجب بواحدة لاأجرأ اني أكلمها خوفا من الصد

وعملتها مرة وكانت حياتي طين وهي مابتعملش حاجة غير اللعب على نارين

يعني تتودد ولكن تفهمني ان الجواز مش في دماغها

وعد ماطلعت روحي قررت اوهب نفسي لشغلي ودراستي وبس

واللي اتافجات بعد سنتين الاقيها اتخطبت ونظرت لي ولسان حالها يقول...مانت اللي ابعدت واستغنيت وماصبرتش

وان ليك الحق انا ندمت..لكني فرغت همي في تفوقي الدراسي ومن بعدها شغلي

واللي نتيجته اني حاليا اشغل مركز مرموق جدا في عملي

لكن تسرب اليأس عندي بشدة وبقيت امرض من اقل لطشة برد

واقعد بالايام ماشتغلش

وكل دة بسبب حالتي النفسية السيئة

انا بشوف صحابي من حولي ازاي متفهمين هم ومراتاتهم

وبيحبوا بعض موت...واللي يثبت لي ان المرأة والراجل لما يحبوا بعضهم انسى ان حاجة تقف في طريقهم

انا عديت التلاتين وصاحبي بقوا مخلفين

وبقيت محرج اني ازورهم في بيتهم عشان عدم وجود زوجة معايا

هم طبعا بيبحثوا بكل طاقتهم ... لكن مش معقولة هيفضوا لي وينسوا مشاكلهم

وبالتالي احيانا بندم على اني معرفتش اخذ وادي مع زميلاتي في الجامعه على الاقل افهم هم بيفكروا ازاي

مش اعمى كدة لا اعرف غير ماقالوه الحكماء والآباء...والمتزوجين...

ربنا يستر علي من الانهيار التام

ويجعله عامر

[se_ Elsyed]

لمن لا يعرف .. فإن أخونا النسر المصري ( مش النسر التاني اللي بالي بالكو ) يعمل جرافيك ديزاينر في الكويت .

- إوعى تسمع كلام المعلم تابلي يا نسر ...

الجواز حلو يابني.. خدها من أخوك سين سين بعد 5 سنين ونيفٌ من الزواج .. وبعد ما ربنا قدرنا وجبنا عيلين على الماشي كده ...

- على فكرة .. العزوبية حلوه لفترة قصيرة .. يعني أنا متعود أقضي شهر أو شهرين في السنة عزوبي .. لما يكون الأولاد بيكملوا أجازتهم في مصر وبأضطر أرجع أنا عشان شُغلي .. وبأبقى فرحان جداً بتلك الحرية - الوهمية - ولكن يابني عاديك بعد إسبوعين تلاتة بأجيب جاز .. وأُصاب بالملل من كل حاجة ... وبأقرف من أكل المطاعم .. والقعاد في البيت لوحدي بعد ما أخلص السهرة مع أصحابي والواحد بيبقى عامل زي قرد قطع ...

- وبعدين دي سُنة الحياة ...

نيجي بقى للكلام عن كيفية التوفيق في زوجة مناسبة ..

طبعاً ظروف غربتك كلنا مرينا بها .. من حيث محدودية الإجازة السنوية .. وإنها ما بتكفيش إن الواحد يعثر على نصفه الأخر ويتفاهم معه ويفهمه .. إلخ ... لكن لازم تضع في بالك إن ليس كل ما يتمنى المرء يدركه .. يعني غيرك اللي عايش جوه بلده ولابد لخطيبته ليل نهار ممكن تكون عنده مشاكل مادية تزهقه في خطيبته وأهلها كمان ...

وبالتالي كل واحد لابد أن يتكيف مع ظروفه ..

إنوي إنت بس خير .. وكلم والدتك وإخواتك - البنات بالذات - وقريباتك .. يعسوا ويدوروا على بنت حلال كده تناسبك حسب فتاة الأحلام اللي في بالك .. وإنت وشطارتك بقى في إنك تفهمها وتفهمك في أقصر وقت ... وصدقني مالهاش دعوة بطول أو قصر الوقت .. طالما فيه توفيق من عند ربنا .. ممكن تلاقي الأمور إتسهلت وبقت زي الحلاوة وأعرف ناس ربنا وفقهم وإتجوزوا في يوم واحد .. مش هاتصدقني طبعاً ... لكن ده حصل قدام عيني ... وربنا وفقهم بالذرية الصالحة وبالحياة الكريمة .. لإنهم نووا خير .

وبعدين 30 سنة مش كتير يا مان .. الطب الكيميائي إتقدم دلوقت وبقيت في حاجات تخليك ترجع عشرين سنة لورا ( تجيب ريويس يعني .. أو مارشدير ) وعندك كمان الوصفات الشعبية زي قرطاس المحبة مثلاً :D ..

أنا بأضحك معاك ده أنت لسه في ريعان الشباب وداخل على سن الخبرة والمرجلة ( 40 يعني ) :D

[bentmasria]

كل سنة وانت طيب ياعمور وعقبال مليون سنة فى سعادة وهنا ياعم ما تقلقش باذن الله ربنا يهديك للبنت الحلوة الامورة بنت الناس اللى زى الصورة :D

انت جيت المرة اللى فاتت على الطاير مالحقناش نجوزك يللى انزل العيد الجاى باذن الله والف عروسة تتمناك يابنى ما تظلمش البنات دول الطف الكائنات :D

عقبال الف مليون سنة وربنا يسعدك ويهنيك يارب

ام حماده

[الرافعي]

لمن لا يعرف .. فإن أخونا النسر المصري ( مش النسر التاني اللي بالي بالكو ) يعمل جرافيك ديزاينر في الكويت .

- إوعى تسمع كلام المعلم تابلي يا نسر ...

الجواز حلو يابني.. خدها من أخوك سين سين بعد 5 سنين ونيفٌ من الزواج .. وبعد ما ربنا قدرنا وجبنا عيلين على الماشي كده ...

- على فكرة .. العزوبية حلوه لفترة قصيرة .. يعني أنا متعود أقضي شهر أو شهرين في السنة عزوبي .. لما يكون الأولاد بيكملوا أجازتهم في مصر وبأضطر أرجع أنا عشان شُغلي .. وبأبقى فرحان جداً بتلك الحرية - الوهمية - ولكن يابني عاديك بعد إسبوعين تلاتة بأجيب جاز .. وأُصاب بالملل من كل حاجة ... وبأقرف من أكل المطاعم .. والقعاد في البيت لوحدي بعد ما أخلص السهرة مع أصحابي والواحد بيبقى عامل زي قرد قطع ...

- وبعدين دي سُنة الحياة ...

نيجي بقى للكلام عن كيفية التوفيق في زوجة مناسبة ..

طبعاً ظروف غربتك كلنا مرينا بها .. من حيث محدودية الإجازة السنوية .. وإنها ما بتكفيش إن الواحد يعثر على نصفه الأخر ويتفاهم معه ويفهمه .. إلخ ... لكن لازم تضع في بالك إن ليس كل ما يتمنى المرء يدركه .. يعني غيرك اللي عايش جوه بلده ولابد لخطيبته ليل نهار ممكن تكون عنده مشاكل مادية تزهقه في خطيبته وأهلها كمان ...

وبالتالي كل واحد لابد أن يتكيف مع ظروفه ..

إنوي إنت بس خير .. وكلم والدتك وإخواتك - البنات بالذات - وقريباتك .. يعسوا ويدوروا على بنت حلال كده تناسبك حسب فتاة الأحلام اللي في بالك .. وإنت وشطارتك بقى في إنك تفهمها وتفهمك في أقصر وقت ... وصدقني مالهاش دعوة بطول أو قصر الوقت .. طالما فيه توفيق من عند ربنا .. ممكن تلاقي الأمور إتسهلت وبقت زي الحلاوة وأعرف ناس ربنا وفقهم وإتجوزوا في يوم واحد .. مش هاتصدقني طبعاً ... لكن ده حصل قدام عيني ... وربنا وفقهم بالذرية الصالحة وبالحياة الكريمة .. لإنهم نووا خير .

وبعدين 30 سنة مش كتير يا مان ..  الطب الكيميائي إتقدم دلوقت وبقيت في حاجات تخليك ترجع عشرين سنة لورا ( تجيب ريويس يعني .. أو مارشدير ) وعندك كمان الوصفات الشعبية زي قرطاس المحبة مثلاً :D  ..

أنا بأضحك معاك ده أنت لسه في ريعان الشباب وداخل على سن الخبرة والمرجلة ( 40 يعني )  :D

<{POST_SNAPBACK}>

يا عم نسر

أنا باهزرررررررررررررررررر، كل الكلام الجميل اللي قاله س.س عن الأجازة والشهرين والجاز هم حالي كذلك وأكثر، بس ربنا يوفقك لبنت الحلال اللي تراعي ربنا فيك وفي نفسها وأولادكم إن شاء الله.

يعني اتوكل على الله واطلب منه يرزقك بيها ، وربنا عند حسن ظن العبد ، بس أوصيك ما تعملش زي كتير من المغتربين اللي بيشترطوا شروط تعجيزية شكلية وثقافية و............................

وخليني أرجع ريويس زي ما قال س.س أحسن يتقطع عيشي.. يعني الست المصرية بصراحة في رأيي أكترست متفانية لبيتها (خلاصة الخبرة في الخليج) فعلاً متفانية وعايزة تعيش (واخدة بالك يا أختي أم مادة) ، بجد والله ولا تيأس وتفكر في الزواج من خارج مصر كما فعل كثير من المغتربين في الخليج (في مثل ظروفك) حيث تكون هناك اختلافات كثيرة في الطبع والتفكير وخلافه، وهذا يظهر بعد أن تذهب السكرة وتأتي الفكرة.

وربنا يوفقك يا عم النسور

[Guest النسر المصري]

استاذ سي السيد الباشا الكبير أوي اوي

ست الستات البنت المصرية العظيمة ام كلام زي السك

استاذ حلاوة السكري المتحلي

أول حاجة انا لاحظت ان في كلام كدة عن واحد تاني اسمه نسر بردو الظاهر انه عاملكم قلق في المحاورات ونفسي اعرف مييييييين هو؟!!!

تانيا اشكركم جدا على دعمكم لي ولموقفي الصعب حيث انا والله يابيه غلبااااااان...وحالي تعبااااان...وانا بعيييييطط

ونفسي فعلا تساعدوني في الموصضوع المنيل بتاعي ده

بس ياسي السيد انا جربت موضوع التنازلات دة وفعلا اديت الفرصة للبنات انهم يثبتوا نفسهم ...بس زي مانت شايف عندي حالة منفصلة وكل مرة بلاقي عقدة غير وشكل وهم البادئين بصعوبة الاستمرار

هي قسمه ونصيب بس لابد من حسن الاختيار

اما اني في عز شبابي فدي الصراحة خدعة او تعاطف منك

انا هنا بشتغل مدير فني وكل مايجي واحد عمره خمسة واربعين مثلا يشتغل عندي يفتكرني راجل كبير في السن وعندي كومة عيال ويقولي ويقولي ..لو سمحت يا استاذ عمرو انا حضرتك أأأ....اقوم قاطع عليه واقوله هو مين اللي استاذ يا استاذ فلان

انا يافندم عندي تسعة وعشرين همال انت اقولك ايةلما انا استاذ....

يعني شكلي عجز بسبب عدم الجواز والاهتمام بنفسي

الصراحة الجواز هو اللي بيرجع الشباب لايامه

وخصوصا بعد ماشفت صحابي ازاي احلوا وبقى وشهم منور بعد الجواز وربنا يديم عليهم النعيم ويبعد عنهم كل شر

اما بالنسبة لكلامك الجميل ياستاذ حلاوة فانا بس حابب اوضح نقطة انه انا فعلا طالب ان البنت تكون مثقفة ودة شرط اساسي عندي...تانيا موضوع الجمال دة موضوع نسبي يعني ابقى انا شايفها ملكة جمال وغيري شايفها ؟؟؟؟؟ اي حاجة يعني ماقصدش....!!!!!

كلمة اخيرة شكر خاص ليكي يابنت مصرية على كلامك الجميل وربنا يسعدك ومعلش المرة الجاية هاجي واشوف عرايسك الامامير دول وربنا يناولنا واحدة بس من

وبعدين انا مابظلمهمش انا بنعى بس حظي السيء وخيبتي التقيلة لاني انا السبب في اللي بيحصل مش البنات

ويجعله عامر

تم تعديل 22 نوفمبر 2005 بواسطة النسر المصري

[الرافعي]

استاذ سي السيد الباشا الكبير أوي اوي

ست الستات البنت المصرية العظيمة ام كلام زي السكر

أول حاجة انا لاحظت ان في كلام كدة عن واحد تاني اسمه نسر بردو الظاهر انه عاملكم قلق في المحاورات ونفسي اعرف مييييييين هو؟!!!

تانيا اشكركم جدا على دعمكم لي ولموقفي الصعب حيث انا والله يابيه غلبااااااان...وحالي تعبااااان...وانا بعيييييطط

ونفسي فعلا تساعدوني في الموصضوع المنيل بتاعي ده

بس ياسي السيد انا جربت موضوع التنازلات دة وفعلا اديت الفرصة للبنات انهم يثبتوا نفسهم ...بس زي مانت شايف عندي حالة منفصلة وكل مرة بلاقي عقدة غير وشكل وهم البادئين بصعوبة الاستمرار

هي قسمه ونصيب بس لابد من حسن الاختيار

اما اني في عز شبابي فدي الصراحة خدعة او تعاطف منك

انا هنا بشتغل مدير فني وكل مايجي واحد عمره خمسة واربعين مثلا يشتغل عندي يفتكرني راجل كبير في السن وعندي كومة عيال ويقولي ويقولي ..لو سمحت يا استاذ عمرو انا حضرتك أأأ....اقوم قاطع عليه واقوله هو مين اللي استاذ يا استاذ فلان

انا يافندم عندي تسعة وعشرين  همال انت اقولك ايةلما انا استاذ....

يعني شكلي عجز بسبب عدم الجواز والاهتمام بنفسي

الصراحة الجواز هو اللي بيرجع الشباب لايامه

وخصوصا بعد ماشفت صحابي ازاي احلوا وبقى وشهم منور بعد الجواز وربنا يديم عليهم النعيمويبعد عنهم كل شء

كلمء اخيرة شكر خاص ءيكي يابنت مصريةعلى كلامك الجميء وربنا يسعدك ومعلش المرة الجايةهاجي واشوف عرايأك الامامير دول آربنا يناولنا واءدة بس من

وبعأين انا مابظلمهمؤ انا بنعى بس حظء السيء وخيبتي اءتقيلة لاني انا السبب في اللي بيإصل مش البنات

ويجعله عامء

[sna@back]186471

يا عم نسر
شكل العملية قءبت معك بجد، إنتتقصد س.س والا اءعبد لله ؟؟

[Guest النسر المصري]

استاذ الحلاو الحلو اوي

معلش انا عدلت عل المشاركة بتاعتي تاني لاني بعد ماسجلتها لقيتك بعت الرد قبلي

فبقى الرد بتاعي بعد الرد بتاعكم وكان المفروض ان الرد التاني هو يكون مشش الاولاني لان الاولاني ماجاش بعد التاني وكدة احنا هنلخط ونرجع تاني عالاولاني اللي..... :D :D

حد فاهم حاجة وحياة ربنا اا ماني فااااهم انا بقول اية

انا الظاهر اني جبت جاااااز

ياجماعة حد يساعدني ويلحقني قبل ما ابوووش

وااااء\

ويجعله عامر

[الرافعي]

استاذ الحلاو الحلو اوي

معلش انا عدلت عل المشاركة بتاعتي تاني لاني بعد ماسجلتها لقيتك بعت الرد قبلي

فبقى الرد بتاعي بعد الرد بتاعكم وكان المفروض ان الرد التاني هو يكون مشش الاولاني لان الاولاني ماجاش بعد التاني وكدة احنا هنلخط ونرجع تاني عالاولاني اللي..... :D :D

حد فاهم حاجة وحياة ربنا اا ماني فااااهم انا بقول اية

انا الظاهر اني جبت جاااااز

ياجماعة حد يساعدني ويلحقني قبل ما ابوووش

وااااء\

حو في الحقيقة ... يعني ... مش بالضبط .......... بس ......... شوف يا سيدي

مشكلتك بسيطة وحلها بسيط إن شاء الله، بس ودي أسألك إنت اتعرض عليك شيء مناسب أو أقرب للمناسب في الكويت ؟ وبعدين أقول لك ليه

ويجعله عامر ...

على فكرة أنا تقمصت شخصية فلاح كفر الهنادوة في كام موضوع، بس ماحدش شجعني ، الظاهر مهنتي مخوفة الناس

هم يعني الجزارين مش بشر وممكن برضه يهزروا ؟؟

[dr/alfa]

للكن بيفشلوني في الآخ وبتبقى بس قاعدة بتتكلم كلام فارغ مش داخل في القلب ورغم ذلك اضغط على نفسي واقول يمكن انا بس مش فاهمها واديها فرصة يمكن تعجبني

ويتطلع الحوار كله فشنك....اعمل اية يعني هو في حد يفهم بنت من قعدتين تلاتة

والله يا سيدي ولا بعد خمسين سنة جواز ما هتقدر تفهمهم

وخصوصصا في زمن العقارب والداهيات اللي توديك ورا الشمس.

عندك حق .

انا عديت التلاتين وصاحبي بقوا مخلفين

وبقيت محرج اني ازورهم في بيتهم عشان عدم وجود زوجة معايا

حاول ما تطولش عن كدة يا ريس

لحسن يفوتك التروماي .

على فكرة .. العزوبية حلوه لفترة قصيرة .. يعني أنا متعود أقضي شهر أو شهرين في السنة عزوبي ..

انا شايف ان العزوبية بعد الجواز لها مميزات جميلة , طبعا

أقلها تغيير الجو , وراحة البال (توك)

تجديد الأشواق بين الزوجين وهذا صحي جدا جدا .

تجديد النشاط واستكمال الحياة الزوجية بشء من الهمة بعد الفتور الذي يصيب كثيرا منهم .

بس يعنى مش أكثر من اسبوعين .

طبعا هذا الكلام مش هيفيد اخونا النسر فى حاجة .

بس أنا كل اللى أقدر أقولهولك

1-اختار الأسرة اللى هتناسبها قبل الفتاة نفسها .

لأن الفتاة مرآة لأسرتها

ولان ده مش سهل فى وقتنا دلوقتي

يعنى اسمع عن دكاترة فى جامعات الأزهر -شيوخ - وبناتهم اجارك الله .

ولكن الواحد بيعمل الصح وبيجتهد فى اختيار زوجته وأم اولاده اللى هيعيش معاها عمره كله ,

وهيضحي ... وكلنا ضحينا .

2- اعتمد على حدس اخواتك البنات والست الوالدة ربنا يباركلك فيهم .

[dr/alfa]

د/ألفا

والله يا سيدي ولا بعد خمسين سنة جواز ما هتقدر تفهمهم

انا كان قصدي إنه متخليش الموضوع ده عقبة امام اختيارك ,

لانك بصراحة مش هتلاقي واحدة تفهمها وتفهمك مائة بالمائة

خلى شوية عليا وشويا عليك , علي راي الشيخ سيد مكاوي

مش معضلة

التفاهم الحقيقى بيجي بعد الزواج صدقنى

متصدقنيش قوي يعني , لأنه ممكن ميجيش . :D

بيحصل التفاهم بالمودة والتراحم والعطف وقليل او كثير من التنازلات فى سبيل سير العملية الديموقراطية :D

وخلى فى بالك ان كثير من الفتيات قبل الزواج وفى فترة الخطوبة بيكونوا يعني ملائكة من السماء وآخر لطافة وآخر لذاذة , وده مش كويس , المطلوب الصراحة .

لكن ثقافة الصراحة معدومة دائما فى فترة الخطوبة .

ولذلك انا أفضل ان الواحد يخطب واحدة يعرفها كويس قوي , قريبته -جارته-صحابة أخته كدة يعني .

والحمد لله ان كل اللى قابلتهم كانوا معاك صرحا - كما بينت لنا-

[KWA]

بسم الله الرحمن الرحيم

السلام عليكم ورحمة الله وبركاته

الأخ الفاضل النسر المصري...بتسأل عن الزواج و بتبحث عن بنت الحلال ...بص يا سيدي تعريفي الشخصي بخصوص هذا الموضوع ...ان الزواج زي الأزمه القلبيه التي تصيب الشخص في اي مكان و زمان و يخرج هذا الشخص من هذه الأزمه اما ميتا و هو حي او اقوي مما كان و بأختصار الزواج ازمه و نصيب ....اما حكايه انك تفهم المرأه ...يا تري بتحاول تفهمها قبل الزواج و لا بعد الزواج و في رأيئ الشخصي ان فهمت المرأه يوما ما لا تاول مصارحتها او اخبارها بهذا لأنك سوف تكون العدو الأول لها....اما موضوع جنسيه العروسه مصريه و لا مغربيه و لا يابانيه....صدقني لا اختلاف الا الجنسيه و اللغه و لكن كلهم لهم عقليه واحده و لغه تفاهم نسائيه ابسطها احساس المرأه بالأخري حتي لو بنظره واحده....و طول ما انت بتعامل زوجتك بما يرضي الله و ضميرك ....و تمنياتي لك بالتوفيق و حسن الأختيار...

[G.G]

"

لي ان المرأة والراجل لما يحبوا بعضهم انسى ان حاجة تقف في طريقهم"

تماما,, أوافق تماما ربنا يوفق الجميع يا رب

بجد شكرا على الموضوع ده,,اللي أعاد لي الثقة في ان شباب اليومين دول مش كلهم مخهم (لا مؤاخذة ) اتلحس :D ...

اعتقدت اني لما اخذ واحدة صغيرة في السن وهتتربى على ايدي وتفهمني زي ماقالولي الناس

النقطة دي بالذات نقطة مزعجة جدا!!

شكرا انك اشرت اليها..

شباب كثير للأسف و منهم اللي مخهم متطور جدا ينظروا هذه النظرة للبنت.

سبحان الله كأن الزمان رجع بينا للخلف لعصر جدودنا,,

يبقى الرجل عمره 40 سنة و متزوج واحدة عندها 16 سنة كل ما بينهما أنها تسمع كلامه و تتزين له.

عندك مثلا,,

ابن خالتي عمره 34 سنة ,,عايش بره,,جه مصر عرفنا على بنت مناسبة عمرها 26 سنة.

ماذا كان تعليقه,,"بس أنا كنت عايز واحدة صغيره 22 سنة بالكثير ,حاجة كده زي نانسي عجرم"!!

واحد متدين و على خلق تقدم لأحدى قريباتي الدكتورة المتدينة,,,,تجاوبا جدا مع بعض..إلا أنه لما عرف سنها رفض الموضوع برمته..

هو عنده 28 و هي عندها 27!!

زميل لي مسيحي 30 سنة ,منصب و متعلم تعليم راق,,عرفته على بنت صاحبتى مسيحية و راقية جدا 30 سنة...اتفقا مع بعض و قبل الخطوبة بأيام أعتذر..

لأنه(حسب كلامه) "خايف" لأنها "بتفكر و عندها صبر على النقاش,,و ده يمكن لأن سنها كبير شوية عليه "!!!

و أمثلة أخرى كثيرة و كثيييييرة...

بصراحة ...

الواحد احبط,,لماذا يفكر الشباب بهذه الطريقة رغم التدين و التفكير الراقي و رغم اختلاف الملل؟

الحقيقة اني اعرف بنات كثير كويسين جدا,رقي و جمال و اتزان فكري,, و لكن كل ما يعيبهم بنظر الرجال المقاربين لهم في السن أنهن أواخر العشرينات أوائل الثلاثينات,,و ده معناه أنهن "عواجيز"!!

عشان كده الرجال دول بيتجهوا للشريحة العمرية الأصغر,,

حيث صحيح العمر أصغر لكن نسبة "الهيافة" و فضا المخ بتزيد,,فيؤدي هذا لمشاكل مؤجلة,,تنهي بعدم التوفيق..

في حين أن البنات أواخر العشرينات-ثلاثينات,,يتوجهوا للرجال الشريحة العمرية الأكبر,,اللي همه اربعينات...

حيث يكون "رجل عازب" حتى الاربعينات معناه- في أغلب الأحيان-تعقيدات كثيرة..فيؤدى هذا لمشاكل مؤجلة,, تنتهي بعدم التوفيق ايضا....

و هكذا لا دول بيتجوزوا و لا دول بيتجوزوا مع ارتفاع نسب الطلاق!!

و كله برأيي ...بسبب ,,أن الرجل الخطأ في المكان الخطأ,,,و بسبب الكريتيريا الخطأ(الشكلية جدا جدا) التي يحكم بها الشباب على البنات!!

بالأخر,,

احيي صراحتك و تطور احساسك و تفكيرك..

و إن شاء الله ربنا يوفقك و يرزقك من تسكن إليها و تسكن إليك..

بس انت زي ما قولوا لك..أخلص النية,,و تخلص من أي عوائق شكلية أو موروثات بالية حتى ترى بوضوح ,,

و اطلب العون من البنات في عائلتك..

و ردد دعاء القرأن "رب إني لما أنزلت إلي من خير فقير" و "ربى لا تذرني فردا و أنت خير الوارثين"..

و سيبها على الله..

تم تعديل 23 نوفمبر 2005 بواسطة G.G

[wagdi]

الأخ الفاضل النسر المصري...

أنا كنت زيك كده...وقعدت حوالي خمس سنين في رحلة البحث عن زوجة... رأيت فيها العجب العجاب... إلى أن من الله علي بزوجة أعتبرها أفضل ما رزقني الله إيه في حياتي...(بؤين برضه لتكون بتقرا ولا حاجة... :sad:

وكنت لا أقبل بأنصاف الحلول... وكنت بأقول ياللي في دماغي يابلاش خالص...وكنت باقول إذا وجدت من تبدو فيها المواصفات طب إستنى شوية وأصبر يمكن يبقى فيه إلى أحسن منها وعلى رأي الوزير "أصبر يا أمير دي الصبايا كتير"... وأنا اصلاً من عائلة ممن يطلقون عليها "متفسخة" (مش من الفسيخ)...يعني تقريباً كل رجالات عائلتي منفصلين عن زوجاتهم... وهذا ما زاد الطين بلة وكلكع كلاكيعي وجعلني أنظر للزواج على أنه مشروع مكتوب عليه الفشل إن أجلاً أو عاجلاً...

وغير حياتي وطريقة تفكيري شخصين...

عم عيد... ورجل غامض لا أعرف إسمه حتى الأن...

أما الرجل الغامض فتعرفت عليه في القطار أثناء رحلتي المكوكية الأسبوعية من الاسكندرية للقاهرة...وكنت من عاشقي التطويق (يعني باروح أركب القطر من غير حجز، فإذا وجدت كرسياً كان بها وإن لم يكن وقفت بين العربات حيث يخرج الركاب يشربون السجائر، تفضل واقف والناس يتناوبون عليك كل واحد يشربله سيجارتين وتدردش معاه شوية وبعدين يخش يقعد ويسلمك لواحد تاني...)

وفي هذا اليوم كنت أتحدث مع شاب عن الزواج و بنت الحلال وصعوبة الموضوع ثم أني قلت "والله كل ما أشوف واحدة بس فيها حاجة مش عاجباني أقول أصبر شوية ألاقي واحدة تانية احسن منها بس برضه فيها حاجة تانية مش عاجباني...)ثم انتهى الحديث على ذلك وأنصرف الشاب ووجدت رجلاً وجهه مريح بدرجة غير عادية...كان يستمع إلى حوارنا وعلى وجهه نصف ابتسامة...فقلت له وانت رأي حضرتك إيه.... فقال :" تصور أنك دخلت سوق...شارع طويل والمحلات يمين وشمال...وانت عايز تشتري جزمة... تخش على المحل الأول تلاقي جزمة كويسة ومريحة بس غالية حبتين...تقول أشوف المحل الي بعده...وأهي الدنيا لسة بدري...تخش المحل التاني تلاقي جزمة مريحة وسعرها معقول بس لونها مش أوي...تقول أشوف إللي بعده...وهكذا وهكذا...(وبعدين أخد نفس سيجارةوقال:" البس المشكلة إنك وإنت قاعد بتدور الوقت بيجري والمحلات حتقرب تقفل...وتلاقي نفسك لسة في نص السوق... لو كملت يمكن تلاقي الجزمة إلى فبالك...وممكن ماتلاقيهاش...وممكن ساعتها تكون المحلات قفلت وماتقدرش حتى ترجع للي فات...وممكن يكون الي كان عاجبك إتباع...ولو رجعت وأخدت احسن اللي شفته وبعدين كملت شوية للمحلات الي مدخلتهاش تلاقي حاجة أحسن وساعتها تندم...والبضاعة المباعة طبعاً لا ترد ولا تستبدل...والبيضة والا الفرخة...

دلوقتي...تخيل السوق ده عمرك...والمحلات هما البنات (مش عايز اقول الجزم لأتشرد :) )

وأنت قيسها على الحكاية دي...حتلاقي إنك مستحيل تبقى متأكد إن ما تحصل عليه هو الأفضل بالنسبة لك...وإن ظللت تنتظر وتجرب فقد تجد نفسك طالع من المولد بلا حمص وقد مضى بك العمر ....

الصراحة كلام الراجل ده أثر فيا وجعلني أعيد تفكيري في الموضوع...بس المشكلة أنه لم يجد لي حلاً بل زاد المشكلة تعقيداً...طب مادام الموضوع كده... يبقى معنى كده إن وأنا داخل السوق لازم أكون محدد لنفسي بالظبط أنا عايز إيه علشان ماتوهش...وأول ما ألاقي المواصفات إلى انا محددها أشتري...ولا أبالي بإلي قبلها والأهم باللي بعدها...

طب أحدد المواصفات دي إزاي؟؟؟

هنا يأتي عم عيد رحمة الله عليه..

وعم عيد الله يرحمه كان رجلاً طاعناً في السن..ولد سنة 1898...يعني مش القرن إلى فات، لا إلى قبله...ويوم عرفته كان عمري 9 سنوات وعمره84 سنة...وكان يعمل في نادي سبورتنج من أيام ما كان إسمه كلوب السباق بالإبراهيمية...وكان له غرفة صغيرة في أسطبلات النادي طالما جلسنا حوله يعملنا الشاي على الوابور ويحكيلنا عن الملك فؤاد والانجليز وتاريخ حواري أسكندرية...وقابلته قبل وفاته بعامين... وكنت لسه طالع من تجربة فاشلة... وقعدت ادردش معاه وسألته عن الزوجته فقال لي أنه تزوجها وعمره 23 عاماً وهو في ذلك الوقت كان يعد متأخراً جداً في الزواج...وظل مع زوجته 62 عاماً إلى أن توفاها الله... فقلت له يا عم عيد...والواحد إزاي ينقي واحدة تعيش معاه 62 سنة... قال لي يابني الزوجة رزق...ماتسألش تيجي إزاي...قلت برضه يا عم عيد ربنا قال ناخد بالأسباب... فقاللي بص يا بني... إنت عندك اتوموبيل؟...قلت له أه..قال لي أهي مراتك زي الاوتوموبيل...

إنت بتشتري أوتوموبيل ليه؟...قلتله علشان يوصلني...قال لي طب مانت ممكن تاخد اوتوبيس او ترام...او ممكن تمشي... قلتله بس الاوتوبيس والترام بهدلة...قال لي أه يبقى أنت اشتريت الأوتوموبيل علشان يوصلك وانت مرتاح... يبقى ده الغرض الأساسي، إنك توصل وأنت مرتاح...طب إيه إلى يريحك؟ يعني فيه ناس بتشتري اوتوموبيل فخم علشان يتمنظروا بيه... وفيه ناس بشتري اوتوموبيل صغير محندق مستعمل على قد إيدهم علشان يوفروا... وفيه ناس شغلها كله مشاوير فيلزمهم أوتوموبيل عفي حمال أسية...و الشاهد إنهم كلهم بيوصلوا...

بس شوف... الراجل إلى اشترى الاوتوموبيل الفخم بعد شوية الناس زهقت من منظره ومابقاش يلفت نظرها...ويوم ما تعطل منه يصرف دم قلبه على تصليحها...وممكن مايلاقيش قطغ غيار ليها...وتبقى بعد سنتين تلاتة العربية دي هم على قلبه...

والراجل إلى قال أنا اشتري أوتوموبيل مستعمل وأوفر لو ربنا غناه حايقول خلاص ماباقتش مقامي وانا يلزمني حاجة أحسن...

والراجل الي أشترى الناشفة حمالة الأسية يا حاتهلك من مشاويره وتعطل، يا حايجي اليوم ويقول أنا زهقت من النشوفية وعايز شوية دلع وفخفخة...

عارف كل ده ليه؟؟؟ قلت له ليه يا عم عيد...

قاللي يابني علشان كلهم نسيوا إن الغرض أصلاً هو حاجة توصلهم بدل مايمشوها على رجلهم...

لاهيا منظرة ولا هيا توفير ولا هيا حرب...

إشتري الأوتوموبيل إلي شكله يعجبك انت اه...بس مش لازم إلى شكله حايعجب الناس...

ويكون متين أه بس مش ناشف لا تزهق... ويكون تمنه حلو أه...بس مش لدرجة المستعمل...

وأهم حاجة يابني الضمان والصيانة...

قلت له ياعم عيد والضمان في الجواز ده يبقى إزاي؟؟

قال لي: العيلة...الأهل...الأم والأب...

هو أنت لما بتشتري أوتوموبيل بتسأل الأول على صيانته وضمانه وتوكيله؟؟

قلتله اه...

قالي وبرضه لما بتتجوز...لازم يكون الأهل ناس يعرفوا يصونوا البنت...

هو انت لما الأوتوموبيل بيعطل منك مش بتوديه الميكانيكي؟

قلتله أه... قاللي طب وإزيك بقى لو الميكانيكي ده بدل ما يصلحهالك خربهالك أكتر...

برضه الأهل...وبالذات الأم... البنت تروح عندها زعلانة... يا تعقلهالك...يا تخربلك نافوخها أكتر...

شوف يابني معاك كام... وسكتك ظروفها إيه ...وأشتري يابني إلى يستحملك وتستحمله لحد ماتوصل مشوارك...

أنا مش عارف القصتين دول بيمثلوا لأي حد فيكم حاجة..بس انا خلوني أعيد حساباتي في حاجات كتير...والحمد لله رزقني ربنا بأحسن مما كنت أتمنى...

وأنا باقول للأخ نسر شوف إنت رايح فين في الدنيا...وإيه المواصفات إلى إنت فعلاً محتاجها علشان مشوارك ده (ولا تزود ولا تنقص) وشوف تاني...صدقني حتلاقي الاختيارات بقت أوضح بكتير قدامك...

وربنا يوفقك يارب... وماتنساناش في الملبس...

[se_ Elsyed]

إيه نظامك يا وجدي ..

جزم ...ترومبيلات .. قطارات ؟

يالله حصل خير صحيح

[Guest النسر المصري]

د/ألفا العزيز المحترم

شكراً جزيلاً على مداخلتك وروحك العالية (ولو اني سخسخت على روحي من الضحك بكلامك الظريف)

لكن عندي نقطة مهمة عايز اثيرها...عن فكرة انك تخلي الست الوالدة او الاخوات البنات او قريباتك يدوروا على بنت الحلال ليك

انا الصراحة كنت تركت الموضوع دة تماما في ايد الوالدة اللي ربنا يطول في عمرها..لكن المشكلة في ان والدتي من جيل وانا من جيل آخر قد لا تستطيع ان تفهم بعض المعاني الت اهتم بها وبالتالي فالاختيار غالبا ما ياتي غير نوفق من الآباء ... اما الخ والاخت ومن هم قريبون من جيلك فهم اقرب ما يكونون فهما لشخصك وحبذا لو كان من يساعدك هو صديقك قبل ان يكون اخوك ... وانا في عمري كله خطبت مرة واحدة باختيار من الام...لكن لم يوفق

وبعد الانفصال اختارت والدتي الكثيرين ولكن لم يكونوا مناسبين ولا حتى بنسبة خمسين في المئة

انا لا اتحامل على احد ولكن كل من من حولي وفقوا في اختيارهم بعد ان اختاروا بانفسهم لانهم كان لديهم الجرأه على ذلك بما فيهم اخوتي جميعا وستندهشوا اذا قلت لكم حتى اخي الصغير الخريج حديثا

اما انا فمن سوء حظي انني اعتمدت على الجاح العملي اكثر من ان انجح في تقليل الهوة الكبيرة التي بيني وبين المرأة حتى في مجال عملي...رغم انني مازلت متمسكا بذلك لما فيه من محافظة على لنفس من الرغبات الشيطانية وما لى ذلك

استاذ KWA

شكرا على مساندتك لي ولكن اعتقد اني شفت حالات كتيرة من حولي بيكون الراجل فاهم مراته كويس وهي كمان ويوم لما يحصل الاتنين بيكونوا في قمة الحب والسعادة

لانهم باختصار بيكونوا شاريين بعض

استاذ جي جي

لاتعليق سوى ان كلامك فوق الروعة

انت استحضرت المعنى المفيد

بالبلدي يعني

كلام في الجووووووووووو

بجد ربنا يبارك فيك وفيكم جميعا لردكم علي

ويجعله عامر (مع الاعتذار الى د/الفا

[Guest النسر المصري]

يالله عليك يااستاذ وجدي

والله كلامك دة خلى الواحد في عالم تاني

انت عارف انا قريت مداخلتك تلات مرات...يااه فعلاً دول ناس فيهم البركة وفلسفتهم صادقة وحقيقية

انت عارف انا زيك بالظبط من وانا عمري تسع وعشر سنين وانا بصاحب الناس اللي اكبر مني

وناس كتيرة كبيرة زي عم وجدي دة كانوا صحابي وبينصحوني دايما...وهم دول السبب المباشر في نجاحي العملي بعد الله سباحنه وبعد الوالدين ربنا يطول في عمرهم

الحقيقة القصتين اعجب مايكون ...وهي تبث فعلا دما جديدة في حياة المتردد للزواج

والحقيقة انني قد وصلت للمعنى المفيد في كيية اختيار المرأة الصح منذ زمن بعيد

بل وأشهد انني قد فهمت نفسي اكثر بفضل خطيبتي الأولى والوحيدة

فاختياري الخاطيء لها اعطاني مفهوما جديدا عن الزواج وكيفية التوافق بين الشخصين

بل وانني قد اقول انها امرأة في غاية الروعة وانني اتمنى يرزقها الله بمن هو افضل الرجال

اما مايخص ما ارغبه في المرأه التي اريدها فهي تختصر الى الثقافة .... فالمرأه المثقفة اجتماعيا ودينيا وعلميا ايضا هي بمثابة كنز او ثمر نادرة حان قطفها

واطلب ذلك لثقتي في ان ذلك النوع من المرأة تستطيع ان تفهم مايدور في ذهنك قبل ان تقوله...وهي سمة التوافق بين شخصين

بل وذلك النوع تجده من اسرة دائما ما تكون محترمة وعريقة وتحافظ على المثل العليا

اما الجمال والحسن والجاذبية والدلع فكله امر نسبي قد تجد تلك ملكة جمال وآخر يجدها اي باذنجان

ولذلك مش هو دة مقصدي على الرغم من انني اعشق المرأه ذات الوجه الطفولي القططي

لكن بامانه انا ماشفتش واحدة ذات هذا الوجه الا مرتين وكانوا مخطوبين ...والباقي كان كله متجوز (يمكن النوع القططي الملاكي دة مرغوب بشدة بين الرجال)

وبالتالي كل اللي كنت بشوفهم كنت بركز علي ثقافتهم فقط وعشان كدة انا عجبني كتيييير لكن مافيش توفيق

لان كل مره بيطلع سبب شكل وغريب من الطرف الآخر بالذات زي موضوع (انا ماقدرش اسيب اهلي واتغرب انا عاوزاك تشتغل هنا ياعموووري)

(يابنت الحلال والناس انا شغلي هنااك وبعدين هو في واحدة بتتغرب مع جوزها هو جوزك دة غريب؟؟؟!!!)

(ياعمووورري انا ماقصدش انا فاهمه ان الدين يأمرنا اني اتبع الزوج اينما رغب بس انا فعلا اهلي في حاجة لي جنبهم)

وهنا تقع المشكلة..البنت مثقفة وبتفهم ومؤمنه باتباع الزوج اللي بتحبه..لكن خايفه على اهلها لا مايلاقوش حد جنبهم لنجدتهم في اي وقت

وطبعا دة حقها طالما مالم نوافق على الزواج بعد....لفي يالمونه

ودوري ياطيارة

وووووو يجعله عامر

[Folana]

السلام عليكم ورحمة الله.........

الاخ الفاضل النسر المصرى ...انا بقالى يوم ونص باقرأ موضوعك ...بس تصدق بايه؟...حتصدق انشاء الله ..انت مش عايز تتجوز ولا حاجة :sad:

حاسة انك مناكف ومايعجبكش العجب ...فى الاول قلت انا مليش مواصفات ..كل املى انها تكون مثقفة ..طب جميل ..بس تحت بند مثقفة دى كتبت اكتر من شرط ..منهم ..انها تكون من عيلة عريقة ..وبنت ناس ووشها مأطأط ..ولو ان الجمال نسبى زى ماانت عمال تؤكد على كده ...

ربنا سبحانه وتعالى قال لنا "ومن اياته ان خلق لكم من انفسكم ازواجا لتسكنوا اليها وجعل بينكم مودة ورحمة ان فى زلك لايات لقوم يتفكرون" صدق الله العظيم ...

انت بتدور على زوجة تعيش معاها حياة هانئة هادئة بعد الزواج ويكلل ارتباطك بها ده بزواج ناجح وزرية صالحة ...(معلش لان حرف الزال بايظ فى الجهاز ده فاحكتبه زين بس انت طبعا حتفهم )...

انت مش عايز طبعا تحقق واجب اجتماعى بس ولكن انت محتاج علاقة تحقق من خلالها كيانك وتصل الى الاستقرار النفسى والاجتماعى والجسدى والروحى ..تمام كده؟.....

يبقى نقدر نقول ان الزواج الناجح مش هو بس اختيار عروسة مثقفة (وانا لى وقفة عند تعريفك لكلمة مثقفة دى )....او لها وش يشبه القطة ..ومخالب مدهونة بالمانكيير ...لانك كده واسمحلى بتدور فى دائرة مغلقة بسطحية دون ان تتعرف على مواصفات وشروط الزواج الناجح ...

انا باتكلم براحتى لانى مدركةتماما سعة صدرك وتفهمك للمعنى اللى بارجو انه يوصلك ...

انت اول شرط لك انها تكون زوجة صالحة ...وطبعا شروط ومواصفات الزوجة الصالحة معروفة ...

بالنسبة للثقافة دى فانا مش عارفة تقصد ايه بها ...؟....وحتعرف ازاى انها مثقفة؟ حتعمل لها اختبار زكاء مثلا ؟....

انت بحكم وجودك بالخارج طبعا فمش حتسنح لك الفرصة انك تتعرف على عروسة وتدرسها المدة الكافية ...ولكن كما قال الاخوة والاخوات الافاضل ...هى حتكون معرفة حد من طرفك حيرشحها لك وانت حتشوفها وتشوف التوافق اللى بينكم وشكلها يكون مقبول لانك مش حتكون بتحبها علشان تتغاضى عن الشكل مثلا ...

اهم حاجة يااخى الفاضل ان تكون بتقيم حدود الله ..وده حتعرفه من شكلها الخارجى ومن طريقة كلامها والتزامها واحترامها لنفسها ...ومن اسرتها بلا شك طبعا ..

اما موضوع الثقافة فطالما انها عندها القدرة انها تحاورك وتتناقش معك فى مواضيعك فهى مثقفة بالقدر اللى انت محتاجه ...

اخى العزيز ...سوف استكمل معك بعد الفاصل ...(اصل جالى ضيوف) :)

[Salwa]

مساء الخير ..

فيه ايه ياعمرو ؟؟

احنا مش اتكلمنا فى الموضوع ده قبل كدة ؟؟ يعنى قلنا بلاش تمشى الطريق كامل وامشى لنصف الطريق ؟؟

مش ممكن حاتلاقى واحدة معمولة مخصوص علشانك ؟؟ زى مانت بتطلب مواصفات معينة فى البنت فبالتأكيد البنت كمان بتطلب مواصفات معينة ومش شرط يكون عندك كل المواصفات المطلوبة ..؟؟ صح ؟؟

مشكلتك ياعمرو واضحة وضوح الشمس فى عز الظهر ...

انت عاوز واحدة تقليدية وفى نفس الوقت مودرن ومثقفة ....انت عاوز خلطة صعب تلاقيها دائما لكن ؟؟ممكن تلاقيها ...بس دور ...

انت بتدور اليومين دول فى عز عز التقدم التكنلوجى عن واحدة بتعرف تخبز فى بيتهم وتعمل لك الفطير والمنسف ..وفى نفس الوقت تناقشك فى آخر الاخبار السياسية ...والاقتصادية ...وغيره ...وغيره ..

المشكلة كبيرة ياعمرو ......عملة ذات وجهين ....ايهم افضل ؟؟

هل تتذكر احاديثنا يوم اجتماع المحاورات الأخير ؟؟؟.

.من تقتنع بك سوف تتبعك حتى لو كنت فى القطب الشمالى ...مسألة احساس بالراحة لانسان معين ..فقط.

قبول زى ما بيقولوا ....

انا عشت من حوالى عام .......مشكلة الطرف الآخر ...

ابنتى رقم اتنين ...

كنت اثق تمام الثقة فى الاختيار الموفق ....فهو استاذ جامعى ومن عائلة محترمة

ووجيه الشكل والمظهر وبه كل ما تتمناه اى بنت ..وفرق السن بسيط ..

زوجى وانا مقتنعين به جدا جدا جدا .......

فجأة ؟؟

اتتنى ابنتى تبكى .....قالت : احبه ياامى ...وارتاح له جدا ...ونتفاهم فى كل شئ ....لكن ؟؟

زواجى منه معناه القضاء على مستقبلى ..

معناه .زواج فى خلال نهاية الاسبوع فقط ...

او ......عذاب .لا استطيع احتماله .

هو ؟؟..لا يريد العيش فى المدينة ...

وانا ؟؟ لا استطيع ان اعيش فى القرية ..لا استطيع ان اترك عملى بعد كل ما وصلت اليه ..لا استطيع ان اترك دراستى الجديدة التى بدأتها ..

هو ...يعتمد على ان محاضراته ثلاثة ايام فى الاسبوع ويتحمل ساعتين رايح وساعتين جاى ثلاثة ايام فى الاسبوع لكن انا ؟؟

شئ من اثنين ..........اما اترك عملى ...

او اضطر لعمل هذا الطريق يوميا .ولن استطيع ان اتناول الغذاء معه ...لأنى اعمل طيلة اليوم وحتى الثامنة مساء ..كيف ساقضى ساعتين الغذاء ؟؟

بالطبع فى بيت ابى ...

هل هذا زواج ؟؟

فقط انا متفرغة نهاية الاسبوع ....

انه زواج غير متكافئ ...

لماذا اذهب انا للعيش هناك ؟؟ لماذا يجب على ان اضحى انا ؟؟؟

لو كان يحبنى فعلا فليأتى هو ويعيش فى المدينة .........

لماذا يجب على ان اعيش احلامه هو ؟؟ واساعده على تحقيق احلامه هو ؟؟؟

لماذا تريدين منى ان اكون صورة منك ؟؟

اشعر انه انانى بتصميمه على المعيشة فى القرية ...

كانت اجابتى ........

وهل اخطأت انا ؟؟........انظرى لنتيجة التجربة ؟؟ ...انتم الأربعة ..الا يكفى هذا ؟

اجابت : كل الرجال ......ليس فيهم واحد مثل ابى .

لا استطيع ان اجازف ...

ستظل غصة فى حلقى .لا استطيع ان اوئد نفسى بنفسى ...

لعلى الوحيدة على ظهر الأرض التى تركت برغبتها شخصا تحبه فعلا ...

للآن ....يحاول اقناعها ...

لكنها تغلق كل الابواب .....مقتنعة هى ...تماما تماما ....ان التضحية يجب ان تكون من الطرفين وليس منها وحدها ...

مثلا مثلا ....اقول انا ياعمرو ..

كل المشاكل ممكن تتحل ببساطة لو نظرنا لها ببساطة وبدون تعقيد ....لكن تقول لمين ؟؟

يعنى اقول : وفيها ايه لو هو جه هنا ؟؟؟.وهو يقول : وكيف اترك بيتى الكبير ومكان مولدى ؟؟ لا استطيع ان اعيش خارج القرية ...

بدون ان تدرى سوف تجد بنت الحلال ..

المسألة ببساطة ...

لسة مفيش نصيب ....اقول لك نفس اللى بقوله لنفسى ...كل شئ قسمة ونصيب ..