يالهوي يااناااس الحقوني ..انا عديت التلاتيني

[Guest النسر المصري]

السلام عليكم يامدام سلوى ياعظيمة يااللي كلك ذوق

والله اانت كلامك ظل هو قالب الصح والصحيح في هذا الموضوع

وعلى رأي مدام فولانه اللي عجبني رايها بكل صدق(انا بدلع واني مناكف في موضوع الجواز)

يامدام سلوى فعلا انا كنت بعتقد المثقفة دي يعني البنت المودرن واللي هي ماهرة في البيت وبتعرف تخبز الرغيف البلدي وبعدها تقعد تحكي كلام في شتى انواع الثقافة

معادلة جدا صعبة رغم وجودها....اذن اللي انا بفكر فيه دة مش ثقافة....واني لازم الجأ لجوء كامل الى الله واتركها على بركته

بل وألغي اي شرط في دماغي حتى الثقافة ويبقى شرط وحييد (تكون بنت حلال).

واتوكل على الله وربنا يبارك لنا ... فقد تظهر صاحبة النصيب في اي وقت...واذا كان في مشاكل في اتمام الموضوع نحاول تذليلها بما يصب في مصلحة الطرفين...

مثل مشكلة بنت حضرتك....بما ان هي ترغب في عملها بقوة وتشعر بكيانها فيه وتعتقد ان عملها سيكون افضل من ان تكون ربة بيت كامله مثل أمها..(رغم اعتراضي ان تشك في الرجال جميعا ان يكونوا مثل ابيها) .. فلا لوم عليها بل احييها على صراحتها...ولتختار من يقبل ان تظل في عملها والمدينة...اما الرجل فهو الآخر ان لم يكن بمقدورة ان يأتي المدينة وفضل القرية على ان يلحق بحبيبته..ووافق على عدم اتمام المشروع...اذن فمو لا يحبها حبا حقيقيا انما يحتاجها..وهي كذلك

ومرة حصلي موضوع زي كدة بس العكس..كان في بنت هادئة محترمة محجبة تجلس بكل حياء في احد الافراح..شدت انتباهي لبساطتها وبرائتها...وسألت عنها وطلبتها وتذكرتني ففهمت انها ايضا لمحتني فبدأ الأمل يداعب قلبي... وعرفنا انها خريجة اعلام قسم اعلان.....وبدت في اتخاذ اجراآت المقابلة للتعرف عليهم.. قبل ان يحدث كانت هناك اتصال مع احد الوسطاء الذي نقل شرطا اساسيا منها بان أترك الكويت نهائيا وان انزل حالا لاستقر بمصر لانها لا ترغب ان تبعد عن بلدها ولاترغب ان تفعل مافعله ابوها وامها ...حيث ان وان امها عميدة كلية الشريعة في احد دول الخليج وابوها طبيب شخصي لاحد الأمراء

هنا تداركت نفسي قد تكون لفتت نظري واعجتني صراحتها وابداء رغبتها ..ولكن ماذا انا بفاعل في عملي ...مشكلة

انا لو اتيت الى مصر فسوف فمصيري معدوم بحكم طبيعة عملي...واذا اتنططت فبكتيرة راتب بالفين جنية لما اكون مدير

وطبعا هي وانا هنعيش في القاهرة مش في العريش مثلا...لانها بردو مش هتسيب مصر ولا انا كمان حكم اني يوم لما الاقي شغل يبقى في القاهرة...المهم نقلت لها وجهة نظري بان مجيئي لمصر فهو مصير صعب لي ولأسرتي وانا حتى لا ارغب في ان اكون بمصر الا اذا كانت هناك فرصة حقيقية ..فتعالي نبني سويا مستقبلا صغيرا لحين وجود تلك الفرصة

لكنها اصرت وقالت بان الدنيا مش فلوس ..مش مهم الفلوس المهم الحب والتفاهم؟؟!!!.. اطب نسكن فين وناكل منين لحد لما تيجي الفرصة الكويسة دي..كان ردها غريب بانها هي معندهاش مشاكل في الفلوس ولازم تشارك معايا وهي يدوب هتساعدني .. طبعا عرفت من بعيد بان عندها فيلا ووعربية وكمان لها ضمان في البنك...يعني مش مهم خلاص ياجماعة انا اتجوزت ست البيت وراجل البيت مع بعض ..

المهم رفضت الحديث في الفكرة وكان الموضوع لم يكن وحقها هنا مكفول في لما ابدته من صدق ورغبة في المساعدة

اما حقي انا كمان مكفول في رأي بان ارفض هذا العرض اللي حسسني لأول مرة باني في وضع مش (مظبوط) وافهموها انتوا

بس اللي فهمته في نهاية الحوار حتى اللي يعجبك اوي وفيه كل المواصفات اللي تتمناها وهو يرغبك بشدة ممكن يكون مش من نصيبك

ولما اسيبها غير مشروطة وانها تكون بنت حلال والسلام وقتها دائرة الاختيار هتوسع ووقتها ممكن الاقي ااكثر ممن اتمنى

ونرجع زي ايام زمان الجمكيلة الطاهرةمن التعقيدات

نهايته النصيب لسة ماجاش

[mizo]

Dear Nessr

After 10 years experience

please do not look for trouble ALL ARE THE SAME they look very well befor till you come between the hand ooohhhhhhhhhhhhh mfb:

[NoorJehan]

ربنا يوفقك ان شاءالله يا أخ نسر ونسأله ان يكرمك ويجازيك خيرا لسعيك خلف الحلال..

إليك دعاء تيسير الزواج:

بسم الله الرحمن الرحيم والحمد لله رب العالمين

والصلاة والسلام علي أشرف المرسلين وعلي آل بيته وصحبه أجمعين

---> اللهم أنى أسألك بأني أشهد أن لا إله إلا أنت الأحد الصمد الذي لم يلد ولم يولد ولم يكن له كفوا أحد

إقض حاجتي وأنس وحدتي فرج كربتي أجعل لي رفيقا صالحا كي نسبحك كثيرا ونذكرك كثيرا فانت بي بصير يا مجيب المضطراذا دعاك ، أحلل عقدتي امن روعتي وفرج كربتي

---> يا إلهي هب لي من لدنك زوجا صالحا واجعل بيننا المودة والرحمة والسكن إنك على كل شئ قدير يا من يقول للشيء كن فيكون

---> اللهم آتنا في الدنيا حسنة وفى الآخرة حسنة وقنا عذاب النار

---> رب لا تذرني فردا وأنت خير الوارثين

---> اللهم اجمع بيني وبين (فلان) باالحق وافتح بيننا بالحق وانت الفتاح العليم

---> اللهم حصن فرجي ويسر امري واكفني بحلالك عن حرامك وبفضللك عمن سواك

---> وقولك ( فاطر السموات والارض جعل لكم من انفسكم ازواجا) ارزقني زوجا تقر به عيني وتقر بي عينه

و من المجربات في تيسير الزواج :

أن يكرر دعاء سيدنا موسى عليه السلام مع ابنتي شعيب عليه السلام عندما سقا لهما ثم تولى إلى الظل ...

---> ( ربي إن لما أنزلت إلي من خير فقير )

---> اللهم يا جامع الناس ليوم لا ريب فيه اجمع بيني وبين زوجي

---> وكذلك دعاء الاسماء الله الحسنى لان سبحان الله فيه واحد من هذه الاسماء يستجب الدعاء بعده ..

---> ربنا هب لنا من ازواجنا وذرياتنا قرة اعين واجعلنا للمتقين اماما

[Guest النسر المصري]

شكرا لك نور جيهان على هذه الأدعية

جزاك الله الف خير

بس سؤال يعني لو معلش وبدون حرج

عندك عروسة لي!!!!!

[NoorJehan]

وإياك أخى..

بس سؤال يعني لو معلش وبدون حرج

عندك عروسة لي!!!!!

ربما <_<

نازل مصر قريبا طيب؟

[Guest النسر المصري]

انا انزل دلوقتي لوعايزة...بس يارب تبقي المرةدي

بقالي خمس سنين عايش عيشة مهببه

يارب الخير يكون على ايدك

على فكرة انا باعتذر لك على ردي في موضوع المحافظات

انا بس كنت بنكش لان الموضوع مهم

اشكرك يا حلى نور جيهان

بس يبك انت (واياك اخي) دي عجبتني اوي

[nancy]

تعرف يا نسر انت فكرتنى باخويا كان برضة عاوز يتجوز واحدة مصرية وهو سافر كندا ومعاه جنسية وشقة فى مصر وبيشتغل كويس وعندة كل حاجة واكن متخيل ان الجواز مجرد امكانيات مدية وبس

لكن اكتشف انه كل مايتقدم لوحدة تحصل مشكلة مختلفة مرة اهلها طمعين مرة هى حسة انة مش عاطفى مرة هو حاسس انها قوية وبتخطط معاه للجواز ولغيها اهلها مرة هى عصبية ومرة هو مش عجباة فضلنا فى المصيبة دى حوالى 10 سنين واتجوز وهو عندة 32 واحدة مصرية كندية

انت بقى علشان تلاقى عروسة عندك اكتر من حل

1 -انك تكتب مواصفات العروسة بدقة واصدقائك فى المنتدى وفى حياتك العادية يدلوك على حد قريبهم بالمواصفات دى

2- عندك فى الكويت ممكن فى العمل او اى احتكاك بمصريين فتحاول تعرف حد منهم

3- مش عرفة ان كان صح ولا لا انما انا شيفة ان المنتدى دة مليان مصريات من المثقفات والى مش متزوجات فمن الحوارات ممكن تستريح لحد فتطلب تتقدم لها (انا مش عرفة ان كان دة صح وممكن ولا لا بس انا من الناس الى بحب الطرق المباشرة فيمكن يكون غلط وميتلائمش مع كل الناس)

ويمن كل الطرق الى كتبتهالك متنفعش بس اهى محاولة وعلى لله تنفع

وربنا يوفقك

[kokowawa1979]

نانسي كتبت :

- مش عرفة ان كان صح ولا لا انما انا شيفة ان المنتدى دة مليان مصريات من المثقفات والى مش متزوجات فمن الحوارات ممكن تستريح لحد فتطلب تتقدم لها (انا مش عرفة ان كان دة صح وممكن ولا لا بس انا من الناس الى بحب الطرق المباشرة فيمكن يكون غلط وميتلائمش مع كل الناس)

أنا شخصيا شايف إن ده عين العقل اللي كتبتيه ياأخت نانسي الأخوات جميعا بلا استثناء اللاتي يكتبن في المنتدى على درجة عالية من الثقافة والوعي وأقول جميعا بلا استثناء .

لكن أعتقد أنهن جميعا سوف يشعرن بالإحراج من التحدث عن نفسهن على الملأ ولهن العذر في ذلك .

لكن في رأيي أنهن الأفضل عند الإختيار .

[kotoz9]

استاذ وجدى المشاركة بتاعتك تحفة بجد...

وربنا يوفقك يا نسر

[eastsoul]

شوف يا نسر بدم انتا حطيت الموضوع في راسك ما عليك غير انك تكثر الدعاء الله … صدقني …فالرسول عليه الصلاة و السلام اوصى بالاكثار ‏من الدعاء … و طالما النية موجودة … يبقى ان شاء الله ربنا هيوفقكك ببنت الحلال اللي تخاف الله فيك.‏

[عطر]

مع احترامي لكل المداخلات واقول الحق قريت بعضهم بتمعن والبعض الأخر في السريع يعني سطر وانط سطر

بس احب اعطيك خلاصة خبرتي ان اللي قال ان الجواز زي البطيخة هو رجل عبقري مخضرم فاهم كويس اوي

اعمل بنصيحة رجل القطر والحق نفسك بأول واحدة تعجبك وياريتك تسيبك من حكاية مثقفة دي لأنها كلمة مطاطية مالهاش ديفينيشن واضح بين البشر كلهم

وفي الأخر المثقفة حتنسى الثقافة واللي اخترعوها لما تنزل ارض الواقع في الجواز يعني مش معقول حتكلمك بالثقافة طول الوقت

والله العظيم الجواز بطيييييييييييخة وانت وحظك حتى لو اشتريتها على السكين ممكن يكون البايع حقنها بلون علشان تظهر لك حمرا :huh:

اقول لك اذا مفيش قريبة لك مناسبة دور حوليك في الكويت وهو يعني لازم مصرية !!

اتكل على الله باللي تلائيها مناسبة مهما كانت جنسيتها

وان شاء الله حيجعله عامر :blink:

[yasovinas]

واحد تاني متشائم قال ان البطيخ - قصدي الجواز - زي البرميل المقفلمن النحيتين

من ناحية عسل ومن ناحية @@@@

اذا فتحت من ناحية العسل فسوف ينتهي بك الامر الى @@@@

اما اذا فتحت من ناحية ال@@@@ فللاسف لن تعيش حتى تصل الى العسل :blink:

[حدوته مصريه]

حرام عليك يا اخ نسر سيبت ركبي وقعدت انده غريق يا ناس غريق يا عالم..يا راجل ده انا بلغت الاسعاف والمطافي وال 911

لا حقيقي انت واضح انك مصري..انت مسمعتش ان الشباب دلوقتي بيتجوزوا (سعداء الحظ) بعد ال 35 و (تعساء الحظ بعد الاربعين)

يعني افرض حد فيهم دخل قري الموضوع ده يعمل ايه ..اكيد هيجيله حول في العينين واعوجاج في الساقين ومش بعيد تفرطح في القدمين ويبقي ذنبه في رقبتك

:P

انا قصدي بس انك متشيلش الهم وتسيبها لله واصلي استخاره وادعي ربنا يكتبلك الخير

وانزل بمواصقاتك شويه..دايما الانسان بيبقي عايز لنفسه احسن حاجه في الدنيا وبيحط لنفسه شروط صعبه

احكيلك عن واحد صديق العيله قعد يدور علي عروسه ويتلت ومفيش واحده عاجباه مفيش غير مرتين وافق لكن العروسه موافقتش (ماهي طبعا ليها مواصفات هيا كمان امال يعني ملهاش نفس)

كانت النتيجه ان عنده 56 سنه ولسه بيدور والنكته انه لسه بيدور وتنازل شويه وعايز واحده فوق التلاتين (اللي اختشوا ماتوا صحيح ..ناس عايزه الحرق :wub:

انا متهيالي ان فيه بنات مصريات في الكويت بس انت دور وخلي اصدقائك يدورولك وان شاء الله هتلاقي ..دي انسب حاجه ليك ..علشان لا تبقي انت ضحيت ولا هيا ضحت

و لما تتجوز واحده مصريه فرصه انها تفهمك و انت تفهمها اكبر..

مع تمنياتي بالتوفيق

;)

[eastsoul]

حدوتة حبيبتي ... اهلا بيكي ... يا مية مرحبا :wub:

اهو ... هو ده الكلام و لا بلاش

انا قصدي بس انك متشيلش الهم وتسيبها لله واصلي استخاره وادعي ربنا يكتبلك الخير

:P

[حدوته مصريه]

حدوتة حبيبتي ... اهلا بيكي ... يا مية مرحبا :P

اهو ... هو ده الكلام و لا بلاش

انا قصدي بس انك متشيلش الهم وتسيبها لله واصلي استخاره وادعي ربنا يكتبلك الخير

:)

حبيبتي يا است سول كنت متاكده مليون في الميه انك هترحبي بيا

;)

ربنا يخليكي ليا يا رب مش لاقيه ورده هنا اديهالك مش عارفه دي تقريبا صوره قلب :wub: يا ام قلب زي السكر

:wub:

[Guest النسر المصري]

اخواني واحبائي كلا باسمه

الجميله نانسي....

والله موضوع اني ادور على مصرية في الكويت شغال فيها على ودنه

انا بقالي 9شهور راجع من الاجازة وشفت يجي 22 عروسة

بس اتنين فيهم مصريات...والباقي كلهم فلسطينيات...يالبنانيات

لكن اتمنى لو يعني ينجح موضوع الزواج من المحاورات

ويبقى اول فرح محاوراتي ياعين ياليل

شكرا على تفاعلك معايا يانانسي...ولو يعني لو مافهاش احراج ...ممكن تشوفيلي عروسة :lol:

صديقي (المرتضاوي الزمالكاوي) كوكو واواا....

ولله انا شايف ان مفاهاش احراج بقى ...هو احنا بنتجوز ولا بنسرق...عايزين الخير ياجماعة

ست الأصول

ربنا يعمر بيتك والله ماأعظمها من نصيحة...وكتب الله لك ولنا الجنة باذن الله

العطره عطر

ايه حكاية البطيخ معاكم بقى انا نفسي افهم...هو في ازمة بطيخ!!!!

ياعطر ..ياغالية...ياعطورة

الرسول عليه الصلاة والسلام حثنا على الاختيار...مش اي واحدة والسلام...

وانا عارف انه كده كده هتلاقي نصيبك على غير المتوقع ..ياأفضل..يا أسوأ

بس في نقطة هنا

انه لو استخرت ربنا...وفضلت ملتزم بالدعاء بالتوفيق إليه...وأحسنت اختيار الزوجة من ناحية الأخلاق الكريمة.....يبقى ربنا هيوقفلك أفضل النصيب

مش كدة ولا إيه

دمتم معطريين لنا ياعطر

الغالية حدوته مصرية

يالهوي يالهوي يالهوي ...بقى كل ده هيحصل من تحت راسي

لا ياستي انا هتراجع عن كل كلامي اذا ده في مضره لحبايبي اعضاء المنتدى

وبنادي وبقول في ميدان عام

الدنيا حلوه ياكمناننا...والصلاتو عالنبي...

بس بجد يا حدوته انا بدور ومش ساكت والله...ده انا مره حتى عجبتني واحدة باكستانيه( :sad: )

بس ما حصلش نصيب...تفتكري ليه هه..ليه :)

العزيز yasovinas

هو كيلو البطيخ بكام الهناردة ياخويا..اصلي سمعت ان البطاطس ام حبة زرقة غليت اول بكرة :D :wub:

انا هنا بقى عايز اطرح ليكم جميعا سؤال تضامنا مع الجميلة نانسي

هل ممكن انشر صورتي هنا في المنتدى واكتب تحتيها يبحث عن عروسه مناسبة

ولا انتم شايفين اية

[nancy]

مرسى على كلامك يا نسر

يا ريت ولهى كان عندى عروسة بس الناس الى فيها الجمال ولاخلاق والعيلا الطيبة والمثقفة لانها فى راى صفة مهمة لانك حتعيش مع انسانة بينكم حاجات كتير ومن اهمها الحوار فلازم تكون ذات قلب كبير ودماغ كمان

فانا مش مع اى واحدة تعجبك وخلصنا وبلاش حكاية البطيخ دى خلينا نقول ان الجواز دة زى صندوق الاسرار بتختارة مقفول لانة بيعجبك من برة ولما تفتحة بمفتاحة حتشوف خيرة ولو فتحة بانك تكسرة وخلاص تشوف شره

وطبعا انا معاك فى حكاية انك تحط صورتك وتكتب معلومات عنك وعن المواصفات الى طلبها

وتسمية موضوع خاص ولا ارغب فى ردود والكلام علىاميلى

بمعنى انك مش حاطط الكلام دة للمناقشة انت عاوز الى شايفة انها ميالة للفكرة تكلمك على اميلك مباشرتا وربنا يوفقك يا نسر وولهى لاحضر الفرح لو عزمتنى

[عطر]

العطره عطر

ايه حكاية البطيخ معاكم بقى انا نفسي افهم...هو في ازمة بطيخ!!!!

ياعطر ..ياغالية...ياعطورة

الرسول عليه الصلاة والسلام حثنا على الاختيار...مش اي واحدة والسلام...

وانا عارف انه كده كده هتلاقي نصيبك على غير المتوقع ..ياأفضل..يا أسوأ

بس في نقطة هنا

انه لو استخرت ربنا...وفضلت ملتزم بالدعاء بالتوفيق إليه...وأحسنت اختيار الزوجة من ناحية الأخلاق الكريمة.....يبقى ربنا هيوقفلك أفضل النصيب

مش كدة ولا إيه

دمتم معطريين لنا ياعطر

العزيز النسر المصري

أولا حمد الله على السلامة كنت غايب فين الأيام اللي فاتت

ثانيا انا مش بئول والله أي واحدة والسلام لكن اللي بقوله انك مجرد ما تلائي واحدة تعجبك ما تترددش على امل تلائي احسن منها

وحكاية مثقفة دي كلمة مش واضحة لأن مفهوم الثقافة نفسها تختلف من شخص للتاني ، ممكن واحدة مثقفة في شيء وجاهلة في شيء تاني اهم شيء افكاركم تكون متقاربة وفيه امكانية خلق حوار بينكم

وطبعا كل شيء في حياتنا لازم ندعمه بالدعاء والإستخارة مع حسن الإختيار والتفكير

انا هنا بقى عايز اطرح ليكم جميعا سؤال تضامنا مع الجميلة نانسي

هل ممكن انشر صورتي هنا في المنتدى واكتب تحتيها يبحث عن عروسه مناسبة

ولا انتم شايفين اية

اتكل على الله وربنا يقدم اللي فيه الخير

[ocha]

ا اولا احب اطمئن اللاخ النسر المصري ان ثلاثين سنه مش كتير لكن بردو ما نسرحش ونقول ان لسه بدرى ثلاثين هو فعلا السن ايلى بنقول فيه خلاص ان اللاوان للزواج وانا بقول لك كده علشان انا دايما بنظر لبعيد على فكره انا ست مش راجل لحسن لما رجعت السطر ايلى فات حسيت ان من كثره تركيزى فى ردودكم على بعض كا رجال لازم اتكلم بتخيولى كارجل المهم انا عوزه اللاخ نسر مش يفكر بس فى اذاى يلاقى بنت الحلال علشان والله بنات الحلال كتير بس انت تنوى بجد انا عوزاك تفقر لو فضلت فى حرتك ديه كام سنه كمان وبردو هتتجوز يا ترى الطاقه المخزونه عندك لتحمل اللاطفال هتفضل بنفس الكميه انا عارفه انك تعلم اكثر منى بكثير فى هذه النقطه خاصه انها تابعه لعملك نصحتى لك انوى واتكل على الله علشانك وعلشان اولادك ان شاء الله عندى تعقيب بسيط فى مداخله اللاخ wagdi يعنى الراجل الغامض ايلى قابلته فى القطار ما عرفش يشببه البحث عن زوجه بحاجه ثانيه غير البحث عن حزاء الملافظ سعد يا عم الغامض

[Guest النسر المصري]

انا مش مع اى واحدة تعجبك وخلصنا وبلاش حكاية البطيخ دى خلينا نقول ان الجواز دة زى صندوق الاسرار بتختارة مقفول لانة بيعجبك من برة ولما تفتحة بمفتاحة حتشوف خيرة ولو فتحة بانك تكسرة وخلاص تشوف شره

وطبعا انا معاك فى حكاية انك تحط صورتك وتكتب معلومات عنك وعن المواصفات الى طلبها

وتسمية موضوع خاص ولا ارغب فى ردود والكلام علىاميلى

بمعنى انك مش حاطط الكلام دة للمناقشة انت عاوز الى شايفة انها ميالة للفكرة تكلمك على اميلك مباشرتا وربنا يوفقك يا نسر وولهى لاحضر الفرح لو عزمتنى

ياسلاااام...يسلم فمك يانانسي والله..اهي دي اتلشابيه ولا بلاش

صندوق اسرار... هتحبه عشان شكله واصله وصنعه وهكذا...تفتحه... تشوف خيره وشره بس هو عاجبك.....وهترضى بيه

أما انك تاخد اي صندوق ...وتروح كاسره ....يبقى ياحصره قولي هتستعمله ازاي بعد كده...!!!!....الحل انك تشتري صندوق تاني...وبردو بسرعه...ليه هي الصناديق خلصت

ربنا يعمر بيتك يا نانسي يا بنت أم نانسي

أولا حمد الله على السلامة كنت غايب فين الأيام اللي فاتت

أشكرك بكل شده وعنف على ترحيبك بي مره أخرى

لكن اعذريني اصل اخويا كان مسافر مصر وكنت مشغول بيه

تانيا مثقفه اقصد بيها تناسب دماغك وثقافتك وحوارتك ياعطر

زي مابتقول نانسي (مافيش حاجه تيجي كده )

لكن انا دلوقتي بعد تشجيعك لي انت بالذات انا هحط صورتي بجد ...ويامعين

اوشا يا أعز اوشا

على فكره اولا انا متابع لحواراتك من زمان وبكل شدة...ومعجب بكلامك ...

تانيا انا حسب كلامك وسؤالك مدى اشتعدادي اني انوي الجواز

حسب ماأذكر اني اول مره نويت الجوازفيها كان عام 1989

عندما فهمت ماذا تعني المرأه بالنسبة لي....وكنت ومازلت أعشق فيروز بكل ماتحتويها من أغاني واحترام

فقررت البحث عن لبنانيه للزواج بها وتسمية أول بنت لي بفيروز

وحتى جاء عام 1993 واكنت المحاولات دخلت اطار الجدية والرسمية مع كل بنت أراها مناسبة لي حتى كانت تبوء بالفشل لاسباب ليس من بينها اننا غير مناسبين...بس النصيب ..نعمل ايه

وعندما جاء العام 2002 كنت مع موعد أول خطوبة وآخر خطوبة حتى يومنا هذا....ولكن هذه المره تركنا بعض لاننا غير مناسبين (أصلي خطبتها من مبدأ البطيخه)

المشاركة الجاية

ستمثل صورتي وبياناتي

مستعدين

يامعين

يارب نعجب ياعبدالمعين