يالهوي يااناااس الحقوني ..انا عديت التلاتيني

[Guest النسر المصري]

يا جماعة انا زهقت

مش عارف ايه السبب في ان الصورة مش عايزه تتحمل

البروفايل بتاعي حطيت الصوره فيه مش عايزه تقبل مع اني عملتها باصغر من المقاس المطلوب 60X100 بيكسل (مع ان في اعضاء حاطين صور اكبر من نص الصفحة)

والصورة الرمزية كذلك

قلت احطها في التوقيع بوصلة من النت (ومش عارف ليه مش ممكن من الجهاز) بردو مش عايزه تقبل

قلت احملها في الردود بردو نفس الموضوع

قلت اعملها من علىجهاز زميلي عشان هو ibm لكن انا ججهازي ماكينتوش....بردو نفس الهباب

حد يحللي الموضوع ده ياجماعه لحسن انا اتجننت

هو في مشكلة في المنتدى ولا ايه

تم تعديل 17 أبريل 2006 بواسطة النسر المصري

[nancy]

يا خوفى يا نسر لتبقى المشكلة فى الصورة مش فى المنتدى :lol: استمر فى المحاولات لكل مجتهد نصيب

[yasovinas]

الحمد لله اني لحقتك قبل ما تعملها

بص يا نسر يا حبيبي اولاً بلاش حكاية الصورة دي

انا رايي "وطبعا الراي في النهايه ليك انت " انك تنزل مواصفات يعني عيون خضرا :lol: شعر اصفر ناعم :) طول 175سم :wub: عرض عرضين -_- بشرة سمرا برونزية mfb: وكده يعني واللي عندها استعداد او اللي عنده عروسه مش عايزها يبقى يتصل بيك ويراسلك ،،،،بس الله يخليك بلاش حكاية الصورة دي علشان خاطر ساعات بندخل على المحاورات والواد عمر الصغير بيبقى جنبي تطلع له صورة النسر :P B) :excl: تسبب له رعب اذلي وانبعاج في الادراك للمنظور من الاتجاه الخلفي للحياه mfb:

ما علينا

[Guest النسر المصري]

انا موافق ياسو على التنازل بالمواصفات للدرجة دي

انا شايفف انه ده كافي

بس إلا صورتي

ذي هي الموضوع كله

امال البنت هترضى بي ازاي

وببعدين انا صورتي مش وحشة كدة

ده انا عندي صلعه ولا جملها من صلع....ولا عندي شوية حواجب وزنهم يجي عشرة عشرين كيلو كده

ولا بقى يالهوي على حول عيوني وجمال حول عيون..واحدة في الشمال وواحدة في اليمين....عشان تعرف اني ببص في جميع الاتجاهات

ومحكالكش بقى على جسمي الرياض

انا بعون الله أقدر اهد حيطة ببوكس واحد...لاني ملاكم بلافطره فوق وزن الفيل البيومي......

463 جيجا كيلو بط

وعنها بقى وعن مناخيري....يوه يوه يوه على ججمالها

طولها يجي كدة 76 سنتي الا ربع

انت بس استنى لما احمل صوورتي واتفرجوا

[yasovinas]

اطالب الاخوة المشرفين بوقف عضوية النسر كاجراء وقائي لعدم تنزيله صورته

يا عمنا بقول لك الواد بيدخل معايا المحاورات حرام عليك :lol:

لا بس واضح انك بتدور على عروسه بجد :wub: ؛؛؛؛

[زعلان]

عندك شقه ومهر وشبكة وحساب في البنك تعالى وانا أجوزك بنتي <_<

[حدوته مصريه]

يا عم نسر هنديه ايه وسيريلانكيه ايه بعني تلات اربع شباب البلد مش لاقيين ياكلوا علشان يتجوزوا ..يقوم الشباب اللي عايز يتجوز يدور علي واحده بكستانيه..امال المصريات يتجوزوا مين..اسرائيلين <_<

انت عارف انا لو عارفه حد في مصر اوالكويت كنت كلمتهوملك بجد..انا قلبي حاسس كده انك هتلاقي بنت الحال قريب اوي ..بس ساعتها ادعيلي (بس تكون مصريه..فاهم :unsure: )

تم تعديل 17 أبريل 2006 بواسطة حدوته مصريه

[nancy]

اية يا نسر المواصفات الرهيبة دى دى مش تخليك تقعد للتلاتين لا يابنى دة انت تطلع معاش وتدور برضة

نزل صورتك لحسن فضحتنا وشكلنا مش حنشوفلك بنت حلال وانت ببتاخر كدة

[Guest النسر المصري]

حرام عليك يانانسي

انت بتشكي في

انا بس خايف من سو لحسن يقطع رقبتي من المنتدى

ثم اني ماقدرش ابعد عن حبايبي اعضاء المنتدى...ده الغربه صعبة اوي يانانسي

وبعدين ادي زعلان اهو عرض علي بنته يارب يوافق

عموما

اقسم بالله العظيم اني حاولت ميت مره احط صورتي

والنهارده بالذات قاعد انا وسي السيد نبعت رسايل خاصة لبعض

وسي السيد ماقصرش ...بس والله مانفعت الحكاية..وبردو فشلت

انا كده فعلا بقيت اقلق الناس واولهم حدوته مصرية اهي بدات تقلب علي وانا خايف ازعلها

من الآخر انا عندي حل سحري

حد يديلي الاميل بتاعه ابعتله صورتي ولمواصفات وهو يتفضل متكرما بوضعها في مشاركه هنا

الو الو الو

هل من مجيب

حول

[Guest النسر المصري]

على فكرة ياسو

الادارة مجتمعة دلوقتي وناوية تخلص علي من تحت راسك....عاجبك كدة...

انا بقيت اشك انهم بعتوا لي فيروس بجلد حمار مخطط على شكل خروف وراسه راس عجل كبير

علشان يمنع وضع الصوره على المتدى

اراهن انك انت اللي خليتهم ينعلوا علي

طب اية رايك اني كنت ناوي استضيف عمر ابنك عندي في برنامج اطفال وقلت اهو يبقى من باب الرشوة عشان تسكت حبتين وتخلينا نعرف نتنيل نتجوز

نهايته انا بطالب برع الحظر عن مشاركتي الصورية.....ياجماعة الحقوووني.....انا عديت التلاتييينيي

[yasovinas]

نسر يا حبيبي تصدق قطعت قلبي يا ابني

طيب ايه رايك انا بقى عندي ليك عروسة بس من اهل الامارات قصدي مصريه عايشة في الامارات وتحديدا في الشارقة

اما حكاية انك ارسلت صورتك للغالي س س وانه ما عرفش ينزلها هو كمان فدة معناه ان بلاها صورة يا طيب دا س س سييين سيييييين خاف ينزلها يا مبجل شوف انت بقى

كلمة على جنب كدة (زعلان اعذب ولا يعول ) انت بص تحط ثقلك كلة على جومانه بنت طفشان او تشوف اخت فرح بنت الحاجه فريده رضي الله عنها وارضاها يللا يا عم تبقى انت والواد محمد عدايل لان محمد خاطب فرح والصراحه راحه يا صاحبي انا عندي مرح بس دي مخطوبة خلاص

اما بقى لموضوع الواد عمر فبعيد عنك يا صاحبي دا ما ينفعش في التليفزيون لانه عيل ما لهوش حل بعدي عنك قمة الشقاوة والعفرته اضافة الى انه طمع في السفالة اللي في الدنيا كلها فاخدها لنفسة

[مصرية الهوى]

معليش يا عمرو ..

بس انا مش فاكره ان الموضوع بالسهولة دي ..

يعني الحكاية مش حكاية صورة وبس ..

مفتكرش انه فيه بنت هتتجوز من صورة ...

حاسه ان الموضوع اكبر من كده ..

ومش عارفه ليه .. حاسه موضوع جوزات النت ده .. مش اوي بصراحة ..

النت مش مجتمع واقعي .. عالم افتراضي ..

حاجات كتيرة متعرفهاش عن الشخص اللي معاك ..

كل اللي بتعرفه عنه هو شوية كلام بيكتبه .. يمكن لا يعبر عن شخصيته الحقيقية ..

انت مبتشوفوش الواحد وهو بيتكلم .. بيضحك .. بيزعل .. بيتعامل مع اللي قدامه .. بيتصرف ازاي في المواقف المختلفة ..

وبعدين مفتكرش انه فيه بنت هتشوف صورة شاب على النت وتبعتله تقوله انا عايزه اتجوزك ..صعبة جدا ان بنت تعمل كده ..

ومعليش بقى سامحني انت شكلك مش عايز تتجوز

يعني معقول تقابل 22 عروسة ومفيش حد يعجبك .. ده كتير اوي <_<

بس لو فعلا انت مقتنع بالجواز عن طريق النت ..

انا بانصحك تزور المواقع الموثوقة لطلبات الزواج عن طريق النت ,,,,,

وربنا يرزقك ببنت الحلال ..

ويرزقنا باولاد الحلال ..

[Guest النسر المصري]

شفتي بقى ياجيجي

شفتي انت كلماتك ازاي صادقة وذات احساس ومعنى وطالع من القلب

اهو بقى باقي الناس اللي بيدورا على صدقات عالنت او زواج هم كمان في منهم واقعي وصادق وفي منهم مخادع

بس هنا انا لازم اوضح صوره مهمة

احنا هنا مش اول مرة نعرف بعض

انا عضو في المنتدى من تلات سنين وانت كذلك

وعارفين بعض من زمان..ومواضيعي واحدة تقريبا...اكره العلمانيين...بعتز بعروبتي ....بحب الضحك والمرح....عاوز اتجوز...ايه رايكم في الرسم

هي دي مواضيعي ...زي مانت عندك مواضيع ثابتة وقريبه على قلبك

اما اني اشوف 22 عروسة ومايحصلش نصيب بينا ..مرة من عندي...ومرة من عندها...(وانا ذكرت انها لاسباب ليس من بينها اننا لم نعجب ببعض) فهو ده نصيب...انت بتسعى والباقي على ربنا

وذكرت اني باستخير ربنا...وأدعي بالتوفيق.....فإن لم يحدث.....اذا النصيب لم يأتي....لاني عملت اللي علي دينيا ودنيويا

ولا ارى مانع في اني ابحث عالنت من خلال مواقعي اللي اثق في اعضائها...وأولهم محاورات المصريين ...لانهم هم اهلي ووطني الأول عالنت....مش مواقع الجواز والنصيب اللي لسة معرفش هم مين .....واكيد هم مش افضل مننا هنا اللي احنا هنا باكورة المثقفين والمبدعين والمحترمين...

مش كده ولا إيه ياجيجي

الحقني ياعم سو بالعروسه اللي عندك....ثم مين قالك اني بعت صورتي لسي السيد..انا مابعتهاش..انما هو قالي ازاي انزلها...ومافلحتش الطريق...اديني اميلك عشان ابعتلك صورتي وتنزلهالي انت ...وكمان عشان توريها للعروسة اللي عندك...وربنا يكتب اللي فيه الخير

[Guest النسر المصري]

شفتي بقى ياجيجي

شفتي انت كلماتك ازاي صادقة وذات احساس ومعنى وطالع من القلب

اهو بقى باقي الناس اللي بيدورا على صدقات عالنت او زواج هم كمان في منهم واقعي وصادق وفي منهم مخادع

بس هنا انا لازم اوضح صوره مهمة

احنا هنا مش اول مرة نعرف بعض

انا عضو في المنتدى من تلات سنين وانت كذلك

وعارفين بعض من زمان..ومواضيعي واحدة تقريبا...اكره العلمانيين...بعتز بعروبتي ....بحب الضحك والمرح....عاوز اتجوز...ايه رايكم في الرسم

هي دي مواضيعي ...زي مانت عندك مواضيع ثابتة وقريبه على قلبك

اما اني اشوف 22 عروسة ومايحصلش نصيب بينا ..مرة من عندي...ومرة من عندها...(وانا ذكرت انها لاسباب ليس من بينها اننا لم نعجب ببعض) فهو ده نصيب...انت بتسعى والباقي على ربنا

وذكرت اني باستخير ربنا...وأدعي بالتوفيق.....فإن لم يحدث.....اذا النصيب لم يأتي....لاني عملت اللي علي دينيا ودنيويا

ولا ارى مانع في اني ابحث عالنت من خلال مواقعي اللي اثق في اعضائها...وأولهم محاورات المصريين ...لانهم هم اهلي ووطني الأول عالنت....مش مواقع الجواز والنصيب اللي لسة معرفش هم مين .....واكيد هم مش افضل مننا هنا اللي احنا هنا باكورة المثقفين والمبدعين والمحترمين...

مش كده ولا إيه ياجيجي

الحقني ياعم سو بالعروسه اللي عندك....ثم مين قالك اني بعت صورتي لسي السيد..انا مابعتهاش..انما هو قالي ازاي انزلها...ومافلحتش الطريق...اديني اميلك عشان ابعتلك صورتي وتنزلهالي انت ...وكمان عشان توريها للعروسة اللي عندك...وربنا يكتب اللي فيه الخير

[مصرية الهوى]

احترم وجهة نظرك يا عمرو ..

طالما انت مقتنع بكده ..

ربنا يوفقك ان شاء الله

ويرزقك ببنت الحلال اللي تسعدك ..

وكمان مش بشكك في صدقك .. لا والله ...

أنا اتكلم عن وجهة نظري كمتلقي ..

وطالما مصر انك تنزل صورتك .. بس هي مش راضية ( يمكن خير :unsure: )

حاول تتأكد من الـ path انه كله يبقى انجليزي ..

خلي اسم الصورة بالانجليزي ..لان انا مرة حصلتلي المشكلة دي ..

[nancy]

شوفى يا جيجي

هنا فى المنتدى دة الناس مش مضطرة تقول حاجات مش حساها فبلتالى هما مش بيكون شخصيات غيرشخصيتهم

وبعدين فيها اية لما يشوف 22 عروسة وميحصلش وفاق

انا زمااااااااااااان شفت 30 عريس فى سنة وحدة وكلهم معجبونيش يبقى العيب فى فين

طبعا مش فى حد مفيش نصيب وبس

طيب خلى موضوع الصورة على جنب لحد ما تعرف تحلة اكتب مواصفات بجد مش هزار للى عاوز تتجوزها ومعلومات عنك كاملة وتبتدى تشوف رد الفعل

[eastsoul]

يا جماعة كل شيء قسمة و نصيب.... :unsure:

يا بختك يا نسر ... شوفت كل الناس الحلوة دي بتحبك و عاوزة تساعدك... :ph34r:

ان شاء الله ربنا يرزقك ببنت الحلال و نفرح بيك كلنا :o

[Guest النسر المصري]

والله انا عيني دمعت من كتر ماشفت اهتمامكم لي ولموضوعي

انا مش عارف اقول اية...ازاي ممكن اشكركم...بجد أعظم كلام الدنيا من شكر وتجبيل لايكفي في ثناءكم

ربنا يخليكم لي كلكم ...وبغض النظر اذا حصل نصيب او لأ

فمعرفتي بيكم بتكفيني شرفاً

انا هاكتب مواصفاتي مع اني كان نفسي تبقى مع الصورة

[Guest النسر المصري]

الحقيقة اني اول مره فكرت فيها بالجواز كان عمري 18 سنة

وكانت ايامها الاختيارات اوسع وافضل وكانت امي يعطيها طول العمر دايما معايا في مشاركتي الرأي في اختياراتي

وفضلت على الحال ده لحد لما خلصت الكلية وخرجت من المولد بلا حمص

لان فنون جميلة كانت بالنسبة لي فرصة الاقي شريكة الحياة...ولكن شغفي بالعمل والتفوق في عملي وفني...كان السبب وراء تأخر الفكرة ..

رغم انه حدثة ثلاث محاولات تحديدا ولكنها كانت تصبح من دون نصيبي...حيث افاجأ بعد فترة ليست بقصيره..اما مخطوبة او مرتبطة على حد تعبيرهم

هنا بدأت مرحلة العمل وتفوقت في عملي الحمدلله..وضاعت مني فرصة تانية في مجال عملي لما كنت مدير فني على مجموعة كبيره من النساء

ولكن اهتمامي مرة اخرى بالعمل اضاع فرصة التقرب لهن حيث اجد فرصتي

حتى جئت الكويت وعملت هنا ...ولان المجتممع هنا غالبا ذكوري....فكانت فرصة ان ابحث من حولي شبه معدومة

وفي اول اجازة صيفية ذهبت الى مصر وقررت التنازل عن كل رغبات ومواصفاتي..وقلت(سيبها على بركة الله)

وفعلا خطبت واحدة قريبتي لم أرها من قبل وهي جميلة وفي الجامعة....ولكن بسبب تجاهلي لرغباتي...حيث اني تجاهلت فكرة ان شخصياتنا لا تركب على بعض

وقلت في قرارة نفسي ....بكرة نفهم بعض ....ولكن استمر الحال لسنة بدون اي تغيرات ..سوى انه صارت أسوأ..وانسحبت في هدوء شديد...ودعيت لها شخصيا بان يكرمها الله بمن هو افضل مني

وظللت لاكثر من اربع سنوات بعدها ذهابا وايابا الى مصر بحثا عن عروس بالطريقة التقليدية

ومازال البحث جاريا

أما المواصفات

الحقيقة بعد محاوراتي معاكم دي كلها اكتشفت ان محدش هيعرف الشخصية التانية ازاي الا بنفسك

لكن ده لايمنع بعض الثوابت الظاهرة

مثلا جامعية....هادئة (لاني بكره موووووووت الصوت العالي)....بتحب المرح ...عندها ميول دينيه ....بس ده بالنسبة للشخصية

اما الشكل ..بصراحة مش عارف ازاي ممكن اوصفها...لانه احيانا انا بشوف واحدة بالنسبة لي قمر...لكن بالنسبة لغيري عادية ويمكن اقل....

وعلى رأي المثل (القرد في عين أمه...غزال)

عموما انا بحبها تكون شكلها بنوته...يعني ماتكونش عامله زي الستات...لا يكون وشها طفولي كدة وكتكوتة...وده بسبب حبي الشديد للأطفال

فتلاقيني دايما منجذب للبنات الكتاكيت اللي عينيهم واسعه ورموشهم كبيرة ويمكن قصيريين كمان (لان انا طولي ??? وبالصلاتو عالنبي)

ها ..قولتو اية جماعة...نعجب ولا لأ....

ياسو نزل صورتي الله لايسيئك ياشيخ بحق جاه النبي :unsure: :ph34r: :o

[yasovinas]

النسر المصري

اضغط هنا

تحذير لضعاف القلوب ولمن اقل من 18 سنة وللحوامل انا غير مسؤول